ഒ​റ്റ​ക്കാ​ലി​ലെ വി​സ്മ​യ​വി​ജ​യം
മ​രം ക​യ​റാ​നും കി​ള​യ്ക്കാ​നും കൃ​ഷി ചെ​യ്യാ​നും യാ​ത്ര ചെ​യ്യാ​നും ബേ​ബി​ച്ചേ​ട്ട​ന് ഒ​രു കാ​ലേ​യു​ള്ളു. ’ര​ണ്ടു കാ​ലു​ള്ള​വ​ർ​ക്കു ചെ​യ്യാ​വു​ന്ന​തെ​ല്ലാം ഒ​രു കാ​ലി​ൽ ജീ​വി​ക്കു​ന്ന എ​നി​ക്കു സാ​ധി​ക്കും. റ​ബ​ർ ടാ​പ്പിം​ഗ് ന​ട​ത്തും. ച​ക്ക പ​റി​ക്കും. പു​ര​യി​ടം കി​ള​യ്ക്കും. ക​പ്പ ന​ടും. പ​ശു​വി​നെ തീ​റ്റും. പാ​ൽ ക​റ​ക്കും. ദൂ​ര യാ​ത്ര​ക​ൾ ന​ട​ത്തും.’ കാ​ഞ്ഞി​ര​പ്പ​ള്ളി കു​ന്നും​ഭാ​ഗം പ​ടി​ഞ്ഞാ​റേ​പ്പ​റ​ന്പി​ൽ പി.​ഡി സെ​ബാ​സ്റ്റ്യ​ൻ എ​ന്ന ബേ​ബി​ച്ചേ​ട്ട​ൻ 34 വ​ർ​ഷം മു​ൻ​പാ​ണ് ജീ​വി​തം വെ​ല്ലു​വി​ളി​യാ​യി ഏ​റ്റെ​ടു​ത്ത​ത്.

നി​ക്കോ​ട്ടി​ൻ ര​ക്ത​ക്കു​ഴ​ലു​ക​ളെ അ​ട​ച്ചു കാ​ലു​ക​ൾ മ​ര​വി​ച്ച​തോ​ടെ അ​ര​യ്ക്കു​താ​ഴെ വ​ല​തു​കാ​ൽ മു​റി​ച്ചു​മാ​റ്റി. അ​ന്നു കാ​ലു മു​റി​ച്ച​തി​നെ​ക്കാ​ൾ വേ​ദ​ന​യാ​യി​രു​ന്നു ഭാ​ര്യ​യും നാ​ലു പെ​ണ്‍​മ​ക്ക​ളു​മു​ള്ള കു​ടും​ബത്തെ എ​ങ്ങ​നെ പോ​റ്റു​മെ​ന്ന മ​ന​സി​ലെ ആ​ശ​ങ്ക. മാ​സ​ങ്ങ​ൾ നീ​ണ്ട ചി​കി​ത്സ​ക​ൾ​ക്ക് കി​ഴ​ട​ങ്ങി കോ​ട്ട​യം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വ​ല​തു​കാ​ൽ മു​റി​ച്ചു​മാ​റ്റി വീ​ട്ടി​ൽ മ​ട​ങ്ങി​യെ​ത്തി. ഒ​രു മാ​സം ക​ഴി​ഞ്ഞ​പ്പോ​ൾ ഇ​ട​തു​കാ​ലി​നും തു​ട​ങ്ങി മ​ര​വി​പ്പ്. വെ​ല്ലൂ​ർ മെ​ഡി​ക്ക​ൽ കോ​ള​ജി​ൽ ഉ​ൾ​പ്പെ​ടെ പി​ന്നെ​യും വ​ൻ​തു​ക​മു​ട​ക്കി ചി​കി​ത്സ വേ​ണ്ടി​വ​ന്നു. ഒ​രു വി​ധം ഇ​ട​തു​കാ​ൽ ര​ക്ഷ​പ്പെ​ടു​ത്തി വീ​ട്ടി​ലെ​ത്തി ര​ണ്ടു വ​ർ​ഷ​ത്തോ​ളം ഇ​രു​ൾ മു​റി​യി​ൽ ജീ​വി​തം ത​ക​ർ​ന്ന​വ​നെ​പ്പോ​ലെ പു​റം​ലോ​കം കാ​ണാ​ൻ ആ​ഗ്ര​ഹി​ക്കാ​തെ കി​ട​ന്നു. ഒ​രു വ​ശ​ത്തു ചി​കി​ത്സ​യ്ക്കു​ണ്ടാ​യ ഭീ​മ​മാ​യ ബാ​ധ്യ​ത. മു​ന്നി​ൽ നാ​ലു പെ​ണ്‍​കു​ഞ്ഞു​ങ്ങ​ൾ. എ​ങ്ങ​നെ ജീ​വി​ക്കും എ​ന്ന ആ​ശ​ങ്ക​യി​ൽ ഭാ​ര്യ. അ​തിജീ​വ​നം ചോ​ദ്യ​ചി​ഹ്ന​മാ​യി മാ​റി​യ കാ​ലം. മ​ന​സു ശൂ​ന്യം. പെ​ട്ടി​യും ശൂ​ന്യം.

