Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health Back to Home സീറോ മലബാർ സഭയുടെ അഭിമാനമുയർത്തി ഗ്രേറ്റ് ബ്രിട്ടൻ രൂപത സീറോ മലബാർ സഭയുടെ അഭിമാനം വാനോളമുയർത്തി ഗ്രേറ്റ് ബ്രിട്ടനിൽ പുതിയ രൂപത യാഥാർഥ്യമാകുകയാണ്. പുതിയ രൂപതയുടെ പ്രഖ്യാപനവും മെത്രാൻ നിയമനവും ബ്രിട്ടനിൽ കുടിയേറിയ സീറോ മലബാർ സഭാ വിശ്വാസികൾ ഏറെ ഉൾപ്പുളകത്തോടെയാണു ശ്രവിച്ചത്. പുതിയ രൂപത നിലവിൽ വരുന്നതോടെ തങ്ങൾക്കു പൈതൃകമായി ലഭിച്ച വിശ്വാസ ആചാരനുഷ്ഠാനങ്ങൾ അതിന്റെ തനിമ തെല്ലും ചോരാതെ അനുഷ്ഠിക്കാനാകുമെന്നതാണ് അവരെ സന്തോഷചിത്തരാക്കുന്നത്. ബ്രിട്ടനിലാകമാനം അധികാര പരിധി നൽകി, പ്രസ്റ്റൺ കേന്ദ്രമാക്കി ഫ്രാൻസിസ് മാർപാപ്പ പ്രഖ്യാപിച്ച രൂപതയിൽ നാൽപ്പത്തയ്യായിരത്തോളം വിശ്വാസികളുണ്ട്. ബ്രിട്ടനിലെ സീറോ മലബാർ വിശ്വാസ സമൂഹത്തിനു പൊതുവേ സുപരിചിതനാണു പ്രഥമ മെത്രാൻ മാർ ജോസഫ് സ്രാമ്പിക്കൽ. പാണ്ഡിത്യവും വിശ്വാസ തീക്ഷണതയും ആഴത്തിലുള്ള സഭാ സ്നേഹവും കൈമുതലായുള്ള അദ്ദേഹം, ബ്രിട്ടനിലെ സീറോ മലബാർ സഭാ സമൂഹത്തെ ഒരു കുടക്കീഴിൽ അണിനിരത്താനുള്ള ശ്രമങ്ങൾ ഇതിനോടകം തുടങ്ങിക്കഴിഞ്ഞു. ഗ്രേറ്റ് ബ്രിട്ടൻ രൂപതയുടെ നിയുക്‌ത മെത്രാൻ മാർ ജോസഫ് സ്രാമ്പിക്കൽ ദീപികയ്ക്കു നൽകിയ അഭിമുഖത്തിൽ നിന്ന് പുതിയ ദൗത്യത്തെക്കുറിച്ച്? കരുണയുടെ അസാധാരണ ജൂബിലി വർഷത്തിൽ ഫ്രാൻസിസ് മാർപാപ്പ എന്നെ ഏൽപിച്ചിരിക്കുന്ന ഈ ദൗത്യം ശ്ലീഹന്മാരുടെ ശുശ്രൂഷയുടെ തുടർച്ചയായി കാണുന്നു. പുതിയ രൂപതയുടെ കീഴിൽ വരുന്ന എല്ലാ സീറോമലബാർ വിശ്വാസികളുടേയും പ്രാർഥനയും പിന്തുണയും ആഗ്രഹിക്കുന്നു. മെത്രാനായി നിയമിതനായെന്ന് അറിഞ്ഞനിമിഷം ? രക്ഷാകരചരിത്രത്തിൽ പങ്കാളിയായ പരിശുദ്ധ ദൈവമാതാവിന്റെ ചിത്രമാണു മനസിൽ ആദ്യം തെളിഞ്ഞത് “എന്റെ ആത്മാവ് കർത്താവിനെ മഹത്വപ്പെടുത്തുന്നു. ശക്‌തനായവൻ എന്നിൽ വലിയ കാര്യങ്ങൾ ചെയ്തിരിക്കുന്നു” എന്നീ വചനഭാഗം പെട്ടെന്നു മനസിലേക്കു കടന്നുവന്നു. വിശുദ്ധ അൽഫോൻസാമ്മയുടെ അനുസ്മരണ ദിനത്തിൽ ദൈവം കനിഞ്ഞു നൽകിയ വലിയ അനുഗ്രഹമായി പുതിയ ദൗത്യത്തെ നന്ദി നിറഞ്ഞ ഹൃദയത്തോടെ കാണുന്നു. പുതിയ രൂപതയുടെ സ്‌ഥാപനം ? ലങ്കാസ്റ്റർ രൂപതാധ്യക്ഷൻ അഭിവന്ദ്യ ബിഷപ് ഡോ. മൈക്കിൾ ജി. കാംബെൽ ഒഎസ്എയുടെ ഉദാരമനസ്കതയുടെ ഫലമായി ആ രൂപതയിലെ പ്രസ്റ്റൺ ഇടവക ദേവാലയവും വൈദികമന്ദിരവും സീറോമലബാർ സഭയ്ക്ക് ഉപയോഗത്തിനു വിട്ടു നൽകി. ഇതാണു പ്രസ്റ്റൺ കേന്ദ്രമായി ഗ്രേറ്റ് ബ്രിട്ടണിലെ സീറോമലബാർ സഭ വിശ്വാസികൾക്കായി പുതിയ രൂപത യാഥാർഥ്യമാകാൻ ഇടയായത്. വിശ്വാസികളെക്കുറിച്ച്? നാൽപ്പത്തയ്യായിരത്തോളം വിശ്വാസികളാണ് ഇപ്പോഴവിടെയുള്ളത്. 