മണിക് ഭായീ മാപ്പ്...
നാ​ട​ൻ കോ​ഴി​യി​റ​ച്ചി​ക്ക​റി കൂ​ട്ടി ഇ​ത്തി​രി ചോ​റ്. പി​ന്നെ വാ​ട​ക​വീ​ടി​ന്‍റെ വാ​തി​ല്ക്ക​ൽ കു​ത്തി​യി​രു​ന്ന് കൂ​ട്ടു​കാ​രോ​ടൊ​പ്പം ബം​ഗാ​ളി​ലെ ചി​ല നാ​ട്ടു വ​ർ​ത്ത​മാ​ന​ങ്ങ​ൾ...​മൂ​ളി​പ്പാ​ട്ടു​ക​ൾ. ഉ​റ​ങ്ങും മു​ന്പ് ഭാ​ര്യ​യോ​ട് ഫോ​ണി​ലൂ​ടെ ഇ​ത്തി​രി സ്നേ​ഹ വ​ർ​ത്ത​മാ​നം...​അ​താ​യി​രു​ന്നു മ​ണി​ക് റോ​യി​യു​ടെ ജീ​വി​തം.

മ​ണി​ക് റോ​യി എ​ന്നാ​ൽ അ​യാ​ൾ ത​ന്നെ. ക​ഴി​ഞ്ഞ ഞാ​യ​റാ​ഴ്ച അ​ഞ്ച​ലി​ൽ ആ​ൾ​ക്കൂ​ട്ടം ത​ല്ലി​ക്കൊ​ന്ന ബംഗാൾ സ്വദേശി. മ​ണി​ക് റോ​യി​യു​ടെ ചേ​ട്ട​ന്‍റെ മ​ക​നാ​ണ് സൂ​ര്യ റോ​യി. ഭാ​ര്യ നീ​ലി​മ, ഏ​ക​മ​ക​ൾ മൊ​ണാ​ലി​സ എ​ന്നി​വ​രോ​ടൊ​പ്പം അ​ഞ്ച​ലി​ൽ​ത​ന്നെ താ​മ​സി​ക്കു​ന്നു. മു​റി​യി​ൽ താ​മ​സി​ച്ചി​രു​ന്ന അ​ഞ്ചു കൂ​ട്ടു​കാ​ർ​ക്കൊ​പ്പം ആം​ബു​ല​ൻ​സി​ൽ മ​ണി​ക് റോ​യി​യു​ടെ മൃ​ത​ദേ​ഹം പ​ശ്ചി​മ​ബം​ഗാ​ളി​ലേ​ക്കു കൊ​ടു​ത്തു​വി​ട്ട​ശേ​ഷം നാ​ട്ടി​ൽ​ത​ന്നെ ത​ങ്ങു​ക​യാ​ണ് സൂ​ര്യ. ച​ണ​ത്തി​നും പ​ട്ടു​നൂ​ലി​നും മു​ന്തി​യ​ത​രം മാ​ന്പ​ഴ​ത്തി​നും പേ​രു​കേ​ട്ട മാ​ൽ​ഡ ജി​ല്ല​യി​ലെ സ​ലാ​യി​ദം​ഗ​യി​ലേ​ക്കാ​യി​രു​ന്നു അ​ഞ്ച​ലി​ൽ​നി​ന്ന് ആം​ബു​ല​ൻ​സ് പോ​യ​ത്.

സൂ​ര്യ​യി​ൽ​നി​ന്നാ​ണ് മ​ണി​ക്കി​നെ​ക്കു​റി​ച്ച​റി​ഞ്ഞ​ത്. അ​വ​ന്‍റെ ഗ്രാ​മ​ത്തെ​ക്കു​റി​ച്ച​റി​ഞ്ഞ​ത്. അ​വ​ന്‍റെ സ്വ​പ്ന​ത്തെ​ക്കു​റി​ച്ച്, ഭാ​ര്യ​യെ​ക്കു​റി​ച്ച്, മ​ക​ളെ​ക്കു​റി​ച്ച്, അ​വ​ൻ കേ​ര​ള​ത്തി​ൽ എ​ത്തി​യ​തി​ന്‍റെ കാ​ര​ണ​ത്തെ​ക്കു​റി​ച്ച് ഒ​ക്കെ​യ​റി​ഞ്ഞ​ത്. സൂ​ര്യ പ​റ​ഞ്ഞു​തീ​ർ​ത്ത​പ്പോ​ൾ തോ​ന്നി. അ​ഞ്ച​ലി​ൽ ന​മ്മ​ൾ ചെ​യ്ത​ത് മ​ഹാ​പാ​പ​മാ​യി​രു​ന്നു.