ത​ക​ർ​ച്ച​യു​ടെ ഇ​രു​ള​റ​യി​ൽ കി​ട​ക്കു​ന്പോ​ഴാ​ണ് ജീ​വി​ത​ത്തി​ന് ക​രു​ത്തു കി​ട്ടാ​ൻ ബേ​ബി​ച്ചേ​ട്ട​ൻ തീ​ക്ഷ്ണ​മാ​യി ആ​ഗ്ര​ഹി​ച്ചു പ്രാ​ർ​ഥി​ച്ച​തും ഉ​ൾ​വി​ളി​യി​ൽ ഉ​റ​ച്ച ആ ​തീ​രു​മാ​ന​മെ​ടു​ത്ത​തും. ’എ​ന്തും വ​ര​ട്ടെ, ഞാ​ൻ മ​ണ്ണി​ലേ​ക്കി​റ​ങ്ങും. അ​ധ്വാ​നി​ച്ചു കു​ടും​ബം പോ​റ്റും.’ അ​ന്നൊ​രു പ്ര​ഭാ​ത​ത്തി​ലാ​ണ് ജീ​വി​ക്കാ​നു​ള്ള വ്യ​ഗ്ര​ത​യി​ൽ ബേ​ബി​ച്ചേ​ട്ട​ൻ നി​ര​ങ്ങി മു​റ്റ​ത്തേ​ക്കി​റ​ങ്ങി​യ​ത്.

ഉൗ​ന്നു​വ​ടി​യി​ൽ ശ​രീ​രം താ​ങ്ങി നേ​രേ നി​ന്നു​നോ​ക്കി. കാ​ൽ കു​ഴ​ഞ്ഞ​പ്പോ​ൾ ഇ​രു​ന്നു. എ​ഴു​ന്നേ​റ്റ് ചാ​ടി​ച്ചാ​ടി ന​ട​ന്നു. ഇ​ട​യ്ക്കി​ടെ വീ​ണു. കാ​ലു ക​ഴ​ച്ച​പ്പോ​ൾ വ​ടി​യി​ൽ തൂ​ങ്ങി​നി​ന്നു. പി​ന്നെ മെ​ല്ലെ​പ്പോ​യി തൂ​ന്പ കൈ​യി​ലെ​ടു​ത്തു. തൂ​ന്പാ​ക്ക​ഴ ഉൗ​ന്നുവ​ടി​പോ​ലെ പി​ടി​ച്ചു. ഒ​ന്നു ര​ണ്ടു കി​ള ന​ട​ത്തി​യ​പ്പോ​ഴേ​ക്കും കു​ഴ​ഞ്ഞു​വീ​ണു. വീ​ഴ്ച​ക​ളി​ൽ താ​ങ്ങി ഏ​ൽ​പ്പി​ക്കാ​ൻ ഭാ​ര്യ ഗ്രേ​സി​ക്കു​ട്ടി പി​ന്നി​ൽ നി​ന്നു. ’ത​ള​ര​രു​ത്. മ​ക്ക​ളെ​യോ​ർ​ത്ത് ന​മ്മു​ക്കു ജീ​വി​ക്കാം. ഞാ​ൻ കൂ​ടെ​യു​ണ്ടാ​കും’. ഗ്രേ​സി​ക്കു​ട്ടി പ​ക​ർ​ന്ന ധൈ​ര്യ​ത്തി​ന്‍റെ ബ​ല​ത്തി​ൽ ബേ​ബി​ച്ചേ​ട്ട​ൻ പി​ന്നെ​യും കി​ള​ച്ചു നീ​ങ്ങി. ദി​വ​സ​ങ്ങ​ൾ പി​ന്നി​ട്ട​പ്പോ​ൾ തൂ​ന്പ ഒ​രു താ​ങ്ങാ​യും തൂ​ണാ​യും മാ​റി.

