മാങ്കുളത്തിന്‍റെ ജലമർമരം
മ​ല​ക​ളും മ​ഞ്ഞും വെ​ള്ള​ച്ചാ​ട്ട​വും തെ​യി​ല​ത്തോ​ട്ട​ങ്ങ​ളും ന​മ്മ​ൾ ഇ​ഷ്ടം പോ​ലെ ക​ണ്ടി​ട്ടു​ണ്ടാ​വാം. എ​ന്നാ​ൽ, ഇ​തെ​ല്ലാം ഒ​രി​ട​ത്ത് ഒ​ത്തു​ചേ​ർ​ന്ന ഒ​രു കൊ​ച്ചു ഗ്രാ​മ​മു​ണ്ട് അ​ങ്ങ് മ​ല​നാ​ട്ടി​ൽ. ഇ​ടു​ക്കി​യു​ടെ മ​ടി​ത്ത​ട്ടി​ലെ മാ​ങ്കു​ള​മാ​ണ് ഈ ​ജ​ല​വി​സ്മ​യ​ങ്ങ​ളും ഹ​രി​ത​മ​നോ​ഹ​ര കാ​ഴ്ച​ക​ളും സ​ഞ്ചാ​രി​ക​ൾ​ക്കാ​യി ഒ​രു​ക്കു​ന്ന​ത്. ഇ​വി​ട​ത്തെ കാ​ഴ്ച​ക​ൾ ഒ​രി​ക്ക​ൽ ക​ണ്ട് ആ​സ്വ​ദി​ച്ച​വ​ർ പി​ന്നീ​ട് ഒ​രി​ക്ക​ലും മ​റ​ക്കി​ല്ലാ വെ​ള്ള​ച്ചാ​ട്ട​ങ്ങ​ളു​ടെ മാ​സ്മ​രി​ക ലോ​ക​മാ​യ മാ​ങ്കു​ള​ത്തെ. മൂ​ന്നാ​ർ - മാ​ങ്കു​ളം റോ​ഡി​ലെ തേ​യി​ല​ക്കു​ന്നു​ക​ളി​ൽ തേ​യി​ല കൊ​ളു​ന്തി​നോ​ട് കി​ന്നാ​രം ചൊ​ല്ലാ​ൻ പ്ര​ഭാ​ത​ത്തി​ലും സ​ന്ധ്യ​ക്കും സ​വാ​രി​ക്കി​റ​ങ്ങു​ന്ന മ​ഞ്ഞി​ന്‍റെ ന​നു​ത്ത ത​ലോ​ട​ൽ യാ​ത്രി​ക​ർ​ക്ക് ന​വ്യാ​നു​ഭ​വം പ​ക​രു​ന്ന അ​നു​ഭ​വ​മാ​ണ്.

ചെ​റു​തും വ​ലു​തു​മാ​യ 12 ഓ​ളം വെ​ള്ള​ച്ചാ​ട്ട​ങ്ങ​ൾ മാ​ങ്കു​ള​ത്തെ മ​ല​മു​ക​ളി​ൽ നി​ന്നും ഉ​ത്ഭ​വി​ക്കു​ന്നു. ഇ​തി​ൽ ഇ​തു​വ​രെ പേ​രി​ട്ടി​ട്ടില്ലാ​ത്ത​തും മ​നു​ഷ്യ​ൻ ക​ട​ന്നു ചെ​ല്ലാ​ത്ത​തു​മാ​യ വെ​ള്ള​ച്ചാ​ട്ട​ങ്ങ​ൾ ഒ​ളി​ഞ്ഞി​രി​ക്കു​ന്നു​ണ്ടെ​ന്ന​താ​ണ് വി​സ്മ​യം ജ​നി​പ്പി​ക്കു​ന്ന വ​സ്തു​ത. സ​ഞ്ചാ​രി​ക​ൾ​ക്ക് എ​ളു​പ്പ​ത്തി​ൽ ക​ണ്ടു മ​ട​ങ്ങാ​വു​ന്ന വെ​ള്ള​ച്ചാ​ട്ട​ങ്ങ​ളും ഇ​ത്തി​രി സാ​ഹ​സി​ക​ത ഇ​ഷ്ട​പ്പെ​ടു​ന്ന​വ​ർ​ക്കാ​യി വ​ന​ത്തി​നു​ള്ളി​ലൂ​ടെ​യും പാ​റ​ക്കെ​ട്ടു​ക​ൾ​ക്കു മു​ക​ളി​ലൂ​ടെ​യും സ​ഞ്ച​രി​ച്ചും കാ​ണാ​നാ​വു​ന്ന ജ​ല​വി​സ്മ​യ​ങ്ങ​ളും ഇ​വി​ടെ​യു​ണ്ട്.

