പറന്നുയരാൻ ഉന്നതവിദ്യാഭ്യാസം
പ്ര​ഫ​ഷ​ണ​ൽ വി​ദ്യാ​ഭ്യാ​സ​രം​ഗ​ത്ത് ര​ക്ഷി​താ​ക്ക​ൾ​ക്കും വി​ദ്യാ​ർ​ഥി​ക​ൾ​ക്കും വേ​ണം കാ​ലോ​ചി​ത​മായ ബോ​ധ്യ​ങ്ങ​ളും തി​രി​ച്ച​റി​വും. എ​ൻ​ട്ര​ൻ​സ് എ​ന്നാ​ൽ എ​ൻ​ജി​നി​യ​റിം​ഗ്, മെ​ഡി​ക്ക​ൽ എ​ന്നു മാ​ത്രം ധ​രി​ച്ചി​രി​ക്കു​ന്നു സ​മൂ​ഹം. രാ​ജ്യ​ത്ത് ഇ​രു​ന്നൂ​റി​ൽ​പ​രം എ​ൻ​ട്ര​ൻ​സ് പ​രീ​ക്ഷ​ക​ളും ര​ണ്ടാ​യി​രം കോ​ഴ്സു​ക​ളു​മു​ണ്ടാ​യി​രി​ക്കെ ഇ​തേ​ക്കു​റി​ച്ചൊ​ന്നും അ​റി​യാ​ൻ പ​ല​രും താ​ത്​പ​ര്യ​പ്പെ​ടു​ന്നി​ല്ല. എ​വി​ടെ​യാ​ണ് ജോ​ലി സാ​ധ്യ​ത, എ​ന്തു പ​ഠി​ക്ക​ണം ഇ​താ​ണ് ത​ല​മു​റ​യു​ടെ ആ​ശ​ങ്ക. കു​ട്ടി​ക​ളു​ടെ അ​ഭി​രു​ചി​യും ക​ഴി​വും അ​റി​ഞ്ഞു​വേ​ണം കോ​ഴ്സു​ക​ൾ തെ​ര​ഞ്ഞെ​ടു​ക്കാ​ൻ. മ​ത്സ​ര പ​രീ​ക്ഷ​ക​ളു​ടെ ഇ​ക്കാ​ല​ത്ത് ഉ​ന്ന​ത വി​ദ്യാ​ഭ്യാ​സം, ക​രി​യ​ർ എ​ന്നി​വ​യി​ലെ അ​തി​കാ​യ​ൻ ക​രി​യ​ർ ഗു​രു ഡോ. ​പി.​ആ​ർ വെ​ങ്കി​ട്ട​രാ​മ​ൻ ദീ​പി​ക​യ്ക്ക് ന​ൽ​കി​യ അ​ഭി​മു​ഖം.

പ്ര​ഫ​ഷ​ണ​ൽ വി​ദ്യാ​ഭ്യാ​സ​രം​ഗ​ത്തെ വ​ർ​ത്ത​മാ​നകാ​ല സാ​ഹ​ച​ര്യം ?

മ​ക്ക​ൾ എ​പ്പോ​ഴും മാ​താ​പി​താ​ക്ക​ളു​ടെ നി​രീക്ഷ​ണ​ത്തി​ലാ​വ​ണം. മ​ക്ക​ളു​ടെ അ​ഭി​രു​ചി ര​ക്ഷി​താ​ക്ക​ൾ അ​റി​യ​ണം. ഇ​ന്ന​ത്തെ മ​ക്ക​ളി​ൽ ക​ഠി​നാ​ധ്വാ​ന മ​നോ​ഭാ​വം കു​റ​ഞ്ഞി​രി​ക്കു​ന്നു. പ​ഠ​ന​ത്തി​ലും തൊ​ഴി​ല​ന്വേ​ഷ​ണത്തി​ലും ക​ഴി​ഞ്ഞ ത​ല​മു​റ​യ്ക്കു​ണ്ടാ​യി​രു​ന്ന ക​ഠി​നാ​ധ്വാ​നം ഇ​ക്കാ​ല​ത്തെ മ​ക്ക​ളി​ൽ കാ​ണാ​നാ​കു​ന്നി​ല്ല.​ഏ​റെ അ​ധ്വാ​നി​ച്ച് പ​ണ​മു​ണ്ടാ​ക്കി​യാ​ണ് ര​ക്ഷി​താ​ക്ക​ൾ ഇ​ക്കാ​ല​ത്ത് മ​ക്ക​ളെ പ​ഠി​പ്പി​ക്കു​ന്ന​ത്. ഈ ​തി​രി​ച്ച​റി​വ് കു​ട്ടി​ക​ളി​ൽ കാ​ണു​ന്നി​ല്ല. പൊ​തു​വാ​യ​ന ഇ​ക്കാ​ല​ത്തെ കു​ട്ടി​ക​ളി​ൽ ഏ​റെ കു​റ​വാ​ണ്. വി​ജ്ഞാ​നം പ​ര​തി​യെ​ടു​ക്കാ​ൻ കു​ട്ടി​ക​ൾ​ക്ക് താ​ത്പ​ര്യ​മി​ല്ല.

പ്ര​ഫ​ഷ​ണ​ൽ കോ​ഴ്സു​ക​ളെ​യും സാ​ധ്യ​ത​ക​ളെ​യും കു​റി​ച്ച് ര​ക്ഷി​താ​ക്ക​ളാ​ണ് ഇ​ക്കാ​ല​ത്ത് അ​ന്വേ​ഷ​ണം ന​ട​ത്തു​ന്ന​ത്. മ​ക്ക​ൾ അ​ല​സ​രാ​യി​ക്കെ​യും മാ​താ​പി​താ​ക്ക​ൾ​ക്കാ​ണ് ആ​ശ​ങ്ക. മ​ക​ൻ പ​ഠി​ച്ചു ജോ​ലി കി​ട്ട​ണം എ​ന്ന ഒ​റ്റ ല​ക്ഷ്യ​മേ മാ​താ​പി​താ​ക്ക​ൾ​ക്കു​ള്ളു. മ​ക്ക​ളു​ടെ അ​ഭി​രു​ചി നോ​ക്കി​യ​ല്ല മാ​താ​പി​താ​ക്ക​ളു​ടെ താ​ൽ​പ​ര്യ​ത്തി​ലാ​ണ് പ​ല​പ്പോ​ഴും കു​ട്ടി​ക​ൾ കോ​ഴ്സു​ക​ൾ തെ​ര​ഞ്ഞെ​ടു​ക്കു​ന്ന​ത്. ഈ ​മ​നോ​ഭാ​വം മാ​റി​യേ പ​റ്റു.