കി​ള​യും കൃ​ഷി​യും മു​ന്നേ​റി​യ​തി​നൊ​പ്പം ടാ​പ്പിം​ഗ് ക​ത്തി​യു​മാ​യി മെ​ല്ലെ റ​ബ​ർ തോ​ട്ട​ത്തി​ലേ​ക്ക് നീ​ങ്ങി. ഓ​രോ റ​ബ​ർ ചു​വ​ടും വീ​ഴ്ച​യു​ടെ ഇ​ട​മാ​യി​രു​ന്നു. ര​ക്തം ഒ​പ്പി​ക്ക​ള​ഞ്ഞ് നീ​റ്റ​ൽ മ​റ​ന്നു മു​ന്നേ​റി. ഏ​ണി​വ​ച്ചു മ​ര​ത്തി​ന്‍റെ ഉ​യ​ര​ങ്ങ​ളും ശി​ഖ​ര​ങ്ങ​ളും ക​യ​റാ​നും കു​രു​മു​ള​കു​പ​റി​ക്കാ​നും കു​ഴി​യെ​ടു​ത്ത് വാ​ഴ​യും തടമൊരുക്കി ചേ​ന​യും ന​ടാ​നും മ​ന​ക്ക​രു​ത്തു​ണ്ടാ​യി. ദി​വ​സ​വും പു​തി​യ അ​നു​ഭ​വ​ങ്ങ​ളും സാ​ധ്യ​ത​ക​ളും അ​തി​ജീ​വ​ന​പാ​ത​യി​ലേ​ക്കു​ള്ള വാ​താ​യ​ന​ങ്ങ​ളാ​യി മാ​റു​ക​യാ​യി​രു​ന്നു. ‌

ബേ​ബി​ച്ചേ​ട്ട​ന്‍റെ ഒ​ന്ന​ര​യേ​ക്ക​ർ പു​ര​യി​ടം ഹ​രി​ത​വ​നം പോ​ലെ ഇ​ന്നു മ​നോ​ഹ​ര​മാ​ണ്. ഒ​രു കാ​ൽ മാ​ത്ര​മു​ള്ള​യാ​ളി​ന്‍റെ മൂ​ന്ന​ര പ​തി​റ്റാ​ണ്ടി​ന്‍റെ ക​ർ​മ​ഫ​ലം. പ്ലാ​വും തേ​ക്കും മ​ഹാ​ഗ​ണി​യും ആ​ഞ്ഞി​ലി​യും ജാ​തി​യും ഇ​ട​തൂ​ർ​ന്നു വ​ള​രു​ന്ന ഒ​രു നാ​ട്ടു​വ​നം. മു​റ്റം നി​റ​യെ ചെ​ടി​ക​ൾ. കാ​യ്ക​നി​ക​ൾ. പ​ന്ത​ൽ​വി​രി​ച്ചു പാ​വ​ലും കോ​വ​ലും പാ​ഷ​ൻ​ഫ്രൂ​ട്ടും. വീ​ടും മു​റ്റ​വും നി​റ​യെ തേ​നീ​ച്ച​പ്പെ​ട്ടി​ക​ൾ. ചെ​റു​തേ​നും വ​ൻ​തേ​നു​മു​ണ്ട്. ഈ​ച്ച​യെ പോ​റ്റു​ന്ന​തും തീ​റ്റു​ന്ന​തും തേ​നെ​ടു​ക്കു​ന്ന​തും മാ​ത്ര​മ​ല്ല തേ​നീ​ച്ച​പ്പെ​ട്ടി​യു​ണ്ടാ​ക്കു​ന്ന​തും ത​നി​ച്ചാ​ണ്.

