ഒന്നു പശ്ചാത്തപിച്ചാൽ...
ര​ണ്ടാം ലോ​ക​മ​ഹാ​യു​ദ്ധ​കാ​ല​ത്തു പോ​ള​ണ്ടി​ലെ ഒൗ​ഷ്‌വിറ്റ്സ് കോ​ണ്‍​സെ​ൻ​ട്രേ​ഷ​ൻ ക്യാ​ന്പി​ൽ ന​ട​ന്ന കൊ​ടും ക്രൂ​ര​ത​ക​ൾ​ക്കു ചു​ക്കാ​ൻ​പി​ടി​ച്ച ക​ശ്മ​ല​നാ​യി​രു​ന്നു ഡോ​ൾ​ഫ് ഹോ​സ് (1901-1947) 1940 മേ​യ് ഒ​ന്നു മു​ത​ൽ 1943 ന​വം​ബ​ർ 10 വ​രെ ഔഷ്‌വിറ്റ്സി​ലെ ക്യാ​ന്പി​ന്‍റെ ചു​മ​ത​ല വ​ഹി​ച്ചി​രു​ന്ന ഈ ​നാ​സി​ഭീ​ക​ര​ൻ ഇ​രു​പ​ത്തി​യ​ഞ്ചു ല​ക്ഷം യ​ഹൂ​ദ​രെ​യാ​ണു ആ ​കാ​ല​ഘ​ട്ട​ത്തി​ൽ കൊ​ന്നൊ​ടു​ക്കി​യ​ത്. അ​ഡോ​ൾ​ഫ് ഹിറ്റ്‌ലറി​ന്‍റെ​യും അ​യാ​ളു​ടെ വ​ലം​കൈ​യാ​യി​രു​ന്ന ഹെ​ന്‍‌​റി​ച്ച് ഹിം​ല​റി​ന്‍റെ​യും ആ​ജ്ഞ​ക​ൾ വേ​ദ​വാ​ക്യം പോ​ലെ ക​രു​തി​യാ​ണു ഹോ​സ് യ​ഹൂ​ദ​രെ കൊ​ന്നൊ​ടു​ക്കി​യ​ത്. ‌

യു​ദ്ധം അ​വ​സാ​നി​ച്ച​പ്പോ​ൾ ഒ​ളി​വി​ൽ പോ​യ ഹോ​സ് ഒ​രു​വ​ർ​ഷ​ത്തി​ന​കം പി​ടി​ക്ക​പ്പെ​ട്ടു. 1946 ഏ​പ്രി​ലി​ൽ ന്യൂ​റ​ൻ ബ​ർ​ഗി​ലെ മി​ലി​ട്ട​റി ട്രൈ​ബ്യൂ​ണ​ലി​നാ​ൽ വി​സ്ത​രി​ക്ക​പ്പെ​ട്ട അ​യാ​ളെ അ​തി​നു​ശേ​ഷം പോ​ള​ണ്ടി​ലെ അ​ധി​കാ​രി​ക​ൾ​ക്കു വി​ട്ടു​കൊ​ടു​ത്തു. അ​വ​ർ അ​യാ​ളെ തൂ​ക്കി​ക്കൊ​ല്ലാ​ൻ വി​ധി​ച്ചു.

