ആരോഗ്യം: പനിക്കാലത്തെ ഓഫീസുകൾ
* വൈ​റ​ൽ പ​നി​യും ജ​ല​ദോ​ഷ​വും ഉ​ള​ള​വ​ർ അ​തു മാ​റു​ന്ന​തു​വ​രെ വീട്ടിൽ വി​ശ്ര​മി​ക്കു​ക. സ​ഹ​പ്ര​വ​ർ​ത്ത​ക​ർ​ക്കു രോ​ഗം പ​ക​രാ​തി​രി​ക്കാ​നു​ള​ള ആ​ദ്യ​ത്തെ വ​ഴി അ​താ​ണ്. പ്ര​ത്യ​കി​ച്ചും ചി​ക്ക​ൻ​പോ​ക്സ്, ക​ണ്ണു​ദീ​നം എ​ന്നി​വ പി​ടി​പെ​ട്ടവ​ർ രോ​ഗം പൂ​ർ​ണ​മാ​യും മാ​റു​ന്ന​തു വ​രെ വീട്ടി​ൽ വി​ശ്ര​മി​ക്കു​ക. ഇ​ത്ത​രം അ​വ​സ​ര​ങ്ങ​ളി​ൽ ലീ​വ് ന​ല്കാ​ൻ ഓ​ഫീ​സ് അ​ധി​കാ​രി​ക​ൾ പ്ര​ത്യേ​കം ശ്ര​ദ്ധി​ക്കു​ക.

* ഓ​ഫീ​സി​ൽ ജോ​ലി​മേ​ശ, ക​ംപ്യൂട്ട​ർ, കീ​ബോ​ർ​ഡ്, മൗ​സ്, ഫോ​ണ്‍ റി​സീ​വ​ർ, ഹെ​ഡ്സെ​റ്റ്, മൊ​ബൈ​ൽ ഫോ​ണ്‍ എ​ന്നി​വ ആ​ഴ്ച​യി​ൽ ഒ​രു ത​വ​ണ​യെ​ങ്കി​ലും തു​ട​ച്ചു വൃ​ത്തി​യാ​ക്കു​ന്നു​വെ​ന്ന് ഉ​റ​പ്പാ​ക്കു​ക. എ​ന്നാ​ൽ പ​ക​ർ​ച്ച​പ്പ​നി​യു​ടെ കാ​ല​ത്ത് ഇ​തു ദി​വ​സ​വും ചെ​യ്യു​ന്ന​തു ഫ​ല​പ്ര​ദ​മാ​യ രോ​ഗ​പ്ര​തി​രോ​ധ​മാ​ർ​ഗം. പ​ക​ർ​ച്ച​പ്പ​നി​ക്കാ​ല​ത്ത് മാ​സ്ക് ധ​രി​ക്കു​ന്ന​തും ആ​രോ​ഗ്യ​ത്തി​നു ഗു​ണ​ക​രം. ആ​ഴ്ച​യി​ൽ ഒ​രു ത​വ​ണ​യെ​ങ്കി​ലും വാ​ക്വം ക്ലീന​ർ സ​ഹാ​യ​ത്തോ​ടെ ഓ​ഫീ​സ് മു​റി​യി​ലെ പൊ​ടി​പ​ട​ലം നീ​ക്കു​ന്നു​വെ​ന്ന് ഉ​റ​പ്പാ​ക്കു​ക.

* ഭ​ക്ഷ​ണ​ത്തി​നു മു​ന്പ് കൈ​ക​ൾ ആ​ൻ​റി ബാ​ക്ടീ​രി​യ​ൽ ഹാ​ൻ​ഡ് വാ​ഷ്്(​അ​ല്ലെ​ങ്കി​ൽ സോ​പ്പ്) ഉ​പ​യോ​ഗി​ച്ചു ക​ഴു​കി അ​ണു​വി​മു​ക്ത​മാ​ക്കു​ക. ഓ​ഫീ​സു​ക​ളി​ലും പൊ​തു​സ്ഥാ​പ​ന​ങ്ങ​ളി​ലും അ​തി​നു​ള​ള സൗ​ക​ര്യം ഏ​ർ​പ്പെ​ടു​ത്താ​ൻ ശ്ര​ദ്ധി​ക്ക​ണം. ടോ​യ് ലറ്റ് ഉ​പ​യോ​ഗ​ത്തി​നു ശേ​ഷ​വും കൈ​ക​ൾ അ​ണു​നാ​ശി​നി ഉ​പ​യോ​ഗി​ച്ചു ക​ഴു​കി വൃ​ത്തി​യാ​ക്ക​ണം.