ഇ​തി​ൽ ഒ​ന്നാ​ണ് ത​ട്ടു​കു​ത്തെ​ന്ന വെ​ള്ള​ച്ചാ​ട്ടം. വ​ർ​ഷ​ങ്ങ​ളാ​യു​ള്ള വെ​ള്ള​ച്ചാ​ട്ട​മാ​ണെ​ങ്കി​ലും സ്വ​ന്ത​മാ​യി പേ​രോ മേ​ൽ​വി​ലാ​സ​മോ ഇ​ല്ലാ​തി​രു​ന്ന ഈ ​മ​നോ​ഹ​ര കാ​ഴ്ച​യെ നാ​ട്ടു​കാ​ർ ത​ട്ടു​കു​ത്തെ​ന്ന ഓ​മ​ന​പ്പേ​രി​ട്ടു വി​ളി​ച്ചു. പേ​രു​പോ​ലെ ത​ന്നെ എട്ടോ​ളം ത​ട്ടു​ക​ളാ​യാ​ണ് വെ​ള്ള​ച്ചാ​ട്ടം. മാ​ങ്കു​ളം സി​റ്റി​യി​ൽനി​ന്ന് അ​ഞ്ചു കി​ലോ​മീ​റ്റ​ർ മാ​റി​യാ​ണ് വെ​ള്ള​ച്ചാ​ട്ടം. ഇ​വി​ടേ​ക്ക് ഗ​താ​ഗ​ത മാ​ർ​ഗ​ങ്ങ​ൾ ഇ​ല്ലാ​ത്ത​തി​നാ​ൽ സാ​ഹ​സി​ക​ത ഇ​ഷ്ട​പ്പെ​ടു​ന്ന​വ​ർ​ക്ക് വെ​ള്ള​ച്ചാ​ട്ടം ഏ​റെ ഇ​ഷ്ട​പ്പെ​ടു​മെ​ന്ന​ത് തീ​ർ​ച്ച​യാ​ണ്. വെ​ള്ള​ച്ചാ​ട്ട​ത്തി​നു സ​മീ​പ​ത്ത‌് എ​ത്ത​ണ​മെ​ങ്കി​ൽ നാ​ലു​കി​ലോ​മീ​റ്റ​റോ​ളം ഉ​രു​ള​ൻ​ക​ല്ലു​ക​ളും കു​റ്റി​ച്ചെ​ടി​ക​ളും മ​ര​ങ്ങ​ളും പാ​റ​ക്കൂ​ട്ട​ങ്ങ​ളും നി​റ​ഞ്ഞ വ​ഴി​യി​ലൂ​ടെ സ​ഞ്ച​രി​ക്ക​ണം. ഇ​നി​യും ഉ​ണ്ട് സാ​ഹ​സി​ക​ത. വെ​ള്ള​ച്ചാ​ട്ട​ത്തി​നു താ​ഴെ​നി​ന്നാ​ൽ ര​ണ്ടു ത​ട്ടു​ക​ളി​ല​ധി​കം കാ​ണാ​ൻ സാ​ധി​ക്കി​ല്ല. മു​ക​ളി​ലേ​ക്കു​ള്ള വെ​ള്ള​ച്ചാ​ട്ടം കാ​ണ​ണ​മെ​ങ്കി​ൽ പാ​റ​യി​ൽ പി​ടി​ച്ച് ഹി​മാ​ല​യം കീ​ഴ​ട​ക്കു​ക​യാ​ണെ​ന്ന വി​ചാ​ര​ത്തോ​ടെ പാ​റ​ക്കെ​ട്ടു​ക​ളെ കീ​ഴ​ട​ക്ക​ണം. ഇ​തു കൂ​ടാ​തെ വെ​ള്ള​ച്ചാ​ട്ട​ത്തി​നു സ​മാ​ന്ത​ര​മാ​യി മറ്റൊ​രു വ​ഴി ഉ​ണ്ട്. എ​ന്നാ​ൽ പു​ല്ലും കാ​ടും വ​ക​ഞ്ഞു​മാ​റ്റി വ​ഴി ന​മ്മ​ൾ ത​ന്നെ ക​ണ്ടെ​ത്തി വേ​ണം മ​ല​ക​യ​റാ​ൻ. വെ​ള്ള​ച്ചാ​ട്ട​ത്തി​ലൂ​ടെ പാ​റ​യി​ൽ​പ്പി​ടി​ച്ച് ക​യ​റി​യാ​ലും സ​മാ​ന്ത​ര​മാ​യി പോ​യാ​ലും അ​വ​സാ​ന​ത്തെ ത​ട്ടു​വ​രെ എ​ത്തി​പ്പെ​ടാ​ൻ ആ​വി​ല്ല. മു​ക​ളി​ലേ​ക്ക് എ​ത്തും തോ​റും വെ​ള്ള​ച്ചാ​ട്ട​ത്തി​ന്‍റെ തീ​വ്ര​ത വ​ർ​ധി​ച്ചു കൊ​ണ്ടി​രി​ക്കും. അ​ഞ്ചു ത​ട്ടു​വ​രെ ഇ​ത്തി​രി ധൈ​ര്യ​മു​ള്ള​വ​ർ​ക്ക് എ​ത്തി​ച്ചേ​രാം. ഓ​രോ ത​ട്ടി​ലെ​ത്തു​ന്പോ​ഴും വെ​ള്ള​ത്തി​ന്‍റെ കു​സൃ​തി ഓ​രോ ത​ര​ത്തി​ൽ ന​മു​ക്ക് അ​നു​ഭ​വി​ക്കാ​നാ​വും. ചി​ല​യി​ട​ത്ത് ശ​രീ​ര​ത്തേ​ക്ക് അ​സ്ത്രം പോ​ലെ പ​തി​ക്കു​ന്ന വെ​ള്ളം മ​റ്റു​ചി​ല​യി​ട​ത്ത് ന​മ്മെ ഇ​ക്കി​ളി കൂ​ട്ടു​ന്ന​താ​യി അ​നു​ഭ​വ​പ്പെ​ടും. ഒ​രു ദി​വ​സം മു​ഴു​വ​ൻ ആ​ഘോ​ഷി​ക്കാ​നും ആ​സ്വ​ദി​ക്കാ​നു​മു​ള്ള കൗ​തു​ക​കാ​ഴ്ച​ക​ൾ പ്ര​കൃ​തി ഇ​വി​ടെ ഒ​രു​ക്കി​യി​ട്ടു​ണ്ട്. ഒ​രു തു​ള്ളി വെ​ള്ളം പോ​ലും ശ​രീ​ര​ത്തു സ്പ​ർ​ശി​ക്കാ​തെ ഒ​ളി​ച്ചി​രി​ക്കാ​ൻ പാ​ക​ത്തി​നു​ള്ള മ​റ​വും വെ​ള്ള​ച്ചാ​ട്ട​ത്തി​നു പി​ന്നി​ലു​ണ്ട്. വെ​ള്ള​ച്ചാ​ട്ട​ത്തി​ന്‍റെ മ​റ​വി​ൽ ഒ​ളി​ച്ചി​രു​ന്ന് ക​ണ്‍​മു​ന്നി​ലൂ​ടെ ക​ണ്ണാ​ടി​ച്ചി​ല്ലു​പോ​ലെ ഒ​ഴു​കു​ന്ന വെ​ള്ള​ത്തെ ത​ട്ടി​ത്തെ​റി​പ്പി​ക്കു​ന്പോ​ൾ പ്ര​കൃ​തി​യെ സ്നേ​ഹി​ക്കു​ന്ന ഏ​തൊ​രു സ​ഞ്ചാ​രി​ക്കും അ​ത് മ​റ​ക്കാ​നാ​വാ​ത്ത അ​നു​ഭ​വ​മാ​യി​രി​ക്കും. ത​ട്ടു​കു​ത്തി​ലെ സാ​ഹ​സി​ക യാ​ത്ര ഇ​ത്തി​രി അ​പ​ക​ടം നി​റ​ഞ്ഞ​താ​ണെ​ങ്കി​ലും ശ്ര​ദ്ധാ​പൂ​ർ​വം ക​യ​റി​യാ​ൽ അ​പ​ക​ടം ഒ​ഴി​വാ​ക്കാം. മു​ക​ളി​ൽ നി​ന്ന് ത​ട്ടു​ക​ളാ​യി താ​ഴെ​ക്കു പ​തി​ക്കു​ന്ന ജ​ല​വി​സ്മ​യ​ത്തെ ക​ണ്‍​കു​ളി​ർ​ക്കെ കാ​ണു​ന്പോ​ൾ മീ​ശ​പ്പു​ലി​മ​ല​യി​ൽ മ​ഞ്ഞു വീ​ഴു​ന്ന​തി​നെ​ക്കാ​ൾ മ​നോ​ഹ​ര​മാ​യി ആ ​കാ​ഴ്ച​യെ ആ​സ്വ​ദി​ക്കാം. മ​ന​സി​ൽ കു​റി​ച്ചു വ​യ്ക്കാം.

