ജറുസലേമിലെ കുരിശിന്‍റെ വഴിയിൽ
2017 ഫെ​ബ്രു​വ​രി​യി​ലെ ത​ണു​ത്തു മ​ര​വി​ച്ച ഒ​രു രാ​ത്രി​യി​ലാ​ണ് ഞ​ങ്ങ​ൾ ജ​റു​സ​ലേം പ​ട്ട​ണ​ത്തി​ലെ​ത്തി​യ​ത്. പി​റ്റേ​ന്നു വെ​ള്ളി​യാ​ഴ്ച​യാ​യി​രു​ന്നു. വി​ശു​ദ്ധ​നാ​ട് സ​ന്ദ​ർ​ശി​ക്കാ​നെ​ത്തി​യ മ​ല​യാ​ളി​ക​ൾ ഉ​ൾ​പ്പെ​ടെ​യു​ള്ള ആ​യി​ര​ക്ക​ണ​ക്കി​നു തീ​ർ​ഥാ​ട​ക​ർ അ​തി​രാ​വി​ലെ ത​ന്നെ പ​ട്ട​ണ​ത്തി​ലെ കാ​ഴ്ച​ക​ൾ കാ​ണാ​നി​റ​ങ്ങി​യി​രു​ന്നു. അ​ത​ങ്ങ​നെ​യാ​ണ്. അ​തി​രാ​വി​ലെ മു​ത​ൽ അ​ർ​ധ​രാ​ത്രി​വ​രെ വി​ശു​ദ്ധ​സ്ഥ​ല​ങ്ങ​ളി​ലും തെ​രു​വു​ക​ളി​ലു​മൊ​ക്കെ ആ​ളു​ക​ൾ തി​ക്കി​ത്തി​ര​ക്കു​ക​യാ​യി​രി​ക്കും. തി​ര​ക്കി​ട്ട യാ​ത്രാ പ​രി​പാ​ടി​ക​ൾ​ക്കി​ടെ ഉ​റ​ങ്ങാ​ൻ പോ​ലും സ​മ​യ​മു​ണ്ടാ​കി​ല്ല. തി​ബേ​രി​യോ​സ് ത​ടാ​ക​തീ​ര​ത്തു​ള്ള ക്ല​ബ് ഹോ​ട്ട​ലി​ലാ​യി​രു​ന്നു ഞ​ങ്ങ​ളു​ടെ താ​മ​സം.

രാ​വി​ലെ​ത​ന്നെ യാ​ത്ര കു​രി​ശി​ന്‍റെ വ​ഴി​യി​ലേ​ക്കാ​യി​രു​ന്നു. വ​ഴി​യി​ൽ പ​ല​യി​ട​ത്തും ഇ​സ്ര​യേ​ൽ പ​ട്ടാ​ള​ക്കാ​ർ നി​ര​ന്നു നി​ല്ക്കു​ന്ന​തു കാ​ണാ​മാ​യി​രു​ന്നു. ചി​ല​യി​ട​ത്ത് അ​വ​ർ ബ​സി​നു​ള്ളി​ൽ ക​യ​റി പ​രി​ശോ​ധി​ക്കു​ക​യും ചെ​യ്തു. പ​ല​സ്തീ​നി​ൽ​നി​ന്നു വ​രു​ന്ന വാ​ഹ​ന​ങ്ങ​ൾ ടൂ​റി​സ്റ്റു​ക​ളാ​ണെ​ങ്കി​ലും യ​ഹൂ​ദ പ​ട്ടാ​ള​ക്കാ​രു​ടെ നി​രീ​ക്ഷ​ണ​ത്തി​ൽ​ത​ന്നെ​യാ​ണ്. അ​വ​ർ​ക്ക് ആ​രെ​യും വി​ശ്വാ​സ​മി​ല്ല. നെ​ഞ്ചി​നു കു​റു​കെ തൂ​ക്കി​യി​ട്ടി​രി​ക്കു​ന്ന തോ​ക്കു​ക​ളി​ൽ ശ്ര​ദ്ധ​യു​ണ്ടെ​ങ്കി​ലും പ​ട്ടാ​ള​ക്കാ​രി​ൽ പ​ല​രു​ടെ​യും ഇ​രു​കൈ​ക​ളും പാ​ന്‍റ്സി​ന്‍റെ പോ​ക്ക​റ്റി​ലാ​ണ്. ഒ​ലി​വു​മ​ല ക​ട​ന്നു​വ​രു​ന്ന കാ​റ്റി​ന് അ​ത്ര ത​ണു​പ്പാ​ണ്.

