Home   | Editorial   | Latest News   | Local News   | Kerala   | National   | International   | Business   | Sports   | Obituary   | NRI News   | Movies   | Health  | Viral
Back to Home
അ​ലി​വി​ന്‍റെ വി​ര​ലു​ക​ളി​ല്‍ ഒ​ലീ​വി​ല പോ​ലെ


ഒ​ലീ​വി​ന്‍റെ ത​ളി​രി​ല​ക​ളി​ല്‍ വി​ര​ലു​ക​ള്‍ ചേ​ര്‍​ത്തുവയ്​ക്കു​ന്ന​തുപോ​ലെ​യാ​യി​രു​ന്നു അ​ത്. ലോ​കം ചും​ബി​ക്കാ​ന്‍ കൊ​തി​ക്കു​ന്ന വി​ര​ലു​ക​ളി​ല്‍ ഒ​ന്നു തൊ​ടാ​ന്‍ ക​ഴി​ഞ്ഞ ആ ​നി​മി​ഷ​ത്തെ ആ​ത്മാ​വി​ല്‍ നി​ന്നു മൊ​ഴി​ക​ളി​ലേ​ക്ക് ഏ​തു ഭാ​ഷ​യി​ലാ​ണു പ​രി​ഭാ​ഷ​പ്പെ​ടു​ത്തേ​ണ്ട​ത്. ആ​കാ​ശ​ത്തി​നും ഭൂ​മി​ക്കും ഇ​ട​യി​ല്‍ പാ​പ്പാ പു​ഞ്ചി​രി തൂ​കി അ​ടു​ത്തുവ​ന്നു നി​ന്നു കൈ​ക​ളെ​ടു​ത്തു ചേ​ര്‍​ത്തുവ​ച്ച നി​മി​ഷം, അ​തു​വ​രെ​യു​ള്ള​തെ​ല്ലാം ക​ഴു​കി തെ​ളി​ച്ചെ​ടു​ത്ത ഒ​രു വെ​ള്ള തൂ​വാ​ല പോ​ലെ​യാ​യി മാ​റു​ക​യാ​യി​രു​ന്നു ജീ​വി​തം.

ഫ്രാ​ന്‍​സി​സ് മാ​ര്‍​പാ​പ്പ, എ​ളി​മ​യു​ടെ​യും വി​ന​യ​ത്തി​ന്‍റെയും ലാ​ളി​ത്യ​ത്തി​ന്‍റെയും വി​ശു​ദ്ധി​യു​ടെ​യും ആ​ള്‍​രൂ​പം. സ്നേ​ഹ​ത്തി​ന്‍റെ, സ​മാ​ധാ​ന​ത്തി​ന്‍റെ, അ​നു​ര​ഞ്ജ​ന​ത്തി​ന്‍റെ ദൂ​ത​നു​മാ​ണ് ഫ്രാ​ന്‍​സി​സ് പാ​പ്പാ. ലോ​ക​ത്തി​ന്‍റെ പ്ര​കാ​ശ ഗോ​പു​രം. ലോ​ക​ത്തെ ന​ന്മ​യി​ലേ​ക്കും സ​മാ​ധാ​ന​ത്തി​ലേ​ക്കും ന​യി​ക്കാ​നു​ള്ള വ​ലി​യ ദൗ​ത്യ​വു​മാ​യാ​ണു പാ​പ്പാ​യു​ടെ ചി​ന്ത​ക​ളും പ്ര​സം​ഗ​ങ്ങ​ളും പ്രാ​ര്‍​ഥ​ന​ക​ളും ഇ​ട​പെ​ട​ലു​ക​ളും യാ​ത്ര​ക​ളു​മെ​ല്ലാം.

ലോ​ക​ത്ത് ഇ​ത്ര​യ​ധി​കം സ്നേ​ഹി​ക്ക​പ്പെ​ടു​ന്ന, ബ​ഹു​മാ​നി​ക്ക​പ്പെ​ടു​ന്ന മ​റ്റൊ​രു നേ​താ​വോ, ആ​ത്മീ​യ ആ​ചാ​ര്യ​നോ വേ​റെ​യി​ല്ല. ക​ത്തോ​ലി​ക്ക​ര്‍​ക്കു മാ​ത്ര​മ​ല്ല, ഇ​ത​ര മ​ത​സ്ഥ​ര്‍​ക്കു പോ​ലും മാ​ര്‍​പാ​പ്പ​യോ​ട് അ​സാ​ധാ​ര​ണ​മാ​യൊ​രു ബ​ഹു​മാ​ന​വും ആ​ദ​ര​വു​മു​ണ്ട്. അ​ദ്ദേ​ഹ​ത്തി​ന്‍റെ ഓ​രോ വാ​ക്കു​ക​ളും പ്രവൃ‍​ത്തി​ക​ളും വ്യ​ത്യ​സ്ത​വും എ​ന്നാ​ല്‍, യേ​ശു​ക്രി​സ്തു​വി​ന്‍റെ വ​ഴി​ക​ളി​ലു​മാ​ണ്. വ​ത്തി​ക്കാ​ന്‍റെയും ആ​ഗോ​ള ക​ത്തോ​ലി​ക്കാ സ​ഭ​യു​ടെ​യും ത​ല​വ​നെ​ന്ന​തു ഫ്രാ​ന്‍​സി​സ് പാ​പ്പ​ായ്ക്ക് ഒ​രു നി​യോ​ഗ​മാ​കും.

ഇ​ര​ട്ടി​മ​ധു​ര​മാ​യി പാ​പ്പാ

അ​ടു​ത്ത​റി​യു​മ്പോ​ഴേ ഉ​ള്ളി​ലെ കാ​മ്പി​ന്‍റെ ക​നി​വും മ​ധു​ര​വും അ​റി​യാ​നാ​കൂ. പ്ര​മു​ഖ​രും പ്ര​ശ​സ്ത​രു​മാ​യ പ​ല​രെ​യും അ​ടു​ത്ത​റി​യു​മ്പോ​ള്‍ ഉ​ണ്ടാ​യി​രു​ന്ന മ​തി​പ്പും ബ​ഹു​മാ​ന​വും കു​റ​യു​മെ​ന്നാ​ണു സാ​ധാ​ര​ണ​യു​ള്ള പ​റ​ച്ചി​ല്‍. പ​ല​പ്പോ​ഴും അ​തു ശ​രി​യാ​ണെ​ന്നു തോ​ന്നി​യി​ട്ടു​മു​ണ്ട്. പ​ക്ഷേ അ​ടു​ത്ത​റി​യു​മ്പോ​ള്‍ ഇ​ര​ട്ടി​മ​ധു​ര​മാ​ണ് ന​മ്മു​ടെ ഫ്രാ​ന്‍​സി​സ് മാ​ര്‍​പാ​പ്പ​യ്ക്ക്.

ഫ്രാ​ന്‍​സി​സ് മാ​ര്‍​പാ​പ്പ​യോ​ടൊ​പ്പം ഒ​രാ​ഴ്ച. അ​തും ദ​ക്ഷി​ണേ​ഷ്യ​യി​ലെ ഇ​ന്ത്യ​യു​ടെ ര​ണ്ട് അ​യ​ല്‍ രാ​ജ്യ​ങ്ങ​ളി​ലേ​ക്ക്. സ്വ​പ്ന​ത്തി​ല്‍ മാ​ത്ര​മാ​യി​രു​ന്നു ആ​ദ്യം അ​ത്ത​ര​മൊ​രു ചി​ന്ത. ദീ​പി​ക​യ്ക്കു​വേ​ണ്ടി മാ​ർ​പാ​പ്പ​യു​ടെ ദ​ക്ഷി​ണേ​ഷ്യ യാ​ത്ര റി​പ്പോ​ർ​ട്ട് ചെ​യ്യാ​നു​ള്ള നി​യോ​ഗ​ത്തി​ലൂ​ടെ ആ ​സ്വ​പ്നം സ​ഫ​ല​മാ​യി.

ക​ഴി​ഞ്ഞ മാ​സം 23ന് ​റോ​മി​ലേ​ക്ക് വി​മാ​നം ക​യ​റി. പി​റ്റേ​ന്നു ത​ന്നെ വ​ത്തി​ക്കാ​ന്‍ ച​ത്വ​ര​ത്തോ​ടു ചേ​ര്‍​ന്നു​ള്ള പ്ര​സ് ഓ​ഫീ​സി​ല്‍ ചെ​ന്നു. ഹൃ​ദ്യ​മാ​യ സ്വീ​ക​ര​ണം. ഉ​ട​ന്‍ ത​ന്നെ മീ​ഡി​യ റൂം ​ഉ​പ​യോ​ഗി​ക്കാ​നു​ള്ള താ​ത്കാ​ലി​ക പാ​സ് കി​ട്ടി.

മാ​ര്‍​പാ​പ്പ​യോ​ടൊ​പ്പം യാ​ത്ര ചെ​യ്യു​ന്ന ഔ​ദ്യോ​ഗി​ക മാ​ധ്യ​മ സം​ഘ​ത്തി​ല്‍ വ​ള​രെ​യേ​റെ പേ​ര്‍ ഉ​ണ്ടെ​ന്ന കാ​ര്യം യാ​ത്ര​യു​ടെ ത​ലേ​ന്നു ശ​നി​യാ​ഴ്ച​യാ​ണ് മ​ന​സി​ലാ​ക്കി​യ​ത്. വ​ത്തി​ക്കാ​ന്‍ പ്ര​സ് ഓ​ഫീ​സി​ല്‍ രാ​വി​ലെ എ​ത്തി​യ​പ്പോ​ള്‍ ത​ന്നെ നീ​ണ്ട ക്യൂ.

പ​ക്ഷേ ഇ​ന്ത്യ​യി​ല്‍ നി​ന്നു​ള്ള പ​ത്ര​ക്കാ​ര​നെ നേ​രി​ട്ടു കാ​ണ​ണ​മെ​ന്ന് പ്ര​സ് ഓ​ഫീ​സി​ലെ പ്ര​ധാ​നി പ​റ​ഞ്ഞി​ട്ടു​ണ്ടെ​ന്നും അ​ഞ്ചു മി​നി​റ്റ് കാ​ത്തി​രി​ക്ക​ണ​മെ​ന്നും അ​ഭ്യ​ര്‍​ഥി​ച്ചു. മ​ത്തേ​വോ ബ്രൂ​ണി എ​ന്ന ഇ​റ്റാ​ലി​യ​ന്‍ വ​ന്നു.

വ​ത്തി​ക്കാ​ന്‍ റി​പ്പോ​ര്‍​ട്ടു ചെ​യ്യു​ന്ന പ​തി​വ് മാ​ധ്യ​മ​പ്ര​വ​ര്‍​ത്ത​ക​രെ​ല്ലാം ഇ​റ്റാ​ലി​യ​ന്‍ ഭാ​ഷ പ​ഠി​ച്ച​വ​രാ​യ​തി​നാ​ല്‍ എ​ല്ലാം ത​ന്നെ ഇ​റ്റാ​ലി​യ​നി​ല്‍ ആ​കു​മെ​ന്ന് മ​ത്തേ​വോ അ​റി​യി​ച്ചു. എ​ങ്കി​ലും എ​നി​ക്കു വേ​ണ്ടി അ​ത്യാ​വ​ശ്യ വി​വ​ര​ങ്ങ​ള​ട​ങ്ങി​യ ഒ​രു ചെ​റു​ബു​ക്ക് ഇം​ഗ്ലീ​ഷി​ല്‍​അ​ച്ച​ടി​ച്ചു ത​ന്നു. എ​ന്ത് ആ​വ​ശ്യ​മു​ണ്ടെ​ങ്കി​ലും എ​പ്പോ​ള്‍ വേ​ണ​മെ​ങ്കി​ലും ചോ​ദി​ക്കാ​മെ​ന്നും അ​ദ്ദേ​ഹം പ​റ​ഞ്ഞ​തു വ​ലി​യ ആ​ശ്വാ​സ​മാ​യി.

