കോരനെ കാലം കണ്ടെത്തി
ചി​ല മ​റ​വി​ത്തെ​റ്റു​ക​ളി​ൽ​നി​ന്നും ഒ​രു ഓ​ർ​മ പു​റ​ത്തെ​ടു​ക്കു​ന്നു.
വ​ർ​ഷ​ങ്ങ​ൾ പ​ഴ​ക്ക​മു​ള്ള ച​രി​ത്ര​ബോ​ധ​മാ​ണി​ത്. ഒ​രു നാ​ടി​ന്‍റെ ഓ​ർ​മ​ക​ളി​ൽ​നി​ന്നും മാ​യി​ക്ക​പ്പെ​ട്ട ച​രി​ത്രം. ഇ​തൊ​രു വ്യ​ക്തി​യു​ടെ ച​രി​ത്ര​മാ​ണ്. അ​തു​ത​ന്നെ​യാ​ണ് ഒ​രു ദേ​ശ​ത്തി​ന്‍റേതും ഒ​രു ത​ല​മു​റ​യു​ടേ​തും ഒ​രു കാ​ല​ഘ​ട്ട​ത്തി​ന്‍റെ​യും ച​രി​ത്രം. അ​താ​ണ് ത​ഴ​ഞ്ഞ​തും ത​ക​ർ​ക്ക​പ്പെ​ട്ട​തും, അ​താ​ണ് മ​റ​ന്ന​തും മാ​യി​ക്ക​പ്പെ​ട്ട​തും.

കോ​യോ​ങ്ക​ര കോ​ര​ൻ. 1905 ൽ ​ജ​നി​ച്ച് 1987ൽ ​മ​റ​ഞ്ഞ വ്യ​ക്തി​ത്വം. ജ​ന​ന മ​ര​ണ​ങ്ങ​ൾ ഒ​രി​ട​ത്തും ജീ​വി​തം പ​ല​യി​ട​ത്തു​മാ​യി പൂ​ർ​ത്തി​യാ​ക്കി​യ അ​പൂ​ർ​വ വ്യ​ക്തി​ത്വം. സ്വ​ന്തം ജീ​വി​തം കൊ​ണ്ട് ഒ​രു നാ​ട് പ​ണി​യ​പ്പെ​ട്ടി​ട്ടും നാ​ട്ടു​ച​രി​ത്ര​ത്തി​ൽ​നി​ന്ന് അ​ന്യ​വ​ത്ക​രി​ക്ക​പ്പെ​ട്ട വ്യ​ക്തി. എ​ല്ലാം നേ​ടി​യി​ട്ടും ഒ​ന്നും സ്വ​ന്ത​മാ​യി​ല്ല അ​യാ​ൾ​ക്ക്.

കോ​ര​നെ ക​ണ്ട​റി​യാ​ൻ ഇ​ന്നൊ​രു ചി​ത്രം പോ​ലും ബാ​ക്കി​യി​ല്ല. കാ​ല​ത്തി​ന്‍റെ കു​ത്തൊ​ഴു​ക്കി​ൽ അ​ത് കാ​ല​ഹ​ര​ണ​പ്പെ​ട്ടു. മ​ക​ൻ 10 വ​ർ​ഷം മു​ന്പുവ​രെ ഇ​രു​ന്പുപെ​ട്ടി​യി​ൽ സൂ​ക്ഷി​ച്ചി​രു​ന്ന അ​വ​സാ​ന​ത്തെ ഓ​ർ​മ ആ​രോ കൊ​ണ്ടു​പോ​യി. പി​ന്നീ​ട​ത് തി​രി​ച്ചു​വ​ന്നി​ല്ല. കാ​ല​ച​രി​ത്ര​ത്തി​ൽ​നി​ന്നും ക​ട​ന്നു​ക​ള​ഞ്ഞ കോ​ര​നെ കാ​ലാ​തി​വ​ർ​ത്തി​യാ​ക്കാ​ൻ ഇ​നി കാ​ഴ്ച ഇ​ല്ല. കേ​ൾ​വി​യും കേ​ട്ടെ​ഴു​ത്തും മാ​ത്ര​മേ​യു​ള്ളൂ ബാ​ക്കി. അ​താ​ണ് കാ​ല​ത്തി​ന്‍റെ വി​ധി. അ​തു​കൊ​ണ്ട് ച​രി​ത്രം തി​ര​ഞ്ഞു മ​ട​ങ്ങാം.. അ​വി​ടെ കോ​ര​ൻ തെ​ളി​യു​മോ എ​ന്ന് കാ​ത്തി​രി​ക്കാം..

കാ​സ​ർ​ഗോ​ഡ് ജി​ല്ല​യി​ലെ കാ​ഞ്ഞ​ങ്ങാ​ടി​ന​ടു​ത്ത് മ​ടി​ക്കൈ ബ​ർ​മ​ത്ത​ട്ടി​ൽ​നി​ന്നും പ​രി​സ​ര​ത്തു​നി​ന്നും ഉ​യ​ർ​ന്ന പ​ല വാ​ക്കു​ക​ൾ​കൊ​ണ്ട് പ​ണി​തെ​ടു​ക്കു​ക​യാ​ണ് കോ​ര​കാ​ല​ത്തി​ന്‍റെ ച​രി​ത്രം.