155 കേന്ദ്രങ്ങളിലായി വിശുദ്ധ കുർബാന സമൂഹങ്ങളുണ്ട്. മേജർ ആർച്ച്ബിഷപ് കർദിനാൾ മാർ ജോർജ് ആലഞ്ചേരി പിതാവ് അയച്ച 25 സീറോമലബാർ സഭാ വൈദികർ അവരുടെ ചാപ്ലയിൻമാരായി ശുശ്രൂഷ ചെയ്യുന്നുണ്ട്. മറ്റ് 25 വൈദികർക്കൂടി സഹകരിക്കുന്നുണ്ട്. സിഎംസി സന്യാസിനിമാരുടെ ഒരു കോൺവന്റും പ്രസ്റ്റണിലുണ്ട്. രൂപതയുടെ ഭൂമിശാസ്ത്രപരമായ അതിർത്തികൾ ? ഇംഗ്ലണ്ട്, വെയിൽസ്, സ്കോട്ട്ലൻഡ് എന്നിവിടങ്ങളിലായി രൂപത വ്യാപിച്ചുകിടക്കുന്നു. പുതിയ ബിഷപ്സ് ഹൗസും കത്തീഡ്രലും? പ്രസ്റ്റൺ ഇടവകദേവാലയമാണു പുതിയ കത്തീഡ്രൽ. വിശുദ്ധ അൽഫോൻസാമ്മയുടെ നാമധേയത്തിലാകും ഈ കത്തീഡ്രൽ. ഇതിനോട് ചേർന്നു രൂപതാ കാര്യാലയവും പ്രവർത്തിക്കും. പള്ളികൾ? സീറോ മലബാർ വിശ്വാസികൾക്കായി 155 കേന്ദ്രങ്ങളിലായി വിശുദ്ധ കുർബാന സമൂഹങ്ങളാണുള്ളത്. രൂപതയ്ക്കു സ്വന്തമായി പള്ളികളെന്നത് നമ്മുടെ ലക്ഷ്യമാണ്. യുകെയിലെ മലയാളികൾ? യൂറോപ്പിലേക്കു കുടിയേറുന്നവർ സാധാരണ നിലയിൽ അവിടെ തുടരുന്നതായാണു കാണുന്നത്. ഇതു ഗ്രേറ്റ്ബ്രിട്ടണിലും പ്രതീക്ഷിക്കാം. മാതൃസഭയുടെ കരുതലും സ്നേഹവും ആധ്യാത്മിക മുന്നേറ്റവും വേണ്ടുവോളം നൽകുന്നതിലൂടെ അവർക്ക് സന്തോഷത്തോടെ അവിടെ തുടരാനാകും. വിശ്വാസപരിശീലന പദ്ധതികൾ ? രൂപതയില്ലായിരുന്നുവെങ്കിലും അവിടുത്തെ വിശ്വാസികൾക്ക് കരുത്തു പകർന്നു ധാരാളം വൈദികരും അത്മായ പ്രേക്ഷിതരും ശ്ലാഘനീയമായ ശുശ്രൂഷ നിർവഹിച്ചുവരുന്നുണ്ട്. അവയുടെ തുടർച്ചയും വളർച്ചയുമാണു രൂപത സ്‌ഥാപനത്തിലൂടെ ലക്ഷ്യം വയ്ക്കുന്നത്. ഇടയനടുത്ത ആഴത്തിലുള്ള പ്രവർത്തനങ്ങൾ, രൂപത നേതൃത്വം, ഇടവക സംവിധാനം, കുടുംബ കൂട്ടായ്മകൾ, പ്രാർഥനാസമ്മേളനങ്ങൾ, ധ്യാനങ്ങൾ, വ്യക്‌തിബന്ധങ്ങൾ എന്നിവയിലൂടെ വിശ്വാസപരിശീലനം കൂടുതൽ ആഴപ്പെടുത്താൻ ശ്രമിക്കും. പുതുതലമുറയെ വിശ്വാസ പാരമ്പര്യത്തിൽ നിലനിറുത്താൻ? സീറോമലബാർ സഭയുടെ ആരാധനക്രമവും ആധ്യാത്മികതയും ദൈവശാസ്ത്രവും ശിക്ഷണക്രമവും പുതിയ തലമുറയ്ക്ക് ഗ്രാഹ്യമായ ഭാഷയിൽ കൈമാറുന്ന സാഹചര്യം സൃഷ്‌ടിക്കാനാണ് ആഗ്രഹിക്കുന്നത്. മാതാപിതാക്കളുടെ വിശ്വാസത്തെ ഉജ്‌ജ്വലിപ്പിക്കാനും ഇതിലൂടെ ഇളംതലമുറയെ വിശ്വാസത്തിൽ പ്രകാശിപ്പിക്കാനും കഴിയുന്ന മുഴുവൻ സാഹചര്യങ്ങളും പ്രയോജനപ്പെടുത്തും. പുതുതലമുറയെ പൂർണവിശ്വാസത്തിലെടുത്ത് അവരുടെ ഭാഷയിൽ അവരോട് സംവദിക്കാൻ ശ്രമിക്കും. ബന്ധങ്ങളിലെ ഇഴയടുപ്പം നിലനിറുത്താൻ ? കുടുംബം കരുതലിന്റെ കലാലയവും ബന്ധങ്ങളുടെ സർവകലാശാലയുമാണ്. ഈ കലാലയത്തിൽ നിന്നാണ് എല്ലാവിധ മൂല്യങ്ങളും നാം ആർജിക്കുന്നത്. ഇതിനാൽതന്നെ കുടുംബങ്ങളുടെ അജപാലനം, കുടുംബപ്രേഷിതത്വം എന്നിവ സഭയുടെ ആത്മാവും ഹൃദയവുമാണ്. ആടുകളുടെ ഗന്ധമറിയുന്ന ഒരിടയനാകുക എന്ന മാർപാപ്പായുടെ ആഹ്വാനമാണ് ഇക്കാര്യത്തിൽ എന്റെ കാഴ്ചപ്പാടിന്റെ അടിസ്‌ഥാനം. ഇടയനടുത്ത പ്രവർത്തനങ്ങളിലൂടെ കുടുംബബന്ധങ്ങൾ ശക്‌തമാക്കാനാകുന്ന എല്ലാവിധ സാഹചര്യങ്ങളും സൃഷ്‌ടിക്കുകയും ശൈഥില്യം കടന്നുവരാതിക്കാനുളള ശ്രമങ്ങൾ ശക്‌തമാക്കുകയും ചെയ്യും. പ്രതികൂല സാഹചര്യങ്ങൾ ? വ്യക്‌തിവാദവും അമിതസ്വാതന്ത്ര്യവാഞ്ഛയും എല്ലാ മേഖലകളേയും ബാധിച്ചിട്ടുണ്ട്. ഈ പ്രതികൂല സാഹചര്യങ്ങളിലും തീക്്ഷണമതികളായ ഒട്ടേറെ വിശ്വാസികൾ യൂറേപ്പിലുണ്ട്. 21 വർഷമായി പാശ്ചാത്യലോകത്തെ അറിയുകയും ഒൻപതു വർഷം അവിടെ ജീവിക്കുകയും ചെയ്ത വ്യക്‌തിയുമെന്ന നിലയിൽ എനിക്ക് ഉറച്ച ബോധ്യത്തോടെ പറയാൻ കഴിയും, തിരുവചനം പ്രഘോഷിക്കപ്പെടുകയും കൂദാശകൾ പരികർമം ചെയ്യപ്പെടുകയും പ്രാർഥനാകൂട്ടായ്മയിൽ ഒരുമിച്ചു ചേർന്നു പങ്കുവയ്ക്കുകയും ചെയ്യുന്ന സഭാസമൂഹത്തെ ഇത്തരം വാദങ്ങൾ ബാധിക്കില്ല. അകന്നു നിൽക്കുന്നവരുണ്ടെങ്കിൽ ഇടയനടുത്ത സ്നേഹത്തിലൂടെ അവരെ സഭയോട് ചേർത്തുനിറുത്താൻ ആവുന്നതെല്ലാം ചെയ്യും. മാതൃസഭയുമായുള്ള ബന്ധം ? രണ്ടാം വത്തിക്കാൻ സൂനഹദോസിന്റെ കാഴ്ചപ്പാടനുസരിച്ച് എല്ലാ വ്യക്‌തി സഭകളും അവർ എവിടെയായിരുന്നാലും അവരുടെ ആരാധനക്രമവും ആധ്യാത്മികതയും ദൈവശാസ്ത്രവും ശിക്ഷണക്രമവും പാലിക്കണം. ഈ പൈതൃകം പുതിയ തലമുറയ്ക്ക് ഗ്രാഹ്യമായ ഭാഷയിൽ പകർന്നു കൊടുക്കണം. മാതൃസഭയോടുള്ള അഭേദ്യമായ ബന്ധം ലോകത്തെല്ലായിടത്തുമുള്ള സീറോമലബാർ സഭാ മക്കൾ പുലർത്തണം. ഇവയിൽ ഉറച്ചുനിന്നു സഭാശുശ്രൂഷകളെ ഫലപ്രദമായി ക്രമീകരിക്കും. സാമൂഹ്യവിപത്തുകൾ ? ജീവിതത്തിന് ലക്ഷ്യബോധവും ദൗത്യചിന്തയും നൽകുന്നതിനൊപ്പം സഭാ ശുശ്രൂഷകളിൽ ഇവരെ കൂടുതൽ സജീവമാക്കുന്നതിലൂടെ സാമൂഹിക വിപത്തുകളിൽ നിന്ന് വിടുതൽ നേടാൻ അവർക്ക് കഴിയും. വൈകിയെത്തിയ ദൈവവിളി ? ജീവിതത്തിലെ എല്ലാ സംഭവങ്ങളും ദൈവികപദ്ധതിയുടെ ഭാഗമായാണ് ഞാൻ മനസിലാക്കുന്നത്. ദൈവത്തിന്റെ വിളിക്ക് ഞാൻ യഥാസമയം പ്രത്യുത്തരം നൽകിയെന്നാണ് വിശ്വസിക്കുന്നത്. ദൈവവിളിയെ കൂടുതൽ പക്വതയോടെ ഏറ്റുവാങ്ങാൻ എന്റെ കലാലയ ജീവിതവും അക്കാലത്തെ അനുഭവങ്ങളും ഏറെ സഹായിച്ചിട്ടുണ്ട്. പാലാ സെന്റ് തോമസ് കോളജിൽ നിന്ന് എം.