ആഗണി
ജിൻസൺ കപ്പുച്ചിൻ
പേജ് 112, വില 100 രൂപ
മീഡിയ ഹൗസ്, കോഴിക്കോട്
ഫോൺ: 9746077500, 9746440800
Available at: www.amazon.in
മനുഷ്യന്റെ ഏകാന്തതയെയും വേദനയെയും അന്യൻ കാണാത്ത മുറിവുകളെയും വരച്ചുകാട്ടുന്ന ചെറുകഥകൾ. ലളിത ഭാഷ. സ്വന്തം വേദനകളിലൂടെ കയറിയിറങ്ങാൻ മാത്രമല്ല അയൽക്കാരന്റെ വേദന പങ്കുവയ്ക്കാനും ഈ പുസ്തകം വായനക്കാരോടു പറയുന്നു. 50 കഥകളുടെ വേദനകൾ പങ്കുവയ്ക്കുന്ന ചിത്രങ്ങളും ഹൃദയസ്പർശിയായിട്ടുണ്ട്.
മാലാഖമാരുടെ അപ്പം ഭക്ഷിക്കുന്ന യാചകർ
ഡോ. ഇ.എം. തോമസ്
പേജ് 80, വില 75 രൂപ
മീഡിയ ഹൗസ്, കോഴിക്കോട്
ഫോൺ: 9746077500, 9746440800
വിശുദ്ധരുടെ ജീവിതവും സന്ദേശവും സമകാലിക പ്രശ്നങ്ങളെ പരിഹരിക്കാൻ സഹായിക്കുംവിധം പുനഃക്രമീകരിച്ചിരിക്കുന്ന പുസ്തകം. ക്രൈസ്തവ ജീവിതത്തെ മുൻനിർത്തിയുള്ള ചിന്തകളാണ് ഇതിലുള്ളത്. രചയിതാവിന്റെ കാഴ്ചപ്പാടുകൾ മാനവമൂല്യങ്ങളെ മുൻനിർത്തിയുള്ളതാണ്.
സൂഫിമാർഗം
എൻ.പി. ഹാഫിസ് മുഹമ്മദ്
പേജ്: 59, വില: 55
മീഡിയ ഹൗസ്, കോഴിക്കോട്
ഫോൺ: 9746077500, 9746440800
സൂഫിമാരുടെ ജീവിതകഥകളാണ് ലേഖകൻ നല്കുന്നത്. മണ്ണിന്റെ മാത്രമല്ല, കൊട്ടാരങ്ങളുടെയും മണമുള്ള കഥകൾ. ജീവിതത്തിലെ സമസ്യകൾക്കുമുന്നിൽ ഈ കഥകൾ ഉത്തരങ്ങളായി മാറിയാൽ അത്ഭുതമില്ല. അത്രയ്ക്ക് ആഴമേറിയ ചിന്തകളാണ് ഈ ലളിതവാക്കുകൾ പങ്കുവയ്ക്കുന്നത്. കഥാഖ്യാനവും ചിത്രീകരണവും ഹാഫിസ് മുഹമ്മദിന്റേതാണ്.
ഏകാന്തതയിൽ അയാൾ
എസ്. പനയപ്പിള്ളി
പേജ്: 52, വില: 45
മീഡിയ ഹൗസ്, കോഴിക്കോട്
ഫോൺ: 9746077500, 9746440800
ഇത്ര ചുരുങ്ങിയ വാക്കുകളിൽ കഥ പറയാനും കാര്യമറിയിക്കാനും കഴിയുന്നത് വിസ്മയം തന്നെ. കഥ തീർന്നാലും വായനക്കാരനു പോകാനാവില്ല. ഇതിലെ ഓരോ മിനിക്കഥയും വലിയ ജാലകങ്ങൾ തുറക്കുന്നു.
രാജകുമാരനും മരക്കുതിരയും
ഉല്ലല ബാബു
പേജ് 56, വില 50 രൂപ
മീഡിയ ഹൗസ്, കോഴിക്കോട്
ഫോൺ: 9746077500, 9746440800 Available at: www.amazon.in
കുട്ടികൾക്കുവേണ്ടിയുള്ള നോവൽ. കുട്ടികളെ പിടിച്ചിരുത്തി വായിപ്പിക്കുന്നത്ര ഉദ്വേഗഭരിതം. നിശ്ചയദാർഢ്യവും പരിശ്രമശീലവുമുണ്ടെങ്കിൽ അസാധ്യമായൊന്നുമില്ലെന്ന് പുതിയ തലമുറയെ പഠിപ്പിക്കാൻ പര്യാപ്തം. കുട്ടികൾക്കു പറ്റിയ സമ്മാനം.
സന്മാർഗ കഥകൾ
എം. മുല്ലമറ്റം
പേജ് 67, വില 60 രൂപ
മീഡിയ ഹൗസ്, കോഴിക്കോട്
ഫോൺ: 9746077500, 9746440800
കുട്ടികൾക്കുവേണ്ടിയുള്ള 15 കഥകളാണ് ഇതിലുള്ളത്. ബൈബിളും പുരാണങ്ങളുമൊക്കെ പരാമർശവിധേയമാക്കുന്നു. കഥയോടൊപ്പം മനസിനെ പ്രചോദിപ്പിക്കുകയും ധാർമികതയിലധിഷ്ഠിതമായ ജീവിതത്തിനു പ്രേരിപ്പിക്കുകയും ചെയ്യുന്ന കാര്യങ്ങളും അടങ്ങിയിരിക്കുന്നു. കഥകളോടൊപ്പമുള്ള ചിത്രങ്ങളും കുഞ്ഞുമനസുകളെ ആകർഷിക്കും.
കരുണയുടെ പുഴകൾ
വിനായക് നിർമൽ
പേജ്: 76, വില: 65
മീഡിയ ഹൗസ്, കോഴിക്കോട്
ഫോൺ: 9746077500, 9746440800
ചെറുലേഖനങ്ങളുടെ സമാഹാരം. ആത്മീയതയുടെ ചിറകുകളിൽ പറക്കുന്ന പക്ഷികളെപ്പോലെയാണ് ഓരോ ലേഖനവും. നാടിന്റെയും നാട്ടുകാരുടെയും കൊച്ചുകൊച്ചു പ്രശ്നങ്ങളെ കണ്ടും പരിഹാരങ്ങൾ ചൂണ്ടിക്കാണിച്ചുമാണ് വാക്കുകൾ അവസാനിക്കുന്നത്.
പ്രത്യേക പരിഗണന അർഹിക്കുന്ന കുട്ടികളും പഠനവൈകല്യങ്ങളും
മുരളീധരൻ മുല്ലമറ്റം
പേജ്: 120, വില: 110
മീഡിയ ഹൗസ്, കോഴിക്കോട്
ഫോൺ: 9746077500, 9746440800
കുട്ടികളുടെ പഠനവൈകല്യങ്ങളെ തിരിച്ചറിയുന്നത് അവരുടെ കഴിവുകളെ പുറത്തെടുക്കാൻ സഹായിക്കും. മനഃശാസ്ത്രപരമായ സമീപനം കുട്ടികളെ മനസിലാക്കാൻ മാതാപിതാക്കളെയും അധ്യാപകരെയും സഹായിക്കുകയും ചെയ്യും. 13 ലേഖനങ്ങളും വിലപ്പെട്ടത്.