ബലിയാട്
സ്വ​പ്ന​ങ്ങ​ൾ ഏ​റെ​യു​ണ്ടാ​യി​രു​ന്നു ഫി​ലി​പ്പി​ന്. അ​വ വെ​റും പ​ക​ൽ​ക്കി​നാ​വു​ക​ളാ​യി​രു​ന്നി​ല്ല. യാ​ഥാ​ർ​ഥ്യ​മാ​ക്കാ​ൻ തീ​രു​മാ​നി​ച്ചു​റ​പ്പി​ച്ച​വ. ജന്മ​സി​ദ്ധ​മാ​യ പ്ര​തി​ഭ​യും ആ​ർ​ജി​ച്ചെ​ടു​ത്ത ഉ​ൾ​ക്ക​രു​ത്തും കൂ​ട്ടി​നു​ണ്ടാ​യി​രു​ന്നു. വേ​ണ്ടു​വോ​ളം അ​നു​ഭ​വ​സ​ന്പ​ത്തും. കാ​ർ​ഷി​ക-സാ​ങ്കേ​തി​ക - എ​ൻ​ജി​നി​യ​റിം​ഗ് മേ​ഖ​ല​ക​ളി​ലാ​യി​രു​ന്നു ശ്ര​ദ്ധ. പ​ഠി​ച്ച​തും പ​രി​ശീ​ലി​ച്ച​തും അ​വി​ടെ​യാ​ണ്. മ​നു​ഷ്യ​ന്‍റെ നന്മയും സ​മൂ​ഹ​ത്തി​ന്‍റെ പു​രോ​ഗ​തി​യു​മാ​യി​രു​ന്നു ല​ക്ഷ്യം. അ​തി​നു​ത​കു​ന്ന ക​ണ്ടെ​ത്ത​ലു​ക​ൾ പ​ല​തു ന​ട​ത്തി. കെ​ട്ടി​ട​ങ്ങ​ളി​ലെ ചോ​ർ​ച്ച മു​ത​ൽ ജ​ല​മ​ലിനീക​ര​ണം​വ​രെ​യു​ള്ള പ്ര​ശ്ന​ങ്ങ​ൾ​ക്കെ​ല്ലാം ഫി​ലി​പ്പി​ന് പ​രി​ഹാ​ര​മു​ണ്ട്. വെ​റു​തെ ഉ​ണ്ടാ​ക്കി​യെ​ടു​ത്ത​വ​യ​ല്ല. എ​ല്ലാം പ​രീ​ക്ഷി​ച്ച​റി​ഞ്ഞ​വ.

