പുതിയ ഭാര്യ, പുതിയ വീട്, പുതിയ ബൈക്ക്; ആ ​വി​ലാ​പയാ​ത്ര​യ്ക്കു ശേ​ഷം മാഞ്ജിയുടെ ജീവിതം ആകെ മാറി
പു​തു​പു​ത്ത​ൻ ബൈ​ക്ക് കി​ട്ടി, പ​ക്ഷേ ഒാ​ടി​ക്കാ​ൻ അ​റി​യി​ല്ല... ആം​ബു​ല​ൻ​സി​ന് വാ​ട​ക കൊ​ടു​ക്കാ​ൻ പ​ണ​മി​ല്ലാ​ത്ത​തി​നെ​ത്തു​ട​ർ​ന്ന് ഭാ​ര്യ​യു​ടെ മൃ​ത​ദേ​ഹം പ​ത്തു​കി​ലോ​മീ​റ്റ​ർ ചു​മ​ന്ന ദെ​ന മാ​ഞ്ജി​യു​ടെ അ​വ​സ്ഥ ഇ​പ്പോ​ൾ ഇ​ങ്ങ​നെ​യാ​ണ്. ഒ​ഡീ​ഷ​യി​ലെ ദ​രി​ദ്ര​നാ​യ ആ​ദി​വാ​സി യു​വാ​വി​ന് ഇ​പ്പോ​ൾ ന​ല്ലൊ​രു ഭ​വ​നം, പുതിയ ഭാ​ര്യ, ദേ ​ഇ​പ്പോ​ൾ മോ​ട്ടോ​ർ​സൈ​ക്കി​ൾ. ആ ​ഒ​രൊ​റ്റ ന​ട​പ്പു​കൊ​ണ്ട് മാഞ്​ജി​യു​ടെ ജീ​വി​തം മാ​റി​മ​റി​ഞ്ഞ​ത് ഇ​ങ്ങ​നെ​യാ​ണ്.

ക​ഴി​ഞ്ഞ ദി​വ​സം ക​ള​ഹാ​ന്ദി ജി​ല്ല​യി​ലെ ഹോ​ണ്ടാ ഷോ​റൂ​മി​ൽ​നി​ന്ന് ബൈ​ക്ക് വാ​ങ്ങി​യ ചി​ത്ര​ങ്ങ​ൾ ഇ​പ്പോ​ൾ പു​റ​ത്തു​വ​ന്നി​രി​ക്കു​ന്നു. ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നെ​ത്തി​യ സ​ഹാ​യ​ങ്ങ​ൾ​കൊ​ണ്ടാ​ണ് മാ​ഞ്ജി ത​ന്‍റെ ജീ​വി​തം ഇ​പ്പോ​ൾ മു​ന്നോ​ട്ടു​കൊ​ണ്ടു​പോ​കു​ന്ന​ത്. ജീ​വി​ത​ത്തി​ന്‍റെ പു​തി​യൊ​ര​ധ്യാ​യം തു​റ​ന്ന​തും അ​ങ്ങ​നെ​ത​ന്നെ.

ക​ഴി​ഞ്ഞ വ​ർ​ഷം ഓ​ഗ​സ്റ്റി​ലാ​യി​രു​ന്നു മാഞ്ജി​യു​ടെ ജീ​വി​തം മാ​റ്റി​മ​റി​ച്ച സം​ഭ​വം. ജി​ല്ലാ ആ​ശു​പ​ത്രി​യി​ൽ​വ​ച്ച് ക്ഷ​യ​രോ​ഗ​ത്തേ​ത്തു​ട​ർ​ന്നാ​ണ് മാ​ഞ്ജി​യു​ടെ ഭാ​ര്യ അ​മാം​ഗ് ദേ​വി മ​രി​ച്ച​ത്. മൃ​ത​ദേ​ഹം നാ​ട്ടി​ലെ​ത്തി​ക്കാ​ൻ പ​ണ​മി​ല്ലാ​ത്ത​തി​നെ​ത്തു​ട​ർ​ന്ന് മാഞ്ജി തോ​ളി​ൽ ചു​മ​ക്കു​ക​യാ​യി​രു​ന്നു. അ​യാ​ളെ മ​ക​ളും അ​നു​ഗ​മി​ച്ചി​രു​ന്നു. ആ​ദി​വാ​സി ദ​രി​ദ്ര ജീ​വി​ത​ങ്ങ​ളു​ടെ നേ​ർ​സാ​ക്ഷ്യ​മാ​ണ് ആ ​പ​ത്തു കി​ലോ​മീ​റ്റ​ർ കാ​ൽ​ന​ട യാ​ത്ര​യി​ലൂ​ടെ മാഞ്ജി രാ​ജ്യ​ത്തി​നു കാ​ണി​ച്ചു കൊ​ടു​ത്ത​ത്. ഇ​വ​രു​ടെ ചി​ത്ര​ങ്ങ​ളും വാ​ർ​ത്ത​യും മാ​ധ്യ​മ​ങ്ങ​ളി​ലൂ​ടെ പു​റം​ലോ​ക​മ​റി​ഞ്ഞ​തോ​ടെ സ​ഹാ​യ​ഹ​സ്ത​വു​മാ​യി നി​ര​വ​ധി​യാ​ളു​ക​ൾ രം​ഗ​ത്തെ​ത്തി. അ​തി​ൽ ബ​ഹ​റി​ൻ പ്ര​ധാ​ന​മ​ന്ത്രി​വ​രെ ഉ​ൾ​പ്പെ​ട്ടി​രു​ന്നു.




