ഈസ്റ്ററും മുട്ടയും മുയലും
ഇ​ത്ത​വ​ണ​ത്തെ ഈ​സ്റ്റ​ർ പ​തി​വി​ലും നേ​ര​ത്തെ​യാ​ണ്. ചി​ല വ​ർ​ഷ​ങ്ങ​ളി​ൽ വൈ​കി​യും വ​രാ​റു​ണ്ട്. ഈ​സ്റ്റ​ർ ആ​ചാ​ര​ങ്ങ​ൾ പ​ല നാ​ട്ടി​ലും പ​ല ത​ര​ത്തി​ലാ​ണ് ആ​ഘോ​ഷി​ക്കു​ന്ന​ത്.

കൊ​ടും​ത​ണു​പ്പു​കാ​ല​ത്തി​നു​ശേ​ഷം വ​സ​ന്ത​കാ​ല​വ​ര​വേ​ൽ​പ്പി​ന്‍റെ സ​മ​യം​കൂ​ടി​യാ​ണി​ത്. ഈ ​സ​മ​യ​ത്തു സ്കൂ​ളി​നും മ​റ്റും ചെ​റി​യ ഇ​ട​വേ​ള​യു​ണ്ട്. അ​താ​ണ് സ്പ്രിം​ഗ് ബ്രേ​ക്ക്. ഈ ​സ​മ​യ​ത്താ​ണ് ഈ​സ്റ്റ​ർ ആ​ഘോ​ഷ​വും. ഇ​പ്പോ​ഴാ​ണ് മു​യ​ലു​ക​ൾ പു​ല്ലി​നി​ട​യി​ൽ​നി​ന്ന് ത​ല​പൊ​ക്കു​ന്ന​ത്. മ​ഞ്ഞി​ലും ത​ണ​പ്പി​ൽ​നി​ന്നു​മെ​ല്ലാം ഒ​ളി​ച്ചി​രു​ന്ന മു​യ​ലു​ക​ൾ കു​ഞ്ഞു​ങ്ങ​ളു​മാ​യി പു​റ​ത്തേ​ക്കി​റ​ങ്ങു​ന്ന സ​മ​യ​മാ​ണി​ത്. ഈ ​സ​മ​യം മു​യ​ലു​ക​ൾ ഒ​രു നാടൻകലാ പ്രതീകമായി ക​രു​തു​ന്ന നാ​ടു​ക​ളും ഉ​ണ്ട്.

ജ​ർ​മ​നി​യി​ലെ ലൂ​ഥ​റ​ൻ​കാ​രു​ടെ ഇ​ട​യി​ലാ​ണ് ആ​ദ്യം മു​യ​ലും മു​ട്ട​യും ബ​ന്ധ​പ്പെ​ട്ട ക​ഥ​ക​ളി​റ​ങ്ങി​യ​ത്. മു​ട്ട പു​ന​ർ​ജ​ന​ന​ത്തി​ന്‍റെ പ്ര​തീ​ക​മാ​യ​തി​നാ​ൽ യേ​ശു​വി​ന്‍റെ പു​ന​രു​ത്ഥാ​ന​വു​മാ​യി ബ​ന്ധി​പ്പി​ക്ക​പ്പെ​ട്ടു​വെ​ന്നു​വേ​ണം വി​ചാ​രി​ക്കാ​ൻ.പ​ടി​ഞ്ഞാ​റ​ൻ നാ​ടു​ക​ളി​ൽ ക്രി​സ്മ​സി​നു സാ​ന്താ​ക്ലോ​സ് വ​ന്ന് കു​ട്ടി​ക​ൾ​ക്ക് സ​മ്മാ​ന​ങ്ങ​ൾ വി​ത​ര​ണം ചെ​യ്യു​ന്നു എ​ന്നു പ​റ​യു​ന്ന​തു​പോ​ലെ ഈ​സ്റ്റ​റി​ന് കു​ട്ടി​ക​ൾ​ക്ക് മു​യ​ലു​ക​ൾ​വ​ന്ന് ചോ​ക്ലേ​റ്റു​ക​ളും മ​റ്റും മു​ട്ട​ക​ളി​ൽ നി​റ​ച്ചു​കൊ​ടു​ക്കു​ന്നു എ​ന്ന് ഒ​രു വി​ശ്വാ​സ​മു​ണ്ട്.

