ഏതു നിമിഷവും മരിക്കാവുന്നവർ നമ്മൾ
1995 മു​ത​ൽ 1975 വ​രെ നീ​ണ്ടു​നി​ന്ന വി​യ​റ്റ്നാം യു​ദ്ധം വ​ഴി സൗ​ത്ത് വി​യ​റ്റ്നാം നോ​ർ​ത്ത് വി​യ​റ്റ്നാ​മി​ന്‍റെ കീ​ഴി​ൽ വ​ന്നു. അ​ങ്ങ​നെ ര​ണ്ടു രാ​ജ്യ​ങ്ങ​ളും കൂ​ടി ഒ​റ്റ രാ​ജ്യ​മാ​യി മാ​റി. വി​യ​റ്റ്നാ​മി​നെ ഒ​ന്നി​പ്പി​ക്കു​വാ​ൻ വേ​ണ്ടി സൗ​ത്ത് വി​യ​റ്റ്നാ​മി​ലെ വി​യ​റ്റ് കോം​ഗു​ക​ൾ നോ​ർ​ത്ത് വി​യ​റ്റ്നാ​മി​ലെ ക​മ്യൂ​ണി​സ്റ്റ് ഗ​വ​ണ്‍​മെ​ന്‍റി​നൊ​പ്പം പോ​രാ​ടി​യ​പ്പോ​ൾ അ​വ​ർ​ക്കു സോ​വി​യ​റ്റു യൂ​ണി​യ​ന്‍റെ​യും ചൈ​ന​യു​ടെ​യു​മൊ​ക്കെ പി​ന്തു​ണ ഉ​ണ്ടാ​യി​രു​ന്നു.

അ​ങ്ങ​നെ​യാ​ണ് ആ​ഗോ​ള ക​മ്യൂ​ണി​സ​ത്തി​ന്‍റെ വ​ള​ർ​ച്ച​യ്ക്ക് ത​ട​യി​ടാ​നാ​യി അ​മേ​രി​ക്ക വി​യ​റ്റ്നാ​മി​ലെ യു​ദ്ധ​ത്തി​ൽ പ​ങ്കാ​ളി​യാ​യ​ത്. ഇ​രു​ഭാ​ഗ​ത്തു​നി​ന്നു​മാ​യി ദ​ശ​ല​ക്ഷ​ക്ക​ണ​ക്കി​നാ​ളു​ക​ൾ കൊ​ല്ല​പ്പെ​ട്ട ഈ ​യു​ദ്ധ​ത്തി​ൽ അ​മേ​രി​ക്ക​യ്ക്കു സം​ഭ​വി​ച്ച ആ​ൾ​നാ​ശം അ​ര​ല​ക്ഷ​ത്തി​നു മു​ക​ളി​ലാ​യി​രു​ന്നു. വി​യ​റ്റ്നാം യു​ദ്ധ​ത്തി​നെ​തി​രാ​യി അ​മേ​രി​ക്ക​യി​ലെ പൊ​തു​ജ​നാ​ഭി​പ്രാ​യം മാ​റി​യ​പ്പോ​ൾ അ​മേ​രി​ക്ക അ​വി​ടെ​നി​ന്നു പി​ൻ​വാ​ങ്ങു​ക​യാ​യി​രു​ന്നു.

വി​യ​റ്റ്നാം യു​ദ്ധ​കാ​ല​ത്തു ന​ട​ന്ന കൊ​ടും​ക്രൂ​ര​ത​ക​ളു​ടെ ക​ഥ​ക​ൾ യു​ദ്ധ​കാ​ല​ത്തും അ​തി​നു​ശേ​ഷ​വും ഇ​രു​ഭാ​ഗ​ത്തു​നി​ന്നും പു​റ​ത്തു​വ​രി​ക​യു​ണ്ടാ​യി. അ​തി​ലൊ​ന്ന് "ഇ​ൻ​സി​ഡ​ന്‍റ് ഓ​ണ്‍ ഹി​ൽ 192’ എ​ന്ന പേ​രി​ല​റി​യ​പ്പെ​ടു​ന്ന ത​ട്ടി​ക്കൊ​ണ്ടു പോ​ക​ലി​ന്‍റെ​യും ബ​ലാ​ത്സം​ഗ​ത്തി​ന്‍റെ​യും കൊ​ല​പാ​ത​ക​ത്തി​ന്‍റെ​യും ക​ഥ​യാ​ണ്.

