Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
Back to Home
വൃദ്ധനും ഹാർമോണിയവും
ഒട്ടുമറിയില്ല എങ്ങനെ പറഞ്ഞുതുടങ്ങണമെന്ന്... കേശവ് ലാൽ എന്നൊരു ഹാർമോണിയം വാദകൻ കല്യാൺജി–ആനന്ദ്ജി ദ്വയത്തിന്റെ ഓർക്കസ്ട്രയിൽ ഉണ്ടായിരുന്നെന്നോ... സാക്ഷാൽ ശാന്താറാം സിനിമയിലേക്കു കൈപിടിച്ചുനടത്തിയ പ്രതിഭയാണെന്നോ... വൈജയന്തിമാലയുടെ നാഗിൻ എന്ന പ്രശസ്തമായ സിനിമയുടെ ഭാഗമായിരുന്നെന്നോ.., ഒരുകാലത്ത് മുംബൈയിലെ ക്ലബുകളിലും പാർട്ടികളിലും സ്വരങ്ങൾകൊണ്ട് അയാൾ കേൾവിക്കാരെ ത്രസിപ്പിച്ചിരുന്നുവെന്നോ.. അതോ, ചുളിഞ്ഞുണങ്ങിയ തൊലിയുള്ള വിരലുകളമർത്തി അയാൾ പൂനെയിലെ തെരുവുകളിൽ ഹാർമോണിയം വായിച്ച്, പഴയ ഹിന്ദിപാട്ടുപാടി നടക്കുന്ന വീഡിയോ സോഷ്യൽ മീഡിയയിൽ ലൈക്കുകൾ വാരിക്കൂട്ടുന്നുവെന്നോ... ഭാര്യ കൈനീട്ടിവാങ്ങുന്ന നാണയത്തുട്ടുകൾ അവരുടെ വിശപ്പകറ്റാൻ വഴിയാകുന്നുവെന്നോ... ഇല്ല, ഒട്ടുമറിയില്ല.
‘ഈ വൃദ്ധന്റെ പാട്ടു കേട്ടുനോക്കൂ’ എന്ന തലക്കെട്ടുമായി ഒരു വീഡിയോ സോഷ്യൽ മീഡിയയിൽ പ്രചരിച്ചുതുടങ്ങിയിട്ട് ഏതാനും വർഷങ്ങളായി. മെലിഞ്ഞുണങ്ങി, നരച്ചുവെളുത്ത താടിയും മീശയുമായി ഒരാൾ. ചുമലിൽ ഏതാനും തുണിസഞ്ചികൾ... ഹാർമോണിയവും ചുമലിൽ തൂങ്ങുന്നു. അയാളുടെ വിരലുകൾ ഹാർമോണിയത്തിൽ നൃത്തംവയ്ക്കുന്നത് അതിഗംഭീരമായാണ്. ശബ്ദം അത്ര കേൾവിസുഖം നൽകുന്നില്ലെങ്കിലും അയാളുടെ പാട്ട് ഏവരെയും പിടിച്ചുനിർത്തുന്നതാണ്... ജാനേ കഹാ ഗയേ വോ ദിൻ... ഒരുകുപ്പി വെള്ളവും ഒരു ഭാണ്ഡക്കെട്ടുമായി ഒപ്പമുള്ള സ്ത്രീ അയാളുടെ ഭാര്യയാണ്. പാട്ടുകേട്ട് ചുറ്റുംകൂടുന്നവർ അവരുടെ ഉള്ളംകൈയിൽ നാണയത്തുട്ടുകൾ വച്ചുകൊടുക്കുന്നുണ്ട്. ചിലപ്പോഴൊക്കെ പഴയ വസ്ത്രങ്ങളും...
തെരഞ്ഞുചെന്നപ്പോൾ അറിഞ്ഞു, അത് ഒരുകാലത്തെ അഗ്രഗണ്യനായ ഹാർമോണിയം വാദകൻ കേശവ് ലാൽ എന്ന എഴുപത്തഞ്ചുകാരനാണ്. സിനിമയിലും പാർട്ടികളിലും തിളങ്ങിനിന്നിരുന്നയാൾ. സിനിമ ജീവിതം കവരുന്നുവെന്ന് തിരിച്ചറിഞ്ഞപ്പോൾ വെറുംകൈയുമായി സ്റ്റുഡിയോയിൽനിന്ന് ഇറങ്ങിപ്പോന്നയാൾ.