കേ​ര​ള​ത്തി​ൽ ന​ല്ലൊ​രു ശ​ത​മാ​നം കു​ടും​ബ​ങ്ങ​ളും സാ​ന്പ​ത്തി​ക​മാ​യി ഭ​ദ്ര​ത നേ​ടി​ക്ക​ഴി​ഞ്ഞി​രി​ക്കു​ന്നു. കേ​ര​ള​ത്തി​ൽ 22 ശ​ത​മാ​നം അ​ച്ഛ​ന​മ്മ​മാ​ർ വ​രു​മാ​ന​വും തൊ​ഴി​ലു​മു​ള്ള​വ​രാ​ണ്. പ​ണ​വും ആ​ഡം​ബ​ര​വും ഭ​ദ്ര​ത​യും വ​ന്നു​ചേ​ർ​ന്ന​തോ​ടെ മ​ക്ക​ൾ അ​ല​സ​ൻ​മാ​രാ​യി മാ​റി​യി​രി​ക്കു​ന്നു. വ​ട​ക്കേ ഇ​ന്ത്യ​യി​ൽ 11 ശ​ത​മാ​നം മാ​ത്ര​മാ​ണ് ര​ക്ഷി​താ​ക്ക​ൾ ജോ​ലി​ക്കാ​ർ. അ​തേ സ​മ​യം അ​വി​ടെ കു​ട്ടി​ക​ൾ ഇ​വി​ട​ത്തേ​ക്കാ​ൾ ക​ഠി​നാ​ധ്വാ​നി​ക​ളാ​ണ്. കേ​ര​ള​ത്തി​ൽ മ​ക്ക​ൾ ന​ട​ത്തേ​ണ്ട പ​ഠ​നം​കൂ​ടി ര​ക്ഷി​താ​ക്ക​ൾ ഏ​റ്റെ​ടു​ത്തി​രി​ക്കു​ന്നു. പ​രീ​ക്ഷ​കൂ​ടി ര​ക്ഷി​താ​ക്ക​ൾ എ​ഴു​തി ത​ങ്ങ​ളെ ര​ക്ഷ​പ്പെ​ടു​ത്ത​ട്ടെ എ​ന്ന ചി​ന്ത​യാ​ണ് ചി​ല കു​ട്ടി​ക​ളു​ടെ​യും മ​നോ​ഭാ​വം.

എ​ന്നു തു​ട​ങ്ങ​ണം എ​ൻ​ട്ര​ൻ​സ് പ​രി​ശീ​ല​നം?

ഞാ​ൻ ആ​രാ​യി​ത്തീ​ര​ണം എ​ന്ന ചി​ന്ത ഏ​ഴാം ക്ലാ​സി​ൽ പ​ഠി​ക്കു​ന്പോ​ൾ കു​ട്ടി​ക​ളി​ൽ ഉ​ണ്ടാ​ക​ണം. മാ​താ​പി​താ​ക്ക​ൾ അ​ത്ത​ര​ത്തി​ൽ ല​ക്ഷ്യ​ബോ​ധ​ത്തി​ന് ചി​ന്ത പ​ക​ര​ണം. ക​രി​യ​ർ ഫോ​ർ​മേ​ഷ​ൻ എ​ട്ടാം ക്ലാ​സി​ൽ തു​ട​ങ്ങ​ണം. ഒ​ൻ​പ​താം ക്ലാ​സി​ൽ മ​ത്സ​ര​പ​രീ​ക്ഷ​ക​ൾ​ക്കു​ള്ള അ​ടി​ത്ത​റ​യി​ട​ണം. പ​ത്താം ക്ലാ​സി​ൽ പ്ല​സ് വ​ണ്‍, പ്ല​സ് ടു ​വി​ഷ​യ​ങ്ങ​ൾ പ​ഠി​ക്ക​ണം. പ്ല​സ് വ​ണ്‍, പ്ല​സ് ടു ​ക്ലാ​സു​ക​ളി​ൽ മ​ത്സ​ര​പ​രീ​ക്ഷ​ക​ൾ​ക്ക് ത​യാ​റാ​വു​ക. ന​മ്മു​ടെ നാ​ട്ടി​ലാ​വ​ട്ടെ പ്ല​സ് ടു ​ക​ഴി​ഞ്ഞ് മേ​യ് മാ​സ​മെ​ത്തി​യാ​ലും ഇ​നി എ​ന്തു പ​ഠി​ക്ക​ണ​മെ​ന്നു കു​ട്ടി​ക​ൾ​ക്ക് അ​റി​വി​ല്ല.

ഉ​ന്ന​ത കോ​ഴ്സു​ക​ളെ​പ്പ​റ്റി ചി​ന്തി​ക്കൂ. കേ​ര​ള​ത്തി​നു പു​റ​ത്ത് 90 ശ​ത​മാ​നം കോ​ള​ജു​ക​ളി​ലും ഉ​പ​രി​പ​ഠ​ന​ത്തി​നു​ള്ള അ​ഡ്മി​ഷ​നു​കൾ പൂ​ർ​ത്തി​യാ​ക്കി ക​ഴി​ഞ്ഞി​രി​ക്കു​ന്നു. കേ​ര​ള​ത്തി​ൽ മാ​ത്ര​മെ അ​ഡ്മി​നി​ഷ​ൻ ന​ട​പ​ടി​ക​ൾ ഇ​ത്ത​ര​ത്തി​ൽ വൈ​കു​ന്നു​ള്ളു.