വ​ത്തി​ക്കാ​നു സ​മീ​പം സ്കൂ​ള്‍ സി​സ്റ്റേ​ഴ്സ് ഓ​ഫ് സെ​ന്‍റ് ഫ്രാ​ന്‍​സി​സ് അ​സീ​സി വ​ക തീ​ര്‍​ഥാ​ട​ക​ര്‍​ക്കാ​യു​ള്ള ഭ​വ​ന​ത്തി​ലാ​യി​രു​ന്നു താ​മ​സം. അ​വി​ടെ​യു​ള്ള മ​ല​യാ​ളി​ക​ളാ​യ സി​സ്റ്റേ​ഴ്സ് പ്ര​ത്യേ​ക പ്രാ​ര്‍​ഥ​ന​ക​ളും സ്നേ​ഹ​പൂ​ര്‍​ണ​മാ​യ പെ​രു​മാ​റ്റ​വും കൊ​ണ്ട് വീ​ര്‍​പ്പു​മു​ട്ടി​ച്ചു. ജ​ന​റ​ല്‍ കൗ​ൺസി​ല​ര്‍ സി​സ്റ്റ​ര്‍ ജെ​സി, സി​സ്റ്റ​ര്‍​മാ​രാ​യ റോ​സി​ലി, ഷൈ​നി, ഷി​ബി​യ, ലി​ല്ലി തു​ട​ങ്ങി​യ​വ​രെ​ല്ലാം പ്രി​ന്‍റുക​ള്‍ എ​ടു​ക്കു​ന്ന​തു മു​ത​ല്‍ ന​ല്ല ഭ​ക്ഷ​ണം ത​രു​ന്ന​തു വ​രെ വ​ലി​യ സ​ഹാ​യ​ങ്ങ​ളാ​ണ് ചെ​യ്ത​ത്. റോ​മി​ല്‍ സ്ഥി​ര​താ​മ​സ​മാ​ക്കി​യ ബെ​ന്നി​യും എ​ല്ലാ സ​ഹാ​യ​ങ്ങ​ളു​മാ​യി കൂ​ടെ​യു​ണ്ടാ​യി​രു​ന്നു.

ഉ​യ​ര​ങ്ങ​ളി​ല്‍ പാ​പ്പാ​യ്ക്കൊ​പ്പം

ന​വം​ബ​ര്‍ 26 ഞാ​യ​ര്‍ രാ​ത്രി എ​ട്ടു മ​ണി. റോ​മി​ലെ ഫു​മി​ച്ചി​നോ വി​മാ​ന​ത്താ​വ​ള​ത്തി​ലെ​ത്തി. ത​ലേ​ന്നു പ​രി​ച​യ​പ്പെ​ട്ട വെ​ള്ള​ക്കാ​രാ​യ പ​ത്ര​പ്ര​വ​ര്‍​ത്ത​ക​രും ഉ​ണ്ടാ​യി​രു​ന്നു. എ​ല്ലാ​വ​രും മാ​ര്‍​പാ​പ്പ​യു​ടെ പ്ര​ത്യേ​ക അ​ലി​റ്റാ​ലി​യ വി​മാ​ന​ത്തി​ല്‍ ക​യ​റി. പ​ത്ര​പ്ര​വ​ര്‍​ത്ത​ക​ര്‍​ക്കാ​യു​ള്ള ഭാ​ഗ​ത്ത് എ​വി​ടെ വേ​ണ​മെ​ങ്കി​ലും ഇ​രി​ക്കാ​മെ​ന്ന് മ​ത്തേ​വോ പ​റ​ഞ്ഞു. ആ​ര്‍​ക്കും പ്ര​ത്യേ​ക ഇ​രി​പ്പി​ട​മി​ല്ല.

രാ​ത്രി 9.40ന് ​ഫ്രാ​ന്‍​സി​സ് പാ​പ്പ​ായും വി​മാ​ന​ത്തി​ലെ​ത്തി. ഉ​ട​ന്‍ ത​ന്നെ വി​മാ​നം നീ​ങ്ങി​ത്തു​ട​ങ്ങി. സ്വ​പ്നം ക​ണ്ട​തു ന​ട​പ്പാ​വു​ക​യാ​ണെ​ന്നു ബോ​ധ്യ​പ്പെ​ട്ടു. ഒ​ന്ന് അ​ടു​ത്ത് കാ​ണാ​നും അ​നു​ഗ്ര​ഹം തേ​ടാ​നും സാ​ധി​ക്ക​ണേ എ​ന്നു മാ​ത്ര​മാ​യി​രു​ന്നു ആ​ഗ്ര​ഹം.

രാ​ത്രി വൈ​കി​യ​തി​നാ​ല്‍ മി​ക്ക​വാ​റും മാ​ര്‍​പാ​പ്പ പ​രി​ച​യ​പ്പെ​ടാ​ന്‍ തി​രി​ച്ചു​ള്ള യാ​ത്ര​യി​ലെ വ​രാ​ന്‍ സാ​ധ്യ​ത​യു​ള്ളൂ എ​ന്ന് ഒ​രു പ​ത്ര​പ്ര​വ​ര്‍​ത്ത​ക​ന്‍ പ​റ​ഞ്ഞു. പാ​പ്പാ വ​രു​ന്നി​ല്ലെ​ങ്കി​ല്‍ കോ​ട്ടൊ​ക്കെ ഊ​രി​യി​ട്ട് സ​മാ​ധാ​ന​മാ​യി വി​മാ​ന​ത്തി​ലി​രു​ന്ന് ഒ​ന്നു​റ​ങ്ങാ​ന്‍ ത​യാ​റെ​ടു​ത്തു. പാ​തി മ​യ​ക്ക​ത്തി​ലാ​വു​ക​യും ചെ​യ്തു. പെ​ട്ടെ​ന്ന് ചെ​റി​യ ബ​ഹ​ളം കേ​ട്ടാ​ണ് എ​ഴു​ന്നേ​റ്റ​ത്. വീ​ഡി​യോ കാ​മ​റ​ക​ള്‍ സ്റ്റാ​ന്‍​ഡു​ക​ളി​ല്‍ പി​ടി​പ്പി​ക്കു​ന്ന​തു ക​ണ്ടു. മ​റ്റു കാ​മ​റ​ക്കാ​രും ത​യാ​റെ​ടു​ക്കു​ന്നു.

അ​ക​മ്പ​ടി​ക​ളി​ല്ലാ​തെ പാ​പ്പാ

പ​തി​വു​ള്ള ക്രീം ​ക​ള​ര്‍ വ​സ്ത്ര​മി​ട്ട് സു​സ്മേ​രവ​ദ​ന​നാ​യി ഫ്രാ​ന്‍​സി​സ് മാ​ര്‍​പാ​പ്പ പ​ത്ര​ക്കാ​രു​ടെ അ​ടു​ത്തേ​ക്ക് വ​രി​ക​യാ​ണ്. വ​ന്ന​യു​ട​ന്‍ ആ​ദ്യം മൈ​ക്ക് എ​ടു​ത്ത് എ​ല്ലാ​വ​രെ​യും ഹൃ​ദ്യ​മാ​യി സ്വാ​ഗ​തം ചെ​യ്തു. പ​റ​ഞ്ഞ​ത് ഇ​റ്റാ​ലി​യ​ന്‍ ഭാ​ഷ​യി​ലെ​ങ്കി​ലും ശ​രീ​ര​ഭാ​ഷ കൊ​ണ്ടും സാ​ഹ​ച​ര്യം കൊ​ണ്ടും അ​ര്‍​ഥം മ​ന​സി​ലാ​ക്കി. അ​ല്ലെ​ങ്കി​ലും സ്നേ​ഹ​ത്തി​നും സൗ​ഹൃ​ദ​ത്തി​നും ഭാ​ഷ പ്ര​ശ്ന​മ​ല്ല​ല്ലോ.

സു​ര​ക്ഷ​യു​ടെ​യോ, ജോ​ലി​ത്തി​ര​ക്കി​ന്‍റെ​യോ, പ​ദ​വി​യു​ടെ​യോ പേ​രി​ലു​ള്ള അ​നാ​വ​ശ്യ​മാ​യ ജാ​ഡ​ക​ളൊ​ന്നും പാ​പ്പാ​യ്ക്കോ, കൂ​ടെ​യു​ള്ള​വ​ര്‍​ക്കോ തീ​ര്‍​ത്തു​മി​ല്ല. സാ​ധാ​ര​ണ മ​റ്റൊ​രു യാ​ത്ര​ക്കാ​ര​നെ പോ​ലെ. വി​വി​ഐ​പി പോ​യി​ട്ട് വി​ഐ​പി പ​രി​വേ​ഷം പോ​ലു​മി​ല്ല.

മാ​ര്‍​പാ​പ്പ​യു​ടെ അ​ടു​ത്തു​നി​ന്ന് സെ​ക്യൂ​രി​റ്റി ഉ​ദ്യോ​ഗ​സ്ഥ​ര്‍ ആ​രെ​യും ത​ട​യു​ന്നി​ല്ല. മു​തി​ര്‍​ന്ന വ​നി​താ പ​ത്ര​പ്ര​വ​ര്‍​ത്ത​ക​ര്‍ ചി​ല​ര്‍ കി​ട്ടി​യ ത​ക്കം മു​ത​ലാ​ക്കി 80കാ​ര​നാ​യ പാ​പ്പ​ായെ മു​ത്തം വ​ച്ചി​ട്ടും ആ​ര്‍​ക്കും പ​രി​ഭ​വം പോ​ലു​മി​ല്ല. ചി​ല​ര്‍ പാ​പ്പ​ായെ കെ​ട്ടി​പ്പി​ടി​ച്ചു. ഫ്രാ​ന്‍​സി​സ് പാ​പ്പാ​യാ​ക​ട്ടെ ജ്യേഷ്ഠ സ​ഹോ​ദ​ര​നെ പ്പോ​ലെ​യോ, മ​ക്ക​ളു​ടെ അ​ടു​ത്തെ​ത്തി​യ സ്വ​ന്തം പി​താ​വി​നെപ്പോലെ​യോ വ​ള​രെ അ​നാ​യാ​സ​മാ​യി എ​ല്ലാ​വ​രു​മാ​യും ഇ​ട​പ​ഴ​കു​ന്നു. എ​ന്തൊ​രു വ്യ​ത്യാ​സം! നേ​രി​ട്ടു ക​ണ്ട​റി​ഞ്ഞ​പ്പോ​ഴാ​ണ് കാ​പ​ട്യ​ങ്ങ​ളി​ല്ലാ​ത്ത ലാ​ളി​ത്യ​ത്തി​ന്‍റെ വി​ല മ​ന​സി​ലാ​യ​ത്.

മാ​ര്‍​പാ​പ്പ ഓ​രോ​രു​ത്ത​രു​ടെ​യും അ​ടു​ത്തു​ചെ​ന്ന് കൈ ​കൂ​പ്പി​യും കൈകൊ​ടു​ത്തും മു​ന്നോ​ട്ടു ന​ട​ന്നു​വ​ന്നു. പാ​പ്പ​ായു​ടെ വ​ര​വ് കു​റ​ച്ചുസ​മ​യം മൊ​ബൈ​ലി​ലെ വീ​ഡി​യോ​യി​ല്‍ പ​ക​ര്‍​ത്തി. പ​ത്ര​ക്കാ​രി​ല്‍ മി​ക്ക​വ​രും വ​ത്തി​ക്കാ​നി​ല്‍ ഏ​റെ​നാ​ളാ​യി ഉ​ള്ള​വ​രാ​യി​രു​ന്ന​തി​നാ​ല്‍ പ​ല​രെ​യും പാ​പ്പ​ായ്ക്കും തി​രി​ച്ച​റി​യാ​മാ​യി​രു​ന്നു. നോ​ക്കിനി​ന്ന​പ്പോ​ഴേ​ക്കും മാ​ര്‍​പാ​പ്പാ തൊ​ട്ട​ടു​ത്തെ​ത്താ​റാ​യി. മു​ന്നി​ല്‍നി​ന്ന് അ​ഞ്ചാ​മ​ത്തെ നി​ര​യി​ലെ വി​ന്‍​ഡോ സീ​റ്റി​ലാ​യി​രു​ന്നു ഞാ​ന്‍.

