Home   | Editorial   | Leader Page Article   | Local News   | Kerala   | National   | International   | Business   | Sports   | Obituary   | NRI News   | Big Screen   | Health
Back to Home
അച്ഛനുറങ്ങിയ വീട്
ഇലപൊഴിഞ്ഞുതുടങ്ങിയ റബർമരങ്ങൾക്കിടയിലൂടെ വഴി ചെന്നുകയറിയത് അച്ഛൻ പടിയിറങ്ങിയ വീട്ടിലേക്ക്. തലയോലപ്പറന്പിലെ സർക്കാർ ആശുപത്രിക്കടുത്താണ് കാലായിൽ മാത്യുവിൻറെ വീട്. എട്ടുവർഷം മുന്പ് മാത്യു വീട്ടിൽനിന്നിറങ്ങിയതാണ്. ഇക്കഴിഞ്ഞദിവസം വരെ അമ്മയും മൂന്നു പെൺമക്കളും കാത്തിരുന്നു അച്ചായി വരുമെന്ന്. വരുന്പോൾ പറയാൻ നാലുപേർക്കും പരാതികൾ ഏറെയായിരുന്നു. ഇത്രയും കഷ്‌ടപ്പാടുകളിലേക്കും അപമാനത്തിലേക്കും തങ്ങളെ തനിച്ചാക്കിയിട്ട് എവിടെയായിരുന്നുവെന്നു ചോദിക്കാനിരിക്കുകയായിരുന്നു.

ഒന്നും ചോദിക്കേണ്ടിവന്നില്ല. ഇക്കഴിഞ്ഞ ഡിസംബറിൽ സത്യം കുഴിമാടം തുറന്ന് പുറത്തുവന്നു. ഭാര്യയും മക്കളും കാത്തിരിക്കുന്പോഴും ഒന്നും മിണ്ടാനാവാതെ അച്ചായി വിളിപ്പാടകലെ കിടന്നുറങ്ങുകയായിരുന്നു. വിശ്വസിച്ചു കൂടെ നടന്നവൻറെ അടിയേറ്റുവീണ് നിത്യനിദ്ര. രാവിലെ ഇറങ്ങിപ്പോകുന്ന അച്ഛൻ വൈകിട്ടു തിരികെയെത്തുന്നതുകൊണ്ടാണ് വീടുകൾ ഇങ്ങനെയൊക്കെ നിലനില്ക്കുന്നതെന്നു പലർക്കുമറിയില്ല. മാത്യുവിൻറെ മൂത്തമകൾ നൈസിക്ക് അതിപ്പോൾ നന്നായറിയാം.

2008 നവംബർ 25നാണ് മാത്യു ഇവിടെനിന്നു പോയത് പതിവുപോലെ വൈകുന്നേരം തിരികെയെത്താമെന്ന പ്രതീക്ഷയിലായിരുന്നു. വരുമെന്നു വീട്ടിലിരുന്നവരും കരുതി. വന്നില്ല. അച്ചായിയെ കാണാതായപ്പോൾ നൈസിയുടെ കല്യാണം കഴിഞ്ഞിട്ട് മാസങ്ങളേ ആയിരുന്നുള്ളു. അന്നു വൈകിട്ട് അവൾ ഭർതൃവീട്ടിൽനിന്ന് അച്ചായിയെ മൊബൈൽ ഫോണിൽ വിളിച്ചു. കിട്ടിയില്ല. ഏറെ നാൾ കൂടെ നടന്ന അനീഷ് എന്ന യുവാവ് അപ്പോൾ മാത്യുവിനെ വകവരുത്തി തൻറെ കടയ്ക്കുള്ളിൽ മറവു ചെയ്യുകയായിരുന്നു. പിറ്റേന്നു വൈകുന്നേരം വീട്ടിൽനിന്ന് അമ്മ വിളിച്ചു. തലേന്നു വീട്ടിൽനിന്നു പോയ അച്ചായി ഇതുവരെ വന്നില്ലല്ലോ മോളേന്നു പറഞ്ഞു. മാത്യുവിൻറെ വാഗൺ ആർ കാർ പള്ളിക്കവലയ്ക്കടുത്ത് കിടപ്പുണ്ട്. നൈസി ഭർതൃവീട്ടിൽനിന്നു തലയോലപ്പറന്പിലേക്കു പുറപ്പെട്ടു. അതൊരു മിസിംഗ് കേസായി. തലയോലപ്പറന്പ് കാലായിൽ മാത്യുവിനെ കാണാനില്ല. പോലീസ് അന്വേഷണം നടത്തി. ഒരു തുന്പുമില്ല.

യാത്രയ്ക്കിടയിൽ അച്ചായിയെ പലയിടത്തും കണ്ടതായി നാട്ടുകാരിൽ ചിലർ പറഞ്ഞു. വേറേ ഭാര്യയും മക്കളുമായി ജീവിക്കുന്നുണ്ടെന്നു ചിലർ. മറ്റുള്ളവരുടെ പണവുമായി മുങ്ങിയതാണെന്നു മറ്റു ചിലർ. എല്ലാം കണ്ടും കേട്ടും അമ്മയും മൂന്നു പെൺമക്കളും നെഞ്ചുരുകി കാത്തിരുന്നു. പള്ളിക്കവലയ്ക്കടുത്തുള്ള അനീഷിൻറെ സ്റ്റിക്കർ കടയുടെ ഉൾവശം മാത്യുവിൻറെ കല്ലറയായി. അതിനു മുന്നിലൂടെ എത്രയോ തവണ താനും അമ്മയും അനിയത്തിമാരും നടന്നുപോയി.