എ​ന്നാ​ൽ, 1947 ഏ​പ്രി​ൽ 16ന് ​അ​യാ​ൾ തൂ​ക്കി​ക്കൊ​ല്ല​പ്പെ​ടു​ന്ന​തി​നു മു​ന്പാ​യി അ​യാ​ളു​ടെ ജീ​വി​ത​ത്തി​ൽ വ​ലി​യൊ​രു അ​ദ്ഭു​തം സം​ഭ​വി​ക്കു​ക​യു​ണ്ടാ​യി. കോ​ട​തി​യി​ൽ വി​ചാ​ര​ണ ന​ട​ന്ന അ​വ​സ​ര​ങ്ങ​ളി​ലൊ​ക്കെ ത​ന്‍റെ കു​റ്റം സ​മ്മ​തി​ക്കു​ന്ന​തി​ന് അ​യാ​ൾ​ക്ക് അ​ല്പം പോ​ലും കൂ​സ​ലി​ല്ലാ​യി​രു​ന്നു. എ​ന്നാ​ൽ താ​ൻ കു​റ്റം ചെ​യ്തതു ത​ന്‍റെ അ​ധി​കാ​രി​ക​ളു​ടെ ആ​ജ്ഞ ന​ട​പ്പാ​ക്കാ​ൻവേ​ണ്ടി മാ​ത്ര​മാ​യി​രു​ന്നു​വെ​ന്ന് അ​യാ​ൾ സ്വീ​ക​രി​ച്ച നി​ല​പാ​ട്, വി​ചാ​ര​ണ​യു​ടെ അ​വ​സ​ര​ത്തി​ൽ കാ​ണാ​തി​രു​ന്ന​തി​ൽ പ​ല​രും അ​ദ്ഭു​ത​പ്പെ​ടു​ക​യു​ണ്ടാ​യി.

ഹോ​സ് തൂ​ക്കി​ക്കൊ​ല്ല​പ്പെ​ടു​ന്ന​തി​നു നാ​ലു ദി​വ​സം മു​ൻ​പ് അ​യാ​ൾ പ​ബ്ളി​ക് പ്രോ​സി​ക്യൂ​ട്ട​ർ​ക്ക് ഒ​രു ക​ത്തെ​ഴു​തി. ആ ​ക​ത്തി​ൽ അ​യാ​ൾ ത​ന്‍റെ കു​റ്റ​ങ്ങ​ളു​ടെ ഉ​ത്ത​ര​വാ​ദി​ത്തം ഏ​റ്റെ​ടു​ക്കു​ക​യും അ​വ​യെ​ക്കു​റി​ച്ചു പ​ശ്ചാ​ത്ത​പി​ച്ചു മാ​പ്പ​പേ​ക്ഷി​ക്കു​ക​യും ദൈ​വം ത​ന്നോ​ട് ക്ഷ​മി​ക്ക​ട്ടെ എ​ന്നു പ്രാ​ർ​ഥി​ക്കു​ക​യും ചെ​യ്തു.

ഇ​തി​നി​ട​യി​ൽ ത​നി​ക്കു കു​ന്പ​സാ​രി​ക്കു​ന്ന​തി​നാ​യി ഒ​രു പു​രോ​ഹി​ത​നെ അ​യ​യ്ക്ക​ണ​മെ​ന്നു ഹോ​സ് ജ​യി​ല​ധി​കാ​രി​ക​ളോ​ട് ആ​വ​ശ്യ​പ്പെ​ടു​ക​യു​ണ്ടാ​യി. അ​പ്പോ​ൾ അ​വി​ടെ ഔ​ഷ്‌​വി​റ്റ്സി​ൽ വൈ​ദി​ക​ർ ആ​രു​മി​ല്ലെ​ന്നും അ​വ​രെ​യെ​ല്ലാ​വ​രെ​യും അ​യാ​ൾ​ത​ന്നെ നാ​സി​ക​ളോ​ടൊ​പ്പം കൊ​ന്നൊ​ടു​ക്കി​യി​രു​ന്നു​വെ​ന്നും ജ​യി​ല​ധി​കാ​രി​ക​ൾ ഓ​ർ​മി​പ്പി​ച്ചു.

യ​ഹൂ​ദ​രെ​പ്പോ​ലെ ത​ന്നെ നി​ര​വ​ധി ക​ത്തോ​ലി​ക്കാ വൈ​ദി​രെ​യും ശ​ത്രു​ത​യോ​ടെ താ​ൻ വ​ധി​ക്കു​ക​യു​ണ്ടാ​യി എ​ന്ന് അ​യാ​ൾ സ​മ്മ​തി​ച്ചു. എ​ന്നാ​ൽ താ​ൻ വ​ധി​ക്കാ​തെ വി​ട്ട ഫാ. ​വാ​ഡി​സ്‌​ലോ എ​ന്ന ജ​സ്യൂ​ട്ട് വൈ​ദി​ക​നെ ക​ണ്ടെ​ത്തു​വാ​ൻ അ​യാ​ൾ അ​പേ​ക്ഷി​ച്ചു.

