സ്വാമി ഓമിനെ നടുറോഡിൽ കൈയേറ്റം ചെയ്ത് സ്ത്രീകൾ; വീഡിയോ വൈറൽ

Wednesday, July 12, 2017 7:33 AM IST

എവിടെയല്ലാം പോകുന്നുവോ അവിടെയെല്ലാം വിവാദമുണ്ടാക്കുന്ന വ്യക്തിയാണ് സ്വയംപ്രഖ്യാപിത ആൾദൈവമായ സ്വാമി ഓം. വിവാദത്തോടൊപ്പം ഇദ്ദേഹത്തിന് മർദ്ദനം കിട്ടുന്നതും പുതുമയല്ല. എന്നാൽ കഴിഞ്ഞ ദിവസം ഇദ്ദേഹത്തെ കൈകാര്യം ചെയ്യ്തത് സ്ത്രീകളായിരുന്നു. അമർനാഥ് തീർഥാടകർ സഞ്ചരിച്ചിരുന്ന ബസിനു നേരെയുണ്ടായ ഭീകരാക്രമണത്തിൽ അനുശോചിച്ച് ഡൽഹിയിലെ ജന്തർമന്ദറിൽ നടന്ന മെഴുകുതിരി പ്രദക്ഷിണത്തിനെത്തിയതായിരുന്നു സ്വാമി ഓം. അദ്ദേഹം വാഹനത്തിനു പുറത്തിറങ്ങിയപ്പോൾ അടുത്തേക്കെത്തിയ സ്ത്രീകൾ മർദിക്കുകയായിരുന്നു. സ്വാമിയുടെ കൂടെ വന്നയാളെയും അവർ വെറുതേ വിട്ടില്ല. സംഭവത്തിന്‍റെ വീഡിയോ സോഷ്യൽ മീഡിയയിൽ പ്രചരിക്കുകയാണ്.

ആക്രമണത്തെ തുടർന്ന് സ്വാമിയും സഹചാരിയും റോഡരികിലേക്ക് മാറിയെങ്കിലും സ്ത്രീകൾ വീണ്ടും സംഘമായി വന്ന് ആക്രമിക്കുകയായിരുന്നു. സ്വാമിയുടെ കൂടെയുള്ളയാൾ അവരെ തിരിച്ച് മർദിക്കുന്നതും വീഡിയോയിൽ കാണാം. ഒടുവിൽ പോലീസ് എത്തിയാണ് സ്ത്രീകളെ പിരിച്ചുവിട്ടത്.

കഴിഞ്ഞ രണ്ടു മാസത്തിനിടെ രണ്ടാം തവണയാണ് സ്വാമി ഓമിനെ പൊതുപരിപാടിക്കിടെ കൈയേറ്റം ചെയ്യുന്നത്. ഇതിനു മുന്പ് ഡൽഹിയിൽ നാഥുറാം ഗോഡ്സെയുടെ ജയന്തി ആഘോഷത്തോട് അനുബന്ധിച്ചു നടത്തിയ ചടങ്ങിൽ പങ്കെടുക്കാനെത്തിയ സ്വാമി ഓമിനെ സ്ത്രീകൾ കൈയേറ്റം ചെയ്യുന്ന ദൃശ്യങ്ങൾ വ്യാപകമായി പ്രചരിച്ചിരുന്നു. സ്ത്രീകൾക്കെതിരെ മോശം പരാമർശം നടത്തി എന്നാരോപിച്ചായിരുന്നു മർദ്ദനം.

https://www.youtube.com/embed/LyyeWqojhNg

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.