മെച്ചപ്പെടുത്താൻ ഏറെയുണ്ട്, തിരിച്ചറിയുക
ആ​റു​മു​ത​ൽ ഒ​ൻ​പ​തു​വ​രെ​യു​ള്ള ക്ലാ​സു​ക​ളി​ൽ മാ​ത്രം കു​ട്ടി​ക​ൾ പ​ഠി​ക്കു​ന്ന പ്ര​ശ​സ്ത​മാ​യ ഒ​രു ബോ​ർ​ഡിം​ഗ് സ്കൂ​ളാ​ണ് കാ​ർ​ഡി​ഗ​ൻ മൗണ്ടൻ സ്കൂ​ൾ. 1945-ൽ ​അ​മേ​രി​ക്ക​യി​ലെ ന്യൂ​ഹാം​ഷ​യ​റി​ൽ സ്ഥാ​പി​ത​മാ​യ ഈ ​സ്കൂ​ളി​ൽ ആ​ൺ​കു​ട്ടി​ക​ൾ​ക്കു മാ​ത്ര​മേ പ്ര​വേ​ശ​ന​മു​ള്ളൂ. 215 കു​ട്ടി​ക​ൾ പ​ഠി​ക്കു​ന്ന ഈ ​സ്കൂ​ളി​ൽ 60 അ​ധ്യാ​പ​ക​രു​ണ്ട്. അ​വി​ടെ പ​ഠി​ക്കു​ന്ന​വ​രൊ​ക്കെ പ​ണ​മു​ള്ള കു​ടും​ബ​ങ്ങ​ളി​ൽ​നി​ന്നു​ള്ള​വ​രാ​ണ്.

2017 ജൂ​ണി​ൽ ഈ ​സ്കൂ​ളി​ൽ ന​ട​ന്ന സ​ർ​ട്ടി​ഫി​ക്ക​റ്റ്ദാ​ന ച​ട​ങ്ങി​ൽ പ്ര​ധാ​ന അ​തി​ഥി​യാ​യി​രു​ന്ന​ത് അ​മേ​രി​ക്ക​യി​ലെ സു​പ്രീം​കോ​ട​തി​യു​ടെ ചീ​ഫ്ജ​സ്റ്റീ​സാ​യ ജോ​ൺ റോ​ബ​ർ​ട്സ് ആ​യി​രു​ന്നു. അ​വി​ടെ​നി​ന്നു പാ​സാ​കു​ന്ന​വ​രു​ടെ ഗ​ണ​ത്തി​ൽ റോ​ബ​ർ​ട്സി​ന്‍റെ പു​ത്ര​നു​മു​ണ്ടാ​യി​രു​ന്ന​തു​കൊ​ണ്ടാ​ണ് അ​ദ്ദേ​ഹം സ​ർ​ട്ടി​ഫി​ക്ക​റ്റ് ദാ​ന ച​ട​ങ്ങി​ന്‍റെ പ്ര​ധാ​ന അ​തി​ഥി ആ​യി എ​ത്തി​യ​ത്.
ബി​രു​ദ​ദാ​ന ച​ട​ങ്ങി​നോ​ട​നു​ബ​ന്ധി​ച്ചു മു​ഖ്യാ​തി​ഥി​ക​ൾ സാ​ധാ​ര​ണ സം​സാ​രി​ക്കു​ന്ന രീ​തി​യി​ലാ​യി​രു​ന്നി​ല്ല റോ​ബ​ർ​ട്സ് കാ​ർ​ഡി​ഗ​ൻ സ്കൂ​ളി​ൽ സം​സാ​രി​ച്ച​ത്. വി​ദ്യാ​ർ​ഥി​ക​ളെ അ​വ​രു​ടെ ക​ഠി​നാ​ധ്വാ​ന​ത്തി​നും വി​ജ​യ​ത്തി​നും പ്ര​ശം​സി​ച്ച​ശേ​ഷം അ​വ​ർ​ക്കു ഭാ​വി​യി​ലേ​ക്കു​ള്ള ആ​ശം​സ​ക​ൾ നേ​ർ​ന്ന​ത് ഏ​റെ വ്യ​ത്യ​സ്തമാ​യ രീ​തി​യി​ലാ​യി​രു​ന്നു. വ്യ​ത്യ​സ്ത​മാ​യ ആ ​പ്ര​സം​ഗ​ത്തി​ന്‍റെ പ്ര​സ​ക്ത ഭാ​ഗം താ​ഴെ കൊ​ടു​ക്കു​ന്നു:

""വ​രും​വ​ർ​ഷ​ങ്ങ​ളി​ൽ, നീ​തി​യു​ടെ മൂ​ല്യം ശ​രി​ക്കും നി​ങ്ങ​ൾ മ​ന​സി​ലാ​ക്കു​ന്ന​തി​നു​വേ​ണ്ടി മ​റ്റു​ള്ള​വ​ർ അ​നീ​തി​പ​ര​മാ​യി നി​ങ്ങ​ളോ​ടു പെ​രു​മാ​റ​ട്ടെ എ​ന്നു ഞാ​ൻ പ്ര​തീ​ക്ഷി​ക്കു​ന്നു. വി​ശ്വ​സ്ത​ത​യു​ടെ പ്രാ​ധാ​ന്യം നി​ങ്ങ​ൾ പ​ഠി​ക്കു​ന്ന​തി​നു​വേ​ണ്ടി മ​റ്റു​ള്ള​വ​രാ​ൽ നി​ങ്ങ​ൾ വ​ഞ്ചി​ത​രാ​ക​ട്ടെ എ​ന്നു ഞാ​ൻ ആ​ഗ്ര​ഹി​ക്കു​ന്നു. നി​ങ്ങ​ളു​ടെ സു​ഹൃ​ത്തു​ക്ക​ളു​ടെ പ്രാ​ധാ​ന്യം നി​ങ്ങ​ൾ വി​സ്മ​രി​ക്കാ​തി​രി​ക്കാ​ൻ ഇ​ട​യ്ക്കി​ടെ നി​ങ്ങ​ൾ ഒ​റ്റ​പ്പെ​ടു​ന്ന അ​നു​ഭ​വം നി​ങ്ങ​ൾ​ക്കു​ണ്ടാ​ക​ട്ടെ എ​ന്നു ഞാ​ൻ പ്ര​തീ​ക്ഷി​ക്കു​ന്നു.

ജീ​വി​ത​ത്തി​ൽ നി​ങ്ങ​ൾ​ക്കു ല​ഭി​ക്കു​ന്ന അ​വ​സ​ര​ങ്ങ​ളു​ടെ പ്ര​ാധാ​ന്യം നി​ങ്ങ​ൾ മ​ന​സി​ലാ​ക്കു​ന്ന​തി​നും നി​ങ്ങ​ളു​ടെ ക്രെ​ഡി​റ്റ് നി​ങ്ങ​ൾ​ക്കു മാ​ത്രം അ​വ​കാ​ശ​പ്പെ​ട്ട​ത​ല്ലെ​ന്നും അ​തു​പോ​ലെ മ​റ്റു​ള്ള​വ​രു​ടെ പ​രാ​ജ​യ​ങ്ങ​ളു​ടെ പൂ​ർ​ണ ഉ​ത്ത​ര​വാ​ദി​ത്വം അ​വ​രു​ടേ​തു മാ​ത്ര​മ​ല്ലെ​ന്ന് ഓ​ർ​മി​ക്കു​ന്ന​തി​നും വേ​ണ്ടി നി​ങ്ങ​ൾ​ക്ക് വ​ല്ല​പ്പോ​ഴും ദൗ​ർ​ഭാ​ഗ്യം ഉ​ണ്ടാ​ക​ട്ടെ​യെ​ന്നും ഞാ​ൻ ആ​ശം​സി​ക്കു​ന്നു.
നി​ങ്ങ​ൾ വ​ല്ല​പ്പോ​ഴും പ​രാ​ജ​യ​പ്പെ​ടു​ന്പോ​ൾ ആ ​പ​രാ​ജ​യ​ത്തി​ൽ നി​ങ്ങ​ളു​ടെ എ​തി​രാ​ളി നി​ങ്ങ​ളെ പ​രി​ഹ​സി​ക്കു​ന്ന രീ​തി​യി​ൽ ആ​ഹ്ലാ​ദി​ക്ക​ട്ടെ എ​ന്നു ഞാ​ൻ ആ​ശം​സി​ക്കു​ന്നു. അ​തു​വ​ഴി സ്പോ​ർ​ട്സ്മാ​ൻ സ്പി​രി​റ്റി​ന്‍റെ പ്രാ​ധാ​ന്യം നി​ങ്ങ​ൾ മ​ന​സി​ലാ​ക്കു​മെ​ന്ന് ഞാ​ൻ ക​രു​തു​ന്നു.