ഡൊ​ളോ​റോ​സ

ഡൊ​ളോ​റോ​സ എ​ന്നാ​ണ് കാ​ൽ​വ​രി​യി​ലേ​ക്കു​ള്ള വ​ഴി അ​റി​യ​പ്പെ​ടു​ന്ന​ത്. ഒാ​ശാ​ന വീ​ഥി​യും ഒ​ലി​വു​മ​ല​യും കു​രി​ശി​ലേ​റ്റു​ന്ന​തി​ന്‍റെ ത​ലേ​ന്നു രാ​ത്രി യേ​ശു ഒ​റ്റി​ക്കൊ​ടു​ക്ക​പ്പെ​ട്ട ഗ​ദ്സ​മേ​ൻ തോ​ട്ട​വു​മൊ​ക്കെ അ​ടു​ത്തു ത​ന്നെ​യാ​ണ്. ഓ​ശാ​ന​വീ​ഥി തീ​രു​ന്നി​ട​ത്ത് കു​രി​ശി​ന്‍റെ​വ​ഴി തു​ട​ങ്ങു​ന്നു. ഓ​ശാ​ന​യു​ടെ ഓ​ർ​മ പു​തു​ക്കി​യു​ള്ള ഇ​പ്പോ​ഴ​ത്തെ ഘോ​ഷ​യാ​ത്ര അ​വ​സാ​നി​ക്കു​ന്ന​ത് താ​ഴെ ല​യ​ണ്‍​ഗേ​റ്റി​ന​ടു​ത്തു​ള്ള സെ​ന്‍റ് ആ​ൻ പ​ള്ളി​യി​ലാ​ണ്. ഓ​ശാ​ന പാ​ടി​യ​വ​രി​ൽ പ​ല​രും അ​വ​നെ ക്രൂ​ശി​ക്കു​ക എ​ന്നു വി​ളി​ച്ചു പ​റ​ഞ്ഞി​രി​ക്കാം.

പീ​ലാ​ത്തോ​സി​ന്‍റെ അ​ര​മ​ന​യി​ൽ​നി​ന്നാ​ണ് കു​രി​ശി​ന്‍റെ​വ​ഴി തു​ട​ങ്ങി​യ​ത്. ഞ​ങ്ങ​ൾ അ​വി​ടെ എ​ത്തി​യ​പ്പോ​ൾ അ​ട​ക്കം​പ​റ​യു​ന്ന​തു​പോ​ലെ മ​ല​യാ​ള​ത്തി​ൽ പ്രാ​ർ​ഥ​ന​ക​ൾ കേ​ൾ​ക്കാം. "ഈ​ശോ​മി​ശി​ഹാ​യെ ഞ​ങ്ങ​ൾ അ​ങ്ങ​യെ കു​ന്പി​ട്ടാ​രാ​ധി​ക്കു​ന്നു. എ​ന്തു​കൊ​ണ്ടെ​ന്നാ​ൽ വി​ശു​ദ്ധ കു​രി​ശി​നാ​ൽ നീ ​ലോ​ക​ത്തെ വീ​ണ്ടു​ര​ക്ഷി​ച്ചു.’ നി​ര​വ​ധി ഭാ​ഷ​ക​ളി​ൽ പ്രാ​ർ​ഥ​ന​ക​ളും പാ​ട്ടു​ക​ളു​മാ​യി ആ​ളു​ക​ൾ ഗാ​ഗു​ൽ​ത്താ​യി​ലേ​ക്കു നീ​ങ്ങു​ക​യാ​ണ്. ചി​ല​ർ കു​രി​ശു വ​ഹി​ച്ചി​രി​ക്കു​ന്നു. തീ​ർ​ഥാ​ട​ക​ർ ച​രി​ത്ര​ത്തി​ലെ യ​ഥാ​ർ​ഥ കു​രി​ശി​ന്‍റെ വ​ഴി​യി​ലൂ​ടെ നീ​ങ്ങു​ക​യാ​ണ്. ചി​ല​ർ ചെ​രി​പ്പു​ക​ൾ അ​ഴി​ച്ചു​മാ​റ്റി.

