പോരാട്ടം മറ്റുള്ളവർക്കുവേണ്ടി
ഇ​ത് ടോം ​തോ​മ​സ് പൂ​ച്ചാ​ലി​ൽ. നീ​തി തേ​ടി ഒ​രു യാ​ത്ര​യാണ് ടോ​മി​ന്‍റേ​ത്. വി​വ​രാ​വകാ​ശ​നി​യ​മ​പ്ര​കാ​രം രേ​ഖ​ക​ൾ സം​ഘ​ടി​പ്പി​ക്കു​ക മാ​ത്ര​മ​ല്ല, അതോ​ടൊ​പ്പം സ​ഞ്ച​രി​ച്ചു സ​മൂ​ഹ​ത്തി​നു നന്മ ​ഉ​ണ്ടാ​ക്കു​ന്ന നി​യ​മം നടപ്പാക്കാൻ സർക്കാരിനെ പ്രേരിപ്പിക്കുകയും ചെയ്യും ഈ വക്കീൽ.

സു​നാ​മി വ​ന്നു. സാ​ന്പ​ത്തി​ക​മാ​യി സ​ഹാ​യി​ക്കാ​ൻ പ്ര​ഖ്യാ​പി​ച്ച ഫ​ണ്ട് എ​വി​ടെ പോ​യി? പു​റം​ലോ​കം അ​റി​ഞ്ഞത് ടോം ​വ​ഴി. വാ​ഹ​നാ​പ​ക​ട ന​ഷ്ട​പ​രി​ഹാ​ര കേ​സു​ക​ൾ പോ​ലീ​സ് ത​ന്നെ ട്രൈ​ബ്യൂ​ണ​ലി​ൽ ഫ​യ​ൽ​ചെ​യ്യ​ണ​മെ​ന്ന സു​പ്രീം​കോ​ട​തി വി​ധി കേ​ര​ള​ത്തി​ൽ ന​ട​പ്പി​ലാ​ക്കാ​ൻ ആ​രും ത​യാ​റാ​യി​ല്ല. ഇ​തി​നാ​യി ടോം ഓഫീസുകൾ കയറിയിറങ്ങി. അ​വ​സാ​നം ന​ട​പ്പി​ലാ​ക്കി. സ്വ​കാ​ര്യ​വാ​ഹ​ന​ങ്ങ​ളി​ലെ യാ​ത്ര​ക്കാ​ർ​ക്ക് ഇ​ൻ​ഷു​റ​ൻ​സ് സം​ര​ക്ഷ​ണം എ​ടു​ത്തു ക​ള​ഞ്ഞ സു​പ്രീം​കോ​ട​തി വി​ധി, ഇ​തി​നെ​തി​രേ പോ​രാ​ടി ഫു​ൾ​ക​വ​ർ ഇ​ൻ​ഷുർ ചെ​യ്യു​ന്ന​വ​ർ​ക്ക് ഇ​ൻ​ഷു​റ​ൻ​സ് ആനുകൂല്യം കി​ട്ടു​ന്ന അ​വ​സ്ഥ സം​ജാ​ത​മാ​യി, അ​ജ്ഞാ​ത​വാ​ഹ​നം ത​ട്ടി പ​രി​ക്ക് പ​റ്റു​ന്ന​വ​ർ​ക്ക ് ന​ഷ്ട​പ​രി​ഹാ​രം ല​ഭ്യ​മാ​ക്കുന്ന കാര്യത്തിൽ വിജയിച്ചു, കു​ട്ടി​ക​ളെ ഉ​പ​യോ​ഗി​ച്ചു ഭി​ക്ഷാട​നം ന​ട​ത്തു​ന്ന മാ​ഫി​യ​ക​ൾ​ക്കെ​തി​രേ തെ​ളി​വു സ​ഹി​തം രം​ഗ​ത്തു​വ​ന്നതോടെ മ​നു​ഷ്യാ​വ​കാ​ശ ക​മ്മീ​ഷ​ന്‍റെ ന​ട​പ​ടിയുണ്ടായി, അ​യ​ൽ​സം​സ്ഥാ​ന​ങ്ങ​ളി​ൽ വി​നോ​ദ​സ​ഞ്ചാ​ര​ത്തി​നും തീ​ർ​ഥാ​ട​ന​ത്തി​നും പോ​കു​ന്ന​വ​ർ അ​പ​ക​ട​ത്തി​ൽ​പ്പെ​ടു​ന്ന അ​വ​സ്ഥ വ​ർ​ഷ​ങ്ങ​ൾ​ക്കു​മു​ന്പേ ആ​ഭ്യ​ന്ത​ര സെ​ക്ര​ട്ട​റി​യു​ടെ മു​ന്നി​ലെ​ത്തി​ച്ചു, അ​പ​ക​ട​ത്തി​ൽ പ​രി​ക്കു പ​റ്റു​ന്ന​വ​ർ​ക്കു ചി​കി​ത്സ നി​ഷേ​ധി​ക്കു​ന്ന​തി​നെ​തി​രേ 2007 മു​ത​ൽ പോ​രാ​ട്ടം, കോ​ട്ട​യം​സ്വ​ദേ​ശി​യു​ടെ മ​ര​ണ​ത്തി​ന് ഉ​ത്ത​ര​വാ​ദി​ക​ളെ ശി​ക്ഷി​പ്പി​ച്ച​ത്, വാ​ഹ​നാ​പ​ക​ട​ങ്ങ​ളി​ൽ പെ​ടു​ന്ന​വ​രെ സ​ഹാ​യി​ക്കാ​ൻ ഒ​രു സ​മാ​ശ്വാ​സ​നി​ധി, മു​ല്ല​പ്പെ​രി​യാ​റി​ൽ പു​തി​യ അ​ണ​ക്കെ​ട്ടി​നു ത​മി​ഴ്നാ​ടി​ന്‍റെ അ​നു​മ​തി വേ​ണ്ടെ​ന്ന സ​ർ​ക്കാ​ർ റി​പ്പോ​ർ​ട്ട് പു​റ​ത്ത് കൊ​ണ്ടുവ​ന്ന​ത്, പ​ന്നി​യാ​ർ ദു​ര​ന്തം സ​ർ​ക്കാ​ർ പൂ​ഴ്ത്തി​വ​ച്ച റി​പ്പോ​ർ​ട്ട് പു​റം​ലോ​ക​ത്തെ അ​റി​യി​ച്ച​ത് എന്നിങ്ങനെ നീ​ളു​ന്നു പോ​രാ​ട്ട​ജീ​വി​ത​ത്തി​ന്‍റെ ബാ​ക്കി​പ​ത്രം.