1966 ന​വം​ബ​ർ 18നു ​രാ​വി​ലെ അ​ഞ്ചു​മ​ണി​ക്ക് അ​ഞ്ചു​പേ​രു​ണ്ടാ​യി​രു​ന്ന ഒ​രു അ​മേ​രി​ക്ക​ൻ പ​ട്ടാ​ള​ഗ്രൂ​പ്പി​ലെ നാ​ലു​പേ​ർ ചേ​ർ​ന്നു കാ​റ്റ് ടോം​ഗ് എ​ന്ന ഗ്രാ​മ​ത്തി​ൽ​നി​ന്ന് ഒ​രു യു​വ​തി​യെ ത​ട്ടി​യെ​ടു​ത്തു. അ​തി​നു​ശേ​ഷം അ​വ​രു​ടെ താ​വ​ള​ത്തി​ൽ കൊ​ണ്ടു​പോ​യി യു​വ​തി​യെ മാനഭംഗം ചെ​യ്ത​തി​നു​ശേ​ഷം അ​തി​നീ​ച​മാ​യി കൊ​ല​പ്പെ​ടു​ത്തി.

യു​വ​തി​യെ ത​ട്ടി​യെ​ടു​ക്കാ​നു​ള്ള സാ​ഹ​ച​ര്യം ഉ​ണ്ടാ​യ​പ്പോ​ൾ അ​തി​നെ ന​ഖ​ശി​ഖാ​ന്തം എ​തി​ർ​ത്ത പ​ട്ടാ​ള​ക്കാ​ര​നാ​യി​രു​ന്നു റോ​ബ​ർ​ട്ട് സ്റ്റോ​ർ​ബി. പ​ക്ഷേ, സ്റ്റോ​ർ​ബി​യു​ടെ എ​തി​ർ​പ്പ് വ​ക​വ​യ്ക്കാ​തെ മ​റ്റു നാ​ലു​പേ​ർ അ​വ​രു​ടെ ഹീ​ന​പ​ദ്ധ​തി​യു​മാ​യി മു​ന്നോ​ട്ടു​പോ​യി. എ​ന്നു​മാ​ത്ര​മ​ല്ല, ത​ങ്ങ​ളു​ടെ ക്രൂ​ര​കൃ​ത്യ​ത്തി​നു പ​ങ്കാ​ളി​യാ​കു​വാ​ൻ സ്റ്റോ​ർ​ബി​യെ അ​വ​ർ നി​ർ​ബ​ന്ധി​ക്കു​ക​യും ചെ​യ്തു. പ​ക്ഷേ, മ​നഃ​സാ​ക്ഷി ഉ​ണ്ടാ​യി​രു​ന്ന സ്റ്റോ​ർ​ബി അ​വ​ർ​ക്കു വ​ശം​വ​ദ​നാ​യി​ല്ല.

എ​ന്നു​മാ​ത്ര​മ​ല്ല, ത​ന്‍റെ ജീ​വ​നു ഭീ​ഷ​ണി ഉ​ണ്ടാ​യി​ട്ടു​കൂ​ടി വി​വ​രം മേ​ല​ധി​കാ​രി​ക​ളെ അ​റി​യി​ക്കു​വാ​ൻ ത​യാ​റാ​യി. മേ​ല​ധി​കാ​രി​ക​ൾ ഈ ​കു​റ്റം ക​ണ്ണ​ട​ച്ച​പ്പോ​ൾ ര​ണ്ടു പ​ട്ടാ​ള ചാ​പ്ളിന്മാ​രു​ടെ സ​ഹാ​യ​ത്തോ​ടെ വി​വ​രം ഉ​ന്ന​ത അ​ധി​കാ​രി​ക​ളെ അ​റി​യി​ച്ചു. അ​തെ​ത്തു​ട​ർ​ന്നു, കു​റ്റം ചെ​യ്ത നാ​ലു പ​ട്ടാ​ള​ക്കാ​രും കോ​ട​തി മു​ന്പാ​കെ ഹാ​ജ​രാ​ക്ക​പ്പെ​ടു​ക​യും നാ​ലു​പേ​രും ശി​ക്ഷി​ക്ക​പ്പെ​ടു​ക​യും ചെ​യ്തു.

