കഥാപുരുഷൻ
ചൂ​ണ്ട​യി​ടീ​ൽ...ബാ​ല്യ​കാ​ല ഹോ​ബി എ​ന്താ​യി​രു​ന്നു​വെ​ന്ന ചോ​ദ്യ​ത്തി​ന് കെ​.ജെ. അ​ൽ​ഫോ​ൻ​സ് ക​ണ്ണ​ന്താ​ന​ത്തി​ന്‍റെ ഉ​ത്ത​രം.

മ​ണി​മ​ല സെ​ന്‍റ് ജോ​ർ​ജ് സ്കൂ​ളി​നോ​ടു ചേ​ർ​ന്നു​ള്ള പു​ഴ​യി​ലേ​ക്ക് ചൂ​ണ്ട ഒ​റ്റ ഏ​റാ​ണ്്. ഉ​ള്ളാ​യം ക​ട​വി​ലെ ഒ​രു പ​ര​ൽ​മീ​നെ​ങ്കി​ലും അ​തി​ൽ ഉ​ട​ക്കാ​തി​രി​ക്കി​ല്ല. വ​ല വീ​ശാ​നും ത​നി​ക്കു ന​ല്ല വ​ശ​മു​ണ്ടെ​ന്നു ക​ണ്ണ​ന്താ​ന​ത്തി​ന്‍റെ കൂ​ട്ടി​ച്ചേ​ർ​ക്ക​ൽ.

കൃഷിയാണ് ഹോബിയെന്നു വെറുതെ പറഞ്ഞാൽ പോരം. നന്നായി പണിയെടുത്തു. ഒ​രു മ​ണി​ക്കൂ​ർ മു​ട​ങ്ങാ​തെ കി​ളയ്ക്കുന്നതു പതിവായിരുന്നു.

പ​ട്ടാ​ള​ത്തി​ൽനി​ന്നു മ​ട​ങ്ങിവ​ന്നു പു​ലി​ക്ക​ല്ല് സ്കൂ​ളി​ൽ അ​ധ്യാ​പ​കനാ​യ അ​പ്പ​ൻ കെ.​വി. ജോ​സ​ഫി​നൊ​പ്പം ഒ​ൻ​പ​തു ക​ണ്ണ​ന്താ​നം മ​ക്ക​ളും ഒ​രേനി​ര​യി​ൽ നി​ന്നാ​യി​രു​ന്നു കി​ള.
1968-ൽ ​അ​ൽ​ഫോ​ൻ​സ് പ​ത്താം ക്ലാ​സ് പ​രീ​ക്ഷ എ​ഴു​തു​ന്ന കാ​ല​ത്ത് വീ​ട്ടി​ലെ​ന്ന​ല്ല മ​ണി​മ​ല ഗ്രാമത്തിൽ വൈ​ദ്യു​തി എ​ത്തി​യി​ട്ടി​ല്ല. മ​ണ്ണെ​ണ്ണ വി​ള​ക്കി​ന്‍റെ മ​ങ്ങി​യ വെ​ളി​ച്ച​ത്തി​ലാ​യി​രു​ന്നു പ​ഠ​നം.

അ​ധ്യാ​പ​ക​ർ എ​ന്തു​പ​റ​ഞ്ഞാ​ലും പ​ഠ​ന​ത്തി​ൽ താ​ൻ ശു​ദ്ധ​മ​ണ്ട​നാ​യി​രു​ന്നു​വെ​ന്ന് സ​മ്മ​തി​ക്കാ​ൻ അ​ൽ​ഫോ​ൻ​സ് ത​യാ​റ​ല്ല. ക​ണ​ക്കി​നു ക​ണ​ക്കാ​യി​രു​ന്നെ​ങ്കി​ലും ച​രി​ത്ര​വും പൗ​ര​ധ​ർ​മ​വും ന​ന്നാ​യി അ​റി​യാ​മാ​യി​രു​ന്നു. 42 ശ​ത​മാ​നം എ​ന്ന 242 മാ​ർ​ക്കോ​ടെ പ​ത്തു പാ​സാ​യ​പ്പോ​ൾ ഭാ​വി തീ​ർ​ന്നെ​ന്നു ചി​ല​രൊ​ക്കെ പ​റ​ഞ്ഞെ​ങ്കി​ലും കീ​ഴ​ട​ങ്ങാ​ൻ മ​ന​സു ത​യാ​റാ​യി​രു​ന്നി​ല്ല.

