ഈരാറ്റുപേട്ടക്കാരുടെ ചങ്ക് ബസ് തിരിച്ചെത്തി; പരാതിക്കാരിയെ ‘കാണാനില്ല’
ഈ​രാ​റ്റു​പേ​ട്ട​ക്കാ​രു​ടെ ച​ങ്കാ​യ ആ​ർ​എസ്‌‌സി 140 കെഎ​സ്ആ​ർ​ടി​സി വേ​ണാ​ട് ബ​സ് താ​ര​പ​ദ​വി​യോ​ടെ ഡി​പ്പോ​യി​ലേ​ക്കു തി​രി​ച്ചെ​ത്തി​യെ​ങ്കി​ലും ആ​ലു​വ ഡി​പ്പോ​യി​ലേ​ക്കു ഫോ​ണ്‍ വി​ളി​ച്ച കോ​ള​ജ് വി​ദ്യാ​ർ​ഥി​നി​യെ അ​ന്വേ​ഷി​ക്കു​ക​യാ​ണ് എ​ല്ലാ​വ​രും.

ബ​സ് തി​രി​കെ ല​ഭി​ച്ച​തി​ന്‍റെ സ​ന്തോ​ഷ​ത്തി​ലും എ​ല്ലാ​വ​രും പ​ര​സ്പ​രം ചോ​ദി​ക്കു​ന്ന​തു ഫോ​ണ്‍ വി​ളി​ച്ച​താ​ര് എ​ന്നാ​ണ്. ബ​സ് തി​രി​ച്ചു കി​ട്ടി​യി​ട്ടും ഒ​ളി​ച്ചി​രി​ക്കു​ന്ന വി​ദ്യാ​ർ​ഥി​നി​യെ തെര​യു​ക​യാ​ണ് പ​ല​രും.

അ​തേ​സ​മ​യം, അ​തു പെ​ൺ​കു​ട്ടി​യ​ല്ലെ​ന്നു​ള്ള സം​ശ​യ​വും ഉ​ന്ന​യി​ക്ക​പ്പെ​ടു​ന്നു​ണ്ട്. ശ​ബ്ദം പെ​ൺ​കു​ട്ടി​യു​ടേ​താ​ണെ​ങ്കി​ലും സം​സാ​ര ശൈ​ലി​യും ഭാ​ഷ​യു​മൊ​ക്കെ ന്യൂ​ജെ​ൻ പ​യ്യ​ൻ​സി​ന്‍റേ​താ​കാ​നാ​ണു സാ​ധ്യ​ത. മാ​ത്ര​വുമ​ല്ല, കെ​എ​സ്ആ​ർ​ടി​സി ഉ​ദ്യോ​ഗ​സ്ഥ​നെ ഫോ​ണി​ൽ​വി​ളി​ച്ച് ഇ​ത്ര ധീ​ര​മാ​യി കാ​ര്യം പ​റ​ഞ്ഞ വി​ദ്യാ​ർ​ഥി​നി​ക്ക് ബ​സ് തി​രി​ച്ചു​കി​ട്ടി​യ​പ്പോ​ൾ നാ​ണി​ച്ച് മാ​റി നി​ൽ ക്കേ​ണ്ട കാ​ര്യ​വു​മി​ല്ല. ഇ​തു​വ​രെ പെ​ൺ​കു​ട്ടി പ​ര​സ്യ​മാ​യി രം​ഗ​ത്തെ​ത്തി​യി​ട്ടി​ല്ല. ശ​ബ്ദം മാ​റ്റി കേ​ൾ​പ്പി​ക്കാ​നാ​കു​ന്ന സോ​ഫ്റ്റ്‌​വെ​യ​ർ ഉ​പ​യോ​ഗി​ച്ച് ന​ട​ത്തി​യ ഓ​പ്പ​റേ​ഷ​നാ​കാ​നാ​ണ് സാ​ധ്യ​ത. പെ​ൺ​കു​ട്ടി രം​ഗ​ത്തെ​ത്താ​ത്ത​ത് ഈ ​സം​ശ​യ​ത്തെ ബ​ല​പ്പെ​ടു​ത്തു​ന്നു.

പെ​ണ്‍​കു​ട്ടി​യു​ടെ മൂ​ന്നു മി​നി​റ്റ് 56 സെ​ക്ക​ന്‍റു​ള്ള വോ​യ്സ് ക്ലിപ്പും ക​ണ്ട​ക്ട​റു​ടെ ഫേസ്ബുക്ക് കു​റി​പ്പും പ​രി​ഗ​ണി​ച്ചാ​ണു കെഎ​സ്ആ​ർ​ടി​സി എം​ഡി​യാ​യി ചു​മ​ത​ല​യേ​റ്റ ടോ​മി​ൻ ജെ. ​ത​ച്ച​ങ്ക​രി ബ​സ് ഈ​രാ​റ്റു​പേ​ട്ട ഡി​പ്പോ​യ്ക്കു തി​രി​ച്ചു​ന​ൽ​കാ​ൻ നി​ർ​ദേ​ശി​ച്ച​ത്.