ന​ഷ്ട​പ​രി​ഹാ​ര​കേ​സു​ക​ൾ പോ​ലീ​സ് ഫ​യ​ൽ ചെ​യ്യ​ണം

വാ​ഹ​നാ​പ​ക​ട ന​ഷ്ട​പ​രി​ഹാ​ര കേ​സു​ക​ൾ പോ​ലീ​സ് ത​ന്നെ ട്രൈ​ബ്യൂ​ണ​ലി​ൽ ഫ​യ​ൽ ചെ​യ്യ​ണ​മെ​ന്നു സു​പ്രീം​കോ​ട​തി പ​റ​യു​ന്നു. 2010 ​ഡി​സം​ബ​റി​ലാ​ണ് സു​പ്രീം​കോ​ട​തി ഈ ​വി​ധി പ്ര​ഖ്യാ​പി​ച്ച​ത്. അ​തും ജ​യ​പ്ര​കാ​ശും നാ​ഷ​ണ​ൽ ഇ​ൻ​ഷൂ​റ​ൻ​സ് ക​ന്പ​നി​യും ത​മ്മി​ലു​ള്ള കേ​സി​ൽ.2016 ആ​യി​ട്ടും കേ​ര​ള​ത്തി​ൽ ന​ട​പ്പി​ലാ​ക്കാ​ൻ സ​ർ​ക്കാ​രി​നും മ​ടി.അ​ന്നു മു​ത​ൽ പ​രാ​തി​യു​മാ​യി ഗ​വ​ണ്‍​മെ​ന്‍റ് സ്ഥാ​പ​ന​ങ്ങ​ളി​ലും പോ​ലീ​സ്മേ​ധാ​വി​ക​ളു​ടെ​യും മു​ന്നി​ൽ എ​ത്തി​യി​രു​ന്നു. ക​ഴി​ഞ്ഞ വ​ർ​ഷം കേ​ര​ള പോ​ലീ​സ് മേ​ധാ​വി​യാ​യി​രു​ന്ന ടി.​പി.​സെ​ൻ​കു​മാ​റി​നും പ​രാ​തി ന​ൽ​കി. അ​ദ്ദേ​ഹം ബ​ന്ധ​പ്പെ​ട്ട​വ​ർ​ക്കു നി​ർ​ദേ​ശം ന​ൽ​കി. എ​ന്നാ​ൽ പൂ​ർ​ണ​മാ​യും ന​ട​പ്പി​ലാ​ക്കി​യി​ല്ല. ഇ​പ്പോ​ഴ​ത്തെ പോ​ലീ​സ് മേ​ധാ​വി ലോ​ക്നാ​ഥ് ബെ​ഹ്റ​യ്ക്കു പ​രാ​തി ന​ൽ​കി​യാ​ണ് ഇ​തി​നൊ​രു തീ​രു​മാ​നം ഉ​ണ്ടാ​യ​ത്.

ഹൈ​ക്കോ​ട​തി ര​ജി​സ്ട്രാ​ർ ജ​ന​റ​ലി​നു പ​രാ​തി ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ൽ എ​ല്ലാ ട്രൈ​ബ്യൂ​ണ​ലു​ക​ൾ​ക്കും ഹൈ​ക്കോ​ട​തി നി​ർ​ദേ​ശം ന​ൽ​കി. വാ​ഹ​നാ​പ​ക​ട​ങ്ങ​ളി​ൽ​പെ​ട്ട് പ​രി​ക്ക് പ​റ്റു​ന്ന​വ​ർ​ക്കും മ​ര​ണ​മ​ട​ഞ്ഞ​വ​രു​ടെ അ​ശ്രിത​ർ​ക്കും പ്ര​യോ​ജ​ന​പ്ര​ദ​മാ​യ വി​ധി. വാ​ഹ​നാ​പ​ക​ട ന​ഷ്ട​പ​രി​ഹാ​ര കേ​സു​ക​ൾ താ​മ​സം കൂ​ടാ​തെ​യും പ​ണ​ച്ചെല​വ് ഇ​ല്ലാ​തെ​യും ട്രൈ​ബ്യൂ​ണ​ലു​ക​ളി​ൽ പോ​ലീ​സ് ത​ന്നെ​യാ​ണ് ഫ​യ​ൽ ചെ​യ്യു​ന്ന​തെ​ന്നു ടോം ​വെ​ളി​പ്പെ​ടു​ത്തു​ന്നു.


