പെ​രു​മ​യു​ടെ പെ​രു​ന്ത​ച്ച​ൻ
മ​ണ്ണി​ഷ്ടിക​യി​ൽ മ​ഹാ​ദ്ഭു​ത​ങ്ങ​ൾ കെ​ട്ടി​പ്പൊ​ക്കി​യ പെ​രു​ന്ത​ച്ച​നാ​യി​രു​ന്നു ലാ​റി ബേ​ക്ക​ർ. പ​തി​ന​യ്യാ​യി​ര​ത്തി​ലേ​റെ പ്ര​കൃ​തി സൗ​ഹൃ​ദ മ​ന്ദി​ര​ങ്ങ​ൾ പ​ണി​ത ശി​ൽ​പി. ഭൂ​മി​യെ നോ​വി​ക്കാ​ത്ത വാ​സ്തു​ശൈ​ലി ഈ ​ബ്രി​ട്ടീ​ഷ് എ​ൻ​ജി​നിയ​റി​ൽ​നി​ന്ന് കേ​ര​ളം കൈ​നീ​ട്ടം എ​ന്ന​തു​പോ​ലെ സ്വ​ന്ത​മാ​ക്കി.

അ​റ​ബി​പ്പ​ണം കേ​ര​ള​ത്തി​ലേ​ക്ക് ഒ​ഴു​കി​യ എ​ഴു​പ​തു​ക​ളി​ൽ നാ​ട്ടി​ലും ന​ഗ​ര​ത്തി​ലും പൊ​ന്തി​യ കോ​ണ്‍​ക്രീ​റ്റ് കാ​ടു​ക​ളു​ടെ അ​നാ​രോ​ഗ്യ​ക​ര​മാ​യ ത​ഴ​പ്പി​നെ പ്ര​തി​രോ​ധി​ച്ച​ത് ബേ​ക്ക​റു​ടെ ചു​വ​പ്പു നി​ർ​മി​തി​ക​ളാ​യി​രു​ന്നു. വീ​ടും ആ​രാ​ധ​നാ​ല​യ​വും ആ​ശു​പ​ത്രി​യും പാ​ഠ​ശാ​ല​യും ഭ​ക്ഷ​ണ​ശാ​ല​യു​മൊ​ക്കെ പ്ര​കൃ​തി​യെ പി​ണ​ക്കാ​തെ ആ​രോ​ഗ്യ​ദാ​യ​ക​മാ​യി ബേ​ക്ക​ർ മേ​സ്തി​രി പ​ണി​തൊ​രു​ക്കി. നാ​ടി​ന്‍റെ ത​ന​തു വാ​സ്തു​വി​ലേ​ക്ക് മ​ട​ങ്ങാ​ൻ മ​ല​യാ​ളി​ക​ളെ പ്ര​ലോ​ഭി​പ്പി​ച്ച​തും ഇ​വി​ടെ​യു​ള്ള വ​സ്തു​ക്ക​ൾ​കൊ​ണ്ട് പാ​ർ​പ്പി​ടം പ​ണി​യാ​നും പ​ഠി​പ്പി​ച്ച​ത് ബേ​ക്ക​റാ​ണ്. തി​രു​വ​ന​ന്ത​പു​രം മെ​ത്രാ​സ​ന മ​ന്ദി​രം, ലൊ​യോ​ള മ​ന്ദി​ര​ങ്ങ​ൾ, ചി​ത്ര​ലേ​ഖ ഫി​ലിം സ്റ്റു​ഡി​യോ, കോ​ട്ട​യ​ത്തെ പ​ള്ളി​ക്കൂ​ടം, വാ​ഗ​മ​ണ്‍ മി​ത്ര​നി​കേ​ത​ൻ, കൊ​ല്ലം ജി​ല്ലാ​പ​ഞ്ചാ​യ​ത്ത് മ​ന്ദി​രം, അ​ട്ട​പ്പാ​ടി ഹി​ൽ ഏ​രി​യ ഡവലപ്മെ​ന്‍റ് സൊ​സൈ​റ്റി മ​ന്ദി​രം, ആ​ക്കു​ളം നി​ർ​മി​തി കേ​ന്ദ്രം, പൊ​ൻ​മു​ടി വി​നോ​ദ​സ​ഞ്ചാ​ര കേ​ന്ദ്രം, ത​ന്പാ​നൂ​ർ ഇ​ന്ത്യ​ൻ കോ​ഫി ഹൗ​സ് തു​ട​ങ്ങി എ​ത്ര​യെ​ത്ര മ​ന്ദി​ര​ങ്ങ​ൾ ആ ​കൈ​പ്പു​ണ്യം വി​ളി​ച്ച​റി​യി​ക്കു​ന്നു.