ഫാ. ​വാ​ഡി​സ്‌​ലോ മ​ര​ണ​ത്തി​ൽ​നി​ന്നു ര​ക്ഷ​പ്പെ​ട്ട ക​ഥ ഇ​പ്ര​കാ​ര​മാ​ണ്. പോ​ള​ണ്ടി​ലെ ഈ​ശോ​സ​ഭ​യു​ടെ പ്രൊ​വി​ൻ​ഷ്യ​ലാ​യി​രു​ന്നു ഫാ. ​വാ​ഡി​സ്‌​ലോ. യു​ദ്ധ​കാ​ല​ത്ത് അ​ദ്ദേ​ഹ​ത്തോ​ടൊ​പ്പം ഉ​ണ്ടാ​യി​രു​ന്ന മ​റ്റു വൈ​ദി​ക​രെ അ​ദ്ദേ​ഹ​ത്തി​ന്‍റെ അ​സാ​ന്നി​ധ്യ​ത്തി​ൽ നാ​സി ഭീ​കര​ർ അ​റ​സ്റ്റ് ചെ​യ്ത് ഔ​ഷ്‌​വി​റ്റ്സ് ക്യാ​ന്പി​ൽ ത​ട​വു​കാ​രാ​ക്കി. അ​പ്പോ​ൾ താ​നും അ​വ​രോ​ടൊ​പ്പ​മു​ള്ള വൈ​ദി​ക​നാ​ണെ​ന്നും ത​ന്നെ​യും അ​വ​രോ​ടൊ​പ്പം താ​മ​സി​പ്പി​ക്ക​ണ​മെ​ന്നും അ​ദ്ദേ​ഹം അ​പേ​ക്ഷി​ച്ചു.

എ​ന്നാ​ൽ, അ​ദ്ദേ​ഹ​ത്തി​ന്‍റെ അ​ഭ്യ​ർ​ഥ​ന സ്വീ​ക​രി​ക്കാ​ൻ ഹോ​സ് ത​യാ​റാ​യി​ല്ല. അ​ദ്ദേ​ഹ​ത്തോ​ട് പൊ​യ്ക്കൊ​ള്ളു​വാ​ൻ ആ​വ​ശ്യ​പ്പെ​ട്ടു​കൊ​ണ്ടു മ​റ്റു വൈ​ദി​ക​രെ ഹോ​സ് വ​ധി​ക്കു​ക​യാ​ണു ചെ​യ്ത​ത്. അ​ങ്ങ​നെ അ​ന്നു മ​ര​ണ​ത്തി​ൽ​നി​ന്നു ര​ക്ഷ​പ്പെ​ട്ട ഫാ. ​വാ​ഡി​സ്‌​ലോ​യെ ക​ണ്ടെ​ത്തു​വാ​നാ​യി​രു​ന്നു ഹോ​സ് ജ​യി​ല​ധി​കാ​രി​ക​ളോ​ട് ആ​വ​ശ്യ​പ്പെ​ട്ട​ത്.

അ​വ​രു​ടെ അ​ന്വേ​ഷ​ണ​ത്തി​ന്‍റെ ഫ​ല​മാ​യി ഫാ. ​വാ​ഡി​സ്‌​ലോ​യെ ക്രാ​ക്കോ​വി​ൽ ക​ണ്ടെ​ത്തി അ​ദ്ദേ​ഹ​ത്തെ ഹോ​സി​ന്‍റെ അ​രി​കി​ലെ​ത്തി​ച്ചു. 1947 ഏ​പ്രി​ൽ പ​ത്താം തീ​യ​തി​യാ​യ അ​ന്ന് ഫാ. ​വാ​ഡി​സ്‌‌​ലോ അ​യാ​ളു​ടെ കു​ന്പ​സാ​രം കേ​ട്ടു. പി​റ്റേ ദി​വ​സം അ​ദ്ദേ​ഹം ത​ന്നെ അ​യാ​ൾ​ക്കു വി​ശു​ദ്ധ കു​ർ​ബാ​ന ന​ൽ​കി.

