Cinema
അ​തി​ര​ൻ മ​ന​സി​ൽ തൊ​ടും..!
Saturday, April 13, 2019 9:56 AM IST
തു​ട​ങ്ങു​ക​യേ വേ​ണ്ടൂ ആ ​ക​ഥ​യ്ക്കു​ള്ളി​ലേ​ക്ക് അ​ക​പ്പെ​ടാ​ൻ. പി​ന്നെ അ​വ​ര​വ​രു​ടെ ലോകത്തേക്ക് തിരിച്ചെത്താൻ കു​റ​ച്ച​ധി​കം സ​മ​യം പി​ടി​ക്കും. അ​തി​രു​ക​ളെ കീ​റി​മു​റി​ച്ച് മ​ന​സി​ലേ​ക്ക് പാ​ഞ്ഞ​ടു​ക്കു​ക​യാ​ണ് ഫഹദ് ഫാസിലിന്‍റെ "അ​തി​ര​ൻ'.

വിവേക് എന്ന നവാഗത സംവിധായകനെ വി​ദേ​ശ സി​നി​മ​ക​ൾ ഒ​രു​പാ​ട് സ്വാ​ധീ​നി​ച്ചി​ട്ടി​ട്ടു​ണ്ടെ​ന്ന് ചിത്രത്തിലെ ഫ്രെ​യി​മു​ക​ൾ സാ​ക്ഷ്യം പ​റ​യു​ന്നു​ണ്ട്. പു​തു​മ​യാ​ർ​ന്ന ആ​വി​ഷ്ക​ര​ണം കൊണ്ട് സംവിധായകൻ ഓരോ പ്രേക്ഷകനെയും ഞെട്ടിച്ചിരിക്കുകയാണ്.

അതിരൻ ഒരിക്കലും ഒ​രു പു​തു​മു​ഖ സം​വി​ധാ​യ​ക​ന്‍റെ ചി​ത്ര​മ​ല്ല... മ​റി​ച്ച് സി​നി​മ​യെ സ്നേ​ഹി​ച്ച്, പ​ഠി​ച്ച്, സ്വ​പ്നം ക​ണ്ട് അ​തി​ൽ തന്‍റേ​താ​യ ലോ​കം സൃ​ഷ്ടി​ച്ച ഒ​രാ​ളു​ടെ സി​നി​മ​യാ​ണ്. അ​തു​കൊ​ണ്ടു ത​ന്നെ ഇ​തി​ലെ ഓ​രോ ക​ഥാ​പാ​ത്ര​ങ്ങ​ൾ​ക്കും ചി​ല​തൊ​ക്കെ പ്രേക്ഷകനോട് സം​വ​ദി​ക്കാ​നു​മു​ണ്ട്.



ഫ​ഹ​ദ് ഫാ​സി​ൽ, സാ​യി പ​ല്ല​വി, അ​തു​ൽ കു​ൽ​ക്ക​ർ​ണി എ​ന്നി​വ​ർ ചി​ത്ര​ത്തി​ൽ മ​ത്സ​രി​ച്ച് അ​ഭി​ന​യി​ക്കു​ന്പോ​ൾ ത്രിൽ ഉ​ണ്ടാ​വു​ക സ്വ​ഭാ​വി​കം. പ​ക്ഷേ, അ​തൊ​രു സൈ​ക്കോ ത​ല​ത്തി​ലേ​ക്ക് മാ​റ​ണ​മെ​ങ്കി​ൽ സം​വി​ധാ​യ​ക​ൻ ന​ന്നേ പ​ണി​യെ​ടു​ക്കേ​ണ്ടി വ​രും. വി​വേ​ക് ന​ന്നാ​യി പ​ണി​യെ​ടു​ത്തിട്ടുണ്ട്. അങ്ങനെയാണ് പ്രേക്ഷകർക്ക് അതിരില്ലാതെ സ്നേഹിക്കാൻ അതിരൻ പിറവിയെടുത്തത്.

ത​ണു​ത്ത അ​ന്ത​രീ​ക്ഷ​മു​ള്ള പ​ടു​കൂ​റ്റ​ൻ ബം​ഗ്ലാ​വി​ലേ​ക്ക് ഒ​രു ഡോ​ക്ട​ർ വ​രു​ന്നു. മ​ന​സി​ന്‍റെ പി​ടി​വി​ട്ട് പോ​യ ഒ​രു​കൂ​ട്ടം മ​ന​സു​ക​ൾ അ​വി​ടെ​യു​ണ്ട്. അ​വ​ർ​ക്കി​ട​യി​ലേ​ക്ക് എ​ന്തൊ​ക്കെ​യോ ക​ണ്ടെ​ത്താ​ൻ വ്യ​ഗ്ര​ത പൂ​ണ്ടാ​ണ് അ​യാ​ൾ വരുന്നത്. നി​ഗൂ​ഡ​ത​ക​ളെ കണ്ണുകളിൽ ഒളിപ്പിച്ചുള്ള ഫഹദ് ഫാസിലിന്‍റെ ഓരോ ചലനങ്ങളും പ്രേ​ക്ഷ​ക​നെ​ അ​ന്പ​രപ്പി​ച്ചുകൊ​ണ്ടേ​യി​രി​ക്കും.