വ​ട​ക്കേ ഇ​ന്ത്യ​യി​ൽ അ​ഡ്മി​ഷ​നു​ക​ൾ ക​ഴി​ഞ്ഞു. കേ​ര​ള​ത്തി​ലെ കു​ട്ടി​ക​ൾ തീ​രു​മാ​ന​മെ​ടു​ത്തി​ട്ടി​ല്ല. കേ​ര​ള​ത്തി​ലെ കോ​ള​ജു​ക​ളി​ൽ മാ​ത്രം പ​ഠ​നം, ഇ​വി​ടെ മാ​ത്രം സാ​ധ്യ​ത എ​ന്ന​താ​ണ് ന​മ്മു​ടെ കു​ട്ടി​ക​ളു​ടെ ധാ​ര​ണ. കു​ട്ടി​ക​ളെ പൊ​തു​വെ ര​ണ്ടാ​യി തി​ര​ിക്കാം. പ​ഠ​ന​ത്തി​ൽ അ​തി​മി​ടു​ക്ക​രാ​യ​വ​ർ ഇ​വി​ടെ പ​ഠി​ച്ചാ​ലും ര​ക്ഷ​പ്പെ​ടും. ഇ​ട​ത്ത​ര​ക്കാ​ർ, അ​താ​യ​ത് 70- 80 ശ​ത​മാ​ന​ത്തി​ൽ താ​ഴെ മാ​ർ​ക്കു​ള്ള​വ​ർ അ​വ​ർ ബ്രി​ല്ല്യ​ന്‍റാ​യി​ട്ടു​ള്ള സ്ഥാ​പ​ന​ങ്ങ​ളി​ൽ പോ​യി പ​ഠി​ച്ചാ​ലേ ര​ക്ഷ​പ്പെ​ടു. നി​ർ​ഭാ​ഗ്യ​വ​ശാ​ൽ ഇ​ത്ത​രം സ്ഥാ​പ​ന​ങ്ങ​ളേ​റെ​യും കേ​ര​ള​ത്തി​നു പു​റ​ത്താ​ണ്. അ​വി​ടെ ഒ​ക്ടോ​ബ​ർ, ന​വം​ബ​റി​ൽ ത​ന്നെ അ​ഡ്മി​ഷ​ൻ ന​ട​പ​ടി​ക​ൾ തു​ട​ങ്ങി മാ​ർ​ച്ച്, ഏ​പ്രി​ലി​ൽ പൂ​ർ​ത്തി​യാ​കും. അ​നു​ഭ​വ​ത്തി​ൽ കേ​ര​ള​ത്തി​ലെ കു​ട്ടി​ക​ൾ ഒ​രു വ​ർ​ഷം പി​ന്നി​ലാ​ണ്.

എ​ന്താ​ണ് വാ​യി​ക്കേ​ണ്ട​ത്, എ​ങ്ങ​നെ പ​ഠി​ക്ക​ണം?

ഇ​ക്കാ​ല​ത്ത് ഒ​രു മ​ത്സ​ര​പ്പ​രീ​ക്ഷ എ​ഴു​താ​തെ ഒ​രു ജോ​ലി​യും കി​ട്ടി​ല്ല. 165 മ​ത്സ​ര പ​രീ​ക്ഷ​ക​ൾ രാ​ജ്യ​ത്ത് ഒ​രു വ​ർ​ഷം ന​ട​ക്കു​ന്നു​ണ്ട്. എ​ല്ലാ മ​ത്സ​ര പ​രീ​ക്ഷ​ക​ളി​ലും മൂ​ന്നു വി​ഷ​യ​ങ്ങ​ൾ നി​ർ​ബ​ന്ധ​മാ​ണ്. ക​ണ​ക്ക്, ഇം​ഗ്ളീ​ഷ്, പൊ​തു​വി​ജ്ഞാ​നം. ഈ ​മൂ​ന്നു വി​ഷ​യ​ങ്ങ​ളി​ലും ന​മ്മ​ൾ പി​ന്നോ​ക്ക​മാ​ണ്. പ്ര​ത്യേ​കി​ച്ചു ക​റ​ന്‍റ് അ​ഫ​യേ​ഴ്സി​ൽ നാം ​വ​ട്ട​പ്പൂ​ജ്യ​മാ​ണ്. ടി​വി​യും ഇ​ന്‍റ​ർ​നെ​റ്റു​മ​ല്ല അ​ച്ച​ടി​ച്ചു വ​രു​ന്ന​താ​ണ് ഏ​റെ​ക്കാ​ര്യ​ങ്ങ​ളി​ലും അ​ധി​കാ​രി​ക​ൾ. അ​തി​നാ​ൽ ന​ല്ല പ​ത്ര​ങ്ങ​ളും പ്ര​സി​ദ്ധീ​ക​ര​ണ​ങ്ങ​ളും വാ​യി​ക്ക​ണം, നോ​ട്ടു കു​റി​ക്ക​ണം, സൂ​ക്ഷി​ച്ചു​വ​യ​ക്ക​ണം. സോ​ഷ്യ​ൽ മീ​ഡി​യ​ക​ളി​ൽ വ​രു​ന്ന​തി​നൊ​ക്കെ ഉ​ത്ത​ര​വാ​ദി​ത്വം ആ​ർ​ക്കു​മി​ല്ല. പ​ക്ഷെ അ​ച്ച​ടി മാ​ധ്യ​മ​ത്തി​ൽ ഉ​ത്ത​ര​വാ​ദി​ത്വം പ​റ​യേ​ണ്ട ചു​മ​ത​ല​ക്കാ​രു​ണ്ട്.

എ​ല്ലാ​വ​രും എ​ൻ​ജി​നിയ​റിം​ഗ്, മെ​ഡി​ക്ക​ൽ രം​ഗ​ത്തേ​ക്കു പോ​യി​ട്ടു കാ​ര്യ​മു​ണ്ടോ?