ഒ​രു മി​നി അ​തി​ര​പ്പിള്ളി എ​ന്നു വി​ശേ​ഷി​പ്പി​ക്കാ​വു​ന്ന ജ​ല​പ്ര​വാ​ഹ​മാ​ണ് ന​ക്ഷ​ത്ര​ക്കു​ത്ത്. ന​ക്ഷ​ത്ര​ക്കു​ത്തി​ന് മാ​ങ്കു​ളം​കാ​രു​ടെ ഇ​ട​യി​ൽ ഒ​രു ച​രി​ത്ര പ്രാ​ധാ​ന്യം കൂ​ടി​യു​ണ്ട്. പ​ഞ്ചാ​യ​ത്തി​ൽ വൈ​ദ്യു​തി എ​ത്തു​ന്ന​തി​നു മു​ന്പ് ഈ ​വെ​ള്ള​ച്ചാ​ട്ടം ഉ​പ​യോ​ഗി​ച്ചാ​ണ് പ്ര​ദേ​ശ​വാ​സി​ക​ൾ വൈ​ദ്യു​തി ഉ​ൽ​പാ​ദി​പ്പി​ച്ചി​രു​ന്ന​ത്. വെ​ളി​ച്ച​ത്തി​നാ​യി അ​ധി​കാ​രി​ക​ളു​ടെ വാ​തി​ൽ പ​ല ത​വ​ണ മു​ട്ടി​യി​ട്ടും പ്ര​തി​ക​ര​ണ​മി​ല്ലാ​തി​രു​ന്ന​തി​നെ തു​ട​ർ​ന്നാ​യി​രു​ന്നു നാ​ട്ടു​കാ​ർ വൈ​ദ്യു​തി ഉ​ണ്ടാ​ക്കു​ക എ​ന്ന ല​ക്ഷ്യ​വു​മാ​യി മു​ന്നോ​ട്ടു​വ​ന്ന​ത്. മാ​ങ്കു​ളം പ​ഞ്ചാ​യ​ത്തി​ന്‍റെ മേ​ൽ​നോ​ട്ട​ത്തി​ൽ ന​ട​പ്പാ​ക്കി​യ പ​ദ്ധ​തി​യി​ലൂ​ടെ നാ​ട്ടു​കാ​ർ വൈ​ദ്യു​തി ഉ​ൽ​പാ​ദി​പ്പി​ക്കാ​ൻ ആ​രം​ഭി​ച്ചു. ഒ​ടു​വി​ൽ ഉ​ദ്യോ​ഗ​സ്ഥ​ർ മു​ട്ടു​മ​ട​ക്കി. കെഎസ്ഇ​ബി​യു​ടെ വൈ​ദ്യു​തി ലൈ​നു​ക​ൾ എ​ത്തി​യി​ട്ടും മാ​ങ്കു​ള​ത്തു​കാ​ർ വൈ​ദ്യു​തി ഉ​ൽ​പാ​ദ​നം നി​ർ​ത്തി​യി​ല്ല. ഇ​പ്പോ​ൾ ഇ​വി​ടെ​നി​ന്നും ഉ​ൽ​പാ​ദി​പ്പി​ക്കു​ന്ന വൈ​ദ്യു​തി കെഎ​സ്ഇ​ബി​ക്ക് വി​ൽ​ക്കു​ക​യാ​ണ് ചെ​യ്യു​ന്ന​ത്. റോ​ഡി​ൽ നി​ന്നും ഒ​രു കി​ലോ​മീ​റ്റ​റോ​ളം ഉ​ള്ളി​ലാ​ണ് ന​ക്ഷ​ത്ര​ക്കു​ത്ത്. വെ​ള്ള​ച്ചാ​ട്ട​ത്തി​ന്‍റെ അ​ടു​ത്തെ​ത്താ​ൻ ഒ​രു പു​ഴ​ക​ട​ക്ക​ണം. അ​തി​നാ​ൽ വേ​ന​ൽ​ക്കാ​ല​ത്ത് എ​ത്തി​യാ​ൽ മാ​ത്ര​മെ ഈ ​പ്ര​കൃ​തി​യു​ടെ വി​സ്മ​യ​ത്തെ അ​ടു​ത്തു കാ​ണാ​ൻ സാ​ധി​ക്കൂ.


