കാമറയ്ക്കു മുന്നിലും പിന്നിലുമായി നാൽപ്പതോളം പുതുമുഖങ്ങൾ അണിനിരന്നിരിക്കുന്ന തേരോട്ടം എന്ന ചിത്രം വ്യാഴാഴ്ച തീയറ്ററുകളിലെത്തും. നവാഗതനായ പ്രദീഷ് ഉണ്ണികൃഷ്ണനാണ് ചിത്രം സംവിധാനം ചെയ്യുന്നത്. യദുകൃഷ്ണൻ കഥയും സംഭാഷണവും ശെൽവനാരായണൻ ഛായാഗ്രഹണവും ചിത്രസംയോജനവും നിർവഹിക്കുന്നു. പ്രദീഷ്, സുഭാഷ് എന്നിവരുടെ വരികൾക്ക് ലത്തീഫ് മുല്ലശേരി, സുഭാഷ്-ജെറിൻ-സ്പിന്നി (സൗത്ത് സൈഡ് 13) എന്നിവർ സംഗീതം നൽകിയിരിക്കുന്നു. ശ്രീ ചിത്തിര മീഡിയയുടെ ബാനറിൽ സഞ്ജീവ് ജനാർദനൻ ആണ് തേരോട്ടം നിർമിക്കുന്നത്.
പുതുമുഖങ്ങളായ മുഹമ്മദ് അസർ, ആന്റണി ഫ്രാൻസിസ്, റോണി ജോസഫ്, ജയസ് റെജി, ഹരിലാൽ, ഐശ്വര്യ പ്രശാന്ത്, ലീന ജോസഫ്, വിനീത, ജയലക്ഷ്മി എന്നിവരാണ് മുഖ്യകഥാപാത്രങ്ങളെ അവതരിപ്പിക്കുന്നത്.
കോമഡിക്കും സംഗീതത്തിനും സാഹസികതയ്ക്കും ആക്ഷനും ഒരുപോലെ പ്രാധാന്യം നൽകിയാണ് തേരോട്ടം ഒരുക്കിയിരിക്കുന്നത്. കട്ടപ്പന,വാഗമണ്, കായംകുളം,ആലപ്പുഴ,ചങ്ങനാശേരി എന്നിവിടങ്ങളിലായി സിനിമയുടെ ചിത്രീകരണം പൂർത്തിയായി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.