സ്വ​ന്തം റ​ബ​റും പാ​ട്ട​ത്തി​നെ​ടു​ത്ത​തു​മാ​യ റ​ബ​ർ മ​ര​ങ്ങ​ൾ ഇ​ദ്ദേ​ഹം ടാ​പ്പിം​ഗ് ന​ട​ത്തു​ന്ന​ത് അ​തി​സാ​ഹ​സി​കം​ത​ന്നെ. കോ​വ​ണി വ​ച്ചു റ​ബ​റി​ൽ ക​യ​റും. 10 അ​ടി ഉ​യ​ര​ത്തി​ൽ സ്ലോ​ട്ട​ർ പ​ട്ട​യി​ട്ട് ഒ​റ്റ​ക്കാ​ലി​ൽ ചാ​ടി​ക്ക​യ​റി ടാ​പ്പിം​ഗ് ന​ട​ത്തും. ലാ​റ്റ​ക്സെ​ടു​ക്കാ​ൻ ഇ​തേ രീ​തി​യി​ൽ ഒ​രു ക​യ​റ്റം കൂ​ടി. പാ​ൽ​തൊ​ട്ടി ചു​മ​ക്കാ​ൻ ഗ്രേ​സി​ക്കു​ട്ടി കൂ​ടെ ന​ട​ക്കും. ക​ടം ക​യ​റി അ​രി വാ​ങ്ങാ​നും കു​ഞ്ഞു​ങ്ങ​ളെ പോ​റ്റാ​നും വ​ക​യി​ല്ലാ​തെ വ​ന്ന പ​ഴ​യ ദു​രി​ത​കാ​ല​ത്തെ ബേ​ബി​ച്ചേ​ട്ട​ൻ മ​റ​ന്നി​ട്ടി​ല്ല. "ഇ​രു​ൾ പ​ട​ർ​ന്ന കാ​ലം. ആ ​ഇ​രു​ട്ടി​ൽ​നി​ന്നാ​യി​രു​ന്നു എ​ന്‍റെ ഉ​യി​ർ​ത്തെ​ഴു​ന്നേ​ൽ​പ്. ആ​ത്മ​സം​തൃ​പ്തി​യോ​ടെ ബേ​ബി​ച്ചേ​ട്ട​ൻ പ​റ​യും. ’

വീ​ട്ടി​ലേ​ക്കു വേ​ണ്ട വി​ഭ​വ​ങ്ങ​ളൊ​ക്കെ ഞാ​നും ഭാ​ര്യ​യും ഈ ​മ​ണ്ണി​ൽ അ​ധ്വാ​നി​ച്ചു​ണ്ടാ​ക്കു​ന്നു. എ​നി​ക്ക് ഇ​ല്ലാ​ത്ത ഒ​രു കൃ​ഷി​യു​മി​ല്ല. ക​പ്പ​യും കാ​ച്ചി​ലും വാ​ഴ​യും ചേ​ന​യും കി​ഴ​ങ്ങു​മൊ​ക്കെ വി​ൽ​ക്കാ​നോ​ളം വി​ള​യി​ക്കു​ന്നു​ണ്ട്. അ​രി​യും ഉ​പ്പും പ​ഞ്ച​സാ​ര​യും ഒ​ഴി​കെ​യെ​ല്ലാം അ​ധ്വാ​നി​ച്ചു​ണ്ടാ​ക്കും. പ​ന്ത്ര​ണ്ടു മാ​സ​വും പ​ച്ച​ക്ക​റി മു​റ്റ​ത്തു​ണ്ടാ​കും.