ഈ ​നീ​തി​മാ​ന്‍റെ ര​ക്ത​ത്തി​ൽ എ​നി​ക്കു പ​ങ്കി​ല്ലെ​ന്നു പ​റ​ഞ്ഞ് പീ​ലാ​ത്തോ​സ് കൈ ​ക​ഴു​കി​യ​ത് ഇ​വി​ടെ വ​ച്ചാ​ണ്. ഫ്രാ​ൻ​സി​സ്ക​ൻ കോം​പ്ല​ക്സി​ലെ ച​ർ​ച്ച് ഓ​ഫ് ക​ണ്‍​ഡെ​മ്നേ​ഷ​ൻ ആ​ണ് ഇ​പ്പോ​ൾ അ​വി​ടെ​യു​ള്ള​ത്. അ​ൾ​ത്താ​ര​യി​ൽ ചു​വ​ന്ന അ​ങ്കി ധ​രി​ച്ച് ശി​ര​സി​ൽ മു​ൾ​മു​ടി​യു​മാ​യി പീ​ലാ​ത്തോ​സി​ന്‍റെ അ​ര​മ​ന​യി​ൽ​നി​ന്നു പു​റ​ത്തേ​ക്ക് ഇ​റ​ങ്ങു​ന്ന ക്രി​സ്തു​വി​ന്‍റെ വ​ലി​യ പെ​യി​ന്‍റിം​ഗ് കാ​ണാം. ഒ​രു കു​ട്ടി​യു​ടെ കൈ​യി​ലി​രി​ക്കു​ന്ന പാ​ത്ര​ത്തി​ലെ വെ​ള്ള​ത്തി​ൽ കൈ ​ക​ഴു​കു​ന്ന പീ​ലാ​ത്തോ​സി​നെ​യും ചി​ത്രീ​ക​രി​ച്ചി​രി​ക്കു​ന്നു. മ​ര​ണ​ശി​ക്ഷ വി​ധി​ക്കു​ന്ന​തി​നു​മു​ന്പ് അ​വ​നെ ച​മ്മ​ട്ടി​കൊ​ണ്ട് അ​ടി​ച്ചു​വെ​ന്ന് ബൈ​ബി​ളി​ൽ പ​റ​യു​ന്നു. അ​ര​മ​ന​യു​ടെ അ​ക​ത്തു​വ​ച്ച് അ​ടി​കൊ​ണ്ട് പ​രി​ക്കേ​റ്റ​തു​പോ​ലെ ചി​ത്ര​ത്തി​ൽ യേ​ശു​വി​ന്‍റെ ദേ​ഹ​ത്ത് ചോ​ര​പ്പാ​ടു​ക​ൾ.