നവംബറിൻറെ നഷ്‌ടം

ആ നവംബറിൻറെ നഷ്‌ടം തിരിച്ചറിഞ്ഞത് ഇക്കഴിഞ്ഞ ഡിസംബറിലായിരുന്നു. ഡിസംബർ നാലിനാണ് അനീഷിൻറെ അച്ഛൻ നൈസിയെ കാണാൻ വീട്ടിലെത്തിയത്. അപ്പോൾ അവൾ അവിടെ ഇല്ലായിരുന്നു. പിന്നീട് ഫോണിൽ ബന്ധപ്പെട്ടു. മോളേ നിൻറെ അച്ഛൻ മരിച്ചതല്ല. കൊന്നതാണ്. എൻറെ മകനാണ് കൊലയാളി. ഇനിയിതു പറയാതിരിക്കാനാവില്ല. എവിടെയും ഞാനിതു പറയാം.

നൈസിയുടെ പ്രാണൻ പിടയുകയായിരുന്നു. വാക്കുകൾ തൊണ്ടയിൽ അതിൻറെ പ്രയാണം അവസാനിപ്പിച്ചു. വീടിനുമുന്നിലെ തേക്കുമരത്തിൻറെ ചുവട്ടിൽനിന്ന് അച്ചായി കരയുകയാണോ അനീഷിൻറെ അച്ഛനോട് ഒന്നും തിരിച്ചു പറഞ്ഞില്ല. നൈസി വീടിനുള്ളിലേക്കു കയറി. എട്ടുവർഷം നീണ്ട കാത്തിരിപ്പ് അവസാനിച്ചിരിക്കുന്നു. അച്ചായി മരിച്ചു. അന്നു രാത്രിയിലാണ് അവൾക്കു മനസിലായത് തനിക്ക് അപ്പനില്ലെന്ന്. എട്ടു വർഷവും വിശ്വസിച്ചത് അച്ചായി എന്നെങ്കിലും തിരിച്ചുവരുമെന്നാണ്. ഇനിയിപ്പോൾ കാത്തിരിക്കേണ്ടതില്ല.

അനീഷിൻറെ അച്ഛൻ പറഞ്ഞത് ഫോണിൽ റിക്കാർഡ് ചെയ്തിട്ടില്ല. അതുകൊണ്ട് പിറ്റേന്നു വീണ്ടും വിളിച്ച് കാര്യങ്ങൾ ഒന്നുകൂടി ചോദിച്ചു. ഉറപ്പാക്കി. പിന്നെ പോലീസ് സ്റ്റേഷനിലെത്തി കാര്യം പറഞ്ഞു. കെട്ടിടത്തിൻറെ തറ മാന്തി അന്വേഷണം. അസ്‌ഥികളും വാച്ചും കിട്ടി. അസ്‌ഥി ഫോറൻസിക് വിദഗ്ധർ പരിശോധിച്ച് ഉറപ്പാക്കണം. പക്ഷേ, വാച്ചിൻറെ കാര്യം ആരോടും ചോദിക്കേണ്ടതില്ല. തൻറെ കല്യാണത്തിന് അച്ചായി കെട്ടിയിരുന്ന വാച്ച് നൈസിക്കു നല്ല ഓർമയുണ്ട്. നിലച്ചുപോയ ആ വാച്ചിൻറെ ഉടമ എൻറെ അച്ചായിതന്നെയാണ്.

പ്രകാശം പരത്തുന്ന പെൺകുട്ടി

മാത്യുവിനെ കാണാതായ ദിവസവും അയാളുടെ ചരമദിനവും ഒന്നായിരുന്നു. കൊലയാളി മാത്രമറിഞ്ഞ സത്യം. മൃതദേഹത്തോടൊപ്പം അയാളതു കുഴിച്ചുമൂടാൻ ശ്രമിച്ചു. പക്ഷേ, വിഫലമായി. അതേസമയം, കുടുംബനാഥൻറെ തണൽ നഷ്‌ടപ്പെട്ട വീട്ടിൽ കാര്യങ്ങളെല്ലാം കീഴ്മേൽ മറിഞ്ഞു.

മാത്യുവിൻറെ തിരോധാനം ബാക്കിവച്ചത് പണയത്തിലായ വീടും ഒരു കണക്കുബുക്കും മാത്രം. അതിനുമുന്നിലിരുന്ന് മൂത്തമകൾ നൈസി വിഷമിച്ചു. ചിലർക്കതു ലാഭക്കച്ചവടമായി. അവർ വായ്പ വാങ്ങിയ പണം തിരികെ കൊടുത്തില്ല. നാലു പെണ്ണുങ്ങൾ മാത്രമുള്ള വീട്ടിൽനിന്ന് അതു ചോദിക്കാൻ ആരും പോയുമില്ല. പക്ഷേ, ഏതാനും പേർ മനുഷ്യരെപ്പോലെ പെരുമാറി. അതിലൊരാൾ 10 ലക്ഷം രൂപ പലപ്പോഴായി തിരികെ നല്കി. നൈസി അതു കഐസ്എഫ് ഇയിൽ കൊണ്ടുപോയി കൊടുത്തു. അത്രയും ബാധ്യത തീരുമല്ലോ.

അപ്പോഴും അച്ചായി തിരികെ വരുമെന്നു തന്നെ കരുതി. ഇടയ്ക്ക് മംഗലാപുരത്തും കുടകിലുമൊക്കെ അച്ചായിയെ കണ്ടെന്നു ചിലരൊക്കെ പറഞ്ഞു. പോലീസ് കുടകിനു പോയിരുന്നു. ഒരു വിവരവും കിട്ടിയില്ല. പിന്നീട് ഒരു ചാരിറ്റബിൾ സംഘടനയുടെ ഭാഗമായി കുടകിലെത്തിയപ്പോൾ ഞാൻ അവിടെ തെരഞ്ഞത് അച്ചായിയെ മാത്രമാണ്. വഴിയിലും കടകളിലുമെല്ലാം നോക്കിക്കൊണ്ടിരുന്നു പ്രിയപ്പെട്ട മുഖത്തിനായി. എല്ലാം വെറുതെയായി.