ബേ​ക്ക​ർ അ​ന്ത്യ​വി​ശ്ര​മം കൊ​ള്ളു​ന്ന പാ​ള​യം ക്രൈ​സ്റ്റ് പ​ള്ളി​യു​ടെ ക​ല്ല​റ​യും അ​ദ്ദേ​ഹം ത​ന്നെ രൂ​പ​ക​ല്പ​ന ചെ​യ്ത​താ​ണ്. ശ​രീ​ര അ​വ​ശി​ഷ്ട​ങ്ങ​ൾ ക​ല്ല​റ​യോ​ടു ചേ​ർ​ന്നു​ള്ള കി​ട​ങ്ങി​ലേ​ക്കു ത​നി​യെ മാ​റു​ന്ന സം​വി​ധാ​ന​വും സെ​മി​ത്തേ​രി​ക്കു​ണ്ട്. ഉ​ള്ളൂ​രി​ൽ സെ​ന്‍റ​ർ ഫോ​ർ ഡ​വ​ല​പ്മെ​ന്‍റ് സ്റ്റ​ഡീ​സ് മ​ന്ദി​ര​ത്തി​ന് ഇ​ഷ്ടി​ക കെ​ട്ടാ​നു​ള്ള കുമ്മായം സാ​യി​പ്പ് അ​വി​ടെ​ത്ത​ന്നെ കൂ​ട്ടി​യെ​ടു​ക്കു​ക​യാ​യി​രു​ന്നു. ക​ട​ലോ​ര​ത്തെ ക​ക്ക പെ​റു​ക്കി​ക്കൂ​ട്ടി കാ​ള​വ​ണ്ടി​യി​ൽ ക​യ​റ്റി മ​ണ്‍​ചൂ​ള​യി​ലാ​യി​രു​ന്നു കുമ്മായമുണ്ടാ​ക്കി​യ​ത്.

കാ​ഴ്ച​യു​ടെ വി​സ്മ​യം

ചാ​യം പൂ​ശേ​ണ്ടാ​ത്ത കെ​ട്ടി​ട നി​ർ​മാ​ണ​ത്തി​ലൂ​ടെ നാ​ടെ​ങ്ങും അ​ദ്ദേ​ഹം കാ​ഴ്ച​യു​ടെ വി​സ്മ​യം തീ​ർ​ത്തു. അ​താ​ത് സ്ഥ​ല​ത്തി​ന്‍റെ ഇ​രി​പ്പും കി​ട​പ്പും നോ​ക്കി കാ​റ്റും വെ​ളി​ച്ച​വും ക​യ​റു​ന്ന വ​ഴി​ക​ളെ ദ​ർ​ശ​ന​മാ​ക്കി അ​ദ്ദേ​ഹം വീ​ടു​ക​ൾ ഡി​സൈ​ൻ ചെ​യ്തു. ക​ട്ടി​ള​ക​ൾ ഒ​ഴി​വാ​ക്കി പ​ക​രം ക​ട്ട​ക​ൾ നി​ശ്ചി​ത അ​ക​ല​ത്തി​ൽ വ​ള​ച്ച് ജ​നാ​ല​ക​ളു​ണ്ടാ​ക്കി ചെ​ല​വു ചു​രു​ക്കി. ജ​നാ​ല​ക​ളു​ടെ അ​രി​ക് ഇ​രി​പ്പി​ട​മാ​യും കി​ട​ക്ക​യാ​യു​മൊ​ക്കെ പ​ണി​തു​കാ​ണി​ച്ചു. പൊ​ട്ടി​യ ത​റ​യോ​ടു മു​റ്റ​ത്തു പാ​കു​ക​യും നി​റ​മു​ള്ള കു​പ്പി​ക​ളെ ഭി​ത്തി​യി​ൽ അ​ല​ങ്കാ​ര​മാ​ക്കു​ക​യും ചെ​യ്തു അ​ദ്ദേ​ഹം. കേ​ര​ള​ത്തി​ൽ ലാ​റി ബേ​ക്ക​റി​ന് മ​ണ്ണും മ​നോ​ധൈ​ര്യ​വും പ​ക​ർ​ന്ന പ്ര​മു​ഖ​രാ​യി​രു​ന്നു മു​ൻ മു​ഖ്യ​മ​ന്ത്രി സി ​അ​ച്യു​ത​മേ​നോ​നും മു​ൻ തി​രു​വ​ന​ന്ത​പു​രം ആ​ർ​ച്ച് ബി​ഷ​പ് ബെ​ന​ഡി​ക്ട് മാ​ർ ഗ്രി​ഗോ​റി​യോ​സും.

