സൂര്യയുടെ ’ദോശ ചലഞ്ച്’ ഏറ്റെടുക്കാൻ തയാറാണോ?

Friday, February 10, 2017 10:34 AM IST

ലോകം മുഴുവൻ ഹിറ്റായ ഐസ്ബക്കറ്റ് ചലഞ്ചിനു ശേഷം രൂചിയുള്ള ദോശ ചലഞ്ചുമായി എത്തിയിരിക്കുകയാണ് സാക്ഷാൽ സൂര്യ. പുരുഷ കേസരികളെ ഉദ്ദേശിച്ചാണ് സൂര്യ ഈ വെറൈറ്റി ചലഞ്ച് അവതരിപ്പിച്ചിരിക്കുന്നത്.

ദോശകൊണ്ടോരു തീറ്റ മത്സരമാണ് സൂര്യ ഉദ്ദേശിക്കുന്നതെന്നു കരുതി ദോശക്കൊതിയൻമാർ സന്തോഷിക്കാൻ വരട്ടെ. സംഭവം അതല്ല. നിങ്ങളുടെ പ്രിയതമയ്ക്ക് അടുക്കളയിൽ കയറി ഒരു ദോശ ഉണ്ടാക്കി കൊടുക്കണം. എന്നിട്ട് അതിന്‍റെ ചിത്രം ട്വിറ്ററിൽ പങ്കുവെക്കുകയും വേണം.ഇതാണ് ദോശ ചലഞ്ച്.

ജ്യോതികയ്ക്കു ദോശയുണ്ടാക്കി നൽകിയതിന്‍റെ ചിത്രം സൂര്യ ട്വിറ്ററിൽ ഇട്ടതോടെ മാധവൻ, വെങ്കട്പ്രഭു, ജയ് തുടങ്ങിയ തമിഴ് ചലച്ചിത്ര താരങ്ങളും ദോശയുണ്ടാക്കാൻ അടുക്കളിൽ കയറി.

ഒരിടവേളയ്ക്കു ശേഷം ജ്യോതിക മുഖ്യവേഷത്തിലെത്തുന്ന ’മഗളിർ മട്ടുമിൻ’ എന്ന ചിത്രത്തിന്‍റെ ടീസറാണ് സൂര്യയ്ക്കു ദോശചലഞ്ചിനു പ്രോരണയായതെന്നാണ് റിപ്പോർട്ടുകൾ. കഴിഞ്ഞ ദിവസം പുറത്തിറങ്ങിയ ചിത്രത്തിന്‍റെ ടീസറിൽ, വീട്ടമ്മാർ ഇതുവരെയുണ്ടാക്കിയ ദോശയുടെ കണക്കു പറഞ്ഞു പരിതപിക്കുന്ന രംഗങ്ങളാണ് കാണിക്കുന്നത്.

വീട്ടിലെല്ലാവർക്കും ദോശ വിളന്പുന്ന നിങ്ങൾക്ക് ഇന്നുവരെ ആരെങ്കിലും ദോശ ഉണ്ടാക്കി തന്നിട്ടുണ്ടോ എന്നു വീട്ടമ്മമാരോടു ജ്യോതിക ചോദിക്കുന്നതും ടീസറിൽ കാണാം.സൂര്യയൂടെ ഉടമസ്ഥതയിലുള്ള 2 ഡി എന്‍റർടെയിൻമെന്‍റാണ് ചിത്രം നിർമ്മിക്കുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.