Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
Back to Home
സ്നേഹപൂർവം ക്രിസ്മസ്
സാഹിത്യത്തിനുള്ള നൊബേൽസമ്മാനം നേടിയ ആദ്യവനിതയാണ് സെൽമ ലാഗർലോഫ് (1858–1940). സ്വീഡനിൽ ജനിച്ച സെൽമ ആദ്യകാലത്ത് ഒരു ഹൈസ്കൂൾ അധ്യാപികയായിരുന്നു. പിന്നീടാണ് അവർ ഫുൾടൈം സാഹിത്യസേവനത്തിലേക്കു തിരിഞ്ഞത്. ബാലസാഹിത്യത്തിൽ അമൂല്യസംഭാവനകൾ നൽകിയിട്ടുള്ള സെൽമയുടെ അതിസുന്ദരമായ ഒരു ചെറുകഥയാണ് ’വിശുദ്ധരാത്രി’. ആ കഥ ചുരുക്കമായി ഇവിടെ വിവരിക്കാം.

കൊടുംതണുപ്പുള്ള ഒരു രാത്രി. അസ്‌ഥി തുളച്ചുകയറുന്ന ആ കൊടുംതണുപ്പിൽ ഒരു മനുഷ്യൻ അടുത്തുകണ്ട വീടുകളുടെ വാതിലുകളിൽ മുട്ടിവിളിച്ചു പറഞ്ഞു, ‘സ്നേഹിതരേ, എന്നെ സഹായിക്കൂ. എന്റെ ഭാര്യ ഒരു കുട്ടിയെ പ്രസവിച്ചു.തണുപ്പിൽനിന്ന് അവരെ രക്ഷിക്കണം. അവർക്കു തീകൂട്ടാൻ കുറേ ഉണങ്ങിയ വിറക് തരണം. രാത്രി വൈകിയ സമയമായിരുന്നു. എല്ലാവരും നല്ല ഉറക്കത്തിലായിരുന്നതുകൊണ്ട് ആരും എണീറ്റ് ആ മനുഷ്യന് വിറക് നൽകിയില്ല. അപ്പോൾ അദ്ദേഹം മുന്നോട്ടു നടന്നു. അങ്ങനെയാണ് അകലെ ഒരിടത്ത് തീകത്തുന്നത് കണ്ടത്.

അദ്ദേഹം അവിടേക്കു നടന്നു. അവിടെ ഒരു ഇടയൻ തന്റെ ആടുകൾക്കു കാവലിരിക്കുകയായിരുന്നു. അയാൾക്കു കൂട്ടിനായി മൂന്നു കാവൽനായ്ക്കളും ഉണ്ടായിരുന്നു. അദ്ദേഹം അടുത്തെത്തിയപ്പോഴേക്കും ആ നായ്ക്കൾ വായ് പിളർന്നു കുരയ്ക്കാൻ ശ്രമിച്ചു. പക്ഷേ അദ്ദേഹത്തെ കടിക്കാൻ അവയ്ക്കു സാധിച്ചില്ല. നായ്ക്കളെ അവഗണിച്ച് അദ്ദേഹം ഇടയന്റെ അടുത്തേക്ക് നീങ്ങി. അപ്പോൾ തന്റെ കൈയിലിരുന്ന വടിയെടുത്ത് അദ്ദേഹത്തെ ആക്രമിക്കാൻ ഇടയൻ ശ്രമിച്ചു. പക്ഷേ വടി കൈയിൽനിന്നു താഴെ വീഴുകയാണുണ്ടായത്. ഇടയന്റെ ശത്രുതാ മനോഭാവം വകവയ്ക്കാതെ അദ്ദേഹം പറഞ്ഞു, ‘എനിക്ക് കുറച്ചു വിറക് വേണം. എന്റെ ഭാര്യ പ്രസവിച്ചു. അവൾക്കും കുഞ്ഞിനും തീകൂട്ടാൻ വേണ്ടിയാണ്.‘

വിറക് കൊടുക്കാൻ ഇടയനു മനസില്ലായിരുന്നു. എങ്കിലും അതുവരെ കണ്ട അദ്ഭുതകരമായ സംഭവങ്ങൾ മൂലം ഇടയൻ പറഞ്ഞു, ‘ആവശ്യമുള്ളിടത്തോളം എടുത്തോളൂ.‘ പക്ഷേ അദ്ദേഹം നോക്കിയപ്പോൾ അവിടെ അൽപംപോലും വിറക് ബാക്കിയില്ലായിരുന്നു. ഉടനെ ഇടയൻ വീണ്ടും പറഞ്ഞു, ‘കത്തുന്ന കനൽക്കട്ടകൾ എടുത്തോളൂ.‘ കനൽക്കട്ടകൾ എടുക്കാൻ കോരിയോ പാത്രമോ ഇല്ലാതിരുന്നതുകൊണ്ട് അദ്ദേഹം അവ എടുക്കുകയില്ലെന്നാണ് ഇടയൻ കരുതിയത്. എന്നാൽ അൽപംപോലും മടിക്കാതെ അദ്ദേഹം കൈകൊണ്ട് കനൽക്കട്ടകൾ എടുത്ത് തന്റെ മേൽവസ്ത്രത്തിൽ അവ ശേഖരിച്ചു. അപ്പോൾ അദ്ദേഹത്തിന്റെ കൈ പൊള്ളുകയോ വസ്ത്രത്തിനു തീപിടിക്കുകയോ ചെയ്തില്ല. ഇതു കണ്ടപ്പോൾ അദ്ഭുതസ്തബ്ധനായ ഇടയൻ ചോദിച്ചു, ‘എന്തുതരം രാത്രിയാണിത്? നായ്ക്കൾക്കു കടിക്കാനാവാത്ത രാത്രി! തീക്ക് പൊള്ളിക്കാനാവാത്ത രാത്രി!! ഈ രാത്രിയിൽ എല്ലാം നിങ്ങളോടു കരുണകാണിക്കുന്നു.‘

ഉടനേ അദ്ദേഹം പറഞ്ഞു, ‘നിങ്ങൾക്കിതു തനിയെ മനസിലാക്കാൻ സാധിക്കുന്നില്ലെങ്കിൽ എനിക്കു നിങ്ങളോട് പറഞ്ഞുതരാനാവില്ല.‘ ഇത്രയും പറഞ്ഞിട്ട് ഇടയനു നന്ദിപറഞ്ഞ് അദ്ദേഹം യാത്രയായി. അപ്പോൾ ഇടയനും അദ്ദേഹത്തിന്റെ പിന്നാലെ നടന്നു. കുറേ കഴിഞ്ഞപ്പോൾ അവർ ഒരു ഗുഹയിലെ കാലിത്തൊഴുത്തിൽ എത്തി. അപ്പോൾ കാലികൾക്കിടയിൽ ഒരു കുഞ്ഞിനെ പരിചരിക്കുന്ന അമ്മയെ ഇടയൻ കണ്ടു. ആ അമ്മയും കുഞ്ഞും തണുപ്പത്ത് വിറയ്ക്കുന്നതു കണ്ടപ്പോൾ അയാൾ തന്റെ തോളിൽ കിടന്ന ഉണങ്ങിയ ആട്ടിൻതോൽ എടുത്ത് അവർക്കു നൽകി.