സെ​ന്‍റ് നി​ക്കോ​ളാ​സാ​ണ് പി​ന്നീ​ട് സാ​ന്താ​ക്ലോ​സ് ആ​യി മാ​റി​യ​ത്. എ​ന്നാ​ൽ മു​യ​ലു​ക​ൾ​ക്ക് അ​ങ്ങ​നെ​യൊ​ന്നും പ​റ​യാ​നി​ല്ല. ഈ​സ്റ്റ​ർ ആ​യാ​ലും ക്രി​സ്മ​സ് ആ​യാ​ലും കു​ട്ടി​ക​ൾ​ക്ക് ഒ​രു ര​സം. ഇം​ഗ്ല​ണ്ടി​ൽ പ​തി​നാ​റാം നൂ​റ്റാ​ണ്ടി​ൽ ഈ​സ്റ്റ​ർ​ദി​ന​ത്തി​ൽ പ​ള്ളി​ക​ളി​ൽ മാ​വും പ​ഞ്ച​സാ​ര​യും ചേ​ർ​ത്ത ഈ​സ്റ്റ​ർ മു​ട്ട​ക​ൾ വി​ത​ര​ണം​ചെ​യ്യു​മാ​യി​രു​ന്നു. അ​തിന്മേൽ ഈ​സ്റ്റ​ർ സ​ന്ദേ​ശ​വും കാ​ണും. നോ​ന്പു​കാ​ല​മാ​യാ​ൽ മു​ട്ട​ക​ൾ ഉ​പ​യോ​ഗി​ക്കാ​റി​ല്ല. അ​തു​കൊ​ണ്ട് അ​വി​ട​ത്തെ കോ​ഴി​ക്ക​ർ​ഷ​ക​ർ ഇ​വ​യെ​ല്ലാം സൂ​ക്ഷി​ച്ചു​വ​ച്ച് ഈസ്റ്റർദിനത്തിൽ പ​ള്ളി​യി​ൽ കൊ​ണ്ടു​വ​ന്ന് പ്രാ​ർ​ഥി​ച്ച ് വി​ത​ര​ണം​ചെ​യ്യും. ഇ​വ പു​ഴു​ങ്ങി​യ​തും ഉ​ണ​ക്കി​യെ​ടു​ത്ത​തും ആ​യി​രു​ന്നു. പി​ന്നെ ഇ​വ​ർ അ​തി​ന് ഭം​ഗി​കൂ​ട്ടാ​നാ​യി ചാ​യം പൂ​ശി​യും മ​റ്റു​ത​ര​ത്തി​ലു​മാ​ക്കു​മാ​യി​രു​ന്നു. മു​ട്ട വി​ത​ര​ണം​ചെ​യ്യു​ന്ന പ​തി​വ് ഇ​ന്ത്യ​ക്കാ​രു​ടെ ഇ​ട​യി​ൽ ഇ​പ്പോ​ഴും ഇ​ല്ല. എ​ന്നാ​ൽ, ഏ​റെ വൈ​കാ​തെ ഇ​വി​ടെ​യും എ​ത്തും എ​ന്നു പ്ര​തീ​ക്ഷി​ക്കു​ന്നു.