കോ​ര​ന്‍റെ ബ​ന്ധു​വും സു​ഹൃ​ദ് വ​ല​യ​ത്തി​ൽ ഉ​ൾ​പ്പെ​ട്ട​തു​മാ​യ ചാ​പ്പ​യി​ൽ കു​ഞ്ഞി​രാ​മ​ൻ "പ​റ​ഞ്ഞു​തു​ട​ങ്ങു​ന്നു'

ചെ​റു​പ്പ​ത്തി​ല​ന്നെ ഓ​ര് നാ​ട് വി​ട്ടു. 20 വ​യ​സി​ന് മീ​ത്തേ​യു​ണ്ടാ​കും പ്രാ​യം. അ​ന്ന് ഈ​ടെ​യൊ​ക്കെ വ​ലി​യ ക​ഷ്ടോ​ന്നെ​യാ​യി​രു​ന്നു. പ​ണി​യൊ​ക്കെ കു​റ​വ​ന്നെ. നാ​ട്ടി​ല് പ​ട്ടി​ണീം ബു​ദ്ധി​മു​ട്ട​ന്നെ. അ​ന്ന് ജ​ൻ​മി​മാ​ര്ടെ കാ​ല​ല്ലേ. ഓ​ർ​ടെ അ​ടു​ത്ത് പ​ണി​ക്കു​പോ​ണം. എ​ന്തേ​ലും കി​ട്ടി​യാ​ലാ​യി. അ​തോ​ണ്ട് തൃ​പ്തി​പ്പെ​ട​ണം. ‌

ഞ​ങ്ങ​ടെ ഈ ​മ​ടി​ക്കൈ പ്ര​ദേ​ശ​ത്തും ജ​ൻ​മി​മാ​ര്ടെ വ​ലി​യ ത​റ​വാ​ട് ഉ​ണ്ടാ​യി​രു​ന്നു. ആ ​ജ​ൻ​മീ​ന്‍റാ​ടെ​യാ​ണ് ഞ​ങ്ങ​ടെ നാ​ട്ടു​കാ​രൊ​ക്കെ ജോ​ലി​ക്ക് പോ​യി​രു​ന്നേ. ആ​ടെ വ​ലി​യ ബു​ദ്ധി​മു​ട്ടെ​ന്നെ​യാ​യി​രു​ന്നു. ചെ​റി​യ കൂ​ലി​ക്ക് ഓ​റ് പ​റ​യു​ന്ന പ​ണി​യൊ​ക്കെ​യെ​ടു​ക്ക​ണം. അ​ല്ലെ​ങ്കീ കു​റേ അ​ടി​യൊ​ക്കെ കി​ട്ടും. അ​ന്ന് രാ​ഷ്ട്രീ​യ പാ​ർ​ട്ടീ​ന്നും ഈ ​വ​ഴി​ക്ക​ന്നെ വ​ന്നി​റ്റി​ല്ല. അ​തോ​ണ്ട് ജ​ൻ​മീ​ന്നെ​യാ​യി​രു​ന്നു എ​ല്ലാം.

കൂ​ലി​ത്ത​ർ​ക്ക​ത്തെ​ത്തു​ട​ർ​ന്ന് ഒ​രി​ക്കെ കോ​രേ​ട്ട​ൻ ജ​ൻ​മീ​നെ ചോ​ദ്യം ചെ​യ്തു. പ​റ​യ​ണോ പു​കി​ല്. പി​ന്നെ ഭ​യ​ങ്ക​ര കു​ഴ​പ്പോ​ന്നെ. കോ​രേ​ട്ട​നെ ഓ​ര് ത​റ​വാ​ടി​ന് മു​ന്നി​ല് കെ​ട്ടീ​ട്ട് അ​ടി​ച്ചൂ​ന്നും നീ​റി​നെ (ഉ​റു​ന്പ്) ചാ​ക്കി​ല് നെ​റ​ച്ചി​റ്റ് ദേ​ഹ​ത്ത് കെ​ട്ടി​വ​ച്ചൂ​ന്നൊ​ക്കെ പി​ന്നെ അ​റി​ഞ്ഞു. അ​ന്നൊ​ക്കെ പ​ല​തും പു​റ​ത്ത​റി​യൂ​ല്ല​ല്ലോ.

ഏ​താ​യാ​ലും ഈ ​സം​ഭ​വ​ത്തി​നു​ശേ​ഷം അ​ധി​ക​കാ​ലം കോ​രേ​ട്ട​ൻ നാ​ട്ടി​ല് നി​ന്നി​ല്ല. ഒ​രു സു​പ്ര​ഭാ​ത​ത്തി​ല് ഓ​രെ കാ​ണാ​താ​യി. സി​ലോ​ണി​ലേ​ക്കോ (ശ്രീ​ല​ങ്ക​യു​ടെ പ​ഴ​യ പേ​ര്-​സി​ലോ​ണ്‍ എ​ന്ന പേ​രി​ൽ അ​റി​യ​പ്പെ​ട്ടി​രു​ന്ന ദ്വീ​പ് രാ​ഷ്ട്രം 1972 ൽ ​ശ്രീ​ല​ങ്ക​യെ​ന്ന് പേ​ര് ഒൗ​ദ്യോ​ഗി​ക​മാ​യി സ്വീ​ക​രി​ച്ചു) മ​റ്റോ പോ​യീ​ന്ന് പി​ന്നെ അ​റി​ഞ്ഞു.

