പരാതി കേള്‍ക്കാം, ആദ്യം തലതുവര്‍ത്തട്ടെ..! കാക്കിക്കുള്ളിലെ മനുഷ്യത്വത്തിന്‍റെ നേര്‍ക്കാഴ്ചയായി ഒരു ചിത്രം
Monday, June 26, 2017 8:16 AM IST
സു​കൃ​തം പെ​യ്തി​റ​ങ്ങി​യ ചെ​റി​യ പെ​രു​ന്നാ​ൾ ദി​ന​ത്തോ​ട​നു​ബ​ന്ധി​ച്ച് കാ​ക്കി​ക്കു​ള്ളി​ലെ മ​നു​ഷ്വ​ത്വ​ത്തി​ന്‍റെ നേ​ർ​ക്കാ​ഴ്ച സ​മൂ​ഹ മാ​ധ്യ​മ​ങ്ങ​ളി​ൽ വൈ​റ​ലാ​യി​മാ​റി. ക​രി​ങ്കു​ന്നം പോ​ലീ​സ് സ്റ്റേ​ഷ​നി​ൽ പ​രാ​തി പ​റ​യാ​നെ​ത്തി​യ വി​ദ്യാ​ർ​ഥി​യു​ടെ ത​ല തു​വ​ർ​ത്തി​ക്കൊ​ടു​ക്കു​ന്ന പോ​ലീ​സു​കാ​ര​ന്‍റെ ചി​ത്ര​മാ​ണ് സ​മൂ​ഹ മാ​ധ്യ​മ​ങ്ങ​ളി​ൽ ത​രം​ഗ​മാ​യ​ത്. ഇ​തോ​ടെ മ​ക​നെ​പ്പോ​ലെ വി​ദ്യാ​ർ​ഥി​യെ ത​ല തു​വ​ർ​ത്തി​ക്കൊ​ടു​ക്കു​ന്ന സ്റ്റേ​ഷ​നി​ലെ സീ​നി​യ​ർ സി​വി​ൽ പോ​ലീ​സ് ഓ​ഫീ​സ​ർ മു​ഹ​മ്മ​ദ് അ​ന​സും താ​ര​മാ​യി.

ക​ഴി​ഞ്ഞ വ്യാ​ഴാ​ഴ്ച​യാ​ണ് ദൃ​ശ്യ​ത്തി​നാ​സ്പ​ദ​മാ​യ സം​ഭ​വം . തൊ​ടു​പു​ഴ-​പാ​ല റൂ​ട്ടി​ൽ മാ​ന​ത്തൂ​ർ സ്വ​കാ​ര്യ സ്കൂ​ളി​ൽ എ​ട്ടാം ക്ലാ​സി​ൽ പ​ഠി​ക്കു​ന്ന ഷെ​ൽ​ബി​ൻ ആ​ണ് പ​രാ​തി ന​ൽ​കാ​ൻ സ്റ്റേ​ഷ​നി​ൽ ന​ന​ഞ്ഞൊ​ലി​ച്ചെ​ത്തി​യ​ത്. ഷെ​ൽ​ബി​ൻ ബ​സ് ക​യ​റു​ന്ന കു​ഴി​മ​റ്റ​ത്ത് രാ​വി​ലെ സ്വ​കാ​ര്യ ബ​സു​ക​ൾ പ​തി​വാ​യി നി​ർ​ത്തു​ന്നി​ല്ലാ​യെ​ന്നാ​യി​രു​ന്നു പ​രാ​തി. മ​റ്റാ​രോ​ടും പ​റ​യാ​തെ​യാ​ണ് നീ​തി തേ​ടി ഈ ​എ​ട്ടാം ക്ലാ​സു​കാ​ര​ൻ പോ​ലീ​സ് സ്റ്റേ​ഷ​നി​ലെ​ത്തി​യ​ത്. എ​ന്നാ​ൽ ന​ന​ഞ്ഞൊ​ലി​ച്ച് പ​രാ​തി പ​റ​യാ​നെ​ത്തി​യ ഷെ​ൽ​ബി​ന്‍റെ ത​ല തു​വ​ർ​ത്തി ക്കൊ​ടു​ക്കു​ക​യാ​യി​രു​ന്നു മു​ഹ​മ്മ​ദ് അ​ന​സ് എ​ന്ന പോ​ലീ​സു​കാ​ര​ൻ ആ​ദ്യം ചെ​യ്ത​ത്.

പി​ന്നീ​ട് എ​സ്ഐ എം.​എം.​വി​ജ​യ​ന്‍റെ മു​ന്നി​ൽ കു​ട്ടി​യെ​യെ​ത്തി​ച്ചു. എ​സ്.​ഐ ഉ​ട​ൻ ത​ന്നെ കു​ട്ടി​യെ ക​യ​റ്റാ​തെ പോ​യ ബ​സി​ന്‍റെ ഉ​ട​മ​യെ​യും ജീ​വ​ന​ക്കാ​രെ​യും വി​ളി​ച്ചു വ​രു​ത്തി മേ​ലി​ൽ ആ​വ​ർ​ത്തി​ക്ക​രു​തെ​ന്ന താ​ക്കീ​തും ന​ൽ​കി. തു​ട​ർ​ന്ന് ഷെ​ൽ​ബി​നെ ആ​ശ്വ​സി​പ്പി​ച്ച് മ​ഴ തോ​ർ​ന്ന ശേ​ഷ​മാ​ണ് സ്റ്റേ​ഷ​നി​ൽ നി​ന്നും പ​റ​ഞ്ഞു വി​ട്ട​ത്. പ​ല​പ്പോ​ഴും സ്റ്റോ​പ്പി​ൽ നി​ന്നും ക​യ​റാ​ൻ യാ​ത്ര​ക്കാ​രി​ല്ലാ​ത്ത​തി​നാ​ലാ​ണ് ബ​സു​കാ​ർ കു​ഴി​മ​റ്റം സ്റ്റോ​പ്പി​ൽ നി​ർ​ത്താ​തെ പോ​കു​ന്ന​ത്.

പോ​ലീ​സ് സ്റ്റേ​ഷ​നു​ക​ളെ​ക്കു​റി​ച്ചു​ള്ള പൊ​തു സ​മൂ​ഹ​ത്തി​ന്‍റെ കാ​ഴ്ച​പ്പാ​ടു മാ​റ്റി​മ​റി​ക്കു​ന്ന​താ​യി ക​രി​ങ്കു​ന്നം സ്റ്റേ​ഷ​നി​ൽ നി​ന്നു​ള്ള ഹൃ​ദ​യ​സ്പ​ർ​ശി​യാ​യ ഈ ​ചി​ത്രം. സം​ഭ​വ​ത്തെ​ക്കു​റി​ച്ച് ചോ​ദി​ച്ച​പ്പോ​ൾ സ്വ​ന്തം മ​ക്ക​ളെ​പ്പോ​ലെ​യ​ല്ലെ എ​ല്ലാ കു​ട്ടി​ക​ളും - അ​താ​ണ് ഷെ​ൽ​ബി​ൻ ന​ന​ഞ്ഞു ക​യ​റി വ​ന്ന​പ്പോ​ൾ ചേ​ർ​ത്തു നി​ർ​ത്തി ത​ല തു​വ​ർ​ത്തി​ക്കൊ​ടു​ത്ത​തെ​ന്നാ​യി​രു​ന്നു മു​ഹ​മ്മ​ദ് അ​ന​സി​ന്‍റെ മ​റു​പ​ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.