നമ്മുടെ ഇന്ത്യ അതിസുന്ദരിയാണ്, മാനത്തുനിന്നു നോക്കുമ്പോൾ..

Saturday, April 15, 2017 5:40 AM IST

തിളങ്ങുന്ന ഇന്ത്യയുടെ ചിത്രങ്ങളുമായി നാസ. ബഹിരാകാശത്തുനിന്നുള്ള ഭൂമിയുടെ കണ്ണഞ്ചിപ്പിക്കുന്ന രാത്രി ദൃശ്യങ്ങളാണു നാസ പുറത്തുവിട്ടത്. കഴിഞ്ഞ ആഴ്ചയാണു പുതിയ ആഗോള മാപ്പ് അമേരിക്കന്‍ ബഹിരാകാശ ഏജന്‍സിയായ നാസ പുറത്തിറക്കിയത്. ഇന്ത്യയുടെ മനോഹരമായ ദൃശ്യങ്ങള്‍ നാസയുടെ വീഡിയോയില്‍ ഉണ്ട്. 2011 നാസ വിക്ഷേപിച്ച നോവ സുവോമി നാഷണല്‍ പോളാര്‍ ഓര്‍ബിറ്റിംഗ് സാറ്റലൈറ്റാണു ദൃശ്യങ്ങള്‍ പകര്‍ത്തിയിരിക്കുന്നത്. 2016ലാണ് ഈ ചിത്രങ്ങള്‍ നാസ പകര്‍ത്തിയത്. ഇതിനു മുമ്പ് 2012ലും നാസ ഭൂമിയുടെ രാത്രി ചിത്രങ്ങൾ പകർത്തിയിട്ടുണ്ട്.

കാലാവസ്ഥാ വ്യതിയാനം, പ്രകൃതി ദുരന്തങ്ങള്‍ എന്നിവയെ കുറിച്ചു പഠിക്കുന്നതിനായി വിവിധ ഉപഗ്രഹങ്ങൾ ഇത്തരം ചിത്രങ്ങൾ എടുക്കാറ് പതിവാണ്. 2012ൽ പുറത്തുവിട്ട ഇന്ത്യയുടെ ചിത്രങ്ങളിൽനിന്ന് വലിയതോതിലുള്ള വ്യത്യാസങ്ങളാണ് ഇത്തവണത്തെ ചിത്രങ്ങളിലുള്ളത്. ഇന്ത്യന്‍ നഗരങ്ങള്‍ക്ക് വലിയ മാറ്റമാണു പുതിയ ചിത്രങ്ങളിൽ കാണുന്നത്. ഇന്ത്യന്‍ ജനസംഖ്യയിലെയും നഗരങ്ങളുടെയും വളര്‍ച്ച ചിത്രങ്ങളില്‍ വ്യക്തമാണ്.
അടുത്ത 25 വര്‍ഷത്തെ ഗവേഷണങ്ങള്‍ക്കും പഠനങ്ങള്‍ക്കും ഈ ദൃശ്യങ്ങള്‍ സഹായകമാകുമെന്നാണ് വിലയിരുത്തപ്പെടുന്നത്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.