അ​ന്നു ത​ന്നെ ഹോ​സ് ത​ന്‍റെ ഭാ​ര്യ​ക്ക് ഒ​രു ക​ത്തെ​ഴു​തി. തെ​റ്റാ​യ ചി​ന്താ​ഗ​തി​ക​ളും ആ​ദ​ർ​ശ​ങ്ങ​ളു​മാ​ണു ത​ന്നെ ത​ന്‍റെ വി​ശ്വാ​സ​ത്തി​ൽ​നി​ന്നും ദൈ​വ​ത്തി​ൽ​നി​ന്നും അ​ക​റ്റി​യ​തെ​ന്നും എ​ന്നാ​ൽ ദൈ​വ​ത്തി​ന്‍റെ ക​രു​ണ​യാ​ൽ ത​നി​ക്കു ദൈ​വ​ത്തി​ൽ വീ​ണ്ടും വി​ശ്വാ​സം ക​ണ്ടെ​ത്തു​വാ​ൻ സാ​ധി​ച്ചു എ​ന്നും ആ ​ക​ത്തി​ൽ അ​യാ​ൾ എ​ഴു​തി​യി​രു​ന്നു.

അ​ന്നു​ത​ന്നെ ത​ന്‍റെ അ​ഞ്ചു മ​ക്ക​ൾ​ക്കു​മാ​യും അ​യാ​ൾ ഒ​രു ക​ത്തെ​ഴു​തു​ക​യു​ണ്ടാ​യി. ആ ​ക​ത്തി​ലും ത​ന്‍റെ തെ​റ്റ് ഏ​റ്റു​പ​റ​ഞ്ഞ അ​യാ​ൾ തെ​റ്റി​ൽ വീ​ഴാ​തി​രി​ക്കാ​ൻ മ​ക്ക​ൾ പ്ര​ത്യേ​കം ശ്ര​ദ്ധി​ക്ക​ണ​മെ​ന്നും അ​വ​രെ ഓ​ർ​പ്പി​ക്കു​ക​യു​ണ്ടാ​യി.

അ​വി​ശ്വ​സ​നീ​യ​മാ​ണു ഹോ​സി​ന്‍റെ മാ​നസാ​​ന്ത​ര​ ക​ഥ. ഇ​രു​പ​ത്തി​യ​ഞ്ചു​ല​ക്ഷ​ത്തി​ല​ധി​കം പേ​രെ കൊ​ന്നൊ​ടു​ക്കി​യ ഒ​രാ​ൾ​ക്കു മാ​ന​സാ​ന്ത​ര​പ്പെ​ടു​വാ​ൻ സാ​ധി​ക്കു​മോ എ​ന്നു നാം ​ചോ​ദ​ിച്ചേ​ക്കാം. എ​ന്നാ​ൽ, ഹോ​സി​ന്‍റെ കാ​ര്യ​ത്തി​ൽ അ​താ​ണു സം​ഭ​വി​ച്ച​ത്.

ആ​ര് എ​ത്ര വ​ലി​യ കു​റ്റം ചെ​യ്താ​ലും ഹൃ​ദ​യ​പൂ​ർ​വം പ​ശ്ചാ​ത്ത​പി​ച്ചു മാ​പ്പ​പേ​ക്ഷി​ക്കു​ന്ന​വ​രോ​ടു ക്ഷ​മി​ക്കു​ന്ന​വ​നാ​ണു ദൈ​വം. ഹോ​സി​ന്‍റെ ക​ഥ അ​താ​ണു വ്യ​ക്ത​മാ​ക്കു​ന്ന​ത്. ചെ​റു​പ്പ​ത്തി​ൽ ന​ല്ല ദൈ​വ വി​ശ്വാ​സ​മു​ള്ള ആ​ളാ​യി​രു​ന്നു ഹോ​സ്. എ​ന്നാ​ൽ തെ​റ്റാ​യ ചി​ന്താ​ഗ​തി​ക​ളി​ൽ​പ്പെ​ട്ട് അ​യാ​ളു​ടെ വി​ശ്വാ​സം ന​ഷ്ട​പ്പെ​ട്ടു. എ​ന്നു മാ​ത്ര​മ​ല്ല, അ​യാ​ൾ സ​ഭ​യു​ടെ​യും വൈ​ദി​ക​രു​ടെ​യും വ​ലി​യ ശ​ത്രു​വാ​യി​ത്തീ​ർ​ന്നു. അ​ങ്ങ​നെ​യാ​ണു യ​ഹൂ​ദ​രോ​ടൊ​പ്പം വൈ​ദി​ക​രെ​യും അ​യാ​ൾ കൊ​ല ചെ​യ്ത​ത്.