അതിവേഗം നൈസി യാഥാർഥ്യങ്ങളെ അംഗീകരിച്ചു. ആളുകൾ പറയുന്നതുപോലെയല്ലല്ലോ പലപ്പോഴും സത്യം. മാത്യു ഇറങ്ങിപ്പോയതോടെ ചോദിക്കാനും പറയാനും ആരുമില്ലാതായ വീട്ടിലേക്കു പട്ടിണി കയറിവന്നു. അമ്മ പലയിടത്തും പണിക്കുപോയി. പാത്രം കഴുകിയും ചാണകം വാരിയും വീട്ടുപണി ചെയ്തും അവർ മക്കളെ പോറ്റാൻ നോക്കി. നൈസിക്കു മനസിലായി തൻറെ വീട് വെറുമൊരു കെട്ടിടമായി മാറുകയാണെന്ന്. മരങ്ങോലിയിലെ ഭർതൃവീട്ടിൽനിന്ന് അവൾ സ്വന്തം വീട്ടിലേക്കു വന്നു. കൂടുതൽ സമയവും അവിടെയായിരുന്നു. കാലക്രമേണ അതു വിവാഹമോചനത്തിൽ കലാശിച്ചു. ഏഴു വയസുള്ള മകളെ കാണാൻ ഇടയ്ക്കു മരങ്ങോലിയിൽ പോകും.

അച്ചായിയുടെ ചേട്ടൻ ജോയി പറ്റുന്നതുപോലെയൊക്കെ സഹായിക്കും. പക്ഷേ, ആരുടെ മുന്നിലും കൈനീട്ടരുതെന്ന് അച്ചായി പറഞ്ഞത് നൈസി വിട്ടുവീഴ്ചയില്ലാതെ നടപ്പാക്കി. ഒരുത്തരോടും സഹായം ചോദിച്ചില്ല. എറണാകുളത്തു സ്വകാര്യ കന്പനിയിൽ ജോലിക്കുപോയിത്തുടങ്ങി. ദിവസം 300 രൂപയാണ് ഇപ്പോൾ ലഭിക്കുന്നത്. ജോലിയുള്ള ദിവസം മാത്രമേ കൂലിയുള്ളു. വീടിനോടു ചേർന്നുള്ള ചെറിയൊരു പുര വാടകയ്ക്കു കൊടുത്തിട്ടുണ്ട്. ആയിരം രൂപ കിട്ടും. ഇതു രണ്ടുമാണ് ഇപ്പോൾ വരുമാന മാർഗം. മാത്യു എടുത്ത ലോണിൻറെ പലിശയെല്ലാം ചേർന്ന് ഇനി കഐസ്എഫ്ഇയിൽ 25 ലക്ഷം രൂപ കൊടുക്കാനുണ്ട്. എങ്ങനെ കൊടുക്കുമെന്ന് ഒരെത്തുംപിടിയും കിട്ടുന്നില്ല. പക്ഷേ, ഒന്നും ഇട്ടിട്ടു പോകാനാവില്ലല്ലോ.

കരയാതെ, കണ്ണീരൊപ്പി

ഇതിനിടെ മറ്റുള്ളവരെ സഹായിക്കാനും കാരുണ്യ പ്രവൃത്തികൾ ചെയ്യാനും നൈസിക്കു സമയവുമുണ്ട്. എറണാകുളത്ത് പരിചയപ്പെട്ട കൂട്ടുകാരിയുടെ ഭർത്താവിന് വൃക്ക നല്കാൻ നൈസിക്കു കൂടുതലൊന്നും ആലോചിക്കാനുണ്ടായിരുന്നില്ല. വീട്ടിൽ മാത്രം പറഞ്ഞു. വൃക്ക ദാനം ചെയ്തിട്ട് ആറു മാസമേ ആയുള്ളു. ഒരാഴ്ച മെഡിക്കൽ ട്രസ്റ്റ് ആശുപത്രിയിൽ കിടന്നു. പിന്നെ ജോലിക്കും പോയി. ഇടയ്ക്ക് ഒന്നുരണ്ടു തവണ ഇൻഫെക്ഷൻ ഉണ്ടായി. മറ്റു കുഴപ്പമൊന്നുമില്ല. എറാണാകുളത്തേക്ക് ബസിലായിരുന്നു പോയിരുന്നത്. ബസിൽ മിക്കവാറും സീറ്റ് കിട്ടില്ല. നിന്നുകൊണ്ട് യാത്ര ചെയ്യുന്പോൾ വേദനയുണ്ടായിരുന്നു. അതറിഞ്ഞു കൂട്ടുകാർ ചേർന്ന് ഒരു സ്കൂട്ടർ വാങ്ങാൻ നിർബന്ധിച്ചു. ആദ്യം കൊടുക്കേണ്ട തുക അവർ തന്നു. ഇനി തവണ അടച്ചാൽ മതി.