സ​ലാ​യി​ദം​ഗ

പശ്ചിമബംഗാളിലെ സലായിദംഗയിലാണ് മ​ണി​ക് റോ​യി​യു​ടെ വീ​ട്. മ​ണ്‍​ചു​വ​രു​ക​ൾ​ക്കു മു​ക​ളി​ൽ ത​ക​ര​ഷീ​റ്റു വ​ച്ചാ​ണ് അ​വ​ൻ ആ ​വീ​ടു​ണ്ടാ​ക്കി​യ​ത്. സ​ലാ​യി​ദം​ഗ​യി​ൽ അ​ത്ത​രം നി​ര​വ​ധി വീ​ടു​ക​ളു​ണ്ട്. ഇ​ത്തി​രി ഭൂ​മി​യൊ​ക്കെ​യു​ള്ള​വ​ർ ചെ​റി​യ തോ​തി​ൽ കൃ​ഷി​യൊ​ക്കെ ചെ​യ്തു ജീ​വി​ക്കു​ന്നു. അ​വി​ടെ ഭാ​ര്യ ച​മ​ലി, മ​ക​ൾ ഒ​സി​മ, മ​ക​ൻ ബൊ​ന്ദൂ​സ് എ​ന്നി​വ​രു​മു​ണ്ട്. പ​ട്ടി​ണി​കി​ട​ന്നു ജീ​വി​ക്കാ​ൻ മ​ണി​ക്കി​നു വി​ഷ​മ​മൊ​ന്നു​മി​ല്ല. ചെ​റു​പ്പം മു​ത​ൽ പ​രി​ശീ​ലി​ച്ചി​ട്ടു​ണ്ട്. പ​ക്ഷേ, ഭാ​ര്യ​യെ​യും മ​ക്ക​ളെ​യും അ​യാ​ൾ​ക്കു ജീ​വ​നാ​യി​രു​ന്നു. ഒ​സി​മ​യെ ഇത്തിരി ഭേ​ദ​പ്പെ​ട്ട ഒ​രി​ട​ത്തേ​ക്കു ക​ല്യാ​ണം ക​ഴി​ച്ച് അ​യ​യ്ക്ക​ണം എ​ന്ന​താ​യി​രു​ന്നു അ​യാ​ളു​ടെ സ്വ​പ്നം. മ​റ്റൊ​രു സ്വ​പ്ന​ത്തെ​ക്കു​റി​ച്ചും മ​ണി​ക് പ​റ​ഞ്ഞി​ട്ടു​ള്ള​താ​യി ആ​രും ഓ​ർ​മി​ക്കു​ന്നി​ല്ല. സ​ലാ​യി​ദം​ഗ​യി​ൽ നി​ന്നാ​ൽ വ​ല്ല​പ്പോ​ഴും കി​ട്ടു​ന്ന കൃ​ഷി​പ്പ​ണി മാ​ത്ര​മാ​ണ് ആ​ശ്ര​യം. പ​ണി​ക്കൂ​ലി​യും കു​റ​വ്.

ജോ​ലി​തേ​ടി കേ​ര​ള​ത്തി​ലെ​ത്തി​യ ചേ​ട്ട​ൻ ബി​ട്ടാ​റു​വാ​ണ് അ​വ​ധി​ക്കെ​ത്തി​യ​പ്പോ​ൾ മ​ണി​ക്കി​നോ​ട് ത​ന്‍റെ​കൂ​ടെ പോ​രാ​ൻ പ​റ​ഞ്ഞ​ത്. അ​ങ്ങ​നെ ഏ​ഴു കൊ​ല്ലം മു​ന്പ് മ​ണി​ക് റോ​യി അ​ഞ്ച​ലി​ലെ പ​ന​യ​ഞ്ചേ​രി​യി​ലെ​ത്തി.