ഈ ​കേ​സ് കോ​ട​തി​യി​ൽ വി​സ്ത​രി​ക്ക​പ്പെ​ട്ട​തി​നു​ശേ​ഷം വി​സ്താ​ര​ത്തി​ന്‍റെ രേ​ഖ​ക​ൾ പ​രി​ശോ​ധി​ച്ച ദാ​നി​യേ​ൽ ലാം​ഗ് എ​ന്ന റി​പ്പോ​ർ​ട്ട​ർ 1969-ൽ "​ന്യൂ​യോ​ർ​ക്ക​ർ’ മാ​സി​ക​യി​ൽ ദീ​ർ​ഘ​മാ​യ ഒ​രു ലേ​ഖ​നം പ്ര​സി​ദ്ധീ​ക​രി​ച്ചു. അ​തി​നു​ശേ​ഷം അ​ദ്ദേ​ഹം ഈ ​വി​ഷ​യ​ത്തെ​ക്കു​റി​ച്ച് ഒ​രു പു​സ്ത​ക​വും പ്ര​സി​ദ്ധീ​ക​രി​ച്ചു.

ഈ ​പു​സ്ത​ക​ത്തെ ആ​ധാ​ര​മാ​ക്കി 1989-ൽ ​ഹോ​ളി​വു​ഡി​ൽ നി​ന്നു പു​റ​ത്തി​റ​ങ്ങി​യ ഒ​രു സി​നി​മ​യാ​ണു കാ​ഷ്വാ​ലി​റ്റീ​സ് ഓ​ഫ് വാ​ർ. ഡേ​വി​സ് റേ​ബ് തി​ര​ക്ക​ഥ എ​ഴു​തി ബ്ര​യ​ൻ ഡി​പാ​മ സം​വി​ധാ​നം ചെ​യ്ത ഈ ​സി​നി​മ​യി​ലെ പ്ര​ധാ​ന ക​ഥാ​പാ​ത്രം സ്റ്റോ​ർ​ബി​യാ​ണ്. എ​ന്നാ​ൽ മൈ​ക്കി​ൾ ഫോ​ക്സ് വേ​ഷ​മി​ട്ട ഈ ​ക​ഥാ​പാ​ത്ര​ത്തി​നു ന​ൽ​കി​യി​രു​ന്ന പേ​രു എ​റി​ക്സ​ണ്‍ എ​ന്നാ​ണ്.