വൃക്കദാനത്തെക്കുറിച്ച് അറിഞ്ഞത് കൂടെനില്ക്കാൻ ആളില്ലാത്ത ഒരാളെ പരിചരിക്കാൻ ആശുപത്രിയിൽ നിന്നപ്പോഴാണ്. വൃക്ക തകരാറിലായ നിരവധിപേർ ജീവിതത്തിനും മരണത്തിനുമിടയിൽ ആശുപത്രി കയറിയിറങ്ങുകയാണ്. അന്നു നൈസി തീരുമാനിച്ചു, ഒരാളെയെങ്കിലും താൻ ജീവിതത്തിലേക്കു തിരികെ കൊണ്ടുവരുമെന്ന്. കൂട്ടുകാരി നെടുമങ്ങാട് സ്വദേശി റെജിയുടെ ഭർത്താവ് ജോൺസൺ രോഗിയാണെന്നറിഞ്ഞപ്പോൾ തീരുമാനമെടുത്തു. നൈസിയുടെ ചെറിയ പ്രായവും പ്രാരാബ്ധങ്ങളുമൊക്കെ അറിഞ്ഞ ജോൺസൺ സമ്മതിക്കില്ലായിരുന്നു. ഒടുവിൽ നൈസിയുടെ നിർബന്ധത്തിന് വഴങ്ങിയാണ് അദ്ദേഹം വൃക്ക സ്വീകരിച്ചത്. അതും മറ്റാരുമറിഞ്ഞില്ല. അടുത്തയിടെ ആരോ ഫേസ്ബുക്കിൽ ഈ വിവരം പോസ്റ്റ് ചെയ്തതോടെയാണ് നാട്ടുകാരുപോലും വിവരമറിഞ്ഞത്.

നൈസി ജോലിക്കു പോയിട്ട് ദിവസങ്ങളായി. അച്ചായി കൊല്ലപ്പെട്ടതാണെന്ന് അറിഞ്ഞതുമുതൽ പോലീസും കോടതിയുമൊക്കെയായി പല കാര്യങ്ങളും ചെയ്യാനുണ്ടായിരുന്നു. വേറെ ആരാണ് പോകാനുള്ളത്. അമ്മ എൽസിക്ക് ഇത്തരം കാര്യങ്ങളൊന്നും ചെയ്യാനാവില്ല. അനിയത്തി നൈജി സുഖമില്ലാത്ത കുട്ടിയാണ്. ഇളയവൾ ചിന്നു കുടവെച്ചൂരിൽ കോൺവെൻറിൽനിന്ന് പ്ലസ് ടുവിനു പഠിക്കുന്നു. ഓടിനടക്കുകയാണ് നൈസി.

അച്ചായി കൊല്ലപ്പെട്ടതാണെന്ന് അറിഞ്ഞ നിമിഷം സഹിക്കാനാവാത്തതായിരന്നു. പക്ഷേ, വീട്ടിൽ പറഞ്ഞില്ല. ഫോൺവിളിയൊക്കെ കേട്ട് അവർക്കു സംശയമായി. അച്ചായിയെക്കുറിച്ചാണോ പറയുന്നതെന്ന് അനിയത്തി ചോദിച്ചു. അതേയെന്നു പറഞ്ഞു. അതോടെ അച്ചായി തിരിച്ചുവരുമെന്നായി അവളുടെ ധാരണ. ക്രിസ്മസിന് എത്തുമോ ചേച്ചീയെന്നായിരുന്നു അവളുടെ സംശയം. ചിലപ്പോൾ വരുമെന്നു മറുപടി പറഞ്ഞു. അച്ചായിയെ കാണാതാകുന്പോൾ നൈജി ആറാം ക്ലാസിലായിരുന്നു. വർഷങ്ങൾക്കുശേഷം അച്ചായിയുമൊത്ത് ക്രിസ്മസിനു പാതിരാക്കുർബാനയ്ക്കുപോകുമെന്ന് അവൾ തീരുമാനിച്ചു. പക്ഷേ, ഇത്രയുംനാൾ നമ്മളെ പറ്റിച്ചതല്ലേ, ഇനി എന്തുപറഞ്ഞാലും അച്ചായിയുടെ അലമാര തിരിച്ചുകൊടുക്കില്ലെന്ന് അവൾ പറഞ്ഞു. അച്ചായി ഉപയോഗിച്ചുകൊണ്ടിരുന്ന അലമാരി ഇപ്പോൾ അവളാണ് ഉപയോഗിക്കുന്നത്. ഇനിയൊരിക്കലും മക്കളോട് അലമാര തിരികെ ചോദിക്കാൻ അച്ചായി വരില്ലെന്ന് എങ്ങനെ അവളോടു പറയും. നൈസി മുറി അടച്ചിരുന്നു കരഞ്ഞു. 10 ദിവസത്തോളം ഭക്ഷണം കഴിച്ചില്ലെന്നു പറയുന്നതാവും ശരി. പേരിനുമാത്രം എന്തെങ്കിലും കഴിച്ചാലായി. ഭക്ഷണമെടുത്തുവയ്ക്കുന്പോൾ അച്ചായിയുടെ മുഖമാണു തെളിയുന്നത്. പണ്ടൊക്കെ സ്കൂളിൽനിന്നു മടങ്ങിവരുന്നതുവഴി തലയോലപ്പറന്പിൽവച്ച് അച്ചായിയെ കാണും. പിന്നീടു ഘാതകനായി മാറിയ അനീഷിൻറെ കടയിലായിരുന്നു മിക്കവാറും ഉണ്ടായിരുന്നത്.