എ​ൻ​ജി​നിയ​റിം​ഗും മെ​ഡി​ക്ക​ലും ഇ​ക്കാ​ല​ത്ത് പ​രാ​ക്ര​മം പി​ടി​ച്ച ആ​വേ​ശ​മേ​ഖ​ല​യാ​യി മാ​റി​യി​ട്ടു​ണ്ട്. അ​ത് ഏ​റ്റ​വും മെ​ച്ച​പ്പെ​ട്ട മേ​ഖ​ല​യാ​ണെ​ന്ന​തി​ൽ ത​ർ​ക്ക​വും വേ​ണ്ട. സാ​ന്പ​ത്തി​ക​വും ജീ​വി​ത നി​ല​വാ​ര​വും കേ​ര​ള​ത്തി​ൽ ഉ​യ​ർ​ന്ന​തോ​ടെ എ​ല്ലാ​വ​രും മ​ക്ക​ൾ എ​ൻ​ജി​നി​യ​റോ ഡോ​ക്ട​റോ ആ​വ​ണ​മെ​ന്ന അ​തി​മോ​ഹ​ത്തി​ലാ​ണ്. മ​ക്ക​ളു​ടെ അ​ഭി​രു​ചി​യോ ക​ഴി​വോ താ​ത്പ​ര്യ​മോ ചോ​ദി​ക്കാ​തെ ഇ​തി​ലേ​ക്ക് ത​ള്ളി​വി​ടു​ന്ന പ്ര​വ​ണ​ത​യാ​ണ് കാ​ണാ​നാ​വു​ക. പ​ക്ഷെ, എ​ന്‍റെ കു​ട്ടി​ക്ക് ഈ ​കോ​ഴ്സ് പ​ഠി​ക്കാ​ൻ ക​ഴി​വും പ്രാ​പ്തി​യു​മു​ണ്ടോ എ​ന്ന് അ​റി​യു​ക​യും ചോ​ദി​ക്കു​ക​യും ചെ​യ്തി​ട്ടു​വേ​ണ്ടേ ഇ​തി​ലേ​ക്ക് അ​യ​യ്ക്കാ​ൻ. പ​ഠി​ക്കാ​ൻ ക​ഴി​വി​ല്ലാ​ത്ത​യാ​ൾ പ​ഠി​ക്കാ​ൻ പ​റ്റാ​ത്ത കോ​ഴ്സ് പ​ഠി​ക്ക​ണമെ​ന്നു ശ​ഠി​ച്ചാ​ൽ കു​ട്ടി​യും കോ​ഴ്സും സ്ഥാ​പ​ന​വും ബു​ദ്ധി​മു​ട്ടി​ലാ​കും. ക​ഴി​വി​ല്ലാ​ത്ത കു​ട്ടി​ക​ളെ ത​ള്ളി​ക്ക​യ​റ്റു​ന്ന സാ​ഹ​ച​ര്യ​ത്തി​ലാ​ണ് കേ​ര​ള​ത്തി​ലെ ന​ല്ലൊ​രു ശ​ത​മാ​നം എ​ൻ​ജി​നിയ​റിം​ഗ് കോ​ള​ജു​ക​ളും പൂ​ട്ടാ​ൻ നി​ർ​ബ​ന്ധി​ത​മാ​യി​രി​ക്കു​ന്ന​ത്.

പ​ഠ​ന​ത്തി​ൽ ര​ണ്ട് ആ​വ​ശ്യ​വു​മു​ണ്ട്. ഒ​ന്നു മെ​റി​റ്റ്, മ​റ്റൊ​ന്നു മ​ണി (പ​ണം). പ​ണം കൈ​യി​ലു​ള്ള​വ​ർ​ക്ക് ഏ​തു കോ​ള​ജി​ലും സീ​റ്റ് വി​ല​യ്ക്കു​വാ​ങ്ങാം. മെ​റി​റ്റ് ഇ​ല്ലാ​ത്ത​തി​നാ​ൽ പ​ഠി​ക്കാ​ൻ പ​റ്റു​ന്നി​ല്ല. തു​ന്പി​യെ​ക്കൊ​ണ്ട് ക​ല്ലെ​ടു​പ്പി​ക്കു​ന്ന സാ​ഹ​ച​ര്യ​മാ​ണ് പ​ല​യി​ട​ങ്ങ​ളി​ലും കാ​ണാ​നാ​വു​ക. അ​തി​നാ​ൽ പ​ല​രും കോ​ഴ്സ് ഇ​ട​യ്ക്കു മ​തി​യാ​ക്കി പ​ഠ​നം അ​വ​സാ​നി​പ്പി​ക്കാ​ൻ നി​ർ​ബ​ന്ധി​ത​രാ​കു​ന്നു. ബി​ടെ​ക് മേ​ഖ​ല​യി​ൽ പ​കു​തി​യോ​ളം പേ​രും പ​രാ​ജ​യ​പ്പെ​ട്ടു പി​ൻ​മാ​റേ​ണ്ടി വ​രു​ന്നു. മെ​ഡി​ക്ക​ൽ മേ​ഖ​ല​യി​ൽ ര​ണ്ടാ​യി​ര​ത്തോ​ളം കോ​ഴ്സു​ക​ൾ നി​ല​വി​ലു​ണ്ട്. ഇ​തി​ൽ പ​ഠി​ക്കാ​ൻ പ​റ്റു​ന്ന​തും സാ​ധ്യ​ത​യു​ള്ള​തും തെ​ര​ഞ്ഞെ​ടു​ക്ക​ണ​മെ​ന്നു മാ​ത്രം. പ​ല​ർ​ക്കും ഇ​തേ​ക്കു​റി​ച്ച​റി​യി​ല്ല. മെ​ഡി​സി​ൻ, എ​ൻ​ജി​നിയ​റിം​ഗ്, എം​ബി​എ, ദ​ന്ത​ൽ തു​ട​ങ്ങി എ​ട്ടോ ഒ​ൻ​പ​തോ കോ​ഴ്സു​ക​ളേ​ക്കു​റി​ച്ചേ ന​മ്മു​ടെ സ​മൂ​ഹ​ത്തി​ന് അ​റി​വു​ള്ളു. വ​ൻ സാ​ധ്യ​ത​യു​ള്ള മ​റ്റ് പ്ര​ഫ​ഷ​ണ​ൽ കോ​ഴ്സു​ക​ളെ​ക്കു​റി​ച്ച് അ​ന്വേ​ഷി​ക്കാ​നോ അ​റി​യാ​നോ പോ​ലും ര​ക്ഷി​താ​ക്ക​ൾ​ക്കു മ​ന​സി​ല്ല.