അ​രി​കി​ലെ​ത്തി​യ അ​മൂ​ല്യനി​മി​ഷം

അ​താ ആ ​നി​മി​ഷം എ​നി​ക്കും കൈ​വ​രു​ന്നു. പാ​പ്പ​ായോ​ടൊ​പ്പം ഉ​ണ്ടാ​യി​രു​ന്ന പ്ര​സ് ഓ​ഫീ​സ​ര്‍ മ​ത്തേ​വോ ബ്രൂ​ണി പ​രി​ച​യ​പ്പെ​ടു​ത്തി. ഇ​ത് ഇ​ന്ത്യ​യി​ല്‍ നി​ന്നു​ള്ള ദീ​പി​ക ദി​ന​പ​ത്ര​ത്തിന്‍റെ മു​തി​ര്‍​ന്ന ലേ​ഖ​ക​നാ​ണ്. ഡ​ല്‍​ഹി​യി​ല്‍ നി​ന്ന് യാ​ത്ര​യ്ക്കാ​യി മാ​ത്രം റോ​മി​ലെ​ത്തി​യ​താ​ണ്. നി​റ​ഞ്ഞ ചി​രി​യോ​ടെ ഫ്രാ​ന്‍​സി​സ് മാ​ര്‍​പാ​പ്പ എ​ന്നെ ആ​ശ്ലേ​ഷി​ച്ചു. പി​ന്നെ കൈ ​നീ​ട്ടി എ​ന്‍റെ ക​ര​ങ്ങ​ള്‍ ഗ്ര​സി​ച്ചു. ഐ ​ല​വ് ഇ​ന്ത്യ എ​ന്നാ​യി​രു​ന്നു ആ​ദ്യം പ​റ​ഞ്ഞ​ത്. തു​ട​ര്‍​ന്ന് മേ ​ഗോ​ഡ് ബ്ലെ​സ് യു, ​യു​വ​ര്‍ ഫാ​മി​ലി, യു​വ​ര്‍ ന്യൂ​സ്പേ​പ്പ​ര്‍ എ​ന്നു കൂ​ടി പ​റ​ഞ്ഞ​തോ​ടെ ഞാ​നാ​കെ സ​ന്തോ​ഷ​ത്തി​ന്‍റെ അ​മൂ​ല്യ​വും അ​വാ​ച്യ​വു​മാ​യ ദൈ​വി​ക അ​നു​ഭൂ​തി​യി​ലാ​യി.

പ്ര​തീ​ക്ഷി​ച്ച​തി​നേ​ക്കാ​ളും മോ​ഹി​ച്ച​തി​നേ​ക്കാ​ളും സ്നേ​ഹ​വും ലാ​ള​ന​യും അ​നു​ഗ്ര​ഹ​വും വാ​രി​ക്കോ​രി ചൊ​രി​ഞ്ഞ ആ ​വ​ലി​യ മ​നു​ഷ്യ​ന്, ദൈ​വ​ത്തി​ന്‍റെ ഭൂ​മി​യി​ലെ പ്ര​തി​പു​രു​ഷ​ന്, ഞാ​ന്‍ കൂ​ടി അം​ഗ​മാ​യ ക​ത്തോ​ലി​ക്കാ സ​ഭ​യു​ടെ പ​ര​മാ​ധ്യ​ക്ഷ​ന് എ​ങ്ങനെ ന​ന്ദി പ​റ​യ​ണ​മെ​ന്നുപോ​ലും അ​റി​യാ​തെ കൈ​കൂ​പ്പി നി​ന്നു. ഒ​രു പൂ ​മോ​ഹി​ച്ച​വ​ന് പൂ​ന്തോ​ട്ടം കി​ട്ടി​യ​തി​നേ​ക്കാ​ളും സ​ന്തോ​ഷം. ഇ​തി​നി​ടെ, മാ​ര്‍​പാ​പ്പാ കൂ​ടു​ത​ല്‍ സ​മ​യം എ​ന്‍റെയ​ടു​ത്തു ചെ​ല​വ​ഴി​ക്കു​ന്ന​തു മ​ന​സി​ലാ​ക്കി​യ പി​ന്നി​ലി​രു​ന്ന സാ​യി​പ്പ്, എ​ന്‍റെ കൈ​യി​ല്‍നി​ന്നു മൊ​ബൈ​ല്‍ വാ​ങ്ങി ര​ണ്ടു, മൂ​ന്നു ഫോ​ട്ടോ​ക​ളെ​ടു​ത്തു ത​ന്നു.

ഫ്രാ​ന്‍​സി​സ് പാ​പ്പാ കൈ​പി​ടി​ച്ച് സ്നേ​ഹ​ത്തോ​ടെ എ​ന്നോ​ടു സം​സാ​രി​ക്കു​ന്ന ആ ​നി​മി​ഷം അ​ങ്ങനെ അ​മൂ​ല്യ​മാ​യി എ​ന്നും ഓ​ര്‍​മ​യി​ല്‍ സൂ​ക്ഷി​ക്കാ​വു​ന്ന ഒ​രു ചി​ത്ര​വും സ്വ​ന്ത​മാ​യി. വി​മാ​ന​ത്തി​ലു​ണ്ടാ​യി​രു​ന്ന സം​ഘ​ത്തി​ലെ മു​ഴു​വ​ന്‍ ആ​ളു​ക​ളു​മാ​യും സൗ​ഹൃ​ദം പ​ങ്കു​വ​ച്ച ശേ​ഷ​മാ​ണ് ആ ​വ​ലി​യ മ​നു​ഷ്യ​ന്‍ വി​ശ്ര​മി​ക്കാ​നാ​യി പോ​യ​ത്. ദൈ​വ​ത്തി​ന്‍റെ വ​ഴി​ക​ള്‍ ചി​ന്തി​ക്കാ​വു​ന്ന​തി​ന്‍റെയും അ​പ്പു​റ​ത്താ​ണെ​ന്ന് അറിയാം. പക്ഷേ ഉണ്ടായതെല്ലാം സ​ത്യ​മാ​ണെ​ന്നു സ്വ​യം വി​ശ്വ​സി​ക്കാ​ന്‍ പി​ന്നെ​യും സ​മ​യം എ​ടു​ത്തു. മൊ​ബൈ​ലി​ലെ ഫോ​ട്ടോ ക​ണ്ടി​ട്ട് എ​നി​ക്ക് ത​ന്നെ വി​ശ്വ​സി​ക്കാ​ന്‍ ക​ഴി​യു​മാ​യി​രു​ന്നി​ല്ല. ഇ​ത്ര​യേ​റെ സ​ന്തോ​ഷ​ത്തോ​ടെ ഉ​റ​ങ്ങാ​ന്‍ കി​ട​ന്ന മ​റ്റൊ​രു രാ​വ് മു​മ്പു​ണ്ടാ​യി​ട്ടി​ല്ല. എ​ല്ലാ​ത്തി​നും പ​ര​മ​കാ​രു​ണി​ക​നാ​യ ദൈ​വ​ത്തി​നു ന​ന്ദി പ​റ​ഞ്ഞു.

അ​ക​ല​ങ്ങ​ളി​ല്‍ ഇ​ന്ത്യ

ഇ​റ്റ​ലി, കൊ​യേ​ഷ്യ, ബോ​സ്നി​യ, മോ​ണ്ടി​നെ​ഗ്രോ, സെ​ര്‍​ബി​യ, ബ​ള്‍​ഗേ​റി​യ, തു​ര്‍​ക്കി, ജോ​ര്‍​ജി​യ, അ​സ​ര്‍​ബൈ​ജാ​ന്‍, ട​ര്‍​ക്മെ​നി​സ്ഥാ​ന്‍, അ​ഫ്ഗാ​നി​സ്ഥാ​ന്‍, പാ​ക്കി​സ്ഥാ​ന്‍, ഇ​ന്ത്യ എ​ന്നീ രാ​ജ്യ​ങ്ങ​ളു​ടെ മു​ക​ളി​ലൂ​ടെ ആ​യി​യി​രു​ന്നു പേ​പ്പ​ല്‍ വി​മാ​ന​ത്തി​ന്റെ ദ​ക്ഷി​ണേ​ഷ്യ​യി​ലേ​ക്കു​ള്ള കു​തി​പ്പ്. ത​ല​സ്ഥാ​ന​മാ​യ ന്യൂ​ഡ​ല്‍​ഹി​ക്കും കോ​ല്‍​ക്ക​ത്ത​യ്ക്കും നേ​രെ മു​ക​ളി​ലൂ​ടെ പ​റ​ന്നി​ട്ടും പാ​പ്പ​യും ല​ക്ഷ​ക്ക​ണി​ക്കാ​നാ​ളു​ക​ളും ആ​ഗ്ര​ഹി​ച്ച​തു പോ​ലെ ഇ​ന്ത്യ​യി​ല്‍ ഇ​റ​ങ്ങാ​നാ​യി​ല്ല​ല്ലോ എ​ന്ന സ​ങ്ക​ടം നി​റ​ഞ്ഞു നി​ന്നു.

അ​ലി​റ്റാ​ലി​യ​യു​ടെ എ​യ​ര്‍​ബ​സ് 330 വി​മാ​ന​ത്തി​ല്‍ ഇ​രു​നൂ​റോ​ളം പേ​ര്‍ മാ​ര്‍​പാ​പ്പ​യെ അ​നു​ഗ​മി​ച്ചു. മാ​ര്‍​പാ​പ്പ​യു​ടെ പ്ര​ത്യേ​ക വി​മാ​നം ചി​ല​പ്പോ​ള്‍ 40,000 അ​ടി വ​രെ ഉ​യ​ര​ത്തി​ല്‍ പ​റ​ന്നു. ഇ​ട​യ്ക്ക് സീ​റ്റി​നു മു​ന്നി​ലെ സ്ക്രീ​നി​ല്‍ നോ​ക്കു​മ്പോ​ള്‍ പു​റ​ത്ത് മൈ​ന​സ് 55 ഡി​ഗ്രി സെ​ല്‍​ഷ്യ​സ് ത​ണു​പ്പ്. വി​മാ​ന​ത്തി​ന്റെ ഭൂ​മി​യി​ലെ ഗ്രൗ​ണ്ട് സ്പീ​ഡ് 950 കി​ലോ​മീ​റ്റ​ര്‍ വ​രെ വേ​ഗ​ത്തി​ലു​മാ​യി​രു​ന്നു.

റോ​മി​ല്‍ നി​ന്ന് 8,300 കി​ലോ​മീ​റ്റ​ര്‍ താ​ണ്ടി​യാ​ണ് പി​റ്റേ​ന്ന് ഉ​ച്ച​യ്ക്ക് 1.35ന് ​മ്യാ​ന്‍​മ​റി​ലെ യാം​ഗൂ​ണി​ലെ​ത്തി​യ​ത്. ഒ​ന്‍​പ​തു മ​ണി​ക്കൂ​റും 40 മി​നി​റ്റും നീ​ണ്ട യാ​ത്ര. ക്ഷീ​ണം തോ​ന്നി​യ​തേ​യി​ല്ല. ശ​രീ​രം അ​ല്ല, മ​ന​സും ല​ക്ഷ്യ​വു​മാ​ണ് പ്ര​ധാ​നം എ​ന്നു ബോ​ധ്യ​മാ​യ മ​റ്റൊ​രു ദി​വ​സം.

