വെ​ളി​ച്ചം ക​ട​ക്കാ​ത്ത ഗു​ഹ​യി​ൽ ക​ഴി​ഞ്ഞ 10 വ​ർ​ഷ​മാ​യി ജീ​വി​ക്കു​ന്ന 62 കാ​ര​ൻ
Friday, January 20, 2017 8:50 AM IST
ആ​ധു​നി​ക ലോ​കം ചൊ​വ്വ​യി​ൽ​വ​രെ വീ​ടു​പ​ണി​യു​ന്ന​തി​നെ​ക്കു​റി​ച്ചു​ള്ള ആ​ലോ​ച​ന​ക​ൾ തു​ട​ങ്ങി​ക്ക​ഴി​ഞ്ഞു. എ​ന്നാ​ൽ കാ​ല​ത്തി​ന്‍റെ പു​രോ​ഗ​മ​ന​യാ​ത്ര​ക​ളി​ൽ നി​ന്നെ​ല്ലാം പി​ന്ത​ള​ള​പ്പെ​ട്ട്, വെ​ളി​ച്ചം പോ​ലും ക​ട​ക്കാ​ത്ത ഗു​ഹ​യി​ൽ അ​പ​രി​ഷ്കൃ​ത​നാ​യി ക​ഴി​യു​ക​യാ​ണ് സ​ർ​ക്കോ ഹ​ർ​ജി​ക് എ​ന്ന 62 കാ​ര​ൻ... ക​ഴി​ഞ്ഞ 10 വ​ർ​ഷ​മാ​യി ഗു​ഹാ​വാ​സി​യാ​യി ക​ഴി​യു​ന്ന ഈ ​ബോ​സ്നി​യ​ൻ സ്വ​ദേ​ശി​യു​ടെ ക​ദ​ന ക​ഥ സ​മൂ​ഹ മാ​ധ്യ​മ​ങ്ങ​ളി​ലൂ​ടെ​യാ​ണ് പു​റം ലോ​ക​മ​റി​യു​ന്ന​ത്...

യു​വാ​വാ​യി​രി​ക്കെ ബോ​സ്നി​യ​യി​ൽ ലോ​ഹ നി​ർ​മാ​ണ തൊ​ഴി​ലാ​ളി​യാ​യി ജോ​ലി​ചെ​യ്തി​രു​ന്ന സ​ർ​ക്കോ വി​വാ​ഹ​ശേ​ഷം ന​ല്ലൊ​രു ജോ​ലി​ക്കാ​യി ജ​ർ​മ​നി​യി​ലേ​ക്കു കു​ടി​യേ​റി. എ​ന്നാ​ൽ കു​ടി​യേ​റ്റം അ​ന​ധി​കൃ​ത​മാ​യി​രു​ന്ന​തി​നാ​ൽ അ​ധി​ക കാ​ലം ജ​ർ​മ​നി​യി​ൽ തു​ട​രാ​ൻ സ​ർ​ക്കോ​യി​ക്കാ​യി​ല്ല. അ​പ്പോ​ഴേ​ക്കും ഇ​യാ​ളു​ടെ വി​വാ​ഹ ബ​ന്ധം ത​ക​രു​ക​യും ചെ​യ്തു. ബോ​സ്നി​യ​യി​ലേ​ക്ക് നാ​ട്ടി​ൽ തി​രി​ച്ചെ​ത്തി​യ സ​ർ​ക്കോ​സി​നെ മ​റ്റൊ​രു ദു​ര​ന്ത​വും കാ​ത്തി​രി​ക്കു​ന്നു​ണ്ടാ​യി​രു​ന്നു. ബോ​സ്നി​യ​ൻ ആ​ഭ്യ​ന്ത​ര യു​ദ്ധ​ത്തി​ൽ സ​ർ​ക്കോ​യു​ടെ വീ​ടും സ്ഥ​ല​വു​മെ​ല്ലാം നാ​മ​വ​ശേ​ഷ​മാ​യി.