* തുമ്മുന്പോ​ഴും ചു​മ​യ്ക്കു​ന്പോ​ഴും ല​ക്ഷ​ക്ക​ണ​ക്കി​നു രോ​ഗാ​ണു​ക്ക​ൾ ചു​റ്റു​പാ​ടും വ്യാ​പി​ക്കു​ന്നു​ണ്ട്. തുമ്മുന്പോ​ഴും ചു​മ​യ്ക്കു​ന്പോ​ഴും തൂ​വാ​ല ഉ​പ​യോ​ഗി​ച്ചു മൂ​ക്കും വാ​യും മൂ​ടു​ക. കൈ​ക​ളി​ലേ​ക്കു തുമ്മുന്ന ശീ​ല​വും തെ​റ്റാ​ണ്. കൈ​ക​ളി​ലേ​ക്കു തുമ്മുന്പോ​ൾ ല​ക്ഷ​ക്ക​ണ​ക്കി​നു രോ​ഗാ​ണു​ക്ക​ൾ കൈ​ക​ളി​ലെ​ത്തു​ന്നു. സ​ഹ​പ്ര​വ​ർ​ത്ത​ക​നു സ്നേ​ഹ​പൂ​ർ​വം ഹ​സ്ത​ദാ​നം ന​ട​ത്തു​ന്പോ​ൾ അ​യാ​ളി​ലേ​ക്ക് നാ​മ​റി​യാ​തെ രോ​ഗാ​ണു​ക്ക​ളെ കൈ​മാ​റാനി​ട​യാ​കു​ന്നു. അ​തി​നാ​ൽ അ​ബ​ദ്ധ​വ​ശാ​ൽ കൈ​ക​ളി​ലേ​ക്കു തുമ്മാ​ൻ ഇ​ട​യാ​യാ​ൽ കൈ​ക​ൾ ഹാ​ൻ​ഡ് വാ​ഷോ അ​ണു​നാ​ശ​ക സ്വ​ഭാ​വ​മു​ള​ള സോ​പ്പോ പു​രട്ടി ക​ഴു​കി വൃ​ത്തി​യാ​ക്കു​ക. തുമ്മൽ വരുന്പോൾ തൂവാലയും മറ്റുമില്ലെങ്കിൽ കൈമടക്കുകളിലേക്കോ വസ്ത്രഭാഗങ്ങളിലേക്കോ തുമ്മുക.

* ഫം​ഗ​സ് രോ​ഗ​ങ്ങ​ളും മ​റ്റു ച​ർ​മ​രോ​ഗ​ങ്ങ​ളു​മു​ള​ള​വ​ർ രോ​ഗം ചി​കി​ത്സി​ച്ചു ഭേ​ദ​പ്പെ​ടു​ത്തു​ക. പ​ല​ത​രം ച​ർ​മ​രോ​ഗ​ങ്ങ​ളും സ്പ​ർ​ശ​ന​ത്തി​ലൂ​ടെ പ​ക​രാ​നു​ള​ള സാ​ധ്യ​ത കൂ​ടു​ത​ലാ​ണ്.

* ഓ​ഫീ​സി​ൽ ഉ​പ​യോ​ഗി​ക്കു​ന്ന ഗ്ലാ​സു​ക​ൾ, പാ​ത്ര​ങ്ങ​ൾ എ​ന്നി​വ ചൂ​ടു​വെ​ള​ളം, സോ​പ്പ് എ​ന്നി​വ ഉ​പ​യോ​ഗി​ച്ചു ക​ഴു​കി അ​ണു​വി​മു​ക്ത​മാ​ക്കു​ക.