ആ നിമിഷം അയാളുടെ കണ്ണുകൾ തുറക്കപ്പെട്ടു. ആ കുഞ്ഞിനും അമ്മയ്ക്കും ചുറ്റുമായി അസംഖ്യം മാലാഖമാർ ആഹ്ലാദപൂർവം നിൽക്കുന്നതും അവർ ആ പൈതലിനെ ആരാധിക്കുന്നതും അയാൾ കണ്ടു. അവരുടെ ശ്രുതിമധുരമായ ഗാനാലാപം അയാൾ കേട്ടു. അടുത്തനിമിഷം അയാൾ മുട്ടിന്മേൽ വീണു ദൈവത്തെ സ്തുതിച്ചു – കരുണാർദ്രമായ ആ രാത്രിയുടെ പേരിൽ! ദൈവം ലോകത്തിനു നൽകിയതും മാലാഖമാർ ആരാധിക്കുന്നതുമായ ആ ദിവ്യപൈതലിന്റെ പേരിൽ!

പാപത്തിൽ മുഴുകിയ മനുഷ്യവംശത്തെ രക്ഷിക്കാൻ ദൈവത്തിനു കരുണ തോന്നിയതുകൊണ്ടാണല്ലോ അവിടുന്ന് തന്റെ പുത്രനായ യേശുവിനെ ലോകത്തിലേക്ക് അയച്ചത്. ലോകരക്ഷകനായ അവിടുന്ന് രണ്ടായിരം വർഷം മുൻപ് ബേദ്ലഹേമിലെ കാലിത്തൊഴുത്തിൽ പിറന്നതുമൂലം അവിടുന്ന് പിറന്ന രാത്രി കരുണാർദ്രമായ രാത്രിയായി മാറി. ആ കരുണാർദ്രമായ രാത്രിയുടെ പേരിലായിരുന്നല്ലോ സെൽമയുടെ ഭാവന സൃഷ്ടിച്ച ആട്ടിടയൻ ദൈവത്തെ സ്തുതിക്കുകയും അവിടത്തേക്ക് നന്ദിപറയുകയും ചെയ്തത്. ഈ ആട്ടിടയനെപ്പോലെ ക്രിസ്മസ് രാത്രിയിൽ ദൈവത്തിന്റെ വലിയ കരുണയെ ഓർത്ത് നാമും അവിടത്തെ സ്തുതിക്കുകയും അവിടത്തോടു നന്ദിപറയുകയും ചെയ്യുകയാണ്. ദൈവത്തിന്റെ കരുണകൊണ്ടു മാത്രമാണല്ലോ നമ്മെ രക്ഷിക്കാൻ അവിടുന്ന് തന്റെ പുത്രനെ ലോകത്തിലേക്കയച്ചത്.

ദൈവത്തിന്റെ കരുണാർദ്രമായ സ്നേഹമാണ് നമ്മുടെ രക്ഷയ്ക്കു വഴിതെളിച്ചതെന്ന ഓർമ എപ്പോഴും നമ്മുടെ മനസിലുണ്ടാവണം. അതോടൊപ്പം, അവിടുത്തേതുപോലെയുള്ള കരുണാർദ്രമായ സ്നേഹം നമ്മിലുണ്ടായിരിക്കുമെന്നു നാം ഉറപ്പുവരുത്തുകയും വേണം.
സെൽമ പറഞ്ഞ കഥയിലേക്ക് ഒന്നു മടങ്ങിവരട്ടെ. തീ കത്തിക്കാൻ ഇടയനോട് വിറക് ചോദിച്ച മനുഷ്യനോട് ക്രൂരമായിട്ടാണ് ആദ്യം ഇടയൻ പ്രവർത്തിച്ചത്. എന്നാൽ, അന്നത്തേതു കരുണാർദ്രമായ രാത്രിയാണെന്നു മനസിലാക്കിയപ്പോൾ തന്റെ ആട്ടിൻതോൽ നൽകിക്കൊണ്ട് അയാളും കരുണ കാണിച്ചു. അപ്പോഴാണ് ദിവ്യപൈതലിനെ ആരാധിക്കുന്ന മാലാഖമാരെ അയാൾ കണ്ടത്. അവരുടെ ഗാനാലാപം അയാൾ ശ്രവിച്ചത്. മറ്റു വാക്കുകളിൽ പറഞ്ഞാൽ അപ്പോഴാണ് അയാൾക്കൊരു ദിവ്യാനുഭൂതി ഉണ്ടായത്.