"ഞാ​ൻ അ​പാ​ര മി​ടു​ക്ക​നാ​ണ്. കേ​ര​ള​ത്തെ​യോ ഇ​ന്ത്യ​യെ​യോ മാ​ത്ര​മ​ല്ല ലോ​ക​ത്തെ ത​ന്നെ മാ​റ്റി​മ​റി​ക്കാ​ൻ എ​നി​ക്കു ക​ഴി​വു​ണ്ട്. അ​ദ്ഭു​തങ്ങ​ൾ സൃ​ഷ്ടി​ക്കാ​ൻ എ​നി​ക്കു ക​ഴി​യും. മ​ണി​മ​ല​യാ​റി​ന്‍റെ തീ​ര​ത്തി​രു​ന്ന് ഞാ​ൻ സ്വ​യം തീ​രു​മാ​ന​മെ​ടു​ത്തു’.

ആ ​ദൃ​ഢ​നി​ശ്ച​യ​വു​മാ​യാ​ണ് അ​ൽ​ഫോ​ൻ​സ് ജീ​വി​ത​വി​ജ​യ പാ​ഠ​ത്തി​ന്‍റെ ഒ​ന്നാം താ​ൾ തു​റ​ന്ന​ത്.

ആകാശവാണിയും ദീപികയും

മ​ണി​മ​ല​യി​ലെ ഗ്രാ​മീ​ണ വാ​യ​ന​ശാ​ല​യി​ൽ നി​ന്നു പു​സ്ത​ക​ങ്ങ​ളെ​ടു​ത്തു വാ​യി​ച്ചാ​യി​രു​ന്നു അ​റി​വി​ന്‍റെ ലോ​കം തേ​ടി​യു​ള്ള പു​റ​പ്പാ​ട്. ഇം​ഗ്ലീ​ഷ് - മ​ല​യാ​ളം ഡി​ക്‌ഷണ​റി​യെ കൂ​ട്ടി​നി​രു​ത്തി. മൂ​ളി​ത്തു​റ​ക്കു​ന്ന ആ​കാ​ശ​വാ​ണി​യും ദീ​പി​ക പ​ത്ര​വും വി​ജ്ഞാ​ന വാ​തി​ലു​ക​ൾ തു​റ​ന്നി​ട്ടു. ഇം​ഗ്ലീഷ് റേ​ഡി​യോ വാ​ർ​ത്ത​ക​ളി​ലേ​ക്കും പ​ത്ര​ത്താ​ളു​ക​ളി​ലേ​ക്കും കാ​തും ക​ണ്ണും ഓ​ടി​പ്പ​ര​തി. പ​ഠ​നം കോ​ള​ജു​ക​യ​റി​യ​പ്പോ​ൾ പ്ര​സം​ഗി​ക്കാ​ൻ തീ​രാ​ത്ത കൊ​തി​യു​ണ്ടാ​യി. വി​റ​ച്ചു​വി​റ​ച്ച് വേ​ദി​യി​ൽ ക​യ​റി ബ​പ്പ​പ്പാ പ​റ​ഞ്ഞ​പ്പോ​ൾ മു​ന്നി​ലും പി​ന്നി​ലും ചെ​രി​പ്പേ​റ്. അ​ൽ​ഫോ​ൻ​സി​ന്‍റെ ഓ​ർ​മ​ക്ക​ണ​നു​സ​രി​ച്ച് പ​റ​ന്നു​വ​ന്ന ചെ​രി​പ്പു​ക​ൾ 250 ൽ ​കു​റ​യി​ല്ല. നി​രാ​ശ​യും നാ​ണ​ക്കേ​ടും മ​റ​ന്ന് അ​ന്നു മു​റി​യി​ലെ​ത്തി ഭി​ത്തി​യി​ലും ക​ണ്ണാ​ടി​യി​ലും നോ​ക്കി പ്ര​സം​ഗി​ച്ചു​പ്ര​സം​ഗി​ച്ചു മ​ന​ക്ക​രു​ത്തു നേ​ടി. അ​ങ്ങ​നെ​യ​ങ്ങ​നെ ഡ​ൽ​ഹി​യി​ൽ ഇ​ന്‍റ​ർ​വാ​ഴ്സി​റ്റി​ത​ല​ത്തി​ൽ മൂ​ന്നു ത​വ​ണ ഇം​ഗ്ലീ​ഷ് പ്ര​സം​ഗ​മ​ത്സ​ര​ത്തി​ൽ ദേ​ശീ​യ ചാ​ന്പ്യ​നാ​യി. ഇ​ന്നും ത​ക​ർ​ക്ക​പ്പെ​ടാ​ത്ത ഒ​രു റി​ക്കാ​ർ​ഡ്.