കേശവ് ലാൽ പറഞ്ഞുവച്ചിട്ടുണ്ട്: ‘‘സിനിമ എന്റെ ജീവിതം നശിപ്പിച്ചു. കിട്ടുന്ന കാശു മുഴുവൻ സിനിമ കാണാൻതന്നെ ചെലവാക്കി. സ്റ്റുഡിയോകളിൽ ഞാൻ ജോലിചെയ്യുമ്പോഴും കുടുംബം പട്ടിണിയിലായിരുന്നു. സിനിമാ സംഗീതരംഗം പാവപ്പെട്ടവർക്കുള്ളതല്ല. കുടുംബം നോക്കണമെന്ന് ആഗ്രഹമുള്ള എന്നെപ്പോലുള്ളവർക്ക് സിനിമ പറ്റില്ല’’.

ശ്രീലങ്കയിൽ ജനിച്ചവരാണ് കേശവ് ലാലിന്റെ മാതാപിതാക്കൾ. രണ്ടാം ലോകമഹായുദ്ധകാലത്ത് ഏതോ സൈനികർക്കൊപ്പം ബോംബെയിലെത്തി. സംഗീതം മനസിലുണ്ടായിരുന്നവർ സ്വപ്നങ്ങളുടെ നഗരത്തിൽ കൂടുകൂട്ടി. സ്വരങ്ങൾ പകർന്നുകിട്ടിയ കേശവ് ലാൽ നഗരത്തിൽ ജോലിതേടി അലയാറുണ്ട്. ഒരിക്കൽ ഒരു ഞായറാഴ്ച, അന്ധേരിയിൽവച്ച് അയാളുടെ ഹാർമോണിയം വായന പ്രശസ്തനായ വി. ശാന്താറാം കാണാനിടയായി. തന്റെ അടുത്ത സിനിമയിൽ ഹാർമോണിയം വായിക്കാമോ എന്നായിരുന്നു ശാന്താറാമിന്റെ ചോദ്യം. അങ്ങനെയാണ് കേശവ് ലാൽ സിനിമയുടെ മായിക ലോകത്തെത്തിയത്. മുമ്പു പറഞ്ഞപോലെ സിനിമ ജീവിതത്തെ മോഷ്‌ടിച്ചുകൊണ്ടുപോകുന്നു എന്നു വ്യക്‌തമായതോടെ അദ്ദേഹം ഭാര്യ സോനം ബായിയോടൊപ്പം പൂനെയിലേക്ക് ഓടിരക്ഷപ്പെട്ടു. അന്ന് അദ്ദേഹത്തിനു നാല്പതുവയസ്. തെരുവുകളിൽ പാടിയും ഹാർമോണിയം വായിച്ചും ജീവിതം മുന്നോട്ടുനീക്കി. കോർപറേഷന്റെ ഒരു പാലത്തിനടിയിലായിരുന്നു താമസം. അവിടെയും അന്തിയുറങ്ങാനാവില്ല, ഇറങ്ങിപ്പോകണം എന്നു കോർപറേഷനിൽനിന്ന് അറിയിപ്പുകിട്ടിയപ്പോൾ പകച്ചിരുന്നിട്ടുണ്ട്.

ഒരിക്കൽ എവിടെയോവച്ച് ഹാർമോണിയം വായന ഏതോ നല്ലമനുഷ്യരുടെ ചെവികളിലെത്തി. അവർ പറഞ്ഞു, ഒരു സംഗീത പരിപാടി സംഘടിപ്പിക്കാം. അതിൽനിന്നു കിട്ടുന്ന പ്രതിഫലംകൊണ്ട് ഒരു ചെറിയ വീടുണ്ടാക്കാം. കേശവ് ലാൽ അതു സമ്മതിച്ചു. പ്രശസ്തമായ ദീനാനാഥ് മങ്കേഷ്കർ ഹാളിൽ നടത്തിയ സംഗീതപരിപാടി കേൾക്കാൻ അറുനൂറിലേറെ പേരെത്തി. അതിൽനിന്നു കിട്ടിയ തുകയും ഒരു സന്നദ്ധ സംഘടനക്കാരുടെ സഹായവുമായതോടെ ചേരിനിർമാർജന പദ്ധതിയുടെ ഭാഗമായുള്ള ഒരു ഒറ്റമുറി ഫ്ളാറ്റ് കേശവ് ലാലിനും ഭാര്യക്കും കിട്ടി. കൈയിൽ കുറച്ചു പണവുമുണ്ടായിരുന്നു. എന്നാൽ അതുകൊണ്ടുമാത്രം കഷ്‌ടപ്പാടു തീരില്ലായിരുന്നു. തെരുവിലെ ഈണങ്ങൾ അവരെ കൈവിട്ടില്ല.