ഇ​നി മ​റ്റൊ​രു കാ​ഴ്ച പൂ​വ​ൻ​കോ​ഴി​യു​ടെ വാ​ലു​പോ​ലെ താ​ഴെ​ക്കു പ​തി​ക്കു​ന്ന വെ​ള്ള​ച്ചാ​ട്ട​മാ​യ കോ​ഴി​വാ​ല​ൻ​കു​ത്താ​ണ്. മാ​ങ്കു​ള​ത്തുനി​ന്ന് ഒ​രു കി​ലോ​മീ​റ്റ​ർ ദൂ​ര​ത്തു​ള്ള ഈ ​വെ​ള്ള​ച്ചാ​ട്ട​ത്തി​ൽ നി​ന്നും മു​ൻ​കാ​ല​ത്ത് വൈ​ദ്യു​തി ഉ​ൽ​പാ​ദി​പ്പി​ച്ചി​രു​ന്നു. നി​റ​ഞ്ഞൊ​ഴു​കു​ന്ന കോ​ഴി​വാ​ല​ൻ കു​ത്തി​ന്‍റെ അ​ഴ​ക് സ​ഞ്ചാ​രി​ക​ൾ​ക്ക് മ​റ​ക്കാ​നാ​വാ​ത്ത കാ​ഴ്ച​യാ​ണ്. 40 അ​ടി​യോ​ളം ഉ​യ​ര​ത്തി​ൽ നി​ന്നും താ​ഴെ​ക്കു പ​തി​ക്കു​ന്ന പെ​രു​മം​കു​ത്തും നാ​ട്ടു​കാ​ർ​ക്ക് വെ​ളി​ച്ചം പ​ക​രു​ന്ന​തി​ൽ മു​ന്നി​ൽ നി​ന്നി​രു​ന്നു. ആ​ഴ​ത്തി​ലേ​ക്ക് പ​തി​ക്കു​ം മു​ന്പ് പെ​രു​മം​കു​ത്തി​ലെ വെ​ള്ള​ത്തി​ൽ നീ​രാ​ടാം. വെ​ള്ള​ച്ചാ​ട്ട​ത്തി​നു മു​ക​ളി​ലാ​യി​ട്ടാ​ണ് ഈ ​സ്ഥ​ലം. വെ​ള്ള​ത്തി​ന്‍റെ ശ​ക്തി കു​റ​വു​ള്ള വേ​ന​ൽ​ക്കാ​ല​ത്ത് ഇ​വി​ടെ ഇ​റ​ങ്ങാ​ൻ സാ​ധി​ക്കും.