മു​ൻ​കാ​ല​ങ്ങ​ളി​ൽ ന​ട​പ്പു​വ​ഴി​യി​ലെ​ല്ലാം ഉ​രു​ണ്ടു വീ​ണു കാ​ലും മു​ഖ​വും പൊ​ട്ടു​ക പ​തി​വാ​യി​രു​ന്നു. ജോ​ലി മു​ട​ങ്ങി ക​ര​​ഞ്ഞു​കൊ​ണ്ട് വീ​ട്ടി​ലേ​ക്ക് മ​ട​ങ്ങി​യ ദി​വ​സ​ങ്ങ​ളു​ണ്ട്. വീ​ഴ്ച​യി​ൽ അ​വ​ശേ​ഷി​ക്കു​ന്ന ഇ​ട​തു​കാ​ലി​ന് ഇ​ട​ർ​ച്ച​യു​ണ്ടാ​യി നീ​രു ക​യ​റു​ക പ​തി​വാ​യി​രു​ന്നു. പ​ക്ഷെ ഓ​രോ വീ​ഴ്ച​യി​ലും പ​രി​ക്കി​ലും എ​ന്‍റെ മ​ന​സ് പ​രു​വ​പ്പെ​ടു​ക​യാ​യി​രു​ന്നു, കു​ട്ടി​ക​ൾ ന​ട​ക്കാ​ൻ പ​ഠി​ക്കു​ന്ന​തു​പോ​ലെ അ​തീ​ജി​വ​ന​ത്തി​നാ​യി ഒ​രു പോ​രാ​ട്ടം. ഓ​രോ വീ​ഴ്ച​യി​ലും ബേ​ബി​ച്ചേ​ട്ട​ൻ ദൈ​വ​ത്തെ വി​ളി​ച്ച് ഏ​ക പാ​ദം മു​ന്നോ​ട്ടു​മു​ന്നോ​ട്ടു​വ​ച്ചു.

ക​ണ്ടം വെ​ട്ടി ഇ​ഞ്ചി​യും മ​ഞ്ഞ​ളും ന​ട്ടു. തൊ​ട്ടി​യി​ൽ ചാ​ണ​കം വാ​രി കു​ഴി​ക​ളി​ലി​ട്ടു. കൃ​ഷി ഒ​രു അ​നു​ഭ​വ​വും ആ​ഘോ​ഷ​വു​മാ​യി മാ​റു​ക​യാ​യി​രു​ന്നു. ഇ​ഞ്ചി​യും മ​ഞ്ഞ​ളു​മൊ​ക്കെ പ​റി​ച്ചെ​ടു​ക്കാ​നും വേ​രു പ​റി​ച്ച് ഉ​ണ​ക്കാ​നും ഭാ​ര്യ​യും മ​ക്ക​ളും ഒ​പ്പ​മി​രു​ന്നു. 40 ക്വി​ന്‍റ​ൽ ക​പ്പ ഉ​ണ​ക്കി വി​റ്റ വ​ർ​ഷ​ങ്ങ​ളു​ണ്ട്. ജീ​വി​ക്ക​ണ്ടേ, മൂ​ന്നു പ​ശു​ക്ക​ളെ വ​ള​ർ​ത്തി പാ​ൽ വി​റ്റി​രു​ന്നു. തീ​റ്റ പ​റി​ച്ചും പ​ശു​ക്ക​ളെ കു​ളി​പ്പി​ച്ചും ചാ​ണ​കം വാ​രി​യും പു​ല്ലു പ​റി​ച്ചും പാ​ൽ​ക​റ​ന്നും ക​ഠി​ന​മാ​യി അ​ധ്വാ​നി​ച്ച കാ​ല​ഘ​ട്ടം.

ച​ക്ക​യും മാ​ങ്ങ​യു​മൊ​ന്നും ന​ഷ്ട​പ്പെ​ട്ടു​പോ​ക​രു​തെ​ന്ന് മ​ന​സു പ​റ​ഞ്ഞ​പ്പോ​ൾ അ​വ​യെ​ല്ലാം മ​രം ക​യ​റി​യും തോ​ട്ടി​കെ​ട്ടി​യും പ​റി​ച്ചെ​ടു​ത്തു. മ​ര​ങ്ങ​ൾ ക​യ​റി​യാ​ണ് കൃ​ഷി​ക്കു​ള്ള ശി​ഖ​ര​ങ്ങ​ൾ വെ​ട്ടി​യി​റ​ക്കി​യ​ത്. ഇ​ത്ര​യു​മാ​വാ​മെ​ങ്കി​ൽ കു​രു​മു​ള​കും പ​റി​ക്കാ​നാ​കും. കോ​വ​ണി​യി​ൽ ക​യ​റി കു​രു​മു​ള​കു പ​റി​ച്ച് അ​ര​യി​ൽ കെ​ട്ടി​യ ചാ​ക്കി​ലാ​ക്കി. മു​റ്റ​ത്തെ ജാ​തി മ​ര​ങ്ങ​ളി​ൽ ക​യ​റി​യും വി​ള​വെ​ടു​ത്തു.

