ഭിന്നശേഷിയുടെ സർഗശേഷി
അ​തി​ജീ​വ​ന​ത്തി​ന്‍റെ ജൈ​വ​പാ​ഠ​ങ്ങ​ളി​ൽ സ​ന്തോ​ഷം ക​ണ്ടെ​ത്തു​ക​യാ​ണു ഭി​ന്ന​ശേ​ഷി​ക്കാ​രാ​യ ഒ​രു​പ​റ്റം ചെ​റു​പ്പ​ക്കാ​ർ. ച​ങ്ങ​നാ​ശേ​രി ചീ​ര​ഞ്ചി​റ​യി​ലു​ള്ള ജി​മ്മി പ​ട​നി​ലം സെ​ന്‍റ​ർ ഫോ​ർ സ്പെ​ഷ​ൽ നീ​ഡ്സി​ൽ അ​വ​ർ വി​ള​വെ​ടു​പ്പി​ന്‍റെ ആ​ഹ്ലാ​ദ​ത്തി​ലാ​ണ്. പാ​വ​ലും പ​യ​റും കോ​വ​ലും കാ​പ്സി​ക്ക​വും വെ​ണ്ട​യും വ​ഴു​ത​ന​യും പ​ച്ച​മു​ള​കും... നി​റ​യെ കാ​യ്ച്ചു നി​ൽ​ക്കു​ക​യാ​ണു ചെ​ടി​ക​ളോ​രോ​ന്നും. വ​ള​മി​ടു​ന്ന​തും വെ​ള്ള​മൊ​ഴി​ക്കു​ന്ന​തും അ​വ​ർ ത​ന്നെ. വ​ലി​യ മു​റ​ങ്ങ​ളി​ൽ കാ​യ്ക​ൾ ശേ​ഖ​രി​ച്ച് ഇ​നം തി​രി​ക്കു​ന്ന​തി​ൽ വ​ല്ലാ​ത്ത മി​ടു​ക്കു​ണ്ട​വ​ർ​ക്ക്. പ​റി​ച്ചെ​ടു​ത്ത കാ​യ്ക​ൾ സെ​ന്‍റ​റി​ന്‍റെ വ​രാ​ന്ത​യി​ലെ​ത്തി​ക്കു​ന്ന​ത് എ​ത്ര വേ​ഗ​ത്തി​ൽ. മാ​റ്റ​ത്തി​ന്‍റെ സൂ​ച​ന​ക​ളാ​ണ് എ​ങ്ങും.

ഭി​ന്ന​ശേ​ഷി​ക്കാ​രെ മു​ഖ്യ​ധാ​ര​യി​ലെ​ത്തി​ക്കു​ക എ​ന്ന ല​ക്ഷ്യ​ത്തോ​ടെ​യാ​ണു ചാ​രി​റ്റി വേ​ൾ​ഡ് ട്ര​സ്റ്റി​നു കീ​ഴി​ലു​ള്ള ജി​മ്മി പ​ട​നി​ലം സെ​ന്‍റ​ർ ഫോ​ർ സ്പെഷ​ൽ നീ​ഡ്സി​ൽ ഡേ ​കെ​യ​ർ സെ​ന്‍റ​ർ ആ​രം​ഭി​ച്ച​ത്. അ​വി​ടെ​യെ​ത്തു​ന്ന​വ​രി​ൽ ഏ​റെ​യും സ​മീ​പ​വാ​സി​ക​ൾ. പ്ര​വീ​ണ്‍, ജോ​മോ​ൻ, സു​ജി​ത, ടോം... ​അ​ങ്ങ​നെ 18 വ​യ​സി​നു മു​ക​ളി​ലു​ള്ള മു​പ്പ​തോ​ളം പേ​ർ. അ​വ​ർ രാ​വി​ലെ വ​രും. വൈ​കു​ന്നേ​രം ത​ങ്ങ​ളു​ടെ വീ​ടു​ക​ളി​ലേ​ക്കു മ​ട​ങ്ങും.