എ​ന്നാ​ൽ, വി​ജ​യി​ക്കാ​ൻ അ​തു മാ​ത്രം പോ​രാ​യി​രു​ന്നു. നേ​രും നെ​റി​വും ജീ​വി​ത​ത്തി​ൽ ചി​ല​രെ​യെ​ങ്കി​ലും തോ​ല്പി​ച്ചി​ട്ടു​ണ്ട്. ഫി​ലി​പ്പും അക്കൂ​ട്ട​ത്തി​ൽ​പ്പെ​ടും. റി​ട്ട​യ​ർ​മെ​ന്‍റി​നു​ശേ​ഷം വീ​ടി​നോ​ടു ചേ​ർ​ന്നു പു​തി​യ സം​രം​ഭം തു​ട​ങ്ങാ​നാ​യി​രു​ന്നു പ​ദ്ധ​തി. ത​ന്‍റെ ബു​ദ്ധി​യി​ലും നി​രീ​ക്ഷ​ണ​ത്തി​ലും വി​രി​ഞ്ഞ സാ​ങ്കേ​തി​ക വി​ദ്യ​ക​ൾ വി​ക​സി​പ്പി​ക്ക​ണം. അ​തി​നു പ​റ്റി​യ ഒ​രു വ​ർ​ക്ക്ഷോ​പ്പും ഓ​ഫീ​സും. പി​ന്നെ ഒ​രു നി​ർ​മാ​ണ കേ​ന്ദ്ര​വും. മൊ​ത്തം മൂ​ന്നു​കോ​ടി രൂ​പ വേ​ണം. പ്രോ​ജ​ക്ടു​മാ​യി ഒ​രു പൊ​തു​മേ​ഖ​ലാ ബാ​ങ്കി​നെ സ​മീ​പി​ച്ചു. ചോ​ദി​ച്ച​തി​ലും കൂ​ടു​ത​ൽ ത​രാ​മെ​ന്നു വാ​ഗ്ദാ​നം. അ​തൊ​രു കെ​ണി​യാ​യി​രു​ന്നു. അ​തി​ൽ ഫി​ലി​പ്പ് വീ​ണു. അ​ല്ലെ​ങ്കി​ൽ വീ​ഴ്ത്തി. പ​ണം സ​മ​യ​ത്ത് കി​ട്ടി​യി​ല്ല. ബാ​ങ്കി​നെ വി​ശ്വ​സി​ച്ചു പ​ല​രോ​ടും ക​ടം വാ​ങ്ങി. ഇ​പ്പോ​ൾ എ​ല്ലാം ന​ഷ്ട​പ്പെ​ടു​ന്ന സ്ഥി​തി​യാ​യി. ജ​പ്തി ഭീ​ഷ​ണി​യും. ബ്ലേ​ഡു​കാ​ർ വീ​ട്ടി​ൽ സ്ഥി​രം സ​ന്ദ​ർ​ശ​ക​രാ​യി. ബ​ന്ധു​ക്ക​ളും നാ​ട്ടു​കാ​രും ക​ണ്ടാ​ൽ മി​ണ്ടാ​താ​യി. വി​ളി​ച്ചു പ​റ​ഞ്ഞാ​ൽ വീ​ട്ടി​ൽ പ​ണം കൊ​ണ്ടു ത​ന്നി​രു​ന്ന​വ​ർ ഫോ​ണ്‍ എ​ടു​ക്കാ​താ​യി. താ​മ​സി​ക്കു​ന്ന വീ​ട് തൂ​ത്തു​തു​ട​ച്ചു വൃ​ത്തി​യാ​ക്കാ​റു​പോ​ലു​മി​ല്ല. എ​ങ്ങും ത​ളം​കെ​ട്ടി​ക്കി​ട​ക്കു​ന്ന മൂ​ക​ത. കെ​ട്ടി​പ്പടു​ത്ത വി​ശ്വാ​സ്യ​ത​യും അ​ഭി​മാ​ന​വും ക​ണ്‍മു​ന്നി​ൽ ത​ക​ർ​ന്ന​ടി​യു​ന്നു.

അ​ടൂ​ർ ഫി​ലി​പ്പ് എ​ന്ന ആ​നന്ദ​പ്പ​ള്ളി മ​ങ്കു​ഴി​യി​ൽ ഒ. ​ഫി​ലി​പ്പ് പൊ​തു​മ​രാ​മ​ത്ത് വ​കു​പ്പി​ൽ എ​ൻ​ജി​നി​യ​റാ​യി​രു​ന്നു. ജോ​ലി ച​ട്ട​പ്പ​ടി​യി​ലൊ​തു​ക്കാ​ൻ കൂ​ട്ടാ​ക്കാ​തി​രു​ന്ന വ്യ​ക്തി. മാ​റ്റ​ത്തി​നു​വേ​ണ്ടി വ​ല്ലാ​ത്തൊ​രു ദാ​ഹം എ​പ്പോ​ഴു​മു​ണ്ടാ​യി​രു​ന്നു. ഉൗ​ണി​ലും ഉ​റ​ക്ക​ത്തി​ലും പു​തി​യ​തി​നെ​ക്കു​റി​ച്ചാ​യി ചി​ന്ത. പ​ഴ​ഞ്ച​ൻ കെ​ട്ടി​ട നി​ർ​മാ​ണ​വി​ദ്യ​ക്കു പ​ക​രം പു​തി​യ​തൊ​ന്ന്. മ​ഴ​യി​ൽ ചോ​രാ​ത്ത കോ​ണ്‍ക്രീ​റ്റ് സൗ​ധ​ങ്ങ​ൾ. പൊ​ട്ടി​യൊ​ലി​ക്കാ​ത്ത ശു​ചി​മു​റി​ക​ൾ. ചെ​ല​വു കു​റ​ഞ്ഞ ജ​ല​ശു​ദ്ധീ​ക​ര​ണി​ക​ൾ. മാ​ർ​ഗ​ത​ട​സ​മു​ണ്ടാ​കാ​ത്ത റോ​ഡു​ക​ൾ. ഇ​ട​നി​ല​ക്കാ​ര​നി​ല്ലാ​ത്ത കാർ​ഷി​ക മ​ർ​ക്ക​റ്റു​ക​ൾ. സ​ർ​വീ​സി​ലി​രി​ക്കെ പ​ല​തും ന​ട​പ്പാ​ക്കി. പ​ത്ത​നം​തി​ട്ട മി​നി സി​വി​ൽ സ്റ്റേ​ഷ​ൻ ഉ​ൾ​പ്പെ​ടെ ത​ല ഉ​യ​ർ​ത്തി നി​ൽ​ക്കു​ന്ന നേ​ർ​സാ​ക്ഷ്യ​ങ്ങ​ൾ നി​ര​വ​ധി.

