രാഷ്ട്രീയമല്ല... സൗഹൃദമായിരുന്നു ഞങ്ങൾക്ക് വലുത്; അഭിമന്യുവിന്‍റെ ഓർമയിൽ മഹാരാജാസ് കെഎസ്‌യു

Thursday, July 5, 2018 2:35 PM IST

വേദനയുടെ ഓർമകൾ മാത്രം സമ്മാനിക്കുന്ന കാമ്പസ് കൊലപാതകങ്ങളിലെ അവസാനത്തെ രക്തസാക്ഷിയാണ് എറണാകുളം മഹാരാജാസ് കോളജിലെ ബിഎസ്‌സി കെമിസ്ട്രി രണ്ടാം വർഷ വിദ്യാർഥിയായിരുന്ന അഭിമന്യു. എസ്എഫ്ഐ എന്ന വിദ്യാർഥി സംഘടനയുടെ നേതാവായി കോളജിൽ പാറി പറന്നു നടന്ന അഭിമന്യു ചിറകറ്റ് വീണപ്പോൾ അണഞ്ഞത് കഷ്ടപ്പാടിൽ നിന്നും കരകയറാൻ പരിശ്രമിച്ചിരുന്ന ഒരു കുടുംബത്തിന്‍റെ സ്വപ്നങ്ങളാണ്.

അഭിമന്യു ഏറെ ഇഷ്ടപ്പെട്ട ആ കാമ്പസിലേക്ക് തന്നെ അവനെ ജീവനില്ലാതെ കൊണ്ടുവന്നപ്പോൾ അവസാനമായ് ഒരു നോക്കുകാണുവാനെത്തിയത് ജനസാഗരമായിരുന്നു. ഏങ്ങലടിച്ചു കരഞ്ഞ വിദ്യാർഥികളുടെയും വാക്കുകൾ പതറിയ അധ്യാപകരുടെയും മുഖത്തു നിന്നും നിസംശയം വായിച്ചറിയാമായിരുന്നു അവൻ അവർക്ക് ആരായിരുന്നുവെന്ന്. വെറും ഇരുപത് വയസ് പ്രായമുള്ള ആ കുട്ടിയുടെ നെഞ്ചിലേക്ക് ആഴ്ന്നിറങ്ങിയ കഠാരയുടെ മുർച്ചയ്ക്ക് ഒരിക്കലും മുറിച്ചെറിയുവാനാവില്ല മറ്റുള്ളവരുടെ മനസിലെ അവനെക്കുറിച്ചുള്ള ഓർമകളെ.

എസ്എഫ്ഐക്കാരനായിരുന്ന അഭിമന്യുവിനെക്കുറിച്ച് കെഎസ്‌യുക്കാർക്ക് പോലും നല്ലത് മാത്രമേ പറയാനുള്ളൂ. ലോകകപ്പ് ഫുട്ബോളിനോട് അനുബന്ധിച്ച് കെഎസ്‌യു നടത്തിയ ഷൂട്ടൗട്ട് മത്സരത്തിൽ അഭിമന്യുവിന്‍റെ ടീമും പങ്കെടുത്തിരുന്നു. അതിന്‍റെ നല്ല ഓർമകൾ കെഎസ്‌യും മഹാരാജാസ് യൂണിറ്റ് അവരുടെ ഫേസ്ബുക്ക് പേജിൽ പങ്കുവയ്ക്കുകയും ചെയ്തിട്ടുണ്ട്. അഭിമന്യൂ തങ്ങൾക്ക് എത്രമാത്രം പ്രിയപ്പെട്ടവനായിരുന്നുവെന്ന് കെഎസ്‌യുവിന്‍റെ ഈ കുറിപ്പിൽ നിന്നും വ്യക്തമാണ്.

മഹാരാജാസ് കെഎസ്‌യുവിന്‍റെ ഫേസ്ബുക്ക് പോസ്റ്റിന്‍റെ പൂർണരൂപം

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.