മ​റ്റു​നാ​ടു​ക​ളി​ൽ പ​ണ്ട് മു​ട്ട​ക​ൾ കു​റെ ഏ​റെ ആ​യാ​ൽ അ​വ പു​ഴു​ങ്ങി​യും ഉ​ണ​ക്കി​യും മാ​റ്റി​വ​യ്ക്കും. ത​ന്നെ​യു​മ​ല്ല മു​ട്ട​ക​ൾ ന​ല്ല ക​ടും​ചാ​യ​യി​ൽ മു​ക്കി​യും ചു​വ​ന്ന ക​ള​റി​ലും മു​ക്കി​യാ​ണ് സൂ​ക്ഷി​ക്കാ​റ്. ഇ​ത് ക്രി​സ്തു​വി​നെ ഉ​പ​ദ്ര​വി​ച്ച അ​വ​സ​ര​ത്തി​ലെ ര​ക്ത​ക്ക​റ​യെ ഓ​ർ​മി​പ്പി​ക്കു​ന്ന ഒ​ന്നാ​യി ക​രു​തു​ന്നു. പി​ന്നെ ഇ​തി​നും പു​റ​മേ ഭം​ഗി​കൂ​ട്ടാ​ൻ പൂ​ക്ക​ൾ വ​ര​ച്ചും നി​റ​ങ്ങ​ൾ മാ​റ്റി​യും വ​ള​രെ ആ​ക​ർ​ഷ​ക​മാ​ക്കി​ത്തീ​ർ​ക്കും.
ഈ​സ്റ്റ​ർ മു​ട്ട​ക​ൾ ക​ഴി​ക്കാ​ൻ മാ​ത്ര​മ​ല്ല, ഇ​വ​വ​ച്ച് ധാ​രാ​ളം ക​ളി​ക​ളും ഇ​പ്പോ​ൾ അ​മേ​രി​ക്ക​യി​ലും മ​റ്റു നാ​ടു​ക​ളി​ലും കാ​ണാം. ഈ​സ്റ്റ​ർ മു​ട്ട​ക​ൾ കൊ​ണ്ടു​വ​ന്ന് ഒ​രു കു​ന്നി​ൻ​ചെ​രു​വി​ൽ താ​ഴേ​ക്ക് ഉ​രു​ട്ടും. ഏ​റ്റ​വും കൂ​ടു​ത​ൽ മു​ട്ട​ക​ൾ പൊ​ട്ടാ​തെ എ​ത്തി​ക്കു​ന്ന വ്യ​ക്തി​ക്കാ​യി​രി​ക്കും സ​മ്മാ​നം. മു​തി​ർ​ന്ന​വ​ർ​ക്കു മാ​ത്ര​മ​ല്ല കു​ട്ടി​ക​ൾ​ക്കും പ​റ്റി​യ ക​ളി​ക​ളും ഉ​ണ്ട്. കു​ട്ടി​ക​ൾ കാ​ണാ​തെ അ​വ​രു​ടെ വീ​ട്ടു​മു​റ്റ​ത്തും തൊ​ടി​യി​ലും ന​ല്ല ഭം​ഗി​യു​ള്ള മു​ട്ട​ക​ൾ പ​ല​യി​ട​ങ്ങ​ളി​ൽ ഒ​ളി​ച്ചു​വ​യ്ക്കും. ക​ളി​തു​ട​ങ്ങു​ന്പോ​ൾ ഓ​രോ കു​ട്ടി​ക്കും മു​ട്ട പെ​റു​ക്കി​യെ​ടു​ക്കാ​ൻ ഓ​രോ കു​ട്ട കൈ​യി​ൽ കൊ​ടു​ക്കും. നി​ശ്ചി​ത സ​മ​യ​ത്തി​നു​ള്ളി​ൽ കു​ടു​ത​ൽ മു​ട്ട പെ​റു​ക്കാ​ൻ പ​റ്റു​ന്ന​വ​ർ​ക്ക ്സ​മ്മാ​നം. ഇതിന് ഈസ്റ്റർ എഗ്ഗ് ഹണ്ട് എന്നു പറയും. ഇം​ഗ്ല​ണ്ടി​ലും ജ​ർ​മ​നി​യി​ലും അ​വ​രു​ടേ​താ​യ ക​ളി​ക​ളു​ണ്ട്.

അ​മേ​രി​ക്ക​യി​ലെ വാ​ഷിം​ഗ്ട​ണ്‍ ഡി​സി​യി​ലെ വൈ​റ്റ്ഹൗ​സി​ൽ കു​ട്ടി​ക​ൾ​ക്കാ​യി എ​ല്ലാ​വ​ർ​ഷ​വും ഒ​രു മു​ട്ടപ്പാ​ർ​ട്ടി ന​ട​ത്താ​റു​ണ്ട്. ഇ​തി​ന് ഈസ്റ്റർ എഗ്ഗ് റോൾ പാ​ർ​ട്ടി എ​ന്നാ​ണ് പ​റ​യാ​റു​ള്ള​ത്. മു​ട്ട​കൊ​ണ്ടു​ള്ള പ​ല​ത​രം ക​ളി​ക​ൾ ബ​ൾ​ഗേ​റി​യ, ഹം​ഗ​റി, ക്രൊ​യേ​ഷ്യ, ലി​ത്വാ​നി​യ, ല​ബ​ന​ൻ, റൊ​മാ​നി​യ, റ​ഷ്യ എ​ന്നി​വി​ട​ങ്ങ​ളി​ൽ ഒ​രു ഈ​സ്റ്റ​ർ ആ​ചാ​ര​മാ​യി മാ​റി​യി​ട്ടു​ണ്ട്. ചി​ല സ്ഥ​ല​ങ്ങ​ളി​ൽ ക്രി​സ്മ​സി​ന് വീ​ട് അ​ല​ങ്ക​രി​ക്കു​ന്ന​തു​പോ​ലെ മു​ട്ട​ക​ൾ കൊ​ണ്ട് മാ​ല​യും റീ​ത്തും ഉ​ണ്ടാ​ക്കാ​റു​ണ്ട്. അ​തു​പോ​ലെ ഈ​സ്റ്റ​ർ ആ​ശം​സ​ക​ൾ അ​യ​യ്ക്കു​ന്ന​ത് മു​ട്ട​ക​ളു​ടെ​യും മു​യ​ലു​ക​ളു​ടെ​യും പ​ട​ത്തോ​ടു​കൂ​ടി​യാ​ണ്. അ​ങ്ങ​നെ ഓ​രോ വ​ർ​ഷം ക​ഴി​യും​തോ​റും പു​തി​യ മാ​റ്റ​ങ്ങ​ളും വ​രു​ന്നു​ണ്ട്. ഇ​പ്പോ​ൾ ഈ​സ്റ്റ​ർ എ​ന്നു കേ​ൾ​ക്കു​ന്പോ​ൾ​ത്ത​ന്നെ മു​യ​ലി​ന്‍റെ​യും മു​ട്ട​ക​ളു​ടെ​യും രൂ​പ​ങ്ങ​ളാ​ണ് മ​ന​സി​ൽ തെ​ളി​യു​ന്ന​ത്.