എ കഴിഞ്ഞ് പാലാ സെന്റ് തോമസ് കോളജ് ഓഫ് ടീച്ചർ എഡ്യൂക്കേഷനിൽ ബിഎഡ് പഠനം നടത്തുന്നതിനിടയിലാണ് വൈദികനാകണമെന്ന ആഗ്രഹമുണ്ടായത്. അക്കാലത്ത് എന്റെ ഇടവകയായ ഉരുളികുന്നത്ത് ഫാ. തോമസ് ഓലിക്കലാണു വികാരി. അദ്ദേഹമാണ് എന്നിലെ ദൈവവിളി മനസിലാക്കിയതും പ്രോത്സാഹിപ്പിച്ചതും. ബിഎഡ് പൂർത്തീകരിച്ച് ഫലം അറിയുന്നതിനുമുമ്പ് പാലാ രൂപതയുടെ ഗുഡ് ഷെപ്പേർഡ് മൈനർ സെമിനാരിയിൽ ചേർന്നു വൈദിക പഠനം ആരംഭിച്ചു. മറക്കാനാവാത്ത നിമിഷം? ഇനിയും ഏറെ കാര്യങ്ങൾ ചെയ്യാനുണ്ടെന്നു ബനഡിക്ട് മാർപാപ്പാ കാതിൽ മന്ത്രിച്ചതാണു ജീവിതത്തിൽ മറക്കാനാവാതെ നിൽക്കുന്നത്. 2011 മാർച്ച് 31ന് മലബാർ സഭാ മെത്രാന്മാരുടെ ആദ്ലിമീന സന്ദർശനത്തോടനുബന്ധിച്ച് മാർ ജോസഫ് കല്ലറങ്ങാട്ട് പിതാവിനൊടൊപ്പം റോമിലെ ശ്ലൈഹിക കൊട്ടാരത്തിൽ ബനഡിക്ട് പതിനാറാമാൻ പാപ്പായെ സന്ദർശിച്ചപ്പോഴായിരുന്നു ആ സംഭവം. മാർപാപ്പായുടെ മുൻപിൽ മുട്ടുകുത്തി നിന്ന എന്നെ ആശീർവദിച്ചശേഷം ഇനിയും ധാരാളം കാര്യങ്ങൾ ചെയ്യാനുണ്ടെന്ന സന്ദേശം എന്റെ ചെവിയിൽ പരിശുദ്ധ പിതാവ് മന്ത്രിക്കുകയായിരുന്നു. സന്തോഷകരമായ ഓർമ ? കോട്ടയം വടവാതൂർ സെമിനാരിയിൽ ഫിലോസഫി വിദ്യാർഥിയായിരിക്കെ 1995 ജനുവരി എട്ടിന് ദൈവശാസ്ത്രപഠനത്തിനായി റോമിലെ പൊന്തിഫിക്കൽ ഉർബൻ സെമിനാരിയിലേക്ക് അയയ്ക്കാനുള്ള തീരുമാനം അഭിവന്ദ്യ മാർ ജോസഫ് പള്ളിക്കാപറമ്പിൽ പിതാവ് എന്നെ അറിയിച്ച നിമിഷം ഏറെ സന്തോഷം തോന്നി. പത്രോസ്–പൗലോസ് ശ്ലീഹന്മാരുടെ കബറിടങ്ങൾ സ്‌ഥിതി ചെയ്യുന്ന പുണ്യഭൂമി നേരിൽ കാണാൻ കഴിയുകയെന്നത് എന്റെ മനസിലെ വലിയ ആഗ്രഹമായിരുന്നു. വൈദികനിൽ നിന്നു മെത്രാനിലേക്കുള്ള വളർച്ച പെട്ടെന്നായിരുന്നോ? ദൈവിക പദ്ധതിയുടെ ഭാഗമായി മാത്രമേ മെത്രാൻ തെരഞ്ഞെടുപ്പിനെ ഞാൻ കാണുന്നുള്ളൂ. 16 വർഷത്തെ വൈദിക ജീവിതത്തിൽ കുറവുകളേറെയുണ്ടായിട്ടും സഭാശുശ്രൂഷയ്ക്ക് ഏറെ അവസരങ്ങൾ കിട്ടി. സെമിനാരികളിലും ബിഎഡ് കോളജിലും അധ്യാപകൻ, രൂപത മെഡിക്കൽ എഡ്യൂക്കേഷൻ ട്രസ്റ്റ് സെക്രട്ടറി, മാർ സ്ലീവാ കോളജ് ഓഫ് നഴ്സിംഗിന്റെയും വാഗമൺ മൗണ്ട് നെബൊ ധ്യാനകേന്ദ്രത്തിന്റെയും പ്രഥമ ഡയറക്ടർ, രൂപതയിലെ മൂവായിരത്തിലേറെ വരുന്ന കുടുംബക്കൂട്ടായ്മ യൂണിറ്റുകളുടെ ഏകോപന ച്ചുമതലയുള്ള രൂപത ഡയറക്ടർ, ഭരണങ്ങാനത്തു നടന്ന രൂപത ബൈബിൾ കൺവൻഷൻ ജനറൽ കൺവീനർ, രൂപതയുടെ മാധ്യമവിഭാഗം ചുമതലക്കാരൻ, മാർ ജോസഫ് കല്ലറങ്ങാട്ടിന്റെ സെക്രട്ടറി, മാർ ജോസഫ് കല്ലറങ്ങാട്ടിന്റെയും മാർ ജേക്കബ് മുരിക്കന്റെയും മെത്രാഭിഷേക ചടങ്ങുകളുടെ മാസ്റ്റർ ഓഫ് സെറിമണി, സ്വന്തം ഇടവകയായ ഉരുളികുന്നത്ത് വികാരി, 1627–ൽ റോമിൽ സ്‌ഥാപിതമായ പൊന്തിഫിക്കൽ ഉർബൻ സെമിനാരി വൈസ് റെക്ടർ തുടങ്ങിയ നിലകളിലെ ശുശ്രൂഷകളിലൂടെ സഭ എന്നെ വളർത്തുകയായിരുന്നു. പൗരസ്ത്യ ആരാധനാക്രമത്തെക്കുറിച്ച് ? റോമിലെ ദൈവശാസ്ത്ര പഠനവും ബൈബിൾ വിജ്‌ഞാനിയത്തിലെ ഉന്നത പഠനവും ഓക്സ്ഫോർഡിലെ പൗരസ്ത്യ ദൈവശാസ്ത്ര പഠനവും പൗരസ്ത്യ ആരാധനക്രമത്തെക്കുറിച്ച് ആഴത്തിൽ മനസിലാക്കാൻ സഹായിച്ചു. ആദർശ വാക്യം? സുവിശേഷകന്റെ ജോലി ചെയ്യുക (2 തിമോ. 