പി​ന്നീ​ട് ഈ ​സം​ഭ​വം നാ​ട്ടി​ല് വ​ല്യ ച​ർ​ച്ച​യാ​യി. പ​ല​രും പേ​ടി​ച്ച് പ​റ​യാ​ണ്ടി​രു​ന്ന കാ​ര്യം കോ​രേ​ട്ട​ൻ ന​ട്ടെ​ല്ല് നി​വ​ർ​ത്തി​നി​ന്ന് പ​റ​ഞ്ഞൂ​ന്ന് അ​ച്ഛ​ന​ട​ക്കം പ​റ​യു​ന്ന​ത് ഞാ​ൻ പി​ന്നെ കേ​ട്ടി​റ്റു​ണ്ട്. ഏ​താ​യാ​ലും മ​ടി​ക്കൈ​ടെ പ്ര​തി​രോ​ധ​ത്തി​ന്‍റെ ച​രി​ത്ര​ത്തി​ലെ സു​പ്ര​ധാ​ന ഏ​ടാ​ന്ന് ഈ ​സം​ഭ​വം.

മ​ടി​ക്കൈ​യി​ലെ റി​ട്ട. സ്കൂ​ൾ അ​ധ്യാ​പ​ക​നും നാ​ടി​ന്‍റെ ച​രി​ത്രാ​ന്വേ​ഷി​യു​മാ​യ കു​ഞ്ഞാ​മ​ൻ മാ​ഷ് "തു​ട​രു​ന്നു'

അ​ക്കാ​ല​ത്ത് സി​ലോ​ണി​ൽ ജോ​ലി തേ​ടി പോ​കു​ന്ന​വ​ർ ഏ​റെ​യു​ണ്ടാ​യി​രു​ന്നു. അ​ങ്ങ​നെ കോ​ര​നും അ​വ​രി​ലൊ​രു​വ​നാ​യി. ചെ​ന്നൈ​യി​ൽ​നി​ന്നും ക​പ്പ​ലി​ലാ​യി​രു​ന്നു യാ​ത്ര. ദു​രി​ത​വും സാ​ഹ​സി​ക​ത​യും നി​റ​ഞ്ഞ യാ​ത്ര​യ​്ക്കൊ​ടു​വി​ൽ കോ​ര​നും സം​ഘ​വും സി​ലോ​ണി​ലെ​ത്തി. കൊ​ളം​ബോ​യി​ലാ​ണ് ക​പ്പ​ലി​റ​ങ്ങി​യ​ത്. ജോ​ലി തേ​ടി വ​ന്ന​വ​ർ അ​ങ്ങ​നെ അ​വി​ടെനി​ന്നു പ​ല​വ​ഴി പി​രി​ഞ്ഞു. ദി​വ​സ​ങ്ങ​ളു​ടെ അ​ല​ച്ചി​ലി​നൊ​ടു​വി​ൽ കൊ​ള​ംബോ​യി​ലെ പ്രാ​ന്ത​പ്ര​ദേശ​ത്തെ ഒ​രു ഹോ​ട്ട​ലി​ൽ കോ​ര​ന് ചെ​റി​യ ജോ​ലി ല​ഭി​ച്ചു. അ​തൊ​രു പ്ര​യാ​ണ​ത്തി​ന്‍റെ തു​ട​ക്ക​മാ​യി​രു​ന്നു. അ​തി​ജീ​വ​ന​ത്തി​ന്‍റേ​തും.

ജൻമനാ​ട് ത​ന്ന സ​ത്യ​സ​ന്ധ​ത​യും പ്ര​തി​ക​ര​ണ​ശേ​ഷി​യും ജീ​വി​ത​വു​മാ​യി സ​മ​ന്വ​യി​ച്ച​പ്പോ​ൾ കോ​ര​നെ​ന്ന വ്യ​ക്തി പ​തി​യേ വ​ള​ർ​ന്നു. മ​ടി​ക്കൈ കോ​ര​നെ​ന്ന സ്വ​ത്വ​ത്തി​ന്‍റെ വ​ള​ർ​ച്ച അ​വി​ടെ നി​ന്നാ​യി​രു​ന്നു. സ​ഹ​പ്ര​വ​ർ​ത്ത​രു​ടെ ദു​രി​ത​വും ദു​ര​ന്ത​വും ഏ​റ്റെ​ടു​ത്ത കോ​ര​ൻ അ​വ​രു​ടെ അ​തി​ജീ​വ​ന​ത്തി​ന് ബ​ല​മേ​കി.

കോ​ര​ൻ എ​ന്ന പ്ര​സ്ഥാ​നം വ​ള​ർ​ന്ന​പ്പോ​ൾ എ​തി​ർ​പ്പു​ക​ളും ബ​ല​പ്പെ​ട്ടു. അ​തു​കൊ​ണ്ട് ചു​രു​ങ്ങി​യ കാ​ല​ത്തി​നു​ള്ളി​ൽ അ​ഞ്ചോ​ളം സ്ഥാ​പ​ന​ങ്ങ​ളി​ൽ കോ​ര​ന് ജോ​ലി ചെ​യ്യേ​ണ്ടി​വ​ന്നു. സാ​മൂ​ഹ്യ​പ്ര​ശ്ന​ങ്ങ​ളി​ൽ ഇ​ട​പെ​ട​ൽ സ്ഥി​ര​മാ​യി തു​ട​ർ​ന്നു​പോ​രു​ന്ന​തി​നി​ടെ നി​ല​നി​ൽ​പ്പ് അ​സ്ഥി​ര​മാ​യി​ക്കൊ​ണ്ടി​രു​ന്നു.