ആ​കെ​യു​ള്ള കി​ട​പ്പാ​ടം ന​ഷ്ട​പ്പെ​ട്ട​തോ​ടെ സ​ർ​ക്കോ തെ​രു​വി​ലേ​ക്കി​റ​ങ്ങി. എ​ന്നാ​ൽ ക​ടു​ത്ത ത​ണു​പ്പി​ൽ തെ​രു​വി​ൽ ത​നി​ക്ക് അ​ധി​ക​കാ​ലം ജീ​വ​നോ​ടെ തു​ട​രാ​ൻ ക​ഴി​യി​ല്ലെ​ന്ന് തി​രി​ച്ച​റി​ഞ്ഞ​തോ​ടെ ഒ​രു ’കൂ​ര’ തേ​ടി സ​ർ​ക്കോ അ​ല​ഞ്ഞു. അ​ങ്ങ​നെ​യാ​ണ് ബാ​വി​നാ ന​ദി​തീ​ര​ത്തു​ള്ള ഗു​ഹാ​മു​ഖ​ത്ത് എ​ത്തു​ന്ന​ത്. യു​ദ്ധ​കാ​ല​ത്ത് സ്ഫോ​ട​ക വ​സ്തു​ക്ക​ൾ സൂ​ക്ഷി​ക്കാ​ൻ ഉ​പ​യോ​ഗി​ച്ചി​രു​ന്ന ഗു​ഹ അ​ങ്ങ​നെ സ​ർ​ക്കോ​യ്ക്ക് വീ​ടാ​യി മാ​റി.

വൈ​ദ്യു​തി​യും കി​ട​ക്ക​യും ഒ​ന്നു​മി​ല്ലെ​ങ്കി​ലും മ​രം കോ​ച്ചു​ന്ന ത​ണു​പ്പി​നെ അ​തി​ജീ​വി​ക്കാ​ൻ ഗു​ഹ​യു​ടെ ക​രി​ങ്ക​ൽ ഭി​ത്തി​ക്ക് ക​ഴി​വു​ണ്ടെ​ന്ന് സ​ർ​ക്കോ പ​റ​യു​ന്നു. ത​നി​ക്കു മു​ന്നി​ലൂ​ടെ ഒ​ഴു​കു​ന്ന ന​ദി​യി​ലെ പ​ച്ച​വെ​ള്ളം കു​ടി​ച്ചും ച​വ​റ്റു കൂ​ന​യി​ലെ ഭ​ക്ഷ​ണം ക​ഴി​ച്ചു​മാ​ണ് ഈ 62 ​കാ​ര​ൻ ജീ​വ​ൻ നി​ല​നി​ർ​ത്തു​ന്ന​ത്. ച​വ​റ്റു​കൂ​ന​യി​ൽ നി​ന്ന് ഒ​ന്നും കി​ട്ടി​യി​ല്ലെ​ങ്കി​ൽ ഈ ​വാ​ർ​ധ​ക്യ​ത്തി​ലും വി​റ​ക് വെ​ട്ടി ആ​ഹാ​ര​ത്തി​നു​ള്ള വ​ക ക​ണ്ടെ​ത്തും സ​ർ​ക്കോ. യു​ദ്ധം ന​ഷ്ട​പ്പെ​ടു​ത്തി​യ കി​ട​പ്പാ​ട​ത്തി​ന് ന​ഷ്ട​പ​രി​ഹാ​രം തേ​ടി സ​ർ​ക്കോ ഇ​ന്നു വ​രെ അ​ധി​കൃ​ത​രെ സ​മീ​പി​ച്ചി​ട്ടി​ല്ല. ആ​രോ​ടും പ​രാ​തി​യു​മി​ല്ല. അ​ടു​ത്ത പ്ര​ഭാ​ത​ത്തി​ൽ ച​വ​റ്റു​കൂ​ന പ​രി​ശോ​ധി​ക്കു​ന്പോ​ൾ ക​ഴി​ക്കാ​ൻ എ​ന്തെ​ങ്കി​ലും ഉ​ണ്ടാ​വ​ണ​മേ എ​ന്ന പ്രാ​ർ​ഥ​ന​യ​ല്ലാ​തെ മ​റ്റ് അ​തി​മോ​ഹ​ങ്ങ​ളും ഈ ​ഗു​ഹാ നി​വാ​സി​ക്കി​ല്ല.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.