ഷില്ലോങ്ങിലെ എൻ.യു.എച്ച്.യു. സ​ർ​വ​ക​ലാ​ശാ​ല​യു​ടെ 1978-ലെ ​സാ​ന്പ​ത്തി​ക ശാ​സ്ത്രം എം​എ​ ഫ​ലം വ​ന്ന​പ്പോ​ൾ റാ​ങ്ക്. ആ​വേ​ശം ചോ​രാ​തെ സി​വി​ൽ സ​ർ​വീ​സ് പ​രീ​ക്ഷ എ​ഴു​തി​യ​പ്പോ​ൾ 1979-ലെ ​എ​ട്ടാം റാ​ങ്ക്. ഹി​പ്പി​സ​ത്തി​ന്‍റെ ഫാ​ഷ​ൻ കാ​ല​മാ​യി​രു​ന്നു അ​ത്. മു​ടി തോ​ളോ​ളം നീ​ട്ടി ക​ട്ടി​ക്ക​ണ്ണാ​ടി വ​ച്ച താ​ടി​ക്കാ​ര​നെ നോ​ക്കി ഇ​ന്‍റ​ർ​വ്യൂ ബോ​ർ​ഡു മാ​ത്ര​മ​ല്ല മ​സൂ​റി​യി​ലെ സി​വി​ൽ സ​ർ​വീ​സ് പ​രി​ശീ​ല​ന​ത്തി​നു​ണ്ടാ​യി​രു​ന്ന മറ്റു ട്രെ​യി​നിക​ളും അ​തി​ശയം​കൂ​റി.

ദേ​വി​കു​ളം സ​ബ്ക​ള​ക്ട​റാ​യി​രി​ക്കെ വാ​ഴൂ​ർ ആ​ലു​ങ്ക​ൽ ഏ​ബ്ര​ഹാ​മി​ന്‍റെ മ​ക​ൾ ഷീ​ല​യെ ക​ല്യാ​ണം ക​ഴി​ച്ച് കാ​ല​വും ക​ഴി​ഞ്ഞാ​ണ് ഹി​പ്പി​സ​ത്തി​നു നീ​ളം കു​റി​ച്ച​തും താ​ടി ഒ​തു​ക്കി​യ​തും.

മ​ക്ക​ൾ ആ​കാ​ശ് ബ്രി​ട്ട​ണി​ലും ആ​ദ​ർ​ശ് അമേരിക്കയിലും ജോ​ലി ചെ​യ്യു​ന്നു. മ​ക്ക​ളെ അ​ഭി​രു​ചി അ​നു​സ​രി​ച്ച് പ്രോ​ത്സാ​ഹി​ക്കു​ക എ​ന്ന​തായിരുന്നു ഇ​ദ്ദേ​ഹ​ത്തി​ന്‍റെ ന​യം. അ​തി​നാ​ൽ മ​ക്ക​ളെ ചി​ത്ര​ര​ച​ന​യി​ലേ​ക്കും ടെ​ക്നി​ക്ക​ൽ പ​ഠ​ന​ത്തി​ലേ​ക്കും വ​ഴി തി​രി​ച്ചു​വി​ട്ടു.


ശരിയെന്നു തോന്നുന്നതു ചെയ്യും
മാ​റ്റ​ത്തി​ന്‍റെ പാ​ത​യി​ലൂ​ടെ മാ​ത്ര​മേ ഞാ​ൻ ന​ട​ന്നി​ട്ടു​ള്ളു. ശ​രി​യെ​ന്നു തോ​ന്നു​ന്ന​ത് ഞാ​ൻ ചെ​യ്യും, ആ​രെ​യും ഭ​യ​പ്പെ​ടാ​തെ. വി​മ​ർ​ശ​ന​ങ്ങ​ളെ ഭ​യ​പ്പെ​ടു​ന്നി​ല്ല. എ​നി​ക്ക് എ​ന്‍റെ ശൈ​ലി. ജ​ന​ങ്ങ​ളെ സ​ഹാ​യി​ക്കു​ക, ജ​ന​ങ്ങ​ളോ​ടൊ​പ്പം ജീ​വി​ക്കു​ക അ​താ​ണ് എ​ന്‍റെ ന​യം. തോ​ൽ​വി​ക​ളെ തോ​ൽ​പ്പി​ക്കാ​ൻ ക​ഠി​നാ​ധ്വാ​ന​മാ​ണ് അ​സ്ത്രം എ​ന്നു പ​റ​യു​ക​യാ​ണ് കേ​ന്ദ്ര​ടൂ​റി​സം മ​ന്ത്രി.

