പോലീസ് തല്ലിക്കെടുത്തിയ ശാന്തരാത്രി
ഇ​രു​പ​ത്തിയെട്ടു വ​ർ​ഷം മു​ന്പ് ഇ​ന്ന​ത്തെ മും​ബൈ ബോം​ബെ​യാ​യി​രു​ന്നു. ക​ല്യാ​ണ്‍രൂ​പ​ത സ്ഥാപിച്ചിട്ട് വെറും ഒരു വർഷം. രൂപതയുടെ പ്രഥമ മെത്രാൻ മാ​ർ പോ​ൾ ചി​റ്റി​ല​പ്പി​ള്ളി​യാ​യി​രു​ന്നു. മും​ബൈ​യി​ലെ കോ​ളി​വാ​ഡ ഇ​ന്നും അ​ന്ന​ത്തെ അ​തേ​വി​ധം ത​ന്നെ. വി​ക​സ​നം വ​ഴി​മു​ട്ടി​നി​ൽ​ക്കു​ന്ന പ്രദേശം. ക്രി​സ്മ​സ് വി​പു​ല​മാ​യി​ത്ത​ന്നെ കൊ​ണ്ടാ​ടാ​ൻ കോ​ളി​വാ​ഡ മ​ല​യാ​ളി നി​വാ​സി​ക​ൾ നി​ശ്ച​യി​ച്ചു. മ​ല​യാ​ളം പാ​തി​രാ​കു​ർ​ബാ​ന​യ്ക്കു​ശേ​ഷം ക​രോ​ൾ​ പാ​ർ​ട്ടി തു​ട​ങ്ങാ​നും പ​രി​പാ​ടി​യി​ട്ടു.

പ​ള്ളി തീ​രെ ചെ​റു​താ​ണ്. വേ​ളാ​ങ്ക​ണ്ണി മാ​താ​വി​ന്‍റെ പള്ളിയിൽ ഇ​ട​വും വ​ല​തും തി​രി​യാ​ൻ വി​മ്മി​ട്ടം. വ​ഴി​യരികിൽ നിന്നാണ് മിക്കവരും വി​ശു​ദ്ധ ക​ർ​മ​ങ്ങ​ളി​ൽ പ​ങ്കു​കൊ​ള​ളു​ക. ഇ​ന്നോ​ള​മൊ​രു വി​ശ്വാ​സി​ക്കും അതിൽ പ​രാ​തി​യി​ല്ല. ചെ​റി​യ അ​ൾ​ത്താ​ര. എ​ങ്കി​ലും കോ​ളി​വാ​ഡ പ​ള്ളി അ​ദ്ഭു​ത പ്ര​സി​ദ്ധ​മാ​ണ്. പു​തി​യ രൂ​പ​ത വ​ന്ന​തി​നാ​ലോ എ​ന്തോ ഇ​ട​വ​ക​ക്കാ​രി​ൽ പ്ര​ത്യേ​ക​മൊ​രു ഉന്മേഷം. ക്രി​സ്മ​സ് പ​രി​പാ​ടി​ക​ൾ​ക്കാ​യി എ​ല്ലാ​വ​ർ​ക്കും സ​മ​യ​വും തി​ക​ഞ്ഞ സ​ന്ന​ദ്ധ​ത​യും.
അ​ക്കു​റി ക​രോ​ളി​ന് നേ​തൃ​ത്വം ന​ല്കാ​ൻ ന​റു​ക്കു​വീ​ണ​ത് എ​നി​ക്കും. അ​ല്ല​റ ചി​ല്ല​റ സം​ഗീ​താ​ഭി​നി​വേ​ശം കാ​ട്ടി​യ​തി​നാ​ലാ​കാം ക​രോ​ൾ പൊ​ടി​പൊ​ടി​ക്ക​ണ​മെ​ന്നു വീ​റോ​ടും വാ​ശി​യോ​ടും വാ​ദി​ച്ച​ത് പൈ​ലി​യേ​ട്ട​നാ​ണ്. എ​ല്ലാ​വ​രും കൈ​യ​ടി​ച്ച് അ​ത് ഏ​ക​ക​ണ്ഠ​മാ​യി പാ​സാ​ക്കി. പ​ള്ളി​കൊ​യ​ർ അം​ഗ​ങ്ങ​ളെ​യെ​ല്ലാം വി​ളി​ച്ചു​വ​രു​ത്തി. പു​ത്ത​നും പ​ഴ​യ​തു​മാ​യ സം​ഗീ​തോ​പ​ക​ര​ണ​ങ്ങ​ൾ വാ​ട​ക​യ്ക്കെ​ടു​ത്തു.

