മ​ലാ​ല വീണ്ടും ക്ലാസ് റൂമിൽ; അഞ്ചു വർഷങ്ങൾക്കു ശേഷം
പാക്കിസ്ഥാനിൽ പെൺകുട്ടികളുടെ വിദ്യാഭ്യാസത്തിനു വേണ്ടി പോരാടിയതിന്‍റെ പേരിൽ താലിബാൻ തീവ്രവാദികളുടെ വെടിയേറ്റ മലാല യൂസഫ്സായി അഞ്ചു വർഷങ്ങൾക്കു ശേഷം വീണ്ടും ക്ലാസ് മുറിയിലെത്തി. പക്ഷേ ഇത്തവണ ഓക്സ്ഫോർഡിലാണെന്നു മാത്രം.

മലാല തന്നെയാണ് ഓക്സ്ഫോർഡിലെ ആദ്യക്ലാസിനെക്കുറിച്ച് ട്വീറ്റ് ചെയ്തത്. ഓ​ക്സ്ഫോ​ർ​ഡ് യൂ​ണി​വേ​ഴ്സി​റ്റി​യി​ൽ നി​ന്നും ഫി​ലോ​സ​ഫി, പൊ​ളി​റ്റി​ക്സ്, ഇക്ക​ണോ​മി​ക്സ് എ​ന്നീ വി​ഷ​യ​ങ്ങ​ളാ​ണ് നൊ​ബേ​ൽ പു​ര​സ്ക്കാ​ര ജേ​താ​വു​കൂ​ടി​യാ​യ മ​ലാ​ല യൂ​സ​ഫ്സാ​യി പ​ഠി​ക്കു​ന്ന​ത്.

ത​ന്‍റെ പാ​ഠപു​സ്ത​ക​ങ്ങ​ളു​ടെ ചി​ത്ര​ങ്ങ​ൾ ട്വി​റ്റ​റി​ൽ പ​ങ്കു​വെ​ച്ച മ​ലാ​ല എ​ഴു​തി: "പെ​ണ്‍​കു​ട്ടി​ക​ളു​ടെ വി​ദ്യാ​ഭ്യാ​സ​ത്തി​നാ​യി സം​സാ​രി​ച്ച എനി​ക്ക് അഞ്ചു വ​ർ​ഷം മു​ന്പ് വെ​ടി​യു​ണ്ട​ക​ൾ ഏ​റ്റു​വാ​ങ്ങേ​ണ്ടി വ​ന്നു. ഇ​ന്ന് ഞാ​ൻ ഒാ​ക്സ്ഫോ​ർ​ഡി​ലെ എ​ന്‍റെ ആ​ദ്യ​ത്തെ ക്ലാ​സി​ൽ പ​ങ്കെ​ടു​ത്തു​'.




പ​ന്ത്ര​ണ്ട് മ​ണി​ക്കൂ​റി​നു​ള്ളി​ൽ 6.4 ല​ക്ഷ​ത്തി​ല​ധി​ക​മാ​ളു​ക​ളാ​ണ് മ​ലാ​ല​യു​ടെ പോ​സ്റ്റ് ലൈ​ക്ക് ചെ​യ്ത​ത്. നിരവധിപ്പേർ മലാലയ്ക്ക് ആശംകളുമായെത്തി.