കോ​ട്ട​യം ക​ള​ക്ട​റാ​യി​രി​ക്കെ കേ​ര​ള​ത്തി​ൽ ജ​ന​സ​ന്പ​ർ​ക്ക​പ​രി​പാ​ടി​ക്കു തു​ട​ക്കം കു​റി​ച്ച​ത് അ​ൽ​ഫോ​ൻ​സ് ക​ണ്ണ​ന്താ​ന​മാ​ണ്. വി​ല്ലേ​ജ് ഓ​ഫീ​സ​ർ മു​ത​ൽ ജി​ല്ലാ പോ​ലീ​സ് മേ​ധാ​വി​യെ വ​രെ വ​ട്ട​മി​രു​ത്തി ജ​ന​മ​ധ്യ​ത്തി​ൽ ജ​ന​ങ്ങ​ളു​ടെ പ്ര​ശ്ന​ങ്ങ​ൾ നേ​രി​ട്ടു പ​രി​ഹ​രി​ച്ചു​തു​ട​ങ്ങി​യ​പ്പോ​ൾ കേ​ര​ളം ഇ​ദ്ദേ​ഹ​ത്തെ ജ​ന​കീ​യ ക​ള​ക്ട​ർ എ​ന്നു വി​ശേ​ഷി​പ്പി​ച്ചു. സ​ന്പൂ​ർ​ണ സാ​ക്ഷ​ര​താ വി​പ്ല​വം ന​ട​പ്പാ​ക്കാ​ൻ ഗാ​ന്ധി​ജി സ​ർ​വ​ക​ലാ​ശാ​ല​യി​ലെ എ​ൻ​എ​സ്എ​സ് വോ​ള​ണ്ടി​യ​ർ​മാ​രു​മാ​യി കോ​ട്ട​യം ന​ഗ​ര​സ​ഭ​യി​ലെ 32 വാ​ർ​ഡു​ക​ളി​ലേ​ക്കു കോ​ട്ട​യം ക​ള​ക്ട​ർ ക​ണ്ണ​ന്താ​നം ഇ​റ​ങ്ങ​ിയതും അ​ക്കാ​ല​ത്തു​ത​ന്നെ.

ഞാ​നും അ​ധ്യാ​പ​ക​രും വി​ദ്യാ​ർ​ഥി​ക​ളും കോ​ട്ട​യം റെ​യി​ൽ​വേ കോ​ള​നി​യും മു​ട്ട​ന്പ​ലം ചേ​രി​യും ക​യ​റി​യി​റ​ങ്ങി നി​ര​ക്ഷ​ര​രെ തേ​ടി​പ്പി​ടി​ച്ച് അ​ക്ഷ​രം പ​ഠി​പ്പി​ച്ചു. നൂ​റാം ദി​നം ഇ​ന്ത്യ​യി​ലെ ആ​ദ്യ സാ​ക്ഷ​ര ന​ഗ​ര​മാ​യി മാ​റി​യ കോ​ട്ട​യ​ത്ത് ഞ​ങ്ങ​ൾ മ​ണ്‍​ചി​രാ​തു​ക​ൾ തെ​ളി​​ച്ചു.
മി​ൽ​മ മാ​നേ​ജിം​ഗ് ഡ​യ​റ​ക്ട​ർ, ഡ​ൽ​ഹി ഡെവ​ല​പ്മെ​ൻ​റ് അ​ഥോ​റി​റ്റി ക​മ്മീ​ഷ​ണ​ർ, കേരള ലാ​ൻ​ഡ് യൂ​സ് ബോ​ർ​ഡ് ക​മ്മീ​ഷ​ണ​ർ തു​ട​ങ്ങി ഇ​രു​ന്നി​ട​ങ്ങ​ളി​ലൊ​ക്കെ കാ​ത​ലാ​യ മാ​റ്റ​ങ്ങ​ൾ വ​രു​ത്ത​ണ​മെ​ന്ന് നി​ർ​ബ​ന്ധ​മു​ണ്ടാ​യി​രു​ന്നു. എ​ൻ​ട്ര​ൻ​സ് പ​രീ​ക്ഷാ ചു​മ​ത​ല​ക്കാ​ര​നാ​യി​രി​ക്കെ സ​ഹ​പ്ര​വ​ർ​ത്ത​ക​ർ​ക്കൊ​പ്പം ഓ​ഫീ​സി​ൽ താ​മ​സി​ച്ച് ആ​ഴ്ച​ക​ൾ​ക്കു​ള്ളി​ൽ​ഫ​ലം പ്ര​ഖ്യാ​പി​ച്ച​തും ഈ ​ദൃ​ഢനി​ശ്ച​യം ഒ​ന്നു​കൊ​ണ്ടാ​ണ്. മാ​റ്റം എ​ന്ന​താ​ണ് ക​ണ്ണ​ന്താ​ന​ത്തി​ന്‍റെ മാ​നി​ഫെ​സ്റ്റോ.