മ്യാ​ന്‍​മാ​റി​ലെ സ​മാ​ധാ​ന സ്പ​ര്‍​ശം

സ്നേ​ഹ​ത്തി​ന്റെ, ആ​ഹ്ലാ​ദ​ത്തി​ന്റെ ന​ടു​വി​ലേ​ക്കാ​യി​രു​ന്നു ച​രി​ത്ര​ത്തി​ലാ​ദ്യ​മാ​യി ഒ​രു മാ​ര്‍​പാ​പ്പ മ്യാ​ന്‍​മ​റി​ന്റെ മ​ണ്ണി​ല്‍ കാ​ലു​കു​ത്തി​യ​ത്. പു​റ​ത്ത് 32 ഡി​ഗ്രി ചൂ​ടി​ല്‍ ന​ട്ടു​ച്ച വെ​യി​ലി​ലാ​ണ് പാ​പ്പ എ​ത്തി​യ​തെ​ങ്കി​ലും സ്വീ​ക​ര​ണ​ത്തി​ന്റെ ഊ​ഷ്മ​ള​ത​യി​ല്‍ മ​ന​സി​ല്‍ കു​ളി​ര്‍​മ തോ​ന്നി​യ ച​രി​ത്ര നി​മി​ഷ​ത്തി​നു അ​ങ്ങി​നെ നേ​രി​ല്‍ സാ​ക്ഷി​യാ​കാ​ന്‍ ക​ഴി​ഞ്ഞു. ആ​റ​ര ല​ക്ഷ​ത്തോ​ളം ക​ത്തോ​ലി​ക്ക​ര്‍ ഉ​ള്ള ബു​ദ്ധ​മ​ത ഭൂ​രി​പ​ക്ഷ രാ​ജ്യ​ത്തു മാ​ര്‍​പാ​പ്പ​യ്ക്കു ല​ഭി​ച്ച സ്വീ​കാ​ര്യ​ത​യും സ്നേ​ഹ​വും ലോ​ക​ത്തി​നാ​കെ ഉ​ത്തേ​ജ​ന​മാ​കു​ന്ന​താ​യി.

കൊ​ടി​യ പീ​ഡ​ന​ങ്ങ​ളി​ലൂ​ടെ രോ​ഹിം​ഗ്യ​രെ സ്വ​ന്തം രാ​ജ്യ​ത്തു നി​ന്നു വം​ശീ​യ ഉ​ന്മൂ​ല​നം ന​ട​ത്തു​ന്ന പ​ട്ടാ​ള ഭീ​ക​ര​ത ലോ​ക​മ​ന​സാ​ക്ഷി​ക്കു മു​ന്നി​ല്‍ ചോ​ദ്യ​ങ്ങ​ളു​യ​ര്‍​ത്തു​മ്പോ​ഴു​ള്ള മാ​ര്‍​പാ​പ്പ​യു​ടെ സ​ന്ദ​ര്‍​ശ​നം മൈ​നു​ക​ള്‍ വി​ത​റി​യ പാ​ട​ത്തേ​ക്കു​ള്ള ന​ട​ത്തം പോ​ലെ​യാ​യി​രു​ന്നു. മൈ​നു​ക​ളെ പാ​പ്പ ഭ​യ​ക്കു​ന്നി​ല്ലെ​ന്ന് വ​ത്തി​ക്കാ​ന്‍ വ​ക്താ​വ് ഗ്രെ​ഗ് ബു​ര്‍​ക് തു​റ​ന്ന​ടി​ച്ചു. എ​ങ്കി​ലും മൂ​ന്നു ദി​വ​സ​ത്തെ സ​ന്ദ​ര്‍​ശ​ന​ത്തി​നി​ടെ ലാ​ളി​ത്യ​വും വി​ന​യ​വും കൊ​ണ്ട് ഫ്രാ​ന്‍​സി​സ് പാ​പ്പ മ്യാ​ന്‍​മ​റി​ലെ ജ​ന​ല​ക്ഷ​ങ്ങ​ളു​ടെ മ​നം ക​വ​ര്‍​ന്നു.

യാം​ഗൂ​ണി​ലെ മൈ​താ​നി​യി​ല്‍ ന​ട​ന്ന ദി​വ്യ​ബ​ലി​യി​ല്‍ ര​ണ്ടു ല​ക്ഷ​ത്തോ​ളം പോ​രാ​ണ് പ​ങ്കെ​ടു​ത്ത​ത്. ത​ല​സ്ഥാ​ന​മാ​യി നേ​പി​ഡോ​യി​ല്‍ ബു​ദ്ധ​മ​ത ഭി​ക്ഷു​ക്ക​ളു​ടെ സു​പ്രീം കൗ​ണ്‍​സി​ല്‍ യോ​ഗ​ത്തി​നെ​ത്തി​യ ഫ്രാ​ന്‍​സി​സ് മാ​ര്‍​പാ​പ്പ​യെ സ​ന്യാ​സി​ക​ള്‍ സ്നേ​ഹാ​ദ​ര​വു​ക​ളോ​ടെ പു​ണ​രു​ക​യാ​യി​രു​ന്നു. യാം​ഗൂ​ണി​ലെ പ്ര​ശ​സ്ത​മാ​യ ബു​ദ്ധ​മ​ത ക്ഷേ​ത്ര​മാ​യ പ​ഗോ​ഡ​യി​ല്‍ പോ​യി ആ​ദ​ര​വ് പ്ര​ക​ട​മാ​ക്കാ​ന്‍ പാ​പ്പ​യും മ​റ​ന്നി​ല്ല.

മ്യാ​ന്‍​മ​റി​ലെ പ​ട്ടാ​ള മേ​ധാ​വി മി​ന്‍ ഓ​ങ് ലിം​ഗും സി​വി​ലി​യ​ന്‍ ഭ​ര​ണാ​ധി​കാ​രി​യും നെ​ബേ​ല്‍ സ​മ്മാ​ന ജേ​താ​വു​മാ​യ ഓ​ങ് സാ​ന്‍ സൂ​ചി​യു​മെ​ല്ലാം മാ​ര്‍​പാ​പ്പ​യു​ടെ സ്നേ​ഹ​പൂ​ര്‍​ണ​മാ​യ ഇ​ട​പെ​ട​ലു​ക​ളു​ടെ മു​ന്നി​ല്‍ നി​രാ​യു​ധ​രാ​യി. കൊ​ടി​യ ന്യൂ​ന​പ​ക്ഷ പീ​ഡ​ന​ങ്ങ​ളും മ​നു​ഷ്യ​ത്വ​ര​ഹി​ത ന​ട​പ​ടി​ക​ളു​മാ​യി രാ​ജ്യം അ​ട​ക്കി വാ​ണി​രു​ന്ന സൈ​നി​ക മേ​ധാ​വി​യാ​ണ് യാം​ഗൂ​ണി​ലെ ആ​ര്‍​ച്ച്ബി​ഷ​പ്സ്് ഹൗ​സി​ലെ​ത്തി ഫ്രാ​ന്‍​സി​സ് പാ​പ്പ​യു​ടെ മു​ന്നി​ല്‍ തൊ​ഴു​കൈ​ക​ളോ​ടെ നി​ന്ന​ത്. സ്നേ​ഹ​ത്തി​നു മു​ന്നി​ല്‍ കീ​ഴ​ട​ങ്ങാ​ത്ത ആ​രു​മി​ല്ലെ​ന്ന് ന​വം​ബ​ര്‍ 30ന് ​ത്രി​ദി​ന സ​ന്ദ​ര്‍​ശ​നം പൂ​ര്‍​ത്തി​യാ​ക്കി മാ​ര്‍​പാ​പ്പ ബം​ഗ്ലാ​ദേ​ശി​ലേ​ക്കു പോ​കു​മ്പോ​ള്‍ മ്യാ​ന്‍​മ​ര്‍ നേ​തൃ​ത്വം തെ​ളി​യി​ച്ചു.

ബു​ദ്ധ, മു​സ്ലിം, ക്രി​സ്ത്യ​ന്‍ ഭാ​യി

മ്യാ​ന്‍​മ​റി​ലെ യാം​ഗൂ​ണി​ല്‍ വി​മാ​നം ഇ​റ​ങ്ങി​യ ഉ​ട​നെ അ​ലി​റ്റാ​ലി​യ​യു​ടെ ചാ​ര്‍​ട്ട​ര്‍ വി​മാ​നം മാ​ര്‍​പാ​പ്പ തി​രി​ച്ച​യ​ച്ചു. പി​ന്നീ​ട് യാം​ഗൂ​ണി​ല്‍ നി​ന്ന് ത​ല​സ്ഥാ​ന​മാ​യ നേ​പി​ഡോ​യി​ലേ​ക്കും തി​രി​ച്ചും പ​റ​ന്ന​ത് മ്യാ​ന്‍​മ​റി​ന്റെ ദേ​ശീ​യ വി​മാ​ന​ത്തി​ല്‍. മ്യാ​ന്‍​മ​റി​ല്‍ നി​ന്ന് ബം​ഗ്ലാ​ദേ​ശി​ലെ ധാ​ക്ക​യി​ലേ​ക്കും ധാ​ക്ക​യി​ല്‍ നി​ന്ന് തി​രി​കെ റോ​മി​ലേ​ക്കും പോ​യ​താ​ക​ട്ടെ ബം​ഗ്ലാ​ദേ​ശി​ന്റെ ദേ​ശീ​യ വി​മാ​ന​ക്ക​മ്പ​നി​യാ​യ ബി​മാ​നി​ല്‍. അ​തി​ലു​മു​ണ്ട് ഒ​രു ഫ്രാ​ന്‍​സി​സ് പാ​പ്പ ശൈ​ലി​യും മാ​തൃ​ക​യും.

മ്യാ​ന്‍​മ​റി​ല്‍ പാ​പ്പ ര​ണ്ടു ത​വ​ണ യാ​ത്ര ചെ​യ്ത വി​മാ​ന​ത്തി​ലെ പൈ​ല​റ്റും സ​ഹ പൈ​ല​റ്റും എ​യ​ര്‍ ഹോ​സ്റ്റ​സു​മാ​രും അ​ട​ക്കം എ​ല്ലാ ക്രൂ ​അം​ഗ​ങ്ങ​ളും ബു​ദ്ധ​മ​ത വി​ശ്വാ​സി​ക​ളാ​യി​രു​ന്നു. അ​തേ പോ​ലെ മ്യാ​ന്‍​മ​റി​ല്‍ നി​ന്ന് ബം​ഗ്ലാ​ദേ​ശി​ലേ​ക്കും അ​വി​ടെ നി​ന്ന് റോ​മി​ലേ​ക്കും പോ​യ വി​മാ​ന​ത്തി​ലെ പൈ​ല​റ്റ് അ​ട​ക്കം മു​ഴു​വ​ന്‍ ജീ​വ​ന​ക്കാ​രും മു​സ്ലിം മ​ത​വി​ശ്വാ​സി​ക​ളും. ജീ​വ​ന​ക്കാ​രാ​യി ഒ​രൊ​റ്റ ക​ത്തോ​ലി​ക്ക​ന്‍ പോ​ലു​മി​ല്ലാ​ത്ത വി​മാ​ന​ത്തി​ല്‍ മാ​ര്‍​പാ​പ്പ പൂ​ര്‍​ണ സു​ര​ക്ഷി​ത​ത്വ​വും സ​ന്തോ​ഷ​വും നേ​ടു​ന്നു.

ധാ​ക്ക​യി​ലെ നോ​ട്ട​ര്‍​ഡാം കോ​ള​ജി​ല്‍ യു​വ​ജ​ന​ങ്ങ​ളു​മാ​യി സം​വ​ദി​ക്കു​മ്പോ​ള്‍ മ​ത​സൗ​ഹാ​ര്‍​ദ​ത്തി​ന്റെ​യും സ​ഹി​ഷ്ണു​ത​യു​ടെ​യും പ​ര​സ്പ​ര ബ​ഹു​മാ​ന​ത്തി​ന്റെ​യും സ​ഹ​ക​ര​ണ​ത്തി​ന്റെ​യും സ​ഹ​വ​ര്‍​ത്തി​ത്വ​ത്തി​ന്റെ​യും പ്രാ​ധാ​ന്യം എ​ടു​ത്തു പ​റ​യാ​ന്‍ പാ​പ്പ മ​റ​ന്നി​ല്ല. അ​ര്‍​ജ​ന്റീ​ന​യി​ലെ സ്വ​ന്തം ന​ഗ​ര​മാ​യ ബ്യൂ​നോ​സ് അ​യേ​ഴ്സി​ലെ ഒ​രു ഇ​ട​വ​ക സ​ന്ദ​ര്‍​ശി​ച്ച​പ്പോ​ള്‍ ഇ​തി​നു പ​റ്റി​യ ഒ​രു മാ​തൃ​ക ക​ണ്ട കാ​ര്യ​വും അ​ദ്ദേ​ഹം പ​റ​ഞ്ഞു.