കേശവ് ലാൽ പറഞ്ഞു– ‘‘കരയുന്ന കുട്ടിക്കേ പാലുള്ളൂ. സംഗീതം ആരും പഠിപ്പിച്ചുതന്നിട്ടില്ല. മത്സ്യക്കുഞ്ഞിനെ നീന്താൻ ആരും പഠിപ്പിക്കേണ്ടല്ലോ. ദൈവകൃപയാൽ, ഒരിക്കൽ കേട്ടാൽമതി, എനിക്കതു വായിക്കാൻ കഴിയും. ചെറുപ്പത്തിൽ പിതാവു വായിച്ചുകേട്ടത് ഇന്നും മറന്നിട്ടില്ല. പ്രായം ഇത്രയായിട്ടും എന്റെ വിരലുകൾക്ക് ഹാർമോണിയക്കട്ടകൾ അമർത്താനുള്ള ശക്‌തിയുണ്ട്. ഇത് ഭിക്ഷയെടുക്കൽ അല്ലെന്ന ഉറച്ച ബോധ്യമുണ്ട്. ഞാൻ എന്റെ ജോലിചെയ്താണ് ജീവിക്കുന്നത്. എല്ലായിടത്തും വിജയിക്കാൻ ഭാഗ്യംവേണം. ചിലപ്പോൾ കല്ല് വജ്രമാകും.., ചിലപ്പോൾ തിരിച്ചും. എനിക്കൊന്നും സമ്പാദിക്കാനായില്ല. എന്നാൽ സന്തോഷത്തോടെയാണ് ജീവിതം. സംഗീതം ശക്‌തിയോടെ കൂട്ടിനുണ്ട്. ആർക്കും ആശ്രയമില്ലാതെ ജീവിക്കാനാവില്ല. ഒരു ജീവനും രണ്ടു ഹൃദയങ്ങളുമാണ് ഞാനും ഭാര്യ സോനയും. ഒരുമിച്ചു മരിക്കണമെന്നാണ് ആഗ്രഹം. അല്ലെങ്കിലും ഞാൻ രാവിലെ മരിച്ചാൽ അവൾ രാത്രി മരിക്കും., അവൾ രാത്രി മരിച്ചാൽ ഞാൻ രാവിലെയും’’...
(രണ്ടു വർഷം മുമ്പ് ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ടിന്റെ നേതൃത്വത്തിൽ തയാറാക്കിയ ഒരു ഡോക്യുമെന്ററിയിൽനിന്നാണ് കേശവ് ലാലിന്റെ വാക്കുകൾ. അപ്പോൾ അദ്ദേഹത്തിന്റെ മുഖത്ത് പുഞ്ചിരിയും തൃപ്തിയുമുണ്ടായിരുന്നു. ഭാര്യയുടെ മുഖവും ചിരികൊണ്ടു വിടർന്നിരുന്നു. അവർ കരിയിലകളിൽ ചവിട്ടിനടന്ന് പാട്ടുമൂളുന്നുണ്ടായിരുന്നു).

‘പൂനെയിൽ തണുപ്പ് പുതപ്പിനുള്ളിലും എത്തി.., 10 ഡിഗ്രിയാണ് ഇന്ന്’– പൂനെയിലുള്ള മലയാളി എഴുത്തുകാരനും മാനേജ്മെന്റ് വിദഗ്ധനുമായ ബോബൻ കൊള്ളന്നൂർ ഫേസ്ബുക്കിൽ ഇങ്ങനെ കുറിക്കുമ്പോൾ കേശവ് ലാലിനെയും ഭാര്യയെയും ഓർമവരുന്നു. അദ്ദേഹത്തോടു ചോദിച്ചപ്പോൾ ഇങ്ങനെയൊരു സംഗീതകാരനെ അദ്ദേഹം അടുത്തകാലത്തൊന്നും അവിടത്തെ തെരുവുകളിൽ കണ്ടിട്ടില്ല. ഇപ്പോൾ എവിടെയാകും അവർ?.. ഞാൻ ശിവജി നഗറിലാണ്, ഇവിടത്തുകാരോട് അന്വേഷിച്ച് വിവരം അറിയാൻ ശ്രമിക്കാം എന്ന് ബോബൻ കൊള്ളന്നൂർ പറയുന്നത് പ്രതീക്ഷയുടെ ഈണത്തിലാണ്.