ഒ​രു ചി​കി​ത്സ എ​ന്ന നി​ല​യ്ക്കു​കൂ​ടി​യാ​ണ് സെ​ന്‍റ​റി​ന്‍റെ ചു​റ്റു​വ​ട്ട​ത്തു ജൈ​വ​കൃ​ഷി ആ​രം​ഭി​ച്ച​ത്. കൃ​ഷി ഒ​രു ത​രം തെ​റാ​പ്പി​യാ​ണ്. അ​തി​ൽ ഏ​ർ​പ്പെ​ടു​ന്ന​വ​ർ​ക്ക് കി​ട്ടു​ന്ന​താ​ക​ട്ടെ വ​ലി​യ സ​ന്തോ​ഷ​വും. വി​ത്ത് മു​ള​യ്ക്കു​ന്ന​തും ഇ​ല​ക​ൾ വ​രു​ന്ന​തും പൂ​വി​ടു​ന്ന​തും കാ​യ് ഉ​ണ്ടാ​കു​ന്ന​തും ക​ണ്ണി​നും മ​ന​സി​നും പ​ക​രു​ന്ന ഉന്മേ​ഷം ചെ​റു​ത​ല്ല. രോ​ഗ​ങ്ങ​ളു​ണ്ടെ​ങ്കി​ൽ അ​തെ​ല്ലാം ആ ​സ​മ​യ​ത്ത് മ​റ​ക്കും. പു​ത്ത​ൻ ഉ​ണ​ർ​വ് ല​ഭി​ക്കും. മ​ണ്ണി​ള​ക്കു​ന്ന​തും വി​ത്തി​ടു​ന്ന​തും വ​ള​മി​ടു​ന്ന​തും ന​ന​യ്ക്കു​ന്ന​തും ഭി​ന്ന​ശേ​ഷി​ക്കാ​രാ​ണ്. ഓ​രോ ചെ​ടി​യെ​യും അ​വ​ർ എ​ത്ര സൂ​ക്ഷ്മ​ത​യോ​ടെ​യാ​ണു പ​രി​പാ​ലി​ക്കു​ന്ന​ത്. വാ​ഴ​പ്പ​ള്ളി കൃ​ഷി​ഭ​വ​നാ​ണ് മേ​ൽ​നോ​ട്ടം. കൃ​ഷി ഓ​ഫീ​സ​ർ​മാ​ർ മു​ട​ങ്ങാ​തെ തോ​ട്ടം സ​ന്ദ​ർ​ശി​ക്കാ​നെ​ത്തും. വേ​ണ്ട നി​ർ​ദേ​ശ​ങ്ങ​ൾ ന​ൽ​കും. അ​വ കൃ​ത്യ​മാ​യി പാ​ലി​ക്കു​ക​യും ചെ​യ്യും. രാ​സ​കീ​ട​നാ​ശി​നി​ക​ളോ രാ​സ​വ​ള​ങ്ങ​ളോ ഇ​ല്ല. ചാ​ണ​ക​വും എ​ല്ലു​പൊ​ടി​യും ജീ​വാ​മൃ​ത​വും മാ​ത്രം. കീ​ട​ങ്ങ​ളെ നി​യ​ന്ത്രി​ക്കാ​ൻ ജൈ​വ​കീ​ട​നാ​ശി​നി​ക​ളും.



തൊ​ടി​യി​ൽ വി​ള​യു​ന്ന പ​ച്ച​ക്ക​റി​ക​ൾ​ക്കു വ​ലി​യ ഡി​മാ​ൻ​ഡാ​ണ്. ആ​വ​ശ്യ​ക്കാ​ർ രാ​വി​ലെ എ​ത്തും. കൂ​ടു​ത​ലു​ണ്ടെ​ങ്കി​ൽ ചാ​രി​റ്റി വേ​ൾ​ഡ് എ​ടു​ക്കും. ച​ങ്ങ​നാ​ശേ​രി ഗ​വ​ണ്മെ​ന്‍റ് ആ​ശു​പ​ത്രി​യി​ൽ സൗ​ജ​ന്യ​മാ​യി വി​ത​ര​ണം ചെ​യ്യു​ന്ന ഉ​ച്ച​ഭ​ക്ഷ​ണ​ത്തി​നാ​ണ​ത്. സെ​ന്‍റ​റി​ന്‍റെ വ​രാ​ന്ത​യി​ലാ​ണു ക​ച്ച​വ​ടം. വി​റ്റു കി​ട്ടു​ന്ന പ​ണം തു​ല്യ​മാ​യി വീ​തി​ച്ചു പ​ണി​യെ​ടു​ത്ത​വ​രു​ടെ അ​ക്കൗ​ണ്ടു​ക​ളി​ൽ നി​ക്ഷേ​പി​ക്കും. സ്വ​യംപ​ര്യാ​പ്ത​യി​ലേ​ക്ക് ഒ​രു കൈ​ത്താ​ങ്ങ്.