അ​ച്യു​ത​മേ​നോ​ൻ പാ​വ​ങ്ങ​ൾ​ക്കു വേ​ണ്ടി ഒ​രു വ​ൻ ഭ​വ​ന പ​ദ്ധ​തി ലാ​റി​യെ ഏ​ല്പി​ച്ചു. ബേ​ക്ക​റി​ന്‍റെ ചു​മ​ത​ല​യി​ൽ കോ​സ്റ്റ് ഫെഡ് എ​ന്ന സ്ഥാ​പ​നം തൃ​ശൂ​ർ കേ​ന്ദ്ര​മാ​ക്കി ചെ​ല​വു കു​റ​ഞ്ഞ വീ​ടു​ക​ളു​ടെ നി​ർ​മാ​ണം പ്ര​ച​രി​പ്പി​ച്ചു. ആ​യി​ര​ക്ക​ണ​ക്കി​നു ദ​രി​ദ്ര​ർ​ക്ക് ഈ ​പ​ദ്ധ​തി​യി​ൽ വീ​ടു​ക​ൾ​ക്ക് വീ​ടു പ​ണി​തു ന​ൽ​കാ​നാ​യി. പാ​വ​ങ്ങ​ളു​ടെ കൊ​ട്ടാ​രം എ​ന്ന് ആ ​ഭ​വ​നി​ർ​മാ​ണ വി​പ്ല​വ​ത്തി​നു പേ​രു​വീ​ണു. കാ​രു​ണ്യ​ത്തി​ന്‍റെ ആ​ൾ​രൂ​പ​മാ​യി​രു​ന്ന ആ​ർ​ച്ച്ബി​ഷ​പ് ബെ​ന​ഡി​ക്ട് മാ​ർ ഗ്രി​ഗോ​റി​യോ​സി​ന്‍റെ ആ​ഗ്ര​ഹ​പ്ര​കാ​രം മൂ​വാ​യി​രം രൂ​പ​യി​ൽ താ​ഴെ ചെ​ല​വി​ൽ ര​ണ്ടു മു​റി, അ​ടു​ക്ക​ള വീ​ടു​ക​ൾ പ​ണി​തു ബേ​ക്ക​ർ വി​സ്മ​യം കാ​ണി​ച്ചു.

ബ​ർ​മിം​ഗ്ഹാ​മി​ലെ വ​ര

ലോ​ക​ത്തി​ന്‍റെ പ​ണി​യാ​യു​ധ​ശാ​ല എ​ന്നു വി​ളി​പ്പേ​രു​ള്ള ബ്രി​ട്ട​നി​ലെ ബ​ർ​മിം​ഗ്ഹാ​മി​ൽ ഒ​രു മെ​ത​ഡി​സ്റ്റ് ക്രി​സ്തീ​യ​കു​ടും​ബ​ത്തി​ൽ 1917 മാ​ർ​ച്ച് ര​ണ്ടി​നാ​ണ് ലോ​റ​ൻ​സ് ബേ​ക്ക​ർ എ​ന്ന ലാ​റി​യു​ടെ ജ​ന​നം. പി​താ​വ് ഫ്ര​ഡ​റി​ക് ബേ​ക്ക​ർ അ​ക്കൗ​ണ്ട​ന്‍റാ​യി​രു​ന്നു. അ​മ്മ മി​ല്ലി. എ​ഡ്ന, ലി​യോ​നാ​ർ​ഡ്, നോ​ർ​മ​ൻ എ​ന്നി​വ​ർ സ​ഹോ​ദ​ര​ങ്ങ​ൾ. കൊ​ച്ചു ലാ​റി​യി​ൽ ഉ​റ​ങ്ങി​യി​രു​ന്ന ശി​ൽ​പി​യെ അ​റി​ഞ്ഞു​ണ​ർ​ത്തി​യ​ത് കിം​ഗ് എ​ഡ്വേ​ർ​ഡ് ഗ്രാ​മ​ർ സ്കൂ​ളി​ലെ പ്ര​ധാ​നാ​ധ്യാ​പ​ക​നാ​യി​രു​ന്നു.