പ്ര​ഫ​ഷ​ണ​ൽ രം​ഗ​ത്ത് കേ​ര​ള​ത്തി​ന്‍റെ പ​രി​മി​തി?

മ​ക്ക​ൾ പ​ഠി​ക്കു​ന്ന കോ​ഴ്സ് മാ​താ​പി​താ​ക്ക​ൾ​ക്ക് സ​മൂ​ഹ​ത്തി​ലും സ​ദ​സി​ലും ഒ​രു സ്റ്റാ​റ്റ​സി​ന്‍റെ ഭാ​ഗ​മാ​യി​രി​ക്കു​ന്നു. കു​ട്ടി ബി​എ​സ്​സി​ക്കോ ബി​എ​യ്ക്കോ ആ​ണു പ​ഠി​ക്കു​ന്ന​തെ​ന്നു കേ​ട്ടാ​ൽ എ​ന്താ പ​ഠ​ന​ത്തി​ൽ പി​ന്നോ​ട്ടു​പോ​യ​ത് എ​ന്നതാണ് പ​ല​രു​ടെ​യും ചോ​ദ്യം. ന​മ്മു​ടെ രാ​ജ്യ​ത്ത് ര​ണ്ടാ​യി​ര​ത്തി​ല​ധി​കം കോ​ഴ്സു​ക​ൾ പ​ഠി​ക്കാ​ൻ അ​വ​സ​ര​മു​ണ്ട്. ഇ​ത് വെ​ബ് സൈ​റ്റി​ൽ ലി​സ്റ്റ് ചെ​യ്തെ​ടു​ക്കാ​ൻ യാ​തൊ​രു ബു​ദ്ധി​മു​ട്ടു​മി​ല്ല. പു​തി​യ കോ​ഴ്സു​ക​ളെ​ക്കു​റി​ച്ച് നാം ​അ​ജ്ഞ​രാ​ണ്. ഗ​തി​കേ​ടെ​ന്നു പ​റ​യെ​ട്ടെ അ​ൻ​പ​തു കൊ​ല്ലം മു​ൻ​പു തു​ട​ങ്ങി​യ​തും കേ​ര​ള​ത്തി​നു പു​റ​ത്ത് നി​റു​ത്ത​ലാ​ക്കി​യ​തു​മാ​യ ഡി​ഗ്രി കോ​ഴ്സു​ക​ളാ​ണ് കേ​ര​ള​ത്തി​ലെ ന​ല്ലൊ​രു ശ​ത​മാ​നം കോ​ള​ജു​ക​ളി​ലും ഇ​പ്പോ​ഴും പ​ഠി​പ്പി​ക്കു​ന്ന​ത്. ത​മി​ഴ് നാ​ട്, ക​ർ​ണാ​ട​കം, രാ​ജ​സ്ഥാ​ൻ തു​ട​ങ്ങി മ​റ്റ് സം​സ്ഥാ​ന​ങ്ങ​ളി​ലെ സ​ർ​വ​ക​ലാ​ശാ​ല​ക​ളി​ൽ നാം ​കേ​ട്ടി​ട്ടി​ല്ലാ​ത്ത​തും തൊ​ഴി​ല​വ​സ​ര​മു​ള്ള​തു​മാ​യ എ​ത്ര​യോ കോ​ഴ്സു​ക​ൾ പ​ഠി​പ്പി​ക്കു​ന്നു.

ഫി​സി​ക്സ്, കെ​മി​സ്ട്രി, ബോ​ട്ട​ണി, സു​വോ​ള​ജി തു​ട​ങ്ങി പ​ര​ന്പ​രാ​ഗ​ത ബി​ദു​ദ ബി​രു​ദാ​ന​ന്ത​ര കോ​ഴ്സു​ക​ളാ​ണ് ഈ ​ന​വ​യു​ഗ​ത്തി​ലും ഇ​വി​ടെ പ​ഠി​പ്പി​ക്കു​ന്ന​ത്.​കേ​ര​ളം ജോ​ലി സാ​ധ്യ​ത​യി​ൽ ഏ​റ്റ​വും പി​ന്നി​ലു​ള്ള തൊ​ഴി​ൽ വി​പ​ണി​യാ​ണ്. കേ​ര​ള​ത്തി​നു പു​റ​ത്താ​ണ് ജോ​ലി സാ​ധ്യ​ത​ക​ൾ. വ്യ​വ​സാ​യ​വും ബി​സി​ന​സു​മൊ​ക്കെ കേ​ര​ള​ത്തി​നു പു​റ​ത്താ​ണ്. ആ ​നി​ല​യി​ൽ ഈ ​വി​ജ്ഞാ​ന​വു​മാ​യി ജോ​ലി തേ​ടി ദേ​ശീ​യ​ത​ല​ത്തി​ൽ മ​ത്സ​ര​പ​രീ​ക്ഷ എ​ഴു​തു​ന്പോ​ൾ ന​മ്മു​ടെ കു​ട്ടി​ക​ൾ പി​ന്നി​ൽ പോ​കു​ന്നു.​ ന​മ്മു​ടെ ന്യൂ ​ജ​ന​റേ​ഷ​ൻ ഓ​ട്ടോ​ണ​മ​സ് കോ​ള​ജു​ക​ൾ കു​റെ പു​തി​യ കോ​ഴ്സു​ക​ൾ തു​ട​ങ്ങി​യി​ട്ടു​ണ്ട്. നി​ർ​ഭാ​ഗ്യ​വ​ശാ​ൽ കോ​ഴ്സു​ക​ൾ ന​ല്ല​താ​ണ്, പ​ക്ഷെ ചി​ല സ്ഥാ​പ​ന​ങ്ങ​ൾ​ക്കെ​ങ്കി​ലും മി​ക​വു പോ​രാ.