വീ​ഴു​ന്ന​തു​ക​ണ്ട് അ​മ്മ​യെ​ത്തു​ന്നു

അ​ന്ന​ത്തെ രീ​തി​യി​ൽ ഏ​റ്റ​വും പ്രാ​കൃ​ത​മാ​യ രീ​തി​യി​ലു​ള്ള കൊ​ല​പാ​ത​ക​മാ​ണ് ന​ട​ത്തി​യ​ത്. പ​ര​മാ​വ​ധി പീ​ഡി​പ്പി​ച്ച ശേ​ഷ​മാ​ണ് യേ​ശു​വി​നെ അ​വ​ർ കൊ​ന്ന​ത്. അ​വ​ന്‍റെ ശി​ര​സി​ൽ മു​ൾ​മു​ടി അ​ണി​യി​ച്ച​തും ഞാ​ങ്ങ​ണ​കൊ​ണ്ട് ത​ല​യ്ക്ക​ടി​ച്ച​തും പ​രി​ഹ​സി​ച്ച​തും മു​ഖ​ത്തു തു​പ്പി​യ​തും ഇ​വി​ടെ വ​ച്ചാ​ണ്. ഗാ​ഗു​ൽ​ത്താ മ​ല​യി​ലേ​ക്ക് ഇ​വി​ടെ​നി​ന്ന് 600 മീ​റ്റ​ർ ദൂ​ര​മേ​യു​ള്ളു. ഇ​ടു​ങ്ങി​യ ക​രി​ങ്ക​ൽ പാ​ത​യു​ടെ ഇ​രു​വ​ശ​ത്തും ഇ​സ്ര​യേ​ൽ​ക്കാ​രു​ടെ വീ​ടു​ക​ളും ക​ച്ച​വ​ട​സ്ഥാ​പ​ന​ങ്ങ​ളു​മാ​ണ്.

തോ​ളി​ലേ​ക്കു കു​രി​ശ് എ​ടു​ത്തു​വ​ച്ച​തി​ന്‍റെ ഓ​ർ​മ​യി​ലാ​ണ് ര​ണ്ടാം സ്ഥ​ല​ത്തെ പ്രാ​ർ​ഥ​ന​ക​ൾ. മൂ​ന്ന്, ഏ​ഴ്, ഒ​ന്പ​ത് സ്ഥ​ല​ങ്ങ​ളി​ൽ കു​രി​ശു​മാ​യി വീ​ണ​തി​ന്‍റെ സ്മ​ര​ണ പു​തു​ക്കു​ന്നു. അ​ടി​യേ​റ്റു കു​രി​ശും ചു​മ​ന്നു നീ​ങ്ങു​ന്ന​തി​നി​ടെ വ​ഴി​യി​ൽ അ​മ്മ​യെ ക​ണ്ട​ത് നാ​ലാം സ്ഥ​ല​ത്തു വ​ച്ചാ​ണ്. ഒ​രു​പ​ക്ഷേ, പീ​ലാ​ത്തോ​സി​ന്‍റെ അ​ര​മ​ന​യി​ൽ​വ​ച്ച് മ​ക​നു വ​ധ​ശി​ക്ഷ വി​ധി​ക്കു​ന്ന​ത് കേ​ൾ​ക്കാ​ൻ ത്രാ​ണി​യി​ല്ലാ​തെ മ​റി​യം ഇ​വി​ടേ​ക്കു മാ​റി നി​ന്ന​താ​വാം. എ​ന്താ​യാ​ലും വ​ലി​യ കു​രി​ശു​മാ​യി മ​ക​ൻ വീ​ണ​തു ക​ണ്ട് മ​റി​യം ഓ​ടി​യെ​ത്തി. ഇ​വി​ട​ത്തെ ചെ​റി​യൊ​രു ചാ​പ്പ​ലി​ന്‍റെ പു​റ​ത്ത് മു​ക​ളി​ലാ​യി അ​മ്മ​യും മ​ക​നും പ​ര​സ്പ​രം കാ​ണു​ന്ന ദൃ​ശ്യം കൊ​ത്തി​വ​ച്ചി​ട്ടു​ണ്ട്.

