അവർ പ്രണയിക്കുകയാണ്..! വൈറലായി വിരാട്-അനുഷ്ക ചിത്രങ്ങൾ

Friday, September 15, 2017 3:39 AM IST

വിരാട് കോഹ്‌‌ലിയും അനുഷ്ക ശർമയും ഒന്നിച്ചുള്ള ചിത്രങ്ങൾ ഇതിനുമുൻപും ഒരുപാട് വന്നിട്ടുണ്ടെങ്കിലും ഇത്രയും പ്രണയാതുരമായ ഒരു ചിത്രം നമ്മൾ ഇതുവരെ കണ്ടിട്ടുണ്ടാവില്ലെന്നാണ് താരങ്ങളുടെ ആരാധകർ പറയുന്നത്. കോഹ്‌‌ലിയും അനുഷ്കയും ഒരുമിച്ച് അഭിനയിക്കുന്ന ഒരു പരസ്യത്തിന്‍റെ ചിത്രീകരണത്തിനിടയിലേതാണ് ആ ചിത്രങ്ങൾ.

‘വിരുഷ്ക’ ഫാൻസിന്‍റെ ഹൃദയം കവർന്ന ആ ചിത്രം ഇപ്പോൾ സോഷ്യൽ മീഡിയയിൽ പ്രചരിക്കുകയാണ്. ചിത്രത്തിൽ രണ്ടുപേരും പരന്പരാഗത വസ്ത്രങ്ങളാണ് ധരിച്ചിരിക്കുന്നത്. ഒരു ചിത്രത്തിൽ അനുഷ്ക ചിരിച്ചുകൊണ്ട് കാമറയ്ക്ക് പോസ് ചെയ്യാൻ നിൽക്കുന്നു, പക്ഷേ കോഹ്‌‌ലിയുടെ കണ്ണുകൾ അപ്പോഴും അനുഷ്കയുടെ മുഖത്തുതന്നെയാണ്. കോഹ്‌‌ലി അനുഷ്കയുടെ സൗന്ദര്യത്തിൽ വീണുപോയോ അതോ കോഹ്‌‌ലിക്ക് അനുഷ്കയുടെ മുഖത്ത് നിന്ന് കണ്ണെടുക്കാൻ കഴിയാത്തതിനാലാണോ എന്നൊക്കെയാണ് ചിത്രം കണ്ട ആരാധകരുടെ ചോദ്യം.

എന്നാൽ, മറ്റൊരു ചിത്രത്തിൽ കോഹ്‌‌ലിയും അനുഷ്കയും പരസ്പരം കണ്ണിൽ നോക്കി നിൽക്കുന്നതാണുള്ളത്. മുംബൈയിൽ നടന്ന ചിത്രീകരണത്തിനിടയിലെ ചിത്രങ്ങളാണ് പുറത്തുവന്നിരിക്കുന്നത്. അതേസമയം, എന്തിനെക്കുറിച്ചുളളതാണ് പരസ്യം എന്നു വ്യക്തമല്ല. വസ്ത്രവുമായി ബന്ധപ്പെട്ട പരസ്യമായിരിക്കുമെന്നാണ് ആരാധകർ കരുതുന്നത്. നേരത്തെ അനുഷ്കയോടൊപ്പമുള്ള ചിത്രം കോഹ്‌‌ലി ഇൻസ്റ്റഗ്രാം പ്രൊഫൈൽ ചിത്രമാക്കിയിരുന്നു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.