മ​ണി​ക് ആ​ളെ​ങ്ങ​നെ​യു​ണ്ടാ​യി​രു​ന്നു എ​ന്ന് ചോ​ദി​ച്ച​പ്പോ​ൾ അ​യാ​ൾ​ക്കു മു​റി വാ​ട​ക​യ്ക്കു കൊ​ടു​ത്ത തി​ല​ക​ൻ ചേ​ട്ട​ൻ പ​റ​ഞ്ഞ​ത് ഇ​ത്തി​രി വി​കാ​ര​വാ​യ്പോ​ടെ​യാ​ണ്: "ഇ​വി​ടെ ബം​ഗാ​ൾ സ്വദേശികൾക്കു മു​റി കൊ​ടു​ത്താൽ ശ​രി​യാ​കി​ല്ലെ​ന്ന ആ​ശ​ങ്ക​യാ​യി​രു​ന്നു അ​യ​ൽ​ക്കാ​രി​ൽ പ​ല​ർ​ക്കും. പ​ക്ഷേ, ഏ​താ​നും നാ​ളു​ക​ൾ ക​ഴി​ഞ്ഞ​പ്പോ​ൾ ആ​ർ​ക്കും ഒ​ന്നും പ​റ​യാ​നി​ല്ലാ​താ​യി. മ​ണി​ക് റോ​യി​യും കൂ​ട്ട​രും ജോ​ലി​യും അ​വ​രു​ടെ സ്വ​കാ​ര്യ​സു​ഖ-​ദു​ഃഖ​ങ്ങ​ളു​മാ​യി ശാ​ന്ത​രാ​യി ക​ഴി​ഞ്ഞു. എ​നി​ക്കോ പ​രി​സ​ര​വാ​സി​ക​ൾ​ക്കോ ഒ​രു ബു​ദ്ധി​മു​ട്ടും അ​വ​രാ​യി​ട്ട് ഉ​ണ്ടാ​ക്കി​യി​ട്ടി​ല്ല.’

ഒ​സി​മ​യു​ടെ ക​ല്യാ​ണം

ഒ​രു വ​ർ​ഷം മു​ന്പ് മ​ണി​ക്കി​ന്‍റെ ഏ​ക സ്വ​പ്ന​മാ​യി​രു​ന്ന മ​ക​ളു​ടെ ക​ല്യാ​ണം ന​ട​ത്തി. മ​ണി​ക്കി​ന്‍റെ വ​രു​മാ​നം നാ​ലം​ഗ കു​ടും​ബ​ത്തി​നു ചെ​ല​വി​നു ക​ഴി​ഞ്ഞ് മി​ച്ച​മൊ​ന്നും ഉ​ണ്ടാ​യി​രു​ന്നി​ല്ല. അ​തു​കൊ​ണ്ട് ഒ​സി​മ​യു​ടെ ക​ല്യാ​ണ​ത്തി​ന് സ​ലാ​യി​ദം​ഗ​യി​ലെ വ​ട്ടി​പ്പ​ലി​ശ​ക്കാ​ര​ന്‍റെ കൈയി​ൽ​നി​ന്ന് പ​ണം ക​ടം വാ​ങ്ങി. അ​വ​ളു​ടെ ക​ല്യാ​ണം എ​ത്ര​യും പെ​ട്ടെ​ന്നു ന​ട​ത്ത​ണ​മെ​ന്നു മ​ണി​ക്കി​നു നി​ർ​ബ​ന്ധ​മാ​യി​രു​ന്നു. ത​നി​ക്കെ​ന്തെ​ങ്കി​ലും സം​ഭ​വി​ച്ചാ​ൽ ഒ​സി​മ​യു​ടെ കാ​ര്യം കു​ഴ​പ്പ​ത്തി​ലാ​കു​മെ​ന്ന് അ​യാ​ൾ ആ​ശ​ങ്ക​പ്പെ​ട്ടു. ച​മ​ലി​ക്ക് ത​നി​യെ അ​തൊ​ന്നും ചെ​യ്യാ​നാ​വി​ല്ലെ​ന്ന് അ​യാ​ൾ വി​ചാ​രി​ച്ചു. വ​ലി​യ പ​ലി​ശ​യ്ക്കു ക​ടം വാ​ങ്ങ​രു​തെ​ന്ന് പ​ല​രും പ​റ​ഞ്ഞെ​ങ്കി​ലും അ​യാ​ൾ അ​തൊ​ക്കെ ചി​രി​ച്ചു ത​ള്ളി. സാ​ര​മി​ല്ല ഒ​സി​മ​യെ ഒ​ര​ാളെ ഏ​ല്പി​ച്ചാ​ൽ പി​ന്നെ സ​മാ​ധാ​ന​മാ​യി എ​ന്ന​യാ​ൾ ആ​ശ്വാ​സം പ​റ​ഞ്ഞു. എ​ന്നി​ട്ടും സം​ശ​യം പ​റ​ഞ്ഞ​വ​രോ​ട് അ​തൊ​ക്കെ താ​ൻ വീ​ട്ടി​ക്കൊ​ള്ളാ​മെ​ന്ന് ഇ​ത്തി​രി നീ​ര​സ​ത്തോ​ടെ പ​റ​ഞ്ഞു.