ത​ണു​പ്പി​നെ നേ​രി​ടാ​ൻ ക​ന്പ​ിളി​യും സ്വെ​റ്റ​റും മ​ഫ്ള​റും ധ​രി​ച്ച് താ​ര​ങ്ങ​ൾ അ​ണി​നി​ര​ന്നു. പാ​തി​രാ​ക്കു​ർ​ബാ​ന തീ​ർ​ന്ന​തോ​ടെ പി​റ​വി​യു​ടെ ഗാ​നാ​ലാ​പ​നം. ഓ​രോ വീ​ടും ക​യ​റി​യി​റ​ങ്ങു​ന്പോ​ൾ അ​തി​രു​ക​വി​ഞ്ഞ പ്രോ​ത്സാ​ഹ​നം ല​ഭി​ച്ചു. ഉ​ച്ച​ത്തി​ൽ ജിം​ഗി​ൾ ബെ​ൽ​സും ഉ​ണ്ണീ​ശോ​യു​ടെ ഗാ​ന​ങ്ങ​ളും ആ​ല​പി​ച്ചു. ക​രോ​ൾ​സം​ഘം സാ​ന്താ​ക്ലോ​സി​നെ ശി​ഷ്യ​ഗ​ണ​മാ​യി പി​ന്തു​ട​ർ​ന്നു. മി​ഠാ​യി​വി​ത​ര​ണം കെ​ങ്കേ​മ​മാ​യ​തി​നാ​ൽ കു​ട്ടി​ക​ളും വി​ടാ​തെ പി​റ​കെ​കൂ​ടി.

സ​മ​യം ര​ണ്ട​ര മ​ണി​യോ​ട​ടു​ത്താ​യി, കോ​ള​നി​ക​ളിലാ​കെ ക്രി​സ്മ​സ് തോ​ര​ണ​ങ്ങ​ളും ലൈ​റ്റു​ക​ളും തൂ​ങ്ങി. ന​ക്ഷ​ത്ര​ങ്ങ​ൾ പു​തു​വ​ക. പ​ല ഫ്ളാ​റ്റു​ക​ളി​ലും ക്രി​ബു​ക​ൾ പ്ര​കാ​ശി​ച്ചി​രു​ന്നു. സെ​ക്ട​ർ നാ​ലി​ൽ​നി​ന്നും തു​ള്ളി​ച്ചാ​ടി​യി​റ​ങ്ങി​യ​വ​ർ സ​ഡ​ണ്‍​ബ്രേ​ക്കി​ട്ടു​നി​ന്നു. രാ​ത്രി റോ​ന്തു ചു​റ്റു​ന്ന പോ​ലീ​സ് ജീ​പ്പി​ന്‍റെ വാ​യി​ൽ ചെ​ന്നു​വീ​ണു.