ഒ​രു കാ​ൽ ഇ​ല്ലാ​ത്ത എ​നി​ക്ക് ജോ​ലി ചെ​യ്യാ​ൻ അ​നു​യോ​ജ്യ​മാ​യ ഉ​പ​ക​ര​ണ​ങ്ങ​ൾ ഞാ​ൻ​ത​ന്നെ വി​ക​സി​പ്പി​ച്ചെ​ടു​ക്കു​ക​യാ​യി​രു​ന്നു. മ​രം ക​യ​റാ​ൻ പാ​ക​ത്തി​ൽ കോ​വ​ണി, ഇ​രു​ന്നു ജോ​ലി ചെ​യ്യാ​ൻ പ​റ്റി​യ ഇ​രു​പ്പി​ട​ങ്ങ​ൾ എ​ല്ലാം. കാ​ൽ മു​റി​ച്ചു മാ​റ്റി​യ ആ​ദ്യ മാ​സ​ങ്ങ​ളി​ൽ മാ​ത്ര​മെ എ​നി​ക്കു നി​രാ​ശ തോ​ന്നി​യി​ട്ടു​ള്ളു. എ​നി​ക്കു ജോ​ലി ചെ​യ്യാ​നാ​കും, ദൈ​വം എ​ന്നെ ശ​ക്തി​പ്പെ​ടു​ത്തും എ​ന്ന ബോ​ധ്യം ഉ​ണ്ടാ​യ​തു​മു​ത​ൽ എ​നി​ക്ക് ഒ​രി​ക്ക​ലും ദു​ഖം തോ​ന്നി​യി​ട്ടി​ല്ല. നി​രാ​ശ അ​നു​ഭ​വ​പ്പെ​ടു​ന്നു​മി​ല്ല. എ​നി​ക്ക് ഇ​ന്നേവ​രെ ഒ​രു രൂ​പ​യു​ടെ ദാ​രി​ദ്ര്യം പോ​ലും ഉ​ണ്ടാ​യി​ട്ടി​ല്ല. പ​ണ​ത്തി​ന്‍റെ കാ​ര്യ​ത്തി​ൽ കൃ​ത്യ​ത​യു​ണ്ട്.

പു​ല​ർ​ച്ചെ നാ​ലി​ന് ഉ​ണ​ർ​ന്ന് ഹെ​ഡ് ലൈ​റ്റ് വെ​ളി​ച്ച​ത്തി​ൽ ടാ​പ്പിം​ഗ് ന​ട​ത്തും. അ​ഞ്ച​ര​യോ​ടെ വ​യ്പു​കാ​ലി​ൽ കാ​ഞ്ഞി​ര​പ്പ​ള്ളി പ​ള്ളി​യി​ലേ​ക്ക് ന​ട​ന്ന് കുർബാനയിൽ പ​ങ്കെ​ടു​ക്കും. 30 കി​ലോ​മീ​റ്റ​ർ ബ​സി​ൽ യാ​ത്ര ചെ​യ്ത് കോ​രു​ത്തോ​ട്ടി​ലെ പു​ര​യി​ട​ത്തി​ൽ പോ​യി മു​ൻ​പ് കൃ​ഷി ചെ​യ്ത​കാ​ല​മു​ണ്ട്. ട്രെ​യി​ൻ ക​യ​റി ഹൈ​ദ​രാ​ബാ​ദി​ൽ​ചെ​ന്നാ​ണ് മ​ക​ളെ ന​ഴ്സിം​ഗി​ന് ചേ​ർ​ത്ത​തും പ​ഠ​ന​കാ​ര്യ​ങ്ങ​ൾ നോ​ക്കി​യ​തും. പൂ​ന​യി​ലും കോ​ൽ​ക്ക​ത്ത​യി​ലും പോ​യി വൈ​ദി​ക​രാ​യ സ​ഹോ​ദ​ര​ങ്ങ​ളെ ഇ​ക്കാ​ല​ത്തും സ​ന്ദ​ർ​ശി​ക്കാ​റു​ണ്ട്.