നോ​ട്ടു​താ​ളു​ക​ളി​ൽ വ​ര​ച്ചു​വ​ര​ച്ചു​പോ​യ വീ​ടു​ക​ളു​ടെ പ​ട​ങ്ങ​ൾ കാ​ണാ​നി​ട​യാ​യ അ​ധ്യാ​പ​ക​ൻ ലാ​റി​യു​ടെ പി​താ​വി​നോ​ട് പ​റ​ഞ്ഞു, അ​വ​നെ വാ​സ്തു​ക​ല പ​ഠി​പ്പി​ക്കാ​ൻ. അ​ങ്ങ​നെ ലാ​റി ബ​ർ​മിം​ഗ്ഹാം ആ​ർ​ക്കി​ടെ​ക്ച​റി​ൽ ചേ​ർ​ന്നു. വി​വി​ധ രാ​ജ്യ​ങ്ങ​ളി​ലെ വീ​ടു​ക​ൾ ക​ണ്ടു പ​ഠി​ക്കാ​ൻ ലാ​റി​യും സ​ഹ​പാ​ഠി​ക​ളും അ​ക്കാ​ല​ത്ത് സൈ​ക്കി​ളി​ൽ വി​വി​ധ യൂ​റോ​പ്യ​ൻ നാ​ടു​ക​ളി​ലൂ​ടെ ക​റ​ങ്ങി. പ​ഠ​ന​ഭാ​ഗ​മാ​യു​ള്ള പ​രി​ശീ​ല​ന​കാ​ല​ത്താ​യി​രു​ന്നു ബോം​ബു​വ​ർ​ഷ​ങ്ങ​ളു​ടെ ആ​ര​വ​ത്തോ​ടെ ര​ണ്ടാം ലോ​ക മ​ഹാ​യു​ദ്ധ​ത്തി​ന്‍റെ വ​ര​വ്. എ​ല്ലാ ബ്രി​ട്ടീ​ഷ് പൗ​രന്മാ​രും നി​ർ​ബ​ന്ധി​ത സൈ​നി​ക സേ​വ​നം അ​നു​ഷ്ഠി​ക്ക​ണ​മെ​ന്നു നി​ർ​ദേ​ശം വ​ന്ന​തി​നാ​ൽ മു​റി​വേ​റ്റ​വ​രെ ശു​ശ്രൂ​ഷി​ക്കാ​നു​ള്ള ആം​ബു​ല​ൻ​സ് സം​ഘ​ത്തി​ൽ അം​ഗ​മാ​യി ലാ​റി ചൈ​ന​യി​ലും ജ​പ്പാ​നി​ലും എ​ത്തി. വൈ​ദ്യ​ശു​ശ്രൂ​ഷ​യി​ൽ പ​രി​ച​യം നേ​ടാ​ൻ ഈ ​സേ​വ​ന​കാ​ലം ഇ​ട​യാ​ക്കി.

