ഷിക്കാഗോ: എസ്എംസിസി ഷിക്കാഗോ ചാപ്റ്ററിന്‍റെ ആഭിമുഖ്യത്തിൽ വെൽഫെയർ റിഫോമും അതിനോടനുബന്ധിച്ചുള്ള വിഷയങ്ങളേയും സംബന്ധിച്ച സെമിനാർ നടത്തപ്പെട്ടു.
സെമിനാറിന്‍റെ ഉദ്ഘാടനം നിർവഹിച്ചത് കത്തീഡ്രൽ അസിസ്റ്റന്‍റ് വികാരി റവ.ഡോ. ജയിംസ് അച്ചനായിരുന്നു. ജയിംസച്ചന്‍റെ പ്രാർത്ഥനയോടെ സെമിനാർ ആരംഭിച്ചു. അച്ചന്‍റെ ഉദ്ഘാടന പ്രസംഗത്തിൽ കമ്യൂണിറ്റിയുടെ നന്മയ്ക്കായി ഇത്തരത്തിൽ നടത്തപ്പെടുന്ന സെമിനാറുകളുടെ പങ്ക് വളരെ വലുതാണെന്ന് പറഞ്ഞു.
കത്തീഡ്രൽ ഇടവകാംഗവും ഇല്ലിനോയി സ്റ്റേറ്റ് എംപ്ലോയിയുമായ ജോസ് കോലഞ്ചേരിയാണ് ക്ലാസുകൾ നയിച്ചത്. സെമിനാറിൽ സദസ്യരുടെ ചോദ്യോത്തരങ്ങൾക്കും സംശയങ്ങൾക്കും മറുപടികൾ നൽകുകയും ഭാവിയിൽ ഇതുപോലുള്ള സെമിനാറുകൾക്ക് സഹായ സഹകരണങ്ങൾ വാഗ്ദാനം ചെയ്യുകയും ചെയ്തു.
എസ്എംസിസി പ്രസിഡന്‍റ് ഷിബു അഗസ്റ്റിൻ സ്വാഗതവും ജോണ്സണ് കണ്ണൂക്കാടൻ കൃതജ്ഞതയും പ്രകാശിപ്പിച്ചു. എസ്എംസിസി ഭാരവാഹികളായ മേഴ്സി കുര്യാക്കോസ്, ആന്േ‍റാ കവലയ്ക്കൽ, സണ്ണി വള്ളിക്കളം, ബിജി വർഗീസ്, ജേക്കബ് കുര്യൻ, ജോണ്സണ് കണ്ണൂക്കാടൻ, ഷിബു അഗസ്റ്റിൻ, ഷാജി കൈലാത്ത്, സജി വർഗീസ്, ആഗ്നസ് മാത്യു, ഷാബു മാത്യു, ജേക്കബ് ചക്കാലയ്ക്കൽ, ജോസഫ് നാഴിയംപാറ, ജയിംസ് ഓലിക്കര, ജോയി വട്ടത്തിൽ, കുര്യാക്കോസ് തുണ്ടിപ്പറന്പിൽ എന്നിവർ സെമിനാറിന്‍റെ നടത്തിപ്പിന് നേതൃത്വം നൽകി. പബ്ലിസിറ്റിക്കായി പത്രപ്രവർത്തകൻ ജോയിച്ചൻ പുതുക്കുളം സന്നിഹിതനായിരുന്നു.
റിപ്പോർട്ട്: ജോയിച്ചൻ പുതുക്കുളം