വാ​ഹ​ന യാ​ത്ര​ക്കാ​ർ​ക്ക് ഇ​ൻ​ഷൂ​റ​ൻ​സ് സം​ര​ക്ഷ​ണം

2006-ൽ ​സു​പ്രീം​കോ​ട​തി ഒ​രു വി​ധി​യി​ലൂ​ടെ സ്വ​കാ​ര്യ​വാ​ഹ​ന​ങ്ങ​ളി​ലെ യാ​ത്ര​ക്കാ​ർ​ക്കു​ള്ള ഇ​ൻ​ഷൂ​റ​ൻ​സ് സം​ര​ക്ഷ​ണം പൂ​ർ​ണ​മാ​യും എ​ടു​ത്തു​ക​ള​ഞ്ഞു. ഇ​തു വാ​യി​ച്ച​പ്പോ​ൾ വ​ലി​യൊ​രു അ​പ​ക​ടം ടോം മു​ന്നി​ൽ ക​ണ്ടു. യു​ണൈ​റ്റ​ഡ് ഇ​ന്ത്യാ ഇ​ൻ​ഷൂ​റ​ൻ​സ് ക​ന്പ​നി ലി​മി​റ്റ​ഡ്, ഷിം​ല വേ​ഴ്സ​സ് തി​ല​ക്സിം​ഗ് ആ​ൻ​ഡ് അ​ദേ​ഴ്സ് എ​ന്ന കേ​സി​ന്‍റെ വി​ധി ന്യാ​യ​ത്തി​ലൂ​ടെ​യാ​ണ് സ്വ​കാ​ര്യ​വാ​ഹ​ന​യാ​ത്ര​ക്കാ​ർ​ക്കു​ള്ള ഇ​ൻ​ഷൂ​റ​ൻ​സ് സം​ര​ക്ഷ​ണം പൂ​ർ​ണ​മാ​യും എ​ടു​ത്തു ക​ള​ഞ്ഞ​ത്. സ്വ​കാ​ര്യ​വാ​ഹ​ന​ങ്ങ​ൾ അ​പ​ക​ട​ത്തി​ൽ​പ്പെ​ട്ട് യാ​ത്ര​ക്കാ​ർ​ക്ക് പ​രി​ക്ക് പ​റ്റു​ക​യോ, മ​ര​ണ​പ്പെ​ടു​ക​യോ ചെ​യ്താ​ൽ ഉ​ട​മ​സ്ഥ​രാ​ണ് ന​ഷ്ട​പ​രി​ഹാ​ര തു​ക ന​ൽ​കേ​ണ്ട​ത്.

ഇ​ന്ത്യ​യി​ലെ ജ​ന​ങ്ങ​ളെ മു​ഴു​വ​ൻ ബാ​ധി​ക്കു​ന്ന ഈ ​പ്ര​ശ്ന​ത്തി​ൽ ഇ​ട​പെട​ണ​മെ​ന്നാ​വ​ശ്യ​പ്പെ​ട്ടു രാ​ഷ്ട്ര​പ​തി​ക്കും കേ​ര​ള​ത്തി​ലെ മു​ഴു​വ​ൻ​എം​പി​മാ​ർ​ക്കും നി​വേ​ദ​നം ന​ൽ​കി. അ​ന്ന​ത്തെ എം​പി​യാ​യി​രു​ന്ന പി.​സി.​തോ​മ​സ് ഇ​ക്കാ​ര്യം കേ​ന്ദ്ര​ഉ​പ​രി​ത​ല ഗ​താ​ഗ​ത​മ​ന്ത്രി ടി.​ആ​ർ.​ബാ​ലു​വി​ന്‍റെ ശ്ര​ദ്ധ​യി​ൽ​പെ​ടു​ത്തി. അ​ന്ന​ത്തെ സം​സ്ഥാ​ന ഗ​താ​ഗ​ത​മ​ന്ത്രി ജോ​സ് തെ​റ്റ​യി​ലും നി​ർ​ണാ​യ​ക​മാ​യ ശ്ര​മ​ങ്ങ​ൾ ന​ട​ത്തി. കേ​ര​ള​ത്തി​ന്‍റെ​യും എം​പി​മാ​രു​ടെ​യും കൂ​ട്ടാ​യ ശ്ര​മ​ഫ​ല​മാ​യി പാ​ക്കേ​ജ് പോ​ളി​സി ഉ​ള്ള വാ​ഹ​ന​ങ്ങ​ളി​ലെ യാ​ത്ര​ക്കാ​ർ​ക്ക് ഇ​ന്ത്യ​യി​ൽ ഇ​ന്ന് ഇ​ൻ​ഷൂ​റ​ൻ​സ് സം​ര​ക്ഷ​ണം ല​ഭി​ക്കു​ന്നു. തേ​ർ​ഡ് പാ​ർ​ട്ടി ഇ​ൻ​ഷൂ​റ​ൻ​സ്മാ​ത്രം ഉ​ള്ള സ്വ​കാ​ര്യ​വാ​ഹ​ന​ങ്ങ​ളി​ലെ യാ​ത്ര​ക്കാ​ർ​ക്ക് ഇ​പ്പോ​ഴും ഇ​ൻ​ഷു​റ​ൻ​സ് സം​ര​ക്ഷ​ണം ല​ഭി​ക്കു​ന്നി​ല്ല.

ഇ​തു സം​ബ​ന്ധി​ച്ച കേ​സ് ഹൈ​ക്കോ​ട​തി​യി​ൽ നി​ല​നി​ൽ​ക്കു​ന്നു. ബ​സ് ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ളി​ൽ പെ​ർ​മി​റ്റി​ൽ കൂ​ടു​ത​ൽ ആ​ളു​ക​ൾ​ക്ക് പ​രി​ക്ക് പ​റ്റി​യാ​ൽ ന​ഷ്ട​പ​രി​ഹാ​ര തു​ക​യു​ടെ കാ​ര്യ​ത്തി​ൽ പ്ര​ശ്ന​ങ്ങ​ളു​ണ്ട്. ഇ​ന്ത്യ​യി​ലെ ജ​ന​ങ്ങ​ളെ മു​ഴു​വ​ൻ ബാ​ധി​ക്കു​ന്ന ഈ ​പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി കേ​ന്ദ്ര​ഗ​താ​ഗ​ത സെ​ക്ര​ട്ട​റി​ക്ക് കൊ​ടു​ത്ത പ​രാ​തി​ പ​രി​ഗ​ണ​ന​യി​ലാ​ണ്.

