കൈ​വി​ല​ങ്ങ​ണി​ഞ്ഞ് കാ​മു​കി​യോ​ട് വി​വാ​ഹാ​ഭ്യ​ർ​ഥ​ന; വീ​ഡി​യോ വൈ​റ​ൽ
Wednesday, July 12, 2017 5:59 AM IST
ആ​ർ​ക്കും ആ​രോ​ടും എ​പ്പോ​ൾ വേ​ണ​മെ​ങ്കി​ലും തോ​ന്നാ​വു​ന്ന പ​രി​ശു​ദ്ധ​മാ​യ വി​കാ​ര​മാ​ണ് പ്ര​ണ​യം. മാ​ത്ര​മ​ല്ല സ്നേ​ഹി​ക്കു​ന്ന പെ​ണ്‍​കു​ട്ടി​യെ ത​ന്‍റെ ജീ​വി​ത​ത്തി​ലേ​ക്ക് ക്ഷ​ണി​ക്കു​വാ​ൻ ആ​ളു​ക​ൾ വ്യ​ത്യ​സ്ത​മാ​യ സാ​ഹ​ച​ര്യം സൃ​ഷ്ടി​ക്കാ​റു​മു​ണ്ട്. ഇ​പ്പോ​ഴി​താ ഒ​രാ​ൾ ത​ന്‍റെ പ്ര​ണ​യി​നി​യെ ജീ​വി​ത​ത്തി​ലേ​ക്ക് ക്ഷ​ണി​ച്ച സം​ഭ​വം ന​വ​മാ​ധ്യ​മ​ങ്ങ​ളി​ൽ വ്യാ​പ​ക​മാ​യി പ്ര​ച​രി​ക്കു​ക​യാ​ണ്. അ​മേ​രി​ക്ക​യി​ലാ​ണ് സം​ഭ​വം ന​ട​ന്ന​ത്.

സിനിമയിലേതുപോലെ പൂ​ന്തോ​ട്ട​ത്തി​ന്‍റെ ന​ടു​വി​ൽ വ​ച്ചാ​യി​രു​ന്നി​ല്ല അ​ദ്ദേ​ഹം വി​വാ​ഹാ​ഭ്യ​ർഥന ന​ട​ത്തി​യ​ത്. പോ​ലീ​സ് കാ​വ​ലി​ൽ കൈ​വി​ല​ങ്ങ​ണി​ഞ്ഞാ​ണ് ത​ന്‍റെ ആ​ഗ്ര​ഹം പ്ര​ണ​യി​നി​യെ അ​റി​യി​ച്ച​ത്. ഈ ​മാ​സം നാ​ലി​നാ​ണ് അ​മേ​രി​ക്ക​യി​ലെ ഒ​ക്‌ല​ഹോ​മ സ്വ​ദേ​ശി​യാ​യ ബ്രണ്ടൻ തോം​സ​ണി​നെ അ​ദ്ദേ​ഹ​ത്തി​ന്‍റെ പി​റ​ന്നാ​ൾ ദി​ന​ത്തി​ൽ പോ​ലീ​സ് അ​റ​സ്റ്റ് ചെയ്ത​ത്. ആ​റു കു​റ്റ​കൃ​ത്യ​ങ്ങ​ൾ തെ​ളി​ഞ്ഞ​തി​നാ​ലാ​ണ് പോ​ലീ​സ് അ​റ​സ്റ്റ് ചെ​യ്യാ​നാ​യി ഇ​ദ്ദേ​ഹ​ത്തി​ന്‍റെ വ​സ​തി​യി​ലെ​ത്തി​യ​ത്. പി​റ​ന്നാ​ൾ ദി​ന​ത്തി​ൽ കാ​മു​കി ലെ​ൻ​ഡ്രി​യ കീത്തി​നോ​ട് വി​വാ​ഹാ​ഭ്യ​ർ​ഥ​ന നടത്താൻ ബ്രണ്ടൻ പദ്ധതിയിട്ടിരുന്നു. അറസ്റ്റിലായതോടെ തന്നെ കൊണ്ടുപോകുന്നതിനു മുമ്പ് വിവാഹാഭ്യർഥന നടത്താന്‌ അദ്ദേ​ഹം പോ​ലീ​സു​ദ്യോ​ഗ​സ്ഥ​രോ​ട് അ​നു​വാ​ദം ചോ​ദി​ക്കു​ക​യാ​യി​രു​ന്നു.

പി​ന്നീ​ട് സ​മീ​പം നി​ന്ന ലെ​ൻ​ഡ്രി​യ​യോ​ട് പോ​ലീ​സി​ന്‍റെ സാ​ന്നി​ധ്യ​ത്തി​ൽ ത​ന്നെ ബ്രണ്ടൻ വി​വാ​ഹാ​ഭ്യ​ർഥ​ന ന​ട​ത്തി. ലെ​ൻ​ഡ്രി​യ ഈ ​അ​ഭ്യ​ർ​ഥ​ന സ​ന്തോ​ഷ​പൂ​ർ​വം സ്വീ​ക​രി​ക്കു​ക​യും ചെ​യ്തു. സ​മീ​പ​മു​ണ്ടാ​യി​രു​ന്ന പോ​ലീ​സു​ദ്യോ​ഗ​സ്ഥ​രാ​ണ് ഈ ​ദൃ​ശ്യ​ങ്ങ​ൾ പ​ക​ർ​ത്തി​യ​ത്. പി​ന്നീ​ട് ഈ ​ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യാ​യി​ൽ പോ​സ്റ്റ് ചെ​യ്ത​തി​നെ തു​ട​ർ​ന്ന് വൈ​റ​ലാ​യി മാ​റി. നി​ര​വ​ധി​യാ​ളു​ക​ളാ​ണ് ഈ ​അപൂർവ രം​ഗ​ങ്ങ​ൾ ക​ണ്ട് ഇ​രു​വ​ർ​ക്കും അ​ഭി​ന​ന്ദ​ന​മാ​യി രം​ഗ​ത്തെ​ത്തി​യി​രി​ക്കു​ന്ന​ത്.
https://www.youtube.com/embed/29AIZTQgL0E
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.