ആൻഫിയുടെയും അനഘയുടെയും ഒരു ഹിമാലയൻ അപാരത
ഒ​ന്നാം ക്ലാ​സ് മു​ത​ല്‍ ഒ​രേ സ്കൂ​ളി​ല്‍. ഏ​ഴാം ക്ലാ​സു വ​രെ ആ ​ബ​ന്ധ​ത്തി​ന് ക​ണ്ടുമു​ട്ടു​മ്പോ​ഴു​ള്ള ചെ​റു ചി​രി​യി​ല്‍ ഒ​തു​ങ്ങു​ന്ന ബ​ന്ധ​മേ ഉ​ണ്ടാ​യി​രു​ന്നു​ള്ളു. എ​ട്ടു മു​ത​ലാ​ണ് ഇ​രു​വ​ര്‍​ക്കു​മി​ട​യി​ലെ പ​രി​ച​യം സൗ​ഹൃ​ദ​ത്തി​നു വ​ഴി​മാ​റി​യ​ത്. ഇ​രു​വ​രും സ്വ​പ്ന​ങ്ങ​ള്‍​ക്ക് ഒ​രേ നി​റ​മാ​ണെ​ന്ന് അ​റി​ഞ്ഞ​പ്പോ​ള്‍ അ​തു കൂ​ടു​ത​ല്‍ ആ​ഴ​ത്തി​ല്‍ വേ​രൂ​ന്നി. ചാ​ല​ക്കു​ടി സ്വ​ദേ​ശി​ക​ളാ​യ ആ​ന്‍​ഫി മ​രി​യ ബേ​ബി​യേ​യും ടി. ​എം. അ​ന​ഘ​യേ​യും സൗ​ഹൃ​ദ​ത്തി​ന്‍റെ ച​ര​ടി​ല്‍ കൂ​ട്ടികെ​ട്ടി​യ​ത് എ​ന്താ​ണ​ന്ന​റി​യ​ണ്ടേ ? ഏ​തൊ​രു ഇ​രു ച​ക്ര വാ​ഹ​ന പ്രേ​മി​ക​ളു​ടെ​യും സ്വ​പ്ന​മാ​യ ’ബു​ള്ള​റ്റ്’ ആ​യി​രു​ന്നു ആ ​ക​ഥാ നാ​യ​ക​ന്‍. ബു​ള്ള​റ്റി​നോ​ടു​ള്ള ഇ​ഷ​ടം ഹി​മാ​ല​യ​ത്തോ​ളം വ​ള​ര്‍​ന്ന​പ്പോ​ള്‍ ഇ​രു​വ​രും ഒ​രു യാ​ത്ര പോ​യി. അ​ത്ര ചെ​റു​ത​ല്ലാ​ത്ത ഒ​രു യാ​ത്ര. നാ​ളു​ക​ളാ​യു​ള്ള ആ​ഗ്ര​ഹ​വു​മാ​യി ബു​ള്ള​റ്റി​ല്‍ ഹി​മാ​ല​യം തൊ​ട്ട വി​ശേ​ഷ​ങ്ങ​ള്‍ പ​ങ്കുവയ്ക്കു​ക​യാ​ണ് 18 വ​യ​സു മാ​ത്രം പ്രാ​യ​മു​ള്ള ആ​ന്‍​ഫി​യും അ​ന​ഘ​യും.