ഒ​രു കാ​ല​ത്ത് പൊ​തു​മ​രാ​മ​ത്ത് വ​കു​പ്പി​ൽ ഫി​ലി​പ്പ് ആ​യി​രു​ന്നു എ​ല്ലാം. വി​ദ​ഗ്ധ ഉ​പ​ദേ​ശ​ങ്ങ​ൾ​ക്കാ​യി മേ​ലു​ദ്യോ​ഗ​സ്ഥ​ർ കാ​ത്തി​രു​ന്നു. വാ​സ്തു​വി​ദ്യ​യി​ലെ പ​രി​ജ്ഞാ​ന​വും ഗു​ണ​ക​ര​മാ​യി. പ​രീ​ക്ഷി​ച്ചു വി​ജ​യി​ച്ച ക​ണ്ടു​പി​ടി​ത്ത​ങ്ങ​ളെ​ക്കു​റി​ച്ച് ആ​നു​കാ​ലി​ക​ങ്ങ​ളി​ലും പ​ത്ര​ങ്ങ​ളി​ലും എ​ഴു​തി. പ​ല​തും അ​ച്ച​ടി​ച്ചു​വ​ന്നു. അ​തുവാ​യി​ച്ച് പ​ല​രും പു​തി​യ സം​രം​ഭ​ങ്ങ​ൾ തു​ട​ങ്ങി. വ​ലി​യ ബി​സി​ന​സു​കാ​രാ​യി. കോ​ടി​ക​ൾ കൊ​യ്തു. ബൗ​ദ്ധി​ക സ്വ​ത്ത​വ​കാ​ശ​ത്തെ​ക്കു​റി​ച്ച് സു​ഹൃ​ത്തു​ക്ക​ൾ സൂ​ചി​പ്പി​ച്ചെ​ങ്കി​ലും പോ​യി​ല്ല. പേ​റ്റ​ന്‍റ് എ​ടു​ത്താ​ൽ കോ​ടി​ക​ൾ കി​ട്ടു​മാ​യി​രു​ന്നു. താ​ത്പ​ര്യ​മു​ണ്ടാ​യി​ല്ല. ത​ന്‍റെ ആ​ശ​യ​ങ്ങ​ളും ക​ണ്ടു​പി​ടി​ത്ത​ങ്ങ​ളും നാ​ട്ടു​കാ​ർ ഏ​റ്റെ​ടു​ക്കു​ന്ന​തു കാ​ണാ​നാ​യി​രു​ന്നു ഇ​ഷ്്ടം.

"പ​തി​വു​ക​ളെ' പ​ടി​ക്കു പു​റ​ത്തു നി​റു​ത്തി​യ​തി​നാ​ൽ ശ​ന്പ​ളംകൊ​ണ്ട് ര​ണ്ട​റ്റ​വും മു​ട്ടി​ക്കാ​നാ​യി​ല്ല. അ​വ​ധി​യെ​ടു​ത്ത് ഗ​ൾ​ഫി​ൽ പോ​യി. സ​ലാ​ല​യി​ലാ​യി​രു​ന്നു ആ​ദ്യം. ഇ​യോ​ബി​ന്‍റെ ക​ല്ല​റ​യും പ​ള്ളി​യു​ടെ പ​കു​തി​യും നി​ർ​മി​ച്ചു​കൊ​ണ്ടു തു​ട​ങ്ങി. ഒ​ൻ​പ​തു വ​ർ​ഷം അ​വി​ടെ​ക്ക​ഴി​ഞ്ഞു. പി​ന്നെ പ്രോ​ജ​ക്ടു​ക​ളു​ടെ കു​ത്തൊ​ഴു​ക്ക്. വ​ന്പ​ൻ കെ​ട്ടി​ട​ങ്ങ​ളും ക​ട​ൽ​വെ​ള്ള ശു​ദ്ധീ​ക​ര​ണ ശാ​ല​ക​ളും ഓ​യി​ൽ റി​ഫൈ​ന​റി​ക​ളും. പ​റ​യു​ന്ന തീ​യ​തി​ക്കു വ​ള​രെ മു​ന്പേ പ​ണി പൂ​ർ​ത്തി​യാ​ക്കും. അ​താ​യി​രു​ന്നു രീ​തി. ഫി​ലി​പ്പി​നെ നാ​ട​റി​ഞ്ഞു. ആ ​സാ​ങ്കേ​തി​ക വി​ദ​ഗ്ധ​നു​വേ​ണ്ടി ക​ന്പ​നി​ക​ൾ ക്യൂ ​നി​ന്നു. അ​ദ്ദേ​ഹം പ​റ​യു​ന്ന​താ​യി​രു​ന്നു പ്ര​തി​ഫ​ലം. അ​ർ​ഹ​ത​പ്പെ​ട്ട​തു മാ​ത്രം വാ​ങ്ങി. 1987-ൽ ​തി​രി​ച്ചെ​ത്തി ഡി​പ്പാ​ർ​ട്ടു​മെ​ന്‍റി​ൽ ചേ​ർ​ന്നു. 91-ൽ ​വീ​ണ്ടും അ​വ​ധി​യെ​ടു​ത്തു ഗ​ൾ​ഫി​ലെ​ത്തി. മ​സ്ക​റ്റി​ലെ യു.​എ​സ് ക​ന്പ​നി​യി​ൽ, പി​ന്നെ ഷാ​ർ​ജ ഓ​യി​ൽ റി​ഫൈ​ന​റി​യി​ൽ, ഖ​ത്ത​റി​ൽ... എ​ല്ലാ​യി​ട​ത്തും ഫി​ലി​പ്പ് സ്വീ​കാ​ര്യ​ൻ. തൊ​ഴി​ലാ​ളി​ക​ൾ​ക്ക് അ​ദ്ദേ​ഹം എ​ല്ലാ​മാ​യി. തൊ​ഴി​ലാ​ളി​യു​ടെ സ​ന്തോ​ഷം ക​ന്പ​നി​യു​ടെ വി​ജ​യ​മെ​ന്ന​താ​യി​രു​ന്ന അ​ദ്ദേ​ഹ​ത്തി​ന്‍റെ സി​ദ്ധാ​ന്തം. ഇ​തി​നി​ടെ, അ​മേ​രി​ക്ക​ൻ, ഓ​സ്ട്രേ​ലി​യ​ൻ സ​ർ​വ​ക​ലാ​ശാ​ല​ക​ളി​ൽ നി​ന്ന് ഉ​ന്ന​ത​ ബി​രു​ദ​വും സ​ന്പാ​ദി​ച്ചു. 2011-ൽ ​റി​ട്ട​യ​ർ ചെ​യ്തു.