വ​ള്ളി​വീ​ശു​ന്ന ചെ​ടി​ക​ൾ ഇ​രു​ന്പ് പൈ​പ്പി​ലാ​ണ് ക​യ​റി​ക്കി​ട​ക്കു​ന്ന​ത്. പാ​വ​യ​്ക്ക​യ്ക്കും പ​ട​വ​ല​ങ്ങ​യ്ക്കും പ്ലാ​സ്റ്റി​ക് കൂ​ടി​ന്‍റെ സം​ര​ക്ഷ​ണം. മു​റ്റ​ത്ത് ഇ​ന്‍റ​ർ​ലോ​ക്ക് ഇ​ഷ്ടി​ക മു​റി​ച്ച് ചെ​റി​യ കു​ഴി​യു​ണ്ടാ​ക്കി കോ​വ​ൽ ന​ട്ടി​രി​ക്കു​ന്നു. കോ​വ​ൽ ക​യ​റി​യ പ​ന്ത​ൽ വാ​ഹ​ന​ങ്ങ​ളു​ടെ പാ​ർ​ക്കിം​ഗ് ഏ​രി​യ. പൊ​രി​വെ​യി​ല​ത്തും പ​ന്ത​ലി​നു കീ​ഴി​ൽ ന​ല്ല കു​ളി​ർ​മ. ചൂ​ട് ഭ​യ​ക്കാ​തെ വാ​ഹ​ന​ങ്ങ​ളും. ചെ​ടി​ച്ച​ട്ടി​ക​ളി​ലും പ​ച്ച​ക്ക​റി ന​ന്നാ​യി വി​ള​യും. അ​തി​ന്‍റെ നേ​ർ​സാ​ക്ഷ്യം ഇ​വി​ടു​ണ്ട്. പ​ച്ച​നി​റ​മു​ള്ള ചെ​ടി​ച്ച​ട്ടി​ക​ളി​ൽ കാ​പ്സി​ക്ക​വും പ​ച്ച​മു​ള​കും ന​ന്നാ​യി വി​ള​ഞ്ഞു കി​ട​ക്കു​ന്നു. ശ​രി​ക്കും ഒ​രു പ​ച്ച​ക്ക​റി തോ​ട്ടം.

പ്ര​സ്ഥാ​ന​ത്തി​ന്‍റെ അ​മ​ര​ക്കാ​ര​നാ​യ ഫാ. ​സെ​ബാ​സ്റ്റ്യ​ൻ പു​ന്ന​ശേ​രി​ക്ക് ഇ​ത് ഫാം ​സ്കൂ​ളാ​ണ്. കൃ​ഷി​യു​ടെ ജൈ​വ​രീ​തി പ​ഠി​പ്പി​ക്കു​ന്ന ഇ​ടം. ജീ​വ​നം എ​ന്നു പേ​രും. ഒ​രു സ്ഥാ​പ​ന​ത്തി​ന്‍റെ തൊ​ടി​യി​ൽ ഒ​തു​ങ്ങേ​ണ്ട പ​ദ്ധ​തി​യ​ല്ലി​ത്. നാ​ടു മു​ഴു​വ​നാ​ക​ണം. എ​ല്ലാ വീ​ടു​ക​ളി​ലും വേ​ണം ജൈ​വ പ​ച്ച​ക്ക​റി. ഒ​രു തു​ണ്ട് മ​ണ്ണു​ണ്ടെ​ങ്കി​ൽ അ​വി​ടെ പ​ച്ച​പ്പ് വി​രി​യ​ണം. വീ​ടി​ന്‍റെ അ​ടു​ക്ക​ള​വ​ശ​ത്ത് ര​ണ്ട് ഏ​ത്ത​വാ​ഴ പ​ദ്ധ​തി തു​ട​ങ്ങി​ക്ക​ഴി​ഞ്ഞു. സ​മീ​പ​ത്തെ എ​ല്ലാ വീ​ടു​ക​ളി​ലും വാ​ഴ​വി​ത്തു​ക​ൾ ന​ൽ​കി. അ​ടു​ക്ക​ള മാ​ലി​ന്യ​മാ​ണ് വ​ളം. ഓ​ണ​ത്തി​ന് ര​ണ്ടു കു​ല വെ​ട്ട​ണം. ഒ​ന്ന് വീ​ട്ടു​കാ​ർ​ക്ക്. ര​ണ്ടാ​മ​ത്തേ​ത് സെ​ന്‍റ​റി​ന്. പ്ര​ദേ​ശ​ത്തു​ണ്ടാ​കു​ന്ന ജൈ​വ പ​ച്ച​ക്ക​റി​യു​ടെ വി​ല്പ​ന​യ്ക്ക് ഒ​രു സ്ഥി​രം സ്റ്റാ​ളും ല​ക്ഷ്യ​മാ​ണ്.

