ഗ്രാമ​മു​ഖ്യ​ന്‍റെ മ​ക​ന്‍റെ പി​റ​ന്നാ​ൾ ആ​ഘോ​ഷത്തിന് വേദി ക്ലാസ്റൂം; കൂടെ മ​ദ്യസ​ൽ​ക്കാ​ര​വും കാ​ബ​റേയും
യുപിയിലെ മിർസാപുരിൽ രക്ഷാബന്ധൻ അവധിക്കു ശേഷം പിറ്റേന്ന് സ്കൂളിലെത്തിയ അധ്യാപകരും വിദ്യാർഥികളും ഞെട്ടി. മ​ദ്യ​ക്കു​പ്പി​ക​ളും ഭ​ക്ഷ​ണ​ത്തി​ന്‍റെ അ​വ​ശി​ഷ്ട​ങ്ങ​ളു​മാ​യി ഇ​വി​ടെ മാ​ലി​ന്യക്കൂന്പാ​ര​മാ​യി​രു​ന്നു. പി​ന്നീ​ട് ഏ​റെനേ​ര​ത്തെ പ​രി​ശ്ര​മ​ത്തി​നു ശേ​ഷം അ​ധ്യാ​പ​ക​രും വി​ദ്യാ​ർ​ഥി​ക​ളു​മൊ​ത്തു ചേ​ർ​ന്ന് ക്ലാസ് റൂമുകൾ വൃ​ത്തി​യാ​ക്കി​. പി​ന്നീ​ട് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് ഗ്രാ​മ​മു​ഖ്യ​ൻ​രാം​കേ​ഷ് യാ​ദ​വി​ന്‍റെ മ​ക​ന്‍റെ പി​റ​ന്നാ​ൾ ആ​ഘോ​ഷ​മാ​ണ് ഇ​വി​ടെ ന​ട​ന്ന​തെ​ന്ന് മ​ന​സി​ലാ​യ​ത്. ജ​മാ​ൽ​പൂ​ർ ജി​ല്ല​യി​ലു​ള്ള തെ​റ​യ്ഹി​യ ക​ലാ കു​ർ​ദി​ലെ ഒ​രു പ്രൈ​മ​റി സ്കൂ​ളി​ലാ​ണ് സം​ഭ​വം ന​ട​ന്ന​ത്.

പിറന്നാൾ ആഘോഷത്തിന്‍റെ പേരിൽ ക്ലാ​സ് മു​റി​ക​ളി​ൽ മ​ദ്യ വി​ത​ര​ണ​വും കാ​ബ​റേ ഡാ​ൻ​സും ന​ട​ത്തി ഇ​വി​ട​മൊ​രു ഡാ​ൻ​സ് ബാ​റാ​ക്കി മാ​റ്റു​ക​യാ​യി​രു​ന്നു ഗ്രാ​മ​മു​ഖ്യ​ന്‍റെ നേ​തൃ​ത്വ​ത്തി​ലു​ള്ള ഒ​രു സം​ഘ​മാ​ളു​ക​ൾ. ആഘോഷത്തിന്‍റെ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. സ്കൂ​ളി​നു​ള്ളി​ൽ ഹി​ന്ദി ഗാ​ന​ത്തി​നൊ​പ്പി​ച്ച് സ്ത്രീ​ക​ൾ ഡാ​ൻ​സ് ചെ​യ്യു​ന്ന​തും ഇ​വ​ർ​ക്കൊ​പ്പം കൂ​ടി​യ പു​രു​ഷന്മാർ പ​ണം വാ​രി​യെ​റി​യു​ക​യും ചെ​യ്യു​ന്ന ദൃ​ശ്യ​ങ്ങ​ൾ ഇ​തി​നോ​ട​കം ത​ന്നെ വൈ​റ​ലാ​യി മാ​റി​യി​രി​ക്കു​ക​യാ​ണ്.

അ​ധ്യാ​പ​ക​രി​ലൊ​രാ​ളാ​യ അ​ശോ​ക് കു​മാ​ർ അ​ധി​കൃ​ത​രെ അ​റി​യി​ച്ച​ത​നു​സ​രി​ച്ച് കൂ​ടു​ത​ൽ അ​ന്വേ​ഷ​ണ​ങ്ങ​ൾ ന​ട​ക്കു​ന്നു​ണ്ട്. തി​ങ്ക​ളാ​ഴ്ച അ​വ​ധി​യാ​യി​രു​ന്ന​തി​നാ​ൽ ശ​നി​യാഴ്ച ഗ്രാ​മ​മു​ഖ്യ​ൻ സ്കൂ​ളി​ന്‍റെ താ​ക്കോ​ൽ ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ ആ​വ​ശ്യം വ്യ​ക്ത​മാ​ക്കി​യി​രു​ന്നി​ല്ല എ​ന്നും സ്കൂ​ൾ പ്രി​ൻ​സി​പ്പ​ൽ അ​റി​യി​ച്ചു. എ​ന്നാ​ൽ ഈ ​ആ​ഘോ​ഷ​ത്തി​ൽ താ​ൻ പ​ങ്കെ​ടു​ത്തി​ട്ടി​ല്ല എ​ന്നാ​ണ് ഗ്രാ​മ​മു​ഖ്യ​ന്‍റെ വാ​ദം.