ക​പ്പ​ലി​ൽ ടി​ക്ക​റ്റ് കി​ട്ടാ​ൻ വൈ​കി​യ​തി​നാ​ൽ ഇം​ഗ്ല​ണ്ട് മ​ട​ക്ക യാ​ത്ര മൂ​ന്നു മാ​സം വൈ​കു​ക​യും അ​ക്കാ​ല​ത്ത് മും​ബൈ​യി​ൽ താ​മ​സി​ച്ച വേ​ള​യി​ൽ മ​ഹാ​ത്മാ ഗാ​ന്ധി​യു​മാ​യി പ​രി​ച​യ​പ്പെ​ടാ​ൻ ഇ​ട​യാ​വു​ക​യും ചെ​യ്തു. ക്വി​റ്റ് ഇ​ന്ത്യാ സ​മ​ര​കാ​ല​മാ​യി​രു​ന്നി​ട്ടും ഗാ​ന്ധി​ജി​യു​ടെ ലാ​ളി​ത്യ​വും ആ​ത്മീ​യ​ത​യും ബ്രി​ട്ടീ​ഷു​കാ​ര​നാ​യ ബേ​ക്ക​റി​ന്‍റെ ഹൃ​യ​ത്തെ സ്പ​ർ​ശി​ച്ചു. ത​യ്യ​ൽ വെ​ട്ടു​തു​ണി​ക​ൾ തു​ന്നി​യു​ണ്ടാ​ക്കി​യ ഷൂ​വാ​ണ് ലാ​റി അ​ക്കാ​ല​ത്ത് ധ​രി​ച്ചി​രു​ന്ന​ത്. പാ​ഴ്‌വസ്തു​ക്ക​ൾ​കൊ​ണ്ട് നി​ർ​മാ​ണം ന​ട​ത്താ​നുള്ള ലാ​റി​യു​ടെ ചാ​തു​ര്യ​മറി​ഞ്ഞ മ​ഹാ​ത്മ​ജി ഇ​വി​ട​ത്തെ പാ​വ​ങ്ങ​ൾ​ക്കാ​യി പ്ര​വ​ർ​ത്തി​ക്കാ​ൻ ഇ​ദ്ദേ​ഹ​ത്തോ​ടു താ​ൽ​പ​ര്യ​പ്പെ​ട്ടു. ഒ​പ്പം കു​ഷ്ഠ​രോ​ഗി​ക​ളെ ശു​ശ്രൂ​ഷി​ക്കാ​ൻ ബേ​ക്ക​ർ കാ​ണി​ച്ചി​രു​ന്ന മ​ന​സും ഗാ​ന്ധി​ജിയെ സ്പ​ർ​ശി​ച്ചു.

ഗാ​ന്ധി​ജി​യു​ടെ പാ​ത പി​ന്തു​ട​രാ​ൻ 1945-ൽ ​ഇ​ന്ത്യ​യി​ൽ മ​ട​ങ്ങി​യെ​ത്തി ബേ​ക്ക​ർ മൂ​ന്നു വ​ർ​ഷം കു​ഷ്ഠ​രോ​ഗി​ക​ൾ​ക്കി​ട​യി​ൽ പ്ര​വ​ർ​ത്തി​ച്ചു. കു​ഷ്ഠ​രോ​ഗി​ക​ളു​ടെ പു​ന​ര​ധി​വാ​സ​ത്തി​നാ​യി ബേ​ക്ക​ർ വീ​ടു​ക​ൾ പ​ണി​തു തു​ട​ങ്ങി. അ​താ​യി​രു​ന്ന വീ​ടു വി​പ്ല​വ​ത്തി​ന്‍റെ അ​ടി​ത്ത​റ. വി​വി​ധ സം​സ്ഥാ​ന​ങ്ങ​ളി​ലൂ​ടെ സ​ഞ്ച​രി​ച്ച അ​ദ്ദേ​ഹം ഓ​രോ പ്ര​ദേ​ശ​ത്തി​നും യോ​ജി​ച്ച നി​ർ​മാ​ണ ശൈ​ലി അ​വ​ത​രി​പ്പി​ച്ചു.