ഉ​റ​ക്ക​ച്ച​ട​വി​ലാ​യി​രു​ന്നു പോ​ലീ​സു​കാ​ർ. ക​ണ്ണു​ക​ൾ ഈ​റ്റ​പ്പു​ലി​ക​ളു​ടേ​തു​പോ​ലെ​യാ​യി. ആ​ക്രോ​ശം, ലാ​ത്തി​വീ​ശ​ൽ. പ​ത്തു സെ​ല്ലു​ള്ള മു​ഴു​നീ​ള​ൻ ടോ​ർ​ച്ച് മ​റ്റൊ​രാ​യു​ധം. വെ​ളി​ച്ചം ഞ​ങ്ങ​ളു​ടെ മു​ഖ​ത്ത​ടി​ച്ച് ക​ണ്ണ് പു​ളി​പ്പി​ച്ചു. പോ​ലീ​സി​ന്‍റെ പീ​പ്പി​യ​ടി. ആ​രും പേ​ടി​ക്ക​ണ്ട. കോ​ട്ട​യ​ത്തു​കാ​ര​ൻ അ​ഗ​സ്റ്റി​ൻ ധൈ​ര്യം പ​ക​ർ​ന്നു മു​ന്പി​ലെ​ത്തി. ക്രി​സ്മ​സ് ക​രോ​ൾ പാ​ർ​ട്ടി​യാ സാ​റന്മാ​രേ.
പ​ട്രോ​ളിം​ഗു​കാ​രെ ക​ണ്ടാ​ൽ മ​ന​സി​ലാ​വില്ലേ​ടാ എ​ന്നു പ​റ​ഞ്ഞ് പോ​ലീ​സ് വാ​യി​ൽ​വ​ന്ന തെ​റി​ക​ൾ വി​ളി​ച്ചു.

കാ​ര്യം ന​ല്ല​വി​ധ​ത്തി​ല​ല്ല പോ​കു​ന്ന​തെ​ന്നു ക​രോ​ൾ​സം​ഘം ത​ത്ക്ഷ​ണം മ​ന​സി​ലാ​ക്കി.
ഞ​ങ്ങ​ൾ വ​ഴ​ക്കി​നോ വാ​ക്കേ​റ്റ​ത്തി​നോ ചെ​ന്നി​ല്ല. പോ​ലീ​സ് ലാ​ത്തി​യ​ടി തു​ട​ങ്ങി. ആ​ളു​ക​ൾ ചി​ത​റി​യോ​ടി. പെ​ട്രോ​മാ​ക്സു​ക​ൾ താ​ഴെ​വീ​ണു. ചി​ല്ലു​ട​ഞ്ഞ് ക​ത്തി​യാ​ളി. ജീ​വ​നും​കൊ​ണ്ടോ​ടു​ന്ന ബ​ഹ​ള​ത്തി​ലെ​ന്തു സം​ഭ​വി​ച്ചെ​ന്ന​റി​യി​ല്ല. പ​ര​സ്പ​രം ഡി​സ്ക​ണ​ക്ടാ​യി.

പോ​ലീ​സി​ന്‍റെ കൊ​ല​വി​ളി​യും ലാ​ത്തി​യ​ടി​യും മു​ന്നേ​റു​ക​യാ​യി​രു​ന്നു. പ​ല​രും മ​ർ​മ​ത്തി​ല​ടി​യേ​റ്റു കു​ഴ​ഞ്ഞു​വീ​ണു. കാ​ലി​ലെ ഷൂ​വി​ട്ട് ച​വി​ട്ടി​ക്കൂ​ട്ട​ലാ​യി. വ​ലി​യ​വാ​യി​ൽ ചി​ല​ർ ക​ര​ഞ്ഞു. പ​ല​ർ​ക്കും എ​ണീ​ൽ​ക്കാ​നാ​യി​ല്ല. ദ​ണ്ഡ​ന​മ​ത്ര ശ​ക്ത​മാ​യി​രു​ന്നു. താ​ഴെ​വീ​ണു പി​ട​യ്ക്കു​ന്ന നാ​ല​ഞ്ചു പേ​രു​ണ്ടാ​യി​രു​ന്നു. ര​ക്ത​പ്ര​ള​യം. ടാ​ക്സി​ക്കാ​രും ക​ണ്ടു​നി​ന്ന​വ​രും ഓ​ടി​ക്കൂ​ടി. മൃ​ത​പ്രാ​യ​രെ താ​ങ്ങി സ​യ​ണ്‍ ആ​ശു​പ​ത്രി​യി​ലേ​ക്കോ​ടി. വി​വ​രം കോ​ളി​വാ​ഡ​യാ​കെ കാ​ട്ടു​തീ​പോ​ലെ വേ​ഗം പ​ട​ർ​ന്നു വൃ​ശ്ചി​ക​ക്കാ​റ്റി​നൊ​പ്പം. പ​ല​രും ഉ​റ്റ​വ​രെ​യും ഉ​ട​യ​വ​രെ​യും തി​ര​ക്കി നെ​ട്ടോ​ട്ട​മാ​യി.