4:5) മെത്രാനായെന്ന് അമ്മ അറിഞ്ഞപ്പോൾ ? മെത്രാൻ പ്രഖ്യാപനവുമായി ബന്ധപ്പെട്ട് ജൂലൈ 28ന് കാക്കനാട്ടേക്കുള്ള യാത്രയ്ക്കിടയിലാണ് അമ്മയെ ഫോണിൽ വിളിച്ചത്. അപ്പോഴും കാര്യം പറഞ്ഞില്ല. പ്രാർഥിക്കണമെന്നും അനുഗ്രഹിക്കണമെന്നും മൂന്നരയ്ക്ക് ടിവി കാണണമെന്നും മാത്രം പറഞ്ഞു. സത്യത്തിൽ അമ്മ ടിവിയിലൂടെയാണു മെത്രാൻ നിയമന വാർത്ത അറിഞ്ഞത്. കോളജിൽ വിദ്യാർഥി നേതാവ് ? പാലാ ബിഎഡ് കോളജിൽ യൂണിയൻ ചെയർമാനും സെന്റ് തോമസ് കോളജിൽ പി.ജി. വിദ്യാർഥികളുടെ പ്രതിനിധിയുമായിരുന്നു. ഇവിടെയൊന്നും രാഷ്ട്രീയ പാർട്ടിയുടെ ആളായല്ല മത്സരിച്ചതും ജയിച്ചതും. യുവജനങ്ങളെക്കുറിച്ച്? പ്രേഷിത ചൈതന്യമുള്ള യുവജനങ്ങൾ സഭയ്ക്കു വലിയ ഉണർവും തീക്ഷണതയും സമ്മാനിക്കും. യുവജനങ്ങൾ ആയിരിക്കുന്നിടത്തെല്ലാം ഈശോയെ അറിയാനും അറിയിക്കാനുമുള്ള അവസരങ്ങളുണ്ടാകണം. സഭ യുവജനങ്ങളോടു സംസാരിക്കേണ്ടത് അവരുടെ ഭാഷയിലാണ്. ഏറ്റവും സ്വാധീനിച്ച വ്യക്‌തി ? പോപ്പ് എമിരിത്തൂസ് ബനഡിക്ട് പതിനാറാമന്റെ ദർശനങ്ങളും പഠനങ്ങളും കാഴ്ചപ്പാടുകളും ഏറെ സ്വാധീനിച്ചിട്ടുണ്ട്. പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട് പിതാവാണ് ഏറെ സ്വാധീനിച്ച വ്യക്‌തി. ദുഃഖകരമായ നിമിഷം? എന്റെ പിതാവിന്റെ നിര്യാണമാണു ജീവിതത്തിൽ ഏറ്റവും വിഷമമുണ്ടാക്കിയ അനുഭവം. 1982 ഏപ്രിൽ 24ന് 48–ാമത്തെ വയസിലായിരുന്നു പിതാവിന്റെ ആകസ്മിക വിയോഗം. കുടുംബത്തെക്കുറിച്ച് ? എനിക്ക് 15 വയസുള്ളപ്പോഴാണ് പിതാവ് മാത്യു സ്രാമ്പിക്കൽ ഞങ്ങളെ വേർപിരിഞ്ഞത്. അമ്മ ഏലിക്കുട്ടി പൂവരണി പൂവത്താനിക്കൽ മാപ്പലകയിൽ കുടുംബാംഗം. ഇപ്പോൾ ഇളയസഹോദരനൊപ്പം തറവാട്ടിൽ താമസിക്കുന്നു. എനിക്ക് അഞ്ച് സഹോദരന്മാരുണ്ട്. മാത്യു, ജോസ്, ഷാജി, ബിജു, ജിപ്സൺ. എല്ലാവരും വിവാഹിതരായി കുടുംബജീവിതം നയിക്കുന്നു. സഹോദരപുത്രന്മാരും പുത്രിമാരുമായി 13 പേരുണ്ട്. അവരിൽ രണ്ടുപേർ വിവാഹിതരായി. ഇവരിൽ ഒരാൾക്കു രണ്ടുമക്കളുമായതോടെ ഇപ്പോൾ ഞങ്ങളുടെ കുടുംബം നാലുതലമുറയായി. ഈ തലമുറകളിലായി 29 അംഗങ്ങളുണ്ട്. തയാറാക്കിയത്: ജിമ്മി ഫിലിപ്പ് വചനത്തിന്‍റെ പ്രവർത്തികൾ അനന്തം: മാർ ജോസഫ് സ്രാമ്പിക്കൽ ബ്രിസ്റ്റോൾ: വചനം മാംസമായ ഈശോയുടെ പ്രവർത്തികൾ അദ്ഭുതകരവും അനന്തവുമാണന്നും അതിന്‍റെ വ്യാപ്തി മനസിലാക്കാൻ നാം പരിശുദ്ധ കന്യാമറിയത്തേപോലെ ഹൃദയ തുറവി ഉള്ളവരായിരിക്കണമെന്നും ഗ്രേറ്റ് ബ്രിട്ടൺ സീറോ മലബാർ രൂ തിരുസഭയിലെ കൂദാശകളിലൂടെ ഈശോ ഇന്നും കാൽ കഴുകുന്നു: മാർ സ്രാന്പിക്കൽ പ്രസ്റ്റണ്‍: ഈശോ തന്‍റെ 12 ശിഷ്യന്മാരുടെ കാൽ കഴുകി വിശുദ്ധ കുർബാനയും പൗരോഹിത്യവും സ്ഥാപിച്ച പെസഹാദിനത്തിന്‍റെ അനുസ്മരണം ഗ്രേറ്റ് ബ്രിട്ടൻ സീറോ മലബാർ രൂപതയുടെ വിവിധ വിശുദ്ധ കുർബാന സെന്‍ററുകളിൽ ഭക്തി വിശ്വാസമുള്ളവരോടു ദൈവം കരുണ കാണിക്കുന്നു: മാർ സ്രാന്പിക്കൽ പ്രസ്റ്റണ്‍; വിശുദ്ധവാര തിരുക്കർമങ്ങൾക്കു ഗ്രേറ്റ് ബ്രിട്ടൻ രൂപതയുടെ വിവിധ ഭാഗങ്ങളിൽ ഓശാനത്തിരുനാളിൽ ഭക്തിസാന്ദ്രമായ തുടക്കം. വിവിധ സ്ഥലങ്ങളിൽ ഇന്നലെയും ഇന്നുമായി നടന്ന ഓശാനകുർബാനയ്ക്കും കുരുത്തോല വെ ഗ്രേറ്റ് ബ്രിട്ടൻ സീറോ മലബാർ രൂപതയിൽ പഞ്ചവത്സര അജപാലന പദ്ധതിക്ക് തുടക്കം കുറിച്ചു ലണ്ടൻ: രൂപതാംഗങ്ങളുടെ വിശ്വാസോജ്ജ്വലനം ലക്ഷ്യമാക്കി രൂപം നൽകിയ പഞ്ചവത്സര അജപാലന പദ്ധതിയും കുട്ടികളുടെ വർഷവും രൂപതാധ്യക്ഷൻ മാർ ജോസഫ് സ്രാന്പിക്കൽ ലണ്ടൻ ഹൗണ്‍സ്ലോയിൽ ഉദ്ഘാടനം ചെയ്തു. കുട്ടികളുടെ വി ഗ്രേറ്റ് ബ്രിട്ടൻ രൂപതയുടെ പ്രഥമ പ്രതിനിധി സമ്മേളനം ചരിത്രമായി വെയിൽസ്: ഗ്രേറ്റ് ബ്രിട്ടൻ സീറോ മലബാർ രൂപത ഒരു വർഷം പിന്നിട്ടശേഷം നടന്ന ആദ്യ രൂപത സമ്മേളനം ചരിത്രമായി. മിഡ് വെയിൽസിലെ കെഫെൻലി പാർക്കിൽ നടന്ന ത്രിദിന സമ്മേളനത്തിൽ രൂപതാധ്യക്ഷൻ മാർ ജോസഫ് സ്രാന്പിക്കൽ സ്വർഗരാജ്യത്തെ ലക്ഷ്യമാക്കി തീർഥാടനം ചെയ്യുന്നവരുടെ സമൂഹമാണ് തിരുസഭ: മാർ ജോസഫ് സ്രാന്പിക്കൽ ന്യൂടൗണ്‍ (വെയിൽസ്): എല്ലാ ക്രിസ്ത്യാനികളുടെയും പൗരത്വം സ്വർഗത്തിൽ ആണെന്നും അതിനാൽ സ്വർഗത്തെ ലക്ഷ്യമാക്കിയാണ് നാമോരോരുത്തരും യാത്ര ചെയ്യേണ്ടതെന്നും ഗ്രേറ്റ് ബ്രിട്ടൻ രൂപതാധ്യക്ഷൻ മാർ സ്രാന്പിക്കൽ. ഗ വിശുദ്ധ ലിഖിത പഠനം നമ്മെ ജ്ഞാനികളാക്കുന്നു: മാർ സ്രാന്പിക്കൽ ബ്രിസ്റ്റോൾ: വിശുദ്ധ ലിഖിത പഠനം നമ്മെ ജ്ഞാനികളാക്കുന്നുവെന്നും അതിലൂടെ നമ്മൾ പൂർണത കൈവരിക്കുകയും എല്ലാ നല്ല പ്രവൃത്തികളും ചെയ്യുന്നതിന് പര്യാപ്തരാകുകയും ചെയ്യുന്നുവെന്ന് ഗ്രേറ്റ് ബ്രിട്ടൻ സീറോ മലബാർ സൗത്താംപ്ടണ്‍ റീജണ്‍ അഭിഷേകാഗ്നി കണ്‍വൻഷൻ ചരിത്രമായി സൗത്താംപ്ടണ്‍: ദൈവം തന്‍റെ ജനത്തെ ഒരുമിച്ചു കൂട്ടിയപ്പോൾ സംഘാടകർ പോലും പ്രതീക്ഷിച്ചതിനേക്കാളേറെ വിശ്വാസികൾ ഒഴുകിയെത്തിയ സൗത്താംപ്ടണ്‍ റീജണ്‍ അഭിഷേകാഗ്നി