പ്ല​സ് ടു​വി​ല്‍ പ​ഠി​ക്കു​മ്പോ​ഴാ​ണ് ഇ​രു​വ​ര്‍​ക്കും ഹി​മാ​ല​യം ബു​ള്ള​റ്റി​ല്‍ സ​ന്ദ​ര്‍​ശി​ക്ക​ണ​മെ​ന്ന ആ​ഗ്ര​ഹം മ​ന​സി​ല്‍ ക​യ​റി​യ​ത്. ലൈ​സ​ന്‍​സ് ല​ഭി​ക്കു​ന്നി​ടം വ​രെ ഈ ​ആ​ഗ്ര​ഹം ഇ​രു​വ​ര്‍​ക്കു​മി​ട​യി​ല്‍ മാ​ത്രം ഒ​തു​ങ്ങി. 18 പൂ​ര്‍​ത്തി​യാ​യ​തോ​ടെ ലൈ​സ​ന്‍​സ് എ​ടു​ത്തു. പി​ന്നെ ആ​ദ്യം ചെ​യ്ത​ത് ആ​ഗ്ര​ഹം വീ​ട്ടു​​കാ​രോ​ട് പ​റ​യു​ക ത​ന്നെ. ര​ണ്ടു പെ​ണ്‍​കു​ട്ടി​ക​ള്‍. ഹി​മാ​ല​യ​ത്തി​ലേ​ക്ക് ബു​ള​ള​റ്റും ഓ​ടി​ച്ച്... ര​ണ്ടാ​തൊ​ന്നു ചി​ന്തി​ക്കാ​തെ വീ​ട്ടു​കാ​ര്‍ നോ ​പ​റ​ഞ്ഞു. എ​ന്നാ​ല്‍ അ​ധി​കം വൈ​കാ​തെ ഇ​രു​വ​രും സ​മ്മ​തം നേ​ടി. പി​ന്നെ യാ​ത്ര​യ്ക്കു​ള്ള ഒ​രു​ക്ക​ങ്ങ​ളാ​യി​രു​ന്നു. ബു​ള്ള​റ്റ് ഓ​ടി​ച്ചു​ള്ള പ​രി​ച​യം ആ​വോ​ള​മു​ണ്ടാ​യി​രു​ന്ന​തി​നാ​ല്‍ അ​ക്കാ​ര്യ​ത്തി​ല്‍ ആ​ശ​ങ്ക​യി​ല്ലാ​യി​രു​ന്നു. പി​ന്നെ ഹി​മാ​ല​യ​ത്തി​ല്‍ പോ​യി​ട്ടു​ള്ള​വ​രെ ക​ണ്ട് അ​വി​ടു​ത്തെ സാ​ഹ​ച​ര്യ​ങ്ങ​ളും സ്വീ​ക​രി​ക്കേ​ണ്ട മു​ന്‍ക​രു​ത​ലു​ക​ളും മ​ന​സി​ലാ​ക്കി.

ജൂ​ണ്‍ ര​ണ്ടി​ന് ഡ​ല്‍​ഹി​യിലെ കേ​ര​ള ഹൗ​സി​ല്‍ നി​ന്നാ​ണ് ഇ​രു​വ​രും യാ​ത്ര ആ​രം​ഭി​ച്ച​ത്. അ​ന​ഘ ത​ന്‍റെ സ്വ​ന്തം ബു​ള്ള​റ്റി​ലും ആ​ന്‍​ഫി ഡ​ല്‍​ഹി​യി​ല്‍ നി​ന്ന് വാ​ട​ക​ക്കെ​ടു​ത്ത ബു​ള​ള​റ്റി​ലു​മാ​യി​രു​ന്നു യാ​ത്ര. ഡ​ല്‍​ഹി​യി​ല്‍ നി​ന്നു മ​ണാ​ലി​യി​ലെ​ത്തി​യ​പ്പോ​ള്‍ ര​ണ്ടു ദി​വ​സം അ​വി​ടെ ത​ങ്ങാ​ന്‍ ഇ​രു​വ​രും തീ​രു​മാ​നി​ച്ചു. അ​വി​ടത്തെ അ​ന്തരീ​ക്ഷ​ത്തി​നോ​ട് തോ​ന്നി​യ പ്ര​ത്യേ​ക ഇ​ഷ്ട​മാ​ണ് ഒ​രു ദി​വ​സം നി​ശ്ച​യി​ച്ചി​രു​ന്ന മ​ണാ​ലി​യി​ലെ താ​മ​സം ര​ണ്ടു ദി​വ​സ​മാ​ക്കി നീ​ട്ടാ​ന്‍ കാ​ര​ണ​മെ​ന്നു ആ​ന്‍​ഫി പ​റ​ഞ്ഞു. ടെ​ന്‍റ് കെ​ട്ടി​യാ​യി​രു​ന്നു ഇ​വി​ടെ ത​ങ്ങി​യ​ത്. പി​ന്നെ ജി​സ്പ​യി​ലെ​ത്തി. ഇ​വി​ടെ മു​ത​ല്‍ ത​ണു​പ്പ് ക​ഠി​ന​മാ​യിത്തു​ട​ങ്ങി. പ്ര​തീ​ക്ഷി​ക്കാ​ത്ത സ​മ​യ​ങ്ങ​ളി​ല്‍ മ​ഞ്ഞു​രു​കി കു​ത്തി​യൊ​ലി​ച്ചു വ​ന്നു. പ​ല​പ്പോ​ഴും ബൈ​ക്കു മ​റി​ഞ്ഞു. മ​റ്റു റൈ​ഡ​ര്‍​മാ​രാ​ണ് അ​പ്പോ​ള്‍ സ​ഹാ​യ​വു​മാ​യെ​ത്തി​ത്. ഇ​രു​വ​രു​ടെ​യും യാ​ത്ര ഷൂ​ട്ട് ചെ​യ്യു​ന്ന​തി​നാ​യി മ​റ്റൊ​രു കാ​റി​ല്‍ ഒ​രു കാ​മ​റാ​മാ​നെ​യും കൂ​ട്ടി​യി​രു​ന്നു. ജി​സ്പ​യി​ല്‍ വെ​ച്ച് കാ​ര്‍ ഒ​രു കു​ഴി​യി​ല്‍ വീ​ണു. മ​ഞ്ഞു​രു​കി പെ​ട്ടെ​ന്ന് വെ​ള്ള​മൊ​ഴു​ക്കും തു​ട​ങ്ങി. ഡോ​റി​നി​ട​യി​ലൂ​ടെ കാ​റി​നു​ള്ളി​ലേ​ക്ക് വെ​ള്ളം ക​യ​റിത്തുട​ങ്ങി. അ​തുവ​ഴി വ​ന്ന പ​ഞ്ചാ​ബി​ക​ളാ​യ കു​റ​ച്ചു റൈ​ഡ​ര്‍​മാ​രു​ടെ സ​ഹാ​യ​ത്തോ​ടെ കാ​ര്‍ കു​ഴി​യി​ല്‍ നി​ന്നു ക​യ​റ്റു​ക​യാ​യി​രു​ന്നു​വെ​ന്ന് അ​ന​ഘ പ​റ​ഞ്ഞു.