അ​ഞ്ചാം സ്ഥ​ല​ത്ത് കെ​വു​റീ​ൻ​കാ​ര​നാ​യ ശി​മ​യോ​ന്‍റെ പേ​രി​ൽ ചെ​റി​യൊ​രു ചാ​പ്പ​ലു​ണ്ട്. 1895-ൽ ​പ​ണി​ത​താ​ണ് ഈ ​ചെ​റി​യ പ​ള്ളി. കു​രി​ശി​ൽ ത​റ​ച്ചു​ത​ന്നെ കൊ​ല്ല​ണ​മെ​ന്നു നി​ർ​ബ​ന്ധ​മു​ണ്ടാ​യി​രു​ന്ന യ​ഹൂ​ദ​ർ കു​രി​ശു വ​ഹി​ക്കാ​ൻ ശി​മ​യോ​നെ ഏ​ർ​പ്പെ​ടു​ത്തു​ക​യാ​യി​രു​ന്നു. ഇ​വി​ടെ​നി​ന്ന് 40 അ​ടി മാ​റി​യാ​ണ് ആ​റാം സ്ഥ​ലം. അ​വി​ടെ ഒ​രു ചെ​റി​യ ഫ​ല​കം ചു​വ​രി​ൽ ചേ​ർ​ത്തു​വ​ച്ചി​രി​ക്കു​ന്നു. വേ​റോ​നി​ക്ക​യു​ടെ വീ​ട് ഇ​തി​ന​ടു​ത്താ​യി​രു​ന്നു​വെ​ന്ന് ചി​ല എ​ഴു​ത്തു​ക​ളി​ൽ കാ​ണാം.

ഭി​ത്തി​യി​ലൊ​ട്ടി​ച്ച വി​ധി​പ്പ​ക​ർ​പ്പ്

ര​ണ്ടാം​ത​വ​ണ ക്രി​സ്തു ത​ള​ർ​ന്നു വീ​ണ​തി​ന്‍റെ ഓ​ർ​മ​യാ​ണ് ഏ​ഴാം സ്ഥ​ല​ത്ത്. യേ​ശു​വി​നു മ​ര​ണ​ശി​ക്ഷ വി​ധി​ച്ച​തി​ന്‍റെ ഉ​ത്ത​ര​വ് ഇ​വി​ട​ത്തെ ഒ​രു മ​തി​ലി​ൽ പൊ​തു​ജ​ന​ങ്ങ​ൾ കാ​ണ​ത്ത​ക്ക​വി​ധം പ​തി​പ്പി​ച്ചി​രു​ന്നെ​ന്ന് പാ​ര​ന്പ​ര്യ​മാ​യി വി​ശ്വ​സി​ക്ക​പ്പെ​ടു​ന്നു. അ​തി​നാ​ൽ ജ​ഡ്ജ്മെ​ന്‍റ് ഗേ​റ്റ് എ​ന്നും ഇ​വി​ടം അ​റി​യ​പ്പെ​ടു​ന്നു.