ഹരിപ്രസാദ്


അഞ്ചടി നീളം, ആടുകൾക്കു പേടിസ്വപ്നം; ബ്രിട്ടന്‍റെ ചരിത്രത്തിലെ 'ഭീമന്‍ കുറുക്കന്‍'
സു​ഹൃ​ത്താ​യ ക​ർ​ഷ​ക​ന്‍റെ ആ​ടു​ക​ളെ ഏ​തോ അ​ജ്ഞാ​ത ജീ​വി തു​ട​ർ​ച്ച​യാ​യി കൊ​ന്നു​തി​ന്നു​ന്നു എ​ന്ന വാ​ർ​ത്ത കേ​ട്ടാ​ണു മി​ക​ച്ച ഫോ​ക്സ് ഷൂ​ട്ട​റാ​യ അ​ല​ൻ യു​കെ​യി​ൽ എ​ത്തി​യ​ത്. വ​ട​ക്കുകി​ഴ​ക്ക​ൻ സ
പോത്തൻ പോത്ത് യുവരാജ്
കേട്ടാൽ അവിശ്വസനീയമെന്നു തോന്നാം. വിശ്വസിച്ചേ പറ്റൂ. സംഗതി സത്യമാണ്. മീററ്റിലെ കുരുക്ഷേത്രയിലുള്ള യുവരാജിന് മക്കൾ 1,50,000 ആണ്. ആരാണ് യുവരാജ് എന്നറിയേണ്ടേ? മീററ്റിൽ നടന്ന ‘ഓൾ ഇന്ത്യ കാറ്റിൽ ഷോ’യിൽ
ഭീമനാ പക്ഷേ, പാവം
ലോകത്തിൽ ഇന്ന് ജീവിച്ചിരിക്കുന്ന ഏറ്റവും വലിയ മുയൽഭീമൻ ഡാരിയസ് ആണ്. നാല് അടി നാല് ഇഞ്ച് നീളവും അതിനൊത്ത ഉയരവുമുള്ള അവനെ കണ്ടാൽ വലിയ ഒരു നായയാണെന്നേ തോന്നൂ. അമേരിക്കയിലെ വോഴ്സ്റ്ററിലുള്ള അനീറ്റ് എഡ്വാർ
ഹാപ്പി ന്യൂ ഇയർ 2017; കൗതുകമുണർത്തുന്ന പുതുവത്സരാഘോഷങ്ങളെക്കുറിച്ച്
പുതുവത്സരം കെങ്കേമമായി ആഘോഷിക്കുന്നതിൽ മുൻപന്തിയിൽ നിൽക്കുന്ന രാജ്യമാണ് ജപ്പാൻ. ആഘോഷത്തിലെ പ്രധാന ഇനമായ ഭക്ഷ്യവിഭവമേളയുടെ പേരാണ് ’ഒസെഷി’.
ജനുവരി ഒന്നിന് നടക്കുന്ന ഭക്ഷ്യവിഭവമേളയിൽ പ്രധാനമായും പുഴുങ
തീപിടിക്കുന്ന ഗിറ്റാറുകൾ
1967. മോണ്ടെറി പോപ് ഫെസ്റ്റിവൽ വേദി. നാലേനാലു വർഷം മാത്രം നീണ്ട സംഗീതജീവിതംകൊണ്ട് റോക്കിന്റെ കൊടുമുടിയിൽ വിലസിയ അമേരിക്കൻ ഗിറ്റാറിസ്റ്റും ഗായകനുമായ ജിമി ഹെൻഡ്രിഗ്സ് ശ്രോതാക്കൾ ഒരിക്കലും കേട്ടിട
ആഴക്കടലിലെ എട്ടടിഭീമൻ
ലോകത്തിലെ ഏറ്റവും വലിയ ’സീബാസ്’ ഭീമൻ 8.2 അടി നീളവും (2.5 മീ.) 360 കിലോഗ്രാം ഭാരവുമുള്ള ഒന്നാണ്. കലിഫോർണിയ അക്കാദമി ഓഫ് സയൻസസിൽ ഇതിനെ പരിപാലിച്ചുവരുന്നു. പരമാവധി 75 വർഷമാണ് ഒരു സീബാസിന്റെ ആയുർദൈർഘ്യം.