പി​ന്നീ​ട് ഹി​മാ​ല​യ​ന്‍ മ​ല​നി​ര​ക​ളി​ലൂ​ടെ​യാ​യി​രു​ന്നു യാ​ത്ര. കി​ലോം​ഗ്, സ​ച്ചു എ​ന്നി​വി​ട​ങ്ങ​ളി​ലൂ​ടെ​യു​ള്ള യാ​ത്ര ഏ​റെ ദു​ര്‍​ഘ​ടം പി​ടി​ച്ച​താ​യി​രു​ന്നു. ര​ണ്ടു വ​ശവും ഏ​ഴ​ടി ഉ​യ​ര​ത്തി​ല്‍ ഐ​സാ​ണ്. ഇ​തി​നി​ട​യി​ലൂ​ടെ​യാ​ണ് യാ​ത്ര. മ​ഞ്ഞു​രു​കി റോ​ഡി​ലൂ​ടെ വെ​ള്ളം ഒ​ഴു​കു​ന്നു​ണ്ടാ​യി​രു​ന്നു. ത​ണു​പ്പു​കാ​ര​ണം വെ​ള്ള​ത്തി​ല്‍ കാ​ലു കു​ത്താ​ന്‍ ക​ഴി​യാ​ത്ത അ​വ​സ്ഥ. ഇ​തു പ​റ​യു​മ്പോ​ള്‍ ഐ​സുവെ​ള്ളം ത​ല​യി​ലൊ​ഴി​ച്ച ഭാ​വ​മാ​യി​രു​ന്നു ആ​ന്‍​ഫി​യു​ടെ മു​ഖ​ത്ത്. ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ വാ​ഹ​ന ഗ​താ​ഗ​തയോ​ഗ്യ പ്ര​ദേ​ശ​മാ​യ ക​ര്‍​ദും​ഗ ലേ ​പാ​സി​ലും ഇ​രു​വ​രും എ​ത്തി. പ​ല​പ്പോ​ഴും ശ്വാ​സത​ട​സം അ​നു​ഭ​വ​പ്പെ​ട്ടു. ശ്വ​സ​ന സ​ഹാ​യി ഉ​പ​യോ​ഗി​ച്ചാ​ണ് ഈ ​സ​മ​യ​ങ്ങ​ളി​ല്‍ ഇ​തു ത​ര​ണം ചെ​യ്ത​ത്. ഇ​ന്‍​ഡോ ടിബ​റ്റ​ന്‍ ബോ​ര്‍​ഡ​ര്‍ ഏ​രി​യ​യി​ലു​ള്ള പാ​ന്‍ ഗോം​ഗ് ത​ടാ​ക​വും സ​ന്ദ​ര്‍​ശി​ച്ചാ​ണ് ഇ​രു​വ​രും മ​ട​ങ്ങി​യ​ത്. അ​ടി​ത്ത​ട്ടു തെ​ളി​ഞ്ഞു കാ​ണാ​വു​ന്ന വെ​ള്ള​മാ​ണ് ഈ ​ത​ടാ​ക​ത്തി​ന്‍റെ ഏ​റ്റ​വും വ​ലി​യ പ്ര​ത്യേ​ക​ത. കൈയില്‍ ക​രു​തി​യി​രു​ന്ന കോ​യി​ന്‍ വെ​ള്ള​ത്തി​ല്‍ ഇ​ട്ടു നോ​ക്കി, അ​ത് അ​ടി​ത്ത​ട്ടി​ല്‍ ചെ​ല്ലു​ന്ന​തു വ​രെ നോ​ക്കിനി​ന്ന കാ​ഴ്ച​കളൊക്കെ ഇ​രു​വ​രും കൗ​തു​ക പൂ​ര്‍​വം വി​വ​രി​ച്ചു. പി​ന്നെ നേ​രെ ഡ​ല്‍​ഹി​ക്കു തി​രി​ച്ചു. ജ​മ്മു​വി​ല്‍ നി​ന്നു മ​ഹാ​രാ​ഷ്ട്ര വ​രെ​യു​ള്ള യാ​ത്ര ഉ​ള്‍​പ്ര​ദേ​ശ​ത്തു കൂ​ടെ ആ​യി​രു​ന്നു.