അ​ജ്ഞാ​ത​വാ​ഹ​നം ത​ട്ടി​യാ​ൽ

അ​ജ്ഞാ​ത​വാ​ഹ​നം ത​ട്ടി പ​രി​ക്കു പ​റ്റി​യാ​ൽ എ​ന്തെ​ങ്കി​ലും ന​ഷ്ട​പ​രി​ഹാ​രം ല​ഭി​ക്കു​മോ? ല​ഭി​ക്കു​മെ​ന്നു ടോം​ തെ​ളി​യി​ച്ചു. അ​ജ്ഞാ​ത​വാ​ഹ​നം ത​ട്ടി പ​രി​ക്ക് പ​റ്റി​യ​വ​ർ്ക്ക് ല​ഭി​ക്കു​ന്ന ന​ഷ്ട​പ​രി​ഹാ​ര തു​ക​യു​ടെ കാ​ര്യ​ത്തി​ൽ പ​ല​രും അ​ജ്ഞാ​ത​രാ​ണ്. മോ​ട്ടോ​ർ വെ​ഹി​ക്കി​ൾ​സ് ആ​ക്ട് സെ​ക്ഷ​ൻ 161 പ്ര​കാ​ര​മു​ള്ള സോ​ലേ​ഷ്യം സ്കീ​മി​ൽ നി​ന്നാ​ണ് ന​ഷ്ട​പ​രി​ഹാ​രം​ല​ഭി​ക്കു​ക. വ​ള​രെ നാ​ള​ത്തെ ശ്ര​മ​ഫ​ല​മാ​യാ​ണ് 2002ൽ ​അ​ജ്ഞാ​ത​വാ​ഹ​നം ത​ട്ടി പ​രി​ക്കേ​റ്റ​യാ​ൾ​ക്ക് ന​ഷ്ട​പ​രി​ഹാ​ര​തു​ക ല​ഭി​ച്ച​ത്. തൊ​ടു​പു​ഴ കൊ​ടു​വേ​ലി മു​ണ്ട​യ്ക്ക​ൽ മാ​ണി​യു​ടെ മ​ക​ൻ ഏബ്ര​ഹാ​മി​ന് 12500 രൂ​പ ന​ഷ്ട​പ​രി​ഹാ​രം ല​ഭി​ച്ച​തു ടോ​മി​ന്‍റെ വി​ജ​യം.

ക്ലെ​യിം സെ​റ്റി​ൽ​മെ​ന്‍റ് ക​മ്മീ​ഷ​ണ​ർ കൂ​ടി​യാ​യ ജി​ല്ലാ​ക​ള​ക്ട​റാ​ണ് ടോ​മി​ന്‍റെ ഹ​ർ​ജി​യി​ൽ വി​ധി പ്ര​സ്താ​വി​ച്ച​ത്. 1998 ഓ​ഗ​സ്റ്റ് ഒ​ന്നി​നു രാ​ത്രി ഏ​ഴ​ര​യ്ക്കു തൊ​ടു​പു​ഴ ടൗ​ണി​ൽ വ​ച്ചാ​യി​രു​ന്നു അ​പ​ക​ടം. ന​ട​ന്നു പോ​കു​ക​യാ​യി​രു​ന്ന ഏബ്ര​ഹാ​മി​നെ പി​ന്നി​ൽ നി​ന്ന് വ​ന്ന ഓ​ട്ടോ​റി​ക്ഷ ഇ​ടി​ച്ചു​വീ​ഴ്ത്തു​ക​യാ​യി​രു​ന്നു. ക​ഴു​ത്തി​ന്‍റെ പി​ൻ​ഭാ​ഗ​ത്ത് ഗു​രു​ത​ര​മാ​യ ക്ഷ​ത​മേ​റ്റു. അ​ജ്ഞാ​ത​വാ​ഹ​നമി​ടി​ക്കു​ന്ന​വ​ർ​ക്ക് ന​ഷ്ട​പ​രി​ഹാ​ര​ത്തി​നാ​യി ക്ലെ​യിം എ​ൻ​ക്വ​യ​റി ഓ​ഫീ​സ​റാ​യ ത​ഹ​സീ​ൽ​ദാ​ർ​ക്കു പ​രാ​തി ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. ന​ഷ്ട​പ​രി​ഹാ​ര​ത്തി​ന​ർ​ഹ​ത​യി​ല്ലെ​ന്നാ​യി​രു​ന്നു പ്ര​ഖ്യാ​പ​നം.​അ​തി​നാ​ൽ എം​എ​സി​ടി കോ​ട​തി​യെ സ​മീ​പി​ച്ചു. ജി​ല്ലാ​ ക​ള​ക്‌ടറാ​ണ് ഇ​ത്ത​രം കേ​സു​ക​ളി​ൽ തീ​ർ​പ്പു ക​ല്പി​ക്കേ​ണ്ട​തെ​ന്നു കോ​ട​തി. വീ​ണ്ടും തൊ​ടു​പു​ഴ ത​ഹ​സീ​ൽ​ദാ​ർ​ക്കു​പ​രാ​തി. സ​മ​യം ക​ഴി​ഞ്ഞുപോ​യെ​ന്നു പ​റ​ഞ്ഞ് അ​തു ത​ള്ളി.