യേ​ശു ജ​റു​സ​ലേ​മി​ലെ സ്ത്രീ​ക​ളോ​ടു സം​സാ​രി​ച്ച​തി​ന്‍റെ ഓ​ർ​മ​യി​ലാ​ണ് എ​ട്ടാം സ്ഥ​ലം. ഒ​ന്പ​തു മു​ത​ലു​ള്ള സ്ഥ​ല​ങ്ങ​ൾ ഗാ​ഗു​ൽ​ത്താ​മ​ല​യി​ലെ സെ​പ​ൾ​ക്ക​ർ പ​ള്ളി​യു​ടെ അ​ങ്ക​ണ​ത്തി​ലാ​ണ്. കു​രി​ശി​ൽ ത​റ​യ്ക്കു​ന്ന​തി​നു മു​ന്പ് അ​വ​ശേ​ഷി​ക്കു​ന്ന വ​സ്ത്ര​ങ്ങ​ളും അ​ഴി​ച്ചെ​ടു​ത്ത സ്ഥ​ല​ത്ത് ഇ​പ്പോ​ൾ ഒ​രു ഫ്രാ​ൻ​സി​സ്ക​ൻ ചാ​പ്പ​ൽ ഉ​ണ്ട്. സെ​പ​ൾ​ക്ക​ർ ക​ത്തീ​ഡ്ര​ലി​ന്‍റെ ഉ​ള്ളി​ലാ​ണ് ഇ​തു​ള്ള​ത്. 11-ാം സ്ഥ​ല​ത്ത് ലാ​റ്റി​ൻ ചാ​പ്പ​ലി​ൽ ക്രി​സ്തു​വി​നെ കു​രി​ശി​ൽ ത​റ​യ്ക്കു​ന്ന​തി​ന്‍റെ മൊ​സൈ​ക് ചി​ത്രം കാ​ണാം. കു​രി​ശി​ൽ ത​റ​ച്ച 12-ാം സ്ഥ​ല​ത്ത് ഗ്രീ​ക്ക് ഓ​ർ​ത്ത​ഡോ​ക്സ് ചാ​പ്പ​ലാ​ണ് ഉ​ള്ള​ത്. കു​ത്ത​നെ​യു​ള്ള ന​ട ക​യ​റി​യാ​ണ് അ​വി​ടെ എ​ത്തേ​ണ്ട​ത്. കു​രി​ശു നാ​ട്ടി​യി​രു​ന്ന പാ​റ​യി​ലെ വി​ള്ള​ലി​ലേ​ക്കു കൈ​ക​ൾ ഇ​റ​ക്കി പ്രാ​ർ​ഥി​ക്കു​ന്ന​വ​രു​ടെ നീ​ണ്ട നി​ര അ​വ​സാ​നി​ക്കു​ന്നി​ല്ല. ഈ ​കു​ഴി​യി​ൽ നാ​ട്ട​പ്പെ​ട്ട കു​രി​ശി​ൽ കി​ട​ന്നാ​ണ് അ​വ​സാ​ന ശ്വാ​സ​മെ​ടു​ക്കും മു​ന്പ് "ഇ​വ​ർ ചെ​യ്യു​ന്ന​ത് എ​ന്തെ​ന്ന് ഇ​വ​ർ അ​റി​യു​ന്നി​ല്ല, ഇ​വ​രോ​ടു ക്ഷ​മി​ക്കേ​ണ​മേ’ എ​ന്നു ക്രി​സ്തു പ്രാ​ർ​ഥി​ച്ച​ത്. ക​ണ്ണു​നീ​ർ തു​ട​ച്ചും വി​കാ​ര വി​ക്ഷോ​ഭ​ത്താ​ൽ വി​തു​ന്പി​യു​മാ​ണ് ലോ​ക​മെ​ങ്ങും​നി​ന്നു​ള്ള തീ​ർ​ഥാ​ട​ക​ർ താ​ഴേ​ക്ക് ഇ​റ​ങ്ങു​ന്ന​ത്.

താ​ഴെ യേ​ശു​വി​ന്‍റെ മൃ​ത​ദേ​ഹം കു​രി​ശി​ൽ​നി​ന്നി​റ​ക്കി കി​ട​ത്തി​യ 13-ാം സ്ഥ​ല​മാ​ണ്. അ​വി​ടെ​യു​ള്ള ശി​ല​യി​ൽ ആ​ളു​ക​ൾ ജ​പ​മാ​ല​യും കു​രി​ശു​ക​ളും മ​റ്റും വ​ച്ചു പ്രാ​ർ​ഥി​ക്കു​ന്നു. തീ​ർ​ഥാ​ട​ക​ർ​ക്കൊ​പ്പ​മു​ള്ള വൈ​ദി​ക​ർ ഇ​വ വെ​ഞ്ച​രി​ക്കു​ന്ന​തി​ന്‍റെ തെ​ര​ക്കി​ലാ​ണ്. ഏ​താ​നും മീ​റ്റ​ർ അ​ക​ലെ​യാ​ണ് ക​ല്ല​റ​യെ​ങ്കി​ലും ഒ​ന്ന​ര മ​ണി​ക്കൂ​റോ​ളം ക്യൂ ​നി​ന്ന​ശേ​ഷ​മാ​ണ് അ​വി​ടെ​യെ​ത്തി​യ​ത്.

