ഞാനും അമ്മയല്ലേ..! പുലിക്കുഞ്ഞിനെ മുലയൂട്ടുന്ന സിംഹിയുടെ ചിത്രങ്ങൾ വൈറൽ

Friday, July 14, 2017 5:08 AM IST

മാതൃസ്നേഹത്തിന് പകരം വയ്ക്കാൻ ഈ ലോകത്തിൽ മറ്റൊന്നുമില്ല. അത് മനുഷ്യന്‍റെ കാര്യത്തിലായാലും മൃഗങ്ങളുടെ കാര്യത്തിലായാലും. ഇതിനു തെളിവെന്ന നിലയിൽ ഹൃദയ സ്പർശിയായ ചിത്രങ്ങൾ നവമാധ്യമങ്ങളിൽ വ്യാപകമായി പ്രചരിക്കുകയാണ്. ടാൻസാനിയായിലെ സെറൻഗെതി വനത്തിലാണ് ഈ രംഗങ്ങൾ അരങ്ങേറിയത്. പെണ്‍സിംഹം ഒരു പുലിക്കുഞ്ഞിനെ മുലയൂട്ടുന്നതാണ് ഈ ചിത്രങ്ങളിലുള്ളത്.

പുലികളും സിംഹങ്ങളുമായി സാധാരണ അത്ര ചേർച്ചയിലല്ല. എന്നാൽ ഈ പുലിക്കുഞ്ഞിനെ വളരെ സ്നേഹത്തോടെയാണ് സിംഹി മുലയൂട്ടി പരിചരിക്കുന്നത്. ടാൻസാനിയായിലെ ൻദുദു സഫാരി ലോഡ്ജിനു സമീപത്തെ സംരക്ഷണ കേന്ദ്രത്തിൽ നിന്നുമാണ് നൊസികിതോക്ക് എന്ന ഈ സിംഹിക്ക് പുലിക്കുഞ്ഞിനെ ലഭിച്ചത്. അഞ്ച് വയസുള്ള ഈ സിംഹിക്ക് മൂന്ന് കുഞ്ഞുങ്ങളുമുണ്ട്. പുലിക്കുഞ്ഞിന്‍റെ അമ്മയ്ക്ക് എന്തു സംഭവിച്ചു എന്നത് വ്യക്തമല്ല.

സിംഹങ്ങൾ മറ്റ് സിംഹങ്ങൾക്കുണ്ടാകുന്ന കുട്ടികളെ പരിചരിക്കുന്നത് കണ്ടിട്ടുണ്ട്. എന്നാൽ ഒരു പുലിക്കുഞ്ഞിനെ പരിചരിക്കുന്നത് ആദ്യത്തെ അനുഭവമെന്നാണ് ഗ്ലോബൽ കാറ്റ് കണ്‍സർവേഷൻ ഓർഗനൈസേഷൻ പ്രസിഡന്‍റ് ഡോ. ലൂക്ക് ഹണ്ടർ പറയുന്നത്. അമ്മ ഇല്ലാതിരുന്നിട്ടും സിംഹിയുടെ പരിചരണം ലഭിച്ച ഈ പുലിക്കുഞ്ഞ് ഭാഗ്യവാനാണെന്നും ഹണ്ടർ പറയുന്നു.

ചിത്രങ്ങൾ കാണാം:

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.