ആ​ലു​വ​യി​ൽ നി​ന്നും ക​ണ്ണൂ​രി​ലേ​ക്കു മാ​റ്റി​യ ബ​സ് ബു​ധ​നാ​ഴ്ച പു​ല​ർ​ച്ചെ ത​ന്നെ ഈ​രാ​റ്റു​പേ​ട്ട ഡി​പ്പോ​യി​ൽ എ​ത്തി​ക്കു​ക​യും പ​തി​വ് റൂ​ട്ടി​ൽ സ​ർ​വീ​സ് ആ​രം​ഭി​ക്കു​ക​യും ചെ​യ്തി​രു​ന്നു.
ഈ​രാ​റ്റു​പേ​ട്ട-​കൈ​പ്പ​ള്ളി, കൈ​പ്പ​ള്ളി-​കോ​ട്ട​യം, കോ​ട്ട​യം-ക​ട്ട​പ്പ​ന റൂ​ട്ടി​ലാ​യി​രു​ന്നു ആ​ർ​എ​സി 140 ബ​സി​ന്‍റെ യാ​ത്ര. ബ​സ് ആ​ലു​വ​യ്ക്കു കൈ​മാ​റാ​നു​ള്ള നി​ർ​ദേ​ശ​ത്തെ തു​ട​ർ​ന്നു​ള്ള അ​വ​സാ​ന ട്രി​പ്പി​ന് ശേ​ഷ​മാ​ണ് ര​ണ്ട​ര​വ​ർ​ഷ​ത്തോ​ളം ബ​സി​ലെ ക​ണ്ട​ക്ട​റാ​യി​രു​ന്ന കെ.​എ. സ​മീ​ർ വി​കാ​ര​പ​ര​മാ​യ ഫേ​സ്ബു​ക്ക് പോ​സ്റ്റി​ട്ട​ത്.

പ​തി​വ് യാ​ത്ര​ക്കാ​രെ​യും സു​ഹൃ​ത്തു​ക്ക​ളെ​യും സ​മ്മാ​നി​ച്ച ബ​സി​നെ ദ​സ്ത​യേ​വി​സ്കി​യു​ടെ ‘അ​ന്ന’ യോ​ടാ​ണ് സ​മീ​ർ ഉ​പ​മി​ച്ചി​രു​ന്ന​ത്. ഈ ​ഫേ​സ്ബു​ക്ക് കു​റി​പ്പ് വൈ​റ​ലാ​യ​തോ​ടെ​യാ​ണു ബ​സി​ലെ സ്ഥി​രം യാ​ത്ര​ക്കാ​രി​യെ​ന്നു പ​രി​ച​യ​പ്പെ​ടു​ത്തി ആ​ലു​വ ഡി​പ്പോ​യി​ൽ ഫോ​ണ്‍ വി​ളി​ച്ചു ബ​സ് കൊ​ണ്ടു​പോ​യ​തി​നെ​തി​രെ പ​രി​ഭ​വം അ​റി​യി​ച്ച​ത്. ഈ ​വോ​യി​സ് ക്ലിപ്പാ​ണു കെഎസ്ആ​ർ​ടി​സി​യു​ടെ വ​ലി​യ ആ​രാ​ധി​ക എ​ന്ന പേ​രി​ൽ കേ​ര​ളം മു​ഴു​വ​ൻ സോ​ഷ്യ​ൽ മീ​ഡി​യ​യി​ലൂടെ പ്ര​ച​രി​ച്ച​ത്.

വ​രും ദി​വ​സ​ങ്ങ​ളി​ൽ ഫോ​ണ്‍ വി​ളി​ച്ച പെ​ണ്‍​കു​ട്ടി സോ​ഷ്യ​ൽ മീ​ഡി​യ​യി​ലൂടെ പു​റ​ത്തു​വ​രു​മെ​ന്ന പ്ര​തീ​ക്ഷ​യി​ലാ​ണു ഈ​രാ​റ്റു​പേ​ട്ട​യി​ലും സ​മീ​പ്ര​ദേ​ശ​ങ്ങ​ളി​ലു​മു​ള്ള​വ​ർ.​

അ​തേ​സ​മ​യം ആ​ർ​എസി140 ബ​സി​നു ‘ച​ങ്ക് ’എ​ന്നു ത​ന്നെ പേ​ര് ന​ല്കാ​നും എം​ഡി ടോ​മി​ൻ ജെ. ​ത​ച്ച​ങ്ക​രി നി​ർ​ദേ​ശം ന​ല്കി​യി​ട്ടു​ണ്ട്. കെഎ​സ്ആ​ർ​ടി​സി ബ​സു​ക​ളി​ൽ ഒ​രു ബ​സി​നു മാ​ത്രം പ്ര​ത്യേ​ക പേ​ര് ന​ല്കു​ന്ന​തും അ​പൂ​ർ​വ സം​ഭ​വ​മാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.