ദൈവപുത്രനായ യേശുവിന്റെ ജനനം അനുസ്മരിക്കുന്നതുകൊണ്ട് ക്രിസ്മസ് ആഡംബരമായി നാം ആഘോഷിക്കണം. എന്നാൽ, കരുണാർദ്രമായ സ്നേഹമില്ലാതെയാണ് നാം ക്രിസ്മസ് ആഘോഷിക്കുന്നതെങ്കിൽ നമ്മിൽ ആധ്യാത്മികമായ ഉണർവോ ദിവ്യപൈതൽ നൽകുന്ന സമാധാനമോ ശാന്തിയോ ഉണ്ടാകില്ലെന്നു തീർച്ചയാണ്. അപ്പോൾ നമ്മുടെ ക്രിസ്മസ് ആഘോഷം നിരർഥകമായി മാറും. എന്നാൽ, കരുണാർദ്രമായ സ്നേഹം പ്രകടമാകുന്ന രീതിയിലാണ് നാം ക്രിസ്മസ് ആഘോഷിക്കുന്നതെങ്കിൽ നമ്മിൽ സമാധാനവും ശാന്തിയും നിറഞ്ഞുനിൽക്കുകതന്നെ ചെയ്യും. കരുണാർദ്രമായ ആ രാത്രിയെ അനുസ്മരിപ്പിക്കുന്ന തരത്തിലാണ് നമ്മുടെ ക്രിസ്മസ് ആഘോഷം എന്നു നമുക്ക് ഉറപ്പുവരുത്താം. എല്ലാവർക്കും ക്രിസ്മസിന്റെ ശാന്തിയും സമാധാനവും നേരുന്നു.

ഫാ. ജോസ് പന്തപ്ലാംതൊട്ടിയിൽ


നന്മവഴിയിലെ നല്ല കാഴ്ചകൾ
അവസരവാദിയും മുക്കുടിയനും സ്ത്രീലമ്പടനും നാസികളുടെ ചാരനും നാസിപാർട്ടിയിലെ അംഗവുമായിരുന്നു ഓസ്കർ ഷിൻഡ്ലർ (1908–1974). എന്നാൽ അദ്ദേഹം മരണമടഞ്ഞപ്പോൾ അദ്ദേഹത്തിനു ലഭിച്ച കീർത്തിമുദ്ര എന്താണെന്നോ? ജനതകളിൽ ന
ഓട്ടത്തിൽ ഓർക്കേണ്ടത്
പഠിക്കാൻ അതിമിടുക്കരായ ബിരുദാനന്തര വിദ്യാർഥികളായിരുന്നു അവർ. ഒരു ദിവസം അവർ ഒരുമിച്ചു തങ്ങളുടെ ഒരു മുൻ കോളജ് പ്രഫസറെ സന്ദർശിക്കുവാനെത്തി. അവരുടെ ഏറ്റവും പ്രിയപ്പെട്ട അധ്യാപകനായിരുന്നു അദ്ദേഹം. മുൻകൂട്
മറ്റുള്ളവരിലെ നന്മ കാണാം, നല്ലവരാകാം
അമേരിക്കൻ ടെലിവിഷൻ സീരിയലുകളുടെ ചരിത്രത്തിൽ ഏറ്റവും മുൻപന്തിയിൽ നിൽക്കുന്ന ഒരു സീരിയലാണ് ’ഓൾ ഇൻ ദ ഫാമിലി.’ 1971 മുതൽ 1979 വരെ ഒൻപതു സീസണിൽ പ്രത്യക്ഷപ്പെട്ട ഈ സീരിയൽ ആദ്യത്തെ അഞ്ചുവർഷം തുടർച്ചയായി ടെലി
പുതിയ വർഷത്തിൽ നോട്ട്ബുക്ക്
