"നിങ്ങളുടെ വിലക്കിന്‍റെ ശക്തി നിങ്ങളും സിനിമയുടെ ശക്തി ഞങ്ങളും കാണിക്കാം..'

Saturday, July 1, 2017 11:06 AM IST

അമൽ നീരദിന്‍റെയും അൻവർ റഷീദിന്‍റെയും നിർമാണ-വിതരണ കന്പനികൾക്ക് വിതരണക്കാർ വിലക്കേർപ്പെടുത്തിയതിനെ വെല്ലുവിളിച്ച് സംവിധായകൻ ആഷിക് അബു. ഞങ്ങൾ സിനിമകൾ ചെയ്യും, വിതരണം ചെയ്യും, നാട്ടുകാര് കാണുകയും ചെയ്യും. ഒരു സംശയവും അതിൽ വേണ്ട. നിങ്ങളുടെ വിലക്കിന്‍റെ ശക്തി നിങ്ങളും സിനിമയുടെ ശക്തി ഞങ്ങളും കാണിക്കാമെന്ന് ആഷിഖ് അബു ഫേസ്ബുക്കിൽ കുറിച്ചു.

മൾട്ടിപ്ലെക്സ് സമരത്തിൽ നിന്ന് പിൻമാറിയതിന്‍റെ പേരിലാണ് അമൽ നീരദ് സംവിധാനം ചെയ്ത സിഐഎ ഉൾപ്പെടെയുള്ള സിനിമകൾക്ക് നേരെ വിതരണക്കാരുടെ സംഘടന പ്രതികാര നടപടി തുടങ്ങിയത്. മൾട്ടിപ്ലക്സ് സമരം ഒത്തുതീർപ്പിലെത്തിയെങ്കിലും സമരത്തിൽനിന്നു വിട്ടുനിന്ന സിനിമയുടെ നിർമാതാക്കൾക്കു നേർക്ക് വിതരണക്കാരുടെ സംഘടന വിലക്കേർപ്പെടുത്തുകയായിരുന്നു. ഇത് സംബന്ധിച്ച് ഒൗദ്യോഗിക അറിയിപ്പ് നൽകാതെയാണ് വിലക്ക്.

അൻവർ റഷീദ് എന്‍റർടെയിൻമെന്‍റ്, അമൽ നീരദ് പ്രൊഡക്ഷൻസ്, എ ആൻഡ് എ റീലീസ് എന്നീ ബാനറുകൾക്ക് അപ്രഖ്യാപിത വിലക്ക് തുടരുന്ന സാഹചര്യത്തിൽ ഈ ബാനറുകളുടെ പറവാ, ട്രാൻസ് എന്നീ സിനിമകളുടെ റിലീസിംഗ് പ്രതിസന്ധിയിലാകുമെന്ന് ഈ സിനിമകളുടെ നിർമാതാക്കളായ അമൽ നീരദും അൻവർ റഷീദും തുറന്നടിച്ചിരുന്നു.

തിയറ്റുടമകളുടെ വിതരണക്കാരുടെയും നിർമ്മാതാക്കളുടെയും കോർ കമ്മിറ്റിക്ക് നേതൃത്വം നൽകുന്നത് ദിലീപ് ആണ്. ഈ ബാനറുകളുടെ വിലക്ക് നീക്കുമെന്ന് ദിലീപ് ഉറപ്പുനൽകിയിരുന്നുവെങ്കിലും വിലക്ക് നീങ്ങിയില്ലെന്ന് അമലും അൻവറും പറയുന്നു. നിലവിൽ ഫിലിം എക്സിബിറ്റേഴ്സ് യുണൈറ്റഡ് ഓർഗനൈസേഷൻ ഓഫ് കേരളയുടെ പ്രസിഡന്‍റാണ് ദിലീപ്.

ആഷിക് അബുവിന്‍റെ ഫേസ്ബുക്ക് പോസ്റ്റ്:

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.