പ​ല​നാ​ൾ ക​ഴി​ഞ്ഞാ​ണ് കാ​ണാ​താ​യ തേ​വ​ര​ക്കാ​ര​ൻ പ​യ്യ​ൻ ഉ​ല​ഹ​ന്നാന്‍റെ ജ​ഡം ഓ​ട​യി​ൽ​നി​ന്നു ക​ണ്ടെ​ത്തി​യ​ത്. ദു​ർ​ഗ​ന്ധം​വ​മി​ച്ച​പ്പോ​ൾ റോ​ഡ് സ്ലാ​ബ് മാ​റ്റി ജ​നം അ​തു ക​ണ്ടെ​ത്തു​ക​യാ​യി​രു​ന്നു. ഉ​ല​ഹ​ന്ന​ാനെ പ​ട്ടി​യെ​പ്പോ​ലെ ക​ണ്ണി​ൽ​ചോ​ര​യി​ല്ലാ​തെ പോ​ലീ​സ് ത​ല്ലു​ന്ന​ത് ക​ണ്ട ദൃ​ക്സാ​ക്ഷി​ക​ൾ ഏ​റെ​യാ​ണ്. ആ​ൾ ഓ​ടി​ര​ക്ഷ​പ്പെ​ട്ടി​രി​ക്കു​മെ​ന്നാ​ണ് ചി​ല​രെ​ങ്കി​ലും ക​രു​തി​യ​ത്. ക​രോ​ൾ പാ​ർ​ട്ടി​യി​ലെ പ്ര​ഥ​മ ര​ക്ത​സാ​ക്ഷി. നെ​ഞ്ചി​ലി​ടി​യും ച​വി​ട്ടു​മേ​റ്റ അ​ഗ​സ്റ്റി​ൻ കാ​ലാ​ന്ത​രേ ക്ഷ​യ​രോ​ഗി​യാ​യി. ഇ​ന്നു ജീ​വി​ച്ചി​രി​പ്പു​ണ്ടോ​യെ​ന്ന​റി​യി​ല്ല. പ​രി​ക്കേ​റ്റ പ​ല​രും സു​ഖം​പ്രാ​പി​ച്ചു. ചി​ല​ർ ഞൊ​ണ്ടി​ക​ളും കൈ​പേ​ാരാ​ത്ത​വ​രു​മാ​യി ഭ​വി​ച്ചു.

നി​യു​ക്ത ക​മ്മി​റ്റി തൊ​ട്ട​ടു​ത്ത ദി​വ​സം​ത​ന്നെ സം​ഭ​വ​ത്തി​ൽ പ​രാ​തി ന​ല്കി. പ​ക്ഷേ അ​ന്വേ​ഷ​ണ​മു​ണ്ടാ​യി​ല്ല. എ​ഫ്ഐ​ആ​റും ത​യാ​റാ​ക്കാ​ൻ നി​ര​സി​ച്ചു. ഉ​ന്ന​ത​രെ ചെ​ന്നു​ക​ണ്ട് ഹ​ർ​ജി ന​ട​ത്തി​നോ​ക്കി. കൊ​ല്ല​പ്പെ​ട്ട​യാ​ളു​ടെ കു​ടും​ബ​ത്തി​ന് പ​ള്ളി പി​രി​ച്ച തു​ക ന​ല്കി. പാ​രി​തോ​ഷി​ക​മ​ല്ല കൈ​ത്താ​ങ്ങ്. മ​റു​നാ​ട​ൻ മ​ല​യാ​ളി​ക​ളൊ​ന്നി​ച്ചു. വ​ക്കീ​ലി​നെ നി​യോ​ഗി​ച്ചു കേ​സു​കൊ​ടു​ത്തു. അ​തും വെ​റു​തെ​യാ​യി.