ചെറുപ്പത്തിൽ രോഗം മൂലം അന്ധയായി മാറിയ അമേരിക്കൻ എഴുത്തുകാരിയാണ് ആൻ എമിലി പോൾസൺ (1853–1939). മാസച്യുസെറ്റ്സിലെ വാട്ടൺ ടൗണിലുള്ള പെർക്കിൻസ് അന്ധവിദ്യാലയത്തിൽ പഠിച്ച ആൻ പിന്നീട് അധ്യാപികയും എഴുത്തുകാരിയു
ദൈവത്തെ അറിയാം, സ്നേഹിക്കാം
1938–ൽ സാഹിത്യത്തിനുള്ള നൊബേൽ സമ്മാനം നേടിയ അമേരിക്കൻ എഴുത്തുകാരിയാണ് പേൾ എസ് ബക്ക് (1892–1973). ’ക്രിസ്മസ് ദിവസം രാവിലെ’ എന്ന പേരിൽ പേൾ എഴുതിയിട്ടുള്ള ചെറുകഥ ഏറെ പ്രസിദ്ധമാണ്. ആ കഥ ചുരുക്കമായി ഇവിടെ
പാവങ്ങൾക്കു കൊടുത്താൽ സ്വർഗത്തിൽ കിട്ടും
മഹാനായ അക്ബർ ചക്രവർത്തിയുടെ മുഖ്യ ഉപദേശകരിലൊരാളായിരുന്നു ബീർബൽ (1528–1586). അതിബുദ്ധിശാലിയായിരുന്ന അദ്ദേഹത്തിന്റെ ഉപദേശങ്ങളും തന്ത്രങ്ങളും അക്ബർ ചക്രവർത്തിക്ക് എപ്പോഴും വലിയ സഹായമായിരുന്നു. എന്നാൽ, അദ
അസൂയ വിളിക്കുന്നു, നാശത്തിലേക്ക്
കറുത്ത പക്ഷി എന്ന അർഥം വരുന്ന ബ്ലാക്ക് ബേർഡ് എന്ന അപരനാമത്തിൽ അറിയപ്പെട്ടിരുന്ന ഒരു സംഗീതജ്‌ഞനാണ് സിർയാബ്(789–857). ഇറാക്കിലെ ബാഗ്ദാദിൽ ജനിച്ച അദ്ദേഹത്തിന്റെ മുഴുവൻ പേര് അബു അൽ ബസൻ അലി ഇബുൻ നഫി എന
ചോദിക്കാം, കൊടുക്കാം...മാപ്പ്
കൊറിയയെ ആക്രമിച്ചു കീഴടക്കുവാൻ 1592–ൽ ജപ്പാൻ ഒരു ശ്രമം നടത്തുകയുണ്ടായി. രാജഭരണം നിലനിന്നിരുന്ന കൊറിയയ്ക്കെതിരായി ചില സ്‌ഥലങ്ങളിൽ ജപ്പാൻ വിജയം നേടിയെങ്കിലും കൊറിയയെ പൂർണമായി കീഴടക്കുവാൻ അന്നു സാധിച്ച
അബദ്ധങ്ങൾ ക്ഷമിക്കാം വീണ്ടും വീണ്ടും
കാലുകൾകൊണ്ട് എന്നതിനേക്കാൾ തടിമിടുക്കിന്റെ പിൻബലത്തോടെ കൈകൾ ഉപയോഗിച്ച് ഒരു കളിയാണ് അമേരിക്കൻ ഫുട്ബോൾ. കളി ആരംഭിക്കാനും ഫീൽഡ്ഗോൾ നേടാനുമൊക്കെ പന്ത് കാലുകൾകൊണ്ട് കിക്ക് ചെയ്യുമെങ്കിലും കൈകൾക്കും എതിർ ടീ
പ്രശ്നങ്ങളിൽ നമ്മുടെ പങ്ക്