നായകനൊപ്പം ചേർന്നു നിൽക്കുന്ന പശ്ചാത്തലസംഗീതവും ചിത്രത്തിന്‍റെ മുതൽക്കൂട്ടാണ്. എ​ന്തൊ​ക്കെ​യോ ഒ​ളി​ഞ്ഞി​രി​ക്കു​ന്നു​ണ്ടെ​ന്നു​ള്ള തോ​ന്ന​ൽ കൂ​ടിക്കൂടി വ​ന്നുകൊ​ണ്ടേ​യി​രു​ന്നു. അ​ത്ത​ര​ത്തി​ലാ​യി​രു​ന്നു പ​ശ്ചാ​ത്ത​ല സം​ഗീ​ത​ത്തി​ന്‍റെ പോ​ക്ക്. ഡോ.​ബെ​ഞ്ച​മി​നാ​യി എ​ത്തി അ​തു​ൽ കു​ൽ​ക്ക​ർ​ണി നാ​യ​ക​ന് ന​ല്ലൊ​രു എ​തി​രാ​ളി​യാ​യി മാ​റി​യ​തോ​ടെ നി​ഗൂ​ഡ​ത​യ്ക്ക് തീ​വ്ര​ത​യേ​റി.

ബം​ഗ്ലാ​വി​ലെ ഓ​രോ​രു​ത്ത​രി​ലും ഓ​രോ ക​ഥ ഉ​റ​ങ്ങിക്കിട​പ്പു​ണ്ട്. ഒ​ന്ന് ഉ​ണ​ർ​ത്തി​യാ​ൽ വ​ലി​യൊ​രു അ​ല​ർ​ച്ച​യോ​ടെ ആ ​ക​ഥ​ക​ൾ അ​ത്ര​യും ​ബം​ഗ്ലാ​വി​നു ചു​റ്റും ചീ​റിപ്പായും. ഓ​ട്ടി​സം രോ​ഗ​ബാ​ധി​ത​യാ​യ നി​ത്യ​യി​ലും (​സാ​യി പ​ല്ല​വി) ആ​രാ​ലും മാ​യ്ക്കാ​ൻ പ​റ്റാ​ത്തൊ​രു ക​ഥ ഉ​റ​ങ്ങിക്കിട​പ്പു​ണ്ട്. ആ ​ക​ഥ​യെ വ​ലി​ച്ചു പു​റ​ത്തേ​ക്കി​ടാ​നു​ള്ള ശ്ര​മ​മാ​ണ് സി​നി​മ​യെ ത്രി​ല്ലിം​ഗ് മൂ​ഡി​ലേ​ക്ക് കൊണ്ടുവരുന്നത്.



അ​ധി​ക സം​ഭാ​ഷ​ണ​ങ്ങ​ളി​ല്ലാ​തെ ത​ന്‍റെ ച​ല​ന​ങ്ങ​ൾ കൊ​ണ്ട് പ്രേ​ക്ഷ​കപ്രീ​തി നേ​ടു​ക​യാ​ണ് സാ​യി പ​ല്ല​വി. ക​ള​രിപ്പയ​റ്റും അ​ഭ്യാ​സമു​റ​ക​ളു​മെ​ല്ലാം മെ​യ്‌വ​ഴ​ക്ക​ത്തോ​ടെ ചെ​യ്ത്, നൃത്തം മാ​ത്ര​മ​ല്ല ത​നി​ക്ക് വ​ഴ​ങ്ങുകയെന്ന് സായി തെ​ളി​യി​ച്ചി​രി​ക്കു​ക​യാ​ണ്. ഫ​ഹ​ദി​നൊ​പ്പം നി​ൽ​ക്കു​ന്ന പ്ര​ക​ട​ന​മാ​ണ് സാ​യി ചി​ത്ര​ത്തി​ൽ ഉ​ട​നീ​ളം കാ​ഴ്ച​വച്ചി​രി​ക്കു​ന്ന​ത്.