കേ​ര​ള​ത്തി​നു മ​രു​മ​ക​ൻ

അ​ക്കാ​ല​ത്താ​ണ് ലാ​റി​യു​ടെ മ​ല​യാ​ള ബ​ന്ധം ജ​നി​ക്കു​ന്ന​ത്. മ​ല​യാ​ളി​യാ​യ പി​ജെ ചാ​ണ്ടി എ​ന്ന ഡോ​ക്ട​റു​മാ​യി ബേ​ക്ക​ർ പ​രി​ചയ​ത്തി​ലാ​യി. ഈ ​അ​ടു​പ്പ​ത്തി​ൽ ചാ​ണ്ടി​യു​ടെ സ​ഹോ​ദ​രി ഹൈ​ദ​രാ​ബാ​ദി​ൽ ജോ​ലി നോ​ക്കി​യി​രു​ന്ന ഡോ​ക്ട​ർ എ​ലി​സ​ബ​ത്തി​നെ ലാ​റി വി​വാ​ഹം ചെ​യ്തു. 1948ൽ ​ലാ​റി​യും എ​ലി​സ​ബ​ത്തും ഹി​മാ​ല​യ​ത്തി​ലെ കു​മാ​യൂ​ണ്‍ മ​ല​ക​ളി​ലെ പി​ത്തോ​ര​ഗ​ഡി​ൽ താ​മ​സ​മാ​രം​ഭി​ച്ചു. എ​ലി​സ​ബ​ത്ത് ഡോ​ക്ട​റാ​ണെ​ന്നറി​ഞ്ഞ​തോ​ടെ ലാ​റി​യു​ടെ വീ​ട്ടി​ലേ​ക്ക് രോ​ഗി​ക​ളു​ടെ പ്ര​വാ​ഹ​മാ​യി. ആ​ശു​പ​ത്രി​ക​ളി​ല്ലാ​തി​രു​ന്ന അ​വി​ടെ ജ​ന​ങ്ങ​ളു​ടെ വി​കാ​രം മാ​നി​ച്ച് ആ​ളൊ​ഴി​ഞ്ഞ ചാ​യ​പ്പീ​ടി​ക​യി​ൽ ബേ​ക്ക​ർ കു​ടും​ബം ഒ​രു ആ​ശു​പ​ത്രി തു​റ​ന്നു. ഡോ​ക്ട​ർ ഭാ​ര്യ​യോ​ടൊ​പ്പം ലാ​റി ബേ​ക്ക​ർ ന​ഴ്സാ​യി പ​തി​നേ​ഴു വ​ർ​ഷം അ​വി​ടെ ദേ​ശ​വാ​സി​ക​ളെ ശു​ശ്രൂ​ഷി​ച്ചു.
1963-ൽ ​പി​ത്തോ​ര​ഗ​ഡ് വി​ട്ടു കു​ടും​ബം കേ​ര​ള​ത്തി​ലെ​ത്തി വാ​ഗ​മ​ണി​ലും 1970 മു​ത​ൽ തി​രു​വ​ന​ന്ത​പു​രം നാ​ലാ​ഞ്ചി​റ​യി​ലും താ​മ​സ​മാ​ക്കി. അ​ന​ന്ത​പു​രി​യി​ൽ പ​ണി​ത മ​നോ​ഹ​ര​മാ​യ ഇ​ഷ്ടി​ക​വീ​ടി​ന് ഷേ​ക്സ്പി​യ​ർ ആ​രാ​ധ​ക​നാ​യി​രു​ന്ന ബേ​ക്ക​ർ ഹാം​ല​റ്റ് എ​ന്നു പേ​രി​ട്ടു. മ​ര​ങ്ങ​ൾ വെ​ട്ടി ഭൂ​മി നി​ര​പ്പാ​ക്കി​യു​ള്ള നി​ർ​മ്മാ​ണ​ത്തെ എ​തി​ർ​ത്തു.

കി​ട​പ്പാ​ട​മി​ല്ലാ​ത്ത​വ​ന്‍റെ ക​ണ്ണു​ക​ളി​ലൂ​ടെ​യാ​ണ് ലാ​റി ബേ​ക്ക​ർ കേ​ര​ള​ത്തി​ന്‍റെ കാ​ഴ്ച​ക​ളെ ഹൃ​ദ​യ​ത്തി​ൽ പ​ക​ർ​ത്തി​യ​തെ​ന്നു പ​റ​യാം. അ​ങ്ങ​നെ അ​ര നൂ​റ്റാ​ണ്ടി​നു​ള്ളി​ൽ കേ​ര​ള​ത്തി​ൽ പ​തി​ന​യ്യാ​യി​രം ചെ​റു​തും വ​ലു​തു​മാ​യ നി​ർ​മി​തി​ക​ളി​ൽ ബേ​ക്ക​റി​ന്‍റെ കൈ​യൊ​പ്പു വീ​ണി​ട്ടു​ണ്ട്.