കവി, നോവലിസ്റ്റ്, നാടകകൃത്ത്, കോളമിസ്റ്റ്, പത്രപ്രവർത്തകൻ, റേഡിയോ പ്രഭാഷകൻ, ദൈവശാസ്ത്രജ്‌ഞൻ എന്നിങ്ങനെ വിവിധ രംഗങ്ങളിൽ തിളങ്ങിയ അസാധാരണ പ്രതിഭാശാലിയായിരുന്നു ജി.കെ. ചെസ്റ്റർട്ടൺ (1874–1936). എൺപതിലേറെ
പണവും അധികാരവും ദൈവമല്ല
റഷ്യയിലെ യഹൂദമതവിശ്വാസികളുടെയിടയിൽ ജന്മമെടുത്ത ലുബാവിച്ച് ചസിഡിക് പ്രസ്‌ഥാനത്തിന്റെ ആറാമത്തെ ആധ്യാത്മിക നേതാവായിരുന്നു റബ്ബി യോസഫ് ഇസഹാക്ക് ഷ്നീർസോൺ (1880–1950). 1920–ൽ ഷ്നീർസോണിന്റെ പിതാവായ ഷോളോം മരണ
പരാതികൾക്കും പരിധിയുണ്ട്
വളരെ നാളുകളായി അയൽക്കാരായിരുന്നു റോസിയും ലെസ്ലിയും. നഗരവാസികളായിരുന്നതുകൊണ്ട് അവർ തമ്മിൽ അത്രവലിയ പരിചയമോ പരസ്പരബന്ധമോ ഉണ്ടായിരുന്നില്ല. മധ്യവയസ്കയായ റോസി തനിയെ ആയിരുന്നു താമസിച്ചിരുന്നത്. വിവാഹിതയായ
നേതാക്കൾ സത്യസന്ധരാകണം, നമ്മളും
1909 മുതൽ 1934 വരെ ബൽജിയം ഭരിച്ച രാജാവായിരുന്നു ആൽബർട്ട് ഒന്നാമൻ (1875–1934). ആൽബർട്ടിന്റെ പിതൃസഹോദരനായ ലെയോപോൾഡ് രണ്ടാമൻ രാജാവിന്റെ കാലശേഷമായിരുന്നു ആൽബർട്ട് രാജാവായി സ്‌ഥാനമേറ്റത്. ലെയോപോൾഡ് രണ്ടാമ
നന്ദി പറഞ്ഞു നല്ലവരാകാം
ഫിലോസഫി, ചരിത്രം, ഗ്രാമർ എന്നിങ്ങനെ വിവിധ വിഷയങ്ങളെക്കുറിച്ച് എഴുതിയിട്ടുള്ള റോമൻ ഗ്രന്ഥകാരനാണ് ആവുളൂസ് ഗേല്ലിയൂസ്. രണ്ടാം നൂറ്റാണ്ടിൽ ജീവിച്ചിരുന്ന അദ്ദേഹത്തിന്റെ പ്രസിദ്ധമായ ഗ്രന്ഥമാണ് ’ആറ്റിക്ക നൈറ
ആത്മപ്രശംസ വേണ്ട, അപഹാസ്യരാകും
ചരിത്രം കണ്ടിട്ടുള്ള ഏറ്റവും വലിയ ശാസ്ത്രജ്‌ഞന്മാരുടെ മുൻനിരയിൽ നിൽക്കുന്ന അതുല്യപ്രതിഭയാണ് ആൽബർട്ട് ഐൻസ്റ്റൈൻ (1872–1955). ആപേക്ഷിക സിദ്ധാന്തത്തിന്റെ ഉപജ്‌ഞാതാവായ അദ്ദേഹം 1921–ൽ ഫിസിക്സിനുള്ള നൊബേൽ സ
കൈവിടരുത്, സത്യസന്ധത
