17 വ​ർ​ഷ​ത്തെ കാ​ത്തി​രി​പ്പി​നു ശേഷം ഹാനി ഉമ്മയെ കണ്ടു; നിമിത്തമായത് പാക്കിസ്ഥാൻകാരൻ
Friday, August 18, 2017 5:48 AM IST
പ​തിനേഴു വ​ർ​ഷ​ത്തെ കാ​ത്തി​രി​പ്പി​നൊ​ടു​വി​ൽ നൂ​ർ​ജ​ഹാ​ൻ ക​ണ്ടു... താ​ൻ നൊ​ന്തു പെ​റ്റ പൊ​ന്നോ​മ​ന ഹാ​നി​യെ. ഈ ​അ​വി​സ്മ​ര​ണീ​യ മു​ഹൂ​ർ​ത്ത​ത്തി​ന് നിമിത്തമായതാകട്ടെ, ഒ​രു പാ​ക്കി​സ്ഥാ​ൻ സ്വ​ദേ​ശി​യും.

സു​ഡാ​ൻ സ്വ​ദേ​ശി​യാ​യ ഹാ​നി​യു​ടെ പി​താ​വ് പ​ഠി​ക്കാ​ൻ കേ​ര​ള​ത്തി​ൽ എ​ത്തി​യ​പ്പോ​ഴാ​ണ് നൂ​ർ​ജ​ഹാ​നെ പ​രി​ച​യ​പ്പെ​ടു​ന്ന​തും വി​വാ​ഹം ചെ​യ്യു​ന്ന​തും. പി​ന്നീ​ട് ഹാ​നി​യു​ൾ​പ്പ​ടെ നാ​ലു കു​ട്ടി​ക​ൾ ജ​നി​ക്കു​ക​യും ചെ​യ്തു. സ​ഹോ​ദ​ര​ങ്ങ​ൾ ത​മ്മി​ൽ പ​ര​സ്പ​രം സ്നേ​ഹി​ച്ചു കൊ​തി​തീ​രു​ന്ന​തി​നു മു​ന്പേ ദാമ്പത്യപ്ര​ശ്ന​ത്തി​ന്‍റെ പേ​രി​ൽ അ​ദ്ദേ​ഹം കു​ഞ്ഞു ഹാ​നി​യു​മാ​യി സു​ഡാ​നി​ലേ​ക്ക് പോ​കു​ക​യാ​യി​രു​ന്നു. താ​ൻ എ​വി​ടേ​ക്കാ​ണ് പോ​കു​ന്ന​തെ​ന്നോ എ​ന്തി​നാ​ണ് പോ​കു​ന്ന​തെ​ന്നോ അ​ന്ന് ഹാ​നി​ക്കു മ​ന​സി​ലാ​യി​രു​ന്നി​ല്ല. അ​വി​ടെ ചെ​ന്ന​തോ​ടെ അ​ച്ഛ​ൻ വീ​ണ്ടും വി​വാ​ഹി​ത​നാ​യി. അ​ച്ഛ​നും ര​ണ്ടാ​ന​മ്മ​യും ചേ​ർ​ന്ന് ത​ന്നെ എ​ന്നും ഉ​പ​ദ്ര​വി​ക്കു​മാ​യി​രു​ന്നു​വെ​ന്നും ഹാ​നി പ​റ​ഞ്ഞു.



അ​ന്നും അ​മ്മ​യേ​യും സ​ഹോ​ദ​ര​ങ്ങ​ളെ​യും കാ​ണാ​നു​ള്ള ആ​ഗ്ര​ഹം ത​ന്‍റെ മ​ന​സി​ൽ ഹാ​നി നി​ധി പോ​ലെ സൂ​ക്ഷി​ച്ചി​രു​ന്നു. തു​ട​ർ​ന്ന് അ​ച്ഛ​ന​റി​യാ​തെ ത​ന്‍റെ ജ​ന​ന സ​ർ​ട്ടി​ഫി​ക്ക​റ്റും അ​മ്മ​യു​ടെ ഫോ​ട്ടോ​യും അ​ച്ഛ​ന്‍റെ​യും അ​മ്മ​യു​ടെ​യും വി​വാ​ഹ സാ​ക്ഷ്യ​പ​ത്ര​വു​മൊ​ക്കെ ഹാ​നി സു​ഡാ​നി​ൽ താ​മ​സി​ക്കു​ന്ന മ​ല​യാ​ളി​ക​ളെ കാ​ണി​ക്കു​മാ​യി​രു​ന്നു. ആ​ദ്യ​മൊ​ക്കെ നി​രാശ​യാ​യി​രു​ന്നു ഫ​ലം. അ​വ​സാ​നം ക​ഥ കേ​ട്ട മ​ണ്ണാ​ർ​ക്കാ​ട്ട് സ്വ​ദേ​ശി​യാ​യ ഫാ​റൂ​ഖ് ഹാ​നി​യെ സ​ഹാ​യി​ക്കാ​നാ​യി ഫേ​സ്ബു​ക്കി​ൽ പോ​സ്റ്റി​ടു​ക​യാ​യി​രു​ന്നു. ഇ​ത് അ​ബു​ദാ​ബി​യി​ൽ ജോ​ലി ചെ​യ്യു​ന്ന ഹാ​നി​യു​ടെ സ​ഹോ​ദ​രി ഷ​മീ​റ​യു​ടെ ബ​ന്ധു​വാ​യ റ​ഹീം അ​റി​യു​ക​യും നാ​ട്ടി​ലു​ള്ള​വ​രെ അ​റി​യി​ക്കു​ക​യു​മാ​യി​രു​ന്നു. മാ​ത്ര​മ​ല്ല ദു​ബാ​യി​ൽ ജോ​ലി ചെ​യ്യു​ന്ന ഷ​മീ​റ​യും സം​ഭ​വം അ​റി​ഞ്ഞു.