ക്ലെ​യിം സെ​റ്റി​ൽ​മെ​ന്‍റ് ക​മ്മീ​ഷ​ണറാ​യ ക​ള​ക്‌ടറുടെ അ​നു​മ​തി​യി​ല്ലാ​തെ ത​ള്ളി​യ​ത് നി​യ​മ​വി​രു​ദ്ധ​മാ​ണെ​ന്ന് ചൂ​ണ്ടി​ക്കാട്ടി മൂ​ന്നാം വ​ട്ട​വും ത​ഹ​സീ​ൽ​ദാ​ർ​ക്കു ഹ​ർ​ജി സ​മ​ർ​പ്പി​ച്ചു. ജി​ല്ലാ ഗ​വ​ണ്‍​മെ​ന്‍റ് പ്ലീ​ഡ​റു​ടെ അ​ഭി​പ്രാ​യം ആ​രാ​ഞ്ഞ് ത​ഹ​സീ​ൽ​ദാ​ർ ഫ​യ​ൽ ജി​ല്ലാ ക​ള​ക്ട​ർ​ക്ക് അ​നു​കൂ​ല​ശി​പാ​ർ​ശ അ​യ​ച്ചു. ഇ​തേത്തുട​ർ​ന്നു ക്ലെ​യിം സെറ്റി​ൽ​മെ​ന്‍റ് ക​മ്മീ​ഷണ​റാ​യ ജി​ല്ലാ​ ക​ള​ക്‌ടർ ന​ഷ്‌ടപ​രി​ഹാ​രം ന​ൽ​കാ​ൻ വി​ധി​ക്കു​ക​യാ​യി​രു​ന്നു.

കു​ട്ടി​ക​ളു​ടെ ഭി​ക്ഷാ​ട​നം

കു​ട്ടി​ക​ളെ ഉ​പ​യോ​ഗി​ച്ച് ഭി​ക്ഷാ​ട​നം ന​ട​ത്തു​ന്ന വ​ൻ​ മാ​ഫി​യ​ക​ൾ​ക്കെ​തി​രേ രം​ഗ​ത്തി​റ​ങ്ങു​ന്ന​തി​ൽ മ​ടി​ച്ചുനി​ന്നി​ല്ല. 2008-ൽ ​ഭി​ക്ഷാ​ട​ന​മാ​ഫി​യ​ക്കെ​തി​രേ ക​ർ​ശ​ന ന​ട​പ​ടി​യെ​ടു​ക്കാ​ൻ സം​സ്ഥാ​ന മ​നു​ഷ്യാ​വ​കാ​ശ ക​മ്മീ​ഷ​ൻ ഉ​ത്ത​ര​വി​ട്ട​ു. അ​യ​ൽ​സം​സ്ഥാ​ന​ങ്ങ​ളി​ൽ നി​ന്നു കു​ട്ടി​ക​ളെ വ​ണ്ടി​യി​ലെ​ത്തി​ച്ച് ഭി​ക്ഷാ​ട​നം ന​ട​ത്തി വൈ​കു​ന്നേ​രം തി​രി​ച്ചുകൊ​ണ്ടുപോ​വു​ക​യാ​ണ് ചെ​യ്തി​രു​ന്ന​ത്. ഏ​താ​യാ​ലും മ​നു​ഷ്യാ​വ​കാ​ശ ക​മ്മീ​ഷ​ന്‍റെ ഇ​ട​പെ​ട​ൽ​മൂ​ലം അ​ല്പം കു​റ​വു വ​ന്നു​വെ​ന്നാ​ണ് ക​രു​ന്ന​ത്.

പ​ണ​മി​ല്ലെ​ങ്കി​ൽ ചി​കി​ത്സ​യി​ല്ല

അ​പ​ക​ട​ത്തി​ൽ പ​രി​ക്ക് പ​റ്റു​ന്ന​വ​ർ​ക്ക് അ​ടി​യ​ന്ത​ര ചി​കി​ത്സ നി​ഷേ​ധി​ക്കു​ന്ന​തി​നെ​തി​രേ​യാ​ണ് ടോമിന്‍റെ മറ്റൊരു പോ​രാ​ട്ടം. 2007 ജ​നു​വ​രി ഒ​ന്നി​ന് ബൈ​ക്ക​പ​ക​ട​ത്തി​ൽപ്പെട്ട് കോ​ട്ട​യം മെ​ഡി​ക്ക​ൽ കോ​ള​ജി​ൽ തി​രു​വാ​ർ​പ്പ് സ്വ​ദേ​ശി മ​ജോ ചി​കി​ത്സ ല​ഭ്യ​മാ​കാ​തെ മ​ര​ണ​മ​ട​ഞ്ഞ സം​ഭ​വ​മാ​ണ് ഇ​തി​ലേ​ക്കു തി​രി​യാ​ൻ പ്രേ​രി​പ്പി​ച്ച​ത്. തി​രു​വാ​ർ​പ്പ് ഓ​ല​ച്ചേ​രി​ൽ ജോ​സ​ഫി​ന്‍റെ മ​ക​ൻ മ​ജോ​യു​ടെ മ​ര​ണം സം​ശ​യാ​സ്പ​ദ​മാ​ണെ​ന്നു കാ​ണി​ച്ചു വി​വ​രാ​വ​കാ​ശ നി​യ​മ​പ്ര​കാ​രം ന​ൽ​കി​യ അ​പേ​ക്ഷ​യെ തു​ട​ർ​ന്നു​ള്ള അ​ന്വേ​ഷ​ണം ശ​ക്ത​മാ​യി.​അ​വ​സാ​നം മ​ജോ മ​രി​ച്ച​തു ചി​കി​ത്സ​യി​ലെ അ​പാ​ക​ത​മൂ​ല​മാ​ണെ​ന്ന് ഉ​ന്ന​ത​ത​ല അ​ന്വേ​ഷ​ണ ക​മ്മീ​ഷ​ൻ ക​ണ്ടെ​ത്തി.