എ​തി​ർ​പ്പ് ഭ​യ​നാ​ക​മാം​വി​ധം രൂ​പ​പ്പെ​ട്ട​പ്പോ​ൾ ആ ​നാ​ടും ഒ​ഴി​യാ​ൻ കോ​ര​ൻ നി​ർ​ബ​ന്ധി​ത​നാ​യി. പലാ​യ​ന​ത്തി​നു മു​ന്പ് സു​ഹൃ​ത്തു​ക്കളും സ​ഹ​പ്ര​വ​ർ​ത്ത​ക​രും നി​സ​ഹാ​യ​ക​രാ​യ​പ്പോ​ൾ അ​തി​ജീ​വ​ന​ത്തി​ന്‍റെ വ​ഴി​ക​ളി​ൽ കോ​ര​ൻ അ​ക്ഷോ​ഭ്യ​നാ​യി നി​ന്നു. അ​ങ്ങ​നെ പ​ത്തു​വ​ർ​ഷം നീ​ണ്ട സി​ലോ​ണ്‍ കാ​ല​ഘ​ട്ട​വും അ​വി​ടെ സ​മാ​പി​ച്ചു. ബ​ർ​മ​യാ​യി​രു​ന്നു പു​തു​വ​ഴി. അ​ക്കാ​ല​ത്ത് ബ​ർ​മീ​സ് കു​ടി​യേ​റ്റം ശ​ക്ത​മാ​യി​രു​ന്നു.

കോ​ര​ൻ സു​ഹൃ​ത്ത് ത​മ്മ​ന​ങ്ക​ര പൊ​ക്ക​ൻ വെ​ളി​ച്ച​പ്പാ​ടി​ന് 1960 ൽ ​അ​യ​ച്ച ക​ത്തി​ൽ​നി​ന്നും ല​ഭി​ച്ച വി​വ​ര​ങ്ങ​ൾ മ​ക​ൾ കു​ന്പ "പ​റ​യു​ന്നു'

ബ​ർ​മ​യി​ലെ മേ​മി​യോ എ​ന്ന സ്ഥ​ല​ത്താ​യി​രു​ന്നു ഓ​ര് എ​ത്തി​പ്പെ​ട്ട​ത്. ന​മ്മ​ടെ നാ​ട് പോ​ല​ത്തെ പ്ര​ദേ​ശ​മാ​യി​രു​ന്നു ആ​ടെ. അ​തു​കൊ​ണ്ട് ഓ​ർ​ക്ക് ഭ​യ​ങ്ക​ര ഇ​ഷ്ട​ായി. സി​ലോ​ണി​ൽ പ​ല​രു​ടെ​യും കീ​ഴി​ൽ ജോ​ലി ചെ​യ്ത് ബു​ദ്ധി​മു​ട്ടി​യ​തി​നാ​ൽ ആ​ടെ എ​ന്തെ​ങ്കി​ലും സ്വ​ന്താ​യി​ട്ട് തു​ട​ങ്ങാ​ൻ ഓ​ര് ശ്ര​മി​ച്ചു. സി​ലോ​ണി​ൽ നി​ന്ന് ജോ​ലി ചെ​യ്ത് ല​ഭി​ച്ച കു​റ​ച്ച് കാ​ശ് ഉ​പ​യോ​ഗി​ച്ച് മേ​മി​യോ​യി​ൽ ഒ​രു ഹോ​ട്ട​ൽ തു​ട​ങ്ങി.

ഹോ​ട്ട​ൽ ചെ​റു​താ​യി​രു​ന്നെ​ങ്കി​ലും ആ​ട്ത്തെ രു​ചി ന​ല്ല​താ​യി​രു​ന്നു. അ​തോ​ണ്ട് ദൂ​ര​ദേ​ശ​ങ്ങ​ളി​ൽ​നി​ന്നു​പോ​ലും ആ​ളു​ക​ള് ആ​ടെ എ​ത്തി. അ​ങ്ങ​നെ ഹോ​ട്ട​ലി​നൊ​പ്പം കോ​ര​ൻ മൂ​പ്പ​രും വ​ള​ർ​ന്നു. കെ. ​കോ​ര​ൻ എ​ന്ന പേ​ര് മേ​മി​യോ​യി​ൽ അ​ക്കാ​ല​ത്ത് വ​ല്യ സം​ഭ​വ​മാ​യി.