ഗിന്നസിലെ കൈകൊട്ടിക്കളി
ഗിന്നസ് പ്രവേശനത്തനായി പരിശ്രമിക്കുന്ന മലയാളിയായ കലാകാരനാണ് അടൂർ സുനിൽകുമാർ. ഏറ്റവും കൂടുതൽ തവണ മഹാബലിയുടെ വേഷം കെട്ടിയ വ്യക്‌തിയെന്ന ബഹുമതിയുമായി ഗിന്നസിൽ കയറാനാണ് അദ്ദേഹത്തിന്റെ ശ്രമം. പന്ത്രണ്ടാം
സിംഹമത്സ്യം
തിമിംഗലത്തെപ്പോലെതന്നെ ഗിന്നസ് ലോകത്തെ മറ്റൊരു വിസ്മയ കഥാപാത്രമാണ് സിംഹമത്സ്യം. ജലേൃീശെ അിലേിിമമേ എന്ന ശാസ്ത്രനാമമുള്ള ഇതിനെ ഫാഹൽ സമുദ്രത്തിലും ജപ്പാനിലെ ചുമ്പൻജി തടാകത്തിലും മറ്റും കണ്ടുവരുന്നു. ഉരു
മത്സ്യങ്ങളുടെ വിചിത്രലോകം
ഓസ്ട്രേലിയൻ സമുദ്രങ്ങളിൽ കണ്ടുവരുന്ന ചില വിചിത്ര മത്സ്യങ്ങളുണ്ട്. അവയിൽ പലതും നമ്മുടെ രാജ്യത്തെ സമുദ്രങ്ങളിൽ അപൂർവമാണ്. ഒക്ടോപ്പസ് അഥവാ നീരാളി എന്ന പേരിൽ അറിയപ്പെടുന്ന മത്സ്യവർഗത്തിൽപ്പെടുന്ന മറ്റൊരു
ഇരട്ട ആയുസ്
ജീവിച്ചിരിക്കുന്ന ഏറ്റവും പ്രായംകൂടിയ ഇരട്ടകളായ പുരുഷ സഹോദരന്മാർ ബൽജിയത്തിലെ പീറ്ററും പാവ്ലസ് ലാംഗ്റോക്കുമാണ്. 103 വയസ് പിന്നിട്ട ഈ അവിവാഹിത സഹോദരങ്ങൾ കഴിഞ്ഞ നൂറ്റാണ്ടിൽ കോടതിയിൽ മജിസ്ട്രേറ്റുമാരായിരു
മൃഗങ്ങൾ വിശേഷതകൾ
1972–ൽ അമേരിക്കൻ സൈന്യത്തിൽ സന്ദേശവാഹക ജോലിക്കായി നായ്ക്കളെ നിയമിച്ചിരുന്നു. അവിടെ ജോലി ചെയ്തിരുന്ന നായ്ക്കൾ സന്ദേശമെത്തിക്കുന്നതിൽ അങ്ങേയറ്റം വൈദഗ്ധ്യം പുലർത്തിയിരുന്നു. അത്തരത്തിൽ ഏറ്റവും പ്രശസ്തന
രസകരം ടർക്കി ചരിതം
ലോകത്തിലെ ഏറ്റവും വലിപ്പവും ഭാരവുമുണ്ടായിരുന്ന ആൺടർക്കി സ്പ്രിംഗ് ഗോബ്ളർ ആയിരുന്നു. 2015 ഏപ്രിൽ 21–ന് ലിയോൺ കൗണ്ടിയിലെ ഒരു പക്ഷിഫാമിൽവച്ചാണ് അതു ചത്തത്. 37.6 പൗണ്ടായിരുന്നു ആ ടർക്കിഭീമന്റെ ഭാരം. ടർക്ക
ഒട്ടകയോട്ട മത്സരം
ലോകത്തിൽ ഒട്ടകങ്ങളെ ഉപയോഗിച്ചുള്ള ഓട്ടമത്സരങ്ങൾ നടക്കാറുണ്ട്. 2016 മാർച്ച് ഏഴിന് അത്തരമൊരു ഓട്ടമത്സരം മംഗോളിയയിൽ നടക്കുകയുണ്ടായി. ലോകത്തിലെ ഏറ്റവും വലിയ ഒട്ടകയോട്ട മത്സരവും അതായിരുന്നു. 1108 ഒട്ടകങ്ങള
ആട് മുത്തശിക്ക് ദാരുണാന്ത്യം