വി​യ​റ്റ്നാം​കാ​രി യു​വ​തി​യെ യാ​തൊ​രു വൈ​മ​ന​സ്യ​വും കൂ​ടാ​തെ ത​ന്‍റെ സ​ഹ​പ്ര​വ​ർ​ത്ത​ക​ർ ബ​ലാ​ത്സം​ഗം ചെ​യ്ത​തി​നു​ശേ​ഷം കൊ​ല​പ്പെ​ടു​ത്തി​യ​പ്പോ​ൾ അ​തു മ​ന​സി​ലാ​ക്കാ​ൻ സാ​ധി​ക്കാ​തെ എ​റി​ക്സ​ണ്‍ ത​ന്‍റെ മ​റ്റു സ​ഹ​പ്ര​വ​ർ​ത്ത​ക​രോ​ടു പ​റ​യു​ന്ന ഒ​രു ഡ​യ​ലോ​ഗ് സി​നി​മ​യി​ലു​ണ്ട്. അ​ത് ഇ​പ്ര​കാ​ര​മാ​ണ്:
"ന​മ്മ​ൾ ഓ​രോ​രു​ത്ത​രും ഏ​തു നി​മി​ഷ​വും കൊ​ല്ല​പ്പെ​ടു​വാ​ൻ സാ​ധ്യ​ത​യു​ള്ള​തു​കൊ​ണ്ടു ന​മു​ക്ക് എ​ന്തു തോ​ന്ന്യാ​സ​വും ചെ​യ്യാം, അ​തി​ൽ ഒ​രു കു​ഴ​പ്പ​വു​മി​ല്ല എ​ന്നാ​ണു പ​ല​രു​ടെ​യും ചി​ന്ത പോ​കു​ന്ന​ത്. എ​ന്നാ​ൽ ഞാ​ൻ നേ​രെ മ​റി​ച്ചാ​ണു ചി​ന്തി​ക്കു​ന്ന​ത്. ന​മ്മ​ൾ അ​ടു​ത്ത നി​മി​ഷം കൊ​ല്ല​പ്പെ​ടു​വാ​ൻ സാ​ധ്യ​ത​യു​ള്ള​തു​കൊ​ണ്ടു നാം ​ചെ​യ്യു​ന്ന കാ​ര്യ​ങ്ങ​ളെ​ക്കു​റി​ച്ച് ഏ​റെ ശ്ര​ദ്ധ​യു​ള്ള​വ​രാ​യി​രി​ക്ക​ണം. കാ​ര​ണം, നാം ​ചെ​യ്യു​ന്ന കാ​ര്യ​ങ്ങ​ൾ​ക്കു കൂ​ടു​ത​ൽ പ്രാ​ധാ​ന്യ​മു​ണ്ട്. ഒ​രു​പ​ക്ഷേ നാം ​അ​റി​യാ​ത്ത​തി​ലും കൂ​ടു​ത​ൽ അ​തി​നു പ്രാ​ധാ​ന്യ​മു​ണ്ട്.’

സ്റ്റോ​ർ​ബി ത​ന്‍റെ സ​ഹ​പ്ര​വ​ർ​ത്ത​ക​രോ​ട് പ​റ​ഞ്ഞ ഈ ​ഡ​യ​ലോ​ഗി​ൽ വ​ലി​യ സ​ത്യ​ങ്ങ​ൾ അ​ട​ങ്ങി​യി​ട്ടു​ണ്ട്. പ​ട്ടാ​ള​ക്കാ​ര​ാ​യ ത​ങ്ങ​ൾ ഏ​തു നി​മി​ഷ​വും കൊ​ല്ല​പ്പെ​ടാ​നി​ട​യു​ള്ള​തു​കൊ​ണ്ടു ത​ങ്ങ​ൾ​ക്ക് എ​ന്തു തോ​ന്ന്യാ​സ​വും ആ​കാം എ​ന്നാ​ണു സ്റ്റോ​ർ​ബി​യു​ടെ ഗ്രൂ​പ്പി​ലെ സ​ഹ​പ്ര​വ​ർ​ത്ത​ക​ർ ക​രു​തി​യ​ത്. എ​ന്നാ​ൽ, സ്റ്റോ​ർ​ബി അ​നു​സ്മ​രി​ച്ച​തു​പോ​ലെ ഏ​തു നി​മി​ഷ​വും കൊ​ല്ല​പ്പെ​ടു​വാ​ൻ സാ​ധ്യ​ത​യു​ള്ള​പ്പോ​ഴ​ല്ലേ ത​ങ്ങ​ളു​ടെ പ്ര​വ​ർ​ത്തി​ക​ൾ കു​റ്റ​മ​റ്റ​താ​ണെ​ന്ന് അ​വ​ർ ഉ​റ​പ്പു​വ​രു​ത്തേ​ണ്ട​ത്. എ​ന്നാ​ൽ അ​ങ്ങ​നെ അ​വ​ർ​ക്കു തോ​ന്നി​യി​ല്ല. അ​വ​ർ നേ​രെ മ​റി​ച്ചാ​ണു ചി​ന്തി​ച്ച​തും പ്ര​വ​ർ​ത്തി​ച്ച​തും.

