ചിലന്തിയെ കൊല്ലാൻ കിടക്കയ്ക്ക് തീയിട്ടു; പിന്നെ സംഭവിച്ചത്...
എ​ലി​യെ പേ​ടി​ച്ച് ഇ​ല്ലം ചു​ട്ടു​ക എ​ന്ന പ​ഴ​മൊ​ഴി​യെ അ​നു​സ്മ​രി​പ്പി​ക്കു​ന്ന വി​ധ​മു​ള്ള സം​ഭ​വ​മാ​ണ് ക​ഴി​ഞ്ഞ ദി​വ​സം കാ​ലി​ഫോ​ർ​ണി​യ​യി​ലെ റെ​ഡ്ഡിം​ഗി​ൽ ന​ട​ന്ന​ത്. കാ​ര​ണം അ​പ്പാ​ർ​ട്ട്മെ​ന്‍റി​നു​ള്ളി​ലെ മു​റി​യി​ലെ ക​ട്ടി​ലി​നു മു​ക​ളി​ൽ ക​ണ്ടെ​ത്തി​യ ചി​ല​ന്തി​യെ കൊ​ല്ലാ​ൻ താ​മ​സ​ക്കാ​രി​ലൊ​രാ​ൾ ക​ണ്ടെ​ത്തി​യ ഉ​പാ​യം ക​ട്ടി​ലി​ലെ തു​ണി ക​ത്തി​ക്കു​ക​യെ​ന്ന​താ​യി​രു​ന്നു. തു​ട​ർ​ന്ന് തീ ​നി​യ​ന്ത്രി​ക്കാ​ൻ സാ​ധി​ക്കാ​ത്ത വി​ധം മു​റി​യ്ക്കു​ള്ളി​ലേ​ക്ക് പ​ടർന്നതോടെ ഫ​യ​ർ​ഫോ​ഴ്സ് എ​ത്തി​യാ​ണ് തീ ​നി​യ​ന്ത്ര​ണ​വി​ധേ​യ​മാ​ക്കി​യ​ത്. അതേസമയം, ചി​ല​ന്തി ര​ക്ഷ​പ്പെ​ട്ടോ അ​ഗ്നി​ക്കി​ര​യാ​യോ എ​ന്നോ വ്യ​ക്ത​മ​ല്ല.

മു​റി​ക്കു​ള്ളി​ൽ പ​ട​ർ​ന്ന തീ ​അ​ണ​യ്ക്കാ​ൻ താ​മ​സ​ക്കാ​ർ ശ്ര​മി​ച്ചെ​ങ്കി​ലും പ​രാ​ജ​യ​മാ​യി​രു​ന്നു ഫ​ലം. തു​ട​ർ​ന്ന് ഫ​യ​ർ​ഫോ​ഴ്സി​ൽ വിവരമറിയിക്കുകയായിരുന്നു. തീ​പി​ടു​ത്ത​ത്തി​ൽ 11,000 ഡോ​ള​റി​ന്‍റെ നാ​ശ​ന​ഷ്ടം സം​ഭ​വി​ച്ചി​ട്ടു​ണ്ട്. അ​പ്പാ​ർ​ട്ടു​മെ​ന്‍റി​നു​ള്ളി​ൽ നി​ന്നും ക​ണ്ടെ​ത്തി​യ​ത് വ​ലി​യ ചി​ല​ന്തി​യാ​യി​രു​ന്നു​വെ​ന്നാ​ണ് താ​മ​സ​ക്കാ​രി​ലൊ​രാ​ൾ പ​റ​യു​ന്ന​ത് എ​ന്നാ​ൽ അ​തി​നെ കൊ​ല്ലാ​ൻ തീ ​കൊ​ളു​ത്തി​യ​ത് അ​പ്പാ​ർ​ട്ട്മെ​ന്‍റ് മു​ഴു​വ​ൻ അ​ഗ്നി​ക്കി​ര​യാ​കു​വാ​ൻ കാ​ര​ണ​മാ​കു​മാ​യി​രു​ന്നു​വെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. ഈ ​തീ​പി​ടു​ത്ത​ത്തെ പ​റ്റി അ​ന്വേ​ഷി​ച്ചു വ​രി​ക​യാ​ണെ​ന്ന് റെ​ഡ്ഡിം​ഗ് അഗ്നിശമനസേനാ മേധാവി അ​റി​യി​ച്ചു.