ന​ര​ക​ഗ​ർ​ത്ത​ത്തി​ൽ വീ​ഴാ​ൻ അ​ർ​ഹ​നാ​യി​രു​ന്നു ഹോ​സ്. എ​ന്നാ​ൽ, ഏ​തു പാ​പി​ക്കും പ​ശ്ചാ​ത്ത​പി​ക്കു​വാ​നു​ള്ള അ​വ​സ​രം ദൈ​വം ന​ൽ​കു​ന്ന​തു പോ​ലെ ഹോ​സി​നും ദൈ​വം ആ ​അ​നു​ഗ്ര​ഹം ന​ൽ​കി. ഹോ​സ് അ​തു ചാ​ടി​പ്പി​ടി​ച്ചു. ത​ന്മൂ​ല​മാ​ണ്, ത​ന്‍റെ കൊ​ടും പാ​പ​ങ്ങ​ൾ​ക്കു വൈ​ദി​ക​നി​ൽ​നി​ന്നു പാ​പ​മോ​ച​നം സ്വീ​ക​രി​ച്ചു ദൈ​വ​ത്തി​ന്‍റെ ക​രു​ണ​യി​ൽ ആ​ശ്ര​യി​ച്ചു മ​രി​ക്കു​വാ​ൻ ഹോ​സി​നു സാ​ധി​ച്ച​ത്.

ന​മ്മു​ടെ പാ​പ​ങ്ങ​ൾ എ​ന്തു​മാ​യി​ക്കൊ​ള്ള​ട്ടെ. അ​വ​യെ​ക്കു​റി​ച്ചു നാം ​പ​ശ്ചാ​ത്ത​പി​ച്ചാ​ൽ ദൈ​വം ന​മ്മോ​ടു ക്ഷ​മി​ക്കു​വാ​ൻ കാ​ത്തി​രി​ക്കു​ക​യാ​ണെ​ന്ന​തു ന​മു​ക്കു മ​റ​ക്കാ​തി​രി​ക്കാം. അ​തു​പോ​ലെ, ഒ​രു പാ​പം ചെ​യ്യാ​നി​ട​യാ​യാ​ൽ എ​ത്ര​യും വേ​ഗം അ​നു​ത​പി​ച്ചു ദൈ​വ​ത്തി​ലേ​ക്കു മ​ട​ങ്ങി​ച്ചെ​ല്ലാ​ൻ ന​മു​ക്കു ശ്ര​ദ്ധി​ക്കാം.

മു​ടി​യ​നാ​യ പു​ത്ര​നെ കാ​ത്തി​രി​ക്കു​ന്ന സ്നേ​ഹ​സ​ന്പ​ന്നനും ക്ഷ​മാ​നി​ധി​യു​മാ​ണു ദൈ​വം. അ​വി​ടു​ത്തെ മ​ഹാ​കാ​രു​ണ്യ​ത്തെ​ക്കു​റി​ച്ചു ന​മു​ക്കു ന​ന്ദി​യു​ള്ള​വ​രാ​യി​രി​ക്കാം. അ​തു​പോ​ലെ പാ​പ​ത്തി​ൽ വീ​ഴാ​തി​രി​ക്കാ​നു​ള്ള അ​നു​ഗ്ര​ഹ​ത്തി​നാ​യി നി​ര​ന്ത​രം ന​മു​ക്കു യാ​ചി​ക്കു​ക​യും ചെ​യ്യാം.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.