ഇടിച്ചുനിരത്താനും മടിയില്ല

ഡ​ൽ​ഹി ഡെ​വ​ല​പ്മെ​ന്‍റ് അ​ഥോറി​റ്റി ക​മ്മീഷ​ണ​റാ​യി​രി​ക്കേ പ​തി​നാ​ലാ​യി​ര​ത്തി​ലേ​റെ അ​ന​ധി​കൃ​ത കെ​ട്ടി​ട​ങ്ങ​ൾ ഇ​ടി​ച്ചു​നി​ര​ത്തി 10000 കോ​ടി രൂ​പ മൂ​ല്യം വ​രു​ന്ന സ​ർ​ക്കാ​ർ ഭൂ​മി തി​രി​ച്ചു​പി​ടി​ച്ചു. ഡി​മൊ​ളി​ഷ​ൻ മാ​ൻ എ​ന്ന പേ​രും വീ​ണെ​ങ്കി​ലും കു​ലു​ങ്ങി​യി​ല്ല. ഉ​റ​ച്ച മ​ന​സാ​ണ് ക​ണ്ണ​ന്താ​ന​ത്തി​ന്‍റെ ക​രു​ത്ത്.

നി​ര​പ്പാ​ക്ക​ലി​നു​ള്ള അം​ഗീ​കാ​ര​മാ​യി ടൈം ​മാ​ഗ​സി​ൻ അ​ക്കൊ​ല്ലം 100 യു​വ ലോ​ക​നേ​താ​ക്ക​ളു​ടെ പ​ട്ടി​ക​യി​ൽ ക​ണ്ണ​ന്താ​ന​ത്തി​നും ഇ​ടം​ന​ൽ​കി. ലി​സ്റ്റി​ൽ ഇ​ടം​പി​ടി​ച്ച മ​റ്റൊ​രു ഇ​ന്ത്യ​ക്കാ​ര​ൻ മു​കേ​ഷ് അം​ബാ​നി മാ​ത്ര​മാ​യി​രു​ന്നു.

അ​ൽ​ഫോ​ൻ​സി​ന്‍റെ ആ​ത്മ​ക​ഥാം​ശ​മു​ള്ള ര​ച​ന​യാ​ണ് ‘ഇ​ന്ത്യ മാ​റ്റ​ത്തി​ന്‍റെ മു​ഴ​ക്കം’.
ആ​വേ​ശ​ത്തോ​ടെ രാ​വും പ​ക​ലും ഉ​റ​ങ്ങാ​തെ ഒ​റ്റ എ​ഴു​ത്താ​യി​രു​ന്നു. പു​സ്ത​കം ഇ​ത്ര ക്ലി​ക്കാ​കു​മെ​ന്നു പ്ര​തീ​ക്ഷി​ച്ചി​ല്ല. ഡി​സി ബു​ക്സ് 1996-ൽ ​ഇ​റ​ക്കി​യ ‘മ​ണി​മു​ഴ​ക്കം’ ര​ണ്ടു വ​ർ​ഷ​ത്തി​നു​ള്ളി​ൽ 12 എ​ഡി​ഷ​നാ​ണ് വി​റ്റ​ഴി​ഞ്ഞ​ത്. ഭാ​ര​തീ​യ​രെ സ്വ​പ്നം കാ​ണാ​ൻ പ്രേ​രി​പ്പി​ക്കു​ക എ​ന്ന​താ​യി​രു​ന്നു ഈ ​ര​ച​ന​യു​ടെ ല​ക്ഷ്യം.

ഇടതു പാളയത്തിൽ

1994-ൽ ​ജ​ന​ശ​ക്തി എ​ന്ന സം​ഘ​ട​ന​യ്ക്ക് രൂ​പം ന​ൽ​കി ജ​ന​കീ​യ പ​ൾ​സ് പ​രി​ശോ​ധി​ച്ച​ശേ​ഷ​മാ​ണ് 2006-ൽ ​ഐ​എ​എ​സ് രാ​ജി​വ​ച്ചി​റ​ങ്ങി​യ​ത്. എ​ട്ടു വ​ർ​ഷ​ത്തെ സ​ർ​വീ​സ് ബാ​ക്കി നി​ൽ​ക്കെ, ചീ​ഫ് സെ​ക്ര​ട്ട​റി വ​രെ ഉ​യ​രാ​മാ​യി​​രു​ന്ന ഐ​എ​എ​സി​നു സ​ലാം പ​റ​ഞ്ഞ് രാ​ഷ്‌ട്രീയ പ​രീ​ക്ഷ​ണ​ശാ​ല​യി​ലേ​ക്ക് ഇ​റ​ങ്ങി. അ​താ​വ​ട്ടെ കാ​ഞ്ഞി​ര​പ്പ​ള്ളി​യി​ലെ ഇ​ട​തു​പാ​ള​യ​ത്തി​ലും. ഫ​യ​ലു​ക​ൾ​ക്ക​പ്പു​റം മ​നു​ഷ്യ​ജീ​വി​ത​ത്തെ അ​റി​യാ​നാ​ണ് ഐ​എ​എ​സ് വാ​ൽ മു​റി​ച്ച് 52-ാം വ​യ​സി​ൽ രാ​ഷ്‌ട്രീയ​ത്തി​ൽ ഇ​റ​ങ്ങി​യ​തെ​ന്നാ​ണ് ക​ണ്ണ​ന്താ​നം അ​ന്നു പ​റ​ഞ്ഞ​ത്. ഒ​റ്റ​മു​ണ്ടി​നു താ​ഴെ മു​ട്ടോ​ളം നീ​ളം ജൂ​ബ​യും വ​ള്ളി​ച്ചെ​രു​പ്പു​മൊ​ക്കെ​യാ​യി ഗ്രാ​മ​പ​ര്യ​ട​നം. പ​ഴ​യ ക​ള​ക്ട​ർ ചേ​ട്ടോ, ചേ​ട​ത്തി​യേ, ക​പ്പ​യു​ണ്ടോ ക​ട്ട​ൻ​കാ​പ്പി​യു​ണ്ടോ എ​ന്നൊ​ക്കെ ചോ​ദി​ച്ച് കൈ​കൂ​പ്പി വീ​ടു ക​യ​റി വോ​ട്ടു​ചോ​ദ്യം.

മു​പ്പ​ത്തി​ര​ണ്ടു ദി​വ​സ​ത്തെ രാ​ഷ്‌ട്രീയ​പ​രീ​ക്ഷ​ണം വി​ജ​യി​ച്ച് കെ​.ജെ. അ​ൽ​ഫോ​ൻ​സ് കാ​ഞ്ഞി​ര​പ്പ​ള്ളി​യു​ടെ എം​എ​ൽ​എ​യാ​യി. സ്മാ​ര​ക​ശി​ല​ക​ൾ പ​ല​തും കാ​ടു​ക​യ​റി​യ അ​ക്കാ​ല​ത്ത് ക​ണ്ണ​ന്താ​നം കാ​ഞ്ഞി​ര​പ്പ​ള്ളി​ക്കാ​രോ​ടു പ​റ​ഞ്ഞു:
ന​മു​ക്കൊ​രു സി​വി​ൽ സ്റ്റേ​ഷ​ൻ പ​ണി​യാം. റി​ക്കാ​ർ​ഡ് വേ​ഗ​ത്തി​ൽ. 730 ദി​വ​സം കൂ​ടെ നി​ന്ന് നാ​ലു നി​ല സി​വി​ൽ സ്റ്റേ​ഷ​ൻ കാ​ഞ്ഞി​ര​പ്പ​ള്ളി​യി​ൽ എം​എ​ൽ​എ പ​ണി​തീ​ർ​ത്തു.
അ​ക്കാ​ല​ത്തു കു​ട്ടി​ക​ൾ​ക്കു വേ​ണ്ടി എ​ന്തു ചെ​യ്യാ​ൻ പ​റ്റു​മെ​ന്നു ചി​ന്തി​ച്ച് എം​എ​ൽ​എ അ​ധ്യാ​പ​ക​നു​മാ​യി. നി​യോ​ജ​ക​മ​ണ്ഡ​ല​ത്തി​ലെ സ്കൂ​ളു​ക​ളി​ലും കോ​ള​ജു​ക​ളി​ലും സ​മ​യം ചോ​ദി​ച്ചെ​ത്തി ഓ​രോ മ​ണി​ക്കൂ​ർ ക്ലാ​സ്. സ്വ​ന്തം ജീ​വി​തം ഉ​ദാ​ഹ​രി​ച്ച് ജീ​വി​ത​വി​ജ​യ​പാ​ഠം ക​ണ്ണ​ന്താ​നം പ​ങ്കു​വ​ച്ച് കു​ഞ്ഞു​മ​ന​സു​ക​ളി​ൽ സ്വ​പ്ന​ങ്ങ​ളു​ടെ അ​ഗ്നി​ച്ചി​റ​കു​ക​ൾ മു​ള​പ്പി​ച്ചു.
രാ​ഹു​ൽ ഗാ​ന്ധി​യും അ​ക്കാ​ല​ത്ത് ക​ണ്ണ​ന്താ​ന​ത്തെ കാ​ണാ​നെ​ത്തി. കോ​ട്ട​യ​ത്തെ സാ​ക്ഷ​ര​താ യ​ജ്ഞ​ത്തെ​ക്കു​റി​ച്ച് അ​റി​യാ​​നും സ്വ​ന്തം മ​ണ്ഡ​ല​മാ​യ അ​മേ​ത്തി​യി​ൽ പ​രീ​ക്ഷി​ക്കാ​നു​മാ​യി​രു​ന്നു രാ​ഹു​ലി​ന്‍റെ വ​ര​വ്. എ​ന്നാ​ൽ ക​ണ്ണ​ന്താ​ന​ത്തെ കോ​ണ്‍​ഗ്ര​സി​ലേ​ക്ക് ആ​ന​യി​ക്കാ​നു​ള്ള നീ​ക്ക​മാ​യി​രു​ന്നു രാ​ഹു​ലി​ന്‍റേ​തെ​ന്നും കേ​ൾ​വി​യു​ണ്ടാ​യി. നി​യ​മ​സ​ഭാം​ഗ​മാ​യി​രി​ക്കെ നി​യ​മം പ​ഠി​ച്ച് ഹൈ​ക്കോ​ട​തി​യി​ൽ വ​ക്കീ​ലാ​യും സി​വി​ൽ സ​ർ​വീ​സ് ഇ​ൻ​സ്റ്റി​റ്റ്യൂ​ട്ട് സ്ഥാ​പി​ച്ച് പ​രി​ശീ​ല​ക​നാ​യും ക​ണ്ണ​ന്താ​നം വാ​ർ​ത്ത സൃ​ഷ്ടി​ച്ചു.