1949ൽ ​കോ​ര​ൻ മൂ​പ്പ​ര് മം​ഗ​ലം (ക​ല്യാ​ണം) ക​യി​ച്ചു. മേ​മി​യോ​യി​ലെ വ​ല്യ ക​ച്ചോ​ട​ക്കാ​ര​ന്‍റെ മോ​ളെ​യാ​യി​രു​ന്നു ക​യി​ച്ച​ത്. ര​ണ്ടു വ​ർ​ഷ​ത്തി​നു​ശേ​ഷം ഓ​ർ​ക്ക് ഒ​രു മോ​ള് പി​റ​ന്നു. പേ​ര് ക​മ​ല. ഇ​തി​നി​ടെ കോ​ര​ൻ മൂ​പ്പ​ര് ആ​ടെ​ന്നെ ര​ണ്ട് ഹോ​ട്ട​ലു​ക​ള് കൂ​ടി തു​ട​ങ്ങി. ആ ​ഹോ​ട്ട​ലി​ന്‍റെ പേ​ര് ക​മ​ല എ​ന്നാ​യി​രു​ന്നു. അ​തും വ​ല്യ വി​ജ​യ​മാ​യി. അ​ങ്ങ​നെ കോ​ര​ൻ മൂ​പ്പ​ര് വ​ള​ർ​ന്ന് മേ​മി​യോ​യി​ലെ​ത​ന്നെ വ​ല്യ ക​ച്ചോ​ട​ക്കാ​ര​നാ​യി.

കോ​ര​ൻ മൂ​പ്പ​ര് അ​ങ്ങ​നെ ര​ക്ഷ​പെ​ട്ടു​വ​രു​ന്ന​തി​നി​ടെ ഒ​രു വ​ല്യ സം​ഭ​വോ​ണ്ടാ​യി. മൂ​പ്പ​ര്ടെ ഹോ​ട്ട​ലി​ന് സ​മീ​പ​ത്ത് പ​ട്ടാ​ള ക്യാ​ന്പ് ഉ​ണ്ടാ​യി​രു​ന്നു. അ​ക്കാ​ല​ത്ത് പ​ട്ടാ​ളം വ​ലി​യ ദ്രോ​ഹോ​ക്കെ ചെ​യ്തി​നീ. കോ​ര​ൻ മൂ​പ്പ​ര് ഇ​ല്ലാ​ണ്ടി​രു​ന്ന ഒ​രു സ​മ​യ​ത്ത് അ​വ​രി​ൽ ചി​ല​ര് വീ​ട്ടി​ല് കേ​റി ഭാ​ര്യേ​നെ ഉ​പ​ദ്ര​വി​ച്ചു. ബ​ലാ​ത്‌സംഗ ശ്ര​മാ​യി​രു​ന്നു. ഏ​താ​യാ​ലും ആ​ളൊ​ക്കെ അ​റി​ഞ്ഞു​വ​ന്ന​തോ​ണ്ട് ഓ​ർ​ക്ക് വ​ല്യ കൊ​ഴ​പ്പോ​ന്നും ഉ​ണ്ടാ​യി​റ്റ. ഏ​താ​യാ​ലും ഈ ​സം​ഭ​വ​ത്തി​നു​ശേ​ഷം ഭാ​ര്യേ​ന്‍റെ മാ​ന​സി​ക നി​ല തെ​റ്റി. രോ​ഗോ​ക്കെ​യാ​യി​ട്ട് ഒ​രു വ​ർ​ഷോ മ​റ്റോ കെ​ട​ന്നു. 1952 ൽ ​ഓ​ര് മ​രി​ച്ചു.

ഈ ​സം​ഭ​വം കോ​ര​ൻ മൂ​പ്പ​രെ വ​ല്ലാ​ണ്ട് കൊ​ഴ​പ്പ​ത്തി​ലാ​ക്കി. വ​ല്യ ക​ഷ്ടോ​ക്കെ സ​ഹി​ച്ചാ​ണ് ഈ​ടെ എ​ത്തി​യ​തെ​ങ്കി​ലും ഈ ​മ​ര​ണം ഓ​ർ​ക്ക് സ​ഹി​ക്കാ​ൻ പ​റ്റു​ന്ന​തി​ന് അ​പ്പു​റ​മാ​യി​രു​ന്നു. അ​ത് അ​വ​ര് ക​ത്തി​ല് എ​ഴു​തീ​റ്റി​ണ്ടാ​യി​രു​ന്നു. ഏ​താ​യാ​ലും ഒ​രു വ​ർ​ഷം ക​ഴി​ഞ്ഞ് കോ​ര​ൻ മൂ​പ്പ​ര് ഉ​ഷാ​റാ​യി. ഇ​തി​ന് ഓ​രെ സ​ഹാ​യി​ച്ച​ത് കൂ​ടെ ജോ​ലി ചെ​യ്ത ഒ​രു മ​ല​യാ​ളി​യാ​യി​രു​ന്നു. ക​ണ്ണൂ​രു​കാ​ര​ൻ ഒ​രു ക​രു​ണ​ൻ. ഹോ​ട്ട​ല് പൊ​ളി​യാ​തെ കാ​ത്ത​ത് ക​രു​ണ​ന്‍റെ മി​ട്ക്ക് ആ​യി​രു​ന്നൂ​ന്ന് പി​ന്നീ​ടും കോ​ര​ൻ മൂ​പ്പ​രും പ​റ​ഞ്ഞി​ട്ടു​ണ്ട്.