ഞങ്ങളെ കൂട്ടിക്കൊണ്ടുപോയി അച്ചായി എന്തെങ്കിലുമൊക്കെ തിന്നാൻ വാങ്ങിത്തരുമായിരുന്നു. മരണത്തെക്കുറിച്ച് അറിഞ്ഞ ദിവസങ്ങളിൽ ചോറിനു മുന്നിലിരിക്കുന്പോൾ അതൊക്കെയോർത്തിട്ട് എനിക്കു കഴിക്കാനാവുമായിരുന്നില്ല. നൈസി മുഖം മറച്ചു കരഞ്ഞു. ഈ ദിവസങ്ങളിലും നൈസി ജോലിക്കുപോയി. അല്ലെങ്കിൽ വീട്ടിലെ കാര്യം നടക്കില്ല. കെട്ടിടത്തിൻറെ അടിത്തറ മാന്തി മൃതദേഹം തെരയുന്നതിന് പോലീസ് വരുന്പോഴാണ് നൈസി അമ്മയോടും അനിയത്തിമോരോടും വിവരം പറഞ്ഞത്. എന്നിട്ട് സംഭവസ്‌ഥലത്ത് പോലീസുകാർക്കൊപ്പം പോയി നിന്നു.

ആരോടും പകയില്ലാതെ

വേദനയുണ്ട്. ചങ്കു പൊട്ടിപ്പോകുന്ന വിഷമം. എൻറെ അച്ചായിയെ തിരികെ തരാൻ ഇനി ആർക്കുമാവില്ല. പക്ഷേ, എനിക്ക് ആരോടും പകയില്ല. കണ്ടില്ലേ, ഈ വീട്. ബാങ്കുകാര് ഇടയ്ക്കൊക്കെ ജപ്തിനോട്ടീസ് ഈ കതകിൽ ഒട്ടിച്ചുവയ്ക്കും. ആരും കാണാതെ ഞാനതു പറിച്ചുകളയും. അല്ലാതിപ്പോൾ എന്തു ചെയ്യും. എങ്കിലും ഞങ്ങൾക്ക് ആരുടെയും ഒന്നും വേണ്ട. എൻറെ അച്ചായിയെ കൊന്നവൻ പണയമായി തന്നിരുന്ന പറന്പും വേണ്ട. അതും ഞങ്ങൾ തിരികെ കൊടുക്കും. നിയമപരമായി എത്രവേഗം സാധിക്കുമോ അത്ര വേഗം. അവൻറെ ഭാര്യയും മക്കളും അനുഭവിക്കേണ്ട സ്വത്താണ് അത്. അവർ തെറ്റു ചെയ്തിട്ടില്ല. അവർ ശിക്ഷിക്കപ്പെടരുത്.

ഇതാണു നൈസി. കൊലപാതകത്തിനും പട്ടിണിക്കും കഷ്‌ടനഷ്‌ടങ്ങൾക്കും മധ്യേ വെറുതെയങ്ങു ജീവിക്കുകയല്ല. കഠിനാധ്വാനം ചെയ്തും ആത്മവിശ്വാസം കൈവിടാതെ മറ്റുള്ളവർക്കു താങ്ങും തണലുമായി മാറിയ ജീവിതം. പ്രകാശം പരത്തുന്ന പെൺകുട്ടി.

ജോസ് ആൻഡ്രൂസ്

ഫോട്ടോ: അനൂപ് ടോം


എ​സ്ഐ ബിജുവിന്‍റെ ചക്കരക്കൽ ഡയറീസ്
ആ​ക്ഷ​ൻ ഹീ​റോ ബി​ജു എ​ന്ന സി​നി​മ റി​ലീ​സാ​കു​ന്ന​ത് 2016 ഫെ​ബ്രു​വ​രി നാ​ലി​നാ​ണ്. പോ​ലീ​സു​കാ​രു​ടെ ജോ​ലി​യെക്കു​റി​ച്ചും പോ​ലീ​സ്‌‌സ്റ്റേ​ഷ​ന്‍റെ പ്ര​വ​ർ​ത്ത​ന​ങ്ങ​ളെക്കു​റി​ച്ചും ജ​ന​ങ്ങ​ൾ ആ​ഴ​ത്ത
ജലമാന്ത്രികൻ
വ​ര​ൾ​ച്ച​യെ വ​രു​തി​യി​ലാ​ക്കി​യ ഒ​രാ​ൾ ന​മ്മു​ടെ അ​യൽ​പ​ക്ക​ത്തു​ണ്ട്. കൊ​ടി​യ വേ​ന​ലി​ലും തെ​ല്ലും പ​ത​റാ​ത്ത ഒ​രു എ​ൻ​ജി​നി​യ​ർ. പേ​ര് അ​യ്യ​പ്പ മ​ഹാ​ദേ​വ​പ്പ മ​സ​ഗി. ജ​ല​മാ​ന്ത്രി​ക​ൻ, ജ​ല​യോ​
അരങ്ങിലെ സൂര്യൻ
ലോകമൊരു വേദി.
നാമൊക്കെ അഭിനേതാക്കൾ
നിശ്ചിത വേഷങ്ങളുമായി വരികയും പോകുകയും ചെയ്യുന്നവർ
ഒരാൾക്കുതന്നെ എത്രയെത്ര വേഷങ്ങൾ!
(വില്യം ഷേക്സ്‌പിയർ
ആസ് യു ലൈക് ഇറ്റ്)


വ​ലി​യ വേ​ദി,
Welcome to മൗ​ലി​ന്നോം​ഗ്
ദൈ​വ​ത്തി​നൊ​രു നാ​ടു​ണ്ട്. പ​ച്ച​പു​ത​ച്ച കേ​ര​ള​മാ​ണ​ത്. പ​ക്ഷേ ദൈ​വ​ത്തി​ന്‍റെ സ്വ​ന്തം പൂ​ന്തോ​ട്ടം എ​വി​ടെ​യാ​ണ്?.