ഭാരതത്തിന്റെ യശസ് ആഗോളതലത്തിൽ വാനോളം ഉയർത്തിയ കവിയും സാഹിത്യത്തിനുള്ള നൊബേൽ സമ്മാന ജേതാവുമാണു രവീന്ദ്രനാഥ് ടാഗോർ (1861–1941). അദ്ദേഹത്തിന്റെ പിതാവായ ദിബേന്ദ്രനാഥിനെക്കുറിച്ച് ഒരു സംഭവകഥയുണ്ട്. ആ കഥ ശര
മറ്റുള്ളവരെ അംഗീകരിക്കാം, മഹത്വമുള്ളവരാകാം
ഇന്നും വായിക്കപ്പെടുന്ന പ്രസിദ്ധനായ കവിയും നോവലിസ്റ്റും നാടകകൃത്തുമാണ് സർ വാൾട്ടർ സ്കോട്ട് (1771–1832). സ്കോട്ട്ലൻഡിൽ ജനിച്ച അദ്ദേഹം വക്കീലായും ജഡ്ജിയായും രാഷ്ട്രീയക്കാരനുമായൊക്കെ സേവനമനുഷ്ഠിച്ചിട്ടുണ
ചെയ്യാൻ പറ്റുന്ന കാര്യങ്ങൾ
2000–ൽ നടന്ന സിഡ്നി ഒളിമ്പിക്സിൽ ചരിത്രം കുറിച്ച അത്ലറ്റാണു മാർല റൺയാൻ. ഒളിമ്പിക്സിന്റെ ചരിത്രത്തിലാദ്യമായി കാഴ്ചയുള്ളവരോടൊപ്പം മത്സരഓട്ടത്തിൽ പങ്കെടുത്തുകൊണ്ടാണ് അന്ധയായ മാർല ചരിത്രത്തിന്റെ ഭാഗമായി
ആധ്യാത്മിക വ്യഥകളെ അതിജീവിക്കാം, മദർ തെരേസയെപ്പോലെ
മദർ തെരേസയെക്കുറിച്ച് 2015 ഡിസംബറിൽ പുറത്തിറങ്ങിയ മനോഹരമായ ഒരു ഹോളിവുഡ് ചലച്ചിത്രമാണ് ‘ദ ലെറ്റേഴ്സ്.’ നിരവധി പ്രശസ്ത ചിത്രങ്ങൾ സംവിധാനം ചെയ്തിട്ടുള്ള വില്യം റീഡ് എന്ന അമേരിക്കക്കാരനാണ് ഈ ചിത്രത്തിന്റെ
നന്മയുടെ സൗരഭ്യമുള്ള ചിന്തകൾ
പ്രചോദനാത്മക സാഹിത്യശാഖയ്ക്ക് തുടക്കമിട്ടവരിൽ പ്രമുഖനാണ് ബ്രിട്ടീഷുകാരനായ ജയിംസ് അലൻ (1864–1912). 1903–ൽ അദ്ദേഹം പ്രസിദ്ധീകരിച്ച ’ആസ് എ മാൻ തിങ്കത്ത്’ എന്ന ചെറിയ പുസ്തകം പ്രചോദനാത്മക സാഹിത്യത്തിലെ ഒരു
കൊടുക്കാം, വാങ്ങാം പ്രതീക്ഷ
സ്കോട് ഷോൺഫീൽഡ് എന്ന കൗമാരപ്രായക്കാരൻ ഹൈസ്കൂളിൽ പഠിക്കുന്ന കാലം. അപ്പോഴാണ് ഒരു ആശുപത്രിയിൽ അവിടെയുള്ള ചാപ്ളിന്റെ കൂടെ ഇന്റേൺഷിപ് ചെയ്യാൻ അവസരം ലഭിച്ചത്. ഇന്റേൺഷിപ്പിന്റെ ഭാഗമായി ആശുപത്രിയിലെ രോഗികളെ സ
മറ്റുള്ളവരെ സഹായിച്ചു വലിയവരാകാം