പ​ത്മ​ശ്രീ ബേ​ക്ക​ർ

1988ൽ ​ലാ​റി ബേ​ക്ക​റി​ന് ഭാ​ര​ത​പൗ​ര​ത്വം ല​ഭി​ച്ചു. കേ​ര​ള​ത്തി​ന്‍റെ പ്ലാ​നിം​ഗ് ക​മ്മീ​ഷ​നി​ലും ഹ​ഡ്കോ​യി​ലും നാ​ഷ​ണ​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഡി​സൈ​നി​ലും ലാ​റി ബേ​ക്ക​ർ അം​ഗ​മാ​യി​രു​ന്നു. 1990ൽ ​രാ​ജ്യം പ​ത്മ​ശ്രീ ന​ൽ​കി ഈ ​പെ​രു​ന്ത​ച്ച​നെ ആ​ദ​രി​ച്ചു. ബേ​ക്ക​ർ ദ​ന്പ​തി​ക​ൾ​ക്ക് തി​ല​ക്, വി​ദ്യ, ഹൈഡി എ​ന്നി​ങ്ങ​നെ മൂ​ന്നു മ​ക്ക​ളാ​ണ്.

അ​ല​ാഹാ​ബാ​ദ് കാ​ർ​ഷി​ക സ​ർ​വ​ക​ലാ​ശാ​ല, സൂ​റ​റ്റ് സെ​ന്‍റ​ർ ഫോ​ർ സോ​ഷ്യ​ൽ സ്റ്റ​ഡീ​സ,് ല​ക്നൗ സാ​ക്ഷ​ര​താ ഗ്രാ​മം, ന​ള​ന്ദ ഇ​ൻ​സ്റ്റി​റ്റ്യൂ​ട്ട് ഓ​ഫ് ലാം​ഗ്വേ​ജ്, നാ​ഗ​ർ​കോ​വി​ൽ ചി​ൽ​ഡ്ര​ൻ​സ് വി​ല്ലേ​ജ്, ലാ​ത്തൂ​രി​ലെ ഭൂ​മി​കു​ല​ക്ക പ്ര​തി​രോ​ധ മ​ന്ദി​ര​ങ്ങ​ൾ തു​ട​ങ്ങി എ​ത്ര​യെ​ത്ര മ​ന്ദി​ര​ങ്ങ​ൾ ഈ ​കരവി​രു​തി​ൽ രാ​ജ്യ​ത്തി​നു സ​മ്മാ​ന​മാ​യി ല​ഭി​ച്ചു.

ഐ​ക്യ​രാ​ഷ്ട്ര​സ​ഭ​യു​ടെ ഹാ​ബി​റ്റാ​റ്റ് പു​ര​സ്കാ​രം, ഇ​ന്ത്യ​ൻ നാ​ഷ​ന​ൽ ഹെ​റി​റ്റേ​ജ് അ​വാ​ർ​ഡ് തു​ട​ങ്ങി എ​ണ്ണ​മ​റ്റ ബ​ഹു​മ​തി​ക​ൾ​ക്കു പു​റ​മെ ഹോ​ള​ണ്ടി​ലെ റോ​യ​ൽ സ​ർ​വ​ക​ലാ​ശാ​ല 1981-ൽ ​ഡി​ലി​റ്റ് ന​ൽ​കി ആ​ദ​രി​ച്ചു. തി​രു​പ്പ​തി ശ്രീ ​വെ​ങ്ക​ടേ​ശ്വ​ര, സെ​ൻ​ട്ര​ൽ ഇം​ഗ്ല​ണ്ട്, കേ​ര​ള സ​ർ​വ്വ​ക​ലാ​ശാ​ല​ക​ളും ഡോ​ക്ട​റേ​റ്റ് ന​ൽ​കി. 90-ാം ജന്മദി​ന​വേ​ള​യി​ൽ 2007 ഏ​പ്രി​ൽ ഒ​ന്നി​നു രാ​വി​ലെ സ്വ​ന്തം ഭ​വ​ന​മാ​യ ഹാം​ല​റ്റി​ൽ ബേ​ക്ക​ർ എ​ന്നേ​ക്കു​മാ​യി ക​ണ്ണു​ക​ള​ട​ച്ചു.

റെ​ജി ജോ​സ​ഫ്


Copyright @ 2022 , Rashtra Deepika Ltd.