വെ​റു​തെ ഇ​രു​ന്നാ​ലും അ​ന്ത​സാ​യി ജീ​വി​ക്കാ​നു​ള്ള വ​ക​യു​ണ്ടാ​യി​രു​ന്നു. പ​ക്ഷേ, ഫി​ലി​പ്പി​ന് അ​തി​നു ക​ഴി​യു​മാ​യി​രു​ന്നി​ല്ല. എ​ന്തെ​ങ്കി​ലും ചെ​യ്യ​ണം. അ​ങ്ങ​നെ​യാ​ണു താ​ൻ വി​ക​സി​പ്പി​ച്ചെ​ടു​ത്ത സാ​ങ്കേ​തി​ക വി​ദ്യ​ക​ൾ പൊ​ടി ത​ട്ടി​യെ​ടു​ക്കാ​ൻ തീ​രു​മാ​നി​ച്ച​ത്. 2008- ൽ ​ര​ജി​സ്റ്റാർ ചെ​യ്ത ഫി​ലി​പ്സ്മാ​ൻ ക​ന്പ​നി​യി​ലൂ​ടെ പു​തി​യ സം​രം​ഭ​ങ്ങ​ൾ​ക്കു തു​ട​ക്ക​മി​ട്ടു. ജ​ല​ശു​ദ്ധീ​ക​ര​ണ സം​വി​ധാ​നം (ഫി​ലി​പ്പ്സ്മാ​ൻ റി​വേ​ഴ്സ് ഗ്രാ​വി​റ്റി വാ​ട്ട​ർ ഫി​ൽ​റ്റ​ർ), കി​ണ​ർ റീ​ചാ​ർ​ജിം​ഗ്, ശു​ചി​മു​റി സം​ര​ക്ഷ​ണം, കോ​ണ്‍ക്രീ​റ്റ് റി​പ്പ​യ​റിം​ഗ് എ​ന്നി​വ സം​ബ​ന്ധി​ച്ചു കൂ​ടു​ത​ൽ പ​രീ​ക്ഷ​ണ​ങ്ങ​ൾ​ക്കും ഉ​പ​ക​ര​ണ നി​ർ​മാ​ണ​ത്തി​നു​മു​ള്ള വി​ശ​ദ​മാ​യ പ്രോ​ജ​ക്ട് റി​പ്പോ​ർ​ട്ട് ത​യാ​റാ​ക്കി. അ​തു​മാ​യാ​ണു ബാ​ങ്കി​നെ സ​മീ​പി​ച്ച​ത്.

ത​മി​ഴ്നാ​ട്ടി​ലാ​ണെ​ങ്കി​ൽ ഈ​ടി​ല്ലാ​തെ ഇ​തി​ന് അ​ഞ്ചു കോ​ടി വ​രെ ല​ഭി​ക്കു​മാ​യി​രു​ന്നു. അ​തി​നു​ള്ള ഓ​ഫ​റും ഫി​ലി​പ്പി​നു കി​ട്ടി​യ​താ​ണ്. പ​ക്ഷേ, നാ​ട്ടി​ലെ​ന്തെ​ങ്കി​ലും. അ​താ​യി​രു​ന്നു താ​ത്പ​ര്യം. മ​ഴ​വെ​ള്ള സം​ഭ​ര​ണ​ത്തി​നും കി​ണ​ർ റീ​ചാ​ർ​ജിം​ഗിനും ഓ​രു​വെ​ള്ളം ശു​ദ്ധീ​ക​രി​ക്കു​ന്ന​തി​നും ചെ​ല​വു കു​റ​ഞ്ഞ പ​ദ്ധ​തി​ക​ൾ ആ​വി​ഷ്ക​രി​ച്ച ഫി​ലി​പ്പ് നേ​ര​ത്തെ​ത​ന്നെ ശ്ര​ദ്ധ നേ​ടി​യി​രു​ന്നു. ഇ​തു​സം​ബ​ന്ധി​ച്ച് ആ​നു​കാ​ലി​ക​ങ്ങ​ളി​ൽ പ​ല ലേ​ഖ​ന​ങ്ങ​ളും എ​ഴു​തു​ക​യും ചെ​യ്തു.