ക​ല്യാ​ണ​ത്തി​ന്‍റെ ആ​വ​ശ്യ​ത്തി​നാ​യി ര​ണ്ടു മാ​സം മ​ണി​ക് ബം​ഗാ​ളി​ൽ ത​ങ്ങി. ഒ​സി​മ​യെ ഭ​ർ​തൃ​വീ​ട്ടി​ലേ​ക്കു പ​റ​ഞ്ഞ​യ​ച്ചു താ​മ​സി​യാ​തെ അ​യാ​ൾ കേ​ര​ള​ത്തി​ലേ​ക്കു തീ​വ​ണ്ടി ക​യ​റി. ഒ​പ്പം മ​ക​ൻ മൊ​ന്ദൂ​സി​നെ​യും കൂ​ട്ടി. ഇ​നി പ​ഠി​ക്ക​ണ്ടെ​ന്ന് അ​വ​നോ​ടു പ​റ​ഞ്ഞു. താ​ൻ ഒ​റ്റ​യ്ക്കു പ​ണി​താ​ൽ വീ​ട്ടു​ചെ​ല​വും ക​ടം വീ​ട്ട​ലും എ​ല്ലാം​കൂ​ടി ന​ട​ക്കി​ല്ലെ​ന്നും അ​ഞ്ച​ലി​ൽ മൊ​ന്ദൂ​സി​നും പ​ണി​കി​ട്ടു​മെ​ന്നും ക​ടം വീ​ട്ടി​യാ​ൽ അ​വ​നെ അ​മ്മ​യു​ടെ അ​ടു​ത്തേ​ക്കു തി​രി​ച്ചു​വി​ടാ​മെ​ന്നും അ​യാ​ൾ ക​രു​തി. പ​ക്ഷേ,...