ഭാ​വി​യി​ലെ ജോ​ലി സാ​ധ്യ​ത എ​വി​ടെ?

എ​ൻ​ജി​നിയ​റിം​ഗ് മേ​ഖ​ല​യി​ൽ ജോ​ലി സാ​ധ്യ​ത ഏ​റെ​ക്കു​റെ തീ​ർ​ന്നു​വ​രി​ക​യാ​ണ്. ഒ​രു വ​ർ​ഷം ഇ​ന്ത്യ​യി​ൽ 5.83 ല​ക്ഷം പേ​ർ എ​ൻ​ജി​നി​യ​റിം​ഗ് പാ​സാ​യി പു​റ​ത്തി​റ​ങ്ങു​ന്നു. ഇ​ത്ര​യും പേ​ർ​ക്ക് ജോ​ലി അ​വ​സ​ര​ങ്ങ​ൾ രാ​ജ്യ​ത്തി​ല്ല. ഒ​രു ല​ക്ഷ​ത്തി​ൽ താ​ഴെ​യാ​ണ് ഇ​വി​ടെ ഓ​രോ വ​ർ​ഷ​ത്തെ​യും ജോ​ലി സാ​ധ്യ​ത. ഈ ​സാ​ഹ​ച​ര്യ​ത്തി​ൽ എ​ൻ​ജി​നിയ​റിം​ഗ് പാ​സാ​യ​വ​രി​ൽ 58 ശ​ത​മാ​നം പേ​രും ബാ​ങ്കു ജോ​ലി തേ​ടി പോ​കു​ക​യാ​ണ്. ബാ​ങ്കു​ക​ളി​ൽ ക്ലാ​ർ​ക്കും ഓ​ഫീ​സ​റു​മാ​യി പോ​കു​ന്ന​തേ​റെ​യും ഇ​ക്കാ​ല​ത്ത് ബി​ടെ​ക്കു​കാ​രാ​ണ്. അ​തും ബാ​ങ്ക് പ​രീ​ക്ഷ എ​ഴു​താ​ൻ എ​ൻ​ട്ര​ൻ​സ് പ​രിശീ​ല​നം നേ​ടി​യ​തി​നു​ശേ​ഷം. പ​ഴ​യ പ്ല​സ് ടു, ​ബി​കോം കാ​രു​ടെ ജോ​ലി​യാ​ണ് എ​ൻ​ജി​നി​യ​ർ നേ​ടി​യെ​ടു​ക്കു​ന്ന​തെ​ന്നു മ​ന​സി​ലാ​ക്ക​ണം.

മെ​ഡി​ക്ക​ൽ മേ​ഖ​ല​യി​ൽ വ​ലി​യ ആ​ശ​ങ്ക കാ​ണു​ന്നി​ല്ല. അ​ഞ്ഞൂ​റി​ൽപ​രം കോ​ള​ജു​ക​ളും 55000 സീ​റ്റു​ക​ളു​മേ ഈ ​മേ​ഖ​ല​യി​ലു​ള്ളു. ലോ​കാ​രോ​ഗ്യ സം​ഘട​ന​യു​ടെ നി​ർ​ദേ​ശം 80 രോ​ഗി​ക​ൾ​ക്ക് ഒ​രു ഡോ​ക്ട​ർ എ​ന്ന​താ​ണ്. ഇ​പ്പോ​ൾ 240 പേ​ർ​ക്ക് ഒ​രു ഡോ​ക്ട​ർ എ​ന്ന​താ​ണ് സ്ഥി​തി. അ​ങ്ങ​നെ നോ​ക്കി​യാ​ൽ മൂ​ന്നി​ര​ട്ടി ഡോ​ക്ട​ർ​മാ​രു​ടെ കൂ​ടി ഒ​ഴി​വ് സ​മീ​പ​ഭാ​വി​യി​ൽ വ​രും. പ​ക്ഷെ എ​ൻ​ജി​നി​യ​റിം​ഗ് കോ​ള​ജ് സ്ഥാ​പി​ക്കു​ന്ന വേ​ഗ​ത്തി​ൽ മെ​ഡി​ക്ക​ൽ കോ​ള​ജ് തു​ട​ങ്ങാ​നാ​വി​ല്ല. 80 കോ​ടി രു​പ​യു​ണ്ടെ​ങ്കി​ൽ എ​ൻ​ജി​നിയ​റിം​ഗ് കോ​ള​ജ് തു​ട​ങ്ങാം. 500 കോ​ടി​യെ​ങ്കി​ലും വേ​ണം മെ​ഡി​ക്ക​ൾ കോ​ള​ജ് തു​ട​ങ്ങാ​ൻ. പാ​രാ​മെ​ഡി​ക്ക​ൽ കോ​ഴ്സു​ക​ളി​ലും വ​ലി​യ സാ​ധ്യ​ത ബാ​ക്കി നി​ൽ​ക്കു​ന്നു. ട്രാ​വ​ൽ ആ​ൻ​ഡ് ടൂ​റി​സ​ത്തി​നും ഹോ​ട്ട​ൽ മാ​നേ​ജു​മെ​ന്‍റി​നും കേ​ര​ള​ത്തി​ൽ സാ​ധ്യ​ത ബാ​ക്കി​യു​ണ്ട്. ഐ​ടി​ക്കും ഭാ​വി​യു​ണ്ട്.

എ​ല്ലാ​വ​രും ജോ​ലി​ക്കാ​യി നെ​ട്ടോ​ട്ട​മോ​ടു​ന്ന​തി​നാ​ലും യോ​ഗ്യ​ത​യു​ള്ള​വ​രു​ടെ എ​ണ്ണം കൂ​ടി വ​രു​ന്ന​തി​നാ​ലും ഇ​വി​ടെ അ​ർ​ഹ​മാ​യ വേ​ത​നം കി​ട്ടു​ന്നി​ല്ലെ​ന്ന​ത് വാ​സ്ത​വം. പ്ര​ത്യേ​കി​ച്ചും ടീ​ച്ചിം​ഗ്, ന​ഴ്സിം​ഗ് മേ​ഖ​ല​യി​ൽ. അ​ധ്യാ​പ​ക​ർ വ​ട​ക്കേ ഇ​ന്ത്യ​യി​ലേ​ക്കും മ​റ്റും പോ​ക​ട്ടെ. പ​ല​യി​ട​ങ്ങ​ളിലും ന​ല്ല ശന്പ​ളം ഉ​റ​പ്പാ​ണ്.