2013-ൽ ​പ​ദ്ധ​തി​യു​ടെ വി​ശ​ദാം​ശ​ങ്ങ​ളു​മാ​യെ​ത്തി​യ ഫി​ലി​പ്പി​നെ ബാ​ങ്കു​കാ​ർ നി​രാ​ശ​പ്പെ​ടു​ത്തി​യി​ല്ല. മൂ​ന്നു കോ​ടി​ക്കു ചെ​ന്ന അ​ദ്ദേ​ഹ​ത്തി​ന് അ​വ​ർ അ​ഞ്ചു കോ​ടി വാ​ഗ്ദ​നം ചെ​യ്തു. പ​ക്ഷേ ഈ​ടു​വേ​ണം. താ​മ​സി​ക്കു​ന്ന വീ​ടും ര​ണ്ടേ​ക്ക​ർ പു​ര​യി​ട​വും ന​ൽ​കി. അ​തി​ന് 10 കോ​ടി​രൂ​പ മ​തി​പ്പു​വി​ല വ​രും. മൂ​ന്നു കോ​ടി​ക്കു വ​ന്ന താ​ങ്ക​ൾ​ക്ക് അ​ഞ്ചു കോ​ടി​യാ​ണ് ന​ൽ​കു​ന്ന​തെ​ന്ന് ഒ​രു ഉ​ന്ന​ത ഉ​ദ്യോ​ഗ​സ്ഥ​ൻ പ​റ​ഞ്ഞ​തി​ന്‍റെ പൊ​രു​ൾ അ​ന്നു ഫി​ലി​പ്പി​ന് മ​ന​സി​ലാ​യി​ല്ല. കൂ​ടു​ത​ലാ​യി അ​നു​വ​ദി​ക്കു​ന്ന ര​ണ്ടു കോ​ടി ബ്ലേ​ഡി​ൽ കൊ​ടു​ത്താ​ൽ​പോ​ലും ത​വ​ണ അ​ട​ഞ്ഞു പോ​കു​മെ​ന്നു പ​റ​ഞ്ഞ​തി​ന്‍റെ അ​ർ​ഥം ഇ​പ്പോ​ൾ അ​ദ്ദേ​ഹ​ത്തി​ന് ശ​രി​ക്കും മ​ന​സി​ലാ​കു​ന്നു​ണ്ട്.

ആ ​ഡി​സം​ബ​റി​ൽ ഫ​ണ്ട് ന​ൽ​കാ​മെ​ന്നാ​യി​രു​ന്നു വാ​ഗ്ദാ​നം. വീ​ടി​ന്‍റെ​യും പു​ര​യി​ട​ത്തി​ന്‍റെ​യും ആ​ധാ​ര​ങ്ങ​ൾ വാ​ങ്ങി​യ ബാ​ങ്കി​ന്‍റെ വാ​ക്ക് ഫി​ലി​പ്പ് വി​ശ്വ​സി​ച്ചു. കൈ​യി​ലു​ണ്ടാ​യി​രു​ന്ന​തും ക​ടം​വാ​ങ്ങി​യും സ്വ​രു​ക്കൂ​ട്ടി​യ ഒ​ന്നേ​മു​ക്കാ​ൽ കോ​ടി രൂ​പ ത​ന്‍റെ സ്വ​പ്ന പ​ദ്ധ​തി​യി​ൽ മു​ട​ക്കി. വ​ർ​ക്ക് ഷോ​പ്പി​നും യ​ന്ത്ര​സാ​മ​ഗ്രി​ക​ൾ​ക്കു​മാ​യി അ​തു ചെ​ല​വാ​യി. വീ​ട്ടി​ലി​രു​ന്നാ​ൽ കാ​ണാ​വു​ന്ന ദൂ​ര​ത്തി​ലു​ള്ള വ​ർ​ക്ക്ഷോ​പ്പ് നോ​ക്കു​കു​ത്തി​യാ​യി നി​ൽ​ക്കു​ന്നു. അ​വ​സാ​നം ബാ​ങ്ക് അ​നു​വ​ദി​ച്ച​ത് 50 ല​ക്ഷം രൂ​പ മാ​ത്രം. അ​ടു​ത്ത​വ​ർ​ഷം മാ​ർ​ച്ചി​ൽ കൂ​ടു​ത​ൽ ഫ​ണ്ടി​ന് ശി​പാ​ർ​ശ ചെ​യ്യാ​മെ​ന്നു​ള്ള ഉ​റ​പ്പി​ൽ ആ ​തു​ക കൈ​പ്പ​റ്റി.

