ഫേസ്ബുക്ക് ചിത്രത്തിന് കമന്‍റായി വെല്ലുവിളി; ചുട്ടമറുപടി നല്കി രൂപേഷ്

Wednesday, February 15, 2017 9:07 AM IST

ടോവിനോയും രൂപേഷ് പീതാംബരനും ഒന്നിക്കുന്ന ഒരു മെക്സിക്കൻ അപാരത റിലീസിനൊരുങ്ങുകയാണ്. കാംപസ് രാഷ്ട്രീയം പ്രമേയമാക്കിയ ചിത്രത്തിന്‍റെ ടീസറും ട്രെയിലറുമെല്ലാം വൻ തരംഗമായിരുന്നു. എസ്എഫ്ഐ നേതാവായി ടോവിനോ എത്തുമ്പോൾ കെഎസ്‌യു നേതാവായാണ് രൂപേഷ് ചിത്രത്തിലെത്തുന്നത്. കെഎസ്‌യുവിന്‍റെ കൊടിയേന്തി നിൽക്കുന്ന ചിത്രത്തിലെ പോസ്റ്റർ രൂപേഷ് തന്‍റെ ഫേസ്ബുക്ക് പേജിൽ പോസ്റ്റ് ചെയ്തിരുന്നു. ഇതിനു താഴെ ഒരാൾ ചെയ്ത കമന്‍റും അതിന് രൂപേഷ് നല്കിയ ചുട്ട മറുപടിയുമാണ് ഇപ്പോൾ സോഷ്യൽ മീഡിയയിൽ നിറയുന്നത്.

"പടം ഇറങ്ങട്ടെ, ബാക്കി എന്നിട്ട്.. എസ്എഫ്ഐക്കാരുടെ മേൽ ഒരുതുള്ളി ചോര പൊടിഞ്ഞാൽ മോനേ രൂപേഷേട്ടാ ഇങ്ങള് തീർന്നു...' എന്നാണ് ഒരാൾ കമന്‍റ് ചെയ്തത്. "ഞാൻ അഡ്രസ് അയച്ചുതരാം, വന്നു തീർക്ക്..' എന്ന് രൂപേഷ് മറുപടിയും നല്കി. പിന്നീട് ഈ കമന്‍റിന്‍റെ സ്ക്രീൻഷോട്ട് അദ്ദേഹം ഫേസ്ബുക്കിൽ പോസ്റ്റ് ചെയ്യുകയും ചെയ്തു. രാഷ്ട്രീയത്തെ സിനിമയുമായി കൂട്ടിക്കലർത്തരുതെന്ന് താൻ പറഞ്ഞത് ഇത് ഉദ്ദേശിച്ചാണെന്നും ജനശ്രദ്ധ നേടുന്നതിനായി കോപ്രായങ്ങൾ കാട്ടുന്ന ഇത്തരക്കാരോടു ലജ്ജ തോന്നുന്നുവെന്നും രൂപേഷ് ഫേസ്ബുക്കിൽ കുറിച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.