ജൂ​ണ്‍ 24
അ​ന്നു വൈ​കു​ന്നേ​രം ആ​റു മ​ണി​യോ​ടെ​യാ​ണ് മ​ണി​ക്കി​നെ കോ​ഴി മോ​ഷ്ടി​ച്ചെ​ന്നാ​രോ​പി​ച്ച് ആ​ൾ​ക്കു​ട്ടം ത​ട​ഞ്ഞു​നി​ർ​ത്തി ഇ​ടി​ച്ച​ത്. കേ​സി​ൽ പ്ര​തി​യാ​യ ശ​ശി​ധ​ര​ക്കു​റു​പ്പി​ന്‍റെ വീ​ടി​ന് അ​ടു​ത്തു​വ​ച്ചാ​യി​രു​ന്നു മ​ണി​ക്കി​നെ ത​ട​ഞ്ഞ​ത്. ശ​ശി​ധ​ര​ക്കു​റു​പ്പും ആ​സി​ഫും ഉ​ൾ​പ്പെ​ടെ​യു​ള്ള​വ​ർ മ​ണി​ക്കി​നെ ക്രൂ​ര​മാ​യി മ​ർ​ദി​ക്കു​ന്ന​തും നി​ല​വി​ളി​യും കേ​ട്ട് സു​ന്ദ​ര​ൻ ആ​ചാ​രി ഓ​ടി​യെ​ത്തി. മൂ​ന്നു വീ​ടു​ക​ൾ​ക്ക​പ്പു​റ​ത്തു താ​മ​സി​ക്കു​ന്ന സു​ന്ദ​ര​നാ​ചാ​രി​യാ​ണ് മ​ണി​ക്കി​നു കോ​ഴി​യെ വി​റ്റ​ത്. അ​ത് അ​യാ​ൾ വി​ളി​ച്ചു​പ​റ​യു​ക​യും മ​ണി​ക്കി​നെ ത​ല്ല​രു​തെ​ന്ന് ​പ​റ​യു​ക​യും ചെ​യ്തു. എ​ന്നി​ട്ടും മൂ​ക്കി​ൽ​നി​ന്നു ചോ​ര​യൊ​ലി​ക്കു​വോ​ളം അ​വ​ർ ത​ല്ലി​ച്ച​ത​ച്ചു. തി​രി​ച്ചൊ​ന്നു കൈ ​ഉ​യ​ർ​ത്തു​ക​പോ​ലും ചെ​യ്യി​ല്ലെ​ന്ന് ഉ​റ​പ്പു​ള്ള​തു​കൊ​ണ്ട് ആ ​ഭീ​രു​ക്ക​ൾ അ​ഴി​ഞ്ഞാ​ടി. അ​പ്പോ​ഴും പ്ര​ബു​ദ്ധ​രാ​യ മ​ല​യാ​ളി​ക​ൾ പ​ത്തു പ​ന്ത്ര​ണ്ടു​പേ​ർ കാ​ഴ്ച​ക്കാ​രാ​യി ചു​റ്റി​ലും നി​ല്പു​ണ്ടാ​യി​രു​ന്നു. ത​ള​ർ​ന്ന് അ​വ​ശ​നാ​യ മ​ണി​ക് ത​ന്‍റെ മ​ക​നെ ഫോ​ണി​ൽ വി​ളി​ച്ചു. അ​വ​നും സൂ​ര്യ​യും ഓ​ടി​യെ​ത്തി. അ​വ​ർ ബൈ​ക്കി​ൽ ക​യ​റ്റി മ​ണി​ക്കി​നെ വീ​ട്ടു​ട​മ തി​ല​ക​ന്‍റെ അ​ടു​ത്തെ​ത്തി​ച്ചു. അ​ദ്ദേ​ഹം ഉ​ട​നെ ഓ​ട്ടോ​റി​ക്ഷ​യി​ൽ ക​യ​റ്റി ആ​ശു​പ​ത്രി​യി​ലേ​ക്കു കൊ​ണ്ടു​പോ​യി.

പ​രാ​തി കൊ​ടു​ത്തെ​ങ്കി​ലും പോ​ലീ​സും കാ​ര്യ​മാ​യെ​ടു​ത്തി​ല്ല. വി​ദ​ഗ്ധ പ​രി​ശോ​ധ​ന​യ്ക്കും ആ​രും കൊ​ണ്ടു​പോ​യി​ല്ല. ആ​ശു​പ​ത്രി​യി​ൽ​നി​ന്നു ഡി​സ്ചാ​ർ​ജ് ചെ​യ്യ​പ്പെ​ട്ട മ​ണി​ക് വീ​ണ്ടും ജോ​ലി​ക്കു പോ​യി. ത​ള​ർ​ന്നു​വീ​ണു. ക​ഴി​ഞ്ഞ ഞാ​യ​റാ​ഴ്ച മ​രി​ച്ചു. എ​ത്ര​യും പെ​ട്ടെ​ന്നു ക​ട​ബാ​ധ്യ​ത​ക​ൾ തീ​ർ​ക്ക​ണ​മെ​ന്ന ആ​ഗ്ര​ഹ​ങ്ങളെല്ലാം നെ​ഞ്ചി​ലൊതുക്കി മ​ണി​ക്ക് മോ​ർ​ച്ച​റി​യു​ടെ ത​ണു​പ്പി​ൽ കി​ട​ന്നു. വി​വ​ര​മ​റി​ഞ്ഞ ച​മ​ലി​യു​ടെ സ​മ​നി​ല തെ​റ്റി. അ​വ​ർ നി​ല​വി​ളി​ക്കു​ക​യും ത​ള​ർ​ന്നു​റ​ങ്ങു​ക​യും മാ​ത്രം ചെ​യ്തു. തി​ങ്ക​ളാ​ഴ​ച വൈ​കു​ന്നേ​രം അ​ഞ്ച​ര​യോ​ടെ അ​യാ​ളു​ടെ മൃ​ത​ശ​രീ​ര​വു​മാ​യി ആം​ബു​ല​ൻ​സ് 2800 കി​ലോ​മീ​റ്റ​ർ അ​ക​ലെ​യു​ള്ള സ​ലാ​യി​ദം​ഗ​യി​ലേ​ക്കു പോ​യി. വ്യാ​ഴാ​ഴ്ച പു​ല​ർ​ച്ചെ ആം​ബു​ല​ൻ​സ് മ​ണി​ക്കി​ന്‍റെ ചെ​റ്റ​ക്കു​ടി​ലി​നു മു​ന്നി​ലെ​ത്തി. ര​ണ്ടോ മൂ​ന്നോ മ​ണി​ക്കൂ​റി​ന​കം സം​സ്കാ​ര​വും ന​ട​ത്തി.