എ​ന്നാ​ൽ, ബാ​ങ്ക് അ​ന​ങ്ങി​യി​ല്ല. കി​ട്ടി​യ 50 ല​ക്ഷം ക​ടം വീ​ട്ടാ​നും മ​റ്റു​മാ​യി ഉ​പ​യോ​ഗി​ച്ചു. ബാ​ങ്കി​ന്‍റെ ത​വ​ണ മു​ട​ങ്ങാ​തി​രി​ക്കാ​ൻ കൂ​ടു​ത​ൽ കൂ​ടു​ത​ൽ ക​ടം വാ​ങ്ങി. വ​ല്ലാ​ത്തൊ​രു ഉൗ​രാ​ക്കു​ടു​ക്ക്. മാ​നേ​ജ​ർ​മാ​ർ മാ​റി മാ​റി വ​ന്നു. ഫ​ണ്ട് അ​ന്വേ​ഷി​ച്ചു ചെ​ല്ലു​ന്പോ​ഴെ​ല്ലാം മു​ട​ന്ത​ൻ ന്യാ​യ​ങ്ങ​ൾ. അ​വ​ർ​ക്കെ​ന്തോ ഗൂ​ഢ​ല​ക്ഷ്യം ഉ​ള്ള​തു​പോ​ലെ. ഉ​ദ്യോ​ഗ​സ്ഥ​ർ ത​മ്മി​ലു​ള്ള കു​ടി​പ്പ​ക​യും പ്ര​ശ്ന​മാ​യി. എ​ല്ലാം ചെ​ന്നു കൊ​ണ്ട​ത് ഫി​ലി​പ്പി​ലാ​ണെ​ന്നു മാ​ത്രം.

ബാ​ങ്ക് വാ​ഗ്ദാ​നം ചെ​യ്ത പ​ണം കി​ട്ടി​ല്ലെ​ന്നു​റ​പ്പാ​യ​തോ​ടെ എ​ങ്ങ​നെ​യും 50 ല​ക്ഷ​ത്തി​ന്‍റെ വാ​യ്പ വീ​ട്ടാ​ൻ നെ​ട്ടോ​ട്ട​മാ​യി. സാ​ധാ​ര​ണ​ഗ​തി​യി​ൽ അ​നു​വ​ദി​ക്കു​ന്ന തു​ക​യു​ടെ ഒ​ന്ന​ര​യി​ര​ട്ടി​യാ​ണ് ഈ​ടാ​യി ന​ൽ​കേ​ണ്ട​ത്. അ​ങ്ങ​നെ വ​രു​ന്പോ​ൾ 50 ല​ക്ഷ​ത്തി​ന് 75 ല​ക്ഷ​ത്തി​ന്‍റെ ഈ​ട് മ​തി. ബാ​ക്കി ഈ​ട് വ​സ്തു​ക്ക​ൾ ഇ​ട​പാ​ടു​കാ​ര​ന് തി​രി​ച്ചു ന​ൽ​കേ​ണ്ട​താ​ണ്. ഫി​ലി​പ്പ് ന​ൽ​കി​യ​തു 10 കോ​ടി​രൂ​പ​യു​ടെ അ​ഞ്ച് ആ​ധാ​ര​ങ്ങ​ളാ​ണ്. അ​തി​ൽ ഒ​രെ​ണ്ണം തി​രി​ച്ചു​കി​ട്ടി​യാ​ൽ ഫി​ലി​പ്പി​ന് ഈ ​കെ​ണി​യി​ൽ നി​ന്നു ര​ക്ഷ​പ്പെ​ടാം. ഒ​ന്നു​കി​ൽ അ​തു വി​ൽ​ക്കാം അ​ല്ലെ​ങ്കി​ൽ മ​റ്റേ​തെ​ങ്കി​ലും ബാ​ങ്കി​നെ സ​മീ​പി​ച്ച് ലോ​ണെ​ടു​ക്കാം. ഫി​ലി​പ്പി​നെ ര​ക്ഷി​ക്കാ​ൻ ബാ​ങ്ക് ക​നി​യ​ണ​മെ​ന്നു മാ​ത്രം.