’മ​ന​സി​ന്‍റെ ധൈ​ര്യ​വും ദൈ​വാ​നു​ഗ്ര​ഹ​വും കൊ​ണ്ടു​മാ​ത്ര​മാ​ണ് ഇ​ങ്ങ​നെ​യൊ​ക്കെ ചെ​യ്യാ​നാ​കു​ന്ന​ത്. ത​ക​ർ​ച്ച​യു​ണ്ടാ​കു​ന്പോ​ഴാ​ണ് ക​ര ക​യ​റാ​ൻ ന​മു​ക്കു മ​നഃ​ധൈ​ര്യ​മു​ണ്ടാ​വു​ക. കൈ​യി​ല്ലാ​ത്തവ​ർ ഗി​റ്റാ​ർ വാ​യി​ക്കാ​റി​ല്ലേ, കാ​ൽ ഇ​ല്ലാ​ത്ത​വ​ർ ഡ്രൈ​വ് ചെ​യ്യു​ന്ന​തു ക​ണ്ടി​ട്ടി​ല്ലേ. ജീ​വി​ക്കാ​ൻ എ​നി​ക്ക് ഒ​രു കാ​ലു ധാ​രാ​ളം മ​തി.

ഒ​രു വീ​ട്ടു​പ​ണി​ക്കും കൂ​ലി​ക്കാ​രെ വി​ളി​ക്കാ​റി​ല്ല. എ​ല്ലാ ജോ​ലി​ക​ളും ഞാ​നും ഭാ​ര്യ​യും ചേ​ർ​ന്നു ചെ​യ്യും. വി​വാ​ഹി​ത​രാ​കും വ​രെ മ​ക്ക​ളും കൂ​ടു​മാ​യി​രു​ന്നു. റെ​നു, റീ​ന, റാ​ണി, റെ​നി എ​ന്നീ നാ​ലു മ​ക്ക​ളെ​യും ന​ന്നാ​യി വ​ള​ർ​ത്താ​നാ​യ​ത് ദൈ​വം ന​ൽ​കി​യ മ​ന​ക്ക​രു​ത്തി​ലാ​ണെ​ന്നു ബേ​ബി​ച്ചേ​ട്ട​ൻ പ​റ​യും. മൂ​ന്നു​മ​ക്ക​ൾ വി​വാ​ഹി​ത​രാ​യി ക​ഴി​യു​ന്നു. റീ​ന സ​ന്യാ​സിനി ​മ​ഠ​ത്തി​ൽ അം​ഗ​മാ​ണ്. ബേ​ബി​ച്ചേ​ട്ട​ന്‍റെ എ​ട്ടു സ​ഹോ​ദ​ര​ങ്ങ​ളി​ൽ ഫാ. ​ഡൊ​മി​നി​ക് പ​ടി​ഞ്ഞാ​റേ​പ്പ​റ​ന്പി​ൽ സു​ഡാ​നി​ലും ഫാ. ​ജോ​ണ്‍ പ​ടി​ഞ്ഞാ​റേ​പ്പ​റ​ന്പി​ൽ നൈ​നി​റ്റാ​ളി​ലും മി​ഷ​ന​റി​മാ​രാ​ണ്. പ​രേ​ത​നാ​യ ഫാ. ​ജോ​ർ​ജ് പ​ടി​ഞ്ഞാ​റേ​പ്പ​റ​ന്പി​ൽ കെ​നി​യ​യി​ൽ മി​ഷ​ന​റി​യാ​യി​രു​ന്നു.

റെ​ജി ജോ​സ​ഫ്
ഫോ​ട്ടോ: ജോ​ഷി തോ​മ​സ് സ്മാ​ർ​ട്സ്


Copyright @ 2022 , Rashtra Deepika Ltd.