ത​ല​യ്ക്കും നെ​ഞ്ചി​നും ഗു​രു​ത​ര​മാ​യ പ​രി​ക്കു​ണ്ടാ​യി​രു​ന്നെ​ങ്കി​ലും നെ​ഞ്ചി​ന്‍റെ പ​രി​ക്ക് ക​ണ്ടെ​ത്തി​ ചി​കി​ത്സി​ച്ചി​ല്ല. അ​പ​ക​ട​ത്തെ തു​ട​ർ​ന്നു മ​ജോ​യെ പ​തി​നൊ​ന്നാം വാ​ർ​ഡി​ൽ കൊ​ണ്ടുവ​ന്നു. ശ്വാ​സം മു​ട്ട​ൽ മൂ​ലം ബു​ദ്ധി​മു​ട്ടു​ന്നു​ണ്ടെ​ന്നു ബ​ന്ധു​ക്ക​ൾ പ​റ​ഞ്ഞി​ട്ടും ഓ​ക്സി​ജ​ൻ സി​ലി​ണ്ട​ർ ഘ​ടി​പ്പി​ച്ചി​ല്ല. വൈകുന്നേരം ഡോ​ക്‌ടർ​മാ​ർ തി​രി​ഞ്ഞുനോ​ക്കി​യി​ല്ല. എ​ന്നാ​ൽ ആ​രോ​ഗ്യ​സ്ഥി​തി തൃ​പ്തി​ക​ര​മാ​ണെ​ന്നു ഡോക്‌ടർമാർ പറഞ്ഞുകൊണ്ടിരുന്നു. ഇ​ട​യ്ക്കു രോ​ഗി​യു​ടെ സ്ഥി​തി വ​ഷ​ളാ​യി​ട്ടും തി​രി​ഞ്ഞു​നോ​ക്കി​യി​ല്ല. യൂ​റോ​വി​ഭാ​ഗ​വും വേ​ണ്ട​ത്ര പ​രി​ച​ര​ണം ന​ൽ​കി​യി​ല്ല. അന്വേഷണത്തിനൊടുവിൽ കു​റ​ച്ചു ഡോ​ക്‌ടർ​മാ​ർക്കു ശി​ക്ഷ ല​ഭി​ച്ചു.

സ​മാ​ശ്വാ​സ നി​ധി

നാ​ലു​മി​നി​ട്ടി​ൽ ഒ​രാ​ൾ വാ​ഹ​നാ​പ​ക​ട​ത്തി​ൽ മ​രി​ക്കു​ന്ന​താ​ണ് ഇ​ന്ത്യ​യി​ലെ ക​ണ​ക്ക്. ഇ​തിൽ 20 നും 25​നും ഇ​ട​യ്ക്കു പ്രാ​യ​മു​ള്ള യു​വാ​ക്ക​ളാ​ണ് ഏ​റെ​യും. വാ​ഹ​നാ​പ​ക​ട​ങ്ങ​ളി​ൽ പ്ര​തി​വ​ർ​ഷം ഏ​ക​ദേ​ശം 5,000 പേ​ർ മ​രി​ക്കു​ന്നു, 30,000 ആ​ളു​ക​ൾ​ക്ക് സാ​ര​മാ​യും 20,000 ആ​ളു​ക​ൾ​ക്കു നി​സാ​ര​മാ​യ പ​രി​ക്കു​ക​ളുമേൽ​ക്കു​ന്നു. പ​രി​ക്കേ​റ്റ​വ​ർ​ക്കു ത​ക്ക​സ​മ​യ​ത്ത് വൈ​ദ്യ​സ​ഹാ​യം ല​ഭ്യ​മാ​ക്കി​യാ​ൽ ഇ​ത്ത​രം അ​പ​ക​ട​മ​ര​ണം ഒ​ഴി​വാ​ക്കാ​വു​ന്ന​താ​ണ്. ഇ​താ​ണ് സ​ർ​ക്കാ​ർ​ത​ല​ത്തി​ൽ ചി​ന്തി​ക്കേ​ണ്ട​ത്. ഇ​തു സം​ബ​ന്ധി​ച്ചു ച​ർ​ച്ച​യ്ക്കുവി​ട്ടു വെ​റു​തെ​യി​രി​ക്കു​ക​യ​ല്ല ടോം. ​അ​പേ​ക്ഷ ന​ൽ​കി. ഇ​തു പ​രി​ഗ​ണി​ച്ചി​രു​ന്നെ​ങ്കി​ൽ മു​രു​ക​ൻ എ​ന്ന​ല്ല, ഒ​രു രോ​ഗി​ക്കും ചി​കി​ത്സ നി​ഷേ​ധി​ക്ക​പ്പെ​ടി​ല്ലെ​ന്ന സ​ങ്ക​ടം ചെ​റു​ത​ല്ല. ഇ​നി​യെ​ങ്കി​ലും സം​സ്ഥാ​ന​ത്തെ ഗ​താ​ഗ​ത, ആ​രോ​ഗ്യ​മ​ന്ത്രി​മാ​ർ ക​ണ്ണു തു​റ​ക്കു​മെ​ന്നു പ്ര​തീ​ക്ഷി​ക്കാം.