ലോക ഗിന്നസ് റിക്കാർഡ് അനുസരിച്ച് ഏറ്റവും കൂടുതൽ വർഷം ജീവിച്ചിരുന്ന ആടിന്റെ ആയുർദൈർഘ്യം 28 വർഷവും 51 ആഴ്ചയുമായിരുന്നു. അടുത്തസമയം വരെ ഏറ്റവും പ്രായമുള്ള ആട് എന്ന ബഹുമതി നിലനിർത്തിയിരുന്നത് ലെവിസിലെ നോർ
കഥ പറയുന്ന ചീട്ടുകൾ
പൗരാണികമായ ഒരു ഐതിഹ്യത്തിൽ പറയുന്നത് പാശ്ചാത്യലോകത്തിലാണ് ആദ്യമായി ചീട്ടുകൾ രൂപംകൊണ്ടത് എന്നാണ്. അതിന് ചൈനയിലെ ചെസ് കളിയോടും കൊറിയയിലെ അമ്പ് കളിയോടും ബന്ധമുണ്ടായിരുന്നുവത്രേ. വീണവായനയിൽ കമ്പം കയറിയ ഒര
അരയന്നങ്ങളുടെ വീട്
വടക്കേ അമേരിക്കയിലാണ് ലോകത്തിലെ ഏറ്റവും വലിപ്പമുള്ള അരയന്നങ്ങളെ കണ്ടുവരുന്നത്. ഇന്ന് ജീവിച്ചിരിക്കുന്നതിൽ വച്ചേറ്റവും വലിയ അരയന്നം ’ട്രമ്പറ്റർസ്വാൻ’ വർഗത്തിൽപ്പെട്ട ഒരു ആൺ അരയന്നമാണ്. അവന്റെ ശരീര നീളം
രാക്ഷസ പുഷ്പം
ലോകത്തിലെ ഏറ്റവും വലിയ പൂവ് ഇന്തോനേഷ്യയുടെ ഔദ്യോഗിക പുഷ്പമാണ്. പേര് റഫ്ളേഷിയ അർനോൽഡി. ഇൻഡോനേഷ്യയിലെ മഴക്കാടുകളിലാണ് ഈ അപൂർവ പുഷ്പം കണ്ടുവരുന്നത്. തെക്കുകിഴക്കൻ ഏഷ്യൻ പ്രദേശങ്ങളിലും മലേഷ്യ, തായ്ലൻഡ്, ഫ
കർണരസം കഴുതപുരാണം
ഇന്നു ജീവിച്ചിരിക്കുന്നതിൽ ഏറ്റവും ഉയരവും ഭാരവുമുള്ള കഴുത റോമുലസ് ആണ്. അമേരിക്കയിൽ മിഷിഗണിലെ അഡ്രിയാനിലുള്ള മൃഗസ്നേഹികളായ ഫിലിന്റെയും കാരാ ബാർകർ യെല്ലോട്ട് ദമ്പതികളുടെയും അരുമയാണ് അവൻ. റോമുലസിന് റെമു
രസകരം ശ്വാനചരിതം
ബിസി ആറാം ശതകം മുതൽ നായ്ക്കളെക്കുറിച്ച് ചരിത്രത്തിൽ പരാമർശിക്കുന്നുണ്ട്. നായ്ക്കൾക്കും മനുഷ്യർക്കും തമ്മിലുള്ള ബന്ധത്തിന്റെ നിരവധി കഥകൾ പുരാണേതിഹാസങ്ങളിലും പ്രതിപാദിക്കുന്നു. യജമാനസ്നേഹത്തിന്റെയും വിശ
ഉയരങ്ങളിൽ കൂടുകൂട്ടി
കഴുകന്മാരുടെ കൂട്ടത്തിൽ ഏറ്റവും വലിപ്പമുള്ളവയാണ് ഹാർപി കഴുകൻ. ഇവയുടെ കൂട്ടത്തിലെ പെൺകഴുകന് ആൺകഴുകനെക്കാൾ ശരീരവലിപ്പവും ഭാരവും ഉണ്ടായിരിക്കും. ആകാശത്തിന്റെ ഉന്നതങ്ങളിലൂടെ പറക്കുന്ന ഇവയ്ക്ക് ഭൂമിയിലൂടെ
Rashtra Deepika LTD
Copyright @ 2017 , Rashtra Deepika Ltd.