യൂ​ണി​ഫോ​മി​ൽ ഭി​ക്ഷ​യെ​ടു​ക്കാ​ൻ അ​നു​വ​ദി​ക്ക​ണം; മു​ഖ്യ​മ​ന്ത്രി​ക്ക് കോ​ണ്‍​സ്റ്റ​ബി​ളി​ന്‍റെ ക​ത്ത്
Thursday, May 10, 2018 10:01 AM IST
പോ​ലീ​സ് യൂ​ണി​ഫോ​മി​ൽ ഭി​ക്ഷ​യെ​ടു​ക്കാ​ൻ അ​നു​വാ​ദം തേ​ടി മ​ഹാ​രാ​ഷ്ട്ര പോ​ലീ​സ് കോ​ണ്‍​സ്റ്റ​ബി​ൾ. ഈ ​ആ​വ​ശ്യ​മു​ന്ന​യി​ച്ച് മ​ഹാ​രാ​ഷ്ട്ര മു​ഖ്യ​മ​ന്ത്രി ദേ​വേ​ന്ദ്ര ഫ​ഡ്നാ​വി​സി​നും പോ​ലീ​സ് ക​മ്മീ​ഷ​ണ​ർ​ക്കും ധ്യാ​നേ​ശ്വ​ർ അ​ഹി​രോ എ​ന്ന പോ​ലീ​സു​കാ​ര​ൻ ക​ത്ത​യ​ച്ചു. ര​ണ്ടു മാ​സ​മാ​യി ശ​ന്പ​ളം ല​ഭി​ക്കാ​ത്ത​തി​നെ തു​ട​ർ​ന്നാ​ണ് ധ്യാ​നേ​ശ്വ​റി​ന്‍റെ ക​ടു​ത്ത ന​ട​പ​ടി.

മും​ബൈ പോ​ലീ​സി​ലെ ലോ​ക്ക​ൽ ആം​സ് യൂ​ണി​റ്റി​ന്‍റെ ഭാ​ഗ​മാ​യ ധ്യാ​നേ​ശ്വ​റി​നെ ശി​വ​സേ​നാ ത​ല​വ​ൻ ഉ​ദ്ദ​വ് താ​ക്ക​റെ​യു​ടെ വ​സ​തി​യാ​യ മ​തോ​ശ്രീ​യി​ലെ സു​ര​ക്ഷാ ചു​മ​ത​ല​യി​ലാ​ണു നി​യോ​ഗി​ച്ചി​രു​ന്ന​ത്. ഭാ​ര്യ അ​പ​ക​ട​ത്തി​ൽ​പ്പെ​ട്ട​തി​നെ തു​ട​ർ​ന്ന് മാ​ർ​ച്ച് 20 മു​ത​ൽ 22 വ​രെ ധ്യാ​നേ​ശ്വ​ർ അ​വ​ധി​ക്ക് അ​പേ​ക്ഷ ന​ൽ​കി​യി​രു​ന്നു. പ​രി​ക്ക് ഗു​രു​ത​ര​മാ​യ​തി​നാ​ൽ 22ന് ​ധ്യാ​നേ​ശ്വ​റി​ന് ജോ​ലി​യി​ൽ തി​രി​കെ പ്ര​വേ​ശി​ക്കാ​ൻ ക​ഴി​ഞ്ഞി​ല്ല. അ​ഞ്ചു ദി​വ​സ​ത്തി​നു​ശേ​ഷ​മാ​ണ് ഇ​ദ്ദേ​ഹ​ത്തി​നു ജോ​ലി​യി​ൽ തി​രി​കെ പ്ര​വേ​ശി​ക്കാ​ൻ ക​ഴി​ഞ്ഞ​ത്. എ​ന്നാ​ൽ ഇ​തി​നു​ശേ​ഷം ധ്യാ​നേ​ശ്വ​റി​നു ശ​ന്പ​ളം ല​ഭി​ക്കു​ന്ന​ത് നി​ന്നു. എ​ന്നാ​ൽ ഇ​ത് സം​ബ​ന്ധി​ച്ചു വി​ശ​ദീ​ക​ര​ണ​ങ്ങ​ളൊ​ന്നും ല​ഭി​ച്ചി​ല്ല.

ശ​ന്പ​ളം ല​ഭി​ക്കു​ന്ന​ത് അ​വ​സാ​നി​ച്ച​തോ​ടെ താ​നും ത​ന്‍റെ കു​ടും​ബ​വും ക​ടു​ത്ത ദാ​രി​ദ്യ്ര​ത്തി​ലൂ​ടെ ക​ട​ന്നു​പോ​കു​ക​യാ​ണെ​ന്നും ഭാ​ര്യ​യു​ടെ ചി​കി​ത്സ​യ്ക്കു പോ​ലും പ​ണ​മി​ല്ലെ​ന്നും ധ്യാ​നേ​ശ്വ​ർ ക​ത്തി​ൽ പ​റ​യു​ന്നു. താ​ൻ അ​വ​ധി നീ​ട്ടി​യെ​ടു​ക്കു​ന്ന​തു സം​ബ​ന്ധി​ച്ച് മേ​ലു​ദ്യോ​ഗ​സ്ഥ​രെ ഫോ​ണി​ലൂ​ടെ അ​റി​യി​ച്ചി​രു​ന്ന​താ​യി ധ്യാ​നേ​ശ്വ​ർ വാ​ദി​ക്കു​ന്നു. ധ്യാ​നേ​ശ്വ​റി​ന്‍റെ ശ​ന്പ​ളം ത​ട​ഞ്ഞ​തു സം​ബ​ന്ധി​ച്ച ചോ​ദ്യ​ങ്ങ​ളോ​ട് ഇ​പ്പോ​ൾ പ്ര​തി​ക​രി​ക്കാ​ൻ ക​ഴി​യി​ല്ലെ​ന്നാ​യി​രു​ന്നു ഉ​ന്ന​ത പോ​ലീ​സ് ഉ​ദ്യോ​ഗ​സ്ഥ​രു​ടെ മ​റു​പ​ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.