കേ​ര​ള​ത്തി​ൽ നി​ന്നു നാ​ലാ​യി​ര​ത്തോ​ളം കി​ലോ​മീ​റ്റ​ർ അ​ക​ലെ ബം​ഗ്ല
വക്കീലിനെന്താ റബർ തോട്ടത്തിൽ കാര്യം ‍ ?
വ​ക്കീ​ലാ​കാ​ൻ കൊ​തി​ച്ചു, വ​ക്കീ​ലാ​കാ​ൻ പ​ഠി​ച്ചു, വ​ക്കീ​ലാ​കാ​ൻ ഒ​രു​ങ്ങി, എ​ന്നി​ട്ടും വ​ക്കീ​ലാ​കാ​തെ പോ​യ ഒ​രാ​ളു​ടെ ജീ​വി​തം പ​റ​യാം. ക്ലൈ​മാ​ക്സ് ഇ​ല്ലാ​ത്ത ജീ​വി​ത​മാ​യ​തു​കൊ​ണ്ട് ആ​ദ്യ​മ
മഹാരാജാവ് കൊണ്ടുവന്ന സമ്മാനം
ശ്രീ​ചി​ത്തി​ര​തി​രു​നാ​ൾ മ​ഹാ​രാ​ജാ​വ് ല​ണ്ട​ൻ കാ​ണാ​ൻ പോ​യ വേ​ള​യി​ലാ​ണ് ചി​ല്ല​റ പൗ​ണ്ടു മു​ട​ക്കി​യാ​ൽ സാ​ധാ​ര​ണ​ക്കാ​ർ​ക്ക് യാ​ത്ര ചെ​യ്യാ​ൻ പ​റ്റു​ന്ന ല​ണ്ട​ൻ ട്രാ​ൻ​സ്പോ​ർ​ട്ട് ബോ​ർ​ഡി
സ്നേഹത്തിനു വിലയിട്ട ആക്ഷൻ ടി-ഫോർ
1940ൽ ​മ​രി​ക്കു​ന്പോ​ൾ 24 വ​യ​സു​ണ്ടാ​യി​രു​ന്ന അ​ന്ന ലെ​ങ്ക​റി​ങ്ങി​ന്‍റെ ചി​ത്രം ന​ല്കി​യ​ശേ​ഷ​മാ​ണ് ബി​ബി​സി ഇ​ക്ക​ഴി​ഞ്ഞ​ദി​വ​സം ഒ​രു വാ​ർ​ത്ത പ്ര​സി​ദ്ധീ​ക​രി​ച്ച​ത്. "നാ​സി കൂ​ട്ട​ക്കൊ​ല​യു​
സജിയുടെ രണ്ടാമൂഴം
ഇ​ത് സ​ജി തോ​മ​സ്. എ​രു​മേ​ലി മു​ക്കു​ട്ടു​ത​റ മു​ക​ളേ​ൽ തോ​മ​സി​ന്‍റെ​യും മ​റി​യ​ക്കു​ട്ടി​യു​ടെയും ര​ണ്ടു മ​ക്ക​ളി​ൽ ഇ​ള​യ​വ​ൻ. തൊ​ടു​പു​ഴ മ​ണ​ക്കാ​ട് താ​മ​സി​ക്കു​ന്നു.

