കെെപ്പുണ്യം
ദൈ​വ​ത്തി​ന്‍റെ സാ​ന്നി​ധ്യം ലോ​ക​മ​റി​യു​ന്ന​തു ചി​ല മ​നു​ഷ്യ​രി​ലൂ​ടെ​യാ​ണ്. സൃ​ഷ്ടി​ക​ൾ​ക്കു സം​ഭ​വി​ക്കു​ന്ന കോ​ട്ട​ങ്ങ​ൾ പ​രി​ഹ​രി​ക്കു​ന്ന​വ​രാ​ണ് അ​വ​ർ. വേ​ദ​ന​യ്ക്കു പ​ക​രം സ​ന്തോ​ഷ​വും ആ​ശ​ങ്ക​യ്ക്കു പ​ക​രം പ്ര​തീ​ക്ഷ​യും ന​ൽ​കു​ന്ന​വ​ർ. അ​തു സൃ​ഷ്ടി​ക​ർ​മ​ത്തി​ലു​ള്ള പ​ങ്കു​ചേ​ര​ലാ​ണ്. അ​ങ്ങ​നെ​യൊ​രാ​ൾ ന​മു​ക്കി​ട​യി​ലു​ണ്ട്.

ചെ​ത്തി​പ്പു​ഴ സെ​ന്‍റ് തോ​മ​സ് ആ​ശു​പ​ത്രി​യി​ലെ ഡോ. ​എ​ൻ. രാ​ധാ​കൃ​ഷ്ണ​ൻ. അ​ര​യ്ക്കു താ​ഴെ ക​യ​റു​പോ​ലെ പി​രി​ഞ്ഞു കി​ട​ക്കു​ന്ന ഞ​ര​ന്പു​ക​ളു​ടെ അ​ന്ത​ക​ൻ. പൊ​ട്ടി​യൊ​ഴു​കി, പു​ഴു നു​ര​യ്ക്കു​ന്ന വ്ര​ണ​ങ്ങ​ളു​മാ​യി എ​ത്തു​ന്ന വേ​രി​ക്കോ​സ് വെ​യി​ൻ രോ​ഗി​ക​ൾ​ക്ക് ദൈ​വ​തു​ല്യ​ൻ. സ്വ​ന്ത​മാ​യി വി​ക​സി​പ്പി​ച്ചെ​ടു​ത്ത ചി​കി​ത്സാ​രീ​തി​യി​ൽ ഇ​തി​നോ​ട​കം ര​ക്ഷ​പ്പെ​ട്ട​ത് ഇ​രു​പ​ത്താ​റാ​യി​ര​ത്തോ​ളം​പേ​ർ. ദി​നം​പ്ര​തി 200-250 രോ​ഗി​ക​ളെ​ങ്കി​ലു​മു​ണ്ടാ​കും. വി​ദേ​ശ​ത്തു നി​ന്നെ​ത്തി​യ​വ​രും അ​ക്കൂ​ട്ട​ത്തി​ൽ​പ്പെ​ടും. ഡോ​ക്്ട​റെ കാ​ണാ​ൻ വേ​ണ്ടി മാ​ത്രം വി​മാ​നം ക​യ​റി വ​ന്ന​വ​ർ. എ​ത്ര​പേ​ർ വ​ന്നാ​ലും ഡോ​ക്്ട​ർ​ക്കു മ​ടു​പ്പി​ല്ല. ഡോ. ​രാ​ധാ​കൃ​ഷ്ണ​ൻ ഒ​ന്നു തൊ​ട്ടാ​ൽ മ​തി രോ​ഗം മാ​റു​മെ​ന്നാ​ണ് അ​വ​രു​ടെ വി​ശ്വാ​സം. ആ ​കൈ​പ്പു​ണ്യം അ​ത്ര​യ്ക്കു​ണ്ടെ​ന്ന് അ​വ​ർ​ക്ക​റി​യാം.

ഡോ​ക്്ട​റാ​കാ​ൻ ഇ​ഷ്്ട​മി​ല്ലാ​തെ എ​ൻ​ജി​നി​യ​റിം​ഗി​നു ചേ​ർ​ന്ന വി​ദ്യാ​ർ​ഥി​യാ​യി​രു​ന്നു അ​ദ്ദേ​ഹം. ചോ​ര​യും രോ​ഗി​ക​ളു​ടെ ക​ര​ച്ചി​ലും ഭ​യ​പ്പെ​ട്ട അ​ദ്ദേ​ഹം ലോ​ക​മ​റി​യു​ന്ന സ​ർ​ജ​നാ​യ​തു ദൈ​വ​നി​യോ​ഗം. വേ​രി​ക്കോ​സ് വെ​യി​ൻ, പൈ​ൽ​സ് ശ​സ്ത്ര​ക്രി​യ​ക​ൾ ന​ട​ത്തു​ന്ന​തു വെ​റു​പ്പാ​യി​രു​ന്നെ​ങ്കി​ലും അ​തി​ൽ ചോ​ദ്യം ചെ​യ്യ​പ്പെ​ടാ​നാ​വ​ാത്ത ഭി​ഷ​ഗ്വ​ര​നാ​യ​തു ജന്മസു​കൃ​തം. അ​ല്ലെ​ങ്കി​ൽ, ആ​ർ​ക്കും നി​യോ​ഗ​ങ്ങ​ൾ മു​ൻ​കൂ​ട്ടി അ​റി​യാ​നാ​വി​ല്ല എ​ന്ന​തി​ന്‍റെ നേ​ർ​സാ​ക്ഷ്യം.