വാ​ഹ​നാ​പ​ക​ട​ങ്ങ​ളി​ൽ​പ്പെ​ടു​ന്ന​വ​രു​ടെ ചി​കി​ത്സ​യ്ക്കാ​യി സ​ർ​ക്കാ​ർ​ത​ല​ത്തി​ൽ ഒ​രു ഫ​ണ്ട് വേ​ണം. ചി​കി​ത്സി​ച്ചാ​ൽ പ​ണം കി​ട്ടു​മെ​ന്നു​റ​പ്പു​ണ്ടെ​ങ്കി​ൽ ഇ​വ​രെ​ല്ലാം ശ്ര​ദ്ധി​ക്കും.​അ​ങ്ങ​നെ ആ​ശു​പ​ത്രി ക​വാ​ട​ങ്ങ​ൾ തു​റ​ന്നി​ടും. ക​ഴി​ഞ്ഞ വ​ർ​ഷം ജൂ​ണി​ൽ മു​ൻ​ഗ​താ​ഗ​ത​മ​ന്ത്രി​ക്കും കേ​ര​ള മോ​ട്ടോ​ർ വാ​ഹ​ന​അ​പ​ക​ട ഇ​ര​ക​ൾ​ക്ക് അ​ടി​യ​ന്ത​ര സ​മാ​ശ്വാ​സ​നി​ധി പ്ര​മേ​യം 2016 എ​ന്ന സ്വ​കാ​ര്യ​ബി​ല്ലി​ന്‍റെ ഡ്രാ​ഫ്റ്റും സ​മ​ർ​പ്പി​ച്ചി​രു​ന്നു. കേ​ന്ദ്ര​മോ​ട്ടോ​ർ വാ​ഹ​ന​നി​യ​മ ഭേ​ദ​ഗ​തി​ക്കു​ശേ​ഷം ഇ​തു​പ​രി​ഗ​ണി​ക്കാ​മെ​ന്നും പ​റ​ഞ്ഞി​രു​ന്നു. ദേ​വി​കു​ളം എം​എ​ൽ​എ എ​സ്.​രാ​ജേ​ന്ദ്ര​ൻ​വ​ഴി നി​യ​മ​സ​ഭാ സെ​ക്ര​ട്ട​റി​ക്കു കൈ​മാ​റി. എ​ന്നാ​ൽ സ​ർ​ക്കാ​ർ ഇ​തു​വ​രെ പ​രി​ഗ​ണി​ച്ചി​ട്ടി​ല്ല. വാ​ഹ​നാ​പ​ക​ട​ങ്ങ​ളി​ൽ പ​രി​ക്കേ​ൽ​ക്കു​ന്ന​വ​രെ ആ​ശു​പ​ത്രി​യി​ൽ കൊ​ണ്ടുപോ​കു​ന്ന​തി​നും ചി​കി​ത്സി​ക്കു​ന്ന​തി​നും അ​നു​ബ​ന്ധ​കാ​ര്യ​ങ്ങ​ൾ​ക്കും അ​ടി​യ​ന്ത​ര ചെ​ല​വു​ക​ൾ​ക്കും സ​മാ​ശ്വാ​സ​മാ​യി തു​ക വ​ക​യി​രു​ത്ത​ണ​മെ​ന്നാ​ണ് അ​പേ​ക്ഷ​യി​ലെ മു​ഖ്യ​നി​ർ​ദേ​ശം.

2011​ൽ അ​ന്ന​ത്തെ ട്രാ​ൻ​സ്പോ​ർ​ട്ട് ക​മ്മീ​ഷണ​റാ​യി​രു​ന്ന ടി.​പി. സെ​ൻ​കു​മാ​ർ വ​ള​രെ​യേ​റെ ശ്ര​മം​ന​ട​ത്തി​യി​രു​ന്നു. ഇ​ത്ത​രം അ​പ​ക​ട​ങ്ങ​ളി​ൽ മോ​ട്ടോ​ർ ആ​ക്സി​ഡ​ന്‍റ് ക്ലെ​യിം​സ് ട്രിബ്യൂ​ണ​ൽ വ​ഴി ല​ഭി​ക്കു​ന്ന ന​ഷ്ട​പ​രി​ഹാ​രം പ​ല​പ്പോ​ഴും പ​രി​മി​തി​വും ചി​കി​ത്സ​യ്ക്കു പോ​ലും തി​ക​യാ​ത്ത​തും അ​ത് ല​ഭി​ക്കാ​ൻ വ​ർ​ഷ​ങ്ങ​ൾ കാ​ത്തി​രി​ക്കേ​ണ്ടിയും വ​രു​ന്നു. സ​മാ​ശ്വാ​സ​നി​ധി​യു​ടെ ഘ​ട​ന​യും ന​ട​ത്തി​പ്പും ഉ​ൾ​പ്പെ​ടെ അ​പേ​ക്ഷ​യി​ൽ കൊ​ടു​ത്തി​ട്ടു​ണ്ട്.​അ​പ​ക​ട​ത്തി​ൽ​പ്പെ​ടു​ന്ന രോ​ഗി​ക​ളെ​യും അ​നാ​ഥ​മാ​കു​ന്ന കു​ടും​ബാം​ഗ​ങ്ങ​ളെ​യും ര​ക്ഷി​ക്കാ​ൻ നി​ര​വ​ധി നി​ർ​ദേ​ശ​ങ്ങ​ളാ​ണ് ക​ര​ടു​ബി​ല്ലി​ൽ കൊ​ടു​ത്തി​രി​ക്കു​ന്ന​ത്.