2013 ഒ​ക്ടോ​ബ​ർ
ടോം അച്ചനുവേണ്ടി ഒരു പ്രാര്‍ഥന
ഫാ. ​ടോം ഉ​ഴു​ന്നാ​ലി​ൽ ഇ​ന്നു യെ​മ​നി​ലെ തീ​വ്ര​വാ​ദി​ക​ളു​ടെ ത​ട​വ​റ​യ്ക്കു​ള്ളി​ലാ​ണ്. ലോ​കം മു​ഴു​വ​ൻ പ്രാ​ർ​ഥി​ക്കു​ന്ന​തും അ​ച്ച​ന്‍റെ മോ​ച​ന​ത്തി​നു​വേണ്ടി​യാ​ണ്. അ​ച്ച​ൻ പീ​ഡി​പ്പി​ക്ക​പ
ഇങ്ങനെ പോയാല്‍ ശരിയാകില്ല
ലോ​ക ആ​രോ​ഗ്യ ഭൂ​പ​ട​ത്തി​ല്‍ സ​വി​ശേ​ഷ​സ്ഥാ​നം അ​ല​ങ്ക​രി​ക്കു​ന്ന ന​മ്മു​ടെ കൊ​ച്ചു​കേ​ര​ളം വി​ക​സി​ത രാ​ജ്യ​ങ്ങ​ളോ​ടു കി​ട​പി​ടി​ക്കാ​വു​ന്ന പ​ല നേ​ട്ട​ങ്ങ​ളും ഇ​തി​ന​കം കൈ​വ​രി​ച്ചു​ക​ഴി​ഞ്ഞു. കേ​
അന്നക്കുട്ടിയെ കണ്ടുപഠിക്ക്
കുണിഞ്ഞിയിലെ കൃഷിയിടങ്ങളിൽ പുതുവത്സരത്തിന്റെ പ്രകാശകിരണങ്ങൾ. അന്നക്കുട്ടിയുടെ സ്വപ്നങ്ങളിൽ ഇനിയും ചെയ്തു തീർക്കാനിരിക്കുന്ന വിദേശയാത്രകൾ ഉൾപ്പെടെയുള്ള നിരവധി ജോലികൾ. അതിരുകളില്ലാത്ത സ്വപ്നവും അതിനൊത്ത
2017; കരുതാം, കാത്തിരിക്കാം
കൊച്ചിയിലെ മെട്രോ റെയിൽ പാളത്തിലൂടെ മെട്രോ ട്രെയിൻ പായും. കണ്ണൂർ വിമാനത്താവളത്തിൽ വിമാനങ്ങൾ ഇറങ്ങുകയും പറന്നുയരുകയും ചെയ്യും. 83 ഉപഗ്രഹങ്ങളുമായി ഇന്ത്യൻ ബഹിരാകാശ ഗവേഷണ സംഘടന (ഇസ്രോ)യുടെ റോക്കറ്റ് കുതി
പൂജ്യമായ ക്രിസ്മസ് സമ്മാനങ്ങൾ
ക്രിസ്മസിന് കോട്ടയം ആർപ്പൂക്കര നവജീവന്റെ ജീവചൈതന്യമായ പി.യു. തോമസിനു വേണ്ടത് അയ്യായിരം കേക്കുകളാണ്. കാശില്ലാത്ത ഈ കാലത്ത് എങ്ങനെ വാങ്ങും അയ്യായിരം കേക്കുകൾ. കോട്ടയം മെഡിക്കൽ കോളജ് ആശുപത്രിയിലും കുട്ട
കുട്ടനാട്ടിലൊരു സ്വർഗനാട്
കോട്ടയം ചങ്ങനാശേരി റോഡിൽ കുറിച്ചിയിൽനിന്നു കൈനടിയിലേക്കു പോകുന്ന ഗ്രാമീണറോഡ്. ഇളംകാറ്റിൽ ചാഞ്ചാടുന്ന പച്ചവിരിച്ച നെൽപ്പാടങ്ങളുടെ നടുവിലൂടെയുള്ള യാത്ര ആരുടെയും മനംകവരും. ഈരയിലെത്തുമ്പോൾ മുന്നിൽ തെളിയു
മീനച്ചിൽ തീരത്തെ കാനാൻ സമൃദ്ധി
പള്ളി അങ്കണം കാനാൻദേശംപോലെ മനോഹരവും കായ്കനികളാൽ സമൃദ്ധവുമായിരിക്കണമെന്ന് അജപാലകരും അജഗണങ്ങളും ചേർന്നെടുത്ത ദൃഢനിശ്ചയത്തിന്റെ ഫലപ്രാപ്തിയാണ് പാലാ രൂപതയിലെ ഇടവകത്തോട്ടങ്ങൾ. അധ്വാനം ആരാധനയും ഫലം അ
ജിലു ആത്മവിശ്വാസത്തിന്റെ കൈക്കരുത്ത്
അതിജീവനം എന്ന പദത്തിനു സ്വന്തം ജീവിതം കൊണ്ടു പര്യായമെഴുതിയൊരു പെൺകുട്ടി നമുക്കിടയിലുണ്ട്. വിധി ഇരുകൈകളും നിഷേധിച്ചപ്പോൾ തളരാതെ, കാലുകളെ കരങ്ങളായി കണ്ടവൾ. നിരാശയുടെ നിശബ്ദതകളിൽ ഒളിക്കാതെ, നിറമുള്ള നാളെ
നന്മമരത്തിന് 25 വയസ്
ഒന്നുമില്ലായ്മയിൽനിന്നും നാമ്പെടുത്ത നന്മയുടെ പൂമരം വളർന്നു പന്തലിച്ച് പതിനായിരങ്ങൾക്ക് ആശ്രയവും അത്താണിയുമായി. അതിന്റെ ചില്ലകളിൽ ചേക്കേറിയതു കോടിക്കണക്കിനു മനുഷ്യർ. പൂമരം പുറപ്പെടുവിച്ച ആത്മീയ സുഗന്ധ
വിജയത്തിന്റെ മസിലുപിടിത്തം
‘വെറുതെ മസിലുപിടിച്ചിട്ടു കാര്യമില്ല. ഇത്തിരി ഭക്ഷണംകൂടി കഴിക്കണം. ചിക്കൻ കറിവച്ചതോ വറുത്തതോ കാൽ കിലോ, മൂന്നു നേരമായിട്ട് 25 മുട്ട, കിലോയ്ക്ക് 190 രൂപ വിലയുള്ള ബ്രൗൺറൈസിലുണ്ടാക്കിയ ചോറ്, ഓട്സ്, വെജിറ്
രാജ്യസ്നേഹത്തിന്റെ ധർമടം കളരി
തലശേരിയിലെ ബ്രണ്ണൻ കോളജിലെ മൈതാനത്തിൽ ഓട്ടവും ചാട്ടവും ഒക്കെയായി ഒരു കൂട്ടം യുവാക്കൾ. മുന്നൂറോളം വരുന്ന യുവാക്കൾ പല വിഭാഗങ്ങളായി തിരിഞ്ഞ് കായിക പരിശീലനത്തിൽ ഏർപ്പെട്ടിരിക്കുന്നു. അവർക്ക് വേണ്ട നിർദേശം