മാ​ങ്കു​ളം- മൂ​ന്നാ​ർ റോ​ഡി​ൽ വി​രി​പാ​റ വെ​ള്ള​ച്ചാ​ട്ടം പാ​റ​ക്കൂ​ട്ട​ങ്ങ​ളി​ലൂ​ടെ പ​ര​ന്നൊ​ഴു​കു​ന്ന വെ​ള്ള​ത്തി​ന്‍റെ മ​നോ​ഹ​ര ദൃ​ശ്യം ആ​സ്വ​ദി​ക്കാ​നും ഇ​തി​നു ചു​വ​ട്ടി​ൽ വെ​ള്ള​ത്തെ ത​ഴു​കി ഇ​രി​ക്കാ​നും സ​ഞ്ചാ​രി​ക​ൾ ഏ​റെ​യെ​ത്തു​ന്നു​ണ്ട്. അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തി​യ​തോ​ടെ സ​ഞ്ചാ​രി​ക​ളി​ൽനി​ന്ന് 20 രൂ​പ ഈ​ടാ​ക്കി​യാ​ണ് പ്ര​വേ​ശ​നം. വ​സ​ന്ത​കാ​ല​ത്തെ​ത്തി​യാ​ൽ വി​രി​പാ​റ​യു​ടെ സ​മീ​പ​ത്തു​ള്ള കാ​ട്ടു​പൂ​ക്ക​ളു​ടെ വ​ർ​ണ​ശോ​ഭ​യും ആ​സ്വ​ദി​ക്കാം. വി​രി​പാ​റ​യി​ലേ​ക്കു പോ​കും വ​ഴി​യു​ള്ള തേ​യി​ല​ത്തോ​ട്ട​ങ്ങ​ളും മ​ഞ്ഞി​ന്‍റെ വെ​ണ്‍​മ​യും സ​ഞ്ചാ​രി​ക​ൾ​ക്ക് വി​സ്മ​യം പ​ക​രു​ന്ന കാ​ഴ്ച​യാ​ണ്. മ​ല​നി​ര​ക​ളും പ​ച്ച​പ്പും ത​ണു​ത്ത​കാ​റ്റും ഇ​വ​യ്ക്കു പു​റ​മെ മാ​ങ്കു​ളം സ​മ്മാ​നി​ക്കു​ന്ന ജ​ല വി​സ്മ​യ​ങ്ങ​ളും പ്ര​കൃ​തിയെ സ്നേ​ഹി​ക്കു​ന്ന​വ​ർ​ക്ക് മ​റ​ക്കാ​നാ​വി​ല്ല. ഈ ​കാ​ഴ്ച​ക​ൾ വീ​ണ്ടും വീ​ണ്ടും ആ​ക​ർ​ഷി​ച്ചുകൊ​ണ്ടേ​യി​രി​ക്കും. വെ​ള്ള​ച്ചാ​ട്ട​ങ്ങ​ളു​ടെ സൗ​ന്ദ​ര്യം അ​ടു​ത്ത​റി​യ​ണ​മെ​ങ്കി​ൽ ഡി​സം​ബ​ർ- ജ​നു​വ​രി മാ​സ​ങ്ങ​ളി​ൽ എ​ത്ത​ണം. പു​ഴ​യും കാ​ടും മ​ല​ക​ളും താ​ണ്ടി​വേ​ണം വെ​ള്ള​ച്ചാ​ട്ട​ങ്ങ​ളു​ടെ അ​ടു​ത്തെ​ത്താ​ൻ എ​ന്ന​തി​നാ​ൽ വെ​ള്ളം കു​റ​വു​ള്ള സ​മ​യ​ങ്ങ​ൾ യാ​ത്ര​യ്ക്കാ​യി തെ​രഞ്ഞെ​ടു​ക്കു​ന്ന​താ​ണ് ഉ​ചി​തം. വേ​ന​ൽ​ക്കാ​ല​ത്തും ജ​ല​സ​മൃദ്ധമാ​യി​രി​ക്കും മാ​ങ്കു​ള​ത്തെ ഭൂ​രി​ഭാ​ഗം വെ​ള്ള​ച്ചാ​ട്ട​ങ്ങ​ളും. മൂ​ന്നാ​റി​ൽനി​ന്ന് അ​ടി​മാ​ലി വ​ഴി​യും തൊ​ടു​പു​ഴ​യി​ൽനി​ന്ന് നേ​ര്യ​മം​ഗ​ലം - അ​ടി​മാ​ലി വ​ഴി​യും മാ​ങ്കു​ള​ത്തെ​ത്താം. തൊ​ടു​പു​ഴ​യി​ൽനി​ന്ന് 94 കി​ലോ​മീ​റ്റ​റും മൂ​ന്നാ​റി​ൽ നി​ന്ന് 28 കി​ലോ​മീ​റ്റ​റു​മാ​ണ് മാ​ങ്കു​ള​ത്തേ​ക്കു​ള്ള ദൂ​രം.

സി​ജോ പി. ​ജോ​ണ്‍