പ​രി​ശീ​ല​ക​ന്‍റെ ലാ​ള​ന കി​ട്ടാ​ൻ സിം​ഹ​രാ​ജ​ന്‍റെ പ്ര​തി​ഷേ​ധ പ്ര​ക​ട​നം!
Thursday, February 23, 2017 6:28 AM IST
പ്രി​യ​പ്പെ​ട്ട​വ​രു​ടെ ലാ​ള​ന നേ​ടാ​നാ​യി കൊ​ച്ചു കു​ട്ടി​ക​ൾ പി​ണ​ങ്ങി​നി​ൽ​ക്കു​ന്ന​ത് ക​ണ്ടി​ട്ടി​ല്ലേ...​അ​തു​പോ​ലെ​യാ​ണ് ഈ ​വ​ന​രാ​ജ​നും പി​ണ​ങ്ങി നി​ന്ന​ത്. സൗ​ത്ത് ആ​ഫ്രി​ക്ക​യി​ലെ ഗ്ലെ​ൻ ഗാ​രി​ഫ് ദേ​ശീ​യോ​ദ്യാ​ന​ത്തി​ലാ​ണ് സിം​ഹം ഒ​രു കൊ​ച്ചു കു​ട്ടി​യെ​പ്പോ​ലെ കൊ​ഞ്ചു​ന്ന കാ​ഴ്ച അ​ര​ങ്ങേ​റി​യ​ത്. ഉ​ദ്യാ​ന​ത്തി​ലു​ള്ള സിം​ഹ​ങ്ങ​ളു​ടെ കാ​ര്യ​ങ്ങ​ൾ നോ​ക്കി​യി​രു​ന്ന മൈ​ക്ക് എ​ന്ന ജീ​വ​ന​ക്കാ​ര​ൻ എ​ത്താ​ൻ വൈ​കി​യ​താ​ണ് സിം​ഹ​ത്തെ വേ​ദ​നി​പ്പി​ച്ച​ത്.

എ​ല്ലാ ദി​വ​സ​വും രാ​വി​ലെ​യും വൈ​കു​ന്നേ​ര​വും മൈ​ക്ക് ഈ ​സിം​ഹ​ത്തെ ലാ​ളി​ക്കു​ന്ന പ​തി​വു​ണ്ടായിരുന്നു. സ​ട​യി​ൽ ത​ലോ​ടി നെ​റു​ക​യി​ൽ ഉ​മ്മ വെ​ച്ചാ​ണ് മൈ​ക്ക് സിം​ഹ​ത്തെ കൊ​ഞ്ചി​ച്ചിരുന്നത്. മൈ​ക്കി​ന്‍റെ സ്നേ​ഹ ലാ​ള​ന​ങ്ങ​ൾ ഏ​റ്റു വാ​ങ്ങി​യി​രു​ന്ന ശേ​ഷ​മാ​ണ് സിം​ഹം ഭ​ക്ഷ​ണം ക​ഴി​ച്ചി​രു​ന്ന​തു പോ​ലും. എ​ന്നാ​ൽ പ​തി​വു സ​മ​യം ക​ഴി​ഞ്ഞി​ട്ടും മൈ​ക്കി​നെ കാ​ണാ​തെ വ​ന്ന​തോ​ടെ സിം​ഹ​രാ​ജ​ൻ ആ​കെ​പ്പാ​ടെ നി​രാ​ശ​നാ​യി.

സിം​ഹ​ത്തെ ആ​ശ്വ​സി​പ്പി​ക്കാ​ൻ മ​റ്റു ജീ​വ​ന​ക്കാ​ർ ശ്ര​മി​ച്ചെ​ങ്കി​ലും പി​ണ​ക്കം മാ​റി​യി​ല്ല. എ​ന്നു​മാ​ത്ര​മ​ല്ല പി​ണ​ക്കം പ്ര​തി​ഷേ​ധ​മാ​യി മാ​റു​ക​യും ചെ​യ്തു. ദേ​ശീ​യോ​ദ്യാ​ന​ത്തി​ലേ​ക്കു​ള്ള വ​ഴി​യു​ടെ ഒ​ത്ത ന​ടു​ക്കു നി​ല​യു​റ​പ്പി​ച്ചാ​ണ് സിം​ഹം പ്ര​തി​ഷേ​ധം ആ​രം​ഭി​ച്ച​ത്. അ​തോ​ടെ സ​ഞ്ചാ​രി​ക​ളു​ൾ​പ്പെ​ടെ​യു​ള്ള​വ​രു​ടെ വാ​ഹ​ന​ങ്ങ​ൾ പാ​ർ​ക്കി​ൽ പ്ര​വേ​ശി​ക്കാ​ൻ ക​ഴി​യാ​തെ പെ​രു​വ​ഴി​യി​ൽ കി​ട​ന്നു. മണിക്കൂറുകൾ കഴിഞ്ഞിട്ടും സിഹം വഴിയിൽ നിന്ന് അനങ്ങിയില്ല .സം​ഭ​വം കൈ​വി​ട്ടു പോ​കു​ന്ന​തു മ​ന​സി​ലാ​ക്കി​യ അ​ധി​കൃ​ത​ർ ഉ​ട​ൻ ത​ന്നെ മൈ​ക്കി​നെ സ്ഥ​ല​ത്തെ​ത്തി​ച്ചു.

മൈ​ക്കി​നെ ക​ണ്ട​പ്പോ​ൾ ത​ന്നെ സിം​ഹ​ത്തി​ന്‍റെ പ​കു​തി വി​ഷ​മം മാ​റി. പി​ന്നെ പ​തി​വു ത​ലോ​ട​ൽ കൂ​ടി​യാ​യ​പ്പോ​ൾ സിം​ഹ​രാ​ജ​ന്‍റെ പി​ണ​ക്ക​വും പ്ര​തി​ഷേ​ധ​വു​മെ​ല്ലാം പ​ന്പ​ക​ട​ന്നു. 10 വ​ർ​ഷ​ത്തി​ല​ധി​ക​മാ​യി ഈ ​ദേ​ശീ​യോ​ദ്യാ​നത്തിലെ ​ ജീ​വ​ന​ക്കാ​ര​നാ​ണ് മൈ​ക്. താ​ൻ സിം​ഹ​ങ്ങ​ളെ മ​ക്ക​ളെ​പ്പോ​ലെ സ്നേ​ഹി​ക്കു​ന്ന​തു​കൊ​ണ്ടാ​ണ് അ​വ​റ്റ​ക​ളും ത​ന്നെ മ​നം ​നി​റ​ഞ്ഞു സ്നേ​ഹി​ക്കു​ന്ന​തെ​ന്നു മൈ​ക്ക് പ​റ​യു​ന്നു. എ​ന്താ​യാ​ലും സിം​ഹ​ത്തി​ന്‍റെ പ്ര​തി​ഷേ​ധ പ്ര​ക​ട​നം സ​മൂ​ഹ​മാ​ധ്യ​മ​ങ്ങ​ളി​ൽ വൈ​റ​ലാ​യി​ക്ക​ഴി​ഞ്ഞു.

വീ​ഡി​യോ കാ​ണാം...

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.