അ​ധി​കാ​ര​വൃ​ത്ത​ങ്ങ​ളി​ൽ സ​മ്മ​ർ​ദ​മേ​റി​യ​തും പോ​ലീ​സ് ഉ​ല​ഹ​ന്ന​ന്‍റെ മ​ര​ണം സം​ശ​യാ​സ്പ​ദ​മാ​ക്കി. പോ​സ്റ്റ്മോ​ർ​ട്ടം റി​പ്പോ​ർ​ട്ട​ടി​സ്ഥാ​ന​ത്തി​ൽ കൊ​ല​പാ​ത​ക​മെ​ന്ന് തെ​ളി​ഞ്ഞു. കേ​സ​ന്വേ​ഷി​ക്കാ​തെ ത​ര​മി​ല്ലെ​ന്നാ​യി. വ്യ​ക്തി​വൈ​രാ​ഗ്യ​മാ​ണ് കൊ​ല​പാ​ത​ക​കാ​ര​ണ​മെ​ന്ന് വ​രു​ത്തു​ക​യാ​യി​രു​ന്നു പോ​ലീ​സ് ചെ​യ്ത​ത്. കെ​ട്ടി​ച്ച​മ​ച്ച​തി​ങ്ങ​നെ: സം​ഭ​വ​ത്ത​ലേ​ന്ന് ഉ​ല​ഹ​ന്ന​നും സാ​ന്താ​ക്ലോ​സു​മാ​യി​വ​ന്ന ഗ്ലി​ൻ​സ​നും ത​മ്മി​ൽ ക​ശ​പി​ശ​യു​ണ്ടാ​യ​ത്രേ. അ​തി​നു സൂ​ത്ര​ത്തി​ൽ ഗ്ലി​ൻ​സ​ൻ പ​ക​രം​പോ​ക്കി​യ​താ​ണു​പോ​ലും. ഉ​റു​ന്പി​നെ​പ്പോ​ലും മ​ന​സ​റി​ഞ്ഞ് ദ്രോ​ഹി​ച്ചി​ട്ടി​ല്ലാ​ത്ത​വ​ൻ കു​റ്റ​വാ​ളി​യാ​യി. ഗ്ലി​ൻ​സ​നെ ഓ​ർ​ക്കാ​പ്പു​റ​ത്ത് ചോ​ദ്യം​ചെ​യ്യാ​ൻ ക​യ്യാ​മം വ​ച്ച് കൊ​ണ്ടു​പോ​യി. ചെ​യ്യാ​ത്ത​തും കേ​ൾ​ക്കാ​ത്ത​തു​മാ​യ കാ​ര്യ​ങ്ങ​ൾ​ക്കു മൊ​ഴി​യെ​ടു​ത്തു. ഗ്ലി​ൻ​സ​നെ പി​ന്നെ​യും ശ​ല്യ​പ്പെ​ടു​ത്തി. കൂ​ടെ​ക്കൂ​ടെ ചോ​ദ്യം​ചെ​യ്യാ​നെ​ന്ന വ്യാ​ജേ​ന പോ​ലീ​സ് കൊ​ണ്ടു​പോ​യി.