മ​ണി​ക്കി​ന്‍റെ അ​ത്താ​ഴ​മേ​ശ

സ്വ​ന്തം മ​ക​ളു​ടെ വി​വാ​ഹ​ത്തി​നു പ​ലി​ശ​യ്ക്കെ​ടു​ത്ത ക​ടം വീ​ട്ട​ണ​മെ​ന്ന ഒ​രു പാ​വം മ​നു​ഷ്യ​ന്‍റെ സ്വ​പ്ന​ത്തെ​യാ​ണ് ന​മ്മ​ൾ കേ​ര​ള​ത്തി​ലെ സ​ദാ​ചാ​ര ഗു​ണ്ട​ക​ൾ പ​ട്ട​ട​യി​ലേ​ക്ക് എ​ടു​ത്തു​വ​ച്ച​ത്. അ​യാ​ളു​ടെ വീ​ട്ടു​ട​മ​യാ​യ തി​ല​ക​ൻ പ​റ​യു​ന്ന​തു കേ​ട്ടാ​ൽ മ​ണി​ക് റോ​യി​യു​ടെ ആ​ർ​ഭാ​ട​ങ്ങ​ൾ ന​മ്മെ ക​ര​യി​ക്കും. ആ​ഴ്ച​യി​ൽ ഒ​രു നാ​ട​ൻ കോ​ഴി വാ​ങ്ങി ക​റി​വ​യ്ക്കും. അ​ത് അ​വ​രു​ടെ ഒ​രു ആ​ഗ്ര​ഹ​മാ​യി​രു​ന്നു. അ​ന്നും മ​ണി​ക് കൂ​ട്ടു​കാ​ര​നൊ​പ്പം പോ​യി ര​ണ്ടു കി​ലോ തൂ​ക്ക​മു​ള്ള ഒ​രു കോ​ഴി​യെ വി​ല​യ്ക്കു വാ​ങ്ങി വീ​ട്ടി​ലേ​ക്കു മ​ട​ങ്ങു​ക​യാ​യി​രു​ന്നു.

സൂ​ര്യ പ​റ​ഞ്ഞ​ത​നു​സ​രി​ച്ച് വ​ള​രെ ചു​രു​ക്കി​യാ​ണ് മ​ണി​ക് ചെ​ല​വു​ക​ൾ ന​ട​ത്തി​യി​രു​ന്ന​ത്. ബാ​ക്കി പൈ​സ​യ​ത്ര​യും അ​യാ​ൾ സ്വ​ന്തം കു​ടും​ബ​ത്തി​നാ​യി സൂ​ക്ഷി​ച്ചു​വ​ച്ചു. വാ​ട​ക​വീ​ട്ടി​ൽ അ​വ​ർ ആ​റു​പേ​ർ ഉ​ണ്ടാ​യി​രു​ന്നു. മൂ​ന്നു സ്റ്റൗ​വ് ഉ​ണ്ട്. മൂ​ന്നു ക​ല​ത്തി​ലാ​ണ് ക​ഞ്ഞി​വ​യ്പ്. കോ​ഴി​ക്ക​റി മാ​ത്രം ഒ​റ്റ ച​ട്ടി​യി​ൽ ഉ​ണ്ടാ​ക്കും. എ​ന്നി​ട്ട് ആ​റു​പേ​രും ഒ​ന്നി​ച്ചി​രു​ന്നു തു​ല്യ​മാ​യി ക​ഴി​ക്കും. അ​ത്താ​ഴം ക​ഴി​ഞ്ഞ് കോ​ഴി​ക്ക​റി​യു​ടെ വി​ല തു​ല്യ​മാ​യി പ​ങ്കു​വ​യ്ക്കും. നോ​ക്കൂ, ദ​രി​ദ്ര​ന്‍റെ അ​ത്താ​ഴ​മേ​ശ​യി​ലെ​യും ക​ണ​ക്കു​ബു​ക്കി​ലെ​യും കാ​ര്യ​ങ്ങ​ൾ ന​മു​ക്ക് എ​ത്ര വി​ചി​ത്ര​ങ്ങ​ളാ​ണ്.