പ​ള​ളി​യി​ലെ ഒ​രു കെ​ട്ടി​ട നി​ര്‍​മാ​ണം കാ​ണി​ക്കാ​ന്‍ വി​കാ​രി​യ​ച്ച​ന്‍ കൊ​ണ്ടു​പോ​യി. കോ​ള​ജ് വി​ദ്യാ​ര്‍​ഥി​ക​ള്‍ ചേ​ര്‍​ന്നാ​ണ് പ​ണി​ക​ള്‍ ന​ട​ത്തു​ന്ന​ത്. ഓ​രോ​രു​ത്ത​രെ​യാ​യി പ​രി​ച​യ​പ്പെ​ട്ടു. ഒ​രാ​ള്‍ ജൂ​ത മ​ത​ക്കാ​ര​ന്‍. മ​റ്റൊ​രാ​ള്‍ ക​മ്യൂ​ണി​സ്റ്റു​കാ​ര​ന്‍. മൂ​ന്നാ​മ​ത്തെ​യാ​ള്‍ തി​ക​ഞ്ഞ ക​ത്തോ​ലി​ക്കാ വി​ശ്വാ​സി. അ​ങ്ങി​നെ പ​ല​ത​രം ആ​ളു​ക​ള്‍. പൊ​തു​ന​ന്മ​യ്ക്കാ​യി എ​ങ്ങി​നെ എ​ല്ലാ​വ​രും സ​ഹ​ക​രി​ക്കു​ക​യും യോ​ജി​ച്ചു പ്ര​വ​ര്‍​ത്തി​ക്കു​ക​യും ചെ​യ്യ​ണ​മെ​ന്ന​തി​ന് ഉ​ദാ​ഹ​ര​ണ​മാ​ണ് ചെ​റു​പ്പ​ക്കാ​ര്‍ കാ​ട്ടി​ത്ത​ന്ന​തെ​ന്ന് ഫ്രാ​ന്‍​സി​സ് പാ​പ്പ വി​ശ​ദീ​ക​രി​ച്ചു.

ലാ​ളി​ത്യ​ത്തി​ന്‍റെ ജീ​വി​ത സാ​ക്ഷ്യം

സ്വ​ന്ത​മാ​യി എ​ത്ര വി​മാ​നം വേ​ണ​മെ​ങ്കി​ലും മാ​ര്‍​പാ​പ്പ​യ്ക്കു സൗ​ജ​ന്യ​മാ​യി ന​ല്‍​കാ​ന്‍ കോ​ടീ​ശ്വ​ര​ന്മാ​രും ഇ​റ്റാ​ലി​യ​ന്‍ സ​ര്‍​ക്കാ​രും ത​യാ​റാ​ണ്. ആ​വ​ശ്യ​മെ​ങ്കി​ല്‍ ഒ​ന്നോ, ര​ണ്ടോ വി​മാ​ന​ങ്ങ​ള്‍ വാ​ങ്ങാ​നു​ള്ള സാ​മ്പ​ത്തി​കം ക​ണ്ടെ​ത്താ​ന്‍ വ​ത്തി​ക്കാ​നും പ്ര​യാ​സ​മി​ല്ല. പ​ക്ഷേ ല​ക്ഷ​ക്ക​ണ​ക്കി​ന് പാ​വ​ങ്ങ​ള്‍ ഭ​ക്ഷ​ണ​ത്തി​നു പോ​ലും വി​ഷ​മി​ക്കു​മ്പോ​ള്‍ സ്വ​ന്ത​മാ​യി വി​മാ​നം അ​നാ​വ​ശ്യ​മാ​ണെ​ന്ന​തി​ല്‍ മാ​ര്‍​പാ​പ്പ​മാ​ര്‍​ക്ക് സം​ശ​യ​മി​ല്ല.

എ​ന്തി​ന്, വി​ദേ​ശ യാ​ത്ര​ക​ള്‍​ക്കാ​യി വി​മാ​നം വാ​ട​ക​യ്ക്കെ​ടു​ക്കു​ന്ന ചെ​ല​വു പോ​ലും പ​ര​മാ​വ​ധി കു​റ​യ്ക്ക​ണ​മെ​ന്ന് പാ​പ്പ​യ്ക്കു നി​ര്‍​ബ​ന്ധ​മാ​ണ്. സാ​ധാ​ര​ണ രാ​ഷ്ട്ര ത​ല​വ​ന്മാ​ര്‍ വി​ദേ​ശ​ത്തു പോ​യി മ​ട​ങ്ങു​ന്ന​തു വ​രെ ഒ​രു വി​മാ​നം ചാ​ര്‍​ട്ട​ര്‍ ചെ​യ്തു ഉ​പ​യോ​ഗി​ക്കും. എ​ത്ര ദി​വ​സ​മു​ണ്ടെ​ങ്കി​ലും പ്ര​ശ്ന​മാ​ക്കാ​റി​ല്ല. സു​ര​ക്ഷാ കാ​ര​ണ​ങ്ങ​ളു​ടെ മ​റ​വി​ലാ​ണ് ഈ ​ധൂ​ര്‍​ത്ത്. പ​ക്ഷേ ഫ്രാ​ന്‍​സി​സ് പാ​പ്പ​യ്ക്കു ഇ​തൊ​ന്നും പ്ര​ശ്ന​മ​ല്ല. ക​ത്തോ​ലി​ക്കാ സ​ഭ​യു​ടെ പ​ര​മാ​ധ്യ​ക്ഷ​നു വി​മാ​ന​ത്തി​ലെ ജോ​ലി​ക്കാ​ര്‍ അ​ന്യ​മ​ത​സ്ത​രാ​യാ​ല്‍ സ​ന്തോ​ഷ​മേ​യു​ള്ളൂ. സ്വ​ന്തം ജീ​വി​ത​വും പ്ര​വൃ​ത്തി​ക​ളും ഏ​റ്റ​വും ല​ളി​ത​മാ​ക്കാ​ന്‍ ഫ്രാ​ന്‍​സി​സ് പാ​പ്പ​യ്ക്ക് മ​റ്റൊ​ന്നും ത​ട​സ​മ​ല്ല. ആ​ഡം​ബ​ര കാ​റു​ക​ളി​ലെ യാ​ത്ര​യും കൊ​ട്ടാ​ര​ങ്ങ​ളി​ലെ​യും ന​ക്ഷ​ത്ര ഹോ​ട്ട​ലു​ക​ളി​ലെ​യും താ​മ​സ​വും പാ​പ്പ പ​തി​വാ​യി ഒ​ഴി​വാ​ക്കി. സ്ഥ​ല​ത്തെ മെ​ത്രാ​ന്മാ​രു​ടെ വ​സ​തി​ക​ളി​ലാ​യി​രു​ന്നു എ​ല്ലാ ദി​വ​സ​വും താ​മ​സം. ഭ​ക്ഷ​ണ​മാ​ക​ട്ടെ തീ​ര്‍​ത്തും ല​ളി​തം. പേ​രി​നെ​ന്തെ​ങ്കി​ലും ക​ഴി​ക്കു​മെ​ന്നു മാ​ത്രം. സാ​ധാ​ര​ണ​ക്കാ​ര​ന് ചി​ന്തി​ക്കാ​വു​ന്ന​തി​ലും ല​ളി​ത​വും മ​നോ​ഹ​ര​വു​മാ​ണ് അ​ദ്ദേ​ഹ​ത്തി​ന്റെ വ​ഴി​ക​ള്‍.

സ​ഭ​യും താ​നും എ​പ്പോ​ഴും പാ​വ​ങ്ങ​ളോ​ടും പീ​ഡി​ത​രോ​ടും രോ​ഗി​ക​ളോ​ടും അ​നാ​ഥ​രോ​ടും അ​ബ​ല​രോ​ടും ഒ​പ്പം നി​ല്‍​ക്ക​ണ​മെ​ന്ന വാ​ശി​യും മാ​ര്‍​പാ​പ്പ എ​ല്ലാ​യി​ട​ത്തും തെ​ളി​യി​ച്ചു. ബം​ഗ്ലാ​ദേ​ശ് സ​ന്ദ​ര്‍​ശ​ന​ത്തി​നി​ടെ പാ​വ​ങ്ങ​ളു​ടെ വാ​ഹ​ന​മാ​യ സൈ​ക്കി​ള്‍ റി​ക്ഷ​യി​ല്‍ സ​ഞ്ച​രി​ച്ച​തും ഈ ​സ​ന്ദേ​ശം മ​റ്റു​ള്ള​വ​രി​ല്‍ എ​ത്തി​ക്കാ​ന്‍ കൂ​ടി​യാ​യി​രു​ന്നു. ആ​വ​ശ്യ​ങ്ങ​ളും ആ​ര്‍​ഭാ​ട​ങ്ങ​ളും ത​മ്മി​ലു​ള്ള അ​ക​ലം വ​ലു​താ​ണെ​ന്ന ബോ​ധ്യം നാ​യ​ക​ന്‍ ത​ന്നെ ബോ​ധ്യ​പ്പെ​ടു​ത്തു​ന്നു.

അ​ക്ഷീ​ണ​നാ​യി അ​ച​ഞ്ച​ല​നാ​യി പാ​പ്പ

മ്യാ​ന്‍​മ​റി​ലും ബം​ഗ്ലാ​ദേ​ശി​ലും കി​ട്ടി​യ ആ​റു ദി​വ​സ​വും തു​ട​ര്‍​ച്ച​യാ​യി വേ​ല ചെ​യ്യാ​നും ഒ​ര​വ​സ​ര​ത്തി​ല്‍ പോ​ലും ക്ഷീ​ണി​ത​നോ, ക്ഷു​ഭി​ത​നോ ആ​കാ​തി​രി​ക്കാ​നും എ​ങ്ങി​നെ ക​ഴി​യു​മെ​ന്നു ഫ്രാ​ന്‍​സി​സ് പാ​പ്പ തെ​ളി​യി​ച്ചു. റോ​മി​ല്‍ നി​ന്ന് പു​റ​പ്പെ​ട്ട് അ​ഞ്ചാം ദി​വ​സ​മാ​യ ഡി​സം​ബ​ര്‍ ഒ​ന്നി​ന് ബം​ഗ്ലാ​ദേ​ശി​ലെ മാ​ര്‍​പാ​പ്പ​യു​ടെ പ​ര​മാ​വ​ധി പ​രി​പാ​ടി​ക​ളി​ല്‍ പ​ങ്കെ​ടു​ക്കാ​ന്‍ ഞാ​ന്‍ ആ​ഗ്ര​ഹി​ച്ചു. അ​ന്നാ​ണ് പാ​പ്പ​യു​ടെ തി​ര​ക്കു​ക​ളു​ടെ ഭാ​രം ബോ​ധ്യ​മാ​യ​ത്.