വ​ലി​യ വീ​ടും ര​ണ്ടേ​ക്ക​ർ വ​രു​ന്ന ചു​റ്റു​വ​ട്ട​വു​മാ​ണു ചാ​രി​റ്റി വേ​ൾ​ഡി​ന്‍റെ ഓ​ഫീ​സ്. 12 കോ​ടി​യോ​ളം വി​ല​മ​തി​ക്കും. അ​മ​രി​ക്ക​യി​ൽ ഡോ​ക്ട​റാ​യി​രു​ന്ന ജോ​ർ​ജ് പ​ട​നി​ല​ത്തി​ന്‍റെ സം​ഭാ​വ​ന. ഭി​ന്ന​ശേ​ഷി​ക്കാ​ര​നാ​യ ഇ​ള​യ മ​ക​ൻ ജി​മ്മി​ക്കു​വേ​ണ്ടി​യു​ള്ള ക​രു​ത​ൽ. ഡോ​ക്ട​റും ഭാ​ര്യ പൊ​ന്ന​മ്മ​യും മ​ക​ൻ ജി​മ്മി​യും ചാ​രി​റ്റി വേ​ൾ​ഡി​ന്‍റെ ഓ​ഫീ​സി​നോ​ടു ചേ​ർ​ന്നു​ള്ള മ​റ്റൊ​രു വീ​ട്ടി​ലാ​ണ് താ​മ​സം. തൊ​ടി​യി​ൽ മു​ഴു​വ​ൻ കൃ​ഷി​യാ​ണ്. തെ​ങ്ങും വാ​ഴ​യും ചേ​ന്പും ചേ​ന​യും കൂ​ർ​ക്ക​യും.

ഭി​ന്ന​ശേ​ഷി​ക്കാ​രു​ടെ ക​ഴി​വു​ക​ൾ​ക്ക​നു​സ​രി​ച്ചു മ​റ്റു​പ​രി​ശീ​ല​ന പ​ദ്ധ​തി​ക​ളും സെ​ന്‍റ​റി​ലു​ണ്ട്. കോ​ഴി വ​ള​ർ​ത്ത​ൽ, ഗ്രോ ​ബാ​ഗ് നി​ർ​മാ​ണം, പേ​പ്പ​ർ ബാ​ഗ് നി​ർ​മാ​ണം, സം​ഗീ​ത​വും ബാ​ൻ​ഡ് പ​രി​ശീ​ല​ന​വും അ​ങ്ങ​നെ പ​ല​തും. സ്വ​ന്ത​മാ​യി ഒ​രു ബാ​ൻ​ഡ് സെ​റ്റു​മു​ണ്ട്. ഇ​തു ഭി​ന്ന​ശേ​ഷി​ക്കാ​ർ ഉ​യ​ർ​ത്തു​ന്ന വെ​ല്ലു​വി​ളി​യാ​ണ്. മാ​റ്റ​ത്തി​നു​വേ​ണ്ടി കൈ​കോ​ർ​ക്കാ​നു​ള്ള ആ​ഹ്വാ​നം. അ​വ​ർ​ക്കു ക​രു​ത്തു പ​ക​ർ​ന്നു ഫാ. ​ജോ​സ് നി​ല​വ​ന്ത​റ, സി​ബി​ച്ച​ൻ ത​ര​കം​പ​റ​ന്പി​ൽ, സ​ണ്ണി തോ​മ​സ് ഇ​ടി​മ​ണ്ണി​ക്ക​ൽ, ജോ​ണ്‍​സ​ണ്‍ പെ​രു​ന്പാ​യി​ൽ, തോ​മ​സ് തേ​വ​ല​ക്ക​ര, ജ​യിം​സ് ക​റു​ക​പ്പ​ള്ളി, രാ​ജ​മ്മ മാ​ന്ത​റ, ജാ​ൻ​സി, സി​സ്റ്റ​ർ ജി​സ്‌ല​റ്റ്, സി​സ്റ്റ​ർ ദി​വ്യ, മ​ണി​ക്കു​ട്ട​ൻ, സു​നി​ൽ, ടി​നു, ഷാ​ജി, മ​ഞ്ജു, പാ​പ്പ​ച്ച​ൻ തു​ട​ങ്ങി​യ​വ​ർ ഒ​പ്പ​മു​ണ്ട്.

ജി​മ്മി ഫി​ലി​പ്പ്
ചി​ത്ര​ങ്ങ​ൾ- അ​നൂ​പ് ടോം


Copyright @ 2022 , Rashtra Deepika Ltd.