ദാ ഇങ്ങനെയിരിക്കും നിവിന്‍റെ കാ​യം​കു​ളം കൊ​ച്ചു​ണ്ണി
Friday, August 4, 2017 3:07 AM IST
ചരിത്രകഥാപാത്രമായ കാ​യം​കു​ളം കൊ​ച്ചു​ണ്ണി​യെ തി​ര​ശീ​ല​യി​ൽ അ​വ​ത​രി​പ്പി​ക്കാ​ൻ നി​വി​നെ​ തെ​ര​ഞ്ഞെ​ടു​ത്ത വാർത്ത കേട്ടതു മു​ത​ൽ ആ​കാം​ക്ഷ​യി​ലാ​യി​രു​ന്നു ആരാധകർ. ഇതിനിടെ പ്രതീക്ഷകൾ വാനോളമുയർത്തി കാ​യം​കു​ളം കൊ​ച്ചു​ണ്ണിയുടെ ഫ​സ്റ്റ് കാ​ര​ക്ട​ർ സ്കെ​ച്ച് പുറത്തിറങ്ങി. സംവിധായകൻ റോഷൻ ആൻഡ്രൂസാണ് ഫേസ്ബുക്കിലുടെ ചിത്രം പുറത്തുവിട്ടത്.

മു​ടി പ​റ്റെ വെ​ട്ടി മീ​ശ പി​രി​ച്ച ലുക്കിലുള്ള കൊച്ചുണ്ണിയുടെ നെ​ഞ്ചി​ലും അ​ര​യി​ലും ക​ത്തി​യും തോ​ളി​ൽ തോ​ക്കും തി​രകളുമുണ്ട്. എ​ന്താ​യാ​ലും നിവിൻ പോളിയുടെ അഭിനയജീവിതത്തിൽ വെ​ല്ലു​വി​ളി നി​റ​ഞ്ഞ ക​ഥാ​പാ​ത്ര​മാ​കു​മി​ത് എന്നതിൽ സം​ശ​യമി​ല്ല. ചി​ത്ര​ത്തി​നാ​യി അ​ദ്ദേ​ഹം ശ​രീ​ര ഭാ​രം കു​റ​യ്ക്കു​മെ​ന്നും ആ​യോ​ധ​ന ക​ല​യാ​യ ക​ള​രി​പ്പ​യ​റ്റ് അ​ഭ്യസി​ക്കു​ന്നു​വെന്നുമാണ് റിപ്പോർട്ട്.

തി​രു​വ​ന​ന്ത​പു​രത്തെ പ​ഴ​യ ഭാ​ഷാ ശൈ​ലി​യാ​കും ചി​ത്ര​ത്തി​ൽ ഉ​പ​യോ​ഗി​ക്കു​ന്ന​ത്. കൊ​ട്ടാ​ര​ത്തി​ൽ ശ​ങ്കു​ണ്ണി ര​ചി​ച്ച ഐ​തി​ഹ്യ​മാ​ല​യി​ലെ കാ​യംകുളം കൊ​ച്ചു​ണ്ണി എ​ന്ന ക​ഥ​യെ അ​ടി​സ്ഥാ​ന​മാ​ക്കി ബോ​ബി- സ​ഞ്ജ​യ് എ​ന്നി​വ​രാ​ണ് തി​ര​ക്ക​ഥ ര​ചി​ക്കു​ന്ന​ത്. അ​മ​ല ​പോ​ളാ​ണ് നാ​യി​ക. ശ്രീഗോകുലം മൂവീസിന്‍റെ ബാനറിൽ ഗോ​ഗു​ലം ഗോ​പാ​ല​നാ​ണ് ചി​ത്രം നിർമിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.