വീണ്ടും അബ്ബ
‘ഒരിക്കൽ നിന്റെയും എന്റേതുമായിരുന്ന
വസന്തവും ഗ്രീഷ്മവും
എവിടേക്കു പോയെന്ന് എനിക്കറിയില്ല.
പക്ഷേ നിന്നോടുള്ള എന്റെ പ്രണയം
എന്നുമുണ്ടാകും.
നാം വീണ്ടും ഒന്നിക്കുംവരെ വിട.
എവിടെവച്ചെന്
പഴമയുടെ വില
വാമൊഴിയും വരമൊഴിയുമാണു ചരിത്രം. പഴമയുടെ ശേഷിപ്പുകൾ അതിന്റെ പൂർണതയും. അവയുടെ അടയാളപ്പെടുത്തലുകളാണു രേഖകൾ. സത്യമെന്നതിന്റെ തെളിവുകൾ. പാരമ്പര്യത്തിന്റെ നേർസാക്ഷ്യങ്ങൾ. ചെപ്പേടും താളിയോലയും കല്ലെഴുത്തും അ
ദ ഗ്രേറ്റ് ഇന്ത്യൻ കാമറ
ഭോപ്പാൽ വിഷവാതക ദുരന്തത്തിൽ മരിച്ച പെൺകുട്ടിയുടെ തുറന്ന കണ്ണുകൾ കണ്ട് ലോകം കണ്ണുകൾ ഇറുക്കിയടച്ചു. തേങ്ങലടക്കാൻ പാടുപെട്ടു. ലോകത്തിന്റെ ഹൃദയം തുറപ്പിച്ച ആ ചിത്രമെടുത്ത ലോകപ്രശസ്ത ഫോട്ടോഗ്രാഫർ രഘു റായി
ഫ്രാൻസിസ് മാർപാപ്പ ചുംബിച്ച രക്‌തസാക്ഷി
2014 സെപ്റ്റംബർ 21*അൽബേനിയയുടെ തലസ്‌ഥാനമായ ടിരാനയിലെ സെന്റ് പോൾസ് കത്തീഡ്രലിൽ ചെറിയൊരു യോഗം നടക്കുകയാണ്. ഒരു കസേരയിൽ ഫ്രാൻസിസ് മാർപാപ്പ. ചുറ്റിനുമായി കുറെ വൈദികരും കന്യാസ്ത്രീകളും സെമിനാരി വിദ്യാർഥിക
ആദിവാസി വിദ്യാർഥികളെ ചുംബിച്ചുണർത്തിയ ‘കിസ് ’
ഉദയസൂര്യന്റെ പൊൻപ്രഭയിൽ പുലർച്ചെ അഞ്ചരയോടെതന്നെ അതിമനോഹരമാണു പുരി ബീച്ച്. കലയും സംസ്കാരവും ശാസ്ത്രവും ആലിംഗനം ചെയ്തു നിൽക്കുന്ന ചരിത്രവിസ്മയമാണ് കൊണാർക് സൂര്യക്ഷേത്രം. തിരമാലകൾക്കു മണൽക്കോട്ടകെട്ടി ശാ
ദാനധർമത്തിന്റെ പത്മശ്രീ
ജീവിതം സാന്ത്വനത്തിനും സേവനത്തിനും എന്നതാണ് മേളാംപറമ്പിൽ പത്മശ്രീ കുര്യൻ ജോൺ എന്ന ബിസിനസ് പ്രമുഖന്റെ ദർശനം. ഇദ്ദേഹത്തിന്റെ മേളം എന്ന വൻബ്രാൻഡ് ബിസിനസ് ലാഭത്തിന്റെ ഏറിയ പങ്കും വേദനിക്കുന്നവർക്കു
വ്യായാമം ഇന്നു തുടങ്ങാം
മരണത്തിലേക്കു നയിക്കുന്ന പത്ത് പ്രധാന അപകട ഘടകങ്ങളുടെ മുൻപന്തിയിൽ വ്യായാമരാഹിത്യം സ്‌ഥാനം പിടിച്ചിരിക്കുന്നു. പൊതുവായി പറഞ്ഞാൽ ഭൂമുഖത്തുള്ള 25 ശതമാനം പേർക്കും ആവശ്യത്തിന് വ്യായാമം ലഭിക്കുന്നില്ല. 11നു
ചരിത്രം മാറിയ വഴി
അവളുടെ മേൽ അന്ധത വല്ലാത്തൊരു പുതപ്പ് പുതപ്പിച്ചിരുന്നു. ഓർമവച്ചനാൾ മുതൽ കണ്ണുകളിൽ ഇരുട്ടായിരുന്നു. മുന്നോട്ടുള്ള വഴി അന്യമായിരുന്നു. എന്നിട്ടും യാത്ര ഉപേക്ഷിച്ചില്ല. ജീവിതത്തിലെ ഓരോ കടമ്പ കടക്കുമ്പോ
ഓണസദ്യ പഴയിടം സ്റ്റൈൽ
ഓണം മലയാളികൾക്ക് ഒരുമയുടെ ഉത്സവമാണ്. കർക്കടകപ്പെയ്ത്തു കഴിഞ്ഞ് പ്രകൃതിതന്നെ കേരളത്തെ ഓണത്തിനായി ഒരുക്കുന്നു. ഓണവെയിലും ഓണപ്പൂക്കളും ഓണത്തുമ്പിയും ഓണത്തിലേക്ക് നമ്മെ വരവേൽക്കുകയാണ്. തിരുവാതിരയും തു
ദൈവം വിളിച്ചു, ആഗ്നസ് ഇറങ്ങുകയാണ്
ജീവിക്കാൻ ഏതെങ്കിലും വരുമാനമാർഗം ഉണ്ടാക്കിയേ തീരു എന്നുവന്നപ്പോൾ ഡ്രാന അസുഖകരമായ ഉറക്കത്തിൽനിന്നുണർന്നു. അവർ ഒരു ചെറിയ വസ്ത്രവ്യാപാരശാല തുടങ്ങി. അതോടെ ലാസറും ഉന്മേഷവാനായി. മെച്ചപ്പെട്ട വരുമാനം ബിസിനസി
സ്കോപ്യേയിലെ പെൺകുട്ടി
സ്വർഗം ഒരുങ്ങുകയാണ്. മദർ തെരേസ വിശുദ്ധ പദവിയിലേക്ക്.
ആകാശത്തിന്റെ നീലക്കരകൾ വെള്ളിമേഘങ്ങൾക്കൊപ്പം
വിശുദ്ധിയുടെ ചേല തുന്നാൻ ഇനി ഒരാഴ്ച. ചരിത്രം ഇന്ത്യയുടെ
മണ്ണിനെ ചുംബിക്കുന്നു. മദർ തെരേസയുട
Rashtra Deepika LTD
Copyright @ 2017 , Rashtra Deepika Ltd.