സീ​റോ മ​ല​ബാ​ര്‍ സ​ഭ​യു​ടെ അ​ധ്യ​ക്ഷ​നാ​യ മേ​ജ​ര്‍ ആ​ര്‍​ച്ച് ബി​ഷ​പ് ക​ര്‍​ദി​നാ​ള്‍ മാ​ര്‍ ജോ​ര്‍​ജ് ആ​ല​ഞ്ചേ​രി​യും ഇ​ന്ത്യ​യി​ല്‍ നി​ന്നു​ള്ള മ​റ്റു ര​ണ്ടു ക​ര്‍​ദി​നാ​ള്‍​മാ​രാ​യ ഡോ. ​ഓ​സ്വാ​ള്‍​ഡ് ഗ്രേ​ഷ്യ​സും ഡോ. ​ടെ​ല​സ്ഫോ​ര്‍ ടോ​പ്പോ​യും ആ​ര്‍​ച്ച്ബി​ഷ​പു​മാ​രാ​യ ഡോ. ​തോ​മ​സ് മേ​നാം​പ​റ​മ്പി​ലും ഡോ. ​ഏ​ബ്ര​ഹാം വി​രു​ത്ത​ക്കു​ള​ങ്ങ​ര​യും അ​ട​ക്ക​മു​ള്ള​വ​ര്‍ ധാ​ക്ക​യി​ലെ പാ​പ്പ​യു​ടെ പ​രി​പാ​ടി​ക​ള്‍​ക്കെ​ത്തി​യ​തി​നാ​ലാ​യി​രു​ന്നു പ്ര​ത്യേ​ക താ​ത്പ​ര്യം. ധാ​ക്ക​യി​ലെ സെ​ന്റ് മേ​രീ​സ് ക​ത്തീ​ഡ്ര​ലി​ലെ പാ​പ്പ​യു​ടെ സ​ന്ദ​ര്‍​ശ​ന​ത്തോ​ട​നു​ബ​ന്ധി​ച്ച് മാ​ര്‍ ആ​ല​ഞ്ചേ​രി​യു​ടെ സ​ന്ദേ​ശ​വും ഉ​ണ്ടാ​യി​രു​ന്നു.

പ​ക്ഷേ മാ​ധ്യ​മ സം​ഘ​ത്തി​ലെ എ​ല്ലാ​വ​ര്‍​ക്കും എ​ല്ലാ​യി​ട​ത്തും അ​നു​മ​തി​യി​ല്ല എ​ന്ന കാ​ര്യം നേ​ര​ത്തെ രേ​ഖാ​മൂ​ലം അ​റി​യി​ച്ചി​രു​ന്നു. മാ​ധ്യ​മ സാ​ന്നി​ധ്യം പ​ല പ​രി​പാ​ടി​ക​ളി​ലും നി​യ​ന്ത്രി​ത​മോ, വ​ള​രെ നി​യ​ന്ത്രി​ത​മോ ആ​യി​രു​ന്നു. എ​ങ്കി​ലും ആ​ഗ്ര​ഹം വ​ത്തി​ക്കാ​ന്‍ പ്ര​സ് ഓ​ഫീ​സ​റെ അ​റി​യി​ച്ചു. അ​ദ്ദേ​ഹം കാ​ര്യം പ​റ​ഞ്ഞു. പ്ര​വേ​ശ​നം എ​ളു​പ്പ​മ​ല്ല. ഏ​താ​ണ്ട് അ​സാ​ധ്യം. കാ​ര​ണം ക​ത്തീ​ഡ്ര​ലി​ലെ സ​ന്ദ​ര്‍​ശ​ന വേ​ള​യി​ല്‍ വെ​റും അ​ഞ്ച് വീ​ഡി​യോ, സ്റ്റി​ല്‍ കാ​മ​റ​ക​ള്‍​ക്കു മാ​ത്ര​മേ പ്ര​വേ​ശ​നം അ​നു​വ​ദി​ച്ചി​ട്ടു​ള​ളൂ.

അ​നു​ഗ്ര​ഹം പോ​ലെ അ​നു​ഗ​മ​നം

പാ​ര​മ്പ​ര്യ​വും ത​റ​വാ​ടി​ത്ത​വും വി​ശ്വാ​സ്യ​ത​യ​മു​ള​ള പ​ത്ര​മെ​ന്ന ദീ​പി​ക​യു​ടെ വി​ല മ​ന​സി​ലാ​യ മ​റ്റൊ​രു അ​വ​സ​ര​മാ​യി​രു​ന്നു കൈ​വ​ന്ന​ത്. റി​പ്പോ​ര്‍​ട്ട​ര്‍​മാ​ര്‍​ക്കു പ്ര​വേ​ശ​നം പൂ​ര്‍​ണ​മാ​യി നി​ഷേ​ധി​ച്ചി​രു​ന്ന പ​രി​പാ​ടി​യി​ല്‍ അ​ട​ക്കം മാ​ര്‍​പാ​പ്പ​യു​ടെ അ​ന്ന​ത്തെ ഏ​താ​ണ്ട് മു​ഴു​വ​ന്‍ പ​രി​പാ​ടി​ക​ള്‍​ക്കും അ​നു​മ​തി കി​ട്ടി. വൈ​കു​ന്നേ​ര​മാ​യ​പ്പോ​ള്‍ തു​ട​ര്‍​ച്ച​യാ​യ, വി​ശ്ര​മ​മി​ല്ലാ​ത്ത പ​രി​പാ​ടി​ക​ള്‍ മൂ​ലം പ​ത്ര​പ്ര​വ​ര്‍​ത്ത​ക​രെ​ല്ലാം ക്ഷീ​ണി​ത​രാ​യി. പ​ക്ഷേ ഫ്രാ​ന്‍​സി​സ് മാ​ര്‍​പാ​പ്പ മാ​ത്രം രാ​വി​ല​ത്തേ​തു പോ​ലെ ഉ​ന്മേ​ഷ​വാ​നാ​യി​രു​ന്നു.

ഡി​സം​ബ​ര്‍ ഒ​ന്നി​ന് രാ​വി​ലെ മൈ​താ​നി​യി​ലെ ദി​വ്യ​ബ​ലി, ഉ​ച്ച​ഭ​ക്ഷ​ണം, തു​ട​ര്‍​ന്ന് വ​ത്തി​ക്കാ​ന്‍ സ്ഥാ​ന​പ​തി ഡോ. ​ജോ​ര്‍​ജ് കോ​ച്ചേ​രി​യു​ടെ വ​സ​തി​യി​ല്‍ ബം​ഗ്ലാ​ദേ​ശ് പ്ര​ധാ​ന​മ​ന്ത്രി ഷേ​ഖ് ഹ​സീ​ന​യു​മാ​യി ച​ര്‍​ച്ച, ക​ത്തീ​ഡ്ര​ല്‍ സ​ന്ദ​ര്‍​ശ​നം, മെ​ത്രാ​ന്മാ​രു​ടെ സ​മ്മേ​ള​നം, മ​ത​സൗ​ഹാ​ര്‍​ദ എ​ക്യു​മെ​നി​ക്ക​ല്‍ സ​മ്മേ​ള​നം, രോ​ഹിം​ഗ്യ അ​ഭ​യാ​ര്‍​ഥി​ക​ളു​മാ​യി കൂ​ടി​ക്കാ​ഴ്ച തു​ട​ങ്ങി വി​ശ്ര​മ​മി​ല്ലാ​ത്ത പ​രി​പാ​ടി​ക​ളാ​യി​രു​ന്നു. രാ​ത്രി വൈ​കി​യാ​ണ് നൂ​ണ്‍​ഷ്യ​യോ​യു​ടെ വ​സ​തി​യി​ലെ​ത്തി പാ​പ്പ ഉ​റ​ങ്ങാ​ന്‍ പോ​യ​ത്. പി​റ്റേ​ന്നും തി​ര​ക്കു​ക​ള്‍ വ്യ​ത്യ​സ്ഥ​മാ​യി​ല്ല.

ഡി​സം​ബ​ര്‍ ര​ണ്ടി​നു രാ​വി​ലെ മ​ദ​ര്‍ തെ​രേ​സ​യു​ടെ ഭ​വ​ന​ത്തി​ലെ​ത്തി ഭി​ന്ന​ശേ​ഷി​ക്കാ​രു​മാ​യും ഏ​റെ നേ​രം ചെ​ല​വ​ഴി​ക്കാ​ന്‍ പാ​പ്പ​യ്ക്കു സ​ന്തോ​ഷ​മാ​യി​രു​ന്നു. അ​വി​ടെ നി​ന്ന് നേ​രെ വൈ​ദി​ക​രു​ടെ​യും സ​ന്യ​സ്ത​രു​ടെ​യും യോ​ഗ​ത്തി​ലേ​ക്ക്. തു​ട​ര്‍​ന്നു പ​ഴ​യ ഹോ​ളി റോ​സ​റി പ​ള്ളി​യും സെ​മി​ത്തേ​രി​യും സ​ന്ദ​ര്‍​ശി​ച്ച് തി​രി​കെ ന്യു​ണ്‍​ഷ്യേ​ച്ച​റി​ലെ​ത്തി പേ​പ്പ​ല്‍ സം​ഘ​വു​മാ​യി ഉ​ച്ച​ഭ​ക്ഷ​ണം ക​ഴി​ച്ചു. വൈ​കു​ന്നേ​രം വി​മാ​ന​ത്താ​വ​ള​ത്തി​ല്‍ ഔ​ദ്യോ​ഗി​ക യാ​ത്ര​യ​യ​പ്പും ക​ഴി​ഞ്ഞ് വി​മാ​ന​ത്തി​ല്‍ ക​യ​റു​മ്പോ​ള്‍ ഏ​തൊ​രാ​ളും ക്ഷീ​ണി​ത​നാ​കും. പ​ക്ഷേ വി​മാ​നം പ​റ​ന്നു​യ​ര്‍​ന്ന ശേ​ഷം പ​ത്ര​ക്കാ​രു​ടെ അ​ടു​ത്തെ​ത്തി എ​ല്ലാ ചോ​ദ്യ​ങ്ങ​ള്‍​ക്കും വി​ശ​ദ​വും വ്യ​ക്ത​വു​മാ​യ ഉ​ത്ത​രം ന​ല്‍​കാ​നും ഫ്രാ​ന്‍​സി​സ് പാ​പ്പ​യ്ക്കു ക​ഴി​ഞ്ഞു. ഒ​രു മ​ണി​ക്കൂ​ര്‍ പ​ത്ര​സ​മ്മേ​ള​നം. പ​ത്ര​ക്കാ​ര്‍ ഇ​രി​ക്കു​മ്പോ​ഴും മാ​ര്‍​പാ​പ്പ മു​ഴു​വ​ന്‍ സ​മ​യ​വും നി​ന്നു.

പ്ര​തീ​ക്ഷ​ക​ളി​ല്‍ ഇ​ന്ത്യ​യും

ഇ​ന്ത്യ സ​ന്ദ​ര്‍​ശ​നം ഇ​ത്ത​വ​ണ ന​ട​ക്കാ​തെ പോ​യ​തും അ​ടു​ത്ത വ​ര്‍​ഷം ഇ​ന്ത്യ സ​ന്ദ​ര്‍​ശി​ക്കാ​മെ​ന്നു പ്ര​തീ​ക്ഷ​യു​ണ്ടെ​ന്നും ദീ​പി​ക​യു​ടെ ചോ​ദ്യ​ത്തി​ന്, തെ​ളി​മ​യു​ള്ള ഉ​ത്ത​ര​മാ​ണ് പാ​പ്പ ന​ല്‍​കി​യ​ത്. അ​തെ കാ​പ​ട്യ​മി​ല്ലാ​ത്ത, ആ​രെ​യും കു​റ്റ​പ്പെ​ടു​ത്താ​ത്ത, എ​ല്ലാ​വ​ര്‍​ക്കും പ്ര​തീ​ക്ഷ ന​ല്‍​കു​ന്ന, ലോ​ക​ത്തി​ന് തെ​ളി​ച്ച​മാ​കു​ന്ന ഉ​ത്ത​ര​ങ്ങ​ള്‍. എ​ന്നും ഓ​ര്‍​ത്തി​രി​ക്കാ​നാ​കു​ന്ന പു​ണ്യ​നി​മി​ഷ​ങ്ങ​ളു​ടെ ഒ​രാ​ഴ്ച. ഒ​രു വ​ര്‍​ഷ​ത്തേ​ക്കാ​ള്‍ വി​ല​യു​ള്ള, ഒ​രി​ക്ക​ലും മ​റ​ക്കാ​ത്ത, അ​മൂ​ല്യ​വും വി​ശു​ദ്ധ​വു​മാ​യ ഒ​രാ​ഴ്ച​യി​ലെ അ​നു​ഭ​വ​ങ്ങ​ളു​ടെ ചെ​റി​യ അം​ശം മാ​ത്ര​മാ​ണി​വി​ടെ കു​റി​ച്ച​ത്.