* ജോ​ലി സം​ബ​ന്ധ​മാ​യ ആ​വ​ശ്യ​ങ്ങ​ൾ​ക്കു​പ​യോ​ഗി​ക്കു​ന്ന മേ​ശ​യി​ൽ വ​ച്ചു ഭ​ക്ഷ​ണം ക​ഴി​ക്കു​ന്ന പ്ര​വ​ണ​ത ഉ​പേ​ക്ഷി​ക്കു​ക. ഓ​ഫീ​സി​നോ​ടു ചേ​ർ​ന്നു​ള​ള ഭ​ക്ഷ​ണ​മു​റി ഇ​തി​നാ​യി ഉ​പ​യോ​ഗി​ക്കു​ക.

* ജോ​ലി​ക്കി​ടെ ല​ഘു​ഭ​ക്ഷ​ണം വി​ത​ര​ണം ചെ​യ്യു​ന്പോ​ഴും ക​ഴി​ക്കു​ന്പോ​ഴും അ​തീ​വ​ശ്ര​ദ്ധ പു​ല​ർ​ത്ത​ണം. പ​ല​ഹാ​രം വി​ള​ന്പു​ന്ന​തി​നു മു​ന്പ് കൈ​ക​ൾ സോ​പ്പു പു​രട്ടി ക​ഴു​കി വൃ​ത്തി ഉ​റ​പ്പാ​ക്ക​ണം. പ​ല​ഹാ​രം വി​ള​ന്പു​ന്ന​വ​ർ ഗ്ലൗ​സ് ഉ​പ​യോ​ഗി​ക്കു​ന്ന​തും ന​ല്ല​ശീ​ലം. ഇ​തു​പോ​ലെ പ​ല​ഹാ​രം സ്വീ​ക​രി​ക്കു​ന്ന​വ​രും കൈ​ക​ൾ അ​ണു​വി​മു​ക്ത​മാ​ണെ​ന്ന് ഉ​റ​പ്പു​വ​രു​ത്തു​ക. കൈ​ക​ൾ, ഓ​ഫീ​സ് ഫ​യ​ലു​ക​ൾ, കം​പ്യൂ​ട്ടർ കീ​ബോ​ർ​ഡ്, മൗ​സ്, ഹാ​ൻ​ഡ് ഡോ​ർ എ​ന്നി​വ രോ​ഗാ​ണു​ക്ക​ളു​ടെ സു​ഖ​വാ​സ​കേ​ന്ദ്ര​ങ്ങ​ളാ​ണ്.

അ​ത്ത​രം ഇ​ട​ങ്ങ​ളി​ൽ സ്പ​ർ​ശി​ച്ച ശേ​ഷം കൈ ​ക​ഴു​കാ​തെ പ​ല​ഹാ​രം നു​ണ​യു​ന്പോ​ൾ നാ​മ​റി​യാ​തെ രോ​ഗാ​ണു​ക്ക​ളും ഉ​ള​ളി​ലെ​ത്തും. ഇ​തു​പോ​ലെ ത​ന്നെ ല​ഘു​ഭ​ക്ഷ​ണ​ത്തിന്‍റെ അ​വ​ശി​ഷ്ട​ങ്ങ​ൾ ഓ​ഫീ​സ് മേ​ശ​യി​ൽ നി​ന്ന് ഉ​ട​ന​ടി നീ​ക്കാ​നും ശ്ര​ദ്ധ​പു​ല​ർ​ത്ത​ണം. അ​വ​ശി​ഷ്ട​ങ്ങ​ൾ ജീ​ർ​ണി​ച്ച് രോ​ഗാ​ണു​ക്ക​ളു​ടെ വി​ള​നി​ല​മാ​കാ​ൻ അ​ധി​ക​കാ​ലം വേ​ണ്ട!