ജീ​വി​ത​ത്തി​ലെ ചി​ല പ്ര​ത്യേ​ക സാ​ഹ​ച​ര്യ​ങ്ങ​ളി​ൽ ഏ​തു തിന്മയും ചെ​യ്യാം എ​ന്നു വി​ശ്വ​സി​ക്കു​ന്ന​വ​ർ ന​മ്മു​ടെ​യി​ട​യി​ലും ഇ​ല്ലേ? തന്മൂ​ല​മ​ല്ലേ ന​മ്മു​ടെ സ​മൂ​ഹ​ത്തി​ൽ അ​ഴി​മ​തി​യും അ​ക്ര​മ​വും മ​റ്റു തിന്മക​ളും വ​ർ​ധി​ച്ചു​വ​രു​ന്ന​ത്? ഒ​രി​ക്ക​ൽ നാ​മും ഈ ​ലോ​കം വി​ട്ടു​പോ​കേ​ണ്ട​വ​രാ​ണ് എ​ന്ന ഓ​ർ​മ​യു​ണ്ടെ​ങ്കി​ൽ തിന്മയു​ടെ വ​ഴി​യെ നാം ​പോ​കു​മോ? കൊ​ടും​ക്രൂ​ര​ത​ക​ൾ നാം ​പ്ര​വ​ർത്തി​ക്കു​മോ? ഒ​രി​ക്ക​ലു​മി​ല്ല.

സ്റ്റോ​ർ​ബി ത​ന്‍റെ സ​ഹ​പ്ര​വ​ർ​ത്ത​ക​രെ ഓ​ർ​മി​പ്പി​ച്ച​തു​പോ​ലെ, ഇ​ന്ന​ല്ലെ​ങ്കി​ൽ നാ​ളെ ന​മ്മു​ടെ ജീ​വി​തം അ​വ​സാ​നി​ക്കു​ന്ന​തു​കൊ​ണ്ടു നാം ​ചെ​യ്യു​ന്ന കാ​ര്യ​ങ്ങ​ളെ​ക്കു​റി​ച്ചു നാം ​ഏ​റെ ശ്ര​ദ്ധ​യു​ള്ള​വ​രാ​കേ​ണ്ടേ? കാ​ര​ണം, ന​മ്മു​ടെ ഇ​ന്ന​ത്തെ പ്ര​വൃ​ത്തി​ക​ൾ ന​മ്മു​ടെ മ​ര​ണാ​ന​ന്ത​ര ജീ​വി​ത​ത്തെ ബാ​ധി​ക്കു​മെ​ന്നു ന​മു​ക്ക​റി​യാ​മ​ല്ലോ.

സ്റ്റോ​ർ​ബി​യു​ടെ എ​തി​ർ​പ്പു വ​ക​വ​യ്ക്കാ​തെ തെ​റ്റു ചെ​യ്ത അ​ദ്ദേ​ഹ​ത്തി​ന്‍റെ സ​ഹ​പ്ര​വ​ർ​ത്ത​ക​ർ​ക്ക് ഈ ​ലോ​ക​ത്തി​ൽ​ത്ത​ന്നെ ശി​ക്ഷ ല​ഭി​ച്ചു. എ​ന്നി​ട്ടും അ​വ​രി​ലൊ​രാ​ൾ ന​ന്നാ​കാ​ൻ വി​സ​മ്മ​തി​ച്ച​താ​യി​ട്ടാ​ണു ച​രി​ത്രം. നാം ​ഇ​ന്നു മ​രി​ച്ചാ​ലും നാ​ളെ മ​രി​ച്ചാ​ലും ന​മ്മു​ടെ പ്ര​വ​ർ​ത്തി​ക​ൾ​ക്കു നാം ​മ​നി​സി​ലാ​ക്കു​ന്ന​തി​ലു​മ​ധി​കം പ്രാ​ധാ​ന്യം ഉ​ണ്ട് എ​ന്ന​തു ന​മു​ക്കു മ​റ​ക്കാ​തി​രി​ക്കാം. അ​ത​നു​സ​രി​ച്ചു ന​മ്മു​ടെ പ്ര​വ​ർ​ത്തി​ക​ൾ എ​പ്പോ​ഴും ന​ല്ല​വ​യാ​ണെ​ന്നു ഉ​റ​പ്പു​വ​രു​ത്താം.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.