മു​ല്ല​പ്പെ​രി​യാ​റി​ന്‍റെ ഗു​രു​ത​രാ​വ​സ്ഥ

എ​ന്നും വാ​ർ​ത്ത​ക​ളി​ൽ നി​റ​യു​ന്ന മു​ല്ല​പ്പെ​രി​യാ​റി​നെക്കു​റി​ച്ചും ക​ണ്ട​തും കേ​ട്ട​തു​മാ​യ ക​ഥ​ക​ൾ ധാ​രാ​ളം. എ​ന്നാ​ൽ മു​ല്ല​പ്പെ​രി​യാ​റി​ന്‍റെ ഗു​രു​ത​രാ​വ​സ്ഥ റൂ​ർ​ക്കി ഐ​ഐ​ടി റി​പ്പോ​ർ​ട്ടി​നും ഭൂ​ച​ല​ന​ങ്ങ​ൾ​ക്കും മു​ന്പു 1960ക​ളി​ൽ സ​ർ​ക്കാ​രി​നു​ബോ​ധ്യ​മാ​യ​താ​ണെ​ന്ന റി​പ്പോ​ർ​ട്ട് പു​റം​ലോ​ക​ത്തെ അ​റി​യി​ച്ച​തു ടോ​മി​ന്‍റെ വി​വ​രാ​വ​കാ​ശ​മാ​ണ്. ജ​ല​വി​ഭ​വ​വ​കു​പ്പി​ൽ നി​ന്നും ല​ഭി​ച്ച മ​റു​പ​ടി​യി​ലാ​യി​രു​ന്നു ഉ​ദ്യോ​ഗ​സ്ഥ​ന്‍റെ വെ​ളി​പ്പെ​ടു​ത്ത​ൽ. പു​തി​യ അ​ണ​ക്കെ​ട്ടു നി​ർ​മി​ക്കാ​ൻ ത​മി​ഴ്നാ​ടി​ന്‍റെ അ​നു​മ​തി ആ​വ​ശ്യ​മി​ല്ലെ​ന്നും ടോ​മി​നു ല​ഭി​ച്ച മ​റു​പ​ടി​യി​ലു​ണ്ട്. ഇ​ടു​ക്കി ഡാ​മി​ന്‍റെ​യും പ​വ​ർ​ഹൗ​സി​ന്‍റെ​യും സു​ര​ക്ഷ സം​ബ​ന്ധി​ച്ചും കേ​ന്ദ്ര പ്ര​തി​രോ​ധ​മ​ന്ത്രി​ക്കു സ​ന്ദേ​ശം അ​യ​ച്ചും ടോം ​ശ്ര​ദ്ധ നേ​ടി. പ​ന്നി​യാ​ർ ദു​ര​ന്ത​ത്തി​ൽ എ​ട്ടു പേ​ർ മ​രി​ക്കാ​ൻ ഇ​ട​യാ​യ​തി​ൽ വൈ​ദ്യു​തി ബോ​ർ​ഡി​നു ഗു​രു​ത​ര​മാ​യ വീ​ഴ്ച സം​ഭ​വി​ച്ച​തും ഈ അ​ഭി​ഭാ​ഷ​ക​നാ​ണ് പു​റ​ത്ത് കൊ​ണ്ടുവ​ന്ന​ത്.

ഇ​തു കൂ​ടാ​തെ സു​നാ​മി ദു​രി​താ​ശ്വാ​സ​ഫ​ണ്ട് ചെ​ല​വ​ഴി​ക്കു​ന്ന​തി​ൽ വീ​ഴ്ച വ​രു​ത്തി​യ​തും പു​റ​ത്തു കൊ​ണ്ടുവ​ന്ന​തു ടോ​മി​ന്‍റെ നേ​ട്ട​മാ​ണ്. ജ​ന​ങ്ങ​ളി​ൽ നി​ന്നും സ​ർ​ക്കാ​ർ മ​റ​ച്ചു​വ​യ്ക്കു​ന്ന​തും ജ​ന​ത്തി​നു വേ​ണ്ടി​യും ഒ​രു പോ​രാ​ട്ട​മാ​ണ് ഈ ​അ​ഭി​ഭാ​ഷ​ക​ൻ ന​യി​ക്കു​ന്ന​ത്. നി​യ​മ​ത്തി​ന്‍റെ വ​ഴി​യി​ലൂ​ടെ സ​ഞ്ച​രി​ച്ച് ആ​രു​മി​ല്ലാ​ത്ത​വ​ർ​ക്കും​പ്ര​കാ​ശ​മാ​കു​ക​യാ​ണ് ഈ ​അ​ഭി​ഭാ​ഷ​ക​ന്‍റെ യാ​ത്ര. തൊ​ടു​പു​ഴ കൊ​ടു​വേ​ലി തോ​മ​സി​ന്‍റെ​യും മേ​രി​യു​ടെ​യും ഏ​ക​മ​ക​ൻ. ഈ ​യാ​ത്ര​യി​ൽ സ​ഹാ​യി​ക​ളാ​യും പ്രാ​ർ​ഥ​ന​ക​ളു​മാ​യും ഭാ​ര്യ ലി​റ്റി​യും (ത​ങ്ക​മ​ണി ഗ​വ, ഹൈ​സ്കൂ​ൾ അ​ധ്യാ​പി​ക) മ​ക്ക​ളാ​യ കി​ര​ണും (മു​ത​ല​ക്കോ​ടം സെ​ന്‍റ് ജോ​ർ​ജ്)​മേ​ഘ​യും (കൊ​ടു​വേ​ലി സാ​ൻ​ജോ​സ്)​കൂ​ടെ​യു​ണ്ട്.

ജോ​ണ്‍​സ​ണ്‍ വേ​ങ്ങ​ത്ത​ടം
ഫോ​ട്ടോ: ബി​ബി​ൻ സേ​വ്യ​ർ


Copyright @ 2022 , Rashtra Deepika Ltd.