മോ​ള് ക​മ​ലേ​ടെ ഒ​റ്റ​പ്പെ​ട​ല് ക​ണ്ടി​റ്റാ​ന്ന് മൂ​പ്പ​ര് പി​ന്നേം ഒ​രു മം​ഗ​ല​ത്തി​നൂ​ടെ ത​യാ​റാ​യെ. ഒ​രു മം​ഗ​ലം കൂ​ടെ ക​ഴി​ക്കാ​ൻ ക​രു​ണ​നും നി​ർ​ബ​ന്ധി​ച്ചു. അ​ങ്ങ​നെ​യാ​ന്ന് 1956 ലോ ​മ​റ്റോ മൂ​പ്പ​ര് വീ​ണ്ടും മം​ഗ​ലം ക​യി​ക്കു​ന്നേ. അ​തും ഒ​രു ബ​ർ​മ​ക്കാ​രി ത​ന്നെ. പേ​ര് പാ​പ്പ. അ​തി​ല് മൂ​പ്പ​ർ​ക്ക് ര​ണ്ട് ആ​ണ്‍​മ​ക്ക​ള് ഉ​ണ്ടാ​യി. മൂ​ത്ത​യാ​ള് ഗോ​പാ​ല​ൻ. ഇ​ള​യോ​ൻ കൃ​ഷ്ണ​ൻ.

ഇ​ട​യി​ൽ മു​റി​ഞ്ഞു​പോ​യ ച​രി​ത്രം കു​ഞ്ഞാ​മ​ൻ മാ​ഷ് "പൂ​രി​പ്പി​ക്കു​ന്നു'

1966 ൽ ​കോ​ര​ന് ബ​ർ​മ വി​ടേ​ണ്ടി​വ​ന്നു. ജ​നാ​ധി​പ​ത്യ​ഭ​ര​ണ​ത്തെ മ​റി​ച്ചി​ട്ട് സൈ​നി​ക​ഭ​ര​ണം നി​ല​വി​ൽ വ​ന്ന കാ​ല​ഘ​ട്ട​മാ​യി​രു​ന്നു അ​ത്. (1962 ൽ ​ആ​ണ് ബ​ർ​മ​യി​ലെ ജ​നാ​ധി​പ​ത്യ ഭ​ര​ണ​കൂ​ട​ത്തെ അ​ട്ടി​മ​റി​ച്ച് മി​ലി​റ്റ​റി ഭ​ര​ണ​ത്തി​ൽ ഇ​ട​പെ​ടു​ന്ന​ത്. പി​ന്നീ​ട് ഒ​ളി​ഞ്ഞും തെ​ളി​ഞ്ഞും ഭ​ര​ണ കാ​ര്യ​ങ്ങ​ളി​ൽ പ​ട്ടാ​ളം ഇ​ട​പെ​ട​ൽ ന​ട​ത്തു​ന്നു​ണ്ട്. പേ​ര് മാ​റി മ്യാ​ൻ​മ​റാ​യി​ട്ടും അ​ത് ഇ​ന്നും തു​ട​രു​ന്നു). ത​ദ്ദേ​ശീ​യ​രു​ടെ സ്വ​ത്തു​വകക​ൾ വി​ദേ​ശീ​യ​ർ കൈ​വ​ശ​പ്പെ​ടു​ത്തി ബ​ർ​മ​യെ ചൂ​ഷ​ണം ചെ​യ്യു​ക​യാ​ണെ​ന്ന് ആ​രോ​പി​ച്ച് സൈ​നി​ക​ഭ​ര​ണ​കൂ​ടം വി​ദേ​ശീ​യ​രെ രാ​ജ്യ​ത്ത് നി​ന്നു പു​റ​ത്താ​ക്കു​വാ​നു​ള്ള ന​ട​പ​ടി​ക​ൾ ആ​രം​ഭി​ച്ചു. അ​ത്യാ​വ​ശ്യ സാ​ധ​ന​ങ്ങ​ൾ മാ​ത്രം എ​ടു​ത്ത് ഉ​ട​ൻ രാ​ജ്യം വി​ടാ​ൻ സൈ​നി​ക​ഭ​ര​ണ​കൂ​ടം വിദേശീയർക്ക് ക​ർ​ശ​ന​നി​ർ​ദേ​ശം ന​ൽ​കി.
ര​ണ്ടു​മ​ക്ക​ളും ഭാ​ര്യ​യും ഭാ​ര്യ​യു​ടെ അ​മ്മ​യു​മാ​യി കോ​ര​ൻ ബ​ർ​മ​യി​ൽ​നി​ന്നു മ​ട​ങ്ങി. ഗോ​പാ​ല​ന് അ​ന്ന് എ​ട്ടും കൃ​ഷ്ണ​ന് അ​ന്ന് ആ​റ് വ​യ​സും മാ​ത്രാ​യി​രു​ന്നു പ്രാ​യം. മ​ക​ൾ ക​മ​ല ബ​ർ​മ​യി​ലെ ഒ​രു പ​ട്ടാ​ള ഉ​ദ്യോ​ഗ​സ്ഥ​നെ വി​വാ​ഹം ക​ഴി​ച്ച​തി​നാ​ൽ അ​വ​ർ​ക്ക് അ​വി​ടെ നി​ൽ​ക്കാ​ൻ അ​നു​മ​തി ല​ഭി​ച്ചു. ഉ​റ്റ​വ​രും ശൂ​ന്യ​മാ​യ സ​ന്പാ​ദ്യ​വു​മാ​യി കോ​ര​ൻ ചെ​ന്നൈ​യി​ൽ ക​പ്പ​ലി​റ​ങ്ങി. ബ​ർ​മീ​സ് അ​ഭ​യാ​ർ​ഥി​ക​ൾ​ക്കാ​യി ഇ​ന്ത്യ​ൻ സ​ർ​ക്കാ​ർ വ​ലി​യ സ്വീ​ക​ര​ണ​മാ​ണ് ഒ​രു​ക്കി​യ​ത്. ജീ​വി​ക്കാ​ൻ ഇ​ട​വും അ​തി​ജീ​വ​ന​ത്തി​ന് സ​ഹാ​യ​വും സ​ർ​ക്കാ​ർ വാ​ഗ്ദാ​നം ചെ​യ്തു. ഈ ​വ​ലി​യ വാ​ഗ്ദാ​നം പ്ര​തീ​ക്ഷി​ച്ച് കോ​ര​നും കു​ടും​ബ​വും ര​ണ്ടു മാ​സ​ത്തോ​ളം ചെ​ന്നൈ​യി​ൽ ക​ഴി​ഞ്ഞു. ‌