ഇ​ന്ത്യ വ​ള​രു​ന്ന സ​ന്പ​ദ് വ്യ​വ​സ്ഥ​യാ​ണ്. ആ​രു ഭ​രി​ച്ചാ​ലും സ​ർ​ക്കാ​ർ മാ​റി വ​ന്നാ​ലും എ​ൻ​ജി​നി​യ​റിം​ഗ് ആ​ൻ​ഡ് ടെ​ക്നോ​ള​ജി മേ​ഖ​ല വ​ളർ​ന്നു​കൊ​ണ്ടി​രി​ക്കും. അ​വി​ടെ ജോ​ലി സാ​ധ്യ​ത എ​ക്കാ​ല​വും ഉ​ണ്ടാ​യി​രി​ക്കും. വി​ക​സ​ന​സാ​ധ്യ​ത എ​വി​ടെ​യൊ​ക്കെ​യു​ണ്ടോ ആ ​മേ​ഖ​ല​യി​ൽ ജോ​ലി കൂ​ടും. ഇ​ന്ത്യ​യി​ൽ സ​ർ​വീ​സ്, ശാ​സ്ത്ര മേ​ഖ​ല വ​ള​രു​ക​യാ​ണ്. കൊ​മേ​ഴ്സ് ആ​ൻ​ഡ് മാ​നേ​ജു​മെ​ന്‍റി​ലാ​യി​ക്കും ഇ​നി ഏ​റ്റ​വും കൂടുതൽ ജോ​ലി സാ​ധ്യ​ത. ര​ണ്ടാ​മ​ത് എ​ൻ​ജി​നി​റിം​ഗ് ആ​ൻ​ഡ് ടെ​ക്നോ​ള​ജി. പി​ന്നീ​ട് ശാ​സ്ത്ര​മേ​ഖ​ല. അ​തു​ക​ഴി​ഞ്ഞാ​ൽ ഹെ​ൽ​ത്ത് ഉ​ൾ​പ്പെ​ടെ സേ​വ​ന​മേ​ഖ​ല.

കൃ​ഷി​യി​ൽ സാ​ധ്യ​ത?

കേ​ര​ള​ത്തി​ൽ ആ​ളോ​ഹ​രി ഭൂ​വി​സ്തൃ​തി കു​റ​യു​ന്നു. പോ​രെ​ങ്കി​ൽ പു​തി​യ ത​ല​മു​റ​യ്ക്ക് വെ​യി​ൽ കൊ​ള്ളാ​ൻ താ​ൽ​പ​ര്യ​മി​ല്ല. ട്രാ​ക്ട​ർ വ​ന്നാ​ലും മ​റ്റ് യ​ന്ത്രം വ​ന്നാ​ലും വെ​യി​ൽ കൊ​ള്ളാ​നും വി​യ​ർ​ക്കാ​നും മ​നോ​ഭാ​വ​മി​ല്ലെ​ങ്കി​ൽ മ​ണ്ണി​ൽ വി​ള​വു​ണ്ടാ​കു​മോ.

പ​ണം പ​ഠ​ന​ത്തി​ൽ പ​രി​മി​തി​യാ​കു​ന്നി​ല്ലേ?

സാ​ന്പ​ത്തി​ക പ​രി​മി​തി​യു​ടെ പേ​രി​ൽ ഒ​രു പാ​ടു പേ​ർ പ​ഠി​ക്കാ​തെ​യും അ​വ​സ​ര​മി​ല്ലാ​തെ​യും നി​ൽ​ക്കു​ന്ന​താ​യി തോ​ന്നു​ന്നി​ല്ല. ഏ​തു കോ​ഴ്സി​ലും ഒ​ന്നാം നി​ര​യി​ൽ നി​ൽ​ക്കു​ന്ന​വ​ർ​ക്ക് ഒ​രു പൈ​സ​യും മു​ട​ക്കാ​തെ ഏ​തു കോ​ഴ്സും പ​ഠി​ക്കാ​ൻ രാ​ജ്യ​ത്ത് അ​വ​സ​ര​മി​ല്ലേ. പ​ഠി​ക്കാ​തി​രു​ന്നി​ട്ട് പ്ര​വേ​ശ​നം കി​ട്ടി​യി​ല്ല, ലോ​ണ്‍ എ​ടു​ക്കേ​ണ്ടി വ​ന്നു എ​ന്നു പ​റ​യു​ന്ന​തി​ൽ എ​ന്തു കാ​ര്യം. ക​ഠി​നാ​ധ്വാ​നം ചെ​യ്യു. ഏ​തു കോ​ഴ്സി​ലും മെ​റി​റ്റി​ൽ ക​യ​റി​പ്പ​റ്റാം. പൈ​ല​റ്റ് കോ​ഴ്സും എ​യ​്റോ​നോ​ട്ടി​ക്ക​ൽ എ​ൻ​ജി​നിയ​റിം​ഗി​ലു​മൊ​ക്കെ പ​ത്തി​രു​പ​തു ല​ക്ഷം രു​പ മു​ട​ക്കു വ​രും. പ​ക്ഷെ അ​തി​നി​വി​ടെ ജോ​ലി കു​റ​വ​ല്ലേ. മി​ടു​ക്ക​നാ​യ കു​ട്ടി സാ​ധാ​ര​ണ കോ​ഴ്സ് പ​ഠി​ച്ചാ​ലും ര​ക്ഷ​പ്പെ​ടും. അ​വ​ൻ ഒ​ന്നാ​മ​തെ​ത്തു​ന്പോ​ൾ ജോ​ലി ഉ​റ​പ്പാ​ണ്.