മ​റ്റു​ള്ള​വ​ർ നി​ങ്ങ​ളെ അ​വ​ഗ​ണി​ക്ക​ട്ടെ എ​ന്നു ഞാ​ൻ ആ​ശം​സി​ക്കു​ന്നു. കാ​ര​ണം, അ​തു​വ​ഴി മ​റ്റു​ള്ള​വ​രെ ശ്ര​വി​ക്കു​ന്ന​തി​ന്‍റെ പ്രാ​ധാ​ന്യം നി​ങ്ങ​ൾ പ​ഠി​ക്കും. മ​റ്റു​ള്ള​വ​രോ​ട് എ​പ്പോ​ഴും ദ​യാ​പൂ​ർ​വം പെ​രു​മാ​റാ​ൻ നി​ങ്ങ​ളെ പ്രാ​പ്ത​രാ​ക്കാ​ൻ​വേ​ണ്ടി നി​ങ്ങ​ളു​ടെ ജീ​വി​ത​ത്തി​ൽ കു​റേ ദുഃ​ഖ​ങ്ങ​ൾ ഉ​ണ്ടാ​ക​ട്ടെ എ​ന്നും ഞാ​ൻ ആ​ശം​സി​ക്കു​ന്നു.

മു​ക​ളി​ൽ പ​റ​ഞ്ഞി​രി​ക്കു​ന്ന കാ​ര്യ​ങ്ങ​ളൊ​ക്കെ നി​ങ്ങ​ളു​ടെ ജീ​വി​ത​ത്തി​ൽ സം​ഭ​വി​ക്ക​ണ​മെ​ന്നു ഞാ​ൻ ആ​ഗ്ര​ഹി​ച്ചാ​ലും ഇ​ല്ലെ​ങ്കി​ലും അ​വ​യൊ​ക്കെ നി​ങ്ങ​ളു​ടെ ജീ​വി​ത​ത്തി​ൽ സം​ഭ​വി​ക്കും. എ​ന്നാ​ൽ അ​വ​വ​ഴി നി​ങ്ങ​ളു​ടെ ജീ​വി​ത​ത്തി​ൽ എ​ന്തെ​ങ്കി​ലും നേ​ട്ട​മു​ണ്ടാ​ക​ണ​മോ എ​ന്നു​ള്ള​ത് അ​വ​യെ നി​ങ്ങ​ൾ എ​ങ്ങ​നെ കാ​ണു​ന്നു എ​ന്ന​ത് അ​നു​സ​രി​ച്ചാ​യി​രി​ക്കും.