അ​തി​ജീ​വ​ന​ത്തി​ന് സ​ർ​ക്കാ​ർ വാ​ഗ്ദാ​നം ചെ​യ്ത വ​ഴി അ​ന​ന്ത​മാ​യി നീ​ണ്ട​പ്പോ​ൾ കോ​ര​ൻ ജൻമനാ​ട്ടി​ലേ​ക്ക് മ​ട​ങ്ങാ​ൻ തീ​രു​മാ​നി​ച്ചു. അ​ങ്ങ​നെ പ​ഴ​യ സു​ഹൃ​ത്ത് ക​ണ്ണൂ​രി​ലെ ക​രു​ണ​ന് വ​രു​ന്ന വി​വ​ര​മ​റി​യി​ച്ച് ക​ത്തെ​ഴു​തി. അ​യാ​ള് അ​ഞ്ചു​വ​ർ​ഷം മു​ന്പ് ബ​ർ​മ വി​ട്ടി​രു​ന്നു. നാ​ട്ടി​ൽ ഒ​രു ട്രാ​ൻ​സ്പോ​ർ​ട്ട് ക​ന്പ​നി​യു​ടെ മാ​നേ​ജ​രാ​യി പ്ര​വ​ർ​ത്തി​ക്കു​ക​യാ​യി​രു​ന്നു ക​രു​ണ​ൻ. അ​ദ്ദേ​ഹം എ​ല്ലാ സ​ഹാ​യ​വും വാ​ഗ്ദാ​നം ചെ​യ്തു.

അ​ങ്ങ​നെ 1967 ന്‍റെ തു​ട​ക്ക​ത്തി​ൽ കോ​ര​നും കു​ടും​ബ​വും ക​ണ്ണൂ​രി​ലെ​ത്തി. ക​രു​ണ​ന്‍റെ ശ്ര​മ​ഫ​ല​മാ​യി അ​ന്ന​ത്തെ അ​വിഭ​ക്ത ക​ണ്ണൂ​ർ ജി​ല്ല​യു​ടെ (കാ​സ​ർ​ഗോ​ഡ് ജി​ല്ലാ രൂ​പീ​ക​ര​ണം 1984ൽ ​ആ​യി​രു​ന്നു) ക​ള​ക്ട​റെ ബ​ന്ധ​പ്പെ​ടു​ക​യും ബ​ർ​മീ​സ് അ​ഭ​യാ​ർ​ഥി​ക​ൾ​ക്കു​ള്ള സ​ഹാ​യം അ​ഭ്യ​ർ​ഥി​ക്കു​ക​യും ചെ​യ്തു. ക​ള​ക്ട​ർ അ​നു​ഭാ​വ​പൂ​ർ​വം പെ​രു​മാ​റി. അ​ദ്ദേ​ഹം ഇ​ട​പെ​ട്ട് ക​ള​ക്ട​റേ​റ്റി​നു സ​മീ​പ​മു​ള്ള വീ​ട്ടി​ൽ സ​ർ​ക്കാ​രി​ന്‍റെ അ​തി​ഥി​ക​ളാ​യി അം​ഗീ​ക​രി​ച്ച് താ​മ​സം ഏ​ർ​പ്പാ​ട് ചെ​യ്തു. ദി​വ​സ​ങ്ങ​ൾ പി​ന്നെ​യും കൊ​ഴി​ഞ്ഞു. കാ​ര്യ​ങ്ങ​ൾ​ക്ക് ഒ​രു തീ​രു​മാ​ന​വു​മു​ണ്ടാ​യി​ല്ല. അ​ങ്ങ​നെ ജൻമനാ​ട് തേ​ടി കോ​ര​ൻ ക​ണ്ണൂ​ര് വി​ട്ടു.

കോ​ര​ന്‍റെ ജ​ൻ​മ​നാ​ട്ടി​ലേ​ക്കു​ള്ള മ​ട​ങ്ങി​വ​ര​വി​ൽ കാ​ഞ്ഞ​ങ്ങാ​ട് റെ​യി​ൽ​വേ സ്റ്റേ​ഷ​നി​ൽ​നി​ന്നും മ​ടി​ക്കൈ കൂ​രാ​ന്തോ​ട്ടെ ത​റ​വാ​ട്ടി​ലേ​ക്ക് വ​ഴി​കാ​ട്ടി​യാ​യ കെ. ​ക​ണ്ണ​ന്‍റെ സു​ഹൃ​ത്ത് ബി.​സി. നാ​രാ​യ​ണ​ൻ ച​രി​ത്രം "ഓ​ർ​ത്തെ​ടു​ക്കു​ന്നു'

