ഇടഞ്ഞാൽ ഞെക്കിക്കൊല്ലും; പക്ഷേ ഇണങ്ങിയാൽ കഴുത്ത് മസാജ് ചെയ്യും

Wednesday, March 22, 2017 6:41 AM IST

ജർമനിയിലെ ട്രസ്ടെണിൽ ഒരു ബാർബർ ഷോപ്പുണ്ട്. ചെറിയ ഈ ബാർബർഷോപ്പ് ലോകപ്രശസ്തമാക്കിയത് ഇവിടത്തെ ഒരു തൊഴിലാളിയാണ്. മോണ്ടി എന്നു പേരുള്ള ഒരു പെരുന്പാന്പാണ് ഈ തൊഴിലാളി.മുടിവെട്ടാൻ എത്തുന്നവർക്ക് കഴുത്ത് മസാജ് ചെയ്തു കൊടുക്കുന്ന ഒരു പതിവ് ഇവിടെയുണ്ട്. ഇതാണ് മോണ്ടിയുടെ പണി. കഴുത്തിൽ ചുറ്റിക്കിടന്ന് മസാജ് ചെയ്തു കൊടുക്കുക.

കഴിഞ്ഞ പതിമൂന്ന് വർഷമായി മോണ്ടി ഇവിടെ സേവനം ചെയ്യുന്നുണ്ട്. ഈ ബാർബർ ഷോപ്പിന്‍റെ പ്രധാന ആകർഷണവും മോണ്ടി തന്നെ.ശരീരത്തിന്‍റെ 90 ശതമാനവും മസിലുകളുള്ള പെരുന്പാന്പുകൾക്ക് നന്നായി മസാജ് ചെയ്യാൻ സാധിക്കുമെന്ന് ബാർബർ ഷോപ്പിന്‍റെ ഉടമയായ ഫ്രാങ്ക് ഡോലൻ പറയുന്നു. പാന്പു മസാജിനായി ഇവിടെ സ്ഥിരം എത്തുന്ന ആളുകളുമുണ്ട്.

ഇരയെ ചുറ്റി ശ്വാസം മുട്ടിച്ചുകൊല്ലുന്ന പതിവാണ് പെരുന്പാന്പുകൾക്കുള്ളത്. എന്നാൽ വയറു നിറഞ്ഞിരിക്കുന്ന അവസ്ഥയിൽ അവർ ആരേയും ഉപദ്രവിക്കാറില്ലത്രേ. പാന്പു മസാജിന് പ്രത്യേകം ഫീസൊന്നുമില്ലെങ്കിലും മസാജിനുശേഷം മോത്തിക്കു ഭക്ഷണം വാങ്ങാൻ എന്തെങ്കിലുമൊരു തുക കൊടുത്തിട്ടേ ആളുകൾ മടങ്ങു. പാന്പിന് വിശന്നാൽ പണികിട്ടിയാലോ !

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.