പ​ഠന​ത്തി​ൽ അ​ച്ഛ​ന​മ്മ​മാ​രു​ടെ റോ​ൾ എ​ന്താ​വ​ണം?

അ​ച്ഛ​നും അ​മ്മ​യും ത​മ്മി​ലു​ള്ള യോ​ജി​പ്പും വീ​ട്ടി​ലെ സ​മാ​ധാ​ന​വും മ​ക്ക​ളു​ടെ പ​ഠ​ന​ത്തി​ലെ പ്ര​ധാ​ന കാ​ര്യ​മാ​ണ്. മ​ക്ക​ളെ ന​ന്നാ​യി പ്രോ​ത്സാ​ഹി​പ്പി​ക്കു​ന്ന​വ​രും പ​ഠ​ന​ത്തി​ൽ ഉ​ത്സു​ക​രു​മാ​യി​രി​ക്ക​ണം. മ​ക്ക​ളു​ടെ സ്വ​ഭാ​വ രൂ​പീ​ക​ര​ണം അ​ച്ഛ​നും അ​മ്മ​യി​ൽ​നി​ന്നു​മാ​ണ്. ഇക്കാ​ല​ത്തേ​ത് കൂ​ട്ടു​കു​ടും​ബ​മ​ല്ല, അ​ച്ഛ​നും അ​മ്മ​യും ഒ​ന്നോ ര​ണ്ടോ മ​ക്ക​ളും ചേ​രു​ന്ന ചെ​റി​യ കു​ടും​ബ​മാ​ണ്. ഇ​ക്കാ​ല​ത്ത് വ​ല്യ​ച്ഛ​നും വ​ല്യ​മ്മ​യും അ​മ്മാ​വ​നു​മൊ​ന്നും കാ​ര്യ​മാ​യ റോ​ളു​ക​ളി​ല്ലാ​താ​യി. എ​ല്ലാം അ​ച്ഛ​നും അ​മ്മ​യി​ലും ഒ​തു​ങ്ങി. ആ ​നി​ല​യി​ൽ ര​ക്ഷി​താ​ക്ക​ളാ​ണ് എ​ല്ലാ​റ്റി​നും പ്ര​ധാ​നം.

വീ​ട്ടി​ൽ അ​ച്ഛ​നും അ​മ്മ​യും പ​ഠ​ന​മു​റി​യി​ൽ റോ​ൾ മോ​ഡ​ലു​ക​ളാ​വ​ണം. ര​ക്ഷി​താ​ക്ക​ൾ കാ​ര്യ​ങ്ങ​ൾ കു​ട്ടി​ക​ൾ​ക്ക് പ​റ​ഞ്ഞു​കൊ​ടു​ക്ക​ണം. ക​ഠി​നാ​ധ്വാ​ന സ്വ​ഭാ​വം അ​ച്ഛ​നും അ​മ്മ​യ്ക്കു​മു​ണ്ടാ​ക​ണം. ഞാ​ൻ രാ​ത്രി 12 മ​ണി വ​രെ ഇ​ന്‍റ​ർ​നെ​റ്റി​ലും വാ​യ​ന​യി​ലും ചെ​ല​വ​ഴി​ക്കാ​റു​ണ്ട്. അ​തു കാ​ണു​ന്പോ​ൾ എ​ന്‍റെ മ​ക്ക​ൾ​ക്ക് ഉ​റ​ങ്ങാ​ൻ പ​റ്റു​മോ, അ​വ​രും പ​ഠി​ക്കാ​നി​രി​ക്കും.

ഇ​പ്പോ​ഴാ​വ​ട്ടെ അ​ച്ഛ​ന​മ്മ​മാ​ർ ടി​വി​ക്കു മു​ന്നി​ലും സീ​രി​യ​ലു​ക​ൾ​ക്ക് പി​ന്നി​ലും പാ​തി​രാ വ​രെ ഇ​രി​ക്കു​ന്ന സാ​ഹ​ച​ര്യ​ത്തി​ൽ മ​ക്ക​ൾ പ​ഠി​ക്കി​ല്ല. മ​ക്ക​ൾ​ക്കു മു​ന്നി​ൽ അ​ച്ഛ​നും അ​മ്മ​യും എ​പ്പോ​ഴും പ്ര​വ​ർ​ത്തി​ക്കു​ന്ന​വ​രാ​യി​രി​ക്ക​ണം. കു​ട്ടി​യു​ടെ ലൈ​ഫ് പാ​റ്റേ​ണി​ന്‍റെ റോ​ൾ മോ​ഡ​ലാ​യി​രി​ക്ക​ണം ര​ക്ഷി​താ​ക്ക​ൾ. കു​ട്ടി​ക​ളു​ടെ പ​ഠ​ന വി​ഷ​യ​ത്തി​ൽ ഇ​ട​പെ​ട​ണം. പ​റ്റു​ന്ന രീ​തി​യി​ൽ പ​ഠ​ന കാ​ര്യ​ങ്ങ​ൾ ചോ​ദി​ച്ചു​കൊ​ണ്ടി​രി​ക്ക​ണം. പേ​ര​ന്‍റ് സ്റ്റു​ഡ​ന്‍റ്ഷി​പ്പി​ലേ​ക്ക് വ​ര​ണം. അ​ച്ഛ​നും അ​മ്മ​യും പ​ഠി​ക്ക​ണം മ​ക്ക​ളു​ടെ പു​സ്ത​ക​ങ്ങ​ൾ. ബു​ദ്ധി​യെ​ക്കാ​ൾ പ്ര​ധാ​നം സി​സ്റ്റ​മാ​റ്റി​ക്കാ​യ പ​ഠ​ന​മാ​ണ്. ന​ന്നാ​യി വാ​യി​ക്കു​ന്ന​വ​രാവണം വീ​ട്ടി​ലു​ള്ള എ​ല്ലാ അം​ഗ​ങ്ങ​ളും.

റെ​ജി ജോ​സ​ഫ്


Copyright @ 2022 , Rashtra Deepika Ltd.