ഭക്തിസാന്ദ്രമായി. രാവിലെ ഒന്പതിന് ജപമാലയേ ഈശോയെ അറിയുന്നതാണ് കല്പനകളുടെ പൂർത്തീകരണം: മാർ സ്രാന്പിക്കൽ കവൻട്രി: ഈശോയെ അറിയുന്നതാണ് കല്പനകളുടെ പൂർത്തീകരണമെന്ന് മാർ ജോസഫ് സ്രാന്പിക്കൽ. ഗ്രേറ്റ് ബ്രിട്ടൻ സീറോ മലബാർ രൂപത ഒരുക്കിയ പ്രഥമ അഭിഷേകാഗ്നി ബൈബിൾ കണ്‍വൻഷന്‍റെ കവൻട്രി റീജണ്‍ ധ്യാനത്തിൽ ദിവ്യബലി മധ പശ്ചാത്തപിക്കുന്ന പാപിയെ ആണ് ദൈവം ആഗ്രഹിക്കുന്നത്: ഫാ. സേവ്യർ ഖാൻ വട്ടായിൽ കേംബ്രിഡ്ജ്: പശ്ചാത്തപിക്കുന്ന പാപികളുടെ തിരിച്ചുവരവിലാണ് ദൈവം ഏറ്റവും കൂടുതലായി സന്തോഷിക്കുന്നതെന്ന് ഫാ. സേവ്യർഖാൻ വട്ടായിൽ. പ്രഥമ ഗ്രേറ്റ് ബ്രിട്ടൻ അഭിഷേകാഗ്നി കണ്‍വൻഷന്‍റെ കേംബ്രിഡ്ജ് റീജണിൽ നടന്ന ദൈവവചനത്തിന് ചെവി കൊടുക്കുന്പോഴേ പ്രശ്നങ്ങൾക്കു പരിഹാരമുണ്ടാകൂ: മാർ സ്രാന്പിക്കൽ മാഞ്ചസ്റ്റർ: മർത്തായെപ്പോലെ തിടുക്കം കാണിച്ച് ഓടിനടക്കുന്പോഴല്ല, മറിച്ച് മറിയത്തേപ്പോലെ ഈശോയുടെ അടുത്തിരുന്ന് തിരുവചനം ശ്രവിക്കുന്പോഴാണ് പ്രശ്നങ്ങൾക്ക് പരിഹാരമുണ്ടാകുന്നതെന്ന് ഗ്രേറ്റ് ബ്രിട്ടൻ ര മാനുഷിക ഘടകങ്ങളല്ല വിശ്വാസത്തിന്‍റെ അടിസ്ഥാനം: ഫാ. സേവ്യർഖാൻ വട്ടായിൽ പ്രസ്റ്റണ്‍: പത്രോസാകുന്ന പാറമേൽ സ്ഥാപിച്ചിരിക്കുന്ന സഭ ഈശോയുടേതാണെന്നും അതിനാൽ മാനുഷിക ഘടകങ്ങളല്ല ഈ സഭയുടെ അടിസ്ഥാനമെന്നും ഫാ. സേവ്യർ ഖാൻ വട്ടായിൽ. ഗ്രേറ്റ് ബ്രിട്ടൻ രൂപത പ്രഥമ അഭിഷേകാഗ്നി കണ്‍വൻഷന പ്രസ്റ്റണ്‍ റീജണ്‍ ബൈബിൾ കലോത്സവം: ലീഡ്സിന് ഓവറോൾ കിരീടം ലിവർപൂൾ: സംഘാടക മികവും ആളുകളുടെ പ്രാതിനിത്യവും മികച്ച മത്സരങ്ങളും കൊണ്ട് വേറിട്ടു നിന്ന ഗ്രേറ്റ് ബ്രിട്ടൻ രൂപത പ്രസ്റ്റണ്‍ റീജണൽ ബൈബിൾ കലോത്സവത്തിൽ ഏറ്റവും കൂടുതൽ പോയിന്‍റുകളുമായി ലീഡ്സ് സീറോ മലബാ ഗ്രേറ്റ് ബ്രിട്ടൻ സീറോ മലബാർ രൂപത ബൈബിൾ കലോത്സവം നവംബർ നാലിന്; രജിസ്ട്രേഷൻ ഒക്ടോബർ 22 ന് സമാപിക്കും ലണ്ടൻ: ഗ്രേറ്റ് ബ്രിട്ടൻ സീറോ മലബാർ രൂപതയുടെ പ്രഥമ ബൈബിൾ കലോത്സവത്തിന് ദിവസങ്ങൾ ബാക്കിനിൽക്കെ രജിസ്ട്രേഷനുള്ള അവസാന തീയതി ഒക്ടോബർ 22 ന് അവസാനിക്കും. രജിസ്ട്രേഷൻ ഫോമും മറ്റു വിവരങ്ങളും www.smegbi ഗ്രേറ്റ് ബ്രിട്ടൻ രൂപത പ്രഥമ ബൈബിൾ കണ്‍വൻഷൻ ഒക്ടോബർ 22 മുതൽ പ്ര​​​സ്റ്റ​​​ണ്‍: ഗ്രേ​​​റ്റ് ബ്രി​​​ട്ട​​​ൻ സീ​​​റോ മ​​​ല​​​ബാ​​​ർ രൂ​​​പ​​​ത​​​യു​​​ടെ പ്ര​​​ഥ​​​മ ബൈ​​​ബി​​​ൾ ക​​​ണ്‍വ​​​ൻ​​​ഷ​​​ൻ ‘അ​​​ഭി​​​ഷേ​​​കാ​​​ഗ്നി 2017’ ഒക്ടോബർ 22ന് (ഞായർ) ആ​​​രം​​​ഭി​​ ഗ്രേറ്റ് ബ്രിട്ടൻ രൂപത ഒന്നാം പിറന്നാൾ ആഘോഷിച്ചു പ്രസ്റ്റണ്‍: ചരിത്രസംഭവത്തിന്‍റെ മധുരസ്മരണകൾ അയവിറക്കി ഗ്രേറ്റ് ബ്രിട്ടൻ സീറോ മലബാർ രൂപത ഒന്നാം പിറന്നാൾ ആഘോഷിച്ചു. തിങ്കളാഴ്ച രാവിലെ 11ന് പ്രസ്റ്റണ്‍ സെന്‍റ് അൽഫോൻസ കത്തീഡ്രലിൽ രൂപതാധ്യക്ഷൻ മാർ ജേ സീറോ മലബാർ ലണ്ടൻ റീജണ്‍ വനിതാ ഫോറത്തിന് പുതിയ നേതൃത്വം ലണ്ടൻ: ഗ്രേറ്റ് ബ്രിട്ടണ്‍ സീറോ മലബാർ രൂപതയിലെ വനിതകളുടെ ഉന്നമനത്തിനും കൂട്ടായ്മക്കും ശാക്തീകരണത്തിനുമായി രൂപം കൊടുത്ത വനിതാ ഫോറത്തിന് ലണ്ടൻ റീജണിൽ പുതിയ നേതൃത്വം. ലണ്ടനിലെ വെസ്റ്റ്മിൻസ്റ്റർ, ബ ഗ്രേറ്റ് ബ്രിട്ടൻ രൂപതയിൽ വിമെൻസ് ഫോറം ഭാരവാഹികളുടെ തെരഞ്ഞെടുപ്പ് പ്രസ്റ്റണ്‍: ഗ്രേറ്റ് ബ്രിട്ടൻ സീറോ മലബാർ രൂപതയിൽ സ്ത്രീകളുടെ മഹത്വവും പങ്കും അംഗീകരിക്കപ്പെടുന്നതിനും സഭയുടെ വളർച്ചയിൽ സ്ത്രീസഹജമായ വിവിധ കഴിവുകൾ പ്രയോജനപ്പെടുത്തുന്നതിനുമായി രൂപീകൃതമായ "എപ്പാർക്കി അ​ട്ട​പ്പാ​ടിയിൽ വൈ​ദി​ക​രു​ടെ ഗ്രാ​ൻ​ഡ് കോ​ണ്‍​ഫ​റ​ൻ​സ് തുടങ്ങി അ​​​ഗ​​​ളി: അ​​​ട്ട​​​പ്പാ​​​ടി താ​​​വ​​​ളം സെ​​​ഹി​​​യോ​​​ൻ ധ്യാ​​​ന​​​കേ​​​ന്ദ്ര​​​ത്തി​​​ൽ വൈ​​​ദി​​​ക​​​രു​​​ടെ ഗ്രാ​​​ൻ​​​ഡ് കോ​​​ണ്‍​ഫ​​​റ​​​ൻ​​​സി​​​ന് ഞായറാഴ്ച തു​​​ട​​​ക്ക​​​മാ​​​യി. ഓ​​​ഗ​ വാൽസിംഹാം നമ്മുടെ സ്വപ്നദേശം: മാർ ജോസഫ് സ്രാന്പിക്കൽ വാൽസിംഹാം: പരിശുദ്ധ കന്യാമറിയത്തിന്‍റെ പ്രത്യക്ഷീകരണം കൊണ്ടും സ്വർഗീയ സാന്നിധ്യം കൊണ്ടും അനുഗ്രഹീതമായ വാൽസിംഹാം എല്ലാ ക്രൈസ്തവ വിശ്വാസികളുടെയും പുണ്യദേശമാണെന്ന് തീർഥാടനത്തോടനുബന്ധിച്ചു നടന്ന ദിവ്യബ Home | Editorial | Leader Page Articles | Local News | Kerala | National | International | Business | Sports | NRI News | Religion | Big Screen | About Us | 4 wheel | Health Remembrances | Today's news | Real Estate | Youth Special | Cartoons | Jeevithavijayam | Matrimonial | Classifieds | Deepika Newspaper | Rashtra Deepika | chocolate Rashtra Deepika Cinema | Sunday Deepika | Business Deepika | Karshakan | Kuttikalude Deepika | Career Deepika | Sreedhanam | Children's Digest | Deepika Campus Rashtra Deepika LTD Chairman : Dr. Francis Cleetus | MD : Dr. Mani Puthiyidom | Chief Editor : Boby Alex Mannamplackal Copyright © 2017 , RDL. All rights reserved , To access reprinting rights please contact [email protected] Tel: +91 481 3012001 Fax: +91 481 3012222   Privacy policy | Terms of use Copyright @ 2017 , Rashtra Deepika Ltd.