കാ​ര്യ​ങ്ങ​ൾ പി​ടി​യി​ൽ നി​ൽ​ക്കി​ല്ലെ​ന്നു മ​ന​സി​ലാ​യ​തോ​ടെ പ്ര​ശ്ന​പ​രി​ഹാ​രം തേ​ടി ഫി​ലി​പ്പ് ക​യ​റി​യി​റ​ങ്ങാ​ത്ത ഇ​ട​ങ്ങ​ളി​ല്ല. സ​മീ​പി​ക്കാ​ത്ത അ​ധി​കാ​രി​ക​ളു​മി​ല്ല. ഓം​ബു​ഡ്സ്​മാ​ൻ, ഗ്രീ​വ​ൻ​സ് സെ​ൽ, സ​ർ​ക്കാ​ർ കേ​ന്ദ്ര​ങ്ങ​ൾ... എ​ങ്ങു​നി​ന്നും നീ​തി കി​ട്ടി​യി​ല്ലെ​ന്ന് അ​ദ്ദേ​ഹം ക​ണ്ണീ​രോ​ടെ പ​റ​യു​ന്നു.

ബാ​ങ്ക് മൂ​ല​മു​ണ്ടാ​യ അ​സ്വ​സ്ഥതക​ളി​ൽ ര​ണ്ടു മൂ​ന്നു വ​ർ​ഷം ന​ഷ്ട​മാ​യെ​ങ്കി​ലും ഫി​ലി​പ്പ് പ്ര​തീ​ക്ഷ കൈ​വി​ട്ടി​ല്ല. വൈ​ദ്യു​തി ഉ​ത്പാ​ദ​നം, പാ​ല​ങ്ങ​ൾ, ഭൂ​ഗ​ർ​ഭ ചാ​ർ​ജ​റു​ക​ൾ, ചെ​ളി നീ​ക്കി ബാ​ക്ടീ​രി​യ ര​ഹി​ത​മാ​ക്കു​ന്ന ജ​ല​ശു​ദ്ധീ​ക​ര​ണം, ക​മ്യൂ​ണി​റ്റി വാ​ട്ട​ർ ഫി​ൽ​ട്ട​ർ, ചേ​റ് അ​രി​ക്കു​ന്ന ഫു​ട് വാ​ൽ​വ്, പു​തി​യ​ത​രം കാ​രവൻ, റെ​ഡിമെ​യ്ഡ് ടോ​യ‌് ല​റ്റ് ഭി​ത്തി​യും ത​റ​യും, സ്കൈ ​ബ​സ്, മ​ട​ക്കാ​വു​ന്ന ന​ട​പ്പാ​ലം തു​ട​ങ്ങി നി​ര​വ​ധി പ​ദ്ധ​തി​ക​ൾ അ​ദ്ദേ​ഹ​ത്തി​ന്‍റെ ത​ല​യി​ൽ ഇ​പ്പോ​ഴു​മു​ണ്ട്.

സ​ർ​വീ​സി​ലി​രി​ക്കെ, സ​ർ​ക്കാ​രി​നു കോ​ടി​ക്ക​ണ​ക്കി​നു രൂ​പ​യു​ടെ ലാ​ഭ​മു​ണ്ടാ​ക്കി​ക്കൊ​ടു​ത്ത പ​ദ്ധ​തി​ക​ൾ ആ​വി​ഷ​ക​രി​ച്ചു ന​ട​പ്പാ​ക്കി​യ ഫി​ലി​പ്പി​നെ​ത്തേ​ടി നി​ര​വ​ധി അം​ഗീ​കാ​ര​ങ്ങ​ളു​മെ​ത്തി​യി​ട്ടു​ണ്ട്. ജ​ഡ്ജി​മാ​രു​ടെ​പോ​ലും പ്ര​ശം​സ നേ​ടാ​നാ​യി. സ​ർ​വീ​സി​ൽ അ​ർ​ഹ​ത​പ്പെ​ട്ട പ്രമോ​ഷ​ൻ ത​ട​ഞ്ഞ​പ്പോ​ഴും അ​ദ്ദേ​ഹം ത​ള​ർ​ന്നി​ല്ല. ആ​രേ​യും ശ​ത്രു​പ​ക്ഷ​ത്തു നി​ർ​ത്തി​യ​തു​മി​ല്ല. അ​ങ്ങ​നെ​യു​ള്ള ഫി​ലി​പ്പി​നെ വെ​റു​തെ ത​ള്ളി​ക്ക​ള​യാ​ൻ ക​ഴി​യു​മോ?

ഫിലിപ്പിന്‍റെ നന്പർ- 9447223173

ജി​മ്മി ഫി​ലി​പ്പ്


Copyright @ 2022 , Rashtra Deepika Ltd.