സാ​ധാ​ര​ണ ബി​രു​ദ​ദാ​ന ച​ട​ങ്ങി​ൽ നി​ങ്ങ​ൾ​ക്കു ല​ഭി​ക്കു​ന്ന സ​ന്ദേ​ശം നി​ങ്ങ​ൾ എ​ങ്ങ​നെ ആ​യി​രി​ക്കു​ന്നു​വോ അ​ങ്ങ​നെ ആ​യി​രി​ക്കു​ക എ​ന്ന​താ​യി​രി​ക്കും. എ​ന്നാ​ൽ, നി​ങ്ങ​ൾ പ​രി​പൂ​ർ​ണ​ര​ല്ലെ​ങ്കി​ൽ ആ ​സ​ന്ദേ​ശം നി​ങ്ങ​ൾ മു​ഖ​വി​ല​യ്ക്കെ​ടു​ക്ക​രു​ത്. കാ​ര​ണം, നി​ങ്ങ​ൾ എ​ന്താ​യി​രി​ക്കു​ന്നു​വോ അ​തു​പോ​ലെ എ​പ്പോ​ഴും ആ​യി​രി​ക്ക​രു​ത്. അ​തി​നു പ​ക​രം, നി​ങ്ങ​ൾ എ​ന്താ​യി​രി​ക്കു​ന്നു​വോ അ​തി​ലും കൂ​ടു​ത​ൽ മെ​ച്ച​മാ​കാ​ൻ നി​ങ്ങ​ൾ എ​പ്പോ​ഴും ശ്ര​മി​ക്ക​ണം.''

ആ​ശ​യ​ങ്ങ​ളു​ടെ പു​തു​മ​യു​ടെ പേ​രി​ലും അ​വ അ​വ​ത​രി​പ്പി​ച്ച രീ​തി​യു​ടെ പേ​രി​ലും ഒ​ട്ടേ​റെ​പ്പേ​രു​ടെ ശ്ര​ദ്ധ​യാ​ക​ർ​ഷി​ച്ച ഒ​രു പ്ര​സം​ഗ​മാ​യി​രു​ന്നു റോ​ബ​ർ​ട്സി​ന്‍റേ​ത്. അ​ദ്ദേ​ഹം പ​റ​ഞ്ഞ​തു​പോ​ലെ, അ​ദ്ദേ​ഹം വി​ദ്യാ​ർ​ഥി​ക​ൾ​ക്ക് ആ​ശം​സി​ച്ച കാ​ര്യ​ങ്ങ​ൾ എ​ല്ലാ​വ​രു​ടെ​യും ജീ​വി​ത​ത്തി​ൽ സം​ഭ​വി​ക്കു​ന്ന കാ​ര്യ​ങ്ങ​ളാ​ണ്. അ​ങ്ങ​നെ സം​ഭ​വി​ക്കു​ന്ന കാ​ര്യ​ങ്ങ​ളെ ഏ​തു രീ​തി​യി​ൽ കാ​ണ​ണ​മെ​ന്നും പ്ര​തി​ക​രി​ക്ക​ണ​മെ​ന്നു​മാ​ണ് അ​ദ്ദേ​ഹം ഓ​ർ​മി​പ്പി​ച്ച​ത്.

റോ​ബ​ർ​ട്സ് പ​റ​ഞ്ഞ കാ​ര്യ​ങ്ങ​ളെ​ല്ലാം​ത​ന്നെ ന​മ്മു​ടെ​യും ജീ​വി​ത​ത്തി​ൽ സം​ഭ​വി​ച്ചി​ട്ടു​ണ്ടാ​കാം. അ​പ്പോ​ൾ അ​വ​യെ നാം ​എ​ങ്ങ​നെ കാ​ണു​ക​യും അ​വ​യോ​ടു നാം ​എ​ങ്ങ​നെ പ്ര​തി​ക​രി​ക്കു​ക​യും ചെ​യ്തു എ​ന്ന് ആ​ത്മ​പ​രി​ശോ​ധ​ന ചെ​യ്യു​ന്ന​ത് ന​ല്ല​താ​ണ്.

