ഐഫോണിൽ മുതലയെക്കൊണ്ട് കടിപ്പിച്ചാൽ..? വീഡിയോ കാണാം
തന്റെ ഐഫോൺ സ്ക്രീനിന്റെ കാഠിന്യം പരീക്ഷിക്കാൻ ഒരു യുവാവ് നടത്തിയ വേറിട്ട മാർഗമാണ് ഇപ്പോൾ സമൂഹമാധ്യമങ്ങളിൽ ചർച്ചാവിഷയം. പുതുപുത്തൻ ഐഫോൺ 7 ഒരു ഭീമൻമുതലയെക്കൊണ്ട് കടിപ്പിച്ചാണ് യുവാവ് ഫോൺ സക്രീനിന്റെ കാഠിന്യം പരീക്ഷിച്ചത്. അമേരിക്കയിലെ കലിഫോർണിയയിലാണ് സംഭവം. മുതലയെക്കൊണ്ട് ഐഫോൺ കടിപ്പിക്കുന്നതിന്റെ വീഡിയോ യുവാവ് തന്നെ യൂട്യൂബിലിട്ടതോടെയാണ് സംഭവം വൈറലായത്.

പ്ലാസ്റ്റിക് കവറിൽ പോതിഞ്ഞ ഫോൺ രണ്ട് പ്രാവശ്യമാണ് മുതല കടിച്ചത്. ആദ്യ തവണ മുതലയുടെ കടിയേറ്റതിനു ശേഷവും ഫോണിന്റെ ഡിസ്പ്ലേ പ്രവർത്തിക്കുന്നതായി കാണാം. എന്നാൽ രണ്ടാമത്തെ മുതലക്കടി ഇത്തിരി കടന്ന കടിയായിപ്പോയി എന്നുതന്നെ വേണം കരുതാൻ... ഫോൺ വായ്ക്കുള്ളിലാക്കി തരാൻ കൂട്ടാക്കാതിരുന്ന മുതലയുടെ ശ്രദ്ധ മാറ്റിയശേഷമാണ് വാ തുറന്ന് ഫോൺ എടുത്തത്.

ബാക്ക് കവർ ചളുങ്ങിയ നിലയിൽ കാണപ്പെട്ട ഫോണിന്റെ ഡിസ്പ്ലേ പിന്നെ തെളിഞ്ഞതുമില്ല. എന്തായാലും മുതലയുടെ പല്ലുകളെ അതിജീവിക്കാനുള്ള കാഠിന്യമൊന്നും ഐഫോണിനില്ലെന്ന് യുവാവിന് ബോധ്യമായി എന്ന് വിശ്വസിക്കുന്നു...

വീഡിയോ കാണാം:
https://www.youtube.com/embed/1DwDh_8Q1WM