ലോ​ക​ത്തെ ഏ​റ്റ​വും ശ്ര​ദ്ധേ​യ​നാ​യ, ഏ​റ്റ​വും സ്വാ​ധീ​ന​മു​ള്ള, ഏ​റ്റ​വും സ്നേ​ഹി​ക്ക​പ്പെ​ടു​ക​യും ആ​ദ​രി​ക്ക​പ്പെ​ടു​ക​യും ചെ​യ്യു​ന്ന, ചെ​റു​തെ​ങ്കി​ലും അ​നു​യാ​യി​ക​ളു​ടെ കാ​ര്യ​ത്തി​ല്‍ വ​ള​രെ വ​ലു​താ​യ രാ​ജ്യ​ത്തി​ന്റെ നാ​യ​ക​നാ​യ ഫ്രാ​ന്‍​സി​സ് പാ​പ്പ​യോ​ടൊ​പ്പം ഓ​രോ നി​മി​ഷ​വും വി​ല​പ്പെ​ട്ട​താ​യി​രു​ന്നു. അ​ദ്ദേ​ഹ​ത്തി​ന്റെ ഓ​രോ വാ​ക്കി​നു​മാ​യി ലോ​കം എ​പ്പോ​ഴും കാ​ത്തി​രി​ക്കു​ന്നു.

ഫ്രാ​ന്‍​സി​സ് വെ​റു​മൊ​രു മാ​ര്‍​പാ​പ്പ​യ​ല്ല. ലോ​ക​ത്തി​നു കി​ട്ടി​യ പു​ണ്യ വെ​ളി​ച്ച​മാ​ണി​ത്. ജാ​തി​യു​ടെ​യും മ​ത​ത്തി​ന്റെ​യും മ​നു​ഷ്യ​ര്‍ തീ​ര്‍​ത്ത എ​ല്ലാ അ​തി​രു​ക​ളു​ടെ​യും പു​റ​ത്തു ക​ട​ന്ന യു​ഗ​പു​രു​ഷ​നാ​ണ് പാ​പ്പ. സ്നേ​ഹ​വും സ​മാ​ധാ​ന​വും മാ​ത്രം ത​രു​ന്ന ലോ​ക​നാ​യ​ക​ന്‍. ആ ​പു​ണ്യം ന​മ്മു​ടെ നാ​ട്ടി​ലും വ​രു​ന്ന​തി​നാ​യി കാ​ത്തി​രി​ക്കാം.

ജോ​ര്‍​ജ് ക​ള്ളി​വ​യ​ലി​ല്‍
പ്രകാശം പരത്തുന്ന ടീച്ചർ
ഇ​രു​ളി​ൻ മ​ഹാ​നി​ദ്ര​യി​ൽ നി​ന്നു​ണ​ർ​ത്തി നീ
​നി​റ​മു​ള്ള ജീ​വി​ത പീ​ലി ത​ന്നു
നി​ന്‍റെ ചി​റ​കി​ലാ​കാ​ശ​വും ത​ന്നു
നി​ന്നാ​ത്മ​ശി​ഖ​ര​ത്തി​ലൊ​രു കൂ​ടു​ത​ന്നു...
നി​ന്നാ​ത്മ ശി​ഖ​ര​ത
ഇ​ന്ത്യ​ൻ ജു​റാ​സി​ക് പാ​ർ​ക്ക്
അദ്ഭുതങ്ങളുടെയും വിസ്മയങ്ങളുടെയും ലോകത്തേക്കാണ് ഈ പാർക്കിന്‍റെ വാതിലുകൾ തുറക്കുന്നത്. ലോകമെങ്ങുംനിന്ന് ആളുകൾ ഇവിടേക്ക് എത്തുന്നു. 1981ൽ ​സി​മ​ന്‍റ് ക്വാ​റി​യി​ൽനി​ന്ന് ഡൈ​നോ​സ​ർ മു​ട്ട​ക​ളും എ​ല്ലി​ൻ
നൂറുവട്ടം ഓർമിക്കാൻ ഇന്ദിര
“ഒ​ന്നു​കി​ൽ സ്നേ​ഹി​ക്കാം, അ​ല്ലെ​ങ്കി​ൽ വെ​റു​ക്കാം. പ​ക്ഷേ, ഒ​രി​ക്ക​ലും അ​വ​ഗ​ണി​ക്കാ​നാ​വി​ല്ല.” ഇ​ന്ത്യ​യു​ടെ രാ​ഷ്‌​ട്രീ​യ ച​രി​ത്ര​ത്തി​ലെ ഏ​ക വ​നി​താ പ്ര​ധാ​ന​മ​ന്ത്രി​യാ​യ യ​ശ​ശ്ശ​രീ​ര​യാ​യ
കൊല്ലരുത്
പ​ശ്ചി​മേ​ഷ്യ​യി​ൽ ഐ​എ​സ് ന​ശി​പ്പി​ച്ച ക്രി​സ്ത്യ​ൻ പ​ള്ളി​ക​ൾ​ക്കു ക​ണ​ക്കി​ല്ല. പ​ക്ഷേ, ദെ​ർ എ​സോ​റി​ലെ പ​ള്ളി​യു​ടെ സ്ഥാ​ന​ത്ത് ഇ​പ്പോ​ഴു​ള്ള ക​ൽ​ക്കൂ​ന്പാ​ര​ങ്ങ​ൾ ലോ​ക​ത്തി​ന്‍റെ ക​ണ്ണു​ക​ളെ ഈ
ഇറ്റലിയിലെ ലൂക്ക, ബൽജിയംകാരി എലൻ, മലയാളിയുടെ കൊക്കോ!
ഇ​ത് ലൂ​ക്കാ​യു​ടെ​യും എ​ല​ന്‍റെ​യും ക​ഥ​. ഒ​രു​ വ​ൻ​ക​ര​യി​ൽ നി​ന്നു മ​റ്റൊ​രു​വ​ൻ​ക​ര​യി​ലേ​ക്ക് പ​റി​ച്ചു​ന​ട​പ്പെ​ട്ട യു​വ​ദ​ന്പ​തി​ക​ളു​ടെ ക​ഥ. സ്വ​പ്ന​ഭൂ​മി​യിലെ ലൂ​ക്ക​യു​ടെ​യും എ​ല​ന്‍റെ​യും
സിസ്റ്റർ റാണി മരിയ രക്തനക്ഷത്രം
സമുന്ദർസിംഗ് മധ്യപ്രദേശിലെ ഉദയ്നഗറിൽ മിർജാപ്പൂർ ഗ്രാമത്തിലെ വാടകക്കൊലയാളിയായിരുന്നു നാലാംക്ലാസ് വരെ മാത്രം പഠിച്ച ഒരു ഗുണ്ട. പ്രമാണിയും ഗ്രാമപഞ്ചായത്ത് മുഖ്യനും പ്രാദേശിക രാഷ്ട്രീയക്കാരനുമൊക്കെയായ
കാലത്തിന്‍റെ കവിളിലെ കണ്ണീർത്തുള്ളി
താ​ജ്മ​ഹ​ൽ

ഇ​തു​പോ​ലെ മ​റ്റൊ​ന്നി​ല്ല. ഇ​ത്ര വ​ലി​യ പ്ര​ണ​യ​സ്മാ​ര​കം ലോ​ക​ത്ത് മ​റ്റൊ​രി​ട​ത്തും മ​നു​ഷ്യ​ർ​ക്കാ​യി നി​ർ​മി​ക്ക​പ്പെ​ട്ടി​ട്ടി​ല്ല. പ​ക്ഷേ, മ​റ​ക്ക​രു​ത് ന​ഷ്ട​പ്ര​
ഡ്രം ​ട​പ്യോ​ക്ക..ചി​ല്ലി സാ​ല​ഡ്
ഡ്രം ​ട​പ്യോ​ക്ക... ചെ​ണ്ട​മു​റി​യ​ൻ ക​പ്പ​യ്ക്ക് സാ​യ്​പ്പു​കു​ട്ടി​ക​ൾ പേ​രി​ട്ടു.
കാ​ന്താ​രി മു​ള​കു ച​മ്മ​ന്തി... ഹോ​ട്ട് ചി​ല്ലി സാ​ല​ഡ്. തൈ​രു ച​മ്മ​ന്തി... കേ​ർ​ഡ് ഒ​നി​യ​ൻ സാ​ല​
മലയാളത്തിന്‍റെ ഉലകനായിക
പ്ര​മു​ഖ സാമ്പ​ത്തി​ക ദി​ന​പ​ത്ര​മാ​യ "മി​ന്‍റ്' ലോ​ക​ത്ത് ഏ​റ്റ​വു​മ​ധി​കം വാ​യ​ന​ക്കാ​രു​ള്ള മലയാള ഇ​ന്‍റ​ർ​നെ​റ്റ് പ​ത്ര​മാ​യി 2010ൽ ​ദീ​പി​ക ഡോ​ട്ട് കോ​മി​നെ തെ​ര​ഞ്ഞെ​ടു​ത്തു. ""നീ​ൽ ആം​സ്ട്രോം​ഗ
മരുഭൂമിയിലെ നിലവിളി
എനിക്കും നിങ്ങളെപ്പോലെ ചിരിക്കണമെന്നുണ്ട്. പക്ഷേ, കഴിയുന്നില്ലല്ലോ... കോട്ടയം സീരിയിലെ (സെൻറ് എഫ്രേം എക്യുമെനിക്കൽ റിസേർച്ച് സെൻറർ) കൊച്ചുമുറിയിൽ ഇരുന്നു സുറിയാനി കത്തോലിക്കാ പാത്രിയർക്കീസ് വ്യാക
വഴിമുട്ടാതെ കനകമൊട്ട
വീ​ട്ടി​ലേ​ക്ക് ക​യ​റും മു​ന്പ് വ​ഴി​യി​ൽ​വ​ച്ചു ത​ന്നെ ഒ​രു കാ​ര്യം പ​റ​യാം... വ​ഴി​മു​ട്ടി​യ ഒ​രാ​ളു​ടെ അ​നു​ഭ​വ​മ​ല്ല ഇ​ത്, വ​ഴിതേ​ടി ന​ട​ന്ന ഒ​രു ജീ​വി​തം മാ​ത്രം. വ​ഴി​യി​ലെ​ത്താ​ൻ അ​യാ​ൾ പ​ല​വ​ഴ
ഇന്ന് ഉഴുന്നാലിലച്ചൻ അന്ന് ജയിംസച്ചൻ
ഫാ. ടോം ഉഴുന്നാലിലിനെപ്പോലെ ജീവനു വിലപറയപ്പെട്ട് സഹനത്തിന്‍റെ ദുരിതപാതകളിൽ അഞ്ഞൂറു ദിവസം ബന്ദിയാക്കപ്പെട്ട മറ്റൊരു സലേഷ്യൻ വൈദികനാണ് ഫാ. ജയിംസ് പുളിക്കൽ. കോതമംഗലം പുളിക്കൽ അഡ്വ. പി.പി ജേ
കഥാപുരുഷൻ
ചൂ​ണ്ട​യി​ടീ​ൽ...ബാ​ല്യ​കാ​ല ഹോ​ബി എ​ന്താ​യി​രു​ന്നു​വെ​ന്ന ചോ​ദ്യ​ത്തി​ന് കെ​.ജെ. അ​ൽ​ഫോ​ൻ​സ് ക​ണ്ണ​ന്താ​ന​ത്തി​ന്‍റെ ഉ​ത്ത​രം.