വ​ഴി​യി​ല്‍വ​ച്ച് വ​ലി​യ രോ​മ​ങ്ങ​ള്‍ ഉ​ള്ള നാ​യ​ക​ള്‍ ബു​ള്ള​റ്റി​ലേ​ക്കു പ​ല​പ്പോ​ഴും ചാ​ടി വീ​ണു. ഭാ​ഗ്യം കൊ​ണ്ടാ​ണ് വ​ലി​യ അ​പ​ക​ടം സം​ഭ​വി​ക്കാ​തെ ര​ക്ഷ​പെ​ട്ട​ത്. ഡ​ല്‍​ഹി​യി​ല്‍ എ​ത്തി​യ​പ്പോ​ള്‍ ആ​ന്‍​ഫി​ക്കു സ​ഞ്ച​രി​ക്കാ​ന്‍ മ​റ്റൊ​രു ബു​ള്ള​റ്റ് നാ​ട്ടി​ല്‍ നി​ന്നു ട്രെ​യി​ന്‍ മാ​ര്‍​ഗം എ​ത്തി​ച്ചി​രു​ന്നു. ഡ​ല്‍​ഹി​യി​ല്‍ നി​ന്നു വാ​ട​ക​ക്ക് എ​ടു​ത്ത ബു​ള്ള​റ്റ് തി​രി​ച്ചു ന​ല്‍​കി ഇ​രു​വ​രും നാ​ട്ടി​ലേ​ക്ക്... അ​ങ്ങ​നെ 7000 കി​ലോമീ​റ്റ​ര്‍ താ​ണ്ടി 16 ദി​വ​സം പി​ന്നി​ട്ട ആ​ന്‍​ഫി​യു​ടെ​യും അ​ന​ഘ​യു​ടെ​യും യാ​ത്ര​യ്ക്ക് ചാ​ല​ക്കു​ടി​ല്‍ ശു​ഭപ​ര്യ​വ​സാ​നം.

വെ​റു​തെ​യൊ​രു യാ​ത്ര​യ​ല്ലാ​യി​രു​ന്നു ഇ​വ​രു​ടേ​ത്. സാ​ഹ​സി​ക സ്ത്രീ ​സു​ര​ക്ഷാ യാ​ത്ര എ​ന്ന സ​ന്ദേ​ശ​വു​മാ​യാ​യി​രു​ന്നു ഇ​രു​വ​രും ദൂ​ര​ങ്ങ​ള്‍ താ​ണ്ടി​യ​ത്. ത​ങ്ങ​ളു​ടെ യാ​ത്ര നി​ര​വ​ധി പേ​ര്‍​ക്ക് പ്ര​ചോ​ദ​ന​മാ​കു​മെ​ന്ന​തി​ന്‍റെ പ്ര​തീ​ക്ഷ​യി​ലാ​ണ് ഇ​രു​വ​രും. മു​രി​ങ്ങൂ​ര്‍ ആ​റ്റ​പ്പാ​ടം എ​ലു​വ​ത്തി​ങ്ക​ല്‍ വീ​ട്ടി​ല്‍ ബേ​ബി​യു​ടെ​യും മി​നി​യു​ടെ​യും മ​ക​ളാ​യ ആ​ന്‍​ഫി കോ​യ​മ്പ​ത്തൂ​രി​ല്‍ ബി​ബി​എ ഏ​വി​യേ​ഷ​ന്‍ മാ​നേ​ജ്മെ​ന്‍റ് വി​ദ്യാ​ര്‍​ഥി​യാ​ണ്. ചാ​ല​ക്കു​ടി തൊ​ഴു​ത്തു പ​റ​മ്പി​ല്‍ വീ​ട്ടി​ല്‍ മ​ണി​ക്കു​ട്ട​ന്‍റെയും സ​ജി​ത​യു​ടെ​യും മ​ക​ളാ​ണ് അ​ന​ഘ. മാ​ള​യി​ല്‍ ഗ്രാ​ഫി​ക് ഡി​സൈ​ന്‍ വി​ദ്യാ​ര്‍​ഥി​യാ​ണ്.

ബി​ജോ ടോ​മി


Copyright @ 2022 , Rashtra Deepika Ltd.