പ്രഭ്വി സോഫി ഷാർലന്റ് (1847–1897) ജനിച്ചതു ജർമനിയിലെ ബവേറിയയിലായിരുന്നു. ബവേറിയയിലെ മാക്സ്മിലൻ പ്രഭുവും ലുഡോവിക്ക പ്രഭ്വിയുമായിരുന്നു സോഫിയുടെ മാതാപിതാക്കൾ. പത്തുമക്കളിൽ ഒമ്പതാമത്തവളായി ജനിച്ച സോഫി ചെ
പൂജിക്കരുത്, പണം ദൈവമല്ല
ഇരുപതാം നൂറ്റാണ്ടിൽ ജിവിച്ചിരുന്ന അമേരിക്കൻ കലാകാരന്മാരിൽ ഏറ്റവും അധികം ആദരിക്കപ്പെട്ടിരുന്നവരിൽ ഒരാളാണ് ജാക് ബെന്നി (1894–1974). ഇല്ലിനോയി സംസ്‌ഥാനത്തെ വാക്കീഗനിൽ ജനിച്ച അദ്ദേഹം പതിനാറാം വയസിൽ ഒരു വയ
മരണമെത്തുന്ന നേരത്ത്...
ഒരു പുസ്തകം മാത്രം എഴുതാനുള്ള ഭാഗ്യമേ ഡോ.പോൾ കലാനിധി എന്ന ന്യൂറോ സർജനുണ്ടായുള്ളൂ. അതാകട്ടെ എഴുതി പൂർത്തിയാക്കാൻ അദ്ദേഹത്തിനു സാധിച്ചിട്ടുമില്ല. കാരണം അപ്പോഴേക്കും ലങ് കാൻസർ അദ്ദേഹത്തെ കാഴ്പ്പെടുത്തിക
വശമാക്കാം ഹൃദയത്തിന്റെ ഭാഷ
ന്യൂയോർക്ക് ടൈംസ് പത്രത്തിന്റെ ബെസ്റ്റ് സെല്ലേഴ്സ് ലിസ്റ്റിൽ നിരവധി ആഴ്ചകൾ പ്രത്യക്ഷപ്പെട്ട ’വെൻ ബാഡ് തിങ്സ് ഹാപ്പൻ ടു ഗുഡ് പീപ്പിൾ’ എന്ന പുസ്തകത്തിന്റെ കർത്താവാണു ഹാരോൾഡ് കുഷ്നർ. അമേരിക്കയിലെ കൊളംബി
നാമെല്ലാം സഹോദരർ
സമാധാനത്തിനുള്ള നോബൽ സമ്മാനത്തിനു നാലുതവണ പരിഗണിക്കപ്പെട്ട ബ്രസീലിയൻ ആർച്ച്ബിഷപ്പാണ് ഹെൽഡർ കാമറ (1909–1999). ലാറ്റിനമേരിക്കയിൽ ഉടലെടുത്ത വിമോചന ദൈവശാസ്ത്രത്തിന്റെ പ്രചോദകനായിട്ടാണ് അദ്ദേഹം അറിയപ്പെടുന
ദൈവവുമായി കൂട്ടുകൂടിയ സിംഗ്
ഏപ്രിൽ 16, 2000. അന്നായിരുന്നു അക്കൊല്ലത്തെ പ്രസിദ്ധമായ ലണ്ടൻ മാരത്തൺ ഓട്ടം നടന്നത്. ആ മാരത്തൺ ഓട്ടത്തിലെ ഒരു സൂപ്പർതാരം 1992–ൽ ഇന്ത്യയിൽനിന്നു ബ്രിട്ടനിലേക്കു കുടിയേറിയ ഫൗജാ സിംഗ് ആയിരുന്നു. അന്ന് അദ
Rashtra Deepika LTD
Copyright @ 2017 , Rashtra Deepika Ltd.