* മൂ​ക്ക്, വാ​യ, ചെ​വി, ക​ണ്ണ്് തു​ട​ങ്ങി​യ ശ​രീ​ര​ഭാ​ഗ​ങ്ങ​ളി​ൽ സ്പ​ർ​ശി​ക്കു​ന്ന​ത്് ഒ​ഴി​വാ​ക്കു​ക. അ​ബ​ദ്ധ​ത്തി​ൽ സ്പ​ർ​ശി​ക്കു​ക​യാ​ണെ​ങ്കി​ൽ ആ​ൻ​റി ബാ​ക്ടീ​രി​യ​ൽ ലോ​ഷ​നോ സോ​പ്പോ പു​രട്ടി കൈ ​ക​ഴു​കണം.

* പകർച്ചപ്പനി ഉള്ളവരുമായിഅ​ടു​ത്തി​ട​പ​ഴ​കു​ന്ന​ത് ഒ​ഴി​വാ​ക്കു​ക. ധാ​രാ​ളം ശു​ദ്ധ​ജ​ലം കു​ടി​ക്കു​ക. തി​ള​പ്പി​ച്ചാ​റി​യ വെ​ള​ളം ക​രു​തു​ക. പോ​ഷ​ക​സ​മൃ​ദ്ധ​മാ​യ ആ​ഹാ​രം ക​ഴി​ക്കു​ക.

* ഓ​ഫീ​സ് കാ​ൻ​റീ​നു​ക​ളു​ടെ ശു​ചി​ത്വം ഉ​റ​പ്പാ​ക്കു​ന്ന​തി​ലും പ്ര​ത്യേ​ക ശ്ര​ദ്ധ പു​ല​ർ​ത്ത​ണം. രോ​ഗാ​ണു​ക്ക​ളെ അ​ക​റ്റി ആ​രോ​ഗ്യ​ഭ​ക്ഷ​ണം ത​യാ​റാ​ക്കു​ന്ന​തി​നെ​ക്കു​റി​ച്ച് കാ​ന്‍റീൻ ന​ട​ത്തി​പ്പു​കാ​ർ​ക്കും തൊ​ഴി​ലാ​ളി​ക​ൾ​ക്കും പ്ര​ത്യേ​ക ക്ലാ​സു​ക​ൾ ആ​രോ​ഗ്യ​പ്ര​വ​ർ​ത്ത​ക​രു​ടെ സ​ഹാ​യ​ത്തോ​ടെ സം​ഘ​ടി​പ്പി​ക്കു​ക. ത​ല​യി​ൽ പ്ലാ​സ്റ്റി​ക് ആ​വ​ര​ണ​വും കൈ​യി​ൽ ഗ്ലൗ​സും ധ​രി​ക്കാ​ൻ നി​ർ​ദേ​ശം ന​ൽ​ക​ണം. ഭ​ക്ഷ​ണം ത​യാ​റാ​ക്കു​ന്പോ​ഴും വി​ള​ന്പു​ന്പോ​ഴും അ​ണു​വി​മു​ക്ത​മെ​ന്ന് ഉ​റ​പ്പു​വ​രു​ത്ത​ണം. അ​സു​ഖ​ങ്ങ​ളു​ള​ള​വ​ർ ഭ​ക്ഷ​ണം ത​യാ​റാ​ക്കു​ന്ന​തും വി​ള​ന്പു​ന്ന​തു​മാ​യ സാ​ഹ​ച​ര്യം ഒ​ഴി​വാ​ക്ക​ണം. ച​ർ​മ​രോ​ഗ​ങ്ങ​ളു​ള​ള​വ​ർ ആ​ഹാ​രം ത​യാ​റാ​ക്കു​ന്ന​ത് ത​ട​യ​ണം. അ​തു​പോ​ലെ പു​റ​ത്തു​നി​ന്നു ഭ​ക്ഷ​ണം വ​രു​ത്തി ക​ഴി​ക്കു​ന്ന​വ​രും അ​ത്ത​രം ഭ​ക്ഷ​ണ​ശാ​ല​ക​ളി​ലെ ശു​ചി​ത്വ​നി​ല​വാ​രം അ​ന്വേ​ഷി​ക്കു​ന്ന​ത് ഉ​ചി​തം. പ​ഴ​കി​യതും തണുത്തതുമായ ഭ​ക്ഷ​ണം ക​ഴി​ക്ക​രു​ത്.