ഇ​ല്ല പോ​ലീ​സി​ലെ​ല്ലാം പെ​ടു​ത്തി. ത​മാ​ശ​ക്കാ​ര​ൻ മി​ണ്ടാ​പ്രാ​ണി​യാ​യി. ഏ​റെ താ​മ​സി​യാ​തെ അ​വ​ന്‍റെ മാ​ന​സി​ക​നി​ല ത​ക​രാ​റി​ലാ​യി. ഉ​ണ​ർ​വി​ലും ഉ​റ​ക്ക​ത്തി​ലും പി​ച്ചും​പേ​യും പ​റ​യാ​ൻ തു​ട​ങ്ങി. ചി​ല നേ​ര​ങ്ങ​ളി​ൽ അ​പ​സ്മാ​ര രോ​ഗി​യാ​യി പ്ര​തി​ക​രി​ക്കും. ഭ്രാ​ന്ത​നാ​യി മാ​റി ആ ​യു​വാ​വ്. ത​ണ്ടും ത​ടി​യും ക്ഷ​യി​ച്ചു. പു​റ​ത്തൊ​രു ചാ​ക്കു​മേ​ന്തി ഉ​പ​ജീ​വ​ന​ത്തി​നാ​യി ക​ച്ച​റ​പെ​റു​ക്കി തെ​രു​വു​തെ​ണ്ടി​യാ​യി. ആ​ളു​ക​ളെ ക​ണ്ടാ​ൽ ചി​ല നേ​ര​ത്ത് അ​പ​ശ​ബ്ദം പു​റ​പ്പെ​ടു​വി​ക്കും. ഇ​പ്പോ​ഴ​വ​നീ മ​ഹാ​ന​ഗ​ര​ത്തി​ന്‍റെ ഏ​തു കോ​ണി​ലു​ണ്ടെ​ന്ന് ഉ​ട​യ​ത​ന്പു​രാ​ന​റി​യാം.

മ​നു​ഷ്യ​രെ പി​ച്ചി​ച്ചീ​ന്തി​യ സം​ഭ​വ​ത്തി​ന്‍റെ നൂ​ലാ​മാ​ല​ക​ളി​ങ്ങ​നെ ഛിന്ന​ഭി​ന്ന​മാ​യി. നീ​തി എ​ന്നെ​ങ്കി​ലും ന​ട​പ്പാ​ക്കു​മെ​ന്ന പ്ര​തീ​ക്ഷ​യി​ല്ല. തീ​പ്പൊ​രി​യ​തു​പോ​ല​ണ​ഞ്ഞു ചാ​ര​മാ​യി. വ​ർ​ഗ​വി​ദ്വേ​ഷ​ത്തി​ന്‍റെ ബ​ലി​യാ​ടു​ക​ൾ​ക്കാ​യി ശി​ര​സ് ന​മി​ക്കാം. പ്രാ​ർ​ഥി​ക്കാം. മു​റി​പ്പാ​ടു​ക​ൾ കാ​ലം​പോ​ലും ഉ​ണ​ക്കു​ന്നി​ല്ല. എ​ല്ലാം മ​റ​ന്ന് സന്മ​ന​സു​ള്ള​വ​ർ​ക്കു​വേ​ണ്ടി ക​രോ​ൾ​ഗാ​ന​മാ​ല​പി​ക്കാം. ജിം​ഗി​ൾ ബെ​ൽ​സ് പാ​ടി സാ​ന്താ​ക്ലോ​സി​നെ വാ​ഴ്ത്താം. ക​രോ​ൾ​സ​ന്ദേ​ശം പൊ​ടി​പൊ​ടി​ക്ക​ട്ടെ. ക്രി​സ്മ​സ് രാ​ത്രി​ക്കി​ന്നു​മു​ണ്ട് മ​ഞ്ഞ​ണി​ഞ്ഞ തി​രു​മ​ധു​രം. ര​ണ്ടാ​യി​രം വ​ർ​ഷ​ങ്ങ​ൾ ക​ഴി​ഞ്ഞും ജ​റു​സ​ലേം ജ്ഞാ​നം പു​തു​പു​ത്ത​ൻ വി​ശു​ദ്ധി​യോ​ടെ മു​ന്നേ​റു​ക​യാ​ണ്.

ചേ​റൂ​ക്കാ​ര​ൻ ജോ​യി
Copyright @ 2018 , Rashtra Deepika Ltd.