നാ​ലാം നൂ​റ്റാ​ണ്ടി​ലാ​ണ് ഗാ​ഗു​ൽ​ത്താ​മ​ല​യി​ൽ ഈ ​ദേ​വാ​ല​യം പ​ണി​തീ​ർ​ത്ത​ത്. പ​ല​ത​വ​ണ ത​ക​ർ​ക്ക​പ്പെ​ടു​ക​യും നി​ർ​മി​ക്ക​പ്പെ​ടു​ക​യും ചെ​യ്ത ക​ത്തീ​ഡ്ര​ൽ ഇ​പ്പോ​ൾ വി​വി​ധ ക്രൈ​സ്ത​സ​ഭ​ക​ൾ ചേ​ർ​ന്നാ​ണ് സം​ര​ക്ഷി​ക്കു​ന്ന​ത്. ജ​റു​സ​ലേ​മി​ലെ ഗ്രീ​ക്ക് ഓ​ർ​ത്ത​ഡോ​ക്സ് പാ​ത്രി​യാ​ർ​ക്കീ​സി​ന്‍റെ ​ആ​സ്ഥാ​ന​വും ഈ ​ക​ത്തീ​ഡ്ര​ലാ​ണ്. 19-ാം നൂ​റ്റാ​ണ്ടി​ൽ പ​ണി​ത എ​ഡി​ക്യൂ​ൾ എ​ന്ന​റി​യ​പ്പെ​ടു​ന്ന സ്ഥ​ല​ത്താ​ണ് ക്രി​സ്തു​വി​ന്‍റെ ക​ല്ല​റ ഉ​ൾ​പ്പെ​ടു​ത്തി​യി​രി​ക്കു​ന്ന​ത്. ക​ത്തീ​ഡ്ര​ലി​ൽ​നി​ന്നു പു​റ​ത്തി​റ​ങ്ങി​യ​പ്പോ​ഴും ആ​യി​ര​ക്ക​ണ​ക്കി​നാ​ളു​ക​ൾ കു​രി​ശി​ന്‍റെ​വ​ഴി ചൊ​ല്ലി​ക്കൊ​ണ്ട് വ​യാ ഡൊ​ളോ​റോ​സ​യി​ലൂ​ടെ ഗാ​ഗു​ൽ​ത്താ​മ​ല ക​യ​റി​ക്കൊ​ണ്ടി​രി​ക്കു​ന്ന​തു ക​ണ്ടു. ഇ​ടു​ങ്ങി​യ ന​ട​പ്പാ​ത​ക​ളി​ലെ ച​ന്ദ​ന നി​റ​മു​ള്ള ക​ല്ലു​ക​ൾ പാ​ദ​പ​ത​ന​ങ്ങ​ളേ​റ്റ് മെ​ഴു​കു​പോ​ലെ​യാ​യി​രി​ക്കു​ന്നു. ര​ണ്ടു സ​ഹ​സ്രാ​ബ്ദ​ങ്ങ​ളാ​യി കോ​ടി​ക്ക​ണ​ക്കി​നു പ​രി​ഹാ​ര​പ്ര​ദ​ക്ഷി​ണ​ങ്ങ​ൾ ഇ​തി​ലേ ക​ട​ന്നു​പോ​യി. എ​ന്നി​ട്ടും ക​ണ്ണീ​രു​ണ​ങ്ങാ​തെ ആ​ദ്യ​ത്തെ കു​രി​ശി​ന്‍റെ വ​ഴി.

-ജോ​സ് ആ​ൻ​ഡ്രൂ​സ്


Copyright @ 2022 , Rashtra Deepika Ltd.