ബ​ഹ​റി​ൻ പ്ര​ധാ​ന​മ​ന്ത്രി ഖ​ലീ​ഫ ബി​ൻ സ​ൽ​മാ​ൻ അ​ൽ ഖ​ലീ​ഫ ഒ​ന്പ​തു ല​ക്ഷം രൂ​പ​യാ​ണ് ന​ല്കി​യ​ത്. മ​റ്റു വ​ഴി​ക​ളി​ൽ​നി​ന്നെ​ത്തി​യ സ​ഹാ​യം വേ​റെ... ബാ​ങ്ക് അ​ക്കൗ​ണ്ടു​പോ​ലും ഇ​ല്ലാ​തി​രു​ന്ന മാഞ്ജിക്ക് ഇ​പ്പോ​ൾ ല​ക്ഷ​ങ്ങ​ളു​ടെ സ്ഥി​ര​നി​ക്ഷേ​പ​മു​ണ്ട്.

മൂ​ന്നു പെ​ൺ​മ​ക്ക​ളു​ടെ​യും വി​ദ്യാ​ഭ്യാ​സം ഭുവ​നേ​ശ്വ​റി​ലു​ള്ള വി​ദ്യാ​ഭ്യാ​സ​സ്ഥാ​പ​നം ഏ​റ്റെ​ടു​ത്തു. ഇ​തി​നൊ​ക്കെശേ​ഷ​മാ​ണ് മാഞ്ജി വീ​ണ്ടും വി​വാ​ഹം ക​ഴി​ക്കു​ന്ന​ത്. പു​തി​യ ഭാ​ര്യ അ​ലാ​മ​തി ദേ​വി ഇ​പ്പോ​ൾ ഗ​ർ​ഭി​ണി​യാ​ണ്. പ്ര​ധാ​ന​മ​ന്ത്രി ഗ്രാ​മീ​ൺ ആ​വാ​സ് യോ​ജ​ന പ്ര​കാ​ര​മു​ള്ള വീ​ടി​ന്‍റെ നി​ർ​മാ​ണം പു​രോ​ഗ​മി​ക്കു​ന്നു.

ജീ​വി​ത സാ​ഹ​ച​ര്യ​ങ്ങ​ൾ മാ​റി​യ​തോ​ടെ​യാ​ണ് ത​നി​ക്കൊ​രു വാ​ഹ​നം വേ​ണ​മെ​ന്ന ആ​ഗ്ര​ഹം മാഞ്ജിക്കു​ദി​ച്ച​ത്. ഒ​ടു​വി​ൽ ഒ​രു ഹോ​ണ്ട ബൈ​ക്ക് സ്വ​ന്ത​മാ​ക്കു​ക​യും ചെ​യ്തു. എ​ന്നാ​ൽ, ഒ​രു കു​ഴ​പ്പം... വാ​ഹ​നം ഒാ​ടി​ക്കാ​ന​റി​യി​ല്ല. ബ​ന്ധു​വി​ന്‍റെ പി​ന്നി​ലി​രു​ന്നാ​ണ് മാഞ്ജി പു​തി​യ ബൈ​ക്കു​മാ​യി വീ​ട്ടി​ലേ​ക്കു മ​ട​ങ്ങി​യ​ത്.