മ​ണി​മ​ല സെ​ന്‍റ് ജോ​ർ​ജ് സ്കൂ​ളി​നോ​ടു ചേ​ർ​ന്നു​ള്ള പു
അത്ര പിന്നിലല്ല...ആ കാലം
ഒ​രു​പാ​ടു പി​ന്നി​ലു​ള്ള കാ​ല​മ​ല്ല. പ​ത്തു​മു​പ്പ​തു വ​ർ​ഷം മാ​ത്രം പ​ഴ​ക്ക​മു​ള്ള കാ​ലം. അ​ന്തം​വി​ട്ട​പോ​ലെ പാ​യു​ന്ന ഇ​പ്പോ​ഴ​ത്തെ കാ​ലം ആ​രം​ഭി​ക്കും മു​ന്പു​ള്ള കാ​ലം.

കാ​ല​ത്തിന് അ​
17,540 അടി ഉയരത്തിൽ അഞ്ജന പാറിച്ചു..,മൂവർണക്കൊടി
17,540 അടി ഉയരത്തിലെ ലഡാക്ക് മഞ്ഞുമലയിൽ പന്തളംകാരി അഞ്ജന ഭാരതത്തിന്‍റെ ത്രിവർണ പതാക പാറിച്ചപ്പോൾ നിശ്ചയദാർഢ്യത്തിന്‍റെ വിജയാവേശമാണ് മുഴങ്ങിയത്. ഇടയ്ക്കെപ്പോഴൊക്കെ പിൻമാറാൻ ആഗ്രഹിച്ചപ്പോഴും മനസിന്‍റെ അ
നാ‌ട്ടുമാവിനെ പ്രണയിച്ച മാഷും പാതിരിയും
""അ​ങ്ക​ണ​മ​ണി​യും പു​തു​പൂ​ച്ചെ​ടി
വ​ള്ളിക​ൾ മ​ടി​യി​ലൊ​തു​ക്കി
പു​ല​ർ​കു​ങ്ക​ു മ​മു​തി​രും മു​ന്പ്
പെ​രു​ങ്കാ​ട​ണ​യും മു​ന്പേ
ഉ​യി​രി​ൻ​കു​ടി വെ​ച്ചേ​നെ​ന്നും
ഉ​ണ്മ​യി​ൽ നി​റ​വാ​യ​വ
ആ അർധരാത്രിയിൽ
ഇന്ത്യ ബ്രിട്ടീഷ് ആധിപത്യത്തിൽനിന്നു സ്വാതന്ത്ര്യം നേടിയിട്ട് 70 വർഷം. മുൻ രാഷ്‌ട്രപതി പ്രണാബ് കുമാർ മുഖർജി സൺഡേ ദീപികയോട് പറഞ്ഞത്.

സ്വാ​ത​ന്ത്ര്യ സ​മ​ര​ത്തി​ന്‍റെ ഭാ​ഗ​മാ​യി ജ​യി​ൽ വാ​
വിമാനത്താവളത്തിലെ ജൈവതോട്ടം
നെ​ടു​ന്പാ​ശേ​രി റ​ണ്‍​വേ​യ്ക്കു പു​റ​ത്തു പു​ല്ലു ക​യ​റി​യ ഇ​ട​ത്തെ സൗ​രോ​ർ​ജ പാ​ട​വും ഇ​തി​ന​ടി​യി​ലെ പ​ച്ച​ക്ക​റി കൃ​ഷി​യും നൂ​റു​മേ​നി വി​ജ​യം. ഒ​രേ സ​മ​യം വെ​ളി​ച്ച​വും വി​ള​വും ന​ൽ​കു​ക​യാ​
രാജസ്ഥാനിലെ ഇന്ത്യ
കാ​ലു​കു​ത്തു​ന്ന ഏ​തൊ​രു സ​ഞ്ചാ​രി​യോ​ടും ഗൈ​ഡ് നെ​ഞ്ചു​വി​രി​ച്ചു പ​റ​യു​ന്ന സ്ഥി​രം വാ​ച​ക​മാ​ണ്, "രാ​ജ​സ്ഥാ​ൻ: ലാ​ൻ​ഡ് ഓ​ഫ് രാ​ജാ​സ്.'​ കീ​ഴ​ട​ങ്ങി ജീ​വി​ക്കു​ന്ന​തി​നേ​ക്കാ​ൾ വീ​ര​സ്വ​ർ​ഗം പൂ​ക
കൊട്ടിന് മട്ടന്നൂർ
മ​ട്ട​ന്നൂ​രി​ലെ മ​ഹാ​ദേ​വ ക്ഷേ​ത്ര​ത്തി​ൽ നി​ത്യ​പൂ​ജ​യ്ക്ക് കൊ​ട്ടാ​നാ​യി ആ​ദ്യ​മാ​യി ചെ​ണ്ട തോ​ള​ത്ത് തൂ​ക്കു​ന്പോ​ൾ ശ​ങ്ക​ര​ൻ​കു​ട്ടി​ക്ക് വ​യ​സ് അ​ഞ്ച്! വെ​റു​തെ ഒ​ന്നു കൊ​ട്ടി പ​രീ​ക്ഷി​ക്കൂ
കോരനെ കാലം കണ്ടെത്തി
ചി​ല മ​റ​വി​ത്തെ​റ്റു​ക​ളി​ൽ​നി​ന്നും ഒ​രു ഓ​ർ​മ പു​റ​ത്തെ​ടു​ക്കു​ന്നു.
വ​ർ​ഷ​ങ്ങ​ൾ പ​ഴ​ക്ക​മു​ള്ള ച​രി​ത്ര​ബോ​ധ​മാ​ണി​ത്. ഒ​രു നാ​ടി​ന്‍റെ ഓ​ർ​മ​ക​ളി​ൽ​നി​ന്നും മാ​യി​ക്ക​പ്പെ​ട്ട ച​രി​
ട്രോമ കെയറിൽനിന്ന് മസൂറിയിലേക്ക്...
കുമരകം പള്ളിച്ചിറയിലെ ഇടവഴികളിലേക്കു വെള്ളംകയറി വരികയാണ്, രണ്ടുദിവസമായി തോരാതെ പെയ്യുന്ന മഴയെ തോൽപിക്കാനെന്നതുപോലെ... വെള്ളം നിറഞ്ഞൊഴുകുന്ന തോട്ടുവക്കിലേക്കു ഞങ്ങൾക്കൊപ്പം നടക്കാനിറങ്ങിയ ജിജോ ത
ബലിയാട്
സ്വ​പ്ന​ങ്ങ​ൾ ഏ​റെ​യു​ണ്ടാ​യി​രു​ന്നു ഫി​ലി​പ്പി​ന്. അ​വ വെ​റും പ​ക​ൽ​ക്കി​നാ​വു​ക​ളാ​യി​രു​ന്നി​ല്ല. യാ​ഥാ​ർ​ഥ്യ​മാ​ക്കാ​ൻ തീ​രു​മാ​നി​ച്ചു​റ​പ്പി​ച്ച​വ. ജന്മ​സി​ദ്ധ​മാ​യ പ്ര​തി​ഭ​യും ആ​ർ​ജി​ച്ചെ​ടു​
ഗോപിയുടെ രണ്ടാം വരവ്
Don’t close the book when
bad things happen in our life.
Just turn the page and
begin a new chapter.

ക​ഴി​ഞ്ഞ ദി​വ​സം വാ​ട്സ് ആ​പ്പി​ൽ സു​പ്ര​ഭാ​തം നേ​ർ​ന്ന് വ​ന്ന ഒ​രു സ​ന്ദേ​ശ​ത്ത
പൂരക്കളിയിൽ നിന്ന് സിവിൽ സർവീസിലേക്ക്
പൂ​ര​ക്ക​ളി​യോ​ടും തെ​യ്യ​ത്തി​നോ​ടും ഭ്ര​മം ബാ​ധി​ച്ച, ഉ​റ​ക്ക​ത്തെ ഇ​ഷ്ട​പ്പെ​ടു​ന്ന ക​ണ്ണൂ​ർ പ​രി​യാ​രം മേ​ലേ​രി​പ്പു​റം എ.​വി. ഹൗ​സി​ൽ അ​തു​ൽ ജ​നാ​ർ​ദ​ന െ ന്‍റ നി​ഘ​ണ്ടു​വി​ൽ അ​സാ​ധ്യം എ​ന്നൊ​ര
കു‌ട്ടിക്കളിയല്ല 440 വീടുകൾ
തെ​ങ്ങി​ൽ​നി​ന്നു വീ​ണു കി​ട​പ്പി​ലാ​യ ശ​ശി​ധ​ര​ന് പ്ര​ത്യാ​ശ പ​ക​ർ​ന്നു ന​ൽ​കി​യ​ത് വി​ദ്യാ​ർ​ഥി​ക​ളു​ടെ ന​ല്ല മ​ന​സാ​ണ്. ചോ​ർ​ന്നൊ​ലി​ക്കു​ന്ന കൂ​ര​യി​ൽ ഭ​ക്ഷ​ണ​വും മ​രു​ന്നു​മി​ല്ലാ​തെ ശ​ശി​ധ​ര​ൻ
സത്യത്തിനു മരണമില്ല
സാർവത്രിക വിദ്യാഭ്യാസമെന്നത് ഒരു വിശേഷവുമല്ലാതായിരിക്കുന്ന ഇക്കാലത്ത് എന്‍റെ കുട്ടിക്കാലത്തേക്കു തിരിഞ്ഞുനോക്കുന്നത് ഒരു വിശേഷമായിരിക്കും. 1930ൽ കൊയിലാണ്ടിയിൽനിന്നു രണ്ടു മൈൽ തെക്കുള്ള ചെങ്ങോട്ടുകാവ്
വൺ ഡോളർ ബേബീസ്
കെ​യ്റോ പ​ട്ട​ണം ഉ​റ​ങ്ങാ​ൻ ക​ംബളം വി​രി​ക്കു​ക​യാ​ണ്. നൈ​ൽ​നി​ദി​യി​ൽ നി​ന്നു വീ​ശു​ന്ന കാ​റ്റ് ഈ​ജി​പ്തി​ന്‍റെ ശി​ര​സി​നെ ഒ​ന്നു​കൂ​ടി ത​ണു​പ്പി​ക്കു​ന്നു. രാ​ത്രി പ​ത്തി​നോ​ട​ടു​ത്തു. ഞ​ങ്ങ​ളു​ടെ
You can make wonders (നിങ്ങൾക്ക് അദ്ഭുതങ്ങൾ സൃഷ്ടിക്കാനാകും)
"" എ​നി​ക്ക് ഇൗ ​വി​ജ​യം നേ​ടാ​നാ​യെ​ങ്കി​ല്‍ നി​ങ്ങ​ള്‍​ക്ക് ഇ​തി​ന​പ്പു​റ​വും ക​ഴി​യും ’. സെ​റി​ബ്ര​ല്‍ പാ​ൾസി ബാ​ധി​ച്ച് ത​ള​ര്‍​ന്ന കൈ​ക​ള്‍ ഉ​യ​ര്‍​ത്തി ശ്യാം ​അ​ത് പ​റ​യു​മ്പോ​ള്‍ വി​ജ​യം ആ ​കൈ​
മണിപ്പൂരിന്‍റെ മാനസ മലയാളി
ശാ​ന്തസ​മു​ദ്ര​ങ്ങ​ളു​ടെ ആ​ഴ​ങ്ങ​ളി​ൽനി​ന്നത്രേ ഭീ​ക​ര സു​നാ​മി​ക​ൾ ഉ​യി​ർ​കൊ​ള്ളു​ന്ന​ത്. തി​ര​മാ​ല​ക​ൾ പോ​ലെ ക​ണ്ണീ​രൊ​ഴു​ക്കി​യ ശേ​ഷ​മാ​കും തീ​ര​ങ്ങ​ൾ പി​ന്നെ ശാ​ന്ത​മാ​കു​ന്ന​തും. ജീ​വി​ത​ത്തി​
Rashtra Deepika LTD
Copyright @ 2017 , Rashtra Deepika Ltd.