റോ​ബ​ർ​ട്സ് സൂ​ചി​പ്പി​ച്ച​തു​പോ​ലെ, ആ​രെ​ങ്കി​ലും ന​മ്മോ​ട് അ​നീ​തി ചെ​യ്താ​ൽ അ​തു ന​മ്മെ ഓ​ർ​മി​പ്പി​ക്കേ​ണ്ട​തു ന​മ്മു​ടെ ജീ​വി​ത​ത്തി​ൽ നാം ​മ​റ്റു​ള്ള​വ​രോ​ടു നീ​തി പു​ല​ർ​ത്തു​ന്ന കാ​ര്യ​ത്തെ​ക്കു​റി​ച്ചാ​യി​രി​ക്ക​ണം. അ​ല്ലാ​തെ, അ​വ​രോ​ടു പ്ര​തി​കാ​രം ചെ​യ്യു​ന്ന​തി​നെ​ക്കു​റി​ച്ചാ​യി​രി​ക്ക​രു​ത്. അ​തു​പോ​ലെ, ആ​രെ​ങ്കി​ലും ന​മ്മെ വ​ഞ്ചി​ച്ചാ​ൽ അ​വ​രോ​ടു ന​മു​ക്ക് എ​ങ്ങ​നെ വ​ഞ്ച​ന കാ​ട്ടാ​ൻ സാ​ധി​ക്കു​മെ​ന്നാ​യി​രി​ക്ക​രു​ത് നാം ​ചി​ന്തി​ക്കു​ന്ന​ത്. അ​തി​നു പ​ക​രം, മ​റ്റു​ള്ള​വ​രോ​ട് എ​ങ്ങ​നെ വി​ശ്വ​സ്ത​താ​പൂ​ർ​വം പ്ര​വ​ർ​ത്തി​ക്കാ​ൻ സാ​ധി​ക്കു​മെ​ന്നാ​യി​രി​ക്ക​ണം നാം ​അ​ന്വേ​ഷി​ക്കു​ന്ന​ത്.

റോ​ബ​ർ​ട്സ് അ​വ​ത​രി​പ്പി​ച്ച ആ​ശ​യ​ങ്ങ​ളൊ​ക്കെ കൂ​ടു​ത​ൽ വി​ശ​ക​ല​നം അ​ർ​ഹി​ക്കു​ന്ന​വ​യാ​ണ്. എ​ന്നാ​ൽ, ​സ്ഥ​ല​പ​രി​മി​തി മൂ​ലം അ​വ​യെ​ല്ലാം ച​ർ​ച്ച​ചെ​യ്യാ​ൻ ഇ​പ്പോ​ൾ സാ​ധി​ക്കി​ല്ല. ത​ന്മൂ​ലം അ​ദ്ദേ​ഹം അ​വ​ത​രി​പ്പി​ച്ച ആ​ശ​യ​ങ്ങ​ളി​ൽ അ​വ​സാ​ന​ത്തേ​ത് എ​ടു​ത്തു​പ​റ​ഞ്ഞു​കൊ​ണ്ട് ഈ ​ചി​ന്താ​വി​ഷ​യം അ​വ​സാ​നി​പ്പി​ക്കാം.

നാം ​ഇ​പ്പോ​ൾ എ​ന്താ​യി​രി​ക്കു​ന്നു​വോ അ​തി​ലും കൂ​ടു​ത​ൽ മെ​ച്ച​മാ​കാ​ൻ നാം ​എ​പ്പോ​ഴും ശ്ര​മി​ക്ക​ണ​മെ​ന്നാ​ണ് അ​ദ്ദേ​ഹ​ത്തി​ന്‍റെ ആ​ഹ്വാ​നം. നാം ​ശ്ര​മി​ച്ചാ​ൽ പ​ല രീ​തി​യി​ലും അ​നു​ദി​നം ന​മ്മെ ഏ​റെ മെ​ച്ച​പ്പെ​ടു​ത്താ​ൻ സാ​ധി​ക്കു​മെ​ന്ന​താ​ണ് യാ​ഥാ​ർ​ഥ്യം. പ്ര​ത്യേ​കി​ച്ച് ന​മ്മു​ടെ സ്വ​ഭാ​വ പ്ര​ത്യേ​ക​ത​ക​ളു​ടെ കാ​ര്യ​ത്തി​ൽ അ​തി​നു​വേ​ണ്ടി​യു​ള്ള തീ​വ്ര​മാ​യ ശ്ര​മ​ത്തി​ൽ എ​ന്നും ന​മു​ക്ക് ആ​മ​ഗ്ന​രാ​കാം.

ഫാ. ജോസ് പന്തപ്ലാംതൊട്ടിയിൽ


Copyright @ 2022 , Rashtra Deepika Ltd.