ബിജെപിയിൽ

2011-ൽ ​പു​ന​ർ​വി​ന്യാ​സ​ത്തി​ൽ പ​ഴ​യ കാ​ഞ്ഞി​ര​പ്പ​ള്ളി​യു​ടെ ഏ​റി​യ ഭാ​ഗ​വും പൂ​ഞ്ഞാ​ർ മ​ണ്ഡ​ല​മാ​യി​മാ​റി, അ​വി​ടെ ര​ണ്ടാ​മൂ​ഴം മ​ത്സ​ര​ത്തി​നു ചു​വ​രെ​ഴു​താൻ ചാ​യം പൂ​ശി​യ ദി​വ​സം സി​പി​എം സെ​ക്ര​ട്ട​റി പി​ണ​റാ​യി വി​ജ​യ​ന് ഒ​രു എ​സ്എം​എ​സി​ലൂ​ടെ സ​ലാം പ​റ​ഞ്ഞ് ക​ണ്ണ​ന്താ​നം ഇ​ട​തു പാ​ള​യം വി​ട്ടു. ബി​ജെ​പി​യി​ൽ ചേ​ക്കേ​റി​യ ക​ണ്ണ​ന്താ​നം ബി​ജെ​പി അ​ധ്യ​ക്ഷ​ൻ നി​തി​ൻ ഗ​ഡ്ക​രി​യി​ൽ നി​ന്ന് അം​ഗ​ത്വം സ്വീ​ക​രി​ച്ചു ഡ​ൽ​ഹി പാ​ർ​ട്ടി ആ​സ്ഥാ​ന​ത്ത് കൂ​ടു​കെ​ട്ടി.

കൂ​ടു​മാ​റ്റ​കാ​ല​ത്ത് ക​ണ്ണ​ന്താ​നം പ​റ​ഞ്ഞ​തി​ങ്ങ​നെ: ‘ദേ​ശീ​യ ത​ല​ത്തി​ൽ പ്ര​വ​ർ​ത്ത​ന​പ​രി​ച​യ​മു​ള്ള ആ​ളാ​യ ഞാ​ൻ പൂ​ഞ്ഞാ​റി​ലോ കാ​ഞ്ഞി​ര​പ്പ​ള്ളി​യി​ലോ ഒ​തു​ങ്ങേ​ണ്ട​യാ​ള​ല്ല. പൂ​ഞ്ഞാ​റ​ല്ല ലോ​ക​ത്തി​ന്‍റെ അ​വ​സാ​നം. ഇ​ന്ത്യ മു​ഴു​വ​ൻ ക​ണ്ട ആ​ളാ​ണു ഞാ​ൻ. പൂ​ഞ്ഞാ​റി​ലും കാ​ഞ്ഞി​ര​പ്പ​ള്ളി​യി​ലും ദ​രി​ദ്ര​ർ കു​റ​വാ​ണ്. കൂ​ടു​ത​ൽ ദാ​രി​ദ്ര്യമു​ള്ള മേ​ഖ​ല​യി​ലേ​ക്ക്, വി​ശാ​ല​മാ​യ ഫ്രെ​യി​മി​ലേ​ക്ക്, കൂ​ടു​ത​ൽ​പേ​രു​ടെ ജീ​വി​ത​ത്തെ മാ​റ്റാ​വു​ന്ന രീ​തി​യി​ലേ​ക്ക് പോ​കാ​തെ വ​യ്യ.’ അ​ങ്ങ​നെ വി​ശാ​ല​മാ​യ ഫ്രെ​യി​മി​ൽ നി​ര​വ​ധി പ​രീ​ക്ഷ​ക​ളും പ​രീ​ക്ഷ​ണ​ങ്ങ​ളും അ​ഭി​മു​ഖീ​ക​രി​ച്ചു. കേ​ന്ദ്ര ടൂ​റി​സം മ​ന്ത്രി​പ​ദ​വി​യി​ലെ​ത്തി​യ ശേ​ഷം ന​ൽ​കി​യ അ​ഭി​മു​ഖ​ത്തി​ന് അ​വ​സാ​ന​മാ​യി ചോ​ദി​ച്ചു:

ഏ​ഴു വ​ർ​ഷ​മാ​യി ഡ​ൽ​ഹി​യി​ലെ ബി​ജെ​പി ആ​സ്ഥാ​ന​ത്ത് എ​ന്താ​യി​രു​ന്നു ജോ​ലി?
‘ബി​ജെ​പി​ക്കു ഭ​ര​ണം കി​ട്ടി​യ സം​സ്ഥാ​ന​ങ്ങ​ളി​ൽ ഭ​ര​ണം മെ​ച്ച​പ്പെ​ടു​ത്താ​ൻ പ​റ്റി​യ പ​ദ്ധ​തി​ക​ൾ പ​റ​ഞ്ഞു​കൊ​ടു​ക്കു​ക. ജ​ന​പി​ന്തു​ണ ആ​ർ​ജി​ക്കാ​വു​ന്ന പ​രി​ഷ്കാ​ര​ങ്ങ​ൾ​ക്കു രൂ​പം കൊ​ടു​ക്കു​ക. ഭാ​വി തെ​ര​ഞ്ഞെ​ടു​പ്പു​ക​ളി​ൽ കൂ​ടു​ത​ൽ നേ​ട്ട​മു​ണ്ടാ​ക്കാ​ൻ പ​റ്റി​യ ത​ന്ത്ര​ങ്ങ​ൾ ആ​വി​ഷ്ക​രി​ക്കു​ക​ തുടങ്ങിയ ജോ​ലി​ക​ൾ.’

ബീ​ഫ് ക​ഴി​ക്കാ​റു​ണ്ടോ?
2011 വ​രെ ക​ഴി​ക്കു​മാ​യി​രു​ന്നു. ഡ​ൽ​ഹി​യി​ൽ ബീ​ഫ് കി​ട്ടാ​നി​ല്ലാ​ത്ത​തി​നാ​ൽ ക​ഴി​ക്കു​ന്നി​ല്ല. മ​ണി​മ​ല​യി​ലെ കു​ടും​ബ​വീ​ട്ടി​ൽ എ​ല്ലാ​വ​രും ബീ​ഫ് ക​ഴി​ക്കും.

ഇ​നി​യും പ്ര​തീ​ക്ഷ​ക​ൾ?
‘അ​സാ​ധ്യ​മാ​യി ഒ​ന്നു​മി​ല്ല, ദൈ​വ​ത്തി​ൽ ആ​ശ്ര​യി​ക്കു​ക. നാം ​ക​ഠി​നാ​ധ്വാ​നം ചെ​യ്യു​ക. ജീ​വി​ത​ത്തി​ൽ അ​ദ്ഭു​ത​ങ്ങ​ൾ സം​ഭ​വി​ക്കും. പ​ത്താം ക്ലാ​സി​ൽ കി​ട്ടി​യ 42 ശ​ത​മാ​ന​ത്തി​ൽ നി​ന്നാ​ണ് ഞാ​ൻ പാ​ഠ​ങ്ങ​ൾ പ​ഠി​ച്ചു​തു​ട​ങ്ങി​യ​ത്. ഇ​പ്പോ​ഴും പ​ഠി​ച്ചു​കൊ​ണ്ടേ​യി​രി​ക്കു​ന്നു. അ​ധ്വാ​ന​ത്തി​ന്‍റെ ഫ​ല​മാ​ണ് നേ​ട്ട​ങ്ങ​ൾ.’

റെ​ജി ജോ​സ​ഫ്
ഫോട്ടോ: ജോൺ മാത്യു, ഡൽഹി


Copyright @ 2022 , Rashtra Deepika Ltd.