ചെ​ത്തി​പ്പു​ഴ​യി​ൽ നാ​ലു പ​തി​റ്റാ​ണ്ട്

നാ​ലു​പ​തി​റ്റാ​ണ്ടോ​ള​മാ​യി ചെ​ത്തി​പ്പു​ഴ സെ​ന്‍റ് തോ​മ​സ് ആ​ശു​പ​ത്രി​യു​ടെ ഓ​രോ നാ​ഡി​മി​ടി​പ്പി​ലും ഡോ. ​രാ​ധാ​കൃ​ഷ്ണ​നു​ണ്ട്. സ​ദാ പു​ഞ്ചി​രി പൊ​ഴി​ക്കു​ന്ന മു​ഖം. എ​ല്ലാ​വ​രോ​ടും കു​ശ​ലം പ​റ​ഞ്ഞു ന​ട​ന്നു​നീ​ങ്ങു​ന്ന സാ​ധാ​ര​ണ​ക്കാ​ര​ൻ. ആ​ശു​പ​ത്രി​യി​ലെ ഏ​റ്റ​വും മു​തി​ർ​ന്ന ഡോ​ക്്ട​റും മെ​ഡി​ക്ക​ൽ അ​ഡ്മി​നി​സ്ട്രേ​റ്റ​റും അ​ദ്ദേ​ഹ​മാ​ണ്. ആ​ശു​പ്ര​ത്രി​യോ​ട് അ​നു​ബ​ന്ധി​ച്ച് പ്ര​വ​ർ​ത്തി​ക്കു​ന്ന വീ​ന​സ് റി​സേ​ർ​ച്ച് ഇ​ൻ​സ്റ്റി​റ്റ്യൂ​ട്ടി​ന്‍റെ സ്ഥാ​പ​ക​നും ഡ​യ​റ​ക്്ട​റും ഡോ. ​രാ​ധാ​കൃ​ഷ്ണ​ൻ ത​ന്നെ. 1980-ലാ​ണ് അ​ദ്ദേ​ഹം ചെ​ത്തി​പ്പു​ഴ ആ​ശു​പ​ത്രി​യി​ൽ ചാ​ർ​ജെ​ടു​ത്ത​ത്. അ​ന്നു മു​ത​ൽ സ​ർ​ജ​റി വി​ഭാ​ഗ​ത്തി​ന്‍റെ ത​ല​വ​ൻ. വേ​രി​ക്കോ​സ് വെ​യി​ൻ ചി​കി​ത്സാ​രം​ഗ​ത്ത് കൂ​ടു​ത​ൽ പ​ഠ​ന​ങ്ങ​ൾ​ക്കും ഗ​വേ​ഷ​ണ​ങ്ങ​ൾ​ക്കു​മാ​യി ഡോ. ​രാ​ധാ​കൃ​ഷ്ണ​ൻ ഫൗ​ണ്ട​ഷ​നും ഇ​വി​ടെ പ്ര​വ​ർ​ത്തി​ക്കു​ന്നു.

വ​ഴി​ത്തി​രി​വ്

ഡോ. ​രാ​ധാ​കൃ​ഷ്ണ​ന്‍റെ അ​ടു​ത്ത സു​ഹൃ​ത്താ​യി​രു​ന്നു ഫാ. ​സെ​ബാ​സ്റ്റ്യ​ൻ വി​രു​പ്പേ​ൽ. വേ​രി​ക്കോ​സ് വെ​യി​ൻ അ​ദ്ദേ​ഹ​ത്തെ വ​ല്ലാ​തെ ക​ഷ്ട​പ്പെ​ടു​ത്തി​യി​രു​ന്നു. 1990ക​ളു​ടെ അ​വ​സാ​ന​മാ​യ​പ്പോ​ഴേ​ക്കും അ​തു രൗ​ദ്ര​ഭാ​വം കാ​ട്ടി​ത്തു​ട​ങ്ങി. ഇ​രു​കാ​ലു​ക​ളു​ടെ​യും മു​ട്ടി​നു താ​ഴെ വ​ലി​യ വ്ര​ണ​ങ്ങ​ൾ. ക​ടു​ത്ത​വേ​ദ​ന​യും നീ​ർ​ക്കെ​ട്ടും ദു​ർ​ഗ​ന്ധ​വും. വി​രു​പ്പേ​ല​ച്ച​ൻ ചെ​ത്തി​പ്പു​ഴ ആ​ശു​പ​ത്രി​യി​ലെ​ത്തി ഡോ. ​രാ​ധാ​കൃ​ഷ്ണ​നെ ക​ണ്ടു. കാ​ര്യ​ങ്ങ​ൾ ത​ന്‍റെ പി​ടി​യി​ൽ നി​ൽ​ക്കി​ല്ലെ​ന്നു മ​ന​സി​ലാ​ക്കി​യ ഡോ. ​രാ​ധാ​കൃ​ഷ്ണ​ൻ, അ​ച്ച​നെ ത​ന്‍റെ സു​ഹൃ​ത്താ​യ മ​റ്റൊ​രു സ​ർ​ജ​ന്‍റെ അ​ടു​ത്തേ​ക്കു പ​റ​ഞ്ഞ​യ​ച്ചു. അ​ക്കാ​ല​ത്തെ ഏ​റ്റ​വും പ്ര​ശ​സ്ത​നാ​യ വേ​രി​ക്കോ​സ് വെ​യി​ൻ സ്പെ​ഷ​ലി​സ്റ്റാ​യി​രു​ന്നു ആ ​സു​ഹൃ​ത്ത്. കു​റെ നാ​ള​ത്തെ ചി​കി​ത്സ​യ്ക്കു​ശേ​ഷം കാ​ല് മു​റി​ക്കാ​തെ ത​ര​മി​ല്ലെ​ന്നു ഡോ​ക്്ട​ർ വി​ധി​യെ​ഴു​തി.