* ഓ​ഫീ​സി​നോ​ടു ചേ​ർ​ന്നു ടോ​യ് ലറ്റ് സൗ​ക​ര്യം ഏ​ർ​പ്പെ​ടു​ത്താ​നും അ​വ​യു​ടെ ശു​ചി​ത്വ​വും ഉ​റ​പ്പാ​ക്കാ​നും ശ്ര​ദ്ധി​ക്കു​ക. ടോ​യ് ലറ്റി​ൽ ഹാ​ൻ​ഡ് വാ​ഷ് ല​ഭ്യ​മാ​ക്കു​ക. ദി​വ​സ​വും പ​ല​ത​വ​ണ ടോ​യ് ലറ്റ് വെ​ള​ള​വും അ​ണു​നാ​ശി​നി​യും ഉ​പ​യോ​ഗി​ച്ചു വൃ​ത്തി​യാ​ക്കാ​നു​ള​ള സൗ​ക​ര്യം ഏ​ർ​പ്പെ​ടു​ത്തു​ക. ഇ​ക്കാ​ര്യ​ത്തി​ൽ ടോ​യ് ലറ്റ് ഉ​പ​യോ​ഗി​ക്കു​ന്നവരും ശ്ര​ദ്ധി​ക്ക​ണം. അ​തു ക​ട​മ​യാ​ണെ​ന്നു തി​രി​ച്ച​റി​യു​ക. വ്യ​ക്തി​ശു​ചി​ത്വ​മാ​ണ് സാ​മൂ​ഹി​ക​ശു​ചി​ത്വത്തിന്‍റെ അ​ടി​ത്ത​റ. ടോ​യ്‌ലറ്റ് ഡോ​റു​ക​ളു​ടെ ഹാ​ൻ​ഡ് ഇ​ട​യ്ക്കി​ടെ അ​ണു​നാ​ശി​നി പു​രട്ടിയ തുണികൊണ്ടു തു​ട​ച്ചു വൃ​ത്തി​യാ​ക്കാ​ൻ ശ്ര​ദ്ധി​ക്കു​ക.

* ഓ​ഫീ​സി​ലെ ഭ​ക്ഷ​ണ​മു​റി​യോ​ട് അ​നു​ബ​ന്ധി​ച്ചു​ള​ള വാ​ഷ്ബേ​സി​നും അ​ണു​വി​മു​ക്ത​മാ​ക്കി സൂ​ക്ഷി​ക്ക​ണം. ഇ​ക്കാ​ര്യ​ത്തി​ൽ അ​ത് ഉ​പ​യോ​ഗി​ക്കു​ന്ന​വ​ർ​ക്കും നി​ർ​ണാ​യ​ക പ​ങ്കു​ണ്ട്. വാ​ഷ്ബേ​സി​നി​ൽ തുപ്പി വെ​ള​ള​മൊ​ഴി​ക്കാ​തെ ക​ട​ന്നു​ക​ള​യു​ന്ന ശീ​ല​മു​ള​ള​വ​ർ അ​ത് ഉ​പേ​ക്ഷി​ക്ക​ണം. ഇ​ട​യ്ക്കി​ടെ വാ​ഷ്ബേ​സി​നി​ലും അ​ണു​നാ​ശി​നി​ക​ൾ ഒ​ഴി​ക്കു​ന്ന​തു ഗു​ണ​പ്ര​ദം. വാ​ഷ്ബേ​സിന്‍റെ വ​ശ​ങ്ങ​ളി​ൽ (ആ​യി​ര​ക്ക​ണ​ക്കി​നു രോ​ഗാ​ണു​ക്ക​ളു​ടെ സം​ഗ​മ​സ്ഥാ​ന​മാ​ണ് അ​ത്ത​രം ഇ​ട​ങ്ങ​ൾ) വ​ച്ചു ഭ​ക്ഷ​ണ​പാ​ത്ര​വും ചാ​യ​ക്കോ​പ്പ​യും ക​ഴു​കു​ന്ന ശീ​ല​വും ആ​രോ​ഗ്യ​ക​ര​മ​ല്ല.

തയാറാക്കിയത് - ടിജിബി


Copyright @ 2022 , Rashtra Deepika Ltd.