പി​ന്നെ പ​ണം സ്വ​രുക്കൂട്ടി ഹാ​നി​യെ ദു​ബാ​യി​ൽ എ​ത്തി​ക്കാ​നു​ള്ള ശ്ര​മ​മാ​യി​രു​ന്നു ഷ​മീ​റ​യ്ക്ക്. ദു​ബാ​യി​യി​ൽ വ​ച്ച് സ​ഹോ​ദ​രി​യു​ടെ ഫോ​ണി​ൽ നി​ന്നും അ​മ്മ​യെ വി​ളി​ച്ചി​രു​ന്നു. എ​ന്നാ​ൽ മ​ല​യാ​ളം അ​റി​യാ​ഞ്ഞ​തി​നാ​ൽ അ​മ്മ എ​ന്താ​ണ് പ​റ​ഞ്ഞ​തെ​ന്ന് ഹാ​നി​ക്ക് മ​ന​സി​ലാ​യ​തു​മി​ല്ല.




ഇ​പ്പൊ​ഴി​താ വ​ർ​ഷ​ങ്ങ​ൾ​ക്ക് ശേ​ഷം ത​ന്‍റെ പെ​റ്റ​മ്മ​യെ കാ​ണ​ണ​മ​ന്നു​ള്ള ആ​ഗ്ര​ഹം ഹാ​നി സാ​ധി​ച്ചു. ന​ഷ്ട​പ്പെ​ട്ട​ത് തി​രി​ച്ചുകി​ട്ടി​യെ​ന്ന് സ്വ​യം പ​റ​ഞ്ഞ് പ​ഠി​പ്പി​ച്ചെ​ങ്കി​ലും മ​ന​സി​നെ നി​യ​ന്ത്രി​ക്കാ​ൻ നൂ​ർ​ജ​ഹാ​നു കഴിഞ്ഞില്ല. ഒ​രി​ക്ക​ലും കാ​ണാ​ൻ ക​ഴി​യി​ല്ലെ​ന്നു ക​രു​തി​യ പെ​റ്റ​മ്മ​യെ ക​ണ്ട സ​ന്തോ​ഷ​ത്തി​ൽ ഹാ​നി​ക്കും ക​ണ്ണീ​രി​നെ നി​യ​ന്ത്രി​ക്കാ​ൻ സാ​ധി​ച്ചി​ല്ല. പൊ​ട്ടി​ക്ക​ര​ഞ്ഞു​കൊ​ണ്ടാ​ണ് അ​മ്മ​യെ ഹാ​നി കെ​ട്ടി​പ്പി​ടി​ച്ച​ത്. ഈ അ​സു​ല​ഭ മു​ഹൂ​ർ​ത്തത്തി​ന് സാ​ക്ഷി​ക​ളാ​കാ​ൻ ഭാ​ഗ്യം ചെ​യ്ത​ത് ഷാ​ർ​ജ വി​മാ​ന​ത്തി​ലെ അ​ധി​കൃ​ത​രും യാ​ത്ര​ക്കാ​രും സ​ഹോ​ദ​രി ഷ​മീ​റ​യു​മാ​യി​രു​ന്നു.



അ​ന്താ​രാ​ഷ്ട്ര മാ​ധ്യ​മ​ങ്ങ​ളു​ടെ വ​രെ ശ്ര​ദ്ധ​നേ​ടി​യ ഈ ​സം​ഭ​വം അ​റി​ഞ്ഞ​തി​നെ തു​ട​ർ​ന്ന് പാ​ക്കി​സ്ഥാ​ൻ സ്വ​ദേ​ശി​യാ​യ ത്വ​ൽ​ഹാ ഷാ ​ആ​ണ് നൂ​ർ​ജ​ഹാ​ന് ഷാ​ർ​ജ​യി​ലേ​ക്കു​ള്ള വി​മാ​ന ടി​ക്ക​റ്റ് ത​ര​പ്പെ​ടു​ത്തി ന​ൽ​കി​യ​ത്. മാ​ത്ര​മ​ല്ല ഷാ​ർ​ജ​യി​ലെ ത​ന്‍റെ സ്ഥാ​പ​ന​ത്തി​ൽ ഹാ​നി​ക്ക് ജോ​ലി ന​ൽ​കാ​നും അ​ദ്ദേ​ഹം താ​ത്പ​ര്യം പ്ര​ക​ടി​പ്പി​ച്ചു. പ​ക്ഷെ പ്ര​ശ​സ്ത​മാ​യ ഒ​രു ടൈ​പ്പിം​ഗ് സ്ഥാ​പ​ന​ത്തി​ൽ ജോ​ലി ല​ഭി​ച്ച​തി​നാ​ൽ ഹാ​നി​ക്ക് ആ ​വാ​ഗ്ദാ​നം സ്വീ​ക​രി​ക്കാ​നാ​യി​ല്ല. കഴിഞ്ഞ 16 വ​ർ​ഷ​ത്തെ ക​ഥ​ക​ൾ പ​റ​യാ​നു​ള്ള തി​ടു​ക്ക​ത്തി​ലാ​ണ് ഈ ​അ​മ്മ​യും മ​ക​നു​മി​പ്പോ​ൾ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.