എ​ന്നാ​ൽ, ആ​രോ​ഗ്യ​സ്ഥി​തി ശ​സ്ത്ര​ക്രി​യ​യ്ക്ക് അ​നു​കൂ​ല​മ​ല്ലെ​ന്നും അ​റി​യി​ച്ചു. അ​ച്ച​ൻ വീ​ണ്ടും ചെ​ത്തി​പ്പു​ഴ​യി​ലെ​ത്തി ഡോ. ​രാ​ധാ​കൃ​ഷ്ണ​നെ ക​ണ്ടു. ’’ ഞാ​നി​ങ്ങ​നെ പ​ഴു​പ്പു​ക​യ​റി പു​ഴു​ത്തു ചാ​ക​ണ​മെ​ന്നാ​ണോ ഡോ​ക്്ട​ർ പ​റ​യു​ന്ന​ത്?’’ ഉ​റ്റ സു​ഹൃ​ത്തി​ന്‍റെ ചോ​ദ്യം ഡോ. ​രാ​ധാ​കൃ​ഷ്ണ​ന്‍റെ ഹൃ​ദ​യ​ത്തി​ൽ തൊ​ട്ടു. ഏ​തു ചി​കി​ത്സ​യ്ക്കും വി​ധേ​യ​നാ​കാ​ൻ അ​ച്ച​ൻ ത​യാ​റാ​യി. ചി​കി​ത്സ​യ്ക്കി​ടെ മ​ര​ണം സം​ഭ​വി​ച്ചാ​ൽ​പ്പോ​ലും കു​ഴ​പ്പ​മി​ല്ലെ​ന്ന് അ​ദ്ദേ​ഹം ഉ​റ​പ്പി​ച്ചു പ​റ​ഞ്ഞു. അ​ത്ര​യ്ക്കാ​യി​രു​ന്നു രോ​ഗ​ത്തി​ന്‍റെ അ​സ്വ​സ്ഥ​ത​ക​ൾ. അ​വ​സാ​നം, അ​ന്ന​നാ​ള-​ആ​മാ​ശ​യ ര​ക്ത​സ്രാ​വ​ത്തി​നു ഫ​ല​പ്ര​ദ​മാ​യി ഉ​പ​യോ​ഗി​ച്ചി​രു​ന്ന സ്ക്ലീ​റോ​തെ​റാ​പ്പി അ​ച്ച​നി​ൽ പ​രീ​ക്ഷി​ക്കാ​ൻ ഡോ. ​രാ​ധാ​കൃ​ഷ്ണ​ൻ തീ​രു​മാ​നി​ച്ചു. ഏ​റെ നാ​ള​ത്തെ പ്രാ​ർ​ഥ​ന​യ്ക്കും മ​ന​ന​ത്തി​നും ശേ​ഷ​മാ​യി​രു​ന്നു അ​ത്. 45 ദി​വ​സ​ത്തെ ചി​കി​ത്സ​കൊ​ണ്ട് പൂ​ർ​ണ​സൗ​ഖ്യം. ഡോ​ക്്ട​റും രോ​ഗി​യും പ​ര​സ്പ​രം നോ​ക്കി. ന​ന്ദി നി​റ​ഞ്ഞ ഹൃ​ദ​യ​ത്തോ​ടെ ദൈ​വ​ത്തേ​യും.

പ്ര​ചാ​ര​ക​നാ​യി ഫാ. ​സെ​ബാ​സ്റ്റ്യ​ൻ വി​രു​പ്പേ​ൽ

അ​തൊ​രു തു​ട​ക്ക​മാ​യി​രു​ന്നു. വി​രു​പ്പേ​ല​ച്ച​ൻ ആ ​ചി​കി​ത്സാ​രീ​തി​യു​ടെ വ​ലി​യ പ്ര​ചാ​ര​ക​നാ​യി. ക​ണ്ടു​മു​ട്ടു​ന്ന വേ​രി​ക്കോ​സ് വെ​യി​ൻ രോ​ഗി​ക​ളെ അ​ദ്ദേ​ഹം ഡോ. ​രാ​ധാ​കൃ​ഷ്ണ​ന്‍റെ അ​ടു​ത്തേ​ക്ക് പ​റ​ഞ്ഞു​വി​ട്ടു. രോ​ഗം മാ​റി​യ​വ​ർ മ​റ്റു രോ​ഗി​ക​ളു​മാ​യി വ​ന്നു. അ​ങ്ങ​നെ രോ​ഗി​ക​ളു​ടെ എ​ണ്ണം നാ​ൾ​ക്കു​നാ​ൾ കൂ​ടി​ക്കൊ​ണ്ടി​രു​ന്നു. 1997- ൽ ​എ​ട്ടു​രോ​ഗി​ക​ൾ മാ​ത്ര​മാ​ണ് എ​ത്തി​യ​തെ​ന്ന് ഡോ. ​രാ​ധാ​കൃ​ഷ്ണ​ൻ ഓ​ർ​ക്കു​ന്നു. ഇ​പ്പോ​ൾ ദി​നം​പ്ര​തി എ​ത്ര​രോ​ഗി​ക​ൾ വ​രു​ന്നു​ണ്ടെ​ന്നു ശ്ര​ദ്ധി​ക്കാ​ൻ പോ​ലും സ​മ​യം കി​ട്ടാ​റി​ല്ല. അ​വ​രി​ൽ മ​ന്ത്രി​മാ​രു​ണ്ട്, ആ​ത്മീ​യ നേ​താ​ക്ക​ളു​ണ്ട്, വൈ​ദി​ക​രും ക​ന്യാ​സ്ത്രീ​ക​ളു​മു​ണ്ട്, വീ​ട്ട​മ്മ​മാ​രും കു​ട്ടി​ക​ളു​മു​ണ്ട്, കൃ​ഷി​ക്കാ​രും ഉ​ദ്യോ​ഗ​സ്ഥ​രു​മു​ണ്ട്. വേ​രി​ക്കോ​സ് എ​ന്ന ഗ്രീ​ക്ക് വാ​ക്കി​നു മു​ന്തി​രി​ക്കു​ല എ​ന്നാ​ണ​ർ​ഥം. വേ​രി​ക്കോ​സ് വെ​യി​ൻ എ​ന്നാ​ൽ മു​ന്തി​രി​ക്കു​ല പോ​ലെ വ​ള​ഞ്ഞു​പു​ള​ഞ്ഞു​കി​ട​ക്കു​ന്ന സി​ര​ക​ൾ എ​ന്നും.