മ​റ്റു നാ​ടു​ക​ളെ അ​നു​ക​രി​ച്ച് കേ​ര​ള​ത്തി​ലു​ള്ള ചി​ല പ​ള്ളി​ക​ളി​ൽ ഈ​സ്റ്റ​ർ തി​രു​ക്ക​ർ​മ​ങ്ങ​ൾ​ക്കു​ശേ​ഷം മു​ട്ട പു​ഴു​ങ്ങി​യ​ത് വെ​ഞ്ച​രി​ച്ച് വി​ത​ര​ണം​ചെ​യ്യാ​റു​ണ്ട്. 1873ലാ​ണ് ബ്രി​ട്ട​നി​ൽ ആ​ദ്യ​ത്തെ ചോ​ക്ലേ​റ്റ് മു​ട്ട ഉ​ണ്ടാ​ക്കി വി​റ്റ​ത്. ഇ​പ്പോ​ൾ ഇ​വി​ട​ത്തെ ചി​ല ബേ​ക്ക​റി​ക​ളി​ൽ മു​യ​ലി​ന്‍റെ ആ​കൃ​തി​യി​ലു​ള്ള കേ​ക്കും ചോ​ക്ലേ​റ്റ് നി​റ​ച്ച മു​ട്ട​ക​ളും കു​രി​ശു​പ​തി​ച്ച ബ​ണ്ണും വി​ൽ​ക്കു​ന്നു​ണ്ട്. പു​റം​രാ​ജ്യ​ങ്ങ​ളി​ലെ പൊ​തു​സ്ഥ​ല​ത്ത്, അ​താ​യ​ത് ഷോ​പ്പിം​ഗ് മാ​ളു​ക​ളു​ടെ മു​ന്നി​ൽ ജ​ന​ങ്ങ​ൾ​ക്ക് ക​ണ്ട് ആ​സ്വ​ദി​ക്കാ​ൻ ചോ​ക്ലേ​റ്റ് മു​ട്ട ഉ​ണ്ടാ​ക്കി​യി​ട്ടു​ണ്ട്. ഇ​തി​ന്‍റെ തൂ​ക്കം 7200 കി​ലോ​ഗ്രാം ആ​ണെ​ന്നു പ​റ​യു​ന്നു. ഇ​ത് 2011ലെ ​ഈ​സ്റ്റ​ർ സ​മ​യ​ത്താ​യി​രു​ന്നു. ഇ​തു​പോ​ലെ ട​ണ്‍ ക​ണ​ക്കി​ന് തൂ​ക്കം​വ​രു​ന്ന ചോ​ക്ലേ​റ്റ് മു​ട്ട അ​ർ​ജ​ന്‍റീ​ന​യി​ലും ഉ​ണ്ടാ​ക്കി​യി​ട്ടു​ണ്ട്. അ​ങ്ങ​നെ പ​ല​യി​ട​ത്തും ഉ​ണ്ടാ​ക്കി​യ​താ​യും ചി​ല​യി​ട​ത്ത് മു​ട്ട​യു​ടെ പ​ണി തീ​രും​മു​ന്പ് അ​ലി​ഞ്ഞു​തു​ട​ങ്ങി​യ ക​ഥ​ക​ളും കേ​ട്ടി​ട്ടു​ണ്ട്. അ​ങ്ങ​നെ ഓ​രോ വ​ർ​ഷം ക​ഴി​യും​തോ​റും പു​തി​യ പ​രീ​ക്ഷ​ണ​ങ്ങ​ൾ ന​ട​ക്ക​ട്ടെ എ​ന്നു​വേ​ണം പ്രാ​ർ​ഥി​ക്കാ​ൻ.

ഓ​മ​ന ജേ​ക്ക​ബ്


Copyright @ 2022 , Rashtra Deepika Ltd.