കാ​ഞ്ഞ​ങ്ങാ​ട് റെ​യി​ൽ​വേ സ്റ്റേ​ഷ​നി​ൽ ചൊ​മ​ടോ​ണ്ട് പോ​യ​താ​യി​രു​ന്നു ക​ണ്ണേ​ട്ട​ൻ. അ​പ്പോ​ഴാ​ന്ന് കോ​ര​ൻ മൂ​പ്പ​രെ ആ​ടെ കാ​ണു​ന്നേ. കൊ​റേ വ​ർ​ഷാ​യി​റ്റേ മൂ​പ്പ​ര് ഈ​ട്ന്ന് പോ​യി​റ്റ്. അ​തോ​ണ്ട് ആ​ദ്യോ​ന്നും ക​ണ്ട​പ്പോ ക​ണ്ണേ​ട്ട​ന് മ​ന​സി​ലാ​യി​റ്റ. പി​ന്നെ ആ​ടെ കെ​ട​ന്ന് മൂ​പ്പ​ര് വ​ട്ടം​ചു​റ്റു​ന്ന ക​ണ്ട​പ്പോ ക​ണ്ണേ​ട്ട​ന് ഒ​രു സം​ശ​യം. ഇ​തു ന​മ്മ​ടെ പ​ഴേ കോ​ര​ൻ മൂ​പ്പ​ര​ല്ലേ​ന്ന്. ഓ​രും ഓ​ർ​ടെ കു​ടും​ബോം കൂ​ടെ​ ഉണ്ടായിരുന്നു. അ​പ്പോ​ന്നെ ക​ണ്ണേ​ട്ട​ൻ ചെ​ന്ന് വി​ശേ​ഷം പ​റ​യ്യേം കാ​ര്യ​ങ്ങ​ള് ചോ​ദി​ച്ച് മ​ന​സി​ലാ​ക്കേം ചെ​യ്തു.

കോ​ര​ൻ മൂ​പ്പ​ർ​ക്ക് വീ​ട്ടി​ലേ​ക്കു​ള്ള വ​ഴീ​ന്നും ഓ​ർ​മ​ണ്ടാ​യി​ര്ന്നി​ല്ല. പ​ണ്ട് ഈ​ടം വി​ട്ട് പോ​യതല്ലേ. എ​ല്ലാം മ​റ​ന്നു​പോ​യിര്ന്ന്. അ​റി​ഞ്ഞ​പ്പോ ക​ണ്ണേ​ട്ട​ൻ മൂ​പ്പ​രെ കൂ​ട്ടീ​റ്റ് നാ​ട്ടി​ലേ​ക്ക് പോ​യി. കൂ​രാ​ന്തോ​ട്ടെ ത​റ​വാ​ട്ടി​ല് അ​ന്ന് അ​നി​യ​ൻ അ​ന്പു ആ​ന്ന് താ​മ​സം. മൂ​പ്പ​രേം കു​ടും​ബ​ത്തേം കൂ​ട്ടീ​റ്റ് ക​ണ്ണേ​ട്ട​ൻ ആ​ടെ എ​ത്തു​ന്പോ എ​ല്ലാ​ർ​ക്കും വ​ല്യ അ​തി​ശ​യം. കൊ​റേ വ​ർ​ഷം കൂ​ട്ടീറ്റ് ക​ണ്ടത​ല്ലേ. അ​പ്പോ​ന്നെ എ​ല്ലാ​രും ഓ​ടി എ​ത്തി. ഓ​രെ​ല്ലാം ബ​ർ​മ​ക്കാ​ര​ല്ലേ. അ​തോ​ണ്ട് എ​ല്ലാ​ർ​ക്കും ഭ​യ​ങ്ക​ര ര​സോം അ​തി​ശ​യോം. നാ​ട്ടി​ലെ ചെ​റി​യോ​രും വ​ല്ല്യോ​രും അ​പ്പോ​ന്നെ ഓ​ടി​യെ​ത്തി. മ​ക്ക​ള് ഗോ​പാ​ല​നും കൃ​ഷ്ണ​നും ഒ​ന്നും മ​ന​സി​ലാ​കാ​ണ്ട് നി​ക്കാ​ണ്. ഭാ​ഷേ​ന്നും അ​പ്പോ ഓ​ർ​ക്ക് അ​റി​യൂ​ല്ല​ല്ലോ. അ​തോ​ണ്ട് പി​ള്ളി​ര് ഇ​ങ്ങ​നെ മി​ഴി​ച്ചു നി​ക്കാ​ണ്. ഭാ​ര്യേം അ​മ്മേം ചി​രി​ച്ചോ​ണ്ട് നി​ക്കാ​ന്ന്. അ​ല്ലാ​ണ്ടി​പ്പോ ഓ​ർ​ക്കും ഒ​ന്നും പ​റ​യാ​ൻ അ​റി​യൂ​ല്ല​ല്ലോ. കോ​ര​ൻ മൂ​പ്പ​ര് എ​ല്ലാ​രോ​ടും വി​ശേ​ഷ​ല്ലാം പ​റ​ഞ്ഞു​കൂ​ടി. അ​ങ്ങ​നെ ക​ണ്ണേ​ട്ട​ൻ ആ​ട്ന്ന് മ​ട​ങ്ങി.

വി​നി​ൽ ജോ​സ​ഫ്


Copyright @ 2022 , Rashtra Deepika Ltd.