പ്ര​ശ്നം നേ​ർ​ത്ത സി​ര​ക​ൾ

അ​ര​യ്ക്കു​താ​ഴെ, ന​ഗ്ന​നേ​ത്ര​ങ്ങ​ൾ​ക്കു കാ​ണാ​നാ​വാ​ത്ത, ല​ക്ഷ​ക്ക​ണ​ക്കി​നു വ​രു​ന്ന നേ​ർ​ത്ത സി​ര​ക​ളി​ലെ നോ​ണ്‍ റി​ട്ടേ​ണ്‍ വാ​ൽ​വു​ക​ൾ​ക്കു സം​ഭ​വി​ക്കു​ന്ന ത​ക​രാ​റാണു വേ​രി​ക്കോ​സ് വെ​യി​നി​നു കാ​ര​ണം. ഇ​തു​മൂ​ലം ഹൃ​ദ​യ​ത്തി​ലേ​ക്കു തി​രി​കെ ഒ​ഴു​കേ​ണ്ട അ​ശു​ദ്ധ ര​ക്തം ധ​മ​നി​ക​ളി​ൽ കെ​ട്ടി​ക്കി​ട​ക്കും. അ​തു സി​ര​ക​ളി​ൽ മ​ർ​ദം കൂ​ട്ടും. അ​വ ത​ടി​ച്ചു വീ​ർ​ത്തു വ​ള​ഞ്ഞു​പു​ള​ഞ്ഞു കാ​ൽ​മു​ട്ടി​നു താ​ഴെ ഉ​രു​ണ്ടു​കൂ​ടും. രോ​ഗ​കാ​ര​ണ​മാ​യ സി​ര​ക​ൾ വ​ലി​ച്ചൂ​രി​ക്ക​ള​യു​ക​യോ പ്ര​ധാ​ന ജം​ഗ്ഷ​നു​ക​ളി​ൽ മു​റി​വു​ണ്ടാ​ക്കി ര​ക്ത​പ്ര​വാ​ഹം നി​യ​ന്ത്രി​ക്കു​ക​യോ ചെ​യ്യു​ന്ന​താ​ണു സാ​ധാ​ര​ണ ചി​കി​ത്സ. ലേ​സ​ർ, റേ​ഡി​യോ ഫ്രീ​ക്വ​ൻ​സി, സ്ക്ലീ​റോ ചി​കി​ത്സ​ക​ൾ വ​ലി​യ വെ​യി​നു​ക​ൾ​ക്കു ദോ​ഷ​മു​ണ്ടാ​ക്കും. എ​ന്നാ​ൽ, രോ​ഗം ബാ​ധി​ച്ച നേ​ർ​ത്ത സി​ര​ക​ളെ ന​ശി​പ്പി​ക്കു​ന്ന രീ​തി​യാ​ണ് ഡോ. ​രാ​ധാ​കൃ​ഷ്ണ​ന്‍റേത്. ഇ​ങ്ങ​നെ ചെ​യ്യു​ന്പോ​ൾ ര​ക്തം മ​റ്റു സി​ര​ക​ളി​ലൂ​ടെ തി​രി​ച്ചു​വി​ടാ​ൻ ക​ഴി​യു​മെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടു​ന്നു. ആ​റു മാ​സം പ്രാ​യ​മു​ള്ള പി​ഞ്ചുകു​ഞ്ഞു​ങ്ങ​ളെ മു​ത​ൽ തൊ​ണ്ണൂ​റ്റി​യൊ​ന്നു വ​യ​സു​വ​രെ​യു​ള്ള​വ​രെ ചി​കി​ത്സി​ച്ചു ഭേ​ദ​മാ​ക്കി​യ അ​നു​ഭ​വ​സ​ന്പ​ത്തി​ന്‍റെ ഉ​ട​മ​യാ​ണു ഡോ. ​രാ​ധാ​കൃ​ഷ്ണ​ൻ.