ഇ​നി​യി​പ്പോ​ൾ മ​ണി​ക്കി​നു പ​ക​രംവ​യ്ക്കാ​ൻ ആ​രു​മി​ല്ല. ച​മ​ലി​യു​ടെ മാ​ന​സി​ക ആ​രോ​ഗ്യ​പ്ര​ശ്ന​ങ്ങ​ളും ഒ​സി​മ​യു​ടെ ക​ല്യാ​ണ​ത്തി​ന്‍റെ ക​ട​ങ്ങ​ളും മൊ​ന്ദൂ​സി​ന്‍റെ പ​ഠ​ന​വും മ​ണി​ക്കി​ന്‍റെ മാ​ത്രം ഉ​റ​ക്കം കെ​ടു​ത്തു​ന്ന കാ​ര്യ​ങ്ങ​ളാ​യി​രു​ന്നു. അ​യാ​ളെ കൊ​ന്നു​ക​ള​യു​ക​യും ചെ​യ്തു. വേ​ണ്ടാ​യി​രു​ന്നു.
ഓ ​മോ​ർ ബോ​ന്ദു ദോ​ണ്‍ റോ​ഷി​യ

ബം​ഗാ​ളി​ക​ൾ പാ​ടി ന​ട​ക്കു​ന്ന ഒ​രു നാ​ടോ​ടി​പ്പാ​ട്ടാണിത്. ഓ ​മോ​ർ ബോ​ന്ദു ദോ​ണ്‍ റോ​ഷി​യ... എ​ന്നു തു​ട​ങ്ങു​ന്ന പാ​ട്ടി​ന്‍റെ ആ​ദ്യ​വ​രി​ക​ൾ ഏ​താ​ണ്ടി​ങ്ങ​നെ​യാ​ണ്:
എ​ന്‍റെ സ​ന്തോ​ഷ​ത്തി​ന്‍റെ
ആ​ധാ​ര​മാ​യ പ്രി​യ​നേ
ശോ​ഭ​യാ​ർ​ന്ന നി​ന്‍റെ മു​ഖ​മെ​വി​ടെ
കാ​ണ​ട്ടെ ഞാ​ൻ ഒ​രി​ക്ക​ൽ​ക്കൂ​ടി,
ഒ​രി​ക്ക​ൽ​ക്കൂ​ടി മാ​ത്രം.
എ​ന്‍റെ​യ​ടു​ത്തു വ​രു​മെ​ന്നു
നീ ​ആ​ണ​യി​ട്ടു പ​റ​ഞ്ഞ​ത​ല്ലേ.
എ​ന്നി​ട്ടും നീ ​വ​ന്നി​ല്ല
നീ​യി​ല്ലാ​തെ എ​ന്‍റെ ഹൃ​ദ​യം വെ​ന്തു​രു​കു​ന്നു
മു​ന്പെ​ന്ന​ത്തേ​ക്കാ​ളും...
വി​രു​ന്നൊ​രു​ക്കി കാ​ത്തി​രി​ക്കു​ന്നു ഞാ​ൻ
എ​വി​ടെ​യാ​ണ് അ​വ​ൻ?
ഓ...​എ​വി​ടെ​യാ​ണ​വ​ൻ...?
ഈ ​നാ​ടോ​ടി​പ്പാ​ട്ട് മ​ണി​ക് റോ​യി​യു​ടെ ഭാ​ര്യ ച​മ​ലി​യ പാ​ടു​ന്ന​തു​പോ​ലെ തോ​ന്നു​ന്നു...
പ​ക്ഷേ, കോ​ഴി​ക്ക​റി​യും ചോ​റും വേ​വി​ച്ച് അ​വ​ളൊ​രു​ക്കു​ന്ന വി​രു​ന്നി​ന് അ​യാ​ൾ​ക്ക് ഇ​നി വ​രാ​നാ​വി​ല്ല​ല്ലോ.

ജോസ് ആൻഡ്രൂസ്


Copyright @ 2022 , Rashtra Deepika Ltd.