ആ​ദ്യപ​കു​തി നി​ഗൂ​ഡ​ത​ക​ൾ നി​റ​ച്ചുകൊ​ണ്ടു​ള്ള യാ​ത്ര​യാ​ണ് പ്രേ​ക്ഷ​ക​ന് സ​മ്മാ​നി​ക്കു​ന്ന​തെ​ങ്കി​ൽ ര​ണ്ടാം പ​കു​തി​യി​ലേ​ക്ക് ക​ട​ക്കു​ന്ന​തോ​ടെ ക​ഥ​യു​ടെ ചു​രു​ൾ അ​ഴി​ഞ്ഞുതു​ട​ങ്ങും. അ​തോ​ടെ അ​ടു​ത്ത​ത് എ​ന്തെ​ന്നു​ള്ള ആ​കാം​ക്ഷ പ്രേ​ക്ഷ​ക​രു​ടെ ഉള്ളിൽ നിറയും. ത്രി​ല്ല​ർ മൂ​ഡി​നൊ​ത്ത് ജി​ബ്രാ​ൻ പ​ശ്ചാ​ത്ത​ല സം​ഗീ​ത​മൊ​രു​ക്കി​യ​പ്പോ​ൾ ന​ല്ല കി​ടു​ക്ക​ൻ ഫ്രെ​യി​മു​ക​ളൊ​രു​ക്കി അ​നു മു​ത്തേ​ട​ൻ അ​തി​ര​ന്‍റെ ശോ​ഭ കൂ​ട്ടു​ന്നു​ണ്ട്.



ക​ള​രിപ്പയ​റ്റ് ക​യ​റിവ​രു​ന്ന രം​ഗ​ങ്ങ​ളും ബം​ഗ്ലാ​വി​ന്‍റെ ആ​കാ​ശക്കാഴ്ച​ക​ളും രാ​ത്രി​യു​ടെ വ​ശ്യ​ത​യു​മെ​ല്ലാം ന​ല്ല​രീ​തി​യി​ൽ ഒ​പ്പി​യെ​ടു​ക്കാ​ൻ ഛായാഗ്രാഹകന് സാ​ധി​ച്ചി​ട്ടു​ണ്ട്. ക്ലൈ​മാ​ക്സി​നോ​ട് അ​ടു​ക്കു​ന്പോ​ൾ ഉ​ദ്വേ​ഗ​ജ​ന​ക​മാ​യ രം​ഗ​ങ്ങ​ളു​ടെ ക​ട​ന്നു ക​യ​റ്റം ചി​ത്ര​ത്തി​ന്‍റെ ബാ​ല​ൻ​സിം​ഗ് തെ​റ്റാ​തെ മു​ന്നോ​ട്ടു പോ​കാ​ൻ ഏ​റെ സ​ഹാ​യി​ച്ചി​ട്ടു​ണ്ട്.

എ​ന്തും സം​ഭ​വി​ക്കാ​വു​ന്ന അ​വ​സ്ഥ​യി​ൽ നി​ന്നും പ്രേ​ക്ഷ​ക​ർ പ്ര​തീ​ക്ഷി​ക്കാ​ത്ത ഇ​ട​ത്തേ​ക്ക് ക​ഥ​യെ സം​വി​ധാ​യ​ക​ൻ കൂ​ട്ടി​ക്കൊ​ണ്ടു പോ​കു​ന്ന​തോ​ടെ എ​ല്ലാ നി​ഗൂ​ഡ​ത​ക​ൾ​ക്കും അ​റു​തി​യാ​വു​ക​യാ​ണ്. ത്രി​ല്ല​ടി​ക്കാ​ൻ റെ​ഡി​യാ​ണെ​ങ്കി​ൽ ഒ​ന്നും നോ​ക്ക​ണ്ട അ​തി​ര​ന് ടി​ക്ക​റ്റെ​ടു​ത്തോ... നി​ങ്ങ​ൾ ഒ​രി​ക്ക​ലും നി​രാ​ശ​രാ​കി​ല്ല.

ഫ​ഹ​ദ് തെ​ളി​ഞ്ഞുകൊ​ണ്ടേ​യി​രി​ക്കു​ക​യാ​ണ്... പി​ടി​ച്ചാ​ൽ കി​ട്ടാ​ത്ത​ത്ര ദൂ​ര​ത്തേ​ക്ക് ഫ​ഹ​ദി​ലെ നടൻ പാ​റി​പ്പ​റ​ക്കു​ക​യാ​ണ്. മ​ല​യാ​ളി​ക​ൾ​ക്ക് പ്ര​തീ​ക്ഷ​വ​യ്ക്കാ​വു​ന്ന സം​വി​ധാ​യ​ക​രു​ടെ നി​ര​യി​ലേ​ക്ക് ത​ന്‍റെ ആ​ദ്യ സി​നി​മ​യി​ലൂ​ടെ വി​വേ​ക് നടന്നു കയറിയിരിക്കുകയാണ്.

വി.​ശ്രീ​കാ​ന്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.



Copyright @ 2022 , Rashtra Deepika Ltd.