കെ​മി​ക്ക​ൽ ബോം​ബിം​ഗ്

"കെ​മി​ക്ക​ൽ ബോം​ബിം​ഗ്’ എ​ന്ന ഓ​മ​ന​പ്പേ​രി​ലാ​ണ് ഈ ​ചി​കി​ത്സാ​രീ​തി അ​റി​യ​പ്പെ​ടു​ന്ന​ത്. അ​ല്ല​ങ്കി​ൽ അ​ങ്ങ​നെ വി​ളി​ക്കാ​നാ​ണു ഡോ. ​രാ​ധാ​കൃ​ഷ്ണ​ന് ഇ​ഷ്്ടം. ബോ​ധ​വ​ത്ക​ര​ണ ക്ലാ​സാ​ണു ചി​കി​ത്സ​യു​ടെ ആദ്യ​പ​ടി. രോ​ഗ​കാ​ര​ണം, രോ​ഗ​ത്തി​ന്‍റെ വി​വി​ധ ഘ​ട്ട​ങ്ങ​ൾ, ചി​കി​ത്സാ​രീ​തി​ക​ൾ, തു​ട​ർ​ചി​കി​ത്സാ​മു​റ​ക​ൾ തു​ട​ങ്ങി​യ​വ​യെ​ക്കു​റി​ച്ചു​ള്ള വീ​ഡി​യോ പ്ര​ദ​ർ​ശ​ന​വും ഡോ​ക്്ട​റു​ടെ വി​ശ​ദീ​ക​ര​ണ​വും ക്ലാ​സി​ൽ ഉ​ൾ​പ്പെ​ടു​ന്നു. വേ​രി​ക്കോ​സ് വെ​യി​ൻ പാ​ര​ന്പ​ര്യ രോ​ഗ​മാ​ണെ​ന്നും അ​തി​നു​കാ​ര​ണ​മാ​യ ജ​നി​തക​ഘ​ട​ക​ങ്ങ​ൾ താ​നും തി​രു​വ​ന​ന്ത​പു​ര​ത്തെ രാ​ജീ​വ് ഗാ​ന്ധി സെ​ന്‍റ​ർ ഫോ​ർ ബ​യോ​ടെ​ക്നോ​ള​ജി​യും ചേ​ർ​ന്നു ക​ണ്ടു​പി​ടി​ച്ചു​ക​ഴി​ഞ്ഞ​താ​യും ഡോ. ​രാ​ധാ​കൃ​ഷ്ണ​ൻ വെ​ളി​പ്പെ​ടു​ത്തി. അ​തീ​വ സൂ​ക്ഷ്മ​ത​യോ​ടെ പാ​ദ​ങ്ങ​ളി​ലെ വേ​രി​ക്കോ​സ് ഞ​ര​ന്പു​ക​ളി​ലേ​ക്കു മ​രു​ന്നു കു​ത്തി​വ​യ്ക്കു​ന്ന​താ​ണു ചി​കി​ത്സ. രോ​ഗം ബാ​ധി​ച്ച സി​ര​ക​ൾ​ക്കു​ള്ളി​ലെ പാ​ളി​ക​ളി​ൽ മ​രു​ന്നു പൊ​ള്ള​ലേ​ൽ​പ്പി​ക്കും. കാ​ര്യ​മാ​യ പാ​ർ​ശ്വ​ഫ​ല​ങ്ങ​ൾ ഇ​ല്ലാ​ത്ത​താ​ണു ചി​കി​ത്സ​യെ​ങ്കി​ലും മ​രു​ന്ന് കു​ത്തി​വ​യ്ക്കു​ന്പോ​ൾ അ​തീ​വ ശ്ര​ദ്ധ ആ​വ​ശ്യ​മാ​ണ്. ചി​കി​ത്സ ക​ഴി​ഞ്ഞ് അ​ഞ്ചു​വ​ർ​ഷം വ​രെ നി​ശ്ചി​ത ഇ​ട​വേ​ള​ക​ളി​ൽ ഡോ​ക്്ട​റെ ക​ണ്ടു തു​ട​ർ​ചി​കി​ത്സ ന​ട​ത്തു​ക​യും വേ​ണം.

വൈ​ദ്യ​വൃ​ത്തി പാ​ര​ന്പ​ര്യം

മ​ധ്യ​കേ​ര​ള​ത്തി​ലെ കാ​ർ​ഷി​ക ഗ്രാ​മ​മാ​യ ഓ​ണാ​ട്ടു​ക​ര​യി​ലെ ചേ​പ്പാ​ട് പ്ര​സി​ദ്ധ​മാ​യ ക​ണ്ണോ​ലി​ൽ ( പൊ​ൻ​വേ​ലി​ൽ) കു​ടും​ബ​ത്തി​ലാ​ണു ഡോ. ​രാ​ധാ​കൃ​ഷ​ണ​ൻ ജ​നി​ച്ച​ത്. അ​ധ്യാ​പ​ക ശ്രേ​ഷ്ഠ​നാ​യ നാ​രാ​യ​ണ​ൻ നാ​യ​രു​ടെ​യും ചെ​ല്ല​മ്മ​യു​ടെ​യും ഏ​ക​മ​ക​ൻ. നാ​ലു സ​ഹോ​ദ​രി​മാ​രു​ടെ പു​ന്നാ​ര ആ​ങ്ങ​ള. കൃ​ഷി​യും വൈ​ദ്യ​വു​മാ​യി​രു​ന്നു കു​ടും​ബ​ത്തി​ന്‍റെ കു​ല​ത്തൊ​ഴി​ൽ. കൊ​ച്ചു​വൈ​ദ്യ​ൻ എ​ന്ന​റി​യ​പ്പെ​ട്ടി​രു​ന്ന ക​ണ്ണോ​ലി​ൽ വൈ​ദ്യ​ൻ പ​ര​മേ​ശ്വ​ര​ൻ നാ​യ​ർ ആ​യി​രു​ന്നു മു​ത്ത​ച്ഛ​ൻ. മു​ത്ത​ശി കു​ഞ്ഞി​യ​മ്മ​യും. ഓ​ല കീ​റു​ന്ന​തി​നി​ടെ, മു​ത്ത​ശിയു​ടെ കൈ​യി​ൽ ത​റ​ച്ചു​ക​യ​റി​യ ഈ​ർ​ക്കി​ൽ ബ്ലേ​ഡ് ഉ​പ​യോ​ഗി​ച്ച് കീ​റി​യെ​ടു​ത്ത​താ​ണ് ത​ന്‍റെ ആ​ദ്യ ശ​സ്ത്ര​ക്രി​യ എ​ന്ന് ഡോ. ​രാ​ധാ​കൃ​ഷ്ണ​ൻ പ​റ​യും. ‌

സ്കൂ​ൾ പ​ഠ​ന​കാ​ല​ത്ത് കോ​ള​ജ് അ​ധ്യാ​പ​ക​നാ​ക​ണ​മെ​ന്നാ​യി​രു​ന്നു ആ​ഗ്ര​ഹം. പ്രീ ​യൂ​ണി​വേ​ഴ്സി​റ്റി​യി​ലെ​ത്തി​യ​പ്പോ​ൾ എ​ൻ​ജി​നി​യ​റിം​ഗി​ലേ​ക്കു തി​രി​ഞ്ഞു. എ​ന്നാ​ൽ, മ​ക​ൻ അ​ലോ​പ്പ​തി ഡോ​ക്്ട​റാ​യി കാ​ണാ​ൻ മാ​താ​പി​താ​ക്ക​ൾ ആ​ഗ്ര​ഹി​ച്ചു. പ്രീ ​യൂ​ണി​വേ​ഴ്സി​റ്റി​ക്ക് ഉ​ന്ന​ത വി​ജ​യം നേ​ടി​യ​തോ​ടെ മാ​താ​പി​താ​ക്ക​ൾ സ​ന്തോ​ഷി​ച്ചു.

എ​ൻ​ജി​നി​യ​റിം​ഗ് വി​ദ്യാ​ർ​ഥി

മ​ക​ന്‍റെ ഭാ​വി മു​ന്നി​ൽ​ക്ക​ണ്ട് എ​ൻ​ജി​നി​യ​റിം​ഗി​നും മെ​ഡി​സി​നും അ​പേ​ക്ഷ അ​യയ്ക്കാ​ൻ മാ​താ​പി​താ​ക്ക​ൾ നി​ർ​ദേ​ശി​ച്ചു. ര​ണ്ടി​നും കി​ട്ടും. മെ​ഡി​സി​നു വി​ടാം എ​ന്നാ​യി​രു​ന്നു അ​വ​രു​ടെ ക​ണ​ക്കു​കൂ​ട്ട​ൽ. ര​ണ്ട് അ​പേ​ക്ഷ​ക​ളും ത​യാ​റാ​ക്കി പോ​സ്റ്റ് ചെ​യ്യാ​ൻ രാ​ധാ​കൃ​ഷ്ണ​നെ ഏ​ല്പി​ച്ചു. വെ​ള്ളം നി​റ​ഞ്ഞുകി​ട​ക്കു​ന്ന നെ​ൽ​പ്പാ​ടം ക​ട​ന്നു​വേ​ണം പോ​സ്റ്റ് ഓ​ഫീ​സി​ലേ​ക്കു പോ​കാ​ൻ. എ​ൻ​ജി​നി​യ​റിം​ഗ് മോ​ഹം ക​ല​ശ​ലാ​യു​ണ്ടാ​യി​രു​ന്ന രാ​ധാ​കൃ​ഷ്ണ​ൻ മെ​ഡി​സി​നു​ള്ള അ​പേ​ക്ഷ കീ​റി വെ​ള്ള​ത്തി​ലെ​റി​ഞ്ഞു. റി​സ​ൾ​ട്ട് വ​ന്നു. എ​ൻ​ജി​നി​യ​റിം​ഗി​ന് അ​ഡ്മി​ഷ​ൻ കി​ട്ടി. മെ​ഡി​സി​നു കി​ട്ടാ​തെ പോ​യ​തി​ൽ മാ​താ​പി​താ​ക്ക​ൾ വ​ല്ലാ​തെ ദുഃ​ഖി​ച്ചു. എ​ങ്കി​ലും മ​ക​നെ അ​വ​ർ എ​ൻ​ജി​നി​യ​റിം​ഗ് കോ​ള​ജി​ൽ ചേ​ർ​ത്തു. അ​പ്പോ​ഴും മ​ക​ൻ ഡോ​ക്്ടറാ​യി ക​ണ​ണ​മെ​ന്ന ആ​ഗ്ര​ഹം അ​വ​ർ മ​ന​സി​ൽ കൊ​ണ്ടു​ന​ട​ന്നു.

ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ

അ​ങ്ങ​നെ​യി​രി​ക്കെ, ആ​ല​പ്പു​ഴ​യി​ൽ എ​ൻ.​വി. പ്ര​ഭു ഒ​രു സ്വ​കാ​ര്യ മെ​ഡി​ക്ക​ൽ കോ​ള​ജ് തു​ട​ങ്ങു​ന്ന കാ​ര്യം അ​റി​ഞ്ഞു. അ​ന്ന് വി.​കെ വേ​ല​പ്പ​നാ​ണ് ആ​രോ​ഗ്യ​മ​ന്ത്രി. മ​ന്ത്രി​യു​ടെ ബ​ന്ധു​വ​ഴി രാ​ധാ​കൃ​ഷ​ണ​ന് അ​വി​ടെ ഒ​രു സീ​റ്റ് ത​ര​പ്പെ​ടു​ത്തി. എ​ന്നാ​ൽ, സൗ​ക​ര്യ​ങ്ങ​ളു​ടെ അ​പ​ര്യാ​പ്ത​മൂ​ലം പ്ര​ഥ​മ ബാ​ച്ചി​ലെ വി​ദ്യാ​ർ​ഥി​ക​ളെ സം​സ്ഥാ​ന​ത്തെ മ​റ്റു മൂ​ന്നു മെ​ഡി​ക്ക​ൽ കോ​ള​ജു​ക​ളി​ലേ​ക്കു മാ​റ്റാ​ൻ സ​ർ​ക്കാ​ർ തീ​രു​മാ​നി​ച്ചു. അ​ങ്ങ​നെ രാ​ധാ​കൃ​ഷ്ണ​ൻ തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ലെ​ത്തി. അ​വി​ടെ പ്ര​ഫ​സ​റാ​യി​രു​ന്ന പ്ര​ശ​സ്ത സ​ർ​ജ​ൻ ഡോ. ​സി.​കെ.​പി. മേ​നോ​ന്‍റെ സ്വാ​ധീ​ന​ത്തി​ൽ എ​ൻ. രാ​ധാ​കൃ​ഷ്ണ​ൻ സ​ർ​ജ​റി മു​ഖ്യ​വി​ഷ​യ​മാ​യി സ്വീ​ക​രി​ച്ചു.

ഹ​രി​പ്പാ​ട്ട് സ്വ​ന്തം ആ​ശു​പ​ത്രി

എം.​എ​സ്. പ​ഠ​നം പൂ​ർ​ത്തി​യാ​ക്കി​യ രാ​ധാ​കൃ​ഷ്ണ​നു തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ അ​ധ്യാ​പ​ക​നാ​യും അ​സി​സ്റ്റ​ന്‍റ് സ​ർ​ജ​നാ​യും നി​യ​മ​നം ല​ഭി​ച്ചെ​ങ്കി​ലും സ്വ​ന്തം നാ​ട്ടി​ൽ ഒ​രു ആ​ശു​പ​ത്രി തു​ട​ങ്ങാ​ൻ വീ​ട്ടു​കാ​ർ നി​ർ​ബ​ന്ധി​ച്ചു. അ​ങ്ങ​നെ ഹ​രി​പ്പാ​ട്ട് ആ​ർ.​കെ.​ഹോ​സ്പി​റ്റ​ൽ എ​ന്ന പേ​രി​ൽ ഒ​രു ആ​ശു​പ​ത്രി ഉ​യ​ർ​ന്നു. ഞാ​യ​റാ​ഴ്ച​ക​ളി​ലും അ​വ​ധി ദി​വ​സ​ങ്ങ​ളി​ലും തി​രു​വ​ന​ന്ത​പു​ര​ത്തു​നി​ന്ന് എ​ക്സ്പ്ര​സ് ബ​സി​ൽ ഹ​രി​പ്പാ​ട്ട് എ​ത്തി​യാ​യി​രു​ന്നു ചി​കി​ത്സ. ബ​സി​ൽ 24-ാം ന​ന്പ​ർ സീ​റ്റ് ബു​ക്ക് ചെ​യ്താ​ണു സ്ഥി​രം യാ​ത്ര. പി​ൽ​ക്കാ​ല​ത്ത് ആ​ശു​പ​ത്രി നി​റു​ത്താ​ൻ നി​ർ​ബ​ന്ധി​ത​നാ​യെ​ങ്കി​ലും ആ ​സ്ഥ​ലം ഇ​പ്പോ​ഴും ആ​ർ.​കെ.​ജം​ഗ്ഷ​ൻ എ​ന്നാ​ണ് അ​റി​യ​പ്പെ​ടു​ന്ന​ത്. പി​ന്നീ​ട് പ​ല ആ​ശു​പ​ത്രി​ക​ളി​ൽ സേ​വ​നം അ​നു​ഷ്ഠി​ച്ചെ​ങ്കി​ലും സ​ർ​ജ​റി​യി​ൽ സ്പെ​ഷ​ലൈ​സ് ചെ​യ്യാ​നു​ള്ള ആ​ഗ്ര​ഹം മൂ​ലം അ​ദ്ദേ​ഹം 1980-ൽ ​ചെ​ത്തി​പ്പു​ഴ സെ​ന്‍റ് തോ​മ​സ് ആ​ശു​പ​ത്രി​യി​ൽ സ​ർ​ജ​നാ​യി ചേ​രു​ക​യാ​യി​രു​ന്നു. മ​ക​ളു​ടെ പ്ര​സ​വ​ശ​സ്ത്ര​ക്രി​യ ന​ട​ത്തി പേ​ര​ക്കു​ട്ടി​യെ എ​ടു​ത്ത അ​ച്ഛ​ൻ എ​ന്ന അ​പൂ​ർ​വ​ത​യും ഡോ. ​രാ​ധാ​കൃ​ഷ്ണനു സ്വ​ന്തം.

പു​ര​സ്കാ​ര​ങ്ങ​ൾ

വൈ​ദ്യ​ശാ​സ്ത്ര​രം​ഗ​ത്തെ നിരവധി പുരസ്കാരങ്ങൾ ഡോ. ​എ​ൻ. രാ​ധാ​കൃ​ഷ്ണ​നെ തേ​ടി​യെ​ത്തി​യി​ട്ടു​ണ്ട്. വീ​ട്ടി​ൽ സ്വ​ന്തം മു​റി​യി​ലെ അ​ല​മാ​ര​ക​ൾ​ക്കു​ള്ളി​ൽ അ​വ നി​റ​ഞ്ഞി​രി​ക്കു​ന്നു. സം​സ്ഥാ​ന, ദേ​ശീ​യ, അ​ന്ത​ർ​ദേ​ശീ​യ പു​ര​സ്കാ​ര​ങ്ങ​ളാ​ണേ​റെ​യും. ഇ​തി​ൽ ഫ്ളി​ബോ ലിം​ഫോ​ള​ജി​യി​ൽ ല​ഭി​ച്ച എ​ഫ്.​ഐ.​സി.​എ​സ് അ​മൂ​ല്യ​മാ​യി അ​ദ്ദേ​ഹം കാ​ണു​ന്നു. അ​മേ​രി​ക്ക​യി​ലെ വാ​ഷിം​ഗ്ട​ണ്‍ ഡി​സി കേ​ന്ദ്ര​മാ​യു​ള്ള പ്ര​സ്ഥാ​നം, ഈ ​വി​ഭാ​ഗ​ത്തി​ൽ പു​ര​സ്കാ​രം ന​ൽ​കി​യ ലോ​ക​ത്തി​ലെ ഏ​ക വ്യ​ക്തി​യാ​ണ് ഡോ. ​രാ​ധാ​കൃ​ഷ്ണ​ൻ. ലോ​ക​പ്ര​ശ​സ്ത കാ​ർ​ഡി​യോ​ള​ജി​സ്റ്റും നാ​ഷ​ണ​ൽ റി​സേ​ർ​ച്ച് പ്ര​ഫ​സ​റു​മാ​യ ഡോ. ​എം.​എ​സ് വ​ല്യ​ത്താ​ൻ അ​ദ്ദേ​ഹ​ത്തി​നു ഗു​രു​തു​ല്യ​നാ​ണ്. നേ​ട്ട​ങ്ങ​ളെ​ല്ലാം ദൈ​വ​ത്തി​ന്‍റെ ദാ​ന​മെ​ന്നു പ​റ​യാ​ൻ ഡോ. ​രാ​ധാ​കൃ​ഷ്ണ​ന് ര​ണ്ടാ​മ​താ​ലോ​ചി​ക്കേ​ണ്ടി വ​രു​ന്നി​ല്ല. സു​ഖ​പ്പെ​ടു​ത്തു​ന്ന​തു ദൈ​വ​മാ​ണെ​ന്നും അ​തി​നു ഡോ​ക്്ട​റെ അ​വി​ടു​ന്ന് ഉ​പ​ക​ര​ണ​മാ​ക്കു​ന്നു​വെ​ന്നു​മാ​ണ് അ​ദ്ദേ​ഹ​ത്തി​ന്‍റെ ഉ​റ​ച്ച വി​ശ്വാ​സം.

കു​ടും​ബം

തി​രു​വി​താം​കൂ​ർ മ​ഹാ​രാ​ജാ​വി​ന്‍റെ മു​ഖ്യ​വൈ​ദ്യ​നും തി​രു​വ​ന​ന്ത​പു​രം ആ​യു​ർ​വേ​ദ കോ​ള​ജി​ന്‍റെ പ്ര​ഥ​മ പ്രി​ൻ​സി​പ്പ​ലു​മാ​യി​രു​ന്ന മാ​ട​ശേ​രി​ൽ നാ​രാ​യ​ണ​പി​ള്ള വൈ​ദ്യ​ന്‍റെ സ​ഹോ​ദ​രീ​പു​ത്ര​ൻ എം.​എ​ൻ. രാ​മ​കൃ​ഷ്ണ​പി​ള്ള​യു​ടെ​യും പ​ല്ല​വ​ന ക​ല​വ​റ കു​ടും​ബാം​ഗ​മാ​യ സ​രോ​ജ​നി​യ​മ്മ​യു​ടെ​യും മ​ക​ൾ ജ​യ​ശ്രീ​യാ​ണ് ഡോ. ​രാ​ധാ​കൃ​ഷ്ണ​ന്‍റെ ഭാ​ര്യ. മ​ക്ക​ൾ: ഡോ. ​ജ​യ​കൃ​ഷ്ണ​ൻ ( ദ​ക്ഷി​ണാ​ഫ്രി​ക്ക​യി​ലെ സി​സി​ലി​യ മ​ഖി​വാ​നെ ആ​ശു​പ​ത്രി​യി​ൽ സ​ർ​ജി​ക്ക​ൽ വി​ഭാ​ഗം ത​ല​വ​ൻ). മ​ക​ൾ: പ്രി​യ (സ്വി​റ്റ്സ​ർ​ല​ൻ​ഡ്) മ​രു​മ​ക്ക​ൾ: സു​നി​ൽ ശേ​ഖ​ർ, ല​ക്ഷ്മി.

ജി​മ്